|
Re: حكاوي من الشعبيه (Re: خالد درق)
|
الاخ وليد صور جميله وشباب حلوين والشعبية ليس بخير
ياسلام جوبى ياخى ده كان عند فول خطير ايام ياوليد حلال الشعبية
كابتن باسر عمرابى باله كيف اخباره ياوليد ...
منتظرين الاخبار ياوليد وان شاءالله تكون بصور
مودتى ....
| |
|
|
|
|
|
|
Re: حكاوي من الشعبيه (Re: خالد درق)
|
سوق الشعبية وما ادراك ما سوق الشعبية (في الليلة الظلماء يُفتقد البدرُ ) الله يرحم ايام المراحيم ناس ملكة وبدر الدين ديكة وعبد الكريم زيادة وادم الضو ومحمد الحسن ابوكروق
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
الوضع اصبح محزن في الشعبية مخدرات دعارة قلة ادب تشردوتفكك ومن المؤسف الانحرافات في الحي يسكتون عنها ففي فترة وجودي هناك تهجم مراهقين من الحي على سيدة في منزلها واستدعت لهم 999 عن طريق زوجها وتم حلاقتهم صلعة . تحولت الشعبية الى اوكار ولا فرق بينها وبين كلومبيا زمان من يمر بالطريق يعمل على تأديبك اليوم في بيتك لم تستطيع تأديب ابنك والحدائق والاسوار خارج المنزل اصبحت مكان خصب لممارسة الرزيله .ازيلوها حفاظا على اولادكم من المسؤووووووووووووووووووووووووول.
| |
|
|
|
|
|
|
Re: حكاوي من الشعبيه (Re: خالد درق)
|
Quote: الوضع اصبح محزن في الشعبية مخدرات دعارة قلة ادب تشردوتفكك |
اخى العزيز وليد عبداللطيف .. سلام وجمعتك مباركة
كلام خطير جدا اخى وليد وصل الحال لهذه الدرجة وين الاهل وين كبار ناس الحى بهذه الطريفة نقول على الشعبية السلام الحى الذى كان نقى وطاهر ...لاحول ولاقوة الابالله يارب احفظ جميع الاسر من هذا الطوفان القادم ...
ياشباب كيف وكيف الحل ؟؟؟؟؟؟؟؟
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
الاخ وليد الف حمدا لله على السلامة مرة اخرى والحمدلله بلوغ الوالده تمام الصحه والعافيه صاحبك العريس حالف ما يتحنن ولا حفلة وعقد بس وهذه فرصة لدعوة كل الاخوان لمشاركتنا الافراح بزواج شقيقي الصادق يوم 2/8 والدعوه لكل احبابنا وجيراننا واهلنا بالشعبيه
Quote: الوضع اصبح محزن في الشعبية مخدرات دعارة قلة ادب تشردوتفكك |
عزيزي وليد ما يحدث بالشعبيه ليس بمناى بما يحدث في السودان نتيجه للتفكك الاجتماعي الناتج عن الوضع الاقتصادي المتردي الذي تعيشه البلادودائما ما نسال من اين يبدا الاصلاح في المجتمع ؟ من الفرد لاصلاح المجتمع او من السلطه لاصلاح المجتمع فالكل يعلم ويستشعر الى اي مدى وصل مجتمعنا من الفساد وهذا مثال بما ورد في احدى الصحف الالكترونيه
Quote: الجامعات.. عرفي ومخدرات وأفلام فاضحة!!..سُمعة الجامعات السودانية وصلت الحضيض واقع بعض الجامعات لا يُبشِّر بخير، ولا ينتج إلاّ النكسات والخيبات بعد أن تسيدتها عصابات المخدرات وأوراق الزواج المضروبة ومقاطع الأفلام الإباحية التي تزحم أثير القاعات بتقنيات «البلوتوث» التي لا ترحم.. الجامعات سَادتي تَحَوّلت في السودان إلى مواقع لتسويق الفواحش ما ظَهَرَ منها وما بَطَن..! |
Quote: من المسؤووووووووووووووووووووووووول. |
اليس الناس على دين ملووووووووووووكهم
| |
|
|
|
|
|
|
Re: حكاوي من الشعبيه (Re: صلاح عثمان)
|
الاخ خالد درق
Quote: كلام خطير جدا اخى وليد وصل الحال لهذه الدرجة وين الاهل وين كبار ناس الحى بهذه الطريفة نقول على الشعبية السلام الحى الذى كان نقى وطاهر ...لاحول ولاقوة الابالله يارب احفظ جميع الاسر من هذا الطوفان القادم ...
ياشباب كيف وكيف الحل ؟؟؟؟؟؟؟؟ |
اولا شكرا على الاتصال والاهتمام ياخالد كما قال الارباب صلاح عثمان الظروف الاقتصادية اصبحت صعبة وسيئة جدا واكيد لازم تؤثر سلبا على الحياة الاجتماعية والتعليم الارباب صلاح عثمان Quote: الاخ وليد صاحبك العريس حالف ما يتحنن ولا حفلة وعقد بس |
معقول ياخي الفرح كم مره ما كفاية متلتلكم ومتلتل ناس امريكا لازم يعمل ليكم حفله ومهرجان .. قوليهو جر فرفور ابوصلعه من اضانو خليهو يجي يغني ليك للصباح هو لو ما الصادق كان فرفور صاحبنا للان بغني في حديقة الصبابي فقط .
Quote: و انا في طريقي للنقلتي و الذي كان يجلس امام دكان فقيري جاءني ( الكجر ) و و ضع يده في جيب القميص و قال : الواحد هسه يديك بنيه و انا طبعا استخفيت بيه بحكم اني اقدر عليه تماما لكن كان من الدهاء و السرعة إنه سرق الشلن و طار و عند وصولي للنقلتي لم اجد الشلن و في الحقيقة طار قلبي و ليس الشلن و تذكرت الكجر و الحركه العملها و لمحته بستأجر عجلة من دكان العجلاتي "صديق" والذي كان يسكن الدناقلة شمال ولديه ولد اسمه مزمل. المهم انتظرت الكجر عند العجلاتي و عيني يتطاير منها الشرر و بعد ساعة و صل و مستمتع بسواقة العجلة بقروشي واول ما شافني رمى العجلة و هرب و انا وراه لكن لم استطع الإمساك به . |
ياصلاح ياخي كمية من الضحك ما عادية وتخيلت المنظر ونظرة استخفافك بالكجر الكجر شخصية ظريفه وشقي من طفولته واتذكر كان يلبس سروال كبير وعريض متخيل انه برشوت ويتحدى الناس بطراده بأن يسقط من اعلي كبري شمبات على البحر ..
