الشعبية نجمة تزين سماء مدينة الخرطوم بحري

Quote: من المستشار حسن طه (الاخ وليد عبد اللطيف والجميع كثيرا ما يسالني الخليجيون : ما معني "اسكت ساكت " عند السودانيين وكيف الواحد يسكت ساكت؟ هل من شارح لهذه العبارة عشان نسكت الخليجيين ويسكتو ساكت بعد دا ؟ _______ كده قبل ما ندخل في الشرح احكي ليكم شوية بقصة الكلام والسكوت عند اهلنا الرطانة في يوم من الايام دخلت انا ووالدتي يعطيها العافية لوالدة حسن طه حاجه نفيسة والوقت داك حاجة نفيسة بتحفظ في القران الكريم بالمسجل والحاجة امي كانت قبلها في زيارة لواحده دنقلاوية ابنها رسل ليها في امريكا وقضت معة اجازة ورجعت ودار الحوار .اها ياحاجة عشه كيف اخبارها واخبار ولدها .امي قالت. والله ولدها كويس وكمان قالت ( اساقي اسكول كفي ) بالعربي يعني الان المدارس مقفوله وطبعا انا ضحكت واستغربت لذكاء امهاتنا قلت ليهم كمان بتدخلوا الانجليزي في الرطانة .ردت حاجة نفيسة والله لو ماضيعنا زمنا في التربية كنا بقينا شي تاني والله بعطيهم العافية جميع امهاتنا بالشعبية ______________ كما تعلم يا أستاذنا حسن في الفية ابن مالك لقواعد اللغه العربية في مقدمتها واول بيت عن الكلام (كلامنا لفظ مفيد كقم . واستقم ) ويمكنك ان تضيق اسكت بعد استقم .والسكوت يا سعادة المستشار يأتي بعده الكلام وهو نعمة من نعم الله على البشرية وفضله بها عن الحيوان ويجب على الانسان ان يستفيد من هذه النعمة واحيانا تكون نقمة وليست نعمه (( ان الرجل ليتكلم بالكلمة من رضوان الله ما يظن ان تبلغ ما بلغت فيكتب الله له بها رضوانه الى يوم القيامة ، وان الرجل ليتكلم بالكلمة من سخط الله ،ما يظن ان تبلغ مابلغت فيكتب الله عليه بها سخطه الى يوم القيامة )) ويفضل السكوت عن الكلام في اوقات محدده مثل الغيبة والنميمه والشتم واحيانا ناس يتكلمون ويثرثرون ويزعجون الاخرين وهؤلاء السكوت افضل لهم . وقوله تعالى (( ولما سكت عن موسى الغضب اخذ الالواح وفي نسختها هدى ورحمة للذين هم لربهم يرهبون )) ومعنى سكت عن موسى الغضب :سكن عنه ونحن في عاميتنا نتلاعب بالحديث في مثل هذه الكلمات واسكت ساكت مثلها مثل منع منعا وجميل جمال وحلو حلا وبكلام الرندوق يعني كلام الشارع لو عايز ينبهك بالسكوت يقول ليك اربط الجزمة عشان الاخرين لايفهموا المقصود واسكت ساكت تجدها ايضا في مصطلحات اليمانية والحضارمه الواحد يقول ليك (سليم كل تمر ) يعني تأخذ او كل حرف من كل كلمة (س ك ت ) وهي تعني عندهم اسكت وما قيل في السكوت :- _اذا الكلام من فضة السكوت من ذهب. _الساكت عن الحق شيطان اخرس . _ رب سكوت ابلغ من الكلام _وكما قال فنانا خضر بشير ان في الصمت كلام ونحن نكرر الكلمة لتأكيدها لكي تطفيها نوع من انواع الجمال ( اسكت ساكت ) وبعد كده بحول المايك للدكتور قناوي و لعزام للشرح وهو ضليع في ذلك بس ياريت بالتشكيل للحروف والله اعلم . ودمتم ........ الوليد عبد اللطيف