الشعبية نجمة تزين سماء مدينة الخرطوم بحري

Quote: حتى النجمة ديك ما بتشبهك أ - انت الجمال والروعة ديك في مجلسك ل - لامه الخلوق بكل لون وهواك مســـك ش - شبابك كتب يتغزلك وعشانك شدو ليك السلك ع - عبيرك فاح وكل من دخلك بعز يتنفسك ب - بربوعك نجوب من شمال لجنوب دعوات اله تحرسك ي - يانجمة حتى النجمة ديك قالت انا مابشبهك ة - تامة بدور بحري والشباب الفيك من غرسك تعرف ياحاج بوست الشعبية لم اقراه بل ذاكرته من اول صفحه الى اخر صفحة اكثر من مره ياخي دي حكاية غريبة جدا وابدا ماكنت عايز اكتب قول لي ليه .لان الشعبية كمنطقة تحكي عن نفسها وحتى الشباب الكتبو ما قصرو هل انا ممكن اضيف شي لها وانا اصلا شخصيتي من صنع الناس الذين كتبو اخوانا الكبار لاني من مواليد الشعبية تخيل لما شكوكو يكتب تتذكر اشياء ولما شخصك يكتب يتذكر اشياء ولما كل واحد في البوست يكتب يحرك فيك اشياء غريبة ياخي حينا غريب بمعنى الكلمه (غذاء الروح ) ماعايز اطول في الكتابه ولكن اذا سمحوا لى اخوانا الكبار بالكتابة سوف اكتب وبداية باسرة شكوكو النادي الرياضي الاجتماعي الثقافي بالقلم والصورة (ودي اسرة حقيقة ماقدمته للشعبية يجب ان تكرم) تحياتي لكل الاخوان عمر عثمانعزام فرح طارق محمد سعيد اسامة سليمان محمد عبدون شمس الدين ساتي بدرالدين اسحاق حسن طه وباقي العقد الفريد اذا نسيت بعض الاسماء وكل من سطر يكتب للشعبية واذا سألوك عني قول ليهم دا وليد عبد اللطيف الملقب بوليد الشعبية المتيم بالشعبية معليش ياحاج لازم تراجع الكتابة وبعد ذلك ممكن تنزل تعرف اتصلت على راجل عسل (عزام فرح ) قال من الشعبية هو دفعتنا لكن بنتو بتدرس في الصف الثاني جامعة ونحن اولادنا لسع ما دخلو الروضه بالله اعمل تحليل للموضوع ده وسمعت طارق محمد سعيد مريض عافاه الله ويسلم