الشعبية نجمة تزين سماء مدينة الخرطوم بحري

Quote: بسم الله الرحمن الرحيم تحية واحترام لكل الاخوة الشعباويين المتاوقة والقراية بس سمحة خلاص يا شمس الدين شايفاك مستلم البداية لسة الله يكون في عون عبدون!واذا بديت البعدها حايكون عندنا رأي ولا شنو يا عبدون يا جماعة شايفة في سيرة مسابقة ادبية انا غايتو مع ناس القراية بس، شايفة المبدعين كتروا، وليد بالله ساعدني بقصة جميلة كده ده بيني وبينك ما تكلم زول هاه هاه.....كتب الاخ مجدي نقد(لبست افضل ما عندي وتعطرت بافضل العطورالي ان قال لاقول لصاحبي بأن حياة الاغتراب مترفة وجميلة بالرغم من انها خاوية وجوفاء)صدقت فهي خاوية جوفاء !سألت نفسي لما يظن الناس بأن المغترب عائش في نعيم كأن السماء تمطر عليه ذهبا وما شايفين التعب العايشو المغترب هي الغربة دي براها ما تعب نفسي، الله يكون في عونا ويرد غربتنا،اذكر اول مرة ماشة اجازة ،النسوان فالقني ليك لازم تشتري دهب وتياب جميلة عشان الروقة وكده قلت ليهم يا جماعة واذا ما عندي امكانية ما امشي ولا شنو قالو المظاهر مهمة صحيح المظهر مهم لكن في حدود امكانياتي ولمن رجعت من الاجازة قالو لي جيتي مروقة من السودان قلت ليهم النفسيات مرتاحة اؤيد مع الاخوة طلب العضوية لاخونا وليد فهو صاحب قلم مميز و مستلم البوست علي حسابو ولا شنو يا ودحمد؟ قلت ما شاءلله عشان ما تقول سحرناك،وغنا الحقيبة غنا سمح خلاص ما عندي فيهو كلام ،بس الغنا الهسة طالعين بيهو الجو ده عليك الله ما هابط ؟كل ما افتح قناة هارموني اشوف غنا عجيب والعجب اذا طلع بغني غناء حقيبة غناه بي جهة والحقيبة بي جهة(زوجي ملم بغناء الحقيبة ذكر لي مرة عن الاستاذ بادي رحمه الله بانه كان يستمع لبرنامج في الاذاعة وكان من ضمن الضيوف واحد من الشباب الجدد فتغني بواحدة من اغاني الحقيبة وطبعا بوظ فيها اي شئ الاستاذ بادي في نفس اللحظة مشي الاذاعة وكان زعلان جدا ) اكيد سامع بالكلام ده ،شفت الغيرة دي كيف ،وكتر لينا من تحفك دي حتي ولو كنت مالك لزهرة الاغاني وكيا لعزام تحياتي للدكتور امير قناوي، عرفت نهي عوض قناوي طالعة مبدعة وكتابة لمنو،احييك لهذا الابداع ونسألك المزيد خالص الود لكل الاخوان ولك اخي الحاج سيد الحوش كما يلقبونك لانك جمعت الجميع بهذا الحوش ودائما الشعبية فووووووووووووووووووق اختكم ستنا خضر