|
|
|
 Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
قال الحردلو
الوادي أبْ حراد حَزَرَنُّو بي حَيَوان
وفوق الدّبَّة قرَّاضْ شُوف شَرِيفِنْ بَان
المعزة المراتِعْهِنْ سهول وقْنَانْ
ما انجَبَدَنْ تَناييهِنْ سَدَادْ في سْنَانْ
وكْتِ ادّرْدَقَنْ بي مَطْبَق الوِدْيانْ
كلبي الشّارعُو فيهِنْ جاء مُنْقَلِبْ هَقْلانْ
اِتْحَيّرْ قَعَدْ ساكِت بِقيتْ مَحْنَانْ
يَكْتِبْ لي لِمَاهِنْ ربَّنا المنَانْ
تيسنْ جاء من الرّحِيحْ ضَبْلان
من قَفَرْ بلداً بعيد قَسْيَان
أب سَعَنه الرشيد لِقْيَنّو خورو ملان
بِنْفَلَّتْ علي نعْنَاعو ليهو زمان
من الفَجْخَا هَبَرْ خلاّهِنْ
لامن دَوَّر أُمّات ميله وجاهِنْ
عند المَتْنَه في عاقباً جديد لمّاهِنْ
خَتَمَنْ بيله فوق قَلَع البَقَرْ دَلاَّهنْ
المعز البِجَازَنْ ديمَه فُوق في خَلاهِنْ
بالغات النُّصابْ أنصاري ما زكّاهِنْ
من وَدْ البصير جايب إذن بي غُنَاهِنْ
شُوفِنْ يا الزبير في لساني ديل مَحْلاهِنْ
من عَوَج الوَكِتْ ما يَتْرُكنْ وانْساهِنْ
فُوقْ حيا فُوقْ مَحَلْ دايمَاً بجرو غُنَاهِنْ
ناس اِبن الذريح ضربوا المثل بي جَنَاهِنْ
منْ كُل السّوام سيدي الحسن يَبْراهِنْ
قَطَعَنْ وَدْ دَعُولْ وادَّنْ قِليعُو قَفَاهِنْ
جَفَلَنْ مِنْ زَوَال شُوفاً بَعيد بَادَاهِنْ
مَلْزوم بي مَرَاتِعْهِنْ وخِبْرَةْ مَاهِنْ
وِصْلَنُّو المَصَبْ واِتْوَكََّرَنْ في ضَرَاهِنْ.
.............................................
تحياتي...
حاتم هاشم.
| |
 
|
|
|
|
|
|
|
 Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
الشديرات عمرانة الليله باقي ود البشير وعد الناس انو اقول ليهم كلام ونضمي الشاعر الكبير العبادي في المك نمر والبطاحين والشكرية
أها آود البشير سو لنا النضمي السمح والليله جاينّك وكلنا اضنين لسماع الكلام البسر البال وعدل الحال يا ركازة البلد ....
اتنحنح ود البشير وجقم لو جقمة مويّ باردي من الجر الوسطاني ومصمص خشيمو بباقيها وتفلها في الرمله قدام هبابو
اها ناس قَبُل من نقول الشعر دحين بدور اديكم نبذة عن الشكرية والبطاحين ومن كان على رأسهم في ايام المك نمر
في التبادي الشكرية وهي طبعن قبيلي معروفة ومنشرّه في البطانة وقبيلة كبيرة ... كان على رأسها مُحمد ودكين المك نمر ماخد بتو ( شما ) والد منها فرسان وبنونة.. وفارس قبلية الشكرية كان حمد ودكين أخو مُحمد وكان فارسن ما بتصاقع
وقبيلة البطاحين كان على رأسها حسين وعندو وليد اسمو طه ...من قام صغيرن يافع فارسن بساوي المية وبعد موت حسين خلفو علي القبيلة اخو عبدالله ابْ كبس وعبدالله كان عندو بنية قامت قايته الوراها والقدامها في الجمال.. ويوم مولدها وكان ذلك في حياة حسين ابو طه قرو الفاتحة عليها ( حسين واخو عبدالله ) والبلد كلها تعرف ريا مخطوبة لطه وهي في اللفة... مرت الأيام وتوفى عبدالله اب كبس وعقبو في خلافة القبيلة طه ...
كانت حياة الناس في تلك الايام يومن دعاس ويومن محنة ... حروب يعقبها صلح وفي اتفه الاسباب مرات تكون فوق عناق ومرات في لا شئ بس اشتهو الحرب ويعلبوها بس الدم عمرو مابقى موية هم اهل وبطنن واحدة
أها في يوم من الأيام كان طه مع بت اعمو في الخلا بفوق للحلّة وفي الضهرية غمد تحت سيالة ضليلة وتوسد ايدي ورقد ... فوق رقدتو دي حلم بي حلمّن تورو مفزوع ومخلوع من نومو .. وكانت ريا بت أعمو في الشدرة القُبالو تر لها في مغزال صوف ... أها لمن صحى ولقى بت أعمو قدامو حب يثبت ليها رجالتو
قام قال ليها :
أخوك ياريا أخوك
ساعة السيوف إدبكّن
أخوك يا السمحه أخوك
وكت الرماح إشبكّن
أخوك جبل الثبات
وكت القواسي يحبكّن
كم بكيت ...
وكم قشيت دموع الببكّن
ريا أنشغلت علي بالحيل قامت قالت لو :
وراك أسود علي
مانمته هسع طيب
رد ليها طه وقال :
هي قولي بسم الله
أخوك طيب وشديد
وحاضر قلبي ماهو مغيب
إلا الشفتو في النوم
من هوايلو إشيب
الزول في الصُحا
مكتوب عليهو شقاهّو
وأن غمد شوية
تجي الهموم لاحقاهّو
الخوف ابْ لبوس
أنا مابخاف لقياهّو
يا ريت الفي الحِلم
في صُحايا كان بلقاهّو
كان خير ولا شر
برجاهّو مابهم بالي
وحارسني الثبات
من الكبار قُبالي
وكت هسه حسيت
وشفتّك سالمة قاعدة قُبالي
كان إتلخبت الكون
ماني مبالي
قامت ريا قالت لي :
كعب نوم الضْحى
أمس العْصير كت نايمة
جيت قْدام فريقنا
أشوف لي صقورّن حايمّه
كبيرّن غار علي
من نومي تبيت قايمّه
صْحيت مهجومّه
لا فْي مفصل ولا فْي قايمّه
صفق طه ايدي فوق بعض مستغرب وقال ليها :
حتى إنتى رأيتي صقور
عبارة غريبة
علامتّن كافية
ظنيت الحكاية قريبة
هاك من الأكيد
الما بتدخلو الريبّه
هادي الحلّه
بعنيا بشوف تخريبّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
الخال ابؤاحمد...
انشاء الله المانع خير
طولت وماعويدك...
الحردلو يوصف في شبل معرووض للبيع
جلبوك للسوق ساكت درادر وضيعة
وأمك في الحريم ماها المره السميعة
نترة ناس أبوك اللرجال لويعـــة
وإت كان كبر جنباً تقلب البيعــة
جلبوك للسوق ساكت وللفراجة
وأمك في الحريم مرتاً بتقضي الحاجة
نترة ناس أبوك اللي العافيه مابتتعاجا
وإت كان كبر مابتنجلب لخواجة.
.............................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
نتابع
قام طه قال ليها:
نَحمُد ربنا يا ريا
مات عارضنّا
وكان عُمرو طال يا ريا
كان قارضنّا
إلحَقو بي عَجل
ليش همنّا المارضنّا
نبدأ زواجنّا بكره
ومنو البجي يعارضنّا
غلطان البعِيش في الدنيا
وأنسى غُناهّو
إن كان مالو راح
غير أهلو مين بفداهّو
سمح الفوق اساس ابواتّو
تمَّ بناهّو
وسمح الزول صبي
يَلْد وأربي جناهّو
مابنفرح بمال
ونقول كفانّا وريثنا
نفخر بالرجال
في الحاره ابقو ترسنّا
نجمع ناسنّا
هيلنّا من الكبار حارسنّا
إحضرو أهلنّا
فرحانين إباركو عرسنّا
كل بطحاني
يفرح بعرسنّا مناهّو
ساعة جمعتُم
بيتنّا بنتم بُناهّو
عذاب عيش العذب
يا ريا مر ضقناهّو
وسمح الزول صبي
يَلْد ويربي جناهّو
كلاك طه دا تب ما عجبا لانو أبوها من ما مات ما تمَّ السنة وكانت العاعدة الحَداد علي الميت كتر من سنة واقلها سنة
قامت قالت ليهو ::
دا اللعوج ترا
والشين نهاية حدّو
وأن شاع دا الخبر
بملى الفَريق لاَحدّو
إقول لو أبْ كبس
من دخل ود أحدّو
فرحو وعرسّو
لاَ موجِعن لاَ حدّو
إن كان في الفريق
ماتت مريّه زليلّه
للحول .. يرفعوا العرس
الكانت دُخلتو الليله
خليهو ابْ كبس
راس الرجال ودليلّه
كان بي قبيلة
تعدوا تبقى قبيلة
خلي الكلام
وعرفنّا في دا الحال
من بالك أمرْقو
محال وألف محال
علي ميتت ابويا
لي الليلة حوول ماحال
نصبح بكره ونسّه
ونشوف بشاتّن حال
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
فلسطين
..........
الرائع...عكير الدامر
.........................
شعلوها اليهود سالت سبب تحريكه
اصلها نابعه من بير الفساده امريكا
بريطانيا الد نيه البد ري نازله شريكه
فرحت لي الحرب عجب الزمان يد ر يك
اتحدوا العرب جعلوا الشهاده قياده
اظهروا عزة الاسلام وروح اسياده
على سيناء ام رمال الباقه ناره زياده
زحفوا عجاله دبابه وجنود وبياده
الملك الشريف بي رجالته وشرفه
اظهر عزة العربي المؤصل وعرفه
وقت هبشوا العرب زعله المخزن صرفه
بي طيارته قام اللوم بعيد من طرفه
جيش الاردن الجاب الحسين عصبيه
عسكر في الحدود ورسم خطوط حربيه
خطر الرجعه قافله مصر جيوش عربيه
سوريا بقت ورى اسرائيل من الغربيه
عسكروا في الحدود بنيان حجر مرصوص
على اسرائيل نوو وضمروا الهجوم مخصوص
قايلين وحدها بي وراها ما في لصوص
جيوش اثنين دول تنكث تقول السوس.
