الشعبية نجمة تزين سماء مدينة الخرطوم بحري

Quote: زبت وجدا في هواك وياحبيبي ولم ازل عايش على سفح الامل يامن صليتني بنار هواك ورفعت فني لمستواك والحكمة يازينة علاك تزداك جمال وازيد هلاك _______________ انا في شخصك احترم اشخاص وطبعا عندي احترامك خاص _________ ظلموني الناس وتجنو علي وانت المحبوب ما شاعر بي طالب احسان باسط ايدي علشان حبك ظلموني الناس ـــــــــــــــــــــــــ ياجميل يامدلل كل ما اطراك بالدموع اتبلل _________ بالله شوفوا اللقطة النادرة دي سبق وقلت شباب الشعبية الاوائل هم من طبعوا الايقاع الجميل لهذا الحي المتفرد واذا نظرتم اليهم لم تجدوا واحد منهم مولود في الشعبية ولكن استطاعوا بتعاونهم وتكاتفهم في تقوية العلاقات بينهم وامثالهم كثر في الشعبية ولكن السؤال المحيرني اين الاخ (شمس الدين ) من هذه الجلسة يا(عابدون محمد عابدون) وهل تعلم الى وقت قريب كان عندي شريط هذه الرحلة وبه اغاني جميلة وما ذكر اعلاه كان من ضمنها ولكن الغربة والحركة اضاعت الشريط في ظروف غامضة ولم تبقى من هذه الذكرى الجميلة سوى صورة تضم (فيصل خضر + صلاح محمد سعيد + التاج ساتي +التجاني عامر + الشهيد النعيم حسن النعيم + طنون + عثمان ابو عفان + عزالدين عبد اللطيف ) بس ياشمس يمين صلاح محمد سعيد ما متذكر اسمه وخلف ابوعفان كذلك بس اتذكر كان ساكن حلة المارد تقريبا . والجلسة ياشمس دي كانت في الجريف واللوبيا .وهل تذكر هذه الاغاني ياشمس للرائع (ابوصلاح ) وسبق انت ذكرت قصة هذه الاغنية . الصدير اعطافك فترا والنهيد باع فينا واشترا الوضيب اقدامك سترا لقطيبوا قلوبنا البعثرا عشان تعرف اخوك بس كيف كان متذكر غناكم ولا ما متذكر خطير صاح ؟ بالله كلم (ود حمد ) والجاية دي من اغنية جماعتك ديييييييييييييييييييييييييييييييك شوف انا متذكر ولا ما متذكر حرام اشتياقي وهجرك حرام === طش قلبي وسكن الغرام يا فؤادي الزاد انضرام === من بعادك والانصرا م لي خلافك مافي احترام === انت قصدي وغاية المرام الطبيب الكشف الالم === قالي مرضك عندي اتعلم اما عمرك ضاع ياسلام === انت عاشق مافيش كلام صار علاجك بين استلام === الفويطر الكشف الظلام واللجينة المازجة الكلام === والنهيد الماشاف غلام ياطبيبي علاجي انعدم === جد وجدي وصبري انهدم كيف احصل ضفري القدم === كان ده وصفك انا دائي دام والله صادق ياطبيب نعم === من رأيت البي صديره عام اب وضيباً هضليم نعام === صرت مضني وجافي الطعام ___________ ولما تكسروها باغنية ما بنسى ليلة كنا تايهين في سمر انا وانت والنيل والقمر تعرف ياشمس لما كنا نشوف لمتكم وانسكم وحبكم لي بعض صراحة الواحد كان بيستمتع .وفي الشعبية ذكريات لاتنتهي . وهل تذكر ياشمس لما مره الجماعة جالسين في الحديقة ودخل صاحبك (مزمل ) وقال عايز يولع سجارة و(فتحي موسى ) صاحبك خاف قال كلو الا ده . والناس تضحك وتم منعه عشان الجلسة تكون جميلة . يا عبدون وابومحمد فؤاد اديتكم سؤال جاهز لشمس الدين وقولوا ليهو اليوم ده كنت وين من هذه المجموعة . ودمتم ................ وليد عبد اللطيف