|
Re: الشعبية نجمة تزين سماء بحري (Re: عاطف رميتي)
|
Quote: والله لو على زنقة العمل بسيطة ... بس ياخالد والله شوية ظروف وربنا يصلح الحال
|
الاخ / عاطف .... سلام
الله يصلح الحال وبديك الصحة والعافية اخى سلامى الاخوان المعاك جميعا
مودتى ,,,,
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
يامن بيده مقاليد الأمور و الخير كله00 اجعل لأحبتي في هذا اليوم 00 دعوة مستجابة00 ومع كل نسمة هواء كربة منزاحة00 و في كل لحظة قربة و طاعة00
***
اللهم هذا يوم الجمعة00 اجعله لأعز الناس عندي00 يوما مباركا فيه الدعوة لا ترد00 وهبه رزقا لا يعد00 و افتح له بابا إلى الجنة لا يسد00 واحشره في زمرة سيدنا محمد "صلى الله عليه وسلم"00 اللهم امين
***
| |
|
|
|
|
|
|
Re: الشعبية نجمة تزين سماء بحري (Re: عاطف رميتي)
|
الاخوان بالبوست ... السلام وعليكم ورحمة الله وبركاتة
اليوم فى صلاة الجمعة كانت الخطبة بعنوان تربية الابناء على حب الله إن الأولاد من بنين وبنات هم قرة عين الإنسان في حياته ، وبهجته في عمره ، وأنسه في عيشه ، بهم تحلو الحياة ، وعليهم تتعلق الآمال بعد الله عز وجل ولاشك أن هذا كله يتعلق بحسن تربيتهم ، وتنشأتهم النشأة الصالحة التي تجعل منهم عناصر خير ن وعوامل بر ، ومصادر سعادة ، إذا توافر للإنسان في أولاده ذلك كانوا بحق زينة الحياة الدنيا كما وصفهم الله عزوجل بقوله ( المال والبنون زينة الحياة الدنيا ) جعلنا الله ممن يستمعون القول فيتبعون أحسنه أولئك الذين هداهم الله 000
ويارب ان يكون اولادنا من هم خير وفخر لنا
ولكم منى الود والاحترام ....
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
Quote: عبدون هاك اللقطة دي .. |
ياشكوكو معليش على التطفل ياريت تذكر المناسبة وهذه الصورة سوف تكون ملكي وسوف تنقل هناك مع باقي الصور
عبدون فنان الجيلين مشكور على الاضافة الهناك وكويس نزلت لينا اسماء كانت سوف تسقط عندي المهم انا شغال في الترتيب
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
صحبة الزمن الجميل له منى ألف تحية
عاطف عبد الحفيظ ألف شكر ليك
قريبى شكوكو صاحب النواضر الجميلة
تسلم يا جميل الدواخل.
خالد درق.. تحياتى
وفعلا موضوع السوق تناساه الجميع
يلا نرفع الموضوع علشان الناس تتحرك
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
الأخ عاطف عبدالحفيظ لك التحية وعبرك التحية لكل أولاد وبنات حلتنا بطرفكم. مسرور لعودتك بعد إنقطاع ، وإن شاء الله يدوم التواصل. وحقيقة الواحد بسبب الغياب الطويل عن السودان والشعبية بيخاف يسأل عن شخص بعينه ، خشية أن يكون قد إنتقل لجوار ربه. لذلك أسألك عن أحوال ناس شارعنا ومربعنا (4/5) من الأباء والأمهات والأخوة والأخوات عموماً. إلتقيت في أخر زيارة لي للسودان بمناسبة زواج أختي بالكثير من جيراننا من الشعبية. ومنهم من لم أرهم منذ سنوات. قابلت صلاح وعماد شكوكو وأسرتهم ، عادل خطاب (مصافحة وأختفى) ، خالتي ست بنات (زوجة عمنا المرحوم مرغني محجوب) ، محمد مرغني وأخوته ، سعيد ومحمود محمد حمد ، حمود فرح ، ناس أم النصر (أسرة المرحوم أحمد عبدالرحيم) ، أسرة المرحوم محجوب حاج (ناس جوبي) ، حياة (زوجة المرحوم إبراهيم عبدالرحيم كوكو) ، أسرة عمنا عبدالله الأمين (ناس الفاتح ود نوره) ، أسرة المرحوم أسماعيل (ناس صبري) ، وأخرين من حينا العزيز. لم ألتقي بالكثيرين لظروف خارجة عن إرادتي ، ولكني كلي أمل أن تصبح غربتنا يوماَ ذكرى ، فنعود لنلتقي بأحبابنا. قول آمين.. عابدون سلام يا أخي وحمدلله على السلام. تعرفت وأنا شغال في موضوع الكتاب على أخوك فيصل محمد عابدون. أين هذا الرجل الفنان المبدع ؟ وحقيقة ودون مجاملة أسلوبه غاية الروعة. ولا أدرى كيف لم أنتبه لذلك القلم المحترف (كما قال أحد الأخوة معلقاَ على ما كتبه فيصل) ؟ له مني عاطر التحايا. أخي فيصل عبدالله محمود تعودنا منك كل جميل ، ولكن برغم مشغولياتك نرجوا منك مزيداً من التوثيق للشعبية وأيامها الجميلة ، وخاصة نشأة فرق الرابطة بالشعبية شمال وما لازمها من أحداث. ولك منى خالص الود. أخواني الحاج حمد والصلاحين (شكوكو وود عباس فقيري) سلام مثلث وتحية مربعة شايف أخونا عاطف عبدالحفيظ طرح (بصور عابرة) إقتراح جميل وبسيط. ألا وهو وضع البوست داخل المنبر. وأعتقد أن فيه حلاً ولو مؤقتاً لما يراه بعضنا من تعارض. لا نريد أن نهجر البوست ولا المنبر ، وبقليل من التنظيم ستسير الأمور للأمام. لكم الود. أخوي خالد درق وعدتني بإميل بتلفون أختنا روما ولعلك قد نسيت. ترقبت بريدي خلال الأيام الماضية ولم يصلني شيئ. أرجو إعادة إرسال رقم التلفون على العنوان التالي ولك الشكر مقدماً: [email protected]
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
Quote: وعدتني بإميل بتلفون أختنا روما ولعلك قد نسيت[/QUOTE
الاخ دكتور امير قناوى .. تحياتى
لم انس بل ارسلت لك مسج فى تلفونك الرقم من تاريخ 6/2 اى قبل 7 ايام اخى
والان ارسلت لك فى الاميل
ولك الود ....
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
دكتور قناوي
Quote: عابدون سلام يا أخي وحمدلله على السلام. تعرفت وأنا شغال في موضوع الكتاب على أخوك فيصل محمد عابدون. أين هذا الرجل الفنان المبدع ؟ وحقيقة ودون مجاملة أسلوبه غاية الروعة. ولا أدرى كيف لم أنتبه لذلك القلم المحترف (كما قال أحد الأخوة معلقاَ على ما كتبه فيصل) ؟ له مني عاطر التحايا. |
عبدون حريف كورة وفيصل حريف كتابة عندما يكتب تتخيل اشخاص القصة امامك شغلة ممتعة وسبق لاحظت عندما راجعة البوست للمره الثانية واقتطفت بعض مداخلاته للبوست وطالبنا بضمة ومن هنا الف تحية له
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
عاطف رميتي
Quote: صور المدرسة حاجة روعة والله رجعتنا للزمن الجميل وذكريات استاذ كمال بلاص واسنتاذ عبد الرحيم وبقية الاصطاف |
ولعل المدرسة واحدة من المنابع التي تلوذ لها الخواطر وتنعش في الذات كوامن الماضي وتستدعي شخوصا من قاع التاريخ لك التحية ولكل معلمينا أصدق التحايا
أمير قناوي
Quote: أخواني الحاج حمد والصلاحين (شكوكو وود عباس فقيري) سلام مثلث وتحية مربعة شايف أخونا عاطف عبدالحفيظ طرح (بصورة عابرة) إقتراح جميل وبسيط. ألا وهو وضع البوست داخل المنبر. وأعتقد أن فيه حلاً ولو مؤقتاً لما يراه بعضنا من تعارض. لا نريد أن نهجر البوست ولا المنبر ، وبقليل من التنظيم ستسير الأمور للأمام. لكم الود. |
نؤيد ذلك .. فكلما كان النهر واحدا زادت كمية المياه لكن القراء سيكونون هم الذين يكتبون وبعض المتاوقين لكن كمرحلة أولى نؤيد المنبع الواح ...