..........................................
تحياتي ...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
عكير الدامر
..............
وصف رحلته للحجاز
..................
نحمد ربنا انقطعت خيوط اللعبة
بقت النيه في البيت المسمى الكعبة
سواها اب عروض عيسى البحل الصعبه
رحمان فره القلب الملان بي الرعبه
صبح يوم السفر لاح الفجر واتبسم
ادينا الفريضه هوى البشاير نسم
العفش المسافر لي الحجاز اتوسم
الهم القبيل كاسينا بدا يتقسم
خرجنا من الصرايه الغردت اطيارها
بي شارع المعونه طلعنا بي السياره
الحضروا الكرامه وجونا بدري زياره
ما فاتونا لامن قامت الطياره.
........................................
نواصل
.
.
.تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
نواصل
وصف عكير الدامر
لرحلته للحجاز
ندهونا ودخلنا الجمرك اتفتشنا
ما لقوا حاجه لا في لباسنا لا في عفشنا
الطياره القامت وصوت لخمته دوشنا
حسن الحظ خدمنا ادونا شي نعنشنا
القايد بطل موصوف بكل شطاره
ما شفناه بينا وبينه نازله ستاره
خصانا الاله سفرتنا بيه اختاره
مده بسيطه جده الطيبه جينا مطاره
شبيه ابن الوليد عيسى الرفع رايتنا
بي التكس البيهجر نوره زان جيتنا
في المحجر نزلنا وفزنا بي غايتنا
عن يوسف عظيم العنصرين بيتنا
عصرا بدري لي مكه الكرمه قمنا
جيناها المغيرب وفيها ما تقول نمنا
طفنا البيت وفي الحرم المزخرف حمنا
حالة هيبه ياريت فيها عشنا ودم
القلعه الشريفه الربى عزه ملاها
بي نور الجلال الما بيزول جلاها
حمام البيت يدور بي الرحمه لي نزلاها
كرم الله جبريل الامين طلاها.
........................................
نواصل
.
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
نتابع مع البطاحين والشكرية
قام طه رد ليها وحبه يوريها انو ممكن أن يتزوجو قبل حول الحول على موت ابوها ... طبعاً كانت دواعي ذلك الحلم الذي شافوهو وكانها صقور تريد ان تختّف منه بنت عمه وحبه يعجل بالزواج حتى يقف حائل بين ذاك الحُلم .....
قال :
المُوت مُو شمت
غاية البحوم والببروا
والحد والحزن
ماجابوا زول من قبرو
الزول في الشدايد
أولّه يلزم صبرو
إترجا الكريم مولاهو
كسرو وجبرو
بنخاتر منو
الوجعّة هيلنا برانا
نحن أهل المصاب
والناس عزا مِجابرانا
في آخر المُراح
ديمة بتجي الفترانّه
عادة الحد ندوسّه
والناس عقب تبرانّا
برضو لم يرضيها كلام ابن عمها ورد قالت ليهو:
الناس بالمكارم
والشِعار تتباهى
وإمشي الزول فِطرتُو
حسب مرباهو
عادة جدو عاتّو
ونسْل أباهو نباهو
إلبس توب قبيلتو
إن دارو ولا أباهو
من الليلة....
حول مضي تاني إتكلم
الدايرو بيتم
رب العباد إن سلم
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
اللهم زورنا المصطفي (ص)
نواصل
.
.
وصف عكير الدامر
رحلته للحجاز
نعمة الجاها لي الحج بي ضميره مهاجر
قاصده الشوفه بي حياته متاجر
محراب السلام سور الامان الحاجر
تاريخ سيدنا ابراهيم وامنا هاجر
جيناك بي اشتياق مافيه بيعه وشروه
شوق لي زمزم البتشفي نشرب ونروه
الشوق لي الهروله الجيناها طابقين سروه
سنة ابو البتول بين الصفا والمروه
في مكة المكرمة فزنا بالدرناها
بي الاثنين صباحا بدري بارحناها
شعاير الحج ملازمين واجبها ومعناها
في منى غير فطور قهوة منى شربناها.
ونواصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
أها ريا حسمت الموقف وقال لي طه بترجاك أن تقفل الموضوع الآن وبعد سنة بكون مضى علي ميتت أبوي سنتين ممكن نتزوج
قام رد ليها طه وقال :
تاني أنا أمضي حوول
وأنا بالحًسار أتألم
علي حُكمك صعب
أنا قابلُو ما بِتظلم
لكن مشيتي للسنة
قاسية وصعيبه علي
قامت ريا قالت لي:
تمّ الإتفاق ...
من الكلام خلينّا
زي عادة البلد
لا زدنّا لا قلينّا
أن شاء الله السنة
بخيرها عايدّه علينا
ياطه البهم ...
قارب رجوع سراحّو
بنات وأولاد
هديلك ناس فريقنّا الراحو
نصحية سمعتها..
من الكبار الراحو
قالوا العربي
ما بتعزّه كان ما مراحو
( يعني العربي الماعندو مراح مو عزيز )
أها ريا ساقت بهمها وبقت ماشه علي الفريق وطه بقى يعاين ليها ويسترجع في الذي قالته
وأنشد قال :
آه ياريت السعادة
إن كان بقت إيديّه
كُنتَ أهش هني
في الدنيا بالذنديّه
علي حكموا ناس بالسيئة
وطلبوا الديّه...
أموت بالعطش ..
والمويه بين إيديّه
ريا عليا قاسية
وجايره في التفنين
آه يا ربي أرحم
صبري أمسى ضنين
إمحق دي السنة
ربي الحليم وحنين
وإخصم من حياتي
رضيت بعشرة سنين
كيف أنا أعيش
وصبري ولّى مودع
وسببي الرُخرُخ
القام من صغير متفدّع
جنيت وجني جنّه
وحالي أصلو مبدّع
أهج شقّيش أفج
فاضل لي تاني أجدع
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أها بقت ريا ماشه علي الفريق وقدامها مراحها من الغنم .. وعادة النساء في ذلك الزمن ما بمشن في نص الدرب ,,,, تلقى المرة ماسكة قُرب الحيط ( الحيطان ) وعينها في الواطه ما بترفعها ..
كانوا هناك عرب نازلين في طرف الفريق في شدرة شيال كبيرة ( نفس الحًلم زي الصقور ) وهي ماشه بقربهم قام واحد من العرب ناغمه ( اي كورك ليها )
وقال العربي :
بالضيفان تمُري
لا سلام لا كلام
صدقوا أهل المثل
توب العرب صُح لام
( ويعني ان المرأة دايمّن بتتلوم وما بتقوم بالواجب نحو الضيوف )
وقامت ردت ليهو ريا وقالت :
حبابكم عشره...
ومن دومن كشره وألف سلام
يا وجوه العرب
المتلي ما بتلام
أنا بت الرجال
أهل الدرق والسيف
أنا بت الما بهموا
بحساب الخريف والصيف
أنا بت البيحجو المرقوب (( اي الكاتلّو رقبه ))
وبكرمو الضيف
أنا ريا ....
كان شفتكّم أفوتكم كيف
قام العربي ما عجبوا فخر البنية دي وقام قال ليها:
منو إت في الأهل
كفاك فخُر يا بنية
(( اي ها بت ها بتفتخري فوقنا كدي بروحك انتي بت منو ؟؟؟ ))
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قامت ريا ردت لي وقالت :
أنا بت البيوت
المن بعيد معنيّه
بفوق للسما
نفوسنّا وبيوتنّا حنيّه
أنا بت ابْ كبس
في النسبه بطحانية
كان بين جمع العرب شيخ العرب الشكري حمد وددكين .. وكان سمع بريا بت اب كبس لكن ماشافها .. سمع أنها جميلة وكريمة وأخت رجال وكان يمني النفس برؤيتها بل تعدى ذلك رغم علمه بخُبتها لابن عمها ... وكان ينوي خُبتها وزواجها .. أها لمن هي قالت انا بت عبدالله أب كبس بعد مو كان راقد صنقر واتعدل وقال ليها :
آآ عبدالله أب كبس
عز البطانة وفخري
وفي وجوه العرب
بنعدا ماهو الوخري
كريم وهميم ....
كان للقبائل دخري
بت شيخ العرب
هيلك صحيح تفتخري
توقد نارو ديمّه
الما بكوس الجمرّه
في الضيفان إهوش
سكينو دايمّن حمرّه
بكاس ما عبر
لبنو بجيك بالعمرّه
هيلو الرئاسة
هيلو الامارة
هيلو الشكرّه
المرحوم أبوك
كان للقبيلة عطاها
عزّك قديم ..
عمّك حسين أبو طه
أن شاء الله يكون أخوك
دي السكّه ماتخطّاها
ريا لما شافت ود دكين شكر ابوها وعمها ولكن حب يقلل من ابن عمها وشانه .. حبت تدي كلمة نجيضه في ود عمها وقالت لي :
كان ما بسد مكانن
قدمو ليها ياطها (( اي ا دي مافي لزوم امشي فيها كان ماسدا مكان ابو وعمو )
لا يفوت ولا يموت
ساعة البيوت مغشيّه
تُقابت الفريق
يُوقد صباح وعشيّه
زايد في الرجال
طالق قفاي ووشيا
ضيوف الليل
يكفيهم مرارة وشيّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام شيخ العرب وددكين قال ليها :
ما دخلّت التراب
والبركه في الزُريّه
والخلاك ورا
ما بقولوا مات يا ريا
دايمّن في القبائل
سيرة أبوك مطريّه
بيهو وبي أخوهو
تزيد ودي المحريّه
قام العربي الشليق تاني نطّه وقال ليها
ما بتسألي ...
لا من وين
لا وين ترسو ؟؟؟
قامت ريا ردت لي وقالت :
كيف العربي يسأل ضيفو
كيفن تنسو
أول بكرمو...
وإخابرو ساعة اُنسو
من مقلب كلام
تعرف أبوهو وجنسو
قام العربي قال ليها وكان قصدوا يوريها انو المعاهم دا حمد وددكين الفارس المعروف
عملتي حسابو ضيفّك
وكرمو وجبتي
وأخجل كان سأل
وأسمي ماعرفتي
اسم شيخ العرب
سامعابو ما شفتي
دا خريف البطانه
الفيها مالو مُِشارك
هيلو السارحّه
هيلو الصاهلّه
هيلو البارّك
ما وقع لِك كلامي
ساكتّه لشنو أخبارك
فخرك وددكين
جاك في فريقّك زارّك
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قامت ريا ردت علي العربي وقالت لو :
مرحب حباب العزّو
ماهو الفايّة
اب نارّن تولّع
للضيوف دفايّه
بشيخ العرب...
