الشعبية نجمة تزين سماء مدينة الخرطوم بحري

Quote: المريخاب والارهاب كتب ود حمد بس مشكلة وليد انو هلالابي(قسمتو كده نعمل شنو؟) وانا بقول والله دي ما مشكلة دي نعمة وانت ماشايف الهلالاب ناس دكتوره رحاب خليفة كيف خشمهم بنقط عسل كيف يا يابه . وياريت تحذوا حذوها دكتورة ستنا . ياخي تشوف صفاء السماء بهم الهلالاب . كتب شمس الدين ساتي (سلام ياناس الشعبية قبل قليل كنت أتحدث مع الصديق العزيز وليد وجات سيرة الإخوة خميس وبسام وجابر .. أين هم الآن؟) وانا بقول ما أجمل طرائف المريخاب وارهابهم ولما جاء ذكر الاخوان خميس وبسام و جابر وارجعت شمس كمطاشر سنه كده وعند هزائم المريخ في تلك الوقت اذا قابلت شمس الدين إلا تعمل ساتر او تدخل في خندق او تترك له الطريق وبالذات اذا رايته حامل عكّازه (الشرير ) وفي يوم من الايام انهزم المريخ في مصر من الاهلي القاهري هزيمة نكراء وبدأ بسام بمكايدة شمس الارهاب وكانت يد شمس طويلة فحدثت حرب مداها خمسة عشر يوم بينه وبين الاشقاء بسام وخميس وجابر وكانت النتيجة كالاتي :- حضر العسكري الفراق الساعة اربعة صباحا في راس شمس الدين وهو نائم فتخيله عزرائيل ملك الموت وتارة يتخيل نفسه في حلم واصبح الحلم حقيقة وذهبوا بشمس الدين الشرطة ودخلوا اجاويد الشعبية كعادتهم وانفضت المشكلة وبعدها تغير شمس بدرجة مائة وثمانون .ومن شعاع شمسه استمدينا الاخلاق الفاضلة . وكتب حاج حمد (ياخي وليد دا بالشباك ما مريحنا عاوز تجيبوا بالباب... ) والله لو جيت بالباب الا تقوموا جارينا يا قول عزام فرح .بس الشباك ممتع وانا بحب الاعلام وكل ما اكتب يسبق كلامي اعلام ود حمد وتلوين وحركات .وعندما ذكر ابومحمد فؤاد الشبابيك فهناك موضوع جميل عن الشعبية وشبابيكها وبالذات التي تربط بين الجيران. وكتب عزالدين عثمان (الاخ وليد لك تحياتي واعجابي بسردك الجميل..والذكريات الحلوه عن الامهات وحركتهن اليوميه.. وبعض اباءنا..وياريت تدينا شويه من ناس حلوه ست ال......) عندي بس طرفة جميلة لان هذا موضوع كبير جدا جدا يمكن نتطرق اليه في يوم من الايام وكده نحكي طبعا حلوة كانت إمراة لها من شهامة الرجال ويحبوها كل الشباب في الحي ولها من يرتادها من الشباب . المهم يوم في جو جميل كده والشباب قاعدين مع العجائز وطبعا تخيلوا شكل القعدة فتمر حلوه وتسلم عليهم وبسرعة تتلفت مره اخري وتقول يا (سرف )وهي تقصد الشين وليس السين انت وين ما ظاهر فدخل شرف في اظافره وتحيروا العجائز من السؤال . ( مرفق صورة شخصي الضعيف لاعب باشبال الهلال) وهل ننسى الهلال ياودحمد . وعبد الاله عثمان (الشعبية ) هو من دفعني باشبال الهلال الجميل . شكرا الاخ صلاح شوكوعلى الاطراء كما الشكر كل الشكر للاخ عادل ود الدكتور . ودمتم ............ الوليد عبد اللطيف

وعبد الاله عثمان (الشعبية ) هو من دفعني باشبال الهلال الجميل .