|
|
 Re: جنوب كردفان والعصا الغليظة ! (Re: shazaly gafar)
|
صديقي شاذلي..حبابك
كتر خيرك على النصيحة الغالية..و ليت اهلنا يستوعبوها بدري بدري..
ايام الســلام الأولى.. كان في واحد مثل البلولة..من اهلنا الحوازمة..و الظروف سنحت له ان يجالس بعض من عسكر الحركة الشعبية..و اكتشف العجب العجاب.. فاطرق و قال قولة مشهورة (كوكو خلاص عرف)..و لأهل البنادر.. انه استوعب الدرس..و ان الأمور ليست كما كانت تتهيأ له في البداية..!
بعد الجوطة الحايمة دي كلها.. ناس جنوب كردفان متذكرين حاجة واحدة: انهم خاضوا الحرب لمدة خمس و عشرين سنة..و كانوا أول الخاسرين..ولا اعتقد انهم في استعداد للعودة لها مرة اخرى..!
قريب يا صديقي ح يقوموا الناس و يسكوا ليك ناس الدفاع الشعبي و يقولوا ليهم شيلوا بنادقكم غادي مننا و ما دايرين منكم بنادق..وقتها سيعرف السودان حاجة..!
و دمت..
كبر
|
|
 
|
|
|
|
Kabar
فيس بوك
تويتر
انستقرام
يوتيوب
بنتيريست