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
الاخوان الاعزاء بعض المشغوليات في المكتب اخدتني من متابعة البوست و الجمعة بحمدالله كنت بمكة..و ان شاء الله أرجع لما كتب.. أمير قناوي
Quote: عابدون سلام يا أخي وحمدلله على السلام. تعرفت وأنا شغال في موضوع الكتاب على أخوك فيصل محمد عابدون. أين هذا الرجل الفنان المبدع ؟ وحقيقة ودون مجاملة أسلوبه غاية الروعة. ولا أدرى كيف لم أنتبه لذلك القلم المحترف (كما قال أحد الأخوة معلقاَ على ما كتبه فيصل) ؟ له مني عاطر التحايا. |
الأخ فيصل غابدون كاتب محترف و هو قد درس الصحافة و عمل بتلفزيون السودان ثم تلفزيون الشارقة و حاليا التحق بقناة الشروق و هو اضافة قوية لها ، فيصل نشرت له كتابات في مجالات معروفة و هو صاحب قلم ذكي و متميز..التحية له
Quote: أخواني الحاج حمد والصلاحين (شكوكو وود عباس فقيري) سلام مثلث وتحية مربعة شايف أخونا عاطف عبدالحفيظ طرح (بصور عابرة) إقتراح جميل وبسيط. ألا وهو وضع البوست داخل المنبر. وأعتقد أن فيه حلاً ولو مؤقتاً لما يراه بعضنا من تعارض. لا نريد أن نهجر البوست ولا المنبر ، وبقليل من التنظيم ستسير الأمور للأمام. لكم الود. |
كل ما يكتب هنا سيتم نقله بواسطة الأخ بكري أبوبكر عند الارشفة الربع سنوية و لو لاحظتم فقد تم نقل الصفحات من 1-110 و سيتم لاحقا نقل الجزء الثاني بالتنسيق مع الأخ بكري..
عادل محمد عثمان وينك..غاطس مع البرد؟
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
Quote: عادل محمد عثمان وينك..غاطس مع البرد؟ |
ياخي ود الدكتور غاطس لما غاطس اتصلت عليهو الساعة 11 ظهرا لم يرد قلنا نشوفو مالو الظاهر صاحبك مشغل الدفاية ومديها نومه تقيلة بيني وبين يا ود حمد الناس ديل ليهم الله ياخي نحن هنا هواء المكيف في مشكلة اما اخونا شمس الدين ساتي قافل الجوال عديل
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
محمد مرحوم اللاعب السابق بنجوم الشعبية ثم الجهاد الحكم الحالي بالدرجة الأولى (( العيلفون )) من الذين كانوا تحت لواء فريق الجهاد ومن كوكبة الشباب الذين تحلقوا حول الجيل الفريد من الرائعين في فريق الجهاد ... يمت بصلة قربى للأخ حسن فضل المولى المكنى بــ(( حسن مظلات )) وهو كقريبة ممن يتقلدون قلادة الحسنى والمودة بين الناس دمث الأخلاق وحسن السيرة والسريرة .. علاوة على أنه كان مدافع جسورا .. تميز محمد مرحوم بطيبة أهل الريف وجمال الحضر .. مازالت تربطنا بع صلات طيبات وهو في قمة الجهاز الإداري الحالي لجامعة السودان ..
التحية له في فيضة الوافي بسيرتة العطرة بين الناس والتحية له حيث لا يقول لا .. فكلما أرسلنا له رسولا لا يخيب الظن به وبنا .. دوما يجعلنا في كبرياء الثريا ممنونون أخي
...
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
صباح الخير يا اهل الشعبية ..
اول حاجة نقول مبروك للهلال واول زول اتذكرته وهبة واقول ليهو مبروك يازول انت وينك ..
دكتور امير لك الشكر والاخ فيصل يبلغكم خالص التحايا وهو طبعا مع زنقة العمل ولكن مرة مرة بيدخل على البوست ويتصل معاى وهو دائم السؤال عن الاخ صلاح شكوكو ..
ابو صلاح والله اعطيتنى اكثر مما استحق وجزاك الله كل الخير واتمنى من الله ان يديك على قدر نواياك الطيبة مع الكل ..
ابو صلاح كنت عايز رأيك فى مباراة الهلال امبارح مع بنى ياس ومباراته الالى برضو أعتقد وبوضوح انه الهلال محتاج للاعب هداف ينهى الهجمات .. اعصابنا باظت من الاهداف الضائعة بسهولة وعدم احترافية ..
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
وليد عبداللطيف
Quote: ياخي ود الدكتور غاطس لما غاطس اتصلت عليهو الساعة 11 ظهرا لم يرد قلنا نشوفو مالو الظاهر صاحبك مشغل الدفاية ومديها نومه تقيلة بيني وبين يا ود حمد الناس ديل ليهم الله ياخي نحن هنا هواء المكيف في مشكلة اما اخونا شمس الدين ساتي قافل الجوال عديل |
اتصلت بالأخ عادل محمد عثمان و هو بخير و يبلغكم تحياته و هو مشغول بالعمل خاصة مع نهاية السنة المالية و تجهيز التقارير اللازمة للضرائب و طبعا الانجليز في الحتة دي صعبين جدا..
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
عجبني كلام ابو محمد فؤاد ده
Quote: Quote: ## فى زمن اللافرح ,, من غيره يُعطى لشعب السودان الفرح ... أنه ســــيـــد الــبــلــد. #### حتى لاننسى دورة نادى بنى يأس ســــنـــ 1988 ـة فاز بها نادى الهلال.. |
|
ياود حمد والله ظلمتك قلت ود حمد عشان هلال عابدون ووهبة شالو كاس بني ياس ماعايز يرفع البوست ولا شنو وانا كنت بفتش عليهو عشان اخليهو في الصفحة الاولى لتسهيل المرور عليه
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
Quote: : Quote: ## فى زمن اللافرح ,, من غيره يُعطى لشعب السودان الفرح ... أنه ســــيـــد الــبــلــد. #### حتى لاننسى دورة نادى بنى يأس ســــنـــ 1988 ـة فاز بها نادى الهلال..