------------ بالله كتر لينا من نوع هذه الذكريات لان من خلالها الواحد بيتذكر شخصيات ومواقف طريفة
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
عابدون محمد عابدون ياخي مشيت استلم شوال البلح الحاجه قالت لي انت من فين وابن مين ما اندناش شوال بلح روح يامستهبل ههههههه ياخي بكره عندي ليك مفجأة جميلة ترقبها ابراهيم حطابي الرجل الخلوق الان كان في اتصال معي من القصيم ونقول له الف مبروك المولودالجديد ويتربى في عزكم صراحة البوست اصبح مليان افراح وتبريكات وربنا يجعل كل ايامكم بركة وافراح
دكتورة روما جميع افراد اسرتكم بخير وبيسلمو عليك والحاجة عشة بتقول ليك كتر خيرك يابتي دكتورة ستنا ياخي شكرا كتير ومعليش ماقدرت اصلك واسلم عليك وانتي براك شايفة السودان جري وحوش
| |
|
|
|
|
|
|
Re: حكاوي من الشعبيه (Re: الفاضل يسن عثمان)
|
الفاضل ود الحبيب يسن بالله كيف اخبارك وامورك كل الناس هناك بتسأل عنك قلت ليهم بيلم في الدولارات والف مبروك ليكم زواج شقيق الكابتن محمد عبد الصادق ولا يفوتني ان اقول لك البركة فيكم في وفاة والدة حلوبي
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
Quote: ولا يفوتني ان اقول لك البركة فيكم في وفاة والدة حلوبي |
لم اعرف بالخبر،تعازينا للاخ حلوبي،وخالدواحمد، وشقيقاتهم ونسأل العلي القدير بأن يتقبلها قبولا حسنا. فقد كانت انموذج للمرأة العاملة الساعيات لزيادة دخل الاسر، اللهم زد في احسانها ليوم الدين. الغريب كنت في سيرتها بالامس مع الوجيه احمد درماس وهو بمعيتنا هذه الايام بأجازة أن لله وأن اليه راجعون
| |
|
|
|
|
|
|
Re: حكاوي من الشعبيه (Re: الفاضل يسن عثمان)
|
مجدي نقد ياهندسة
Quote: مرحباً بالعزيز الوليد عبد اللطيف .. حمداً لله على سلامة الوصول. قلنا نفتح ليك صفحة جديدة قبل دكتور عماد و درق يجوا. |
ياخي ماتهابش خالد درق صاحي قبلك بخمسة دقائق خالد درق 22-07-2010, 08:52 م مجدي نقد 22-07-2010, 08:57 م معليش ياهندسة المره الجاية اخد من دكتور عماد ودرق إذن
| |
|
|
|
|
|
|
Re: حكاوي من الشعبيه (Re: اسامة سعد)
|
صلاح عثمان
ياخى سلامات وربنا يتمم على خير
الأستاذ عبدالرحمن محمد عيسى ده كان اكتر من استاذ بالنسبة لى يعنى اخوى الكبير وكان بيناكثير من الآحترام المتبادل تحياتنا ليه
| |
|
|
|
|
|
|
Re: حكاوي من الشعبيه (Re: الحاج حمد الحاج)
|
صور من زيارتي لماليزيا:
صورمن بالكونة فندق (فلمنجو) و هو فندق راقي على شاطئ جزيرة (بينانج) احدى الجزر السياحية بماليزيا و تظهر الصورة البحر و الخضرة و بعض الفلل الراقية المجاورة للفندق
| |
|
|
|
|
|
|
Re: حكاوي من الشعبيه (Re: الحاج حمد الحاج)
|
Quote: ياخي كمية من الضحك ما عادية وتخيلت المنظر ونظرة استخفافك بالكجر الكجر شخصية ظريفه وشقي من طفولته واتذكر كان يلبس سروال كبير وعريض متخيل انه برشوت ويتحدى الناس بطراده بأن يسقط من اعلي كبري شمبات على البحر ..
|
سلامات يا وليد وصلاح والحاج وقريبى الفاضل
محمد عثمان (الشهير بالكجر) شقيق صديقى صلاح عثمان مشهور عنه خفة اليد
أول ما تشوفو أمسك عليك جيبك. فى إجازتى الأخيرة كنت مع شقيقتى بمنزلهم
بالشعبية بحلة الصديق وزارنا يعقوب إبراهيم مالك جارنا وحكى لى قصة مضحكة عن
الكجر ذكر أن الأسرة قد باعت منزلهم بالشعبية وأخذ كل نصيبه من التركة . إشترى
الكجر بنصيبه قطعة أرض شمال غرب الكدرو بأربعة مليون وبنى عليها وسكنها ثم إشترى
بالباقى ركشة وأعطاها لإبن البكر وفى اليوم التانى ضربها لورى وفرتكها لقطع يصعب
لمها ..(فرتكها حتة حتة) ...على قول يعقوب
الحاج سلامات ومبروك العرس تانى ..باركنا ليك فى بوست كيكى لكن ما جبتا خبرنا
| |
|
|
|
|
|
|
Re: حكاوي من الشعبيه (Re: شمس الدين ساتى)
|
صلاح عثمان:
مبروك للصديق الخلوق،الصادق،ويتمم اليه،زواجا سعيد ونتمني ان تستمتع بمعية الاهل والاحباب بعطلة جميلة انقل تباريكنا الشديدة للصديق الصادق.
مودتي
| |
|
|
|
|
|
|
Re: حكاوي من الشعبيه (Re: صلاح عثمان)
|
Quote: ياخى سلامات وربنا يتمم على خير |
الاخ اسامة سعد شكرا اخي وان شاء الله عقبال ما نفرح باولادك يعني نقول بعد 15 سنة كده ما عارفينها كثيره ولا شويه غايتو ربنا يعطينا الصحة والعافية وطول العمر
| |
|
|
|
|
|
|
Re: حكاوي من الشعبيه (Re: صلاح عثمان)
|
Quote: تمنياتي لك برحلة سعيدة للسودان ، ربنا يتمم هلى خير للأخ الصادق و مبروك مقدما و بيت مال و عيال. |
الوجيه الحاج شكرا عزيزي الحاج وعقبال ما نفرح بقدوم ولي العهد لكن يا حاج شهر عسل تمام والجو شكله رائع الواحد عايز شهرين في الحته دي يهدي اعصابه وينسى الشغل وضغوط العمل
| |
|
|
|
|
|
|
Re: حكاوي من الشعبيه (Re: صلاح عثمان)
|
Quote: مبروك للصديق الخلوق،الصادق،ويتمم اليه،زواجا سعيد |
الاخ الفاضل يس بارك الله فيك اخي وعقبال ما نفرح بامورتك الصغيره مع تحياتي لك ولجميع الاخوان باستراليا
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
الوليد عبد اللطيف سلامات
Quote: ياخي ماتهابش خالد درق صاحي قبلك بخمسة دقائق خالد درق 22-07-2010, 08:52 م مجدي نقد 22-07-2010, 08:57 م معليش ياهندسة المره الجاية اخد من دكتور عماد ودرق إذن |
يا اخي الناس ديل ما نفع معاهم أي شئ ..لا كثير تلج..لا ظرافه..لا شحده حتى اسال الاستاذ حسن طه..يا اخي ديل ببدو بالصفحة و بختموها..موزعين الادوار زي المسلسل العربي زمان ببدأ باسم البطل و بنتهي بالمخرج..هه. تحياتنا للعماد و درق عبرك و لهم منا كل التقدير. _________________________________________________________________________________ بالله يا وليد شوف دكتورة روما دي طيرت الباسوورد وين ؟ قول ليها تبطل تخش بيه المطبخ عشان نسيبنا ما يتسمم.
| |
|
|
|
|
|
|
Re: حكاوي من الشعبيه (Re: مجدي نقد)
|
الوجيه الحاج حمد سلامات
Quote: صور من زيارتي لماليزيا |
حمداً لله على سلامة الوصول..ليك حق تختفي الفترة دي كلها..يا اخي ما تزيدنا من الصور شوية امكن نفكر نهاجر هناك بدل قعدتنا في الصحراء المولعة دي. تحياتي
| |
|
|
|
|
|
|
Re: حكاوي من الشعبيه (Re: مجدي نقد)
|
الاديب صلاح عباس سلامات
Quote: وشكراً للأخ العزيز مجدي نقد حواره مع الذات، الذي تجاوز دائرة الكتابة الأدبية، ليشكل تعبيرا أخويا صادقاً إزاء العمل الجميل الذي قدمته روما!