الافتخار ما كفايّه
التابعو إن جانّا
نفخر بو ...
ونخدموا حفايّه
( يعني خلي شيخ العرب الراجل الكريم واصيل نحن التابع لي كان جانا بنفخر بي ونخدمو حفايّه )
كلام ريا كيّف شيخ العرب وددكين كيف شديد قام قال ليها :
بارك ربي فيك
عقلِك يدوم يا ريا
وكرمّك موهو كلفّه
دي طبعتّك فطريّه
إياك بت القبائل
والسمته فِيك محريّه
قديم قالوا
فوت البطاحين عزّه للشكريه
أها هم في حتتن دي جاء ود عمها ولقاهم نازلين في الشدر وطبعا والكلام دا ما ارضى واعتبره اهانة له كيف ينزلوا في الشدر وجنب حلتو
وطه وشيخ العرب بتعارفو طبعاً .. طه هو فارس البطاحين وشيخ العرب فارس الشكرية ومن قديم كانت الحروب بين القبلتين جمعتن كتير ببعض في المبارزة
قام طه قال لي :
سلام شيخ العرب
مرحب خريفنّا الزارنّا
مرحبتين حبابو
واتشرف بنبو ديارنّا
مرحبتين حبابو
البيهو كلِ مدارنّا
تنزلوا في الشدر
مالنّا ماتت نارنّا
قام شيخ العرب رد لي وقال
أهلاً بي طه ابضرس
الفي الصهيبة اب راس
الجود والكرم
هيلك قديم ميراث
نارّك مابتموت
باولدة الفراس
إلا قاصدين أم شديدة
ومعانّا عوجة راس
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: فيصل محمد خليل)
|
بسم الله الرحمن الرحيم
سلام ياهلنا..
نواصل مع عكير الدامر
في وصفه لرحلته للحجاز
اقبلنا ومسينا بعاد من الافات
ناس الحاجه لي كرم الضيوف واقفات
جبل حرا في عيونا ومنهن ما فات
وفي قلوبنا السفر صبحيه لي عرفات
لي عرفات صباحا بدري قمنا رحلنا
حمام الذنوب جيناها غاية املنا
جبل الرحمه فوقه طلعنا واتغسلنا
محمود الاله ولدونا دابنا نزلنا
قرينا دعا الخروج عند المغيب وخرجنا
في مزدلفه لي جمع الحجر عرجنا
صلينا العشا اتهنينا واتخارجنا
لي منى بي السرور الزايد اتدرجنا
الفجراتبسم هبينا لي الثمرات
اتوضيتا رايقين والعقول حاضرات
على الشيطان جميع كبرنا بي نترات.
ونواصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
قام طه قال لي
خاتياك العَوجه
يا الفي الكبس ترّاي
وراسك ما بدوش
مليان رجالّه وراي
باكر لام شديدة
بركب معاكَ براي
لكن يا شيخ العرب
تختّو كراي
( كراي دي لخمت شيخ العرب وما عرف ماذا يعني بها طه )
ورد له قائلاً
هدي الشورة يا طه
الغلبنا دليلّه
كل الابذلو
ألقاهو فيكَ قليلّه
قام طه قال لي :
كراي الدايرو
تبقوا ضيوفي انتو الليله
ترقدوا في الفريق
حتا أن عشانّا بليلّه
قام شيخ العرب قال لي :
مسكنّا الدرب
أسرع قوم ماتلعب
ودارك ديمه عامره
والسمح مابكعب
إكفينّا الوصف
لا شد جمل لا تركب
وهدّنا الطريق
عقب الوصول مابصعب
قام طه قال لي :
يمين تغشوا الفريق
ليه بتفوتوا
نحن مقابر
قام وددكين قال لي :
عامر إن شاء الله عامر
وياكا مس العابر
مشطوطين خلاس
مسكنّا في دريب جابر
بنخاف عوج الدرب
ومنو اللمقدر خابر
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
مواصله مع عكير الدمر
الفجراتبسم هبينا لي الثمرات
اتوضيتا رايقين والعقول حاضرات
على الشيطان جميع كبرنا بي نترات
وحكمناالهدف ساعة رمي الجمرات
بعد رجم اللعين لي مكة عدنا رجعنا
لي الكعبه الشريفه نطوف وننهي وجعنا
ادينا الافاضه وفي جواره رتعنا
بي باب الملك فخر الزمان ودعنا
حمدا لي الاله شطبنا كل حرام
تمينا الطواف بي كل خير ومرام
جينا المنزله اتشرفنا بي الاكرام
اكرم الله حجه وفكه الاحرام
غيرنا وحلقنا وتاني منى عدنا له
لي الجمرات نتمها نختم الجينا له
روح ما بتستريح ان نقصت الزاينا له
والعين خلقه ما بتشبع من الباينا له
خلصنا من الرجم والرجعه بقت اشغالنا
من ما قمنا لي العربات مرقنا عزالنا
قاصدين مكه قبلتنا البتصلح حالنا
فيها اجر صلاة الجمعه شاغل بالنا.
ونواصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
نواصل نع الشكرية والبطاحين
قام طه قال لي ودكين لامن قال ليه بنخاف عوج الدرب ومنو للمقدر خابر
قال لي :
الدريب جابر
مزم السكّه سالكّه ورايقّه
فرقان ما بتلاقيك
ما بتعوقّك عايقّه
أُخد خاترنّا
قالوا واصلّه السايقه
بتتراوح أم شديدة
باكر زواملك فايقه
قام شيخ العرب قال لي :
الزول إن وعد
شين كان معادو يخلفّو
وفي ربط اللسان
إتخابو دمّو يتلفّو
سفري الليله
زولين فيهو مابختلفّو
ضروري أصل أم شديدة
علي وعد بحلفّو
مابعرف أزاوغ
من نشيت تبيت
فريقّكم لي فريق
وبيتكّم يمين لي بيت
وهاك وعدّن نجيض
أرجانا بكرة مبيت
شوفتي للفريق
أيام بكى أبواتّك
موغابني حالك
سمعتّه بيك وحاتّك
فريقّك بكرة نحن ضيوفو
ومابنفوتو وحاتّك
ألا نحققّك
وبراي أشوف نفاحتّك
ياود الهميم
النفسو ما معارضهو
كرم الضيف عليك
مكانة أبوك فارضهو
جايك في أمُر
إن تابى وإن ترضاهو
غيرو مابفوت
وأملي بس تقضاهو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
طه طبعاً عرف قصد ود دكين لكن قال لي
غرضك مقضي
كان أحتاج لي خيل وجمال
والضان والأبل
سارح يمين وشمال
قام وددكين قال لي
فوق القتّو
أنا ليا فيك أمال
قام طه قال لي مع انو عارف قصدو شنو
بدمي بقضى ليك
خلي المال
قام شيخ العرب قال لي
وين الدرب خترّنا
قام طه قال لي :
دربكّم في السلم (( تمسكو درب شدر السلم دا ))
قام شيخ العرب قال لي
والله تب ماودرنّا
بنجيك بكرة
إن قلينا ولا كترّنا
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أها الجماعة شدو ألبل وختروا قاصدين أم شديدة وهي منطقة تابعة لريفي شندي ... عندهم غرض مشوا يقضوا هناك.
وفي اليوم المقطوع حضورهم كان كل أهل قبيلة البطاحين في انتظارهم وفي الحوش الكبير .. حوش العمدة كان طه ياخد ويدي مع بنية عمو ريا
قام قال ليها :
في البالي
ضمير شيخ العرب متعوب
وقايم نفسّو يخطب
في الكلام تقول مرعوب
الراجل زمان
كان ضحوك ولعوب
مو خاتيلّو شي
ماشفتي كيف مرعوب
حمد وددكين
مرتع ديار وربع
دا الشي السمعتّو
من الأباء والتُبّع
الراجل فعايلّو
ببينًّ طبعّو
وأنا ود الخلا
البعرف أُسودو وضبعّو
قامت ريا قالت لي :
شين شين
كان يخلف الليلة ميعاد جيتّو
رجال وحريم
جميع أهل الفريق في رجيتّو
قطعّو السارحّه
كل زول في مراحّو وسعيتّو
كُبار وصغار
وحتّى الراعي خلا رعيتّو
قام طه قال ليها وطبعاً هو عارف السبب الجايب وددكين
محال محال يَخَلف
قال جايبو غرضّن عندي
قام ريا قالت لي :
كان غرضّن صعب !!!
(( يظهر انها حست ماهو الغرض الجايب وددكين ))
قام طه قال ليها :
كان راس نمر في شندي
أوعتّو أقضى لي
وأبذُل كل جهدي العندّي
كان بالمال
كان بالراي ..كان بالذندي
قامت ريا قالت لو :
هيلّك من قديم
أنتَ البجيك تحجا لو
ألا وددكين
عامر بديين برجالوا
قام طه قال ليها:
يا ريا الكلام دا
أخير تقفلي مجالّو
وكت أوعتّو
بقضالّو غرضو الجالّو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أها وهو بناضم في بنية عمو دخلوا علي كبار البطاحين وناغمو ...
سلاااااام يا طه
قام طه قال ليهم
مرحب ...
