الشعبية نجمة تزين سماء مدينة الخرطوم بحري

Quote: هل تعرفون حبيبتي هي من تكون الناس والدنيا بكل جمالها وبهاءها لاشيء عندي غيرها حتى اصون حبيبتنا الشعبية (ود حمد ) زادها جمال وهي تعلو وتسمو صفحاتها الصفحة تلو الصفحة ونترقب بها تبريكات ابومحمد فؤاد خاصة لانها اكيد بها طرفة وبها المعنى القريب والبعيد والشاطر يفهم ماذا يقصد كما نترقب مكايدات عابدون في حال فشل متعهد فتح الصفحات الجديدة شمس الدين والله بوست كله بهجة وفرحة ومبروكة الصفحة 57 ورايك شنو في الرقم ده ياسعادة المستشار. طرفة : مشيت استقبلت اولادي في المطار وكانت اول زيارة لهم في السودان وعندي (اسيل ولجين )وحيروا الناس في السودان قالوا ليهم المطره بتحبي وبتخربش طبعا ماشافوها قبل كده و هم موجودين في السودان المطره نزلت فاخرجوهم خارج الغرفة عشان يشوفوا المطره .بالله شوفوا كمية الحرمان لاطفال المغتربين وزمان نخوض في موية المطره وحرب بالطين ووسخ شديد وممتع.فقلت ليهم بعد دا ارجعوا يابناتي المطره بتجيب الملاريا وحبوب الراجمات دي ما بتقدروا عليها . واول ما دخلنا الشقة بعد ساعات طويلة من الجلوس في الشقة قالت (أسيل ) يابابا ناس حبوبة عندهم باب فاتح وعندهم حوش .فأنا فهمتها ماذا تقصد . والحمد الله على كل حال بس نقول ربنا يرجعنا السودان حتى ولو به الملاريا او التايفويد . ودمتم ........... وليد عبد اللطيف