الشعبية نجمة تزين سماء مدينة الخرطوم بحري

Quote: دكتوره ستنا :- نجاملك في السمح انشاء الله ومن المؤكد ان خيوط الابداع والجمال في (حلة الصديق ) يكون وراءها غازل نولها ( ستنا ) وكلماتك حقيقة هي التقاء الجمرة بالصندل ونحن في انتظار روائحها الجاذبة . والله رايكم شنو ياعابدون محمد عابدون و عزالدين محمد عثمان ومن طرائف حلتكم زمان كانكيج في المسجد الجنبكم في صلاة الجمعة في الختام دائماً يقول( اللهم نجح الطلبة والطالبات ) ومن تكرارها عبد الرحيم ( ابواللول )زهج وقال ياخي ده كمان بدعواته دي جاب لينا الفقر والحله بدل ما يبقوا دكاتره كلهم بقوا ممرضين وممرضات . وهسع بقول شنو ابو اللول دحين في شارعكم بس تلاته دكاتره انتي وشقيقة خالد المبشر ودكتور القانون خالد المبشر . ويعتبر ابو اللول فاكهة الشعبية . واظرف شي في كتابتك لما قلت ( كبينا ) الجري انا وصاحبتي لاني ضحكت على هذا الكلام وتذكرت موقف مع امي يديها العافية لانها في يوم من الايام قالت لي شيل الشاي و (فرتق ) فضحك شقيقي ( الزين ) وقال لي انت خربت لغة ناس البيت وانتم يظهر شقيقك (شرف ) من خرب اللغة في بيتكم . ها ها ها . وكما قال المستشار حسن طه كان له كداره اقدم من (الكسرة ) وتعجبني البساطة في الكتابة . ومن طرائف اولاد حلتكم في جده . طبعا ياسر سليم نسيب عزالدين محمد عثمان ماشاء الله لسع محافظ ورياضي يعني لسع شباب ولا يفرز من ابنائه وفي الاجازه بشغلهم معاه . ولما يمشوا مكان مع بعض تقولوا اصحاب . واول ما الجماعة يسألوه ديل منو المعاك وهو بخاف من العين يقوم يقول ليهم ده اخوي وده ولد صاحبي .ها ها ها . وربنا يحفظهم ويغطيهم من العين. وبالله ياعزالدين تحياتي الى اخوك الحارث ويظهر انت ما عرفتني . ياناس حلة الصديق وناس الشعبية عامة ارسل رسالة (خالد درق ) شقيق ازهر ي وصلاح وشيقيق المرحوم عثمان سالم علية الرحمه وبيشيد بالبوست ونحن نقول شكرا ونرجوه بالمشاركة ونترحم على شقيقه اخونا عثمان سالم رحمة الله عليه ودعواتكم . وبعد كده ياحاج حمد البدلات بتكتر عليك بالله شيك شبعان كده . وبقترح ياشباب لان في كثر في الخارج يحبون مراسلتكم والمشاركة بس ياريت لو واحد يتفضل ويسجل ايميله في البوست ليكون حلقة وصل ويكون مشكور في خدمة الشعبية . ودمتم .............. وليد عبد اللطيف