فى الزمن القديم كان المريخ هو صانع الفرح يا وليد لو تذكرون يا هلالاب
أتفق مع د. نجاة
أين هذا العبد الكريم أبو محمد فؤاد
أفتقدك بشدة يا مولانا
لآأسكت الله لك صوتا يا صديقى
| |
|
|
|
|
|
|
Re: الشعبية نجمة تزين سماء بحري (Re: شمس الدين ساتى)
|
Quote: سعدت جدا حينما عرفت ان الوطني الاتحادي رشح المعلمة اخلاص باقرين بت الشعبية وحفيدة الكنداكة ومهيرة بت عبود
لمجلس الشعب القومي.. اخلاص باقرين المجدة المجتهدة المتجردة للغير لم ار في حياتي من يمتلك انسانية فارهة مثل اخلاص
عرفتها منذ ان كانت في كلية المعلمات بالدامر نجمة من نجوم كرة اليد
لها شخصية قوية وقيادية درجة اولى اخلاص تهتم بتفاصيل الاخرين وتسعى لحل المشكلات لها قلب واسع وعقل راجح وحماس متدفق للخدمة الغير..
سعيدة يا بت عمي وفخورة بيك فلتفخر بك الباسا والشعبية والسودان
صوتوا لرمز لوزة القطن الزراعة والنماء
لبت الترابلة المعلمة اخلاص باقرين |
مع بداية تصفحي للمنبر
وجدت بوست عن الاخت اخلاص باقرين
فقررت فورا نقله لبوست الشعبية
فوجدت من سبقني الي ذلك
فسررت
واحدة من الشعبية نتمني لها كل النجاح والتوفيق
وهكذا الشعبية .... ابناؤها وبناتها
دمتم,,,
| |
|
|
|
|
|
|
Re: الشعبية نجمة تزين سماء بحري (Re: حسن طه محمد)
|
Quote: سعدت جدا حينما عرفت ان الوطني الاتحادي رشح المعلمة اخلاص باقرين بت الشعبية وحفيدة الكنداكة ومهيرة بت عبود |
ماقدمته اخلاص باقرين لمدرسة الشعبية الابتدائية بنات فقط يكفي عن شرح مسيرتها في العمل الجماعي والوطني وهل ننسى اخوها عطا باقرين وما قدمة للشعبية وهذه اسرة لاتكل ولاتمل في خدمة الاخرين ربنا يحفظهم ويوفقهم
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
وليد عبد اللطيف
Quote: ياود حمد والله ظلمتك قلت ود حمد عشان هلال عابدون ووهبة شالو كاس بني ياس ماعايز يرفع البوست ولا شنو وانا كنت بفتش عليهو عشان اخليهو في الصفحة الاولى لتسهيل المرور عليه |
مبروك الكويس (تصغير كأس) .. نحن بنجيب كاسات بمعنى كاسات..ما زي كاس المنافسات الداخلية دا..الهلال وصل و لعب مباراة و طوالي النهائية..دي برضو كاسات يا وهبة!!!
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
مقال لم يطبع بعد ياعبدون
Quote: وإستحال الهلال بدرا
(( صلاح شكوكو ))
ما من أحد يستطيع أن يشكك في أن الهلال قد لعب مباريتين كبيرتين في دورة بن ياس الودية وإستحق عليها كاس البطولة .. صحيح أن مباراة المحرق البحريني الأولى كانت سهلة للهلال في المعاركة التكتيكية والسجال في اللعب .. لكن الهلال إستطاع الى حد كبير توظيف قدراته الكبيرة إخراج المباراة في ثوب لائق ... رغم الحديث الذي ظل يدور في أروقة المحرق البحريني بانهم مازالوا في طور الإعداد .
لكن المباراة الثانية للهلال كانت على وتيرة مختلفة وأمام فريق كبير زاخر بالنجوم المحترفين الذي إستطاعوا أن يرسموا لوحات جميلة أثناء سير المبارة .. لكن اللافت للنظرعندي أن الهلال إستطاع في هذه المبارة أن يكسر حاجز الإنكسار وأن يعود للمبارة في دقائقها العشر الأخيرة .
عادر الهلال للمبارة وهو يلعب بعشرة لاعبين بعد طرد اللاعب منير أمبده .. وبذا يكون الهلال قد أدخل على غير المعتاد في قاموس الممارسة الرياضية السودانية عبارة (( لا لليأس )) وهذه إحدى سمات الفرق الكبيرة التي تدرك أن الفاصل بين النصر والهزيمة بعض لويحظات تتغير فيها مجريات المباراة على نحو لم يكن في البال .
ولعل الجانب الأبرز الذي يحكم مثل هذه الظروف هو كيفية إعادة الإنتشار في الملعب مع النقص العددي ومقارعة الخصم من خلال الإحلال والإبدال في الملعب لتحقيق التعادل ومن ثم تحقيق النصر .
لكن الأجمل في مبارة الهلال والأخيرة التي فبلها هو المعلق بقناة أبوظبي الرياضية الأولى الأخ (( سمير اليعقوبي )) الذي تعامل مع الحدث على نحو غير الذي كان يتوقع له فقد أشاد بالهلال وأعطاه قدرا وآفرا .. رغم أن للرجل مآخذ في المعلومات التاريخية الدقيقة .. لكن هذا ليس ذنب الرجل فلقد إستقى الرجل معلوماته من الإعلاميين المتواجدين حوله .
فقد ظل الرجل يردد عبارة (( سيد البلد - الكبير كبير – سيدها – النسيب )) وكثير من الألقاب والكلمات على نحو يفوق حتى وصوف السودانين والهلاليين .. خاصة وان الفريق الذي لعب ضده الهلال فريق إماراتي وهو منهم .. فلو مدح أولئك لما عابه أحد .. لكنه أعطى الهلال حقه على نحو طيب .. بل أحسن الترحيب بالهلال بإعتباره ضيف على الإمارات وهنا يجدر بنا ان نبعث رسالة تحية وتقدير للأخ سمير اليعقوبي على هذا الفيض الدفاق من المشاعر النبيلة . صحيح أن هذه الدورة ودية .. لكن إنتصار الهلال بكل المعايير إنتصار للكرة السودانية وقد أعجبت أيما إعجاب بالجالية السودانية بكل اطيافها وهي توآزر الهلال وكانت في مقدمتها رابطة المريخ بالإمارات مما يعني أن الصورة كانت جميلة واللوحة أبهى .
حتى أنني سمعت الأخ سمير اليعقوبي وقد شارف على الإجهاش بالبكاء حينما رأى الصغار والكبار يهللون للهلال .. في مشهد لم تشهده ملاعب الإمارات مما حدا به لأن يقول بأعلى صوته : (( كان لابد للهلال أن ينتصر وهو يجد هذه المساندة الكبيرة من هذا الجمهور الوفي .. وليتنا نجد مثل هذا الجمهور في ملاعبنا .. وأنني سعيد أن أنال شرف التعلق على هذه المبارة الكبيرة )) إنتهى .
لقد ظل الجمهور السوداني دوما هو عماد نجاح الدورات التي تقام في الإمارات .. لذلك ظلت الأندية الإماراتية دوما تحرص على إشراك نادي سوداني أو أي فريق قومي من السودان لضمان حضور الجماهير التي تعطي الدورات نكهة فريدة .. حتى سمي الجمهور السوداني بــ(( فاكهة الدورات )) بل أصبحت الدورات التي لا يشارك فيها أي فريق سوداني محكوم عليها بالفشل جماهيرا .
وهذا فقد كسبت الكرة السودانية سمعة فنية وأدبية .. من الهلال الذي إستطاع أن يؤكد أنه فريق كبير والجمهور الذي أكد أنه يساند الكبير .. وكأن التاريخ يفتح صفحاته ليقول للأخوة الخليجيين نحن نستمد ريادتنا من تاريخنا ..
التحية للهلال الذي رفع إسم السودان بالإمارات .. والتحية للمريخ الذي ظل دوما صنوا للهلال والتحية للجماهير السودانية التي تعرف ما ينبغي منها .. والتحية لنادي بني ياس الذي أتاح لنا كل هذا .. والتحية أخيرا للشاب (( سمير اليعقوبي )) الذي تجرد من كل شيء وأعطى الهلال مايستحق ..
