الشعبية نجمة تزين سماء مدينة الخرطوم بحري

Quote: في استقبال رحاب الخير . ما أسعدك ياليل ما أحلى ليلتنا الليلة زارنا الغيث والفرحة طلتنا والليله يوم فرحتنا ويوم سعدنا لما تزورنا رحاب الخير ورحاب النفس الجميلة ويابنت مالك عايشة براك في غربة ومجافية الناس تعرفي انا لو في محلك ولقيت ناس بحبوني زي ناس الشعبية كده كنت سكنت عندهم حتى ولو بالايجار .وبشكرك لكلامك الجميل ومدحك لنا انا واخونا حاج حمد وطبعا زي ما عارفه انا ما بحب اكون كالشمس بحب اكون كالظل والظل قالوا ما بندفن وخليني بالله اباري عزام ده محل ما يفوت من بره بس وكفاية عليه شمس الدين ساتي يكون معه جوه وكما يقول حاج حمد الواحد لو اصبح اساسي امكن يكون فيها ضرائب وكده وزي ما عارفة السودانيين من بتاع الاورنيش وست الشاي بيجمعوا منهم الضرائب بعدين قصة المناوله من الشباك دي والله جميلة لان اخونا ود حمد يراجع لينا الكتابات قبل ما ينزلها لان والله دائما بكتب وانا مزحوم وانا اقترحت عليه نعطيه بدل مراجعة وبدل ترجمة. بس في حاجة ما عايز انساها .طبعا اخونا حاج حمد ما عمل بوصيتك وفك الرقابه شوية اسكتِ ساكت بس لجنة نصوص ولجنة رقابة المطبوعات. وبالمناسبة والله انا اطلع بره الشعبية اضيع والله هنا لا عندنا سياسة ولا مشاكل ووجع راس هنا الحنية بس وكلام الشوق والذكريات الجميله والتواصل وتخيلي الوضع لما عمر عثمان يقول ولد عصام ود الدكتور نجح بقدر ما الواحد بيفرح بنجاح الابناء بيجد اسم شخص فقده قبل خمسة وعشرين عام .ولما يتصل عليك مبارك كنه من امريكا ويسمعك صوته العزب والذي فقدناه ايضا. وتخيلي بقدر كمية الالم لفقدهم تجدي كمية الفرحة عندما تسمعي اخبارهم بالله يا عمر ما تنسى ترسل تحياتنا لعصام اخوك اما انت يارحاب النفس الجميله كوني معنا والبيت بيتك واحرسينا من ناس عزام لانك انتِ اساسية. ودمتم ........ الوليد عبد اللطيف