الشعبية نجمة تزين سماء مدينة الخرطوم بحري

Quote: الكلام الموزون :- والله ياهندسة كلام موزون تب واسكيلك خطير وياربي ادواتك للوزنه دي كانت ميزان موية ولا خيط .بس نقول وانت من يوم في الملاية الناس كان تقول عليك نجيب وشاطر من نظراتك الثاقبة ولمحاتك وعندما كنا نجلس مع اخوانه الكبار مع شباب الحي في الحديقة ونسمعة يتفلسف على انداده بكلام كُبار كُبار كنا نعلم بأن له مستقبل باهر ولفت الايام ودارت وهو ينثر كلامه درر وخيال خصب في التعبير ويلوح ويلمح لقضايا معينة . وكتب المهندس مجدي نقد(قررت أن ارمي بأخر ما عندي فقلت : إنارة الطرق يا خال!! رد كبيرهم بتبرم لسذاجة الإجابة : يا ولدي حتى أعمدتكم العملتوها لما تقارنه بالأعمدة القديمة تلقاها مايعة و ما موزونة .......و انفجر ثلاثتهم في ضحك هستيري لا يليق بأعمارهم إلا انه جعلني أترنح و ينتابني دوار شديد أفاقني منه سوداني يجلس بجواري قائلاً : يا زول مالك بتكورك؟؟ قول بسم الله!!وقبل أن أرد عليه قاطعنا صوت المضيفة و هي تطلب ربط الأحزمة لأننا على مشارف مطار الخرطوم!!!) بالجد انت موزون ووريتهم ماهي مدرسة (حيدر الجقدلي )في حلة الشعلة ونحن بنعتبرها ليك من ضمن مشروع (ود قناوي ) للمنافسة الشريفة في الكتابة بس ما وريتنا في اي طائرة كنت راكب وانا بقول ياريت تكون طائرة اثيوبية عشان تشوف فرق المضيفات وما تعرف ديل بشر ولا من كوكب تاني ولا شنو يا (عابدون )( ديل حتى حيرونا في غنانا ياخي تفتح قناة زول تجدها (امهرنجه وتقراي وتقرنجه )تقول نحن في اديس ابابا . ناس .حلوين . نضاف . ويشهد لهم العالم في اشياء اخرى ولا شنو ياعبدون ولذلك قدمت كم شريط هدية الى الاستاذ (ياسر تمتام ) صديقنا عند ما كان طريح الفراش اي السرير الابيض عند اجازتي الاخيره وهو من يجيد هذا اللون من الغناء في السودان . (ياعابدون )صاحبك شمس الدين ( المريخابي الارهابي )حذرته ما يسرح قام سرح لما كرر المداخله . (ياود قناوي )هل الاديب الغريب الاريب العجيب (عزام فرح ) مشترك في المسابقة (ياخي ده يقوم يلحس الجائزة بتاعت حاج حمد من الناس لانه متمرس على النصب في الادب والرفع في البوستات والجزم في الحديث ومبتداه من الصغر وخبرهو انسان طيب )وكما قال فنانا ( الكحلاوي ) خبرو ومبتداهو ضيع عمري كله وقال تسلم يداهو ولا ايه رايك يا ود قناوي نخليهو يشارك مع ناس شكوكو والمستشار حسن طه في لعبة الشوالات والكراسي والبالونات .وشخصي الضعيف من المشجعين .