|
تسلم يا حبيب..يا زول لي الغيبة دي كلها و كمان معاك دكتور قناوي ؟؟اها رايك شنو في المحصلة الطلع بيها اخونا الوليد من زيارته الاخيرة للشعبية.. دا بقول كلام خطير اشار ليه من قبل الدكتور عبد الخالق في رسالة للبوست عبر بريدي الالكتروني و بالاخص موضوع انتشار المخدرات في الشعبية. تحياتي _________________________________________________ ترحيب حار بالاخ اسامة سعد..ليك وحشه و الله
| |
|
|
|
|
|
|
Re: حكاوي من الشعبيه (Re: مجدي نقد)
|
Quote: يا اخي الناس ديل ما نفع معاهم أي شئ ..لا كثير تلج..لا ظرافه..لا شحده حتى اسال الاستاذ حسن طه..يا اخي ديل ببدو بالصفحة و بختموها..موزعين الادوار زي المسلسل العربي زمان ببدأ باسم البطل و بنتهي بالمخرج..هه. |
ههههههههههههههههههههههههههه ود نقد ياهندسة يازول قول ماشاء الله عليهم افتكرتك ح تعلق في البناء في الاراضي الزراعية او اطراف البحر وحسب سمعي شايف تم طريقة بناء جديده للعماير مقاوم للهزات الارضية (الزلازل) يعني العمارة تميل وتعمل شبال وترجع تاني مكانها (رايك شنو ).... اشرح واستلم هذه الصور هدية مني ليك ( للاسف الكمبيوتر ماراضي يحملها )
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
يامجدي نقد
اها دي صورة لرجل الاعمال نقد عبد الحليم نقد شقيقك ويعتبر انموزج للشباب الطموح الذى بنا نفسه بنفسة الى ان وصل الى هذه المرحلة وربنا يزيده ومن الطرائف يامجدي في يوم من الايام قبل ما انت تسافر الى روسيا نقد قال : ياوليد انا لازم اسفّر مجدي اخوي بره لكي يواصل تعليمة لان هذه الايام ظهرة شلل ضاله في الحله وفعلا ما حصل يعني لو ما نقد عبد الحليم اخوك الان كان تكون ماسك شباك سينما الصافية ههه
ودي صورة من اليمين الكابتن ود البدري لاعب الزهره ولاعب الفريق القومي للناشئين والشباب والكابتن الحاج سكر الفنان بملعب ميدان الرابطة اها يامجدي نقد قصرنا معاك
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
Quote: الف الف الف مبروك للاخ الخلوق الصادق عثمان والف مبروك اخي صلاح والاسرة الكريمة ومبروك لجميع اهل الشعبية وربنا يتمم على خير |
ياعمدة يا اصيل اشكرك جزيل الشكر على التهنئه وعقبال ما نفرح بامير واخته ان شاء الله يكون قريب مادام تساوت الكتوف وبقى يلبس جلابيتك وشبشبك ربنا يحفظهم ويبارك فيهم ......أمين
يا اخوانا وين الدكتور منير؟ مشينا منبر الشعبيه نفتش في تلفون او بريد الكتروني لكن ما لقينا. اظهر يا دكتور
| |
|
|
|
|
|
|
Re: حكاوي من الشعبيه (Re: صلاح عثمان)
|
Quote: الف مبروك للاخ الدكتور عادل عبد الدائم وهذه صور من حفل حنته ويظهر بها العريس القادم الصادق عثمان شقيق الارباب صلاح وكان حفل جميل وراقي وزينه ال شكوكو بكرمهم الفياض والمعتاد في ليلة بهية صدح بها كروان بحري عماد الصبابي وغني ( اضيع انا وقلبي يزيد عناهو ... فليحيي محبوبي ويبلغ مناهو ) واستمتع الناس بالحفل الزاهي الجميل وبه كان اجمل صدفة يقابلني شخص ويعرف نفسه بانه من اولاد قناوي (التوم ) شقشق الدكتور قناوي بعد ان اجتررنا ذكريات جميله مع الاستاذ المحامي محمد قناوي الصادق عثمان العريس القادم بمنطقة الشعبية جنوب وبيت مال وعيال كما يظهر بالصورة (جوبي ) اشهر بتاع في فول بمنطة بحري من المؤسف لـتأخيري عن الحفل لم نستطيع التغطية الكامله لاخوان العريس عادل شكوكو وايضا نبارك للاخ صلاح شكوكو زواج شقيقة ومن الجميل و بعد غيبة طويلة اشاهد شكوكو بكامل اناقته المعهوده (عيني بارده ) وما شاء الله
|
قريبنا المفضال / وليد عبد اللطيف لكم التحية والود حقيقة سررنا جدا لمشاركتك لنا افراحنا .. في معية هذه الكوكبة النيرة من الأهل والأحباب .. فقد كان الفرح الحقيقي في عيون الذين طوقونا بأحاسيسهم النبيلة .. والذين عطروا ليالينا بتألفهم الطيب وودهم الكبير .. إذ لا فرح للناس إلا بين الناس ولا معنى للإبتسامة إلا عندما تكون في وجوه الناس
شكرنا وعاطر تقديرنا لك أخي الوليد على هذه الوصوف الطيبة .. والكلمات الراقية التي نثرتها حولنا .. وحقيقة غالبتني ظنون أنك تكتب من بعيد حتى رايتك في المحفل .. كتب الله العافية للوالدة وجعلها الله من المتدثرات باثواب العافية .. ونضر الله وجوهكم بها .. فالوالدة والدتنا جميعا .. وهي في أعماق قلبنا تحتل مكانة الود فيها ,,
وبعد أن أهلنا الأخ الدكتور عادل .. نعد العدة لتأهيل ألأخ الكريم ( الصادق ) فهو عطر فواح من ثنايا إلفنا الطيب .. وحينما أقول إلفنا أقصد أن الإندياح الوجداني بينا جميعا قد خلق معاني أسمى ليكونوا أخوة لنا حقيقين .. فقد إمتزجوا بنا وإمتزجنا بهم .. وحينما تصبح الامهات شقيقات فإن الحديث عن أخوة يكون نوعا من البديهيات التي لا تحتاج منا الى تأكيد ..
التحية لكل آل عثمان أحمد .. والتحية للوالدة ( فاطمة محمد ) وهي تجتاحنا بقلبها الوارف الظليل .. والتحية للعقد النضيد من أبناء حيينا الذين يعطرون الأماكن بعطرهم الفواح ..
مع دعواتنا الطيبة للجميع بكل الود والفرح والسرور
وشكرنا يتمدد للجميع
..
| |
|
|
|
|
|
|
Re: حكاوي من الشعبيه (Re: صلاح شكوكو)
|
Quote: يا اخي الناس ديل ما نفع معاهم أي شئ ..لا كثير تلج..لا ظرافه..لا شحده حتى اسال الاستاذ حسن طه..يا اخي ديل ببدو بالصفحة و بختموها..موزعين الادوار زي المسلسل العربي زمان ببدأ باسم البطل و بنتهي بالمخرج..هه.
|
اخى باشمهندس مجدى نقد ... تحياتى
والله ضحكتني بتشبهك الجميل بس نسوى شنو الواحد يغيب ويجى يلقى الناس ليس مافى واحد جر قلم فى البوست بعدك بنقوم سدارى بالبوست حتى ما ينزل الدرجة الثانية ولكن من الحين حجزناليك الصفحة القادمة خليك غريب .. مودتى يا هندسة
| |
|
|
|
|
|
|
Re: حكاوي من الشعبيه (Re: خالد درق)
|
التحية لنقد عبد الحليم الرجل الخلوق الذى امتعن فى الملاعب يا سلام على ايام فريق الشعلة والدفورى ايام ولا اروع فى الشعبية الحبيبة ..