والتحية للظروف التي جعلتنا ندرك أن الفارق بين النصروالإنهزام خيط نفسي رقيق يجري في أعماق اللاعبين ... فإن شددناه إنبرى وترا وإن رخيناه إرتخى نصبا .. وأصابنا وابل الياس والقنوظ . ...................... ملء السنابل تنحني بتواضع ... والفارغات رؤوسهن شوامخ ...................... صلاح محمد عبد الدائم / شكوكو [email protected]
|
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
أخي شكوكو عندما أقرأ لك مقال في أي موضوع لا أملك إلا أن أقرأ كل كلمة وكل حرف. لا أستطيع القفز بين السطور كما أفعل أحياناً ، خاصة إذا كان الموضوع حول أشياء لا تستهويني كثيراً. وهذا ما يحيرني في كتاباتك. تكتب عن مباراة فنستمتع بما كتبت أكثر من إستمتاعنا بالمباراة نفسها. قرأت لك مقالاً صدفة كان بعد مباراة مصر والجزائر. ولا أدري أين تكتب عادة ؟ نتمنى أن نرى لك المزيد هنا أو منبر الشعبية.
أخي عزالدين عباس الفحل سلام وأشواق. يبدو عليك مشغول كتير. ولا تأتي إلى هذه الدوحة إلا لماماً وعلى عجل. لا نعاتبك ، بل نقول فقط مشتاقين لشخصك العزيز ولقلمك الفنان. كنت آمل أن تشارك بقوة بعد عودتك من السودان في موضوع كتاب الشعبية ولا زال الأمل يراودني. عارف كل الناس مشغولة بمشاغل الحياة ، لذلك لا أعتب على أحد. أتمنى يا عزالدين أن تنزل صور زيارتك الأخيرة للسودان (وغيرها) في باب الصور. وأتمنى أن تواصل التوثيق للشعبية ولمدرسة الشعبية جنوب. لا أقول مدرسة معاذ بن جبل. فهي عندي مدرسة الشعبية جنوب. ليس تطاولاً على حبر من أحبار الأمة وعلى صحابي جليل ولكن رفضاً لهذا السلوك في طمس تأريخنا دون سبب مقنع. ولقد سمعت أن مدرسة الخرطوم القديمة قد تمت إزالتها بالكل فحزنت على مدرستنا العريقة. تلك القلعة الشامخة التى لم يشفع لها تأريخها المجيد في البقاء.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
ناس الشعبية ... صباح الخير
الاستاذ صلاح شكوكو .... تحياتى
يوم بعد يوم بتكتشف روعة قلمك فى الكتابه ويا بخت الشعبية بمثلك ودمتا اخى وواصل فى مقالتك فمنك نستفيد ولك منى كل احترام وتقدير ....
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
شكرا الأخ العزيز د.أمير قناوي هاتفني مساء أمس الأخ أمير قناوي و كنت سعيد جدا بهذه المكالمة ، لم أسمع صوت أمير قناوي لسنوات طويلة ، تحدثنا كثيرا عن الذكريات و تحدث بمرارة عن الغربة و عن تجربته و عن شوقه للسودان و عن زيارته الآخيرة التي رافقه فيها ابنه أحمد و حتى ذكريات أحمد و القصص التي نسج بعضها عن السودان و قد طلبت من امير و هو صاحب قلم متميز أن يكتب عن كل ذلك..شكرا الأخ أمير قناوي يا راجل يا أصيل.
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
أخي العزيز كابتن وليد عبد اللطيف
الشكر أجزله لشخصكم الكريم عن السؤال
والانقطاع ليس الا بسبب الانشغال
أولا أخوك الايامات دي Baby Sitter بعد سفر ام العيال للسودان في اجازة قصيرة.
ثانيا الشغل الما بنتهي
ثالثا فعاليات رابطة القانونيين بالدوحة وآخرها كان لقاء مهني مع السيد / نقيب المحامين بالسودان
رابعا مشغول بفعاليات الاحتفالات بعيد استقلال السودان المجيد بالدوحة
واحتفالات فقدناكم فيها بجد
كان معنا ملك الجاز الكبير الفنان شرحبيل احمدوكان لي شرف صحبته أثناء اقامته بالدوحة
وبهذه المناسبة شرحبيل بعدما لمسته عن قرب فنان انسان جميل اصيل تلالات النجوم في سماء الدوحة طربا من غنائه وأدائه الرائع ( هل هناك علاقة بين الشعبية والدوحة ؟ ما الاتنين بيتلالوا ). الله يعطيه العافية
وخامسا ما لم يكتب أكثر ....
وأخيرا تحياتي من البعد للقائمين بامر " كتاب الشعبية ".
دمتم،،
| |
|
|
|
|
|
|
Re: الشعبية نجمة تزين سماء بحري (Re: حسن طه محمد)
|
ولدوني في الشعبية
وجريت ولعبت في شوارها
قريت الروضة في الفاتحة على نادي الشعبية شمال الوقت داك قدامها كان ميدان مافي بيوت وحاجة سعيدة الشايقية بتقطعنا الزلط
وقريت الابتدائي في الشعبية شمال 4 بنات قرتني اخلاص باقرين عظيمة عظمة النيل علمتني الديمقراطية وقلت الحق وان كان في العنق السيف ،
مديرتنا كان ست البنات عمر المرآة التي تعتبر رمز السودان للمرآة السودانية تكريمها بحمل اسمها على المدرسة ولكن هيهات فللانقاذ كلمة وتم تغير الاسم في اقل من اشهر معدودات
درست المتوسط في الاميرية وفايزة نقد (وهي من سكان الشعبية برضو) ودي كان رمز التقويم والانسان الصحيح
والثانوي بالقديمة بنات
ودي قصتي التعليمية مع الشعبية ، وبيت ناس جدي فيها واهلي مربوطين بيها شديد ، لما تقول ناس فيلان بكون معروفة تفاصيلو كلها ليس بالفضول ولكن ديل ناس الشعبية يتفقدوك ويطمنو عليك واجباري تمشي السوق كل يوم عشان توري الناس انت كويس ، لم ياتي يوم علينا دون فرد من اهلها في دارنا
أحب الشعبية ذاتو
| |
|
|
|
|
|
|
Re: الشعبية نجمة تزين سماء بحري (Re: Rasha Tambal)
|
Quote: أخي شكوكو عندما أقرأ لك مقال في أي موضوع لا أملك إلا أن أقرأ كل كلمة وكل حرف. لا أستطيع القفز بين السطور كما أفعل أحياناً ، خاصة إذا كان الموضوع حول أشياء لا تستهويني كثيراً. وهذا ما يحيرني في كتاباتك. تكتب عن مباراة فنستمتع بما كتبت أكثر من إستمتاعنا بالمباراة نفسها. قرأت لك مقالاً صدفة كان بعد مباراة مصر والجزائر. ولا أدري أين تكتب عادة ؟ نتمنى أن نرى لك المزيد هنا أو منبر الشعبية. |
قريبنا الدكتور أمير قناوي ديدن الرائعين أخي أنهم ينظرون الى مرائي الناس بعين الروهة مما يجعل كل شيء يترائى لهم يكون جميلا زز لذلك لا غرو أن تجد فيما نكتب شيئا يخاطب دواخلك .. ونأمل أن نكون كيفما تريد ..
