الشعبية نجمة تزين سماء مدينة الخرطوم بحري

Quote: بسم الله الرحمن الرحيم اخواني الاعزاء سلام الله عليكم تعازيَ الحارة للاخ معتز المقبول في وفاة والدته تقبلها الله قبولا حسنا (إنا لله وإنا اليه راجعون اخي العزيز البروفيسر عبدالرحمن ابراهيم" الجاتك في ضرسك" والله فقد الضرس حار وبدل واحد شالو اتنين ،تعرف قلع الضرس في السودان اسهل منو مافي والناس تحنسهم عشان يعملو "روت كنال"بيرفضو بإنهم ما فاضين للمشي والجية ،عشان كده الدايرين تركيب كتار ، اذكر مرة في مستشفي الاسنان بالخرطوم في مرحلة الامتياز كانت معي زميلتي وصديقتي خريجة روسيا بتشتغل اي حاجة كويس الا القلع ده تكسر الضروس ويغلبها الشغل اقوم انا او زميلة اخري بمواصلة الشغل عنها قالت لينا يا جماعة نحن اتعلمنا نصلح اكتر من نخرب(كنا سامين القلع بالخراب) عشان كده القلع بشوفو صعب خلاص قلت ليها نحن هنا القلع اسيادو( والخراب اسهل منو مافي )وبالرغم من فقد الضرس حار لكن عند المرضي السودانين ساهل! والحمدلله هسي بقي في وعي كبير وفي كتار بجو يعملو كشف ومحافظة علي اضراسهم قبل ما توصل لمرحلة قلع اخونا الاستاذ شكوكو طلتك فرحتنا وصوركم جميلة كانت لكم ايام ولسة شباب يا عبدون اخي وليد انشالله الوالدة بلغت العافية ونسمع كل خير عنها ،سلامي لها اختي الدكتورة روما يسأل منك الخير ،ذكرياتك جميلة والاجمل العفوية في طريقة سردك!،ربنا يرحم الخالة اسماء ويرحم جميع موتانا، بننتظر طلتك الاسبوعية دي عشان كمية الحنية والحب في كلماتك لاهلنا في الشعبية ،يديك العافية وتحياتي لمحمد اخي عماد احمد ربنا يوصل والديك بالسلامة وتتطمن عليهم ودمتم في رعاية الله اختكم ستنا خضر