الشعبية نجمة تزين سماء مدينة الخرطوم بحري

Quote: دكتورة ستنا في البداية نترحم على اختنا احسان خضر رحمة الله عليها والمغفرة لها .والرحمة والمغفره لكل الاحياء ولوالدتها يديها العافية ويصبركم على فقد وفراق الاحبه . طبعا يادكتورة لقيتك خطيره جدا في الكتابة بعد كده يا عزام فرح امانه ما وقع راجل وهو وقع في مثلث برمودا( مثلث الشيطان ) وانتي احد اضلاعه مكمله لشمس الدين ساتي وعابدون محمد عبدون والغريبة كلكم دناقله يا دكتوره لا تحكمي على عزام من الصوره .شمس الدين قال كلها مدبلجة وكان راجل يفتح خشمه ويقول أع. أع. كان ما تلقوهو محتاج لطقم وانا كمان بأيد شمس الدين لان نفس الصور بتاعته دي بعملها المصورعلى كدمبس في (استديو هني مون ) بالشعبية طبعا زي ما عارفه الديكورات لما الواحده تقول عليك الله ياعلي اعمل لي شامه هندية في صورة التخريج او اعمل لي حنة تكون راقية وقصص وانت عارفاها كويس وعزام من نوع من يقول اعملوا لي شعر مستعار وخاتم يكون مطقم مع القميص وعزام قبل الطقم عشان يطب امكن يكون عندو الريح الاحمر ( الزار )عشان نجيب الجماعه ويفتحوا ليهو العلبة ونشوف نوع الخيط الذي به وهل عندو الخواجة او اللولية او العربي ونشوف طلبات الجماعة امكن يكونوا عايزين ديك رومي او خروف اسود بقرنين وضباح في فمو ودعه ويغنوا يا مرحبا دودو مايو يا مرحبا بالخواجة . او يغنوا ليهو بنت الفلاته ياحوه رقصت حلاته ياحوه .وبنت الشايقية ياحوه رقصت لولية . سؤال يادكتوره ستنا ودكتوره رحاب هل الزار حرام ام حلال لانه به شرب الويسكي وشرب الدم . وفي حادثة ونحن صغار بنتمرن كرة قدم في الحله وبيت زار كان مسخن يقوم واحد من الشباب يحبي على ركبه من الشارع في منظر مخيف ويدخل بيت الزار ويؤدي رقصات بهلوانية ويطلع خجلان من نفسة . اوصفوا لنا هذه الحاله وهل تم علاجه بالرقص . ونكون تطرقنا على موضوع هادف في الحي . ودمتم ........... وليد عبد اللطيف