لك الود اخ نقد ...
| |
|
|
|
|
|
|
Re: حكاوي من الشعبيه (Re: الحاج حمد الحاج)
|
ياحااااااااااااااااااااااااااااااااااااااااااااااااج مليتنا عجاج طلع المستخي طلع
ياجماعة اين سعادة المستشار حسن طه
--------------------------- ربنا يسعدك دايما
| |
|
|
|
|
|
|
Re: حكاوي من الشعبيه (Re: عابدون محمد عابدون)
|
عبدون استلم
يازول صاحبك ده كان معاي ابن خالتي وكانت معي عربية خالد المبشر وسلمتها له ولما راجع لقيت بتاع امجاد ووقفتو طبعا عرفتو مباشرة وهو لم يعرفني ياخي دي امكن 30 سنه لم اراه او يراني قلت : يازول توصلني الامتداد بكم قال : 15 الف قلت : ياخي كتيرة ومامعقول كلام دا شنو يازول وعايز اضحك وماقادر قال : والله يا ابو الشباب بسيطة ورايك شنو يازول بعد جدل طويل ركبت وعرفته بأبن خالتي وقلت له نادر حليب كابتن سابق في الشعبية صاحبنا اندهش كيف انا عرفته وانا منو اصلا ههههههههههه يازول كان برنامج لذيذ اتونسنا الى ان وصلنا الامتداد وتحدثنا عن الكره في الشعبية وقلنت لها ياخي انزلنا صورتك اكثر من مره وعبدون تحدث عنك قال ياخي هو كان احرف من عبدون في ياخي دا زول بيلعب 11 خانة
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
ياسلام ياوليد .... نادر حليب والله دى مفاجآة تقيلة بالله الزول دا عامل كيف؟ انا إجازتى الفاتت ماقابلته .. والله ايام والحكاية شنو بتاعة الصلعة دى نادر دا ماكان عنده صلعة .
| |
|
|
|
|
|
|
Re: حكاوي من الشعبيه (Re: عابدون محمد عابدون)
|
أخي وليد عبد اللطيف حمد الله على السلامة! وأصدق الدعوات الطيبة للوالدة العزيزة، عسى أن يسبغ عليها المولى الجليل ثوب العافية! آمين!
مجدي نقد: ؟؟اها رايك شنو في المحصلة الطلع بيها اخونا الوليد من زيارته الاخيرة للشعبية.. دا بقول كلام خطير اشار ليه من قبل الدكتور عبد الخالق في رسالة للبوست عبر بريدي الالكتروني و بالاخص موضوع انتشار المخدرات في الشعبية. والله يا مجدي ده كلام خطير جدا جدا جدا! وما ينسكت عليه! أتمنى أن نقف عند هذا الموضوع وقفة جادة! الرسالة التي أشرت إليها لم تصادفني، أرجو أن تعيد تثبيتها مرة أخرى حتى يتم التفاكر بين الإخوان فيما ينبغي أن يقوموا به لعلاج هذه الظاهرة، بكل الطرق الممكنة! ما فيش موضوع أولى من هذا الموضوع! وأشار الأخ صلاح عثمان إلى الظروف الاقتصادية والمتغيرات الكبيرة على مستوى الوطن ككل! فعلاً هذه إشارة موضوعية مهمة جداً! ولكن هذا لا يمنع من حقيقة أننا مسؤولين إلى حد ما بقدر ما نستطيع من أجل الإسهام في علاج هذه الظاهرة! ولكن كيف؟ خلينا نطرح هذا السؤال ابتداءً! ونشوف الإجابات الممكنة!
أرجو منك يا مجدي أن تثبت رسالة الأخ عبد الخالق، وتتابع هذا الموضوع بسبب عدم انتظامي في الدخول إلى سودانيز هذه الأيام، لكن سأكون متابعاً بإذن الله ومساهما بما أستطيع!
| |
|
|
|
|
|
|
Re: حكاوي من الشعبيه (Re: صلاح عباس فقير)
|
الاخوة الافاضل ناس السعودية ، صلاح عثمان صلاح عباس فقير وليد عبداللطيف الحاج حمد الحاج عماد احمد
حياكم الله
عندي سفرة سريعة جدا ، الي السعودية هذا الاسبوع ، رحلة عمل ، باذن الله ، ولحدي الان ما لاقي حجز في الطيران السعودي ، الي جدة ،، امل ان التقيكم ، في الرحاب الطاهرة ، باذن الله ،،،
*** اخي صلاح عباس فقير ، ح نلتقي باذن الله ، في المدينة المنورة ، ح اتصل بيك بمجرد وصولي ، وامل ان تجهز لي موضوع ( المكتبة اللاكترونية ) الذي تحدثنا ععنه سابقا ، في المدينة المنورة ، جوار المسجد النبوي ، اظنك تذكرت ،،،
عزالدين عباس الفحل ابوظبي
| |
|
|
|
|
|
|
Re: حكاوي من الشعبيه (Re: عزالدين عباس الفحل)
|
الاخ الفاضل صلاح شكوكو
حياك الله
الف الف مبروك علي زواج اخي وصديق العمر الدكتور عادل شكوكو واسف جدا لتاخر التهنئة ،، وانت عارف زحمة الشغل عندي ، رغما انني كنت متابع مع عادل قبل سفره الي السودان ، للزواج الميمون ، حتي قلت له يا عادل ح امشي معاك السودان ، لحضور زواجك ، لكن اعتذر لي لزحمة الشغل عندي ، وقال ح يسافر الي ماليزيا ، شهر العسل ، اخر مكلمة مع الدكتور عادل شكوكو ، من دبي ، استمرت لمدة ساعة ونصف تقريبا ، كلها ضحك ، اضحكني حتي ادمعت عيناي ، وكلكم ال شكوكو ، معدن راق من الظرف واللطافة ، معدنكم من ذهب نفيس ،، والف الف مبروك ، للدكتور عادل محمد عبدالدائم ،،،
عزالدين عباس الفحل ابوظبي
| |
|
|
|
|
|
|
Re: حكاوي من الشعبيه (Re: عزالدين عباس الفحل)
|
Quote: نادر حليب كابتن سابق في الشعبية |
ياوليد هل المقصود واحد اسمه نادر كان بيلعب فى الصديق وسيم بعض الشئ ومضيقه وسروال كوره قصير دفعتنا يعنى ما دفعت عبدون لو بقى هو حقيقه الزمن حديد بياكل الحديد بعدين يا وليد من الشعبيه للامتداد 15 الف جنيه! يعني 20 ريال سعودي والمسافه تقريبا 14 كيلو هنا ليوزين ومكيف 10 ريال الشيء المستغرب انه الحياة في السودان اغلى من دول الخليج حتى في الخضروات يعني كيلو الطماطم اليومين ديل قالوا بـ20 الف جنيه بالسعودي 30 ريال معقوله بس!شيء يحير مع تحياتي للجميع
| |
|
|
|
|
|
|
Re: حكاوي من الشعبيه (Re: صلاح عثمان)
|
Quote: ياوليد هل المقصود واحد اسمه نادر كان بيلعب فى الصديق وسيم بعض الشئ ومضيقه وسروال كوره قصير دفعتنا يعنى ما دفعت عبدون لو بقى هو حقيقه الزمن حديد بياكل الحديد |
الارباب صلاح ياخي شمس الدين مايسمع كلامك دا الزول ده دفعت عبدون ههههههه
Quote: بعدين يا وليد من الشعبيه للامتداد 15 الف جنيه! يعني 20 ريال سعودي والمسافه تقريبا 14 كيلو هنا ليوزين ومكيف 10 ريال |
ياصلاح بلدنا بلد المفارقات يازول واحد دقشني بعربية مودبل 50 زاتو قال فانوس العربية بتاعو بـ 100 الف واخوك مستعجل وعربيتي عندها تأمين عشان اتخارج منو واكسب زمني عشان ما اضيعوا معه ومع بتاع المرور لاني محصل المستشفى قلت ليهو امسك وربنا يسامحك بس
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
يا ارباب
Quote: الخضروات يعني كيلو الطماطم اليومين ديل قالوا بـ20 الف جنيه بالسعودي 30 ريال معقوله بس!شيء يحير |
هو زاتو الناس تاكل طماطم لشنو ما ياكلو تفاح ههههههه بالجد السودان حالة صعبة عشان كده برنامج الصادق لغينا موضوع الطماطم واتفقنا مع سلسلة مطاعم سيدي بيه (اكل فاخر ) بالله اخوك ما مفتري
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
Quote: والله يا مجدي ده كلام خطير جدا جدا جدا! وما ينسكت عليه! أتمنى أن نقف عند هذا الموضوع وقفة جادة!
