الشعبية نجمة تزين سماء مدينة الخرطوم بحري

Quote: بسم الله الرحمن الرحيم تحايا لكل الأخوة ،ومرحبا بك أخي عزالدين محمد عثمان تعرف منذ ان بدأت بقرآة هذا البوست وأنا بحاول معرفة الجميع وياربي بعرف أخواتهم ولا لا؟ومن وصف الشارع عرفت موقع بيتكم وانتو برضو ناس عزاز وكل سكان الشعبية عزاز والدتك الحاجة فاطمة يديها العافية ولا أنا غلطانة؟ يا ريتني موجودة بالشعبية كنا أكيد اتلاقينا لكني مقيمة بالدوحة تحياتي لأهلك الطيبين وتحياتي لاخي المستشار حسن طه، وفعلا سوق الشعبية حالته حالة( يرثي لها )ويحتاج الكثير ولكن اين المحليات من ذلك؟ واحدة ما تكعييب ات آعزام قلنا لك ابتسامة خفيفة يعني cheese بالشايفة ده ات برضو طمبجتها بعدين ده ما بعفيك من فتح الخشم! صورتك دي قطع شك ما....... الباقي ات عارفو!!! بعدين يا وليد زي ما قال عزام شكيتك علي الله ستنا ورحاب شن دراهن بالزار والويسكي والدموم؟ بتزكر مرة ايام الطفولة واللعب بالشارع في واحدة من جاراتنا كانت عاملة زار في بيتها وطبعا كبارنا منعونا من الذهاب لتلك الأماكن لكن فضول الطفولة جعلنا نجري ونشوف الحاصل اجارك الله ياوليد حاجات عجيبة رجال بدقو طارات وآخر هسترة والنسوان باالملابس الحمراء ورقيص ونطيط وفعلا لحوم ودموم منظر ما بتنسي خاصة لمن بقي ياكل اللحمة ويمسح عراقيه بالدم كبينا الجري انا وصديقاتي الخوف الدخل لليلة ما طلع ،اعتقد ان هذه الاشياء اندثرت غايتو ما سمعت قريب في واحدة عملت زار واحتمال في وانا ما مواكبة!شايفة احسن تلحقو اخونا شمس الدين وتفتوهو في امروا، الفتوي دي عليك بعبدون أو عزام! هو ما منزل الأحمر في صورة البروفايل دي ساي أحييك اخي عادل، الصورة ذكرتني الأيام العلاجية ايام الجامعة و زي ما قال صحبك يا الحاج الدكتورة شديدة الخوف من الأطباء كثير لكن زي الخوف من طبيب الأسنان ما شفتها عندنا مواقف كتيرة مع الأطفال نحكيها لاحقا، وعشان كده وزارة الصحة الولائية عملت قسم للوقاية من امراض الأسنان منذ الطفولة نمشي للاطفال في مدارسهم او نجيبهم في القسم والكراسي كلها في شكل عربات او طيارات كانك داخل منتزه ده كلو عشان نقلل الخوف القسم ده في بري ومديره الدكتور بابكر عمر الحاج موسي وعبر هذا البوست احيه فقد قدم الكثير لمركز صحي الشعبية وكان هميم بقسم الأسنان وتطويره للارقي وتعلمت منه الكثير ودمتم ستنا خضر