بكبار قبيلتي وعزّي
مرحب بالأسود
البرقعّو المستهذي
ريا هوي
جات قبيلتّك
فوقي أنكعي هزّي
وكان زحينّا يوم الحارّه
قونّك جزّي
قامت قالت ليهم ريا متفاخرة بهم أولاد بطحان
ولاد بطجان تعيشّو
وازيد مراحكّم ناير
ناركّم في شداة الوادي
تهدي الحائر
بتحلّو الضيق
وتصدّو غارة الغائر
مو هيلّكم تزحّو
إن كان إزح الداير
(( اي جبل الداير ))
بين الجماعة كان في واحد من البطاحين أسمو خلف الله بقى يرجف من الهوشة الانطلقت فوق جسمو من كلام ريا
قام عبدالله وهو كبيرهم قال لي
خلف الله ولدي
أقعد قُبالة عمّك
كلام ريا هادا
بشوفو غير دمّك
من زمنّاً بعيد
متمني أسمع نمّك
قوول فرج همنّا
مولاي يفرج همّك
اها عبد بقى يدوبي ويفتخر بما في اولاد بطحان
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
نرجع لي عكير الدامر والحجاز
وصلنا محل قعادنا عمارة الاشراف
جوار بيت الله اقرب سكنه في الاطراف
اتبردنا واتطيبنا برقا راف
لحقنا الجمعه لمينا السعاد وظراف
عيون راسي وعيون قلبي طيلنوا
دي القدامن الكعبه الطشاش زيلنوا
مخزن عنبر الشوق بالفرح كيلنوا
عاينن والوصف لي الما نظر شيلنوا
اهلا كوكب الدين قبلة التبجيل
نعمة الجاها مشتاق للزياره عجيل
دي الكعبه الحماها المولى دون تاجيل
هلك اعداه رش بي حجاره من سجيل
القبله المؤمنه من هجوم وكوارث
الحصن الحصين حامي الجهول والدارس
دي الكعبه ال نزل لها طير ابابيل حارس
في وادي العزاب لا خلا فيل لا فارس
الحرم الموشح بي كل عز وجلال
امان الفوقها طاف لبس السعاده هلال
النور المؤمن بي جبال وتلال
قصاد جامع العظيم عند الله سيدي بلال
بي يوم الاحد بدري الصباح احرمنا
جينا العمرهربنا بيها جاد اكرمنا
نوينا لي جده قانون مكه عرض وحرمنا
عدنا المنزله وبي دم حمل كرمنا
رجعنا المنزله وفكينا احراماتنا
حمدا يا كريم في مكه شي ما فاتنا
حجه وعوده يا مولاي بعد لماتنا
نسالك القبول يا داري بي حالاتنا
بي الاثنين نهار فارقنا مكه وسوره
طالبين جده بي سراع شرفتنا قصوره
جينا على المطار والروح بقت محصوره
في زيارة النبي المعصوم جميل الصوره
.........................................
ونواصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
في قعدتم ديك شافوا من بعيد عجاج ركب قادم علي الحلّه ... والناس لامة كلها في بيت العمدة
قام قال ليهم:
هداك وددكين
بزملو بان شفناهّو
دار اليوم يروح
خلّف الوعِد خفناهّو
الراجل في الاصُول
موخاتي لمعناهّو
يا ريا إستعدي
الزول جمعنا عناهّو
أها وصل شيخ العرب وددكين وجمعه كان معه حوالي عشرة رجال من الشكرية
قام وددكين قال ليهم :
أولاد بطحان سلام
أهل النبأ والشكرّه
سلام ياعز العرب
أهل الفحل والبِكرّه
سلام ياطه
ياراس الكرم والضكرّه
جيت لغرضي
يا طيب الأصل والذكرّه
قال عبدالله كبير القوم في قبيلة البطاحين
ها يا جماعة أنزلوا وجهزّو الزمل اي نوخوها وانزلوا...
هنا طه بادر الجمع بكلمة
حباب شيخ العرب
مرحب خريف الرازّه
مرحبتين حبابو
بالبيهو القبائل عازّه
حباب سيف النصر
البيهو هاشّه وهازّه
في يمينّك قبيلةً
ما بتخلي الفازّه
ومازال ودكين وركبه على جمالهم ما نزلوا
قام عبدالله مرة اخرى قال ليهم
هيا آجماعة جهزو الزمِل الطعام جاهز ابقو لا داخُل
قام وددكين قال لي :
خلّها ياعبدالله
غرضي إن ما أنقضى
أنا زملي ما بتندلّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام عبدالله قال لوددكين
الناس من الصباح
في رجاك في ملّه
كِدي ضوق الطعام
شيخ العرب بسم الله
قام وددكين قال ليهم :
ما باكُل طعام
كان ماحسابي إضرّب
وقضَيان الغرض
فِيكم حقيقة مجرّب
الأمر العنيتو وجيتّو
كان ما إضرب
ما بنفعنّي آكل
وما برويني
مهما أشرب
قام عبدالله قال لي
يا شيخ العرب
أمرّك خلاص همانّا
قوول غرضك عديل
خصصنّا أو عمانّا
هسي نقضى لِيك
في محلنّا اللمانّا
كان بي مالنّا
كان بي بالنّا
كان بي دمانّا
نلاحظ أن الذي يدير الحديث عبدالله وهو كبير قبيلة البطاحين وزي ما قال المثل السوداني القديم ( الما عندو كبير اسوي لو كبير ) فالكبير له مكان حتى في حضور عمدة البطاحين وهذا يعكس الاحترام للكبير بين أهله
قام وددكين قال ليهم :
عندكّم الغرض
لا بدوور قلم لا ورقّه
ومو غرضاً تسافروا لو
وتقيسو الفرقّه
بِقْضى إن قتو خير
لا بدوور قلم لا ورقّه
وإن قتو لا
بروح شمار في مرقّه
ما جيتكّم مقبوض
ولا فوقي جَنِيّه
بي خيري ومراحي
ونفسي آبيّه
جايكّم نسيب
تدوني بطحانيه
قام عبدالله قال لي :
خير وكل خير ... سمها
( يعني ورينا بدور بت منو )
قام قال ليهم وددكين :
في بت أب كبس لي نيّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
نواصل مع عكير الدامر ورحلتة الحجاز
اتناشر مساء ربي جاد سرانا
طرنا مبشرين ناسا كتار بي ورانه
قاصدين ساكن الروضه الرسول بشرانا
شوقنا مسابق الطياره في طيرانه
وصلنا سلامة رب القدره هون امرنا
في الروضه الشريفه ورى المطوف درنا
شباك النبي الممدوح قبضنا وزرنا
شقي ما تقول بقيف عن بابه يلق نصرنا
ما همينا بي البرد الدفر موجاته
شاهدنا البقيع الاف مؤلفه جاته
مقام السعداء تتعاله وتلوح سرجاته
زرنا الروضه ذرية النبي وزوجاته
في جامع قبا البقدح طهارة نزلنا
حمدا يا اله العرش تم املنا
قمنا على احد من النخل هللنا
صلينا وسالنا المولى يشفي اهلنا
حبابك سيدي حمزه سلام عشوق يتمنه
شوفة قبرك العندوا النفوس تتهنه
حبابك والصحابه وجبلك القابلنا
جبل احد المبشر بي دخول الجنه.
.......................................
ونوصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
طبعاً الكل يعرف أن ريا مخطوبة لابن عمها طه .. وكان خبر وددكين عندما سمى البنية الدايره كان قنبلة تصدى لها كبير البلد عبدالله وقال له:
إفتخروا البطاحين
ساحتم راح بالّك
إلا ريا
أمرها مضي من قُبالّك
فات فيها الفوات
لطه هدا قُبالّك
من دون ريا
قول الدايره في بالّك
دا فريق الصهيباب
ومافي واحدة فقيرة
مال ورجال وعز
في الحلّه مافي حقيرّه
كتير زي ريا
مليان البلد من غيرّه
إن درتّه الكبار
ولا أن كان قصدتّه صغيرة
قام شيخ العرب وددكين قال يلهم
إن مال الشدر
بنكسرّن فراعّو
وقمحان الطلب
لي الما بجيبو ضراعّو
ليه يا أهلّنا
البيناتنا مابتراعوا
البقول راسي موجعنّي
تربطو لو كراعّو
قام عبدالله قال لي
حبل المهلّه يربط
وانت ارتاح بيت
وباكر نحوم بيك
البيوت بيت بيت
ونقّي الدايرّه
ولوم البقولا أبيت
قام شيخ العرب قال ليهم:
والله غير الغايّه
ما لي مبيت
( يعني يا ريا ولا ماني بايت في حلتكم )
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
هنا طه شاف الامر تعدى حدوده لذا قال لوددكين
يا شيخ العرب
أمرك بشوفو حقارّه
وما جابتك بنية
الجابتك بس غاره
وقرّناك كتير
ونفسّك بيتلا وقارّه
خبرّك هدا
مابدور لو دق نقارّه
قام نط عربي من التابعين لوددكين وقال لطه :
قبلّك في اللجج
ياطه راحّو أنهدّو
بتجاسر علي شيخ العرب
بتهدّو
زولكّم موعاقل
يا خُبارّه كان ما تهدو
بعنادّو ..أنا خايف
الفريق اسبب هدّو
قام طه قال للعربي :
أنا المالح
الكارب خريفي وصيفي
والمتلّك تبيع
ماظن إطل فوق قيفي
كان ما الليلة
في بيتي وبعدّك ضيفي
كُت براي برد عليك بسيفي
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
نواصل
قام شيخ العرب وددكين قال ليهم
كفى يا بطاحين
فيكم إتغشينّا
كرمكم جانا طامح
رخصه إتعشينّا
في الشي الشايفو
كان مامشينّا
خايف في اجتماعنا
تقع وقائع شينّه
عاد واعة الله
عقب بيناتنا مافي علاقة
وات يا طه الشفيت
شبعته شلاقّه
عملتّه للشر سعيت
دليتو بي معلاقّه
نحن وأنت
بعد الليلة يوم نتلاقى
قام طه قال لي :
سوي الدايرو
وكُتر الكلام خلي
والشر القصدّتو معاي
أبقى علي
طير أصل السماء
حتى القمر دلّي
يوم نتلاقى
كل واحد بِعرف اللي
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
هنا البطاحين بقوا مو عارفين اسوو شنو طه مابدي بنية عمو .. الشكري ودكين مو منفكي منهم اما البنية والنسب ولا الحرابة ... ومعروف من الطول الحرابة بين القبائل في ذاك الزمان .. قبيلة البطاحين ضعفت وصار لا وزن لها مقارنة بقبيلة الشكرية الكبيرة ,,, المهم كبار البطاحين كانوا يحاولون بقدر الإمكان تفادي الحرابة مع الشكرية ... لكن رغم هذا فهم فرسان وان حكم القدر بالحرب فهم لها راجل وقدرها...
قام واحد من البطاحين اسمو خلف الله قال لوددكين :
من ولدك زِعِل
كل القبيلة تتاورو
أرحكاكم بيتنا
ونحن زولنّا نداوروا
قام وددكين قال لي :
يمين بالله
ضيف الغابة
حالف للفريف مايجاور
قام خلف الله قال لي :
سمح أرجونّا
إمكن طه نحن نجبروا
قام وددكين قال لي :
الزول في الرقاد
شقّو البريحو بخبرو
والزول البليد
بيدو يحفر قبرو
عاد بنسوي عوسنّا
وطه يلزم صبرو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
نواصل مع عكير الدامر ورحلة الحجاز.