|
الاخ صلاح عباس .. تحياتى
لازم نقف على هذه الموضوع الخطير ونحمى اخونا واهلينا من هذا الطوفان القادم ونسال الله ان يحفظ اهل الشعبية جميعا ... مودتى ...
| |
|
|
|
|
|
|
Re: حكاوي من الشعبيه (Re: الحاج حمد الحاج)
|
Quote: أخي وليد عبد اللطيف حمد الله على السلامة! وأصدق الدعوات الطيبة للوالدة العزيزة، عسى أن يسبغ عليها المولى الجليل ثوب العافية! آمين! |
الله يسلمك شيخ صلاح عباس
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
جينا ليك والشوق دفرنا يا نشوق روحنا ودمرنا كوووووووم تحااااااااايا اها من بكرة اجازة وبري شديد يا مجدي يا هندسة الصفحة متنازلين ليك بس خليك قريب مش وقت القلبة يقعدوا يفتشوا ليك تحياتي للجميع
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
سوف يتم من يوم الغد 28 / 7 / 2010 اضافة رقم جديد لجميع التلفونات بدولة قطر والاضافة تكون بتكرار اول رقم بعد مفتاح قطر ومفتاح قطر هو 00974 والرقم الذي ياتي بعده يتكرر مثلا تلفوناتي قبل التعديل 009745289654 009747493594 009744864698 بعد التعديل 5289654500974 7493594700974 4864698400974
واي تلفون يبدا باي رقم بعد مفتاح دولة قطر (00974 ) يكرر الرقم الاول بعد المفتاح
مع تحياتي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
يادكتور عماد
Quote: جينا ليك والشوق دفرنا يا نشوق روحنا ودمرنا كوووووووم تحااااااااايا اها من بكرة اجازة وبري شديد |
اها فارشين ليك كل الورود البتحبها ياخي البوست زاتو بيسعد بطلتك يظهر شباب الشعبية ادمنو الرز باللبن وبقو ينومو بدري
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
Quote: اها فارشين ليك كل الورود البتحبها ياخي البوست زاتو بيسعد بطلتك يظهر شباب الشعبية ادمنو الرز باللبن وبقو ينومو بدري |
ولي يا حبيب كيفك والله الواحد جد كان فاقد الشعبياب و البوست في الايام الماضية والحمد لله من يكرة الاجازة السنوية وعندي موضوع تغيير مكان السكن وبعد فيها سفرة صغيرة مع الاولاد والمشاورات جارية لكن 80 % الامارات تحياتي واحترامي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
Quote: التحية لكل آل عثمان أحمد .. والتحية للوالدة ( فاطمة محمد ) وهي تجتاحنا بقلبها الوارف الظليل .. والتحية للعقد النضيد من أبناء حيينا الذين يعطرون الأماكن بعطرهم الفواح .. |
اشكرك اخي صلاح ففرحتنا تكتمل بمشاركتكم ونحن على يقين بان ما يفرحنا يفرحكم فما يعطي الحياة حلاوتها هو وجود اخوة تجدهم بجانبك في جميع المناسبات اسال الله العلي القدير ان يجعل مناسباتنا كلها سعيده
| |
|
|
|
|
|
|
Re: حكاوي من الشعبيه (Re: صلاح عثمان)
|
الاخوة الافاضل ناس السعودية ، صلاح عثمان صلاح عباس فقير وليد عبداللطيف الحاج حمد الحاج عماد احمد
حياكم الله
عندي سفرة سريعة جدا ، الي السعودية هذا الاسبوع ، رحلة عمل ، باذن الله ، ولحدي الان ما لاقي حجز في الطيران السعودي ، الي جدة ،، امل ان التقيكم ، في الرحاب الطاهرة ، باذن الله ،،،
*** اخي صلاح عباس فقير ، ح نلتقي باذن الله ، في المدينة المنورة ، ح اتصل بيك بمجرد وصولي ، وامل ان تجهز لي موضوع ( المكتبة اللاكترونية ) الذي تحدثنا ععنه سابقا ، في المدينة المنورة ، جوار المسجد النبوي ، اظنك تذكرت ،،،
عزالدين عباس الفحل ابوظبي
| |
|
|
|
|
|
|
Re: حكاوي من الشعبيه (Re: عزالدين عباس الفحل)
|
Quote: أتمنى أن نقف عند هذا الموضوع وقفة جادة |
الموصوع الذى ذكره الاح وليد عن تردى الاحلاف فى الشعبيه وتعقيب الاحوان صلاح عباس وخالد درق ومجدى نقد بان الموضوع خطير حقيقة الموضوع خطير ولكن اكبر من ان نضع له حلول وقد نتفق على الاسباب من ظروف اقتصادية واجتماعية متدهورة، وفوارق طبقية رهيبة، وحالة الفقر والبطالة المستشرية في أوساط الشباب، والتطور في مجال الاتصال والمعلومات، وثورة الفضائيات، بحيث باتت هذه الثقافة تغزو المجتمع السوداني بشكل كبير، وتعلي من شان قيم اللذة والمتعة والاستهلاك وتحطيم الحدود الأخلاقيه اذا اتفقنا على هذه الاسباب فكيف الحلول؟
| |
|
|
|
|
|
|
Re: حكاوي من الشعبيه (Re: صلاح عثمان)
|
الاخ عزالدين الفحل ان شاء الله تصل بالسلامه كنت تداخلت معاك في الموضوع صفحة 33 وتركت لك رقم هاتفي لكن يظهر انك لم تشاهد المداخله على كل حال نرحب بك ويشرفنا ان نلتقي بك
الدكتور عماد الطيب الاجازه 80% في الامارات وبعد المشاورات الرأي رأي منو 80% لام امير و15% لامير واخته و5% لابو امير معليش ما فيها حاجه كلنا في الهوا سوا لكن نتمنى حقيقة اخي عماد ان تقضوا الاجازة معانا عمــــــرة وسيـــــــاحة
| |
|
|
|
|
|
|
Re: حكاوي من الشعبيه (Re: صلاح عثمان)
|
Quote: والمشاورات جارية لكن 80 % الامارات |
الاخ دكتور عماد ... تحياتى والحمدالله على فك الزنق واتمنا ان تجى نتجة المشاورات على الامارات ونتشرف بالقاك
مودتى ...
| |
|
|
|
|
|
|
Re: حكاوي من الشعبيه (Re: خالد درق)
|
اتصل بى من لندن الاخ محمد درماس وهو الان بيقضى اجازة هناك وبستمتع باعاصمة الضباب لندن وقد التقاء بالاخ الفاضل يسن وشكر الاخ الفاضل الذى قام با زيارة الاخ محمد درماس وهنا بظهر معدن ابناء الشعبية فى الغربة وليكم نص الرسالة من الاخ محمد ...
