الشعبية نجمة تزين سماء مدينة الخرطوم بحري

Quote: الاخ الكريم جدا الحاج حمد السلام للجميع ....والله من اللحظات الجميلة التى يستمتع بها الواحد هى الاطلاع على البوست ومعرفة اخبار الناس البره والجوه ..ودايما مشكرين على التواصل والمشاركين الدائمين والمنورين والداعمين للبوست.الحقيقة الواحد بلقى معلومات مفيدة وجديدة برضو زى تاسيس الربطة بالشعبية وطبعا لا ننسى رجال عظماء وافذاذ (الاعمام عبدالمنعم قسم الله ورمضان ووداعة الشايقى ومحمد عثمان ابو العائلة ...وهو فى السلطنة لزمن طويل واخبارو مقطوعة )والاخوان عز الدين واحد المراحيم من الشعبية جنوب نسيت اسمو ( جيران ناس السر عباس ابوشام والهادى وغيرهم من الذين فاتنا زكرهم...الصداقة هى فريقى وهى الحلة وهى العشق لنا ايام كنا نلعب الكورة واتزكر انو الشاعر الرائع المرحوم ابو امنة حامد اخدنا انا والاخ منتصر خريستو لاعب الشعلة والاخ العزيز جدا وسجلنا فى اشبال الهلال وطبعا منتصر راجل عجوز وقدر يحل مشكلة الشهادة ويلعب والهلال كان متروس لاعبين من بحرى ايام كانو 9 من 11 اساسين ومنهم المرحوم شيخ ادريس وابراهومة ومتوكل وحافظ عبيد وجعفر عبد الرازق واتزكر انو المرحوم شيخ ادريس عامل لينا خط دفاع بحراوى شرس الله يرحمه .واراد الله انو التمارين اليومية مع الدراسة وبحرى الحكومية والوكيل عبدالله حامد ما نفعت وخلينا الاشبال ورجعنا الرابطة والحمدلله اننا رجعنا لانو الرابطة كانت مسخنة شديد ونجوم الشعبية كانو طوالى لاعبين نهائى معانا والكاس مرة ليهم ومرة لينا لكن وللحقيقة والامانة طيلة فترة الصداقة التى لعبت فيها ...هنالك فرق لم تهزمنا بتاتا وانا متاكد من ذلك وهى الصديق والفلاح والنسر والسلام والزهرة والجهاد الذين كانو يمتعون ويستمتعون بالكورة ولكن لم يحدث وانا لاعب بالصداقة ان انهزمنا منهم وكانت حقيقة فترة ثرة وغنية من اللاعبين (ابواللول -التاج وكيسو معمر عزالدين ..عادل على صالح وعابدين والحارث وعماد طه وصلاح على الله وهانى من الشعلة بسام واولاد موسى عاطف والفنان فتحى ومحمد البلة والمرحوم الضقل وكان الصيدا حقتو كضلو طبعا من الهدف وشوقى وتيتو وكديس وجورج والاستاذ حسن المدير وقرميدا والاخ الفاضل الحاج حمد والكرابيج عادل وعصمت واللتش وصبرى وعزالدين كمونيةوعماد شكوكو واين هو بالمناسبة دى ياصلاح فهو زميل دراسة واخ عزيز ايضا وصلاح كراكة من النسر وغيرهم اللاعبين والاخوان الذين فاتنى زكر اسمائهم ولكن للحقيقة اعتقد ان المدارس والرابطة هى التى جعلتنا نلتقى ونتعارف ونكون اليوم فى البوست التحايا .التهنئة للاخ الفاضل يسن والاعتزار له لتقصيرنا معه خلال زيارته للسودان والتهنئة له بالمناسبات الجميلة التى مرت بالاسرة زواج وعقد الاخ سامى وشنو اخبارك انت يالفاضل والتحية للجميع الذين نقرا ونسعد بلقياهم بالبوست ..الاستاذ حسن طه وبيننا تلفون قريب انشاء الله الاخوان عادل محمد عثمان اسامة سعد -منير عبدالرحيم واين احمد يامنير -صلاح شكوكو وعزام-الحاج حمد وقريبى الشيخ سيداحمد - ابودية وبدرالدين اسحاق ليكم كلكم التحايا والشكر. الاخ الحاج اود افادتك باننى استلمت مساهمات الاخوان منير عبدالرحيم ما يعادل 1170 ريال زايد مساهمة الاخ مجتبى ليصل المبلغ الاجمالى 700 جنيه واستلمت ايضا مبلغ 1000 جنيه من الاخ طارق محمد سعيد واتصل بى الاخ استاذ امين محمد عثمان بخصوص مساهمة الاخ عادل وبدانا العمل بمساعدة الاخ سمير جورج فى الباب ومدرسة البنات بدانا التقديرات وانشاء الله نهاية الاسبوع القادم سوف افيدكم بانتهاء جميع الاعمال.لك التحايا والسلام