الشعبية نجمة تزين سماء مدينة الخرطوم بحري

Quote: ياود حمد شنو الاحباط معقول نكون نزلنا درجة ثانية (الصفحة الثانية ) عشان ما عملت بوصيتنا ياخي طلبنا كان بسيط بس ما عارف الحاصل شنو . كده ياودحمد احكي لينا عن المناسبات والحفلات زمان في الشعبية . وهل تصدق ان الشعبية كان لها فريق كرة طائرة وكان له وضع جبار بين الفرق ومنهم من لعب للفريق القومي للكره الطائرة (ومنهم عصام مامون الطاهر وكمال كيخا وعمر الشيخ )وان شاء الله بديكم كل التفاصيل وكيف تم تكوين الفريق ومن لهم الفضل في ذلك والله يرحم عمنا (يسن ) ابو فيصل . واين هذا الفريق الان. المستشارخالد كراكة : المشكلة ياخالد مافي انسان بعرفك لو ما اضفت انك شقيق الارباب (صلاح كراكة ) ومشكور على اضافة المرحوم الشهيد الواثق صباح الخير وهل لك من مزيد عن قصة وفاة جلال اسحاق (جلّي ) لانها كانت قصة يشوبها الكثير وممكن نستعين بشقيقة الفاضل (بدرالدين اسحاق ) . يا ودحمد في يوم من الايام كان في حفلة في البيوت الفاتحة على سوق الشعبية من جهة الشمال وطبعا زمان الشباب العامل فيها حبيب كان يجلس خلف البنات ويتمنى ان ينال نظره اعجاب من حسان الحفلة واحيانا من يجلس في الخلف يكون اخواته من ضمن حسان الحفلة . يقوم محمد هارون (حلة الصديق ) واثناء ما هو واقف خلف (الجكس ) فيجيهو عمر عزالدين فيرد له ياخي مالك جاي هنا ماممكن سُكّرتين يكونو في محل واحد وباعلى صوت والجمهور هاك ياضحك . وفي نفس الحفلة يشاهد محمد هارون شعر بنت مستعار موضوع في صحن العشاء فيحملة وينادي بأعلى صوته دا شعر منو يابنات وكمان هاك ياضحك ها ها ها ها ها . وتاني يوم نحكي مع اخواتنا واخواننا ما دار في الحفلة ليلة امس وامي يديها العافية افضل مصور وملتقط ؟ بالله ياود حمد اتحفنا وارفع البوست . ياشباب نوم العافية ان شاء الله ما تحركونا شويه .ويا ود قناوي وين صاحبك عزام فرح رجع الخندق تاني ولا شنو . ودمتم ................. وليد عبد اللطيف