Quote: زارنى وده ماقريب على ودياسن ورغم الامطار وبعد المسافة لكن تقول شنوغير انو الفاضل فاضل واصيل ومن عائله اصيله ورغم انه عمره اصغر مننا لكن يحسسك بانه اكبر مننا بطيبة قلبه وحنية ناس زمان وياحليل زمان وسظ الحبايب والاهل |
ياسلام على الفاضل يسن وهذا هو كرم اولاد العم يسن لك منا الف تحية واحترام اخى الفاضل يسن
مع الود لك والاسرة الكريمة ...
| |
|
|
|
|
|
|
Re: حكاوي من الشعبيه (Re: خالد درق)
|
الارباب صلاح
Quote: الدكتور عماد الطيب الاجازه 80% في الامارات وبعد المشاورات الرأي رأي منو 80% لام امير و15% لامير واخته و5% لابو امير معليش ما فيها حاجه كلنا في الهوا سوا |
ياخي دكتور عماد كسبان ادهو 5% هه
تحياتنا الى محمد درماس مع تمنياتنا له بقضاء اجازة سعيدة في معية الفاضل الفاضل يسن
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
الوليد عبد اللطيف سلامات
Quote: افتكرتك ح تعلق في البناء في الاراضي الزراعية او اطراف البحر |
شكلك بديت تفكر في البناء !! بصورة عامة التربة الطينية لا تصلح لإنشاء مباني ذات أحمال كبيرة و عادةً ما يتم الحفر حتى الوصول لتربة التأسيس السليمة و من ثم تأسيس المبنى على ارض قادرة على تحمل تلك الأحمال..الكلام دا في السودان..أما هنا في مكاتب استشارية متخصصة في اختبارات التربة و يتم تحديد عمق الحفر بعد اخذ عينات من الموقع و إجراء التجارب عليها لمعرفة كل خواصها و إمكانية تحملها لأحمال المبني الذي تم تصميمه و حساب أحماله مسبقاً. توجد بعض الحالات التي يتم فيها عملية إحلال للتربة إذا تأكد ضعفها و يتم ذلك بالحفر لكامل مساحة المبنى المراد إنشاءه ثم إحلال تربة جديدة أفضل قواماً و يتم دكها جيداً و اختبارها قبل بدء أعمال التشييد. أما أطراف البحر كما تفضلت فعادةً ما تكون التربة الصالحة للتأسيس بعيدة أي على أعماق بعيدة و لا يجدي الحفر للوصول إليها أو إحلال تربة بديلة..لذلك يتم الوصول للتربة التأسيس السليمة عن طريق ( الخوازيق) و هي أنواع كثيرة يعتمد اختيارها على نوع التربة و نسبة الأملاح فيها و منها الخرساني و الحديدي و الخشبي و أشكال مختلفة برضو بيعتمد اختيارها على نوع التربة. يتم دق الخوازيق في التربة حتى الوصول للتربة السليمة و التي تم التعرف عليها مسبقا عن طريق الكشف المسبق على التربة . بعد ذلك تربط الخوازيق من أعلى عن طريق ابيام او بلاطات مسطحة يتم التأسيس عليها بقية أجزاء المبنى. ما بس أطراف البحر يا وليد .. جوا البحر كمان بس كتر القريشات.أتمنى تكون المعلومة بسيطة و سهلة الهضم . تحياتي _______ يا الوليد الواحد جاي يستمتع بمداخلات الأخوان يلقاك مجهز ليه امتحان عديل كدا.. يا زول يوم طلبنا منك كيف بتعملوا الميزانية ؟ لا للإرهاب و تخريب بوست الشعبية .
| |
|
|
|
|
|
|
Re: حكاوي من الشعبيه (Re: مجدي نقد)
|
الوليد عبد اللطيف سلامات تاني
Quote: وحسب سمعي شايف تم طريقة بناء جديده للعماير مقاوم للهزات الارضية (الزلازل) يعني العمارة تميل وتعمل شبال وترجع تاني مكانها (رايك شنو ).... اشرح
|
الوليد عبد اللطيف : قالوا في طريقة بناء جديدة للعماير مقاومة للهزات الأرضية.. يعني العمارة تميل يمين و شمال زي العروس و ترجع تاني رأيك شنو ؟ مجدي بتلعثم : يا ولي يا اخ أنت ما شايف دكتور عماد و ود الفحل ما تسألم..ديل فطاحله. الوليد عبد اللطيف : يا زول أنت بناء !! بعدين عماد الدين في إجازة و الفحل مشغول..أنت قريت شنو ؟ مجدي نقد : لا بس أنا قلتا ديل اكبر و برضو الفكرة ما عجبتني. الوليد : يا زول ما عجبتني دي يقوله نجار مسلح .. قال ما عجبتني قال!! مجدي نقد بزعل : طيب أنا بدحض ليك الفكرة دي واحدة واحدة . الوليد بتأفف : اها قول . مجدي نقد : لو العمارة بترقص يعني برضو الأثاثات الجوه العمارة بترقص معاها صاح (وش خبيث) الوليد : يعني اكتشفته الذرة..طبعاً. مجدي نقد : طيب الناس بتموت لما العربيه بتتقلب ليييييييييه؟ الوليد عبد اللطيف : يعني قصدك لما العمارة ترقص الناس و الاثاث بتقلبوا جوا و دا خطر على حياتهم !! مجدي نقد بثقة : بالضبط كدا الوليد عبد اللطيف : كويس ما بسيطة يثبتوا الاثاث عشان ما يتحرك. مجدي نقد : طيب و الزول الجوا يربطوا ليه حزام أمان و لا شنو؟؟ يا وليد هسع دا اكتشاف و تكنلوجيا متطورة و لا بهدله و عذاب ؟ الوليد متراجع قليلاً عن الفكرة : يا أخ الناس في السودان بقولوا كدا..طيب ألصاح شنو؟ الصاح في نظري تكون الأعمدة في هذا النوع من المباني ثابتة لا تتحرك بينما يتم تصنيع بقية قطع المبنى من كتل و تشكيلات من الحديد الصلب معباة بالخرسانة حتى تعطي المبنى الصلابة المطلوبة و يتم ربط هذه القطع بوصلات تسمح بالحركة عند الهزات الأرضية مع العلم أن الحركة محدودة و لا تتعدى في اغلب الأحيان 30 سم من الوضع الطبيعي.. دا كلو ما بحلك لو الزلزال تعدى تسعة درجات بمقياس ريختر . تحياتي _______ اسع يا وليد بدل ما نفكر في حلول للزلازل ما نحل مشاكل المطرة البتعمل نفس عمل الزلازل و اكثر في السودان . تاني ما تمشي اجازة عشان الناس هناك فكرهم ضال..هه.
| |
|
|
|
|
|
|
Re: حكاوي من الشعبيه (Re: عابدون محمد عابدون)
|
ياعبدون
Quote: اسع يا وليد بدل ما نفكر في حلول للزلازل ما نحل مشاكل المطرة البتعمل نفس عمل الزلازل و اكثر في السودان . تاني ما تمشي اجازة عشان الناس هناك فكرهم ضال..هه. |
اها عاد اقبل وين تاني من كلام المهندس مجدي نقد انت ما سمعت بالهزة الارضية في السودان وسؤالي كان عشان الناس العايشة في ترف ونعيم وربنا يزيدها تشوف ليها حل بالمره وتقنية جديدة في بلد المفارقات ناس فطور اليوم ليها مشكلة وناس تبني عماراة بالمليارات بالله شوف ربنا يصلح الحال
---------------------------- شكرا ياهندسة على المحاضرة المجانية غايتو نفسك الشريرة دي ربنا يدينا خيرها
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
Quote: الدكتور عماد الطيب الاجازه 80% في الامارات وبعد المشاورات الرأي رأي منو 80% لام امير و15% لامير واخته و5% لابو امير معليش ما فيها حاجه كلنا في الهوا سوا لكن نتمنى حقيقة اخي عماد ان تقضوا الاجازة معانا عمــــــرة وسيـــــــاحة |
تحياتي اخي صلاح عثمان والله ام امير 80 % عايزة العمرة وآيات 80 % الامارات وامير وانا ضايعين في النص اها بعد دا بقت بين البت وامها لكن بيني وبينك راي البت بمشي على امها والطبع على شخصي الضعيف وفي الخريف بقيت ضعيف تحياتي واحترامي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
Quote: الاخ دكتور عماد ... تحياتى والحمدالله على فك الزنق واتمنا ان تجى نتجة المشاورات على الامارات ونتشرف بالقاك
مودتى ... |
تحياتي خالد درق هو في مشاورات دا اسمو حكم قراقوش تيت تيت آيات حديد حكم الفرد الواحد وانا المغلوب على امري تحياتي واحترامي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
Quote: الوليد عبد اللطيف : قالوا في طريقة بناء جديدة للعماير مقاومة للهزات الأرضية.. يعني العمارة تميل يمين و شمال زي العروس و ترجع تاني رأيك شنو ؟ مجدي بتلعثم : يا ولي يا اخ أنت ما شايف دكتور عماد و ود الفحل ما تسألم..ديل فطاحله. الوليد عبد اللطيف : يا زول أنت بناء !! بعدين عماد الدين في إجازة و الفحل مشغول..أنت قريت شنو ؟ مجدي نقد : لا بس أنا قلتا ديل اكبر و برضو الفكرة ما عجبتني. الوليد : يا زول ما عجبتني دي يقوله نجار مسلح .. قال ما عجبتني قال!! مجدي نقد بزعل : طيب أنا بدحض ليك الفكرة دي واحدة واحدة . |
مجدي نقد يا فن وادب وهندسة يسلم يراعك قمة في الابداع بس خليك قريب عشان نديك لكزة لقلب الصفحة تحياتي واحترامي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
>>>>
بكري إدريس عبد الحفيظ (( بكري كربوج )) رجل بلغ حد الروعة .. وخفة الدم صفة متأصلة فيه .. من ظرفاء الشعبية ومجادليها بالمنطق .. لا يرتضي فكرة تنساب ببساطة بل لابد من أن يعاركها ويمحصها ويجليها بفكر ثاقب وإحتمالات مشوقة .. علاوة على تميزه بخفة الدم وسرعة البديهة وروعة النكتة .. إشتغل بالتدريب وأخذ عدة كورسات فيه لكن مشكلته أنه يجادل حتى مدرسية في تفاصيل فكرهم الكروى .. لكنهم يحبون فيه هذه الجدلية المنطقية
لعب بفريق نجوم الشعبية هو وشقيقة أحمد كبوج .. وعادل كربوج أيضا .. وإتسم الكرابيج بطلاوة خاصة بهم مع كرة القدم .. قوامها المهارة العالية والحذاقة الفنية المتميزة ..