كثيرون هنا تستوقنا كلماتهم ... وأنت منهم .. فكثيرون يعروفون كيف يبري الواحد فيهم قلمة .. وكيف يجعل حف السن أرقق حين الرقة وأغلط حينما يستدعي الموقف ذلك وبين الغلظة والرقة مساحة جزلة للتطريب ..
أشكر له هذا الإطراء الجزل الذي لا نستحقه ... ولكن ديدن الرائعين حولنا أن يكون في إطراءهم خير زاد للمضي قدما في الطريق ..
ممنونون أخي مع نواضر ودنا
...
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
كتب الأخ العزيز حسن طه محمد: وأخيرا تحياتي من البعد للقائمين بامر " كتاب الشعبية ".
الأخ حسن ولك تحياتنا وأنت معنا بين دفات الكتاب بمشاركاتك التي أسهمت بها موثقاَ في كل أبوابه. لك الشكر ولكل روادنا الذين إبتدروا هذا الملتقى. نتمنى أن نكون عند حسن ظنكم حين عرض المرحلة الأولي عليكم لإبداء الرأي. وأرجو أن يكون ذلك في القريب بإذن الله.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
أخوي ود حمد سعادتي بسماع صوتك بعد عقود لا توصف. ورغم التغير في الصوت (والذي عزوته أنت لتغير البنية الأساسية) فقد وجدتك الحاج الذي سكن حبه في أعماق قلبي. الحاج الوفي المحب والمحبوب لكل الناس ومن كل الناس. بشأن الغربة ومرارتها فلن تستطيع الكلمات أن تعبر عما يجيش في الصدور ولن ينقل قلمي لمن لم يذوق علقمها ما ضاقت به القلوب. فلندعوا أخي أن تنقشع عما تبقى من أعمارنا ظلمة الغربة وغشاوتها وأن يلتئم شملنا بين أهلنا وأحبابنا في وطننا معززين مكرمين..آمين.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
شباب الشعبية ... اخيرا وجدتكم هنا ... وانا اسبوع اخش المنبر واطلع من المنبر ..وهو قفر يباب يبكي ليلاه ... واتاري الشباب بجاي يستمتعوا بالنجمة ( لا اقصد المريخ )!!!!!!
تحياتي لكم جمعيا.... خالد / فقيري/شكوكو/ وليد/كابتن الفريق/قناوي/المستشار/ عابدون/ الفحل/ساتي
| |
|
|
|
|
|
|
Re: الشعبية نجمة تزين سماء بحري (Re: مجدي كنة)
|
الأخت رشا طمبل مولودة في الشعبية ؟ طيب ماوصلتي الهدف والمصدر. مرحباً بأختنا بين أهلها وعشيرتها. نرجوا أن يطيب لك المقام بين أخوانك وأخواتك ، وأن لا تكون مداخلتك هذه أخر عهدنا بك.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
الاخوان بالبوست .... مساء الخير
وصل الى دبى الاخ العزيز / دكتور عماد عبدالله قادم من الدوحة لقضاء اجازة قصيرة فى لولوة الخليج دبى دار الحى فالف مرحبا دكتور عماد وان شاءالله تقضي اجازة سعيد هنا فى دبى
ياشباب دكتور عماد بسلام عليكم وبقول ليكم برجع ليكم بعد الاجازة
الاخ / عابدون اتصل فيك الاخ دكتور عماد ولم تجب وبسلام عليك
دبى نورة دكتور عماد
مودتى ....
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
...
خالد درق :
Quote: الاستاذ صلاح شكوكو .... تحياتى يوم بعد يوم بتكتشف روعة قلمك فى الكتابه ويا بخت الشعبية بمثلك ودمتا اخى وواصل فى مقالتك فمنك نستفيد ولك منى كل احترام وتقدير .... |
لك التحية والود أخي خالد عطر الله حروفك وخضر جروفك هذا من حسن تعضيدكم لنا ..
مع عاطر ودي وتقديري ونضر الله مناحيك
..
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
رسالة من الأخت الدكتورة ستنا خضر وصلتني رسالة عبر الايميل من الأخت الدكتورة ستنا خضر بعد وصولها السودان و الدكتورة من هسع بدات النقنقة من حال السودان و كذلك عندها مشكلة في الباسوورد اتمنى ان تعالج:
Quote: سلام الله عليكم اخي الحاج كيف حالك اتمني تكون واسرتك بالف خير السودان لو كنت قايلاه بالجوطة الشديدة دي كنت اجلت الجية !،من يوم جيت جري شديد وما بتقضي حاجتك في اليوم لازم مطوحة شديدة واكيد انت جربت حكاية الموظف ده الليلة ما جا عشان ابوه عيان او ولده عيان غايتو الله يعينا اليوم فقط تمكنت من دخول النت وحاولت اعمل مداخلة في البوست للاسف لم استطيع الدخول بالرغم من كتابتي لليوسر نيم والباسورد صحيح لا ادري ما السبب ! غايتو سلامي لكل اخوانا في البوست وسلام خاص لروما شايفاها مختفية والكل بيسأل عنها واتمني عودتي للمشاركة لاني بالجد مشتاقة للبوست والكتابة فيه حااعمل محاولة تاني واذا فشلت حاارسل للمهندس بكري ابوبكر تحياتي للجميع |
اتمنى أن تتواصل الدكتورة معانا و الكتابة من السودان ذات طعم خاص و منتظرنك يا دكتورة.
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
Quote: أين هذا العبد الكريم أبو محمد فؤاد أفتقدك بشدة يا مولانا لآأسكت الله لك صوتا يا صديقى |
** صديقى ود ساتى "الشرير".. ** صباحك خير.. ## وحمداً لله على سلامتك ,, وسمك وشمام كوستى كرامتك .. ## الغيبه :- إكتئاب إسفيرى (دا مرض جديد ,, يُصيب من يتعدون الخمسين) وهو موجود عندك وعند صديقنا عابدون وآخرون ولكنه أحياناً يكون فى مرحلة الكمون زى ملارية السودان ..
** مغترب بيسأل مغترب :- عندك سُكرى - قال ليهو :- لا ,, عندك ضغط - قال ليهو :- لا ** قال ليهو :- القاعد ليهو شنو فى الغربه إنت أكيد فيك حاجه غلط قوم أرجع السودان لاعندك سكرى ولا ضغط ... ## أعمل حسابك وبطل الرمرمه ,, عارفك بتحب العضه الشديده والباسطه ويشهد على ذلك البوفيه التعاونى بالاميريه "2" .. (ودام الود بيننا) (ابو محمد فؤاد)
| |
|
|
|
|
|
|
Re: الشعبية نجمة تزين سماء بحري (Re: عبدالكريم أحمد الامين)
|
مرحبا ياعبد الكريم ومنور البوست ... ياعبد الكريم والله خطتك رهيبة .. يعنى تقول انت اتجاوزت الخمسين طيب صاحبى داك ماخلاص مسك ضنب الككو.. يعنى الزول يكون فى منتصف الستين.. وطبعا موش مكتفى بالضغط والسكرى اللى عنده بس دا كمان عامل ضغط وسكرى للحواليهو ..
سلامات وتحية لبتنا رشا طمبل وبسألها انتى شقيقة صلاح طمبل اللى كانوا ساكنين ورا ناس حمدتو وناس دكتور عطا حسن جردل وناس دكتور النور وفيصل النور؟
دكتور عماد الايام دى مشرف الامارات وبرنامجه حاليا بين الشارقة ودبى ومنتظرين وصوله الى ابوظبى .
ياشكوكو فيصل يبلغك التحية ويبلغ الجميع هنا التحية ..
