الشعبية نجمة تزين سماء مدينة الخرطوم بحري

Quote: الاخوان ابناء الشعبية البررة ا الاخ عابدون محمد عبدون الاخ / عز الدين محمد عثمان الاخ / حسن طه ( ود البوب) الاخ عبد الكريم الاخ وهبه الاخ كمال كرار الاخت ناهد ( العضوة النشطة ) تحياتى واشواقى للجميع دون فرز من ذكرتهم ولم اذكرهم ( فالمعذرة ) لهم الاخ عبدون كان بودي ان ارسل لك الصورة القديمة ايام الصبا فى الشعبية عشان ترسخ الصورة فى ذهنك تماما لكن اتضح ان المحول بتاع الاسكنر خربان وان شاء الله عن قريب سوف ارسلها لك طبعا من زمن الشارلستون والخنفسة ياحليل ايام زمان ليتها تعود ايام الصديق والصداقة مع ناس يوسف المفك والتنافس الحميم يمكن الاخ عز الدين يذكر تلك الايام ياخي مسئول من الخير وين ناس صلاح عمر وهل يذكرني ولا برضه نسى واولاد نجم الدين اظنه جيران ناس نادر في صف ناس ذكريا وكذلك الاخ ريري اب سفه سمعت انه فى جيزان هل هذا صحيح . الاخ عز الدين عارفك من الاعضاء النشطين ووعدت ان تدخل الماسنجر وانتظرت ولم تظهر لعل المانع خير اولا ارجو أن تكتب لي ايميل احسن حتى اتمكن من اخذ اخبارك ومسئول من الخير كيف بالله عمنا خليفه وعمنا سواق الخوطوط الجوية السودانية مقابل ناس جعفر دلال بتذكر ديل يا عبدون انا نسيت اسمه وفى زول مهم ما ذكرتوه ابدا كان بسكن في الشعبية وهو من قامات الشعبية وهو الاستاذ بالأميرية(2) عبد الله اسحاق وهو الان براس تنورة بشركة ارامكو الاخ حسن طه طولت بقطر انا سمعت من عماد انه انت مقيم بالجبيل وطبعا كان عماد والاخ طارق برسى والاخ نادر بقابلهم باستمرار وكذلك الاخ حسن نورى والاخ حسن نورى حج معاي قبل سنتين يمكن كان احلى حجة وارجو ان ابلغ تحياتى وشكري العميق للاخ عبد الكريم الذى لو لا هو لما عرفت كل هذه المجموعة بالبوست الاخ وهبة لااذكرة ابدا وهل هو بالشعبية ام ماذا لكن الشكل ما غريب على يمكن نكون اتقابلنا والاخ حاج حمد ايضا لم اتذكرة له تحياتة وانه لفتى نشط بالفعل ومداوم على هذا البوست ربنا يديم الود والمحبة بين الجميع ولكم جميعا تحياتى اما الاخ كمال كرار فقد قابلته عشان اوريك انه انا بالرغم من طول المدة اذكر بعض الاشياء فالاخ كمال كرار انا قابلته مع نسيبى بالدمام وهو يعمل بشركة قلوب مارين مع عمر عثمان عبد الوهاب وكنا معزومين عرس ولو يذكر كنا قاعدين جمب بعض ارجو ان تذكره اما الاخت ناهد ما عرفته هل هي ايضا من الشعبية ولها تحياتى وهي بالفعل عضوة نشطة جدا وتنفع صحفية والظاهر قبل كده اشتغلت بالصحافة وبتذكرنى بناهد بتاعة الاكروبات وكذلك بالحلفاويات الكانوا معانا بالنادي المجاور للمصحة زمن ناس الاستاذ الحبيب والمرحوم بدر الدين ديكة ومحمد محمود الله يرحمه وعطا باقرين الاستاذ وناس كمال حبيب والشله بدون فرز ما اطيل عليك ولنا لقاء اخر وكتر خيرك كتير يا عابدون وربنا يجمعنا فى ساعة خير والله متابع بوست الشعبية وكذلك بحري طراوة وبوست الخرطوم القديمة لانه انا من خريجى القديمة دفعة (71) ديناصور قديم كما يحلو لك ان تسمينا وتسمي نفسك وطبعا فتناك يا عبدون والله غالب تحياتى للجميع ودمتم جميعا . اخوكم / فيصل عبد الله محمود / من ابناء المزاد المقابل الشعبية. ( دكان فضل المولى ) جار الدكتور ياسر حنفى &n bsp; -------------------------------------------------------------------------------- الاخ فيصل يبلغ الجميع التحاياومعليش يافيصل على التأخير اخوك اليومين ديل شغال انسايد والمدافع بتاعه ابو اللول يعنى امكانية الزوغة موجودة ...