ابؤاحمد...سلامات
خلاص عكير قرب يرجع
اللهم زورناالمصطفي صلي الله وعليه وسلم.
بي يوم الخميس لي جده قالوا العوده
طيارة رجوعكم برزت مبعوده
الزول ما بيفوت ال في الازل موعوده
مطر الفرقه صبت وحركتنا رعوده
اتوضينا جينا الروضه زرنا نبينا
صلينا ادعينا الختوة بيضه لبينا
وادعنا النبي الفوق حبه قمنا ربينا
بي جاه العظيم ما نلاقي شر وغبينه
بي النكس البلاصف لي المطار فرينا
لي الميزان قبل ما يزحموه جرينا
بعدك يالمنوره ما انسرينا
ما طولنا فيكي قعدنا بعنا شرينا
بعد صلينا بي مس الشفا اتسلحنا
شقيتا الالوف بي ناس تقيله رجحنا
في الشباك مسكنا دعكنا واتمسحنا
شلنا الفاتحه بي حب الرسول بارحنا
قاعدين في المطار بي الحاله ربك يدره
ندعك في العيون والدمعه لي منقدره
طال الشوق على النبي سيد رجال الحضره
وطال الشوق على القبه ام هلال الخضره
عشرة وعشرة من ارض المنوره طرنا
حامدين شاكرين زرنا ومحينا وزرنا
بي فوق لي السحاب مثل البخور طرنا
جده قربت لي البيندوره والدايرنا.
.....................................
ونواصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
نهايه تحفة عكير الدامر
يصف رحلته للحجاز
قاعدين في المطار بي الحاله ربك يدره
ندعك في العيون والدمعه لي منقدره
طال الشوق على النبي سيد رجال الحضره
وطال الشوق على القبه ام هلال الخضره
عشرة وعشرة من ارض المنوره طرنا
حامدين شاكرين زرنا ومحينا وزرنا
بي فوق لي السحاب مثل البخور طرنا
جده قربت لي البيندوره والدايرنا
حداشر وعشرة طبينا المطار ورقدنا
هبت ريح شمال حب الوطن عاودنا
السقط البيلفح في الجسوم هددنا
لي المحجر على يوسف نزلنا وردنا
يومين عنده في جده ام رخام روقنا
بي عربيته من سوق المنى اتسوقنا
اكسير الضيوف بي جميله كم طوقنا
بي انسه اللطيف لي الدامر اتشوقنا
عشرة ونص مساء يوم الاحد ودعنا
جده الربي عظمه زين من مطاره قلعنا
اتعشينا في الجو ربي رحمة رفعنا
زرنا الكعبة والنبي في مقامه رتعنا
حمدا يالاهي نظفنا واتفكينا
رحنا وجينا ما صابتنا حاجه شكينا
كتوفنا نزل تقيله وهللت ملكينا
عدنا سلامه في الخرطوم فرح ركينا.
....................................
اللهم زورنا المصطفي صلي الله عليه وسلم.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
Quote: عشرة ونص مساء يوم الاحد ودعنا
جده الربي عظمه زين من مطاره قلعنا
اتعشينا في الجو ربي رحمة رفعنا
زرنا الكعبة والنبي في مقامه رتعنا
حمدا يالاهي نظفنا واتفكينا
رحنا وجينا ما صابتنا حاجه شكينا
كتوفنا نزل تقيله وهللت ملكينا
عدنا سلامه في الخرطوم فرح ركينا. |
آميــــــن يا الخليفة حاتم ربنا يشيل قديمك لزيارة بيتو وقبر حبيبو المصطفي صلى الله عليه وسلم بإذن الواحد الأحد الفرد الصمد
لك التحية عزيزي
خالد محجوب
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بعد الكلام دا شيخ العرب وددكين طلع من بيت العمودية .. وطه حاول يحصلّو قام مسكو واحد من البطاحين اسمو أحمد وقال لي :
أقيف يا طه
عندي نصيحة ليك ببداها
العقدة الصعيبة
العاقل مابتعداها
الشكرية كترة
ونحن مانلداها
أنا عندي العرب بريا
أخير نفداها
(( يعني ندي وددكين ريا ونكتل الفتنة الممكن تحصل وتجر للبلد حرابة ))
قام طه قال لي :
خلاص يا آحمد
تراك بي فكرّك
روح لوددكين
خليهو يسمع شِكرّك
إديك ماااال كتتتير
وقبيلتّو ترفع ذكرّك
تصبح عمدة
فوق ريسينا تخلف حكرّك
قال دخل في الموضوع عبدالله كبير البطاحين وقال لطه :
مالّو أحمد
نضيحتّو ماضاراك
ومو حق النقص
وأت بتعرفو براك
وكت بتسوي عوسّك
ومابتشوف بوراك
كدي النشاور ريا
أمكن ريا مادايراك
صدقوا أهل المثل
خربانّه البلد بكُباره
هديك ريا
أسألوها وأعرفوا أخبارّه
من غير السفر
ماعندي تاني دبارّه
نحن وانتو
بدي الحالّه مابنتبارى
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام عبدالله قال لي :
ياطه المصائب
للقبيلة تقودّه
مسافر وين ؟؟
مخلي النار وراك موقودّه
قام طه قال لي :
أنا السمتنان
جليس الردّفولا عقودّه
وحد السيف
بيقطع عقدّتو المعقودّه
ما ولعتّه نارنّ
وانتو تقعوا فيها
شن دايرين براي
وأنا ناري مدفّيها
أحلف يمين
دي الحلّه متقفّيها
باكر من صباحي
قُبال أحس الفيها
قام عبدالله قال لي :
نحن كُبار
وأخير لك ترضى بعرفتنّا
مع الشكرية
أحسن نشتري إلفتنّا
ندي وددكين ريا
ونكتل الفتنّه
مامن خوف
ملاقات الرجال حرفتنّا
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام طه قال ليهم :
من الفيها مابزح
إن تزحزح مره
وإن حيين نعود
إن طال زمنّا ومرّه
عيش الدنيا
إن كان يحلّى
وإن كان مرّه
الزين مابدوم
والزول بموت فد مرّه
قام عبدالله لقى الزول تب مو متراجع من موقفه قام قال لي :
وِكت صممت ما ترجع
وتسمع قُولنّا
وسفرك دا محال
ما بقِبلّن بو عُقولنّا
الموت مابنخافوا
الخوف يمين مو هولنّا
بنعاين بعيد
بنخاف بهادل عُولنّا
الشكرية بسيوفهم
صغيرنّا مَجَرّق
ومابنابا الكُتال
ونقُول جرحنّا أتفتّق
مرحبتين حباب الشر
محل مابتّق
تنقدّا الرهيفة
أن شاءالله ما تتلتّق
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
اهداء الي كل من قال انا سوداني 
تقول لي سنو وتقول لي منو
.................................
سيداحمد الحردلو
......................
تقول لِى شنو
وتقولى لِى منو ،
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
تقول لِى شنو
وتقول لِى منو ،
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
تقول لِى شنو
وتقول لِى منو ،
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
تقول لِى شنو
وتقول لِى منو ،
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
تقولى لِى شنو
وتقولى لِى منو ،
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
تقول لِى شنو
وتقول لِى منو ،
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
تقول لِى شنو
وتقول لِى منو ،
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
تقولى لِى شنو
وتقول لِى منو ،
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
تقولى لى شنو
وتقول لى منو ،
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
تقولى لِى شنو
وتقولى لِى منو ،
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
تقولى لِى شنو
وتقول لِى منو ،
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
تقول لِى شنو
وتقول لِى منو ،
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل ..
يا زولْ وتسعلنى ..
وتقول لِى منو
وتقولِى شنو ،
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
تقول لِى شنو
وتقول لِى منو ،
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو .
.........................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام طه قال ليهم كونو ندخل في حاربة مع الشكرية هذا يعني المجازفة وبنوت كلنا .. أنا بسوق بت أعمي وبمشي أحتمي بالمك نمر في شندي وأنتو أبقوا محايدين وقولوا لوددكين نحن طردنا طه من القبيلة في شان ابا اسمع كلامك
قام طه قال للبطاحين
الشكرية غوش
وأكتر علينّا حساب
وضيف ليهم لميم
مابتربطو الأنساب
أنا لي غارتم
عملّتَ ألف حساب
إن تتعدّو رأي
يقين عذابكم ساب
بجيكم حمد
والرجال تابعّا
قولوا لو طه طفش
وريا معا
كيف نرضى السفيه
الأدبو مابرعى
يرفض طلبك أت
ونحن كيف نسعى
أبقو وفادوا وعدي
والقبيلة محايدّه
عُقبال إن رجع
فوق الخسائر عايدّه
وإن حصلنّي
ما أظن أعود بفايدّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام واحد من البطاحين اسمو أحمد قال لي :
في دربّك بسوق
وأت صنديد
تصد المية ماك ممحوق
إلا بنخاف كترتم
وآيد الرجال بتحوق
قام طه قال ليهم :
ليه خايفين علي
الدنيا عيشة مخاتر
الواجب نسوي
ونرجى ستر الساتر
أها في وداعة الكريم
يا دار ريا
ماكان الفراق بالخاطر
قام ساق بت عمو موجه ناحية شندي يحتمي بالجعلين ويضمن حياة بت عمو وعلي نفسو هو بصير .. معروف أن المك نمر متزوج بت محمد وددكين اي حمد وددكين عم زوجة المك نمر ... وعندو منها اربعة أولاد وبنية وهي بنونة بت المك نمر
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بعدما ساق طه بنية عمو وختر .. هنا البطاحين حسو باللوم كيف تركوا أمشي عيب في حقّهم كان الواجب يحمو ويموتو فداه
قام أحمد قال :
عم عبدالله
خبرّك هادا شيتن فاجع
كيف بنطاوعو
من بيناتنا
يطفش ناجع
قام عبدالله قال لي :
سمعتوا قولوووو
من الفيها مامتراجع
وفي الشي الشايفو
قط بهينه مابعود راجع
(( يقصد مرقت طه من ارض البطاحين لابد من واحدة أما يكتل وددكين ولا وددكين إكتلو ))
قام أحمد قال لي :
نركب نلحقو
كيف بنخلي أمشي براهو
قام عبدالله قال لي :
شورة القال
أخير مانلحقو ونبراهو
قام أحمد قال لي :
والعاقل بحسب للتقيل تافراهو
بنفكر علي القادمو والبيوراهو
كيف موقفنا
ساعة يلحقو يكتلو براهو
قام عبدالله قال لي :
كان وقع القدر
مابتقدروا تصدوهو
وكتر الكلام هسع
أخير خلووهو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
يانا اهل العوض
................