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
انتقلت إلى رحمة مولاها صباح اليوم الأخت سلافة مصباح محمد مصباح (بت خالتي عايدة).. وزوجة شقيقي حمد دياب.. بعد صراع وصبر على المرض.. تم الدفن بمقابر شمبات ويقام المأتم بالسامراب.. إنا لله وإنا إليه راجعون.. ولا حول ولا قوة إلا بالله..
| |
|
|
|
|
|
|
Re: الشعبية نجمة تزين سماء بحري (Re: مجدي كنة)
|
Quote: انتقلت إلى رحمة مولاها صباح اليوم الأخت سلافة مصباح محمد مصباح (بت خالتي عايدة).. وزوجة شقيقي حمد دياب.. بعد صراع وصبر على المرض.. تم الدفن بمقابر شمبات ويقام المأتم بالسامراب.. إنا لله وإنا إليه راجعون.. ولا حول ولا قوة إلا بالله.. |
اللهم اجعل قبرة روضة من رياض الجنة الهم صبر اهله امين امين
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
ايمن دياب
Quote: انتقلت إلى رحمة مولاها صباح اليوم الأخت سلافة مصباح محمد مصباح (بت خالتي عايدة).. وزوجة شقيقي حمد دياب.. بعد صراع وصبر على المرض.. تم الدفن بمقابر شمبات ويقام المأتم بالسامراب.. إنا لله وإنا إليه راجعون.. ولا حول ولا قوة إلا بالله.. |
لها الرحمة و المغفرة و للأسرة الكريمة الصبر الجميل البركة فيكم يا ايمن..
| |
|
|
|
|
|
|
Re: الشعبية نجمة تزين سماء بحري (Re: عاطف رميتي)
|
Quote: انتقلت إلى رحمة مولاها صباح اليوم الأخت سلافة مصباح محمد مصباح (بت خالتي عايدة).. وزوجة شقيقي حمد دياب.. بعد صراع وصبر على المرض.. تم الدفن بمقابر شمبات ويقام المأتم بالسامراب.. إنا لله وإنا إليه راجعون.. ولا حول ولا قوة إلا بالله.. |
إنا لله وإنا إلبه راجعون خالص التعازي للجميع
| |
|
|
|
|
|
|
Re: الشعبية نجمة تزين سماء بحري (Re: عبدالوهاب علي الحاج)
|
رشا طمبل:
Quote: وقريت الابتدائي في الشعبية شمال 4 بنات قرتني اخلاص باقرين عظيمة عظمة النيل علمتني الديمقراطية وقلت الحق وان كان في العنق السيف ،
مديرتنا كان ست البنات عمر المرآة التي تعتبر رمز السودان للمرآة السودانية تكريمها بحمل اسمها على المدرسة ولكن هيهات فللانقاذ كلمة وتم تغير الاسم في اقل من اشهر معدودات
درست المتوسط في الاميرية وفايزة نقد (وهي من سكان الشعبية برضو) ودي كان رمز التقويم والانسان الصحيح
|
مرحبا بالاخت رشا،فعلا من المفترض ان تحمل المدرسة اسم المربية الفاضلة<ست البنات> زوجة حكم الكورة الشهير الحاج هاشم والذي كثيرا ماكنا نشاهده بعربته امام ابواب المدرسة.في صفحات سابقة اشار الصديق عادل محمد عثمان،عمااذا كان الاسم الجديد قد ولد بالشعبية او له دور بها. يازوله مرحب بيك وانتي في دارك وبين اهلك.
تعازينا في وفاة المرحومة سلافةالمصباح،ونسال الله ان يتغمدها برحمته،ولاهلها الصبر والسلوان ان لله وان اليه راجعون.
| |
|
|
|
|
|
|
Re: الشعبية نجمة تزين سماء بحري (Re: الفاضل يسن عثمان)
|
عادل على صالح انا عملت محاولات كتيرة ارسل ليك رقم شمس الدين لكن الغريبة الرسالة مابتوصل وبجينى مسيج بيقول ان الرسالة لم تصل على كل حال انا اتصل هسة قبل شوية فى البيت عندك واتكلمت مع والدة المدام غايتو بريتا ليك شوية ..
شمس الدين لسة ماقادر يدخل على النت وكذا الحال مع روما وعلى كل حال دا رقم تلفون شمس الدين 009746549315 واذا قدرت بالمرة شوف موضوع روما مع بكرى برضو ..
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ] البقرة/154-156
اللهم:ابدلها دارا خيرا من دارها ,واهلا خيرا من اهلها ,وزوجا خيرا من زوجها ,وادخلها الجنه واعنها من عذاب القبر ومن عذاب النار
صادق العزاء اخي خالد في فقدكم الجلل وانا اليه وانا اليه راجعون
| |
|
|
|
|
|
|
Re: الشعبية نجمة تزين سماء بحري (Re: عاطف رميتي)
|
Quote: انتقلت إلى رحمة مولاها صباح اليوم الأخت سلافة مصباح محمد مصباح (بت خالتي عايدة).. وزوجة شقيقي حمد دياب.. بعد صراع وصبر على المرض.. تم الدفن بمقابر شمبات ويقام المأتم بالسامراب.. إنا لله وإنا إليه راجعون.. ولا حول ولا قوة إلا بالله.. |
رسالة تعزية من الأخت روما:
Quote: انا لله وانا اليه راجعون
ما عارفه اكتب شنو ولا منو اعزي اعزي خالتي عايدة ولا عمي مصباح
اعزي اخواتي حكمه ولا سماح ولا اقول لي رماح شنو اقول ليها تاني مافي نونه في الدنيا
الله يرحمك يا نونه دا كان اسمها البنقوله ليها وين سلافه الطيبه بت الطيبين سلافه الراقيه
سلافه الما بتعرف تزعل الناس سلافه جبارة الخواطر يا نونه ما قادرة اصدق خبرشين يا نونه
ياريت ما دخلتا المنبر الليله خبر السواد يا حبيبتي نونه يا اختي يا عشرتي الحلوة
كتير قعدتا في بيتكم اكتر ما قعدتا في بيتنا باعرفكم اكتر من ما باعرف اخواتي
ما بتروح من خشمي طعم الشاي بتاعاك ولا دمعه الرز ولا الكسرة بالطماطم نونه
اختي ماتت يا ناس يوم اسود على. نفسي تكزبوا لي الخبر نفسي يا نونه اكون غلطانه وتكون عيوني
ما قرت الخبر دا نفسي اكون باحلم وموافقه كل حياتي تبقا كابوس بس انتي تكوني بخير يا حبيبتي
نونه ست البنات وزينة بنات الشعبيه كريمه مودبه اختي صوتها ما بيطلع
مهزبه في مشيتها في ضحكتها في ترحبيها بالناس راسها ملانه تفهم في كل شي
نونه كانت ام اخوتها واخت امها تاني منو البيسرح رماح ومنو البيسمع لي سماح ومنو
البيساعد حكمه ومنو البيرضي خالتي عايدة ومنو الببيستشيرها عمي مصباح
منو البيباشر الضيوف نونه مسؤله من كل شي في البيت نونه الصغيرونه
كبرتي قبل يومك كل شي بيخص البيت اسال نونه منه العايز شي من خالتي
عايدة يوسط ليها نونه نونه ست الحل والربط في البيت نونه عمود البيت
الليله عمود البيت وقع يا نونه وين مشيتي وخليتي خالتي عايدة براها ليه يا نونه
منو البيقعد معا عمي مصباح ويتونس معاها منو البيسمع اخواتك منو البيصل اهلو زيك لما اهلكم بيجوا اول واحدة في الييت
تصحا في البيت نونه واخر واحدة تنوم نونه كرامت الضيوف ورحابت الاهل
نونه تتطايب مع الجيران الليله اميرة واميمه كيف صبحو نونه ست الكلام وست الشورى
ااحياا يا نونه احيااا ووب على منك وكور على يا نونه
ياريتني لو كنتا انا وانتي سلمتي نونه لسه فرحانين بيكي ما شبعنا منك
تتزكري لما كنا بنمشي شمبات لي ناس رشا صحبت حكمه كنا بنخاف نمر في نص المقابر الا انتي
