الشعبية نجمة تزين سماء مدينة الخرطوم بحري

Quote: لو انت الزمن نساك انا ما بنسى دا جرحك مهما طول وغار مطبوع فيني بالذكرى انا ما بنسى ..... انا ما بنسى دا جرحك ياغرام الروح لاطاب لابدور يبرى صلاح عباس : كده خلني النهز رويسي دا ونتذكرك ونذّكرك وامكن نكون نسينا او سهينا . عايز اقول (صلاح عباس) امكن لايذكرني ولكن اذكر ورعه وادبه وسلوكه الديني منذ القدم فقال لي صلاح باوراث ياخي زمان صلاح عباس لما نلعب كرة القدم اذا اذن الاذان تجده ترك المرمى خالى وركض لتلبية فروض الطاعة والمحبة لمن احبه وحباه بالادب الجميل والورع . واذكر له حادثة في رابطة الشعبية عندما كنا نجلس خلف العارضة وفي مباراة حامية الوطيس بين فريق الهدف وفريق الجهاد (فريق الالمان ) ونذكر حارسها صلاح عباس ومرتديا قميص (فنيله ) مخطط بالطول فينفرد به المهاجم (عامر شيخ طويل ) فيطير له جوز اخونا (صلاح )لتخليص الكره بين رجولة فتصادف الضربة ركب (عامر ) فتتعوج ركبة بطريقة غريبه اصبحت رجوله زي ابواللول بس اخطر شوية .فالملعب يكتظ بالمشجعين لمشاهدة الحادثة الغريبة فواحد يمسك رجل وواحد يمسك الاخرى الى ان رجع الى وضعه الطبيعي ومن ديك للان عامر اذا جابو سيرة الكورة يقول الله ينعلها قربت تلحقني ابو اللول . ياود عباس يظهر تعليقي على كتاباتك لم يعجبك وهذا احساسي .وهذا هو مجرد كلام والسلام واغاني وحكايات . وانا اخشى اكون جرحت او خدشت الشاشة التي نرى فيها كلامك المنمق المنسق . ياعبدون : نشكرك على سؤالك عننا وانا بس مشغول بالسفر لاجازة قصيرة وتحياتي لخالد درق. عزام صديقي . (وجع وجع عزام رجع .) بالله ياعزام خلينا من محسن الجِن وشوف البوست بتاعنا .وكلامي معك خلف الستار بديك تفاصيل كثيره (شمار حار) زي ما بقول عابدون اخونا وما تشيل هم . ودقناوي : شكرا ياراقي قلنا امكن تكون ختيتنا في (الهولد )ورخيتنا والشكراجزله على ردك وانا امكن يكون لي جلسه مع اخوك عصام قناوي في الاجازة القصيرة . بدرالدين اسحاق: لي معك جلسات طويلة وخليك جاهز وانا متابعك هناك وعجبتني مداخلت شكوكو ليك (شغل جميل وواصل ) دكتورة ستنا +دكتورة رحاب (مالكم مجافننا ) ود حمد : ظبت الكمبيوتر بتاعك عندنا شغل كبير لحبايبنا ناس الشعبية وما تنزل اخبارنا بايتة وشمس الدين يتصدر افتتاح الصفحات وعبدون يزعل ويكشر .او تزوغ مننا زي ما قال عابدون وبالله راجع كلامي كويس لاني بعجل بكتب . عمر ود الدكتور: بالتوفيييييييييييييييييييييييييييييييييييييييييييييييييييييييييييييييييييييق (وتتعلى ما تدلى ). معليش ياحبايب على الانقطاع ولنا عوده وفي رعاية الله ودمتم ........... وليد عبد اللطيف