|
|
 Re: هباب ودَّ الخاله وسيوبر عشوشه (Re: shazaly gafar)
|
ابتلع أحمد كِشِّيف محتويات كأسِه بصعوبة ثم قال :
- يا جماعة أنا شايف سعاد لا بتجدِّع ولا بتجيب الحجار .
تنحنح (سامى ) بعد أن عذَّب سجارته (عذاب الله أكبر) و (وشوْشَوَتْ ) طرفَىْ إبهامه وسبَّابته وشفتيه الجافتين ثم قال
بصوتٍ ثقيل :
- شنو يا سعّوده إنتى لا تشجِّعى (النيل ) ولا تشجِّعى (الزهرة) ..بينسون بس ؟!
بينما كانت تقسم (سعاد ) ابتسامتها بين كشِّيف وسامى ؛ هجم عليها حسن شلاقة ووخذها بإصبعه على خاصرتها فقفزت
حتى شهقت ثم قرصتها هدى باسنده على خدِّها بحمبَّة حقيقة وهى تقول :
- سعاد حبيبتى بلا هم بلا غم ..أدِّيها شلّوت وكوز مويه ..أأأقصد (جك) ..أنسى حبيبتى ..أنسى ..نحن شعارنا
أنسى ..مش؟
فقالت سعاد :
- أنا بطَّلت هباب ووقَّفت شراب ..لكن ح أقعد جنب الولد العسّولى ده يقرأ لى حظى شويَّة ، نشوف الحاصل علينا
شنو؟ يلا يا عبّودى ..
عبودى دائماً على أُهبة الاستعداد ..دلق قليلا من القهوة على الأرض (لزوم أولاد ماما وكده) ثم صبَّ لنفسه فنجاناً
، وآخر مثله لسعاد ثم نثر الودع وقال :
- الودع محمِّدكم يا شباب ..شكلو مابيكم من قبيل عشان ما رميتو البياض !
أخرج سامى ورقة نقدية خضراء من الفئة الكبيرة وهو يستنطق عبودى (المتمحِّن) ويستحثه على القراءة ..قال
عبودى وهو يخلِّل شعره :
- إدريس الجاييكم ده منو ؟
- إدريس؟إدريس ؟ مابنعرف زول اسمو ادريس !
رفع عبودى حاجبيه وكتفيه مغتاظاً وهو يقول :
- هييى وتانى هيييى والتالتة للجيران ..أنا ودعى مابكضِّب ! والله كان طرتو للسما إدريس جاييكم جاييكم !
لملم ودعه ثم نثره مرَّةً أُخرى ..هزَّ رأسه ومصمص شفتيه وعقد حاجبيه وهو يقول :
- الشى ده محمِّد اللبوة المستشهدة برَّه دييك ..عندها سفرة قريييبة ..زول ح يودِّعها مافى لكن ح يعملوا ليها
حفل استقبال هناك ..إنَّما إييه!
استرخت هدى باسنده تماماً ..همهمت وغمغمت وهى تتأمَّل عينيها الفاتنتين من خلال مرآة صغيرة أخرجتها من
حقيبتها ..ضحكت حتى أدمعت عيناها .. أجهشت بالبكاء ..تلك كانت هى القمِّة المنعقدة بين الوعى واللاوعى فلى
إطار التصالح مع الذات والتجرُّد والمكاشفة والشفافية ..ثم قالت موجِّهةً أساها إلى هديل أم لساناً طويل :
- تدمِّرونى ..تحطِّموا حياتى وشبابى وجمالى ..! ده شنو العملتيهو فينى ده يمَّه ؟انتو ليه ما نصحتونى من أوَّل ؟
عبودى كعادته جاهزاً للمبادرة :
- شوفى يا باسنده الفات خلِّيهو.. حسى الكلام البتعملى فوقو ده غلط عيب حرام ..من محلِّك ده ..استوب ..قو
باك ..أها نصحتك والاَّ ما نصحتك ؟ (قال ذلك وكفَّاه على خاصرتيه)
لكن هديل أم لساناً طويل أشارت له أنْ اصمت بوضع اصبعها على شفتيها ثم قالت :
- هدى دى كفاها استوت خلاص !
جايى
|
|
 
|
|
|
|
|
| العنوان |
الكاتب |
Date |
 هباب ودَّ الخاله وسيوبر عشوشه | shazaly gafar | 04-07-09, 02:05 PM |
| Re: هباب ودَّ الخاله وسيوبر عشوشه | shazaly gafar | 04-07-09, 03:19 PM |
| Re: هباب ودَّ الخاله وسيوبر عشوشه | shazaly gafar | 04-07-09, 03:22 PM |
| Re: هباب ودَّ الخاله وسيوبر عشوشه | shazaly gafar | 04-07-09, 03:51 PM |
| Re: هباب ودَّ الخاله وسيوبر عشوشه | shazaly gafar | 04-07-09, 04:00 PM |
| Re: هباب ودَّ الخاله وسيوبر عشوشه | shazaly gafar | 04-07-09, 04:08 PM |
| Re: هباب ودَّ الخاله وسيوبر عشوشه | shazaly gafar | 04-07-09, 04:13 PM |
| Re: هباب ودَّ الخاله وسيوبر عشوشه | shazaly gafar | 04-07-09, 05:03 PM |
| Re: هباب ودَّ الخاله وسيوبر عشوشه | shazaly gafar | 04-07-09, 05:08 PM |
| Re: هباب ودَّ الخاله وسيوبر عشوشه | shazaly gafar | 04-07-09, 05:11 PM |
|
| |
shazaly gafar
فيس بوك
تويتر
انستقرام
يوتيوب
بنتيريست