يا نونه كنتي بتسلمي على ناس المقابر نونه كنتي بتقري الاخلاص والفاتحه يا حبيبتي
كنتي بتقيفي في المقابر تقري الفاتحه وتقولي حسا بعدين المقابر دي نلقا فيها مكان
واااي يا نونه كيفن قدرت مقابر شمبات يتختا جواها احلا نونه احيااا يا حبيبتي
يا نونه ما عايزا اصدق وما قادرة اصدق حاسه اني بردانه يا نونه منو البيعزيني الليله
في اختي وصحبتي وبت جيراني نونه مافي شي حصل لي في حياتي الا وبدا من بيتكم قرينا سوا
وحكينا سوا عرفتكم بقيتوا لي اخوات كم مرة مشينا الي ناس عشه كاملين كم مرة مشينا الحاج يوسف
الليله ناس منال ومواهب بيعمولو شنو يا نونه لي منو بيحكوا ولا بيشكو ناس اقبال وعادل بيفرحوا بي دخلت منو عليهم
حكمه بتجي تتحامي في منو يا نونه سماح منو البيحب ليها الخير قدرك رماح لي منو ح تقول نونه يا نونه وووب على منك
لما اتزكر الشعبيه باتزكر دايوانكم والمطبخ بتجيني ريحه القرفه بالشاي
نونه قولي لي اني ما سمعتا صاح قولي لي ايمن بيهزر ليه يا ايمن تهرز لي في نونه
نونه لسا اهلك فرحانين بي عرسك نونه عايزين نشوف جديدك
نونه يا ستي انا قومي قولي لينا دا ما حصل نونه عارفاك ما بيتقدري تزعلي
خالتي عايدة ولا اخواتك ولا عمي مصباح
ما عارفه افكر ولا عارفه باكتب في شنو قلبي واجعني يا نونه
وجعتي قلبي يا حبيبتي يا ستي انتي ما كتيرة على ربنا بس يا نونه وووب على
خايفا ارسل الكلام دا ما عايزة اعزي فيك ما عايزة انعيك يا حبيبتي الليله حسيت بالغربه يا نونه خبر الشوم يا نونه احيييي يا ناس من نونه |
تغمدها الله بواسع رحمته..(انا لله و انا اليه راجعون)
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
Quote: مرحبا بالأخت رشا طمبل أرحب بالأخت رشا طمبل و منتظرين مزيد من المشاركات خاصة أنك تحملين ذكريات عن الشعبية و سردك لها سيكون توثيق لتلك الفترة..مع تحياتي |
شكراً كتير على الترحيب
الشعبية فيها حاجات كتيرة جميلة وزكريات حد الروعة
من الشخصيات اللطيفة والظريفة في الشعبية وشموار السوق ومعرفة الفراشين وبتاعين الخضار المعروفين وعمك الصول بتاع البرسيم والشعبية كان مشهورة بترباية الغنم وما تنسى دكان ناس اليماني البدين الشعبية كلها لحدي ما عمل ليهو فرن
الشعبية سمحة بس محتاجة حبة شغل وناسها لو بيدهم كان بقوها احلى حته
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
Quote: الأخت رشا طمبل مولودة في الشعبية ؟ طيب ماوصلتي الهدف والمصدر. مرحباً بأختنا بين أهلها وعشيرتها. نرجوا أن يطيب لك المقام بين أخوانك وأخواتك ، وأن لا تكون مداخلتك هذه أخر عهدنا بك. |
ايوه مولوده في الشعبية ويمكن من اول الناس السكنو الشعبية اهلي ، الهدف والمصدر بيت ناس الخليفة ، الزاوية الجوه الحديقة ، شارعنا فيهو عبد الحليم بتاع الدكان
ودي ما آخر مداخله ان شاء الله
الشعبية ياخي ... لما يقول ليك ديل ناس الشعبية الكلام كمل
| |
|
|
|
|
|
|
Re: الشعبية نجمة تزين سماء بحري (Re: Rasha Tambal)
|
Quote: ودي ما آخر مداخله ان شاء الله
الشعبية ياخي ... لما يقول ليك ديل ناس الشعبية الكلام كمل |
رشا
في حضورك ضجة الشوق والهواجس ريحة الموج البنحلم فوقو بي جية النوارس
نتمنى أن يجد غمامك أرضاً خصيبة مرحب بيك يا اصيلة مرحب بيك حافظة الجميل
وحوش ود حمد كان ماشالك نشيلك فوق رؤوسنا
لكي من المودة اطرافها الجميلة
عاطف
| |
|
|
|
|
|
|
Re: الشعبية نجمة تزين سماء بحري (Re: عاطف رميتي)
|
أختي العزيزة روما يحزننا حزنك علي صديقتك وأختك سلافة مصباح. ونسأل الله لها أن يشملها برحمته وأن ينزلها منزل صدق مع النبيين والصديقيين وحسن أولئك رفيقا. ونسأله عز وجل ولك ولأسرتها المكلومة ولكل صديقاتها وجيرانها الصبر وحسن العزاء. وهذا حال الدنيا يا روما (كل من عليها فان ، ويبقى وجه ربك ذو الجلال والإكرام) صدق الله العظيم. أوصيك أختي العزيزة بالصبر رغم عظم المصاب وأن تكثري من الدعاء للفقيدة بالرحمة ولآلها وذويها بالصبر. وأدعو الله ألا يريك بعدها مكروه في عزيز لديك. إنا لله وإنا إليه راجعون ولا حول ولا قوة إلا بالله.
| |
|
|
|
|
|
|
Re: الشعبية نجمة تزين سماء بحري (Re: عاطف رميتي)
|
Quote: ايوه مولوده في الشعبية ويمكن من اول الناس السكنو الشعبية اهلي ، الهدف والمصدر بيت ناس الخليفة ، الزاوية الجوه الحديقة ، شارعنا فيهو عبد الحليم بتاع الدكان |
ياشمس الدين بالله (رشاطمبل دي) احكي ليها عن ناس جل وعبد الواحد ومحمد الخليفة ومحمد عثمان (الدعسان) واحمد(موية فول ) ويسن علي نسيبهم وجيرانهم زمن والله زمن ياشمس الدين والله يارشا استمتعنا بغناء الطمبور في بيت ناس جدك وسبق انا حكيت الكلام ده هنا اها عرفي نفسك كويس امك اسمها منو كان في البيت ده عشان اتم ليك الباقي ومرحب بيك في حوشكم
Quote: الليله حسيت بالغربه يا نونه خبر الشوم يا نونه احيييي يا ناس من نونه |
دكتورة روما كم هزاني هذا الخبر لذلك في وقتها اتصلت السودان هل نوارة فريقنا رحلت وتركت دنيانا بسرعة بعد ان متعة الانظار بعظمة الخالق ووهبها جمال الخلقة والاخلاق اسرة سكنت لفترة قصيرة في الشعبية ولكنها استطاعت ان تتشبع بروح اهلها الطيبين تعازينا الحارة لهم وربنا يصبرهم على هذا المصاب الجلل وتكون اخر الاحزان لهم اختنا الصغيرة سلافة ربنا يرحمها ويتقبلها قبول حسن انا لله وانا اليه رجعون
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
Quote: خالص التعازى للاخ خالد درق والاخ مجاهد فى وفاة خالتهم بالشعبية وهى شقيقة الاخوان ازهرى وصلاح والمرحوم عثمان تقبلها الله قبولا حسنا واسكنها فسيح الجنان . |
انا لله وانا اليه راجعون
والجمد الله وربنا يصبرنا
شكرا اخى عابدون
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
تعازيناللأخ خالد والأخوة صلاح وازهرى سالم اشقاء المرحومة
اللهم : يا حنان يا منان يا واسع الغفران اغفر لها وارحمها وعافها واعف عنها , واكرم نزلها ووسع مدخلها ,واغسلها بالماء والثلج والبرد ,ونقها من الذنوب والخطايا كما ينقى الثوب الابيض من الدنس
اللهم:ابدلها دارا خيرا من دارها ,واهلا خيرا من اهلها ,وزوجا خيرا من زوجها ,وادخلها الجنه واعنها من عذاب القبر ومن عذاب النار .
