الشعبية نجمة تزين سماء مدينة الخرطوم بحري

Quote: بما انولغاية الآن( يظهر )[انو الاخ حسن طه والاخ عز الدين محمد عثمان و( أنا ) من اكبر المعمرين فى هذا البوست ( معليش ياحسن وعز الدين والله ماقاصد حاجة ) ادعوهم لأن نتبادل بعض الذكريات القديمة الجميلة ومن خلالها يبادلنا الاخوان برضو ذكرياتهم فمثلا ياجماعة انا اذكر انو زمان الشعبية ماكان فيها رابطة وكان هناك فريق واحد بإسم الصداقة بيلعب فى رابطة المزاد واذكر انه كان يضم الاخ قرشى محمد تميم - من حلة الصديق- فى حراسة المرمى وكان الاخ محمد حقار ( جحر) علم على رأسه نار فى ذلك الوقت فى رابطة المزاد وكان عنده معجبين من كل انحاء بحرى وينتظروا مباراة الصديق مخصوص عشان يجوا يتفرجوا عليهو وكان ناس عبد الرحمن سيودة والاخ صبرى الحلبى وحيدر الجقدلى وعطا الله باقرين وبابكر باقرين وبعدها عندما تكونت رابطة الشعبية انقسم الناس وفريق الصداقة قسمنا الاسم لى اتنين وسمينا فريقنا الصديق ولانو كان فريق واحد ممكن تلقى اتنين اخوان فى بيت واحد بيلعب للصديق وواحد للصداقة لأنو فى الاول كانو بيلعبوا لفريق واحد قبل التقسيم مثلما هو الحال عند على سيودة واخوهوعبدالرحمن مثلا واخونا جحر رغم انو ساكن حلة الصديق الا انو كان بيلعب فى الصداقة واخونا مكى حمد رغم انو جار المفك الا انو كان بيلعب فى الشعلة والمفك فى الصداقة ... اها ياحسن وعز الدين انا بقيف هنا واترك ليكم المجال للزيادة عابدون