وهاهو الرجل بذات الكيف القديم (( يبشر )) بدعابته المعهودة وظرفه الجميل التحية لبكري كربوج وكل الكرابيج
وتحية مخصصة لبكري الرجل الذي لم تغيره المحطات فقد ظل بذات الطلاوة القديمة محتفظا بصداقاته القديمة كما هي .. بل ما زال واحدا من الذين نشتاق اليهم . مع الود
..
| |
|
|
|
|
|
|
Re: حكاوي من الشعبيه (Re: صلاح شكوكو)
|
الاخوة الافاضل
حياكم الله
سوف احتجب باذن الله تعالي ، عن المنبر ، والبوست ، لبضعة ايام ، وذلك لسفري الي المملكة العربية السعودية ، في مهمة عمل ، ( رحلة عمل ) ، والله ولي التوفيق ، مع عاطر التحايا ،،،،
عزالدين عباس الفحل ابوظبي
| |
|
|
|
|
|
|
Re: حكاوي من الشعبيه (Re: صلاح شكوكو)
|
نعم: التحية للأخ بكري كربوج ولآل كربوج جميعاً!
مجدي نقد، ما هذه (الشحتفة)! عاوزين موضوع كامل متكامل، وليس مشاهد متقطعة، وإن بلغت حد الروعة!
ونجي لموضوع المواضيع: انتشار المخدرات وفساد الأخلاق في الشعبية! قال الأخ صلاح عثمان:
Quote: حقيقة الموضوع خطير ولكن اكبر من ان نضع له حلول وقد نتفق على الاسباب من ظروف اقتصادية واجتماعية متدهورة، وفوارق طبقية رهيبة، وحالة الفقر والبطالة المستشرية في أوساط الشباب، والتطور في مجال الاتصال والمعلومات، وثورة الفضائيات، بحيث باتت هذه الثقافة تغزو المجتمع السوداني بشكل كبير، وتعلي من شان قيم اللذة والمتعة والاستهلاك وتحطيم الحدود الأخلاقيه اذا اتفقنا على هذه الاسباب فكيف الحلول؟ |
والله يا صلاح كلامك صحيح جدا جدا جدا وواقعي! ولكن خطورة المشكلة على أهلنا وإخواننا الصغار والجيل الطالع، يجب أن تدفعنا دفعاً إلى محاولة عمل أي شيء! مع التأكيد بأننا من على بعد لا نستطيع المبادرة بشيء، اللهم إلا حفز الإخوة هناك على المبادرة لعمل أي شيء يرونه مفيداً! ممكن محاضرات تنويرية وتحذيرية من مختصين في مجال مكافحة المخدرات وعلاج الإدمان، ومن استشاريين ومختصين في الطب النفسي، وكذلك من علماء، يشرف على تنظيمها بعض شباب الحي المهتمين بهذا الموضوع! ممكن إيلاء مزيد من الاهتمام بالأندية في الشعبية، من ناحية ترقية النشاط الثقافي فيها، ... المهم، أي محاولة في الاتجاه الصحيح، بإذن الله يكون لها دور كبير!
| |
|
|
|
|
|
|
Re: حكاوي من الشعبيه (Re: عابدون محمد عابدون)
|
شكوكو ووليد .. والله رجعتونا لى زمن .. طيب خلاص .. عشان شمس الدين مايجى ناطى .. احمد كربوج وبكرى ياسلام عليهم .. طيب ياصلاح ماتشوف لينا اخبار محمد اب نضارات واخوانه صلاح وشهاب وعادل تيلة وسيف الدين بالله ياصلاح الجماعة ديل اخبارهم شنو؟
| |
|
|
|
|
|
|
Re: حكاوي من الشعبيه (Re: عابدون محمد عابدون)
|
الحريف عبدون ياخي الونسة مع صاحبك نادر حليب كانت جميلة بعد ان احتار بأنه مشهور وماعارف نفسة تخيل المنظر كل مل يمشي شوية يتلفت ويسرق النظر من هو الذي يعرفة هذا وهو لايعرفة الى ان اشفقت علية وعرفتة بنفسي . في حديثة حكي لي قصة هدف احرزته انت في دورة قوية بالختمية ياريت لو تذكره او تسرد لنا قصة هذا الهدف واذا استعصى عليك الامر بحكم السن ممكن يساعدك شمس الدين وهو يقول انك كنت احرف لاعب بمدرسة الاميرية .
--------------- بسرعة قبل ماشمس الدين يجي
| |
|
|
|
|
|
|
Re: حكاوي من الشعبيه (Re: وليد عبد اللطيف)
|
سلام ياوليد .. شمس الدين اصلو بيجى ناطى ساكت اصلو متعلم ..
الهدف ياسيدى كان فى دورة البحيرة فى ميدان الاملاك غرب حديقة عبود وكانت دورة قوية جدا مشتركين فيها بعض الفرق القوية من الشعبية والدناقلة والمزاد والديوم والختمية وطبعا اخدنا الكاس بتاع الدورة دى بعد مباريات قوية مثلنا فيها الشعبية خير تمثيل وقصة الهدف انو كانت مباراه ضد فريق البحيرة والمباراه كانت قوية جدا وفى لحظة من لحظات المباراه قريب نهاية الشوط التانى احتسب الحكم ضربة ركنية لصالح فريق الصديق وكان الصديق العزيز صلاح عمر هو المتخصص فى الضربات الركنية وانا كنت عارف انو صلاح عمر بيضرب الكورة عند العارضة القريبة وصلاح ضرباته قوية جدا بحكم تكوينه القوى وقتها ( ياحليله هسة) المهم انا كنت واقف بعيد على راس خط التمنتاشر بحكم الرقابة القوية على اخوك لكن كنت حاسب انو اتخلص من الرقابة فى لحظة صفارة الحكم وضربة صلاح للكرة وفعلا اتحركت فى التوقيت دا والكورة كانت على راسى بالتمام على العارضة القريبة وكان هدف جميل بالرأس لكن ياوليد اللذيذ فى الموضوع انو الجماعة قايلين انو اخوك مدمع من الفرح لكن انا من قوة الضربة كنت دايش والعيون مدمعة وماقادر افتح عينى وبعد نهاية المباراه لقيت تهنئة جميلة من الشباب فى فريق البحيرة وصاحبت عدد منهم صحبة كانت جميلة.
