الشعبية نجمة تزين سماء مدينة الخرطوم بحري

Quote: وادفر دى لى قدام برضو ياحاج وبرضو ياحسن فى فريق الشعبية كان المرحوم حسن السنجك ودى فرصة فى انو نطلب الرحمة والمغفرة من الله لأخونا الاستاذ حسن السنجك وحسن السنجك دا ياجماعة كان من الناس اللى مابيرضوا غبن لفريقه وكان اذا اتغلبوا ولا الحكم عكس حالة كان بيبكى بحرقة ويخرج عن طوره واذا الناس ماخلو بالهم منه ممكن وبدون ان يشعر يضرب الحكم او يرتكب اى شىء وهو بيكو تقريبا خارج عن وعيه الا رحمه الله رحمة واسعة وبرضو كان يا استاذ حسن المرحوم حسن صالح على ما اعتقد ... اما بخصوص اقتراحك ياحسن بعمل شىء لفريق الشعبية فأجده اقتراح معقول وأود أن يشاركنا اخوتنا فى الشعبية فى الرأى عما يرونه معقولا لمساعدة الفريق واذا سمحتو لى ان اقترح انو يتم عمل تحديد لمشكلة الفريق هل هى مشكلة فنية ام مشاكل ادارية ام مشاكل مادية عزيزى صلاح شكوكو طبعا المرحوم ابو آمنة حامد اخذ بيد مجموعة من اولاد الشعبية وسجلهم فى الهلال وعلى ما اذكر بالاضافة لعوض قربو كان هناك اسامة بيكوس بينما اتسجل الاخوان منقستو والتاج آدم وجحر فى الموردة والكلام دا على ما اعتقد كان فى منتصف السبعينات ولكن معظمهم لم يحقق نجاحا ولا ادرى السبب وبعد دا كلو ياصلاح أهو وحسب سرد أخونا حسن طه طلع اسم فريقكم نجوم الشعبية دا من "أندنا بى جاى " ولا شنو؟