الشاعر... ود الشوبلي
.......................
جبته الفتنه تعلن حرب بجاسوس
والسبب الفنيله القلت فى الوسخ مدسوسه
ياخ نحنا نفوسنا فى حور العفاف مغموسة
مية غمسه لا عار لادنس لا سوسه
ويانا أهل العوض والعزة مابنكوسا
اصحاب سمته واصحاب فرشتن موروثه
نحنا العامله بتاف ترفع المعكوسه
ونحا جدودنا عاد طيعوا الجاموسة
يانا أهل العوض أهل النحاس ابرنه
أهل البَدرة والمهيوف أهل الشنه
أهل عزة وهل سمته وغرور ومحنه
ناس البادية ناس عشرتن تتمني
ونحن أهل العوض حافظين عهود ماخنا
وللجار والعشير بالشينه ماتعجلنا
بيوتنا لمس الطيور زمن العدم مابخلنا
ومابصح الوليد فى اعراضنا يجاهلنا
ونحنا اهل العوض والله لاتقينا ولا تبدلنا
واثبين كالاسود فى الواجبه ماتمهلنا
فى البر فى البحر تلقانا وين ماكنا
فى قسم الرجال كزب البمس لحصونا
ونحنا اهل العوض فى الحالي والفات
كنا فى جرك الرجال فى شينه مابعطلنا
بس بوعيك لو دقس فى اصلنا وتجاهلنا
بوعيك تحسب فى الجدود 60 ومن غير إنه
ونحنا ربينا الشياخ فوق والده ماتعجلنا
حافظين لللسان وحافظين كرامة اهلنا
اشبال من أسود فى ضلعه ماتهجنا
دايرين سير كرام لمن نلاقي اجلنا
ونحن أمثالنا ياود موسي مابواخذوهٌ بي
ويييي بولــــد والماعندو راي حق يتعب ويقلد
الراجل مابات قوي ولا ضوق الكيك خمشة
ولا جره قافات فوق حرير القامشة
أمانه تصبّح الليد والكراع منكمشه
جيل الباديه جيلاً بحرجوا بالكمشه
بناتنا البقرن فى الجامعة سماهن
ناس التومه : قال ديل شريحه براهن
قال ناس التومه مرقن عنقريبن مرقنبوا قربنبوا
صح ناس التومه مرقن عنقريبن قرنبوا
لكن مابقعد ن يحاكن زي قرود الد نبو
الزول المابعرف يفرق بين صوابعو
وزنبو حقاً فى الدروس ماحق يقعدن جنبو
قال ناس الجامعه قال ليها الناس البقرو معاك
كلهم زي دا قال ليها اقري ساي ماعليك خوف
ناس الجامعة صح مابشكلوا خوف
عشان ليهم عقول نيرة داخل الجوف
ليه ياود موسي بتزم الرجال بالعائله
مابعشوا الصيوف تحت السحابة الشايله
ماسمعت أم همج عقيد الزايله
ماسمعت النمر حرق الخديوي القايله
نحنا نضافنا ياود موسي مو صابون
نحنا نضافنا فى عروضنا وشرف مصيون
نحنا نضاف الدكري المسنون طيبين
عشرة ولكن للخسيم طاعون
نحنا سماحنا ياود موسي مو كريمات
ولمعت لون نحنا ولدنا عاشميق يغسل العرجون
نحنا ناس لينا اعراض بيحكما القانون
سماحة زول يفرج كربة الممحون
نحنا دفعنا ياود موسي مو جركاني
ونحنا مابنتبع الجبنه وحليب الكاني
ونحنا دفعنا فى النوق أم سنام باني
نحنا ضربنا للعوق انفجار بركاني
وكان كلمنا ياود موسي بنقول الكلام
حقاني وكان غنينا بنخت الشعر فى معاني
والله عزيزين فى النسب من فاقه مابنعاني
تحسب فى الجدود ستين ومن غير عاني
وغبار الكبرياء المن المعالج هاجد
احذر منوا لا ينسيك عن الواجب
من أمثال تراثنا من العرف والواجب
مهما العين تطول مابتعلى عن الحاجب.
.........................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: أبو الحسين)
|
بسم الله الرحمن الرحيم
سلام ياهلنا...
الشاعر... الفرجوني
في رثاء شيخ العرب محمد صديق طلحة
برق الخريف ما رف
وأنكتح السحاب شايلو الهواء البنزف
يا حليلو الكريم اللينا باسط الكف
أبو الصديق رحل
يوم جاني الخبر ود عيني قطر تف
زي وابل المطور فوق الصدر هتف
كان حازم القبيلة وحبلو ما أتنتف
كان حافظ كيانو وما مرق ختف
كم حلحل دريك من بعد ما تكتف
الماهو داب روحو
من فقدوا القلب متشبكة جروحو
يا حليلو البعيش الدايحة في سوحو
والموت من بدا الخربانة دي سروحو
البقاء لله يا بطاحينو لا تنوحوا
أزرق ود عظام ناس طلحة يا حليلو
يبكيهو الهواد يوم أنقرن سيلو
يا حليلو الكريم الحقو ساخليو
الليلة القلب بلحيل مشاشيلو
زرف يا دمع بل الجفن كيلو
صاهبابي ورحل حزنا بالفرقة
خلا العين تقطر والقلوب حرقة
دفاع الطويلة الزيمتو ما سرقة
كم قدر ضيوف بالشقراء والبرقاء
فهاق للردوف أم كبدةً زرقاء.
....................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
اها ساق بت عمو وفي الطريق لشندي كان بحجي فيها بحُجاينا قاطعو من راسو وقال ليها:
سرجي إكفكف كمّه
روكبي إشد الهمّه
أصلي بطرز رمّه
مني تحُود الأمة
جملي إكسر الغًربة
سيفي يحل من كُربة
قلبي سميناً تُربة
ياريا ماشفتي الحُلم
كيف إتحول
وأتفسر براهّو
وبالشين علينا أتأول
داخل راسي فكراً
منو مابتحول
بكتلّو وددكين
إن كان قرب وأن طوّل
قامت ريا قالت لو :
أسّود دكين
باسمو ماتحجيني
هو الفرقنّا
قمنّا من البلد هجينّا
عُقب في دار جعل
تاني الخرابّه بجينّا
مابسوي الرمادّه
المك نمر بحجينّا
قام طه قال ليها:
ما أولاد عم ديل
ديل تمام شُكرية
معروفين تمام
في كل بلد أُجريّه
كان حفروها بير
ولقوها شدره ضريّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام تاني قال ليها
الجاينّها بحكيها لِيك
جاين من هناك
براي وآمال
عارفين وددكين
ما بهم بي مال وجُمال
ظانين بكُتلني وبِسوقّك
وهم بشيلّو المال
لكن بكتلّو وددكين
ودي الظانّها في فكري
وبتشوفي الفضائح
الما بتجيك من شكري
الشُكرية فرسان
ومستحقين شُكري
دا الصُح قتو لِيك
أنا لا بخاف لا مكرّي
قامت قالت لي
تسلم لي يا يابا
من بعدك بشوف
كل الدياره خرابة
شاحده الله الكريم
ونضاره لو بي عبور
وتور سمين إدابّه
يَسلمّك لي
وأشوفك ديمة يا يابا
قام طه قال ليها ::
أفو مالي التقول ودر الدرب لشندي
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قامت ريا قالت لي :
ماك عارف الدرب زيين
قام طه قال ليها:
ماشيهو بي كرعي
وكان معايا سعيّه
كيف يلحقنّا
زول شندي ومعاهو معيّه
قبيلة دار جعل
محميّه وفيها إسودا
راسها المك نمر
ومحروسّه ما معقودّا
رُكازة القبائل
في السنين السودّا
بكرة بنجيهو
وسيفو يجيك بولادّو
العز والكرم
من الكُبار تيلادّو
ما أظن وددكين
بشينه يوطأ بلادّو
نمر ماخد بت أخو
شمه أم أولادّو
إن ودعتّك للمك
ما بخاف المتلّو
أهون من شراب
المويه عندي أكتلّو
ياريا قبيلة البطاحين
أصبحت محقورة
علي الشكرية دايمن
سارحتم مدفورّة
وما بتلقالا عز
وتعيد مكانتا ووقورّة
ألا بي غارة
تقْضي السارحّه والمعقورّة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قامت ريا قالت لي :
في داب الشديدة
ابقالي إقوم في دربنّا
ما بهدالو بال
بالفتقّه يهتق شان إفرقنا
بوصفّك دحين
من شندي نحن قربنّا
ما بنومو الرجال
أمكن إمسكّو دربنّا
قام طه قال ليها
بسمع لي حركة
قاموا وقفوا وعاينو شافو لهم عجاجة من بعيد ولامن دنو وقربو
قامت ريا قالت لي :
يهم ناسنا خمس رجال
قام طه قال ليها:
الناس المعا
عرب صعيد يا ريا
ما اولاد عم ديل
ديل تمام شكرية
قامت ريا قالت لي :
يا طه أستعد
الناس عنونا عديل
قام طه قال ليها :
وين شفتي البطابي
وسوّا همو قبيل
بضاير العوق أخوك
الما بخاف من ديل
براك بتشوفي
ياما اشبعم بزيل
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
جماعة وصلوا وكان وددكين ومعه خمسة من عرب الصعيد
قام وددكين قال لي طه :
أتعبتّه الزمل
حفيتّه وراك منطبقّه
أحسن ليك تفوت من ريا
وتحل الرفقّه
قام طه قال لي
كان كل القبائل
جات علي منطبقّه
أفوت من ريا؟؟
يا شيخ العرب مابتبقّه
قام وددكين قال لي :
البلاقو القبائل
مابسوو سواتّك
خربتّه قبيلتك
ياطه وين دعواتّك
بعد جريك
البشهدنبّو أخوي وأخواتك
فارقتّه الثبات
فارق درب أبواتّك
أبواتك تلوب
كان باعُّن طايل
آيدهم للرقاب تحجّا
وتعدل المايل
سيت باعّك كراعّك
مابتخاف قول قائل
أفو يا ودحسين
فيكَ الشراد ماخائل
أبقى لي نسيب
أحجاك وأمن روعك
وقول الدايرو في المال
أجيك في طوعّك
من هادا الغرور