وفعلا الرياضة كانت اسرع طريقة تكون صداقات فى كل الاتجاهات وطبعا تكون مجرب النقطة دى خاصة وانتو برضو كان ليكم اسهامات قوية وواضحة.
| |
|
|
|
|
|
|
Re: حكاوي من الشعبيه (Re: عابدون محمد عابدون)
|
الحريف عبدون
Quote: وفعلا الرياضة كانت اسرع طريقة تكون صداقات فى كل الاتجاهات وطبعا تكون مجرب النقطة دى خاصة وانتو برضو كان ليكم اسهامات قوية وواضحة. |
كما يقولون حلو الكلام في خشيم سيدو ولو لا جمال الهدف الذ احرزته ياعبدون لما حكى عنه نادر حليب وقال بمقدورك ان تلعب 11 خانة وبتجويد واضيف ليك في تلك الدورة ذكر اسم الفنان ابوعلي وحلة الصديق من المناطق التي انجبت لعيبة على مستوى عالي من المهاهره منهم من شاهدناهم في الملاعب ومنهم من حكو عنهم في جلسات العصاري والسمر بالحي ومن حبي لهم وفي وقتها كنت اتخيل هؤلا اللاعيبة من كوكب اخر . وكما نسمع عنهم والاحترام الذي يجدونه بين الناس وعندما كبروا وتقدمو في السن وتركو الرابطه كان يلعبون التحدي بالملب الذي يقع من قرب المسجد ورغم صغر سنى كانوا يسمحون لي بمشاركتهم كورتكيلا وكيسو والبعيو والتاج خليفة ونادر مامون وصلاح الضب وسلامة وابو اللول واحيانا عندما اجلس مع نفسي اقول معقول انا الوحيد من خارج حلة الصديق اكون بين هؤلا العمالقة لذلك كنت سعيد جدا . رجاءا اخي عبدون ذكر كل اسماء الذين لعبو في حلة الصديق في جميع المراحل حاجة سريعة كدا لكي تكون توثيق الى هذا الحي الولود للنجوم .
| |
|
|
|
|
|
|
Re: حكاوي من الشعبيه (Re: خالد درق)
|
Quote: تحياتي خالد درق هو في مشاورات دا اسمو حكم قراقوش تيت تيت آيات حديد حكم الفرد الواحد وانا المغلوب على امري تحياتي واحترامي |
دكتور عماد ... سلام
ربنا يسهل وتقضى اجازة فى اى مكان تكون ممتعة ان شاءالله انت والاسرة
مودتى ...
| |
|
|
|
|
|
|
Re: حكاوي من الشعبيه (Re: خالد درق)
|
Quote: الاخوة الافاضل
حياكم الله
سوف احتجب باذن الله تعالي ، عن المنبر ، والبوست ، لبضعة ايام ، وذلك لسفري الي المملكة العربية السعودية ، في مهمة عمل ، ( رحلة عمل ) ، والله ولي التوفيق ، مع عاطر التحايا ،،،،
|
الاخ / عزالدين عباس الفحل ... تحياتى ربنا يكتب السلامة ورحلة عمل موفقة ان شاءالله وترجع لاولادك بالسلامة يارب
مودتى ...
| |
|
|
|
|
|
|
Re: حكاوي من الشعبيه (Re: خالد درق)
|
Quote: بكري إدريس عبد الحفيظ (( بكري كربوج )) رجل بلغ حد الروعة .. وخفة الدم صفة متأصلة فيه .. |
استاذنا الفاضل ... صلاح شكوكو ... تحياتى
بلغ سلامنا لكوتش يكرى كربوج وجميع ال كربوج الاسرة التى متعتنا فى لعب الكرة فى الشعبية
مودتى ...
| |
|
|
|
|
|
|
Re: حكاوي من الشعبيه (Re: خالد درق)
|
Quote: المهم انا كنت واقف بعيد على راس خط التمنتاشر بحكم الرقابة القوية على اخوك لكن كنت حاسب انو اتخلص من الرقابة فى لحظة صفارة الحكم وضربة صلاح للكرة وفعلا اتحركت فى التوقيت دا والكورة كانت على راسى بالتمام على العارضة القريبة وكان هدف جميل بالرأس |
الاخ عابدون ... تحياتى
فعلا هدف يدرس وجميل جدا ايام يا عابدون
مودتى ..
| |
|
|
|
|
|
|
Re: حكاوي من الشعبيه (Re: خالد درق)
|
Quote: ياحليلك يادكتور .. قلت لى " فى الخريف " بقيت ضعيف .. بس شمس الدين مايسمعك اصلو الزول دا شيال حال .. |
عبدون تحياتي يا ريت اكان بقت على الخريف بس انا ضعيف في الفصول الاربعة وشمس الدين ما بشيل حالى ما كلنا في الهوى سوا
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
ود نقد وينك اوع تكون ضربت الرز باللبن وزي ما قلنا ليك خليك قريب الصفحة باق ليها 8 مداخلات ةتقلب وانا بوصلها لحدي يبقى ليها ثلاثة مداخلات وبزوغ واخليها ليك بعد داك الا يغدرك واحد من الجماعة درق قال متنازل بس ما نجى نلقاها بايته في محلها تحياتي واحترامي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
Quote: دكتور عماد ... سلام
ربنا يسهل وتقضى اجازة فى اى مكان تكون ممتعة ان شاءالله انت والاسرة
مودتى ... |
شكرا اخي خالد والله التغيير مهم جدا في الاجازة والسنة دي الاجازة مع رمضان الظاهر اغلبها حيكون نوم شوف ود نقد دا وين ما يبيت لينا الصفحة دي في محلها تحياتي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
Quote: سوف احتجب باذن الله تعالي ، عن المنبر ، والبوست ، لبضعة ايام ، وذلك لسفري الي المملكة العربية السعودية ، في مهمة عمل ، ( رحلة عمل ) ، والله ولي التوفيق ، مع عاطر التحايا ،،،، |
الاخ العزيز عزالدين عباس راقتك السلامة في حلك وترحالك تجدنا في شوق دائم لك ولقلمك ما تنسى تتاوق للبوست من السعودية واتحفنا مما تجود به قريحتك تحياتي واحترامي
| |
|
|
|
|
|
|
Re: حكاوي من الشعبيه (Re: عماد الدين عبدالله)
|
Quote: درق قال متنازل بس ما نجى نلقاها بايته في محلها |
دكتور عماد فعلا متنازل لباشمهندس مجدى بس ما يقوم يضرب الرز بالبن وتروح منوا الصفحة اه يا هندسة خليك غريب ...
مودتى ...
| |
|
|
|
|
|
|
Re: حكاوي من الشعبيه (Re: خالد درق)
|
Quote: شوف ود نقد دا وين ما يبيت لينا الصفحة دي في محلها
|
دكتور عماد شكل ودنقد بكون ضرب الرز بالبن وحايبيت الصفحة دى فى محلهااظهر يا هندسة
مودتى ...
| |
|
|
|
|
|
|
Re: حكاوي من الشعبيه (Re: خالد درق)
|
Quote: دكتور عماد فعلا متنازل لباشمهندس مجدى بس ما يقوم يضرب الرز بالبن وتروح منوا الصفحة اه يا هندسة خليك غريب ...
مودتى ... |
خالد كيفك لينا زمن من سهر البوست صاحبك ود نقد لا حس لا اتر انا حسب وعدي ليه المداخلة الجاية وبزوغ وانتظرو في الصفحة الجاية تحياتي
| |
|
|
|
|
|
|
|