اللهم: عاملها بما انت اهله ولا تعاملها بما هى اهله .
اللهم: اجزها عن الاحسان احسانا وعن الاساءة عفوا وغفرانا .
اللهم: ان كانت محسنه فزد فى حسناتها ,وان كانت مسيئه فتجاوز عن سيئاتها يا رب العالمين .
اللهم:آنسها فى وحدتها وآنسها فى وحشتها وآنسها فى غربتها .
اللهم: انزلها منازل الصديقين والشهداء والصالحين وحسن اولئك رفيقا.
اللهم: اجعل قبرها روضه من رياض الجنة ولا تجعلها حفرة من حفر النيران .
اللهم: افسح لها فى قبرها مد بصرها وافرش قبرها من فراش الجنة .
اللهم : أعنها من عذاب القبر وجاف الارض عن جنبيه.
اللهم: انقلها من مواطن الدود وضيق اللحود الى جنات الخلود .
( فى سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة وفرش مرفوعة) .
آمين ..آمين..آمين
| |
|
|
|
|
|
|
Re: الشعبية نجمة تزين سماء بحري (Re: اسامة سعد)
|
Quote: انتقلت إلى رحمة مولاها صباح اليوم الأخت سلافة مصباح محمد مصباح (بت خالتي عايدة).. وزوجة شقيقي حمد دياب.. بعد صراع وصبر على المرض.. تم الدفن بمقابر شمبات ويقام المأتم بالسامراب.. إنا لله وإنا إليه راجعون.. ولا حول ولا قوة إلا بالله.. |
للفقيدة الرحمة وصادق تعازينا للأسرة
اللهم : يا حنان يا منان يا واسع الغفران اغفر لها وارحمها وعافها واعف عنها , واكرم نزلها ووسع مدخلها ,واغسلها بالماء والثلج والبرد ,ونقها من الذنوب والخطايا كما ينقى الثوب الابيض من الدنس
اللهم:ابدلها دارا خيرا من دارها ,واهلا خيرا من اهلها ,وزوجا خيرا من زوجها ,وادخلها الجنه واعنها من عذاب القبر ومن عذاب النار .
اللهم: عاملها بما انت اهله ولا تعاملها بما هى اهله .
اللهم: اجزها عن الاحسان احسانا وعن الاساءة عفوا وغفرانا .
اللهم: ان كانت محسنه فزد فى حسناتها ,وان كانت مسيئه فتجاوز عن سيئاتها يا رب العالمين .
اللهم:آنسها فى وحدتها وآنسها فى وحشتها وآنسها فى غربتها .
اللهم: انزلها منازل الصديقين والشهداء والصالحين وحسن اولئك رفيقا.
اللهم: اجعل قبرها روضه من رياض الجنة ولا تجعلها حفرة من حفر النيران .
اللهم: افسح لها فى قبرها مد بصرها وافرش قبرها من فراش الجنة .
اللهم : أعنها من عذاب القبر وجاف الارض عن جنبيه.
اللهم: انقلها من مواطن الدود وضيق اللحود الى جنات الخلود .
( فى سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة وفرش مرفوعة) .
آمين ..آمين..آمين
| |
|
|
|
|
|
|
Re: الشعبية نجمة تزين سماء بحري (Re: اسامة سعد)
|
اختنا روما تقبلى تعازينا
Quote: أختي العزيزة روما يحزننا حزنك علي صديقتك وأختك سلافة مصباح. ونسأل الله لها أن يشملها برحمته وأن ينزلها منزل صدق مع النبيين والصديقيين وحسن أولئك رفيقا. ونسأله عز وجل ولك ولأسرتها المكلومة ولكل صديقاتها وجيرانها الصبر وحسن العزاء. وهذا حال الدنيا يا روما (كل من عليها فان ، ويبقى وجه ربك ذو الجلال والإكرام) صدق الله العظيم. أوصيك أختي العزيزة بالصبر رغم عظم المصاب وأن تكثري من الدعاء للفقيدة بالرحمة ولآلها وذويها بالصبر. وأدعو الله ألا يريك بعدها مكروه في عزيز لديك. إنا لله وإنا إليه راجعون ولا حول ولا قوة إلا بالله. |
شكرا امير
| |
|
|
|
|
|
|
Re: الشعبية نجمة تزين سماء بحري (Re: اسامة سعد)
|
عابدون
Quote: خالص التعازى للاخ خالد درق والاخ مجاهد فى وفاة خالتهم بالشعبية وهى شقيقة الاخوان ازهرى وصلاح والمرحوم عثمان تقبلها الله قبولا حسنا واسكنها فسيح الجنان . |
للفقيدة الرحمة و المغفرة و للأسرة الكريمة الصبر الجميل. الأخ خالد درق أحسن الله عزاؤكم و البركة فيكم. (انا لله و انا اليه راجعون)
| |
|
|
|
|
|
|
Re: الشعبية نجمة تزين سماء بحري (Re: Emad Ahmed)
|
ياجماعة الرسالة دى من شمس الدين وطبعا بكرى زهج منه وحبسه فى الكرنتينة قال الزول دا جاى من السودان وحامل معاهو امراض معدية ..Quote: رشا طمبل إزيك وكيف حالك
طبعا إنتى حفيدة الخالة فاطمة والدة الجميع
إنا فى كل زيارة للشعبية لا بد أن أمر للسلام على منزل جدكم
بحكم العشرة والجيلة والصداقة بأهل هذه الدار ... على .. صديقى أخمد جل المتواجد معى بالدوحة
عبد الواحد ..محمد .. محمد عثمان( الدعسان) أحمد إبن الخالة وشقيقه المرحوم وشقيقته المرحومة
وكل بنات المرحوم طمبل حتى زوجة جارى العزيز يس (صفية) وطبعا هى خالتك الصغرى
تعرفى أنا فى أخر زيارة لى فى ديسمبر الماضى ذهبت للسلام على الخالات ووجدت هناك
شابا طويل القامة قالت لى الخالة هذا الشاب أنت كنت تحمله وهو طفل صغير وهو شقيق أسامة
الموجود بأمريكا يا رشا أنا كنت أحمل بيدى وفاق وألاعبها ونحن نصون سيلرة والدها
تحت الشجرة.. وحملت أيضا لقاء إبنة الفاضلة عائشة
ويا ما أكلنا القراصة بالويكة تحت ظل الشجرة أو داخل الصالون
ألا ليت أيا م الصفاء جديد ودهر تولى يا بثين يعود
-- المحسي
|
| |
|
|
|
|
|
|
|
| |