يا ولدي أولى رجوعّك
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام طه قال لي :
يا شيخ العرب
جربتّه لحسة كوعّك (( يعني لو بتقدر تلحس كوعك بديك ريا بت عمي ))
كُل ما أوقرّك
في الشين أراك تتقدم
إتعكنن خلاص
أنا صبري شفتو إتهدّم
أصلو البيناتنا
مابتنفك من غير دم
الكاينة التكون
بي وراها مافي ندم
قام واحد من العرب التابعين وددكين قال لي طه :
أصلو الخملّه
مابسمع نصيحة الهادي
أول خفنا ليك
من البهادل هادي
ياطه البهدد
مابضرب الوادي
أمشو علي الرجال
أجري وإقبل غادي
قام طه قال لي :
مافات شي
هسي نخُت الميس
دحين حديد بلاقي حديد
بنبرش الطرور
وبثبت الصنديد
خليهو المضى
لاقي البجيكَ جديد
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام نطّه واحد من العرب المعا وددكين وقال لطه :
نافد في قدر
ياطه جبتها ميتّه
وردلوب عتر وقع
بقيت زول ميتّه
أنا كفاي في تركتّك
بركب أب سوميته
( أب سوميته دا جمل طه وكان من نوع اصيل )
قام طه قال لي :
الداير الغِنى
بعمل حساب لفقرّو
وكعب الضالّه
وين المتلي
أنت تعقرّو
أب سوميته خلي
أول سيدو أعقرّو
وين تاني الملاقّه
وكتين إتلب صقرّو
قام هنا وددكين قال لطه :
لِمْ باقي الكلام ياطه
بهمّك سرّب
جيتك أستعد
( اي سرحتة في الكلام وبقيت تسوي نضمّن مو فيك ولا بشبهك )
قام طه قال لي :
حبابك أقرب
من قومة الجهل
أنا لي لقُاك مدرّب
(( طبعا وددكين كان فارس قبيلة الشكرية وهو في العمر اكبر من طه كتير وطه من ما شبا درب على الفراسة لملاقاة وددكين في الحرابة التي تلم الشكرية والطاحين ))
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
نواصل
المكاشفي و عشمانة نت شيخ النصيح
تالى الليالى عقاب صباح
تالى الليالى مصب نهر مجدوع
على السكك القديمة ومستباح
أحلم بحر
وأنضم مطر إن كنت تحلم بى صحيح
وحبيبتى من طرف البحر
جابت محارة وعنقريب
شفتك قريب
وبديت أحسب كم تغيب
الجية ما شرط الفراق
واللقيا ما ذنب البغيب
عشمانة من زمن التساب
مشرورة فى السعده انتظار
مفروره توب غطى الرواكيب
ما ها ضُلْ
الضل بجينا وبنسحب
ولاهى فُل الورد حرفو بينكتب
تتهامس الحته اللقتنا مصورين
فى إلبوم الغابة ورياح المتعبين
يوم شفنا فى المقرن طبنجة ومرفعين
من همسة أم در لى التواريخ
تستريح عشمانة فى النظرة
وتتوه فى ملتقى الأسف العميق
بى منتهى الوعد الجديد
مرقت على الكنتين
ولادها مطعمين بى لفحة الشباك
وبى الزمن البضادى صغارو
ايدا قصيرا من رف الحلاوة
البسكويت والصلصة والماجى
ورغيف العيش
وما بتقدر تقول
بكرةّ ومابتقدر تقول معليش
جناح اولادا ناقصو الريش
جناحا هى قصو عسس الليل
وتمو عليهو بالتفتيش
مصاقرة الحاله ناقصة مرايا
لا طفلاً ولادتو سمايه
قدر الشوف فراغ العين
قدر الطوف غرق حفيان
وملوة عيش
وقدر القمحة سنبلة طالعة
من شدة يباس وعويش
وقدرها مرتين الديش
وقدر أم قيردون الكودى
لو طُعم الشرك كشكيش
وتتذكر غناها الربا فى قلب الوطن دعوات
وتكسر ضلفة الشباك
تطير عين الشمس من بالا
زى ميلين
ترك آخر السطر جيلين
وتكتب بى قلم ما بتبرا إلا الحال
ونخطف من نواحى سؤالا كم شبال
ونردف فوق حصانا اللاهى عصفورين
وننسى زوادة السفره ودعا الوالدين.
..................................
ونواصل
.
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
أها قام نزلوا طه وودكين من جمالّن وكل واحد درقة وسيف وبقو اتبارزو وجقلبو جاي وجاي وفي نهاية الأمر طه ضرب وددكين كتلّو .. سالي سيفو وجبينو كلو عروق وزي الحيطه وقاف
قام قبل علي العرب الجاين مع وددكين وقال ليهم
ترى شيخ العرب
قبض الربح من تجرّو
وأتوسد تقيل
أن شاءالله ثابت أجرو
أنتو الشورة كيف
عند الزمل بتحجرّو
صنقّعو للسما
بطيرّو ولا بتجرّو
قام واحد منهم قال لرفيقو ( والعربي دا هو القبيل قال لي طه انا بعد ما يكتلّك وددكين في تركتّك كافي بشيل جملك اب سمويته )
أنزل يا عمر
والروح في يد الخالق
بتجيه الضرب
وفي الدرقّه ساسّك غارب
قام عمر قال لي :
عند الخشيم
دايمّن تنط متشالق
ما تنزل أت
مالك ماك بالغ
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام طه قال ليهم :
في غارب التلوب
أنا نايبي دايمّن غارز
أسمعوا يا طمُش
إن كان ما أجيني مبارز
واحد منكم
بضرب من طرف مافارز
ترى أب سوميته
أركب يا عمر سافرتّه
قبيل وكت الكلام
زي الأسد طفرتّه
مالو هسى دمك بهت
متل التقول جفرتّه
قام عمر قال لي :
من القليب
أنا تبتّه وإستغفرتّه
قام طه قال ليهم :
واقع علي حلف
إن كان بقيتو سريّه
حالف منكم أنتهي
قُبال تجي العصريّه
قامو العرب الخمسة جو جارين علي ورمو سيوفهم قدامو وقالوا :
هاديل سيوفنّا
واقعين وراك يا ريا
( يعني بدوروا ريا تحجاهم من ود عمها ما يكتلهم )
قامت ريا قالت لطه :
اقيف يا طه خلهم وكت رقدوا سته
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام طه قبل علي بت عمو وقال ليها :
يا الخدرّه المفرهِده
وفوق جروفها نديّه
علي الواقع وراك
أنا كيف أشيل اديّه
حتى ان كتلني
عافي ليهو الديّه
دمي مالي آيدك
واقبليهو هديّه
قامت ريا قبلت علي العرب وقالت ليهم :
رُجال التابه أنتو
الستره تب مافالكّم
إتامنو وقوموا
وسوقوا جمالكُم
حت مال وددكين
سقوهو يصبح مالكم
نروّح في حالنا
وأنتو روحو في حالكم
قام طه قال لي ريا :
رقد وددكين
أسد القبيلة الرازي
كان ما ضايقني هو
تب ماقطعتو ضراعي
قامت ريا قالت لي :
تتأسف لو ليه
كان داير يجز براعي
والنعلات حرام
تاني ما بتضوقا كراعي
( يعني هو كان داير أكتلك وكان كتلك والله كت حرم لباس النعلات ليوم الله )
قام طه قال ليها :
موت المتلّو
نقصان للعرب في الجُملّه
كان راس القايدة
وهو البقود الحمْلّه
أطرى فعايلو
جسمي يجف بعدما يملّى
كان ما شوية
كان داير يعمل العملّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
نواصل مع الكاشفي وعشمانه بت شيخنا النصيح
ولسه الجيه فوق جيات
وطاشه لغتنا فى البكيات
وما قرشتنا بين فكين
سوى العاصفة الملبكة بالصمغ
والحزن ..والمنديل
لسه بطانا شايلين فى عيونم فرحة مابانت
تعضعض أصبع الأفق الطوى المشهد
أبت عشمانه تابى نهار وطن ممسوك
وسلت من حِيَطْ سيد المروه الباب
وشدت خيلا فى رحلة مدن
مسواكا لى سِنْ الصباح أشجار
عتامير الزمن وحلانة
فى رمل الفريق أسرار
مداميك البنا المهدوم
بتبنى بيوت ..تخت شباك أمل مهزوم
لكن النهار صحيان على ضفة شمس بيحوم
وديك عشمانه من رقراق
حياتنا المستحيلة تطُلْ
مشربكة فى غصن من شوق
مكلبشة فى ثوانى الضُلْ
وموحله فى الطمى العجلان
وشايله على الكتف هم كُلْ
أريتا حبيبتى بت وادى الرياح
والعُشْب ..والقندول
بت النخلة
فاتحةُ خير وفارعة طول
بت مسك الوطن فواحه فى ساحاتو خاتية قول
َنخُبْ طول الطريق ماشين
نبعد ونستعد راجعين
وديك عشمانه تحلب ضَرْعْ يوم غايب
توبا بقى الخريطة مشتتة العالم
جرينا معاها
ما خالين خطى وأنفاس
وفى كل خطوة وَلْدَةْ يوم
وفى كل يوم وقوع لى فاس
وفى فاسك عِشِقْ مكتول
وفى المكتول حياة الناس
وفى الناس رغبة ما مطفية
لى السفر البجيب الطاش
والطاش فى مطار مستنى
فوق حَرْ الجَمُرْ ..طاشين
والطاشين هناك
يقروك فى يافطة محلات الدهب خاتم
والخاتم فى أصبع من إيدين
منسية فى جيب اليتيم
منسية من زمن الغنا الخواف
ومن زمن المدينة تعبى بكريها
وتقسم فى تلوت الليل جواريها
وتلبس توب مرتق بى عصب بردان
يشق الليل يعريها
وتلعن فى عميق السر
سلاليكا وطواريها
ومزازيكا وبواريها
....................
ونواصل
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
نواصل
نهاية المكاشفي وعشمانه
......................
مدينة تحب
لى حد الموت حراميها
مدينة بتفتح الأحضان
تزيد النار مطافيها
مدينة بلا تعب تنشاف
على كل الجهات
أسواق مدينة تصفى عِرْقْ الحُرْ
تقسمو فى كواريها
وتقطع من جذور اللهفة طاريها
مدينة الفيها
ما ليهامدينا الليها مافيها
مدينة بتكتب الحجبات
مدينة تدين لى شاريها
مدينة تدين لى كاريها
مدينة وكت يجينا
جواب تدسو وَسُطْ مخاليها
مدينةتضيع العنوان
مدينة توقف الإنسان
على حد الحَجَرْ والزيف
ولو وصلت نَهَرْ ألحان
تقيف زى ليل تضاريها
ويا عشمانة
فى شباكك المقلوع نبت عصفور
وجنب المنجل المشروم نطق طمبور
وجنب الجدول المفطوم
بموية الدونكى
خير مصروروجنب المسطرين طوبتين
واحده وسادة للميتين
وواحدة حجر أساس الجايى بكره قريب
وطولى من نظر تنشافى بيهو هناك
وطولى من وتر تتباهى ببيهو هنا.
..............................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
عندما خرج طه من دياره كان قاصد شندي حتى يحتمي به من بطر وتجبر الشكري وددكين الذي كان مرتكز في جبروته على كبر قبيلته التي يمكن ان تدهس قبيلة البطاحين وقد استأثر طه أن تبقى قبيلته كريمة ممعززة واشترى بذلك خروجه من دياره وقصد شندي للمك نمر
وصل طه ومعه بنت عمه ريا ووصل ضحى وكان نمر يجلس مع كبار الجعلين في صالونه العامر بشندي فوق فسأذن للدخول عليه فأُذن له فدخل هو بنت عمه علي نمر وهو جالس بين قومه
قام طه قال ليهم :
التلب اللزوم
مدخور يشيل العايلة
إقدل بي مهل
فوقو الحمول الهايلة
إياك مرق القبائل
فوقّك يسندو المائله
فراج كُرب الهم
اب قبائل جايلّه
عامر جمعكّم
أن شاءالله ما بنفضّه
ماجابني مال
لا بدور دهب لا فضَّه
بدور المك نمر
سيد النحاس الجضّه
جيتو علي حمِلتّن
غيرو مابنقضّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام المك نمر قال لي :
تقضّى كان بقدره
قام طه قال لي :
أنتَ اللزوم
ماك حاسي
وألآف زي حزمتي
تشيلّه تقدل ماشي
التغيان تفشّو
والضعيف بتراشّي
مو داب قبيلتك
نحن بيكَ نفاشي
جيتك يا مك
وأملي بس تكشف همي
في الأول وداعة
في في حماك بت عمي
وكتين تقبله
أنت شلتّه تلتين همي
والتلت الاخير
تحجاني تحقن دمي
دي ريا بت اب كبس
ماكان ابوها فقير
وأبوي قُبالو مات
رباني من ماكنت صغير
وكت لحق أعيش
وراهّو ماني حقير
أصُد الغارة علي جاري
وعلي عروضي اغير
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام المك نمر قال ليهو :
مالك
هسه شن جاك
قام طه قال لي :
جاتني جنيّه
حربة رِده ما بخاتري
ما بي النية
قام المك نمر قال ليهو :
كتلتّه منو وجريت ؟
قام اتلفت طه علي بنت عمو وقال ليها:
اها سامعة آ بنية
دي المابيها
والخوف تبقى ورانية
الموت ما بخافّو
الخوف يمين مو هولي
الشي البخافّو
بخاف بهادل عولي
الناس والوراي
كان براي بسعولّي
في راس الكتلّتو
بقيف يمين لا حولي
كان هم بيرضّو بتاري
وياخدّو الِليلتِي
ما كنتا ألتجيت
ضاقّت عليا مهيلتي
يا مك ناسي قِلّه
بخاف إخربّو قبيلتي
بي جعل إحتميت
وفوقّك سلبتّه تقيلتي
الشكرية تغيّو
وللجوار ما براعّو
حمد وددكين
في راسي ختّه كراعّو
سمع بسفري لشندي
قام في سراعّو
قاطع دربي
إخرت ريا قال بضراعّو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
محكمة الغرام
.................
للشاعر... المدني الكردوسي
................................
طالبني الغرام رسل لي خمسة عساكر
وأنا عامل جنايات والعقل مو فاكر
بعد ودوني قابلتو القبيح الماكر
قال ختوه يرقد في السجن لا باكر
بعد الصبح أصبح والسجن فتحوه
والمكتب عمر قالوا الأسير جيبوه
قال ليهم الولد ياتو هــــو ؟
قالوا عشوق خدود اللينة ماعرفتوه؟
قالوا ها بالحيل بنعرف الغرام شاويهو
ومن فضلك تسامحو وغايتو لا تقاويهو
الماسكو الهوى العذري نازل فيهو
في حكم الشرع لا يكون جناية عليهو
اتنفش الغرام برنيطو شالها نفاها
ضرب الكوبيا لا من سرحا وشقاها
إتناول قلم غيرها وكتابتو محاها
قال أمسكتو خمسين جلده
إتنين نجمة غايتو معاها
.....................................
ونواصل
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
Quote: بسم الله الرحمن الرحيم
سلام ياهلنا...
صوره عروس من قبيلة الـ بني عامر |
حاتم هاشم سلام
السلام يغريك انت يا الزين
السلام يغري الطرابيش والقلاشين
الله أن خلاني طيرة وجيك الحين
واغريك السلام يا الحنين
والله اشرق البوست بك يا غالي وربنا يقدرنا على شكرك .. وزي ما بقولوا الله لا جاب يوم شكرك يا سمح يا زين يا حبوب
لك الاحترام والتقدير
خالد محجوب
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أها طه كان موصل في حديثو الموجّه للمك نمر في حضور كبار الجعلين
قام طه قال ليهو :
جيتّك من أهلي قاصدّك
وما بقضي إيثار
إنكشف الأمُر
دحين براك إختار
إما تبقى بيني
والبخافو ستار
إما تكتلني إت
وتآخد التار
ياك عز القبائل
والكرم فيك طبعّه
وجارك مابِهم
إن كان مسوي السبعّه
إن كان أجلي تمّه
اُخد قصاصي التِبعّه
وزي ما قالوا قديم
البياكلوا الأسد
أخير لو من الضبعه
هنا المك نمر قبل علي الموجودين من كبار الجعلين وقال ليهم :
آها يا دار جعل
إنتو الكلام سامعنّوا
قولوا دحين رايكّم
وفكركّم الشارعنّوا
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بعد ما المك أدا الإذن وقف واحد من الجعلين وقال ليهو ...
كان ضيفنّا
ما نحجا وندافع عنو
نرمي سيوفنّا
تاني ليه الحِصان ساعنّو
قديم يا مك
ديارنّا مرتع الآمال
وشُعبة الكون
وركازة الزمان إن مال
صغيرنّا إن جال
يَضاير العوق يمين وشمال
بي دمانا النزيل
نحجا قبل المال
أديهو الأمان
يقدّل ويلقى مناهو
والببقى في أمان المك
منو البدناهو
كل جعلي
من أعلاهو لي أدناهو
محال يبعدّو
والمك نمر أدناهّو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
هنا المك نمر قال ليهم :
إنتو كبارنا
شورتكّم جمعنّا بتعمرو
مارستّو الدهر
ضايقين حناضلّو وتمرّو
غاية الحي فناهّو
والموت نهاية أمرّو
لكن بي وراهّو
ذكرو بِصبح عمرّو
ياها الدايره
وعليها كنتَ مصمم
ماتعداها رايكّم
جاي ليها متمم
سار في أماني طه
وبي الزِمام مزمم
أدهو هدومي
وبي عِمامتي يكون مُتعمعم
( يعني طه يلبس جلابية المك نمر وعمامته والبصلو يكون كأنه تعدى على المك نمر في نفسه )
دُق بالنحاس
يا ولد بشربّو
لامن يسمعّو
البعاد والقربّو
عُقب البدنّا طه
يمين عقابّو نخربّو
وأنا ياني المك نمر
كبريت يحرق جربّو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
نواصل مع محكمة الغرام والمدني الكردسي
بعد ما فاق بقول
ودوه للباشكاتب
يمكن يلقى أورنيكو
ويزيدلو الراتب
وجد عندو جمهور
ناس فلانة مراتب
قال ليهو كون
جالس لا تخاطب
أخد ساعتين مصنقر
فوق جمر قلاية
لا سمع رد جواب
لا جاتني راجعة حكاية
فتش أوراقي أبد
ما وجد لي خطايا
قال ودوهو للنائب
غلبت براية
يا خلاي بعد ماجيت
وصلت النايب
قال أووك ياسلام
أورنيكو فيهو نصايب
دا أصلو حرامي
كان مسحب وغايب
ودوه للمامور
براه الشايـــــب
المامور بعدما
جيت وقف قابلتو
شخص أبصاروا وعاين
لي مسك في شغلتو
قال للعسكر التابعني
كيف عملتو
ده ودوه للمستر
يشوف مسألتو
..............................
ونواصل
.
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
المدني الكردوسي ومحكمة الغرام
المستر بعدما جيت
وقف قدامـو
عاين لي نص ساعة
وطلب ترجامو
ترجاميهو ترجملو
وعدل لو كلامو
قال ودوه لي مولاه
قاضي إسلامو
قاضي المحكمة الشرعية
جيت عن بابو
مقدار ثانية فورا
رد لي جوابو
قال لي معاك ما أحوال
الغرام وأسبابو؟
قت لو القصة من
زولا حرير قربابو
القاضي إتمحن والمفتي
برضو معاهو
قال ودو لي حكيم الصحة
يكشف داهو
يمكن تكون مسألتو هينة
والدوا بيلقاهو
ما يدروه حسرور
المزرقن فاهو
قم من حيني قاصد
لي حكيم الصحة
امشي عليهو أردف
كل مرة الوحة
قت لي سيبني ما عندك
دوايا صح
أنا طبي ليم
القرنهن ما شح
سبتو براهو في اودتو
ومرق خليتو
والحسس العلي جوه
الضلع دسيتو
كل ما يهف لي عجلول
الترى الفي قيدتو
ما لدواي طب أكان
ما صديهن جسيتو
يا خلاي خلاص هذا
الحديث إنتم
والنوم فر والعينان
دموعهن جم
مريودة أمها السولها
السوار والكم
تجمع شملنا وبعد
الفراق نتلم.
............................
تحياتي...
حاتم هاشم.
| |
|
|
|
|
|
|
| |
خالد علي محجوب المنسي
حاتم هاشم
فيصل محمد خليل
أبو الحسين
Muna Khugali
فيس بوك
تويتر
انستقرام
يوتيوب
بنتيريست