الشعبية نجمة تزين سماء مدينة الخرطوم بحري

Quote: معليش ياحاج ولايهمك اخوك متفهم .. اها ونزولا عند رغبة الاخ صلاح شكوكو أحاول وايديكم معانا فى ان نحاول جمع اكبر عدد من العناوين عل وعسى انو هناك من يستفيد منها وتكون مرجع لمن يرغب واظن دا عمل كبير ونرجو ان نشارك فيهو كلنا واشكر الاخ صلاح ما ابداه من ملاحظات راقية نحو الشعبية واهلها وليس غريبا عليه فهو من كرام اهلها ولا استطيع ان آتى بأكثر من ذلك أو ان اجارى الاخ صلاح فى روعة مايخطه وليس بغريب فأخونا صلاح قانونى حصيف زيادة على انه منارة اعلامية تبعث النور اينما حلت ومن منا لم يقرأ للاخ صلاح ومساهماته فى مختلف المنابر الاعلامية والثقافية زيادة على تاريخ مجيد فى عالم المجنونة وما يلازمها من كم المعارف واعتقد ياحاج انو نحن محظوظين انو يكون بيننا الاخ صلاح مع كل مايحمله من جميل الصفات كذلك هذا الحفل مازال متألقا بوجود اخوة نفتخر بهم واحب ان اذكر الاخ حسن طه فى هذا المقام فمثلكم نفتخر بهم ونقول ان هؤلاء ابناء الشعبية - طيب وين بنات الشعبية ...ياجماعة دا نادى بتاع عزابة ولا شنو - وكذلك كل هذا العقد الجميل الموجود هنا والمكون(مابعرف اعمل الكسرة تحت الواو ياجماعة ) لانسان الشعبية وقد جئت بهذا الكلام بداية لاعبر عن سعادتى لتجاوز اخوتنا صلاح وحسن لمباراتهما الفاتت والتى انتهت بالتعادل دون اصابات كعادة المباريات بين الشعبية شمال وجنوب ... يا أخى نحن فى فريق الصديق وكما ذكر صلاح شكوكو لعبنا ضد نجوم الشعبية وغلبناها اربعة صفر فى الشوط الاول وبين الشوطين قلنا ياجماعة الناس ديل خلاص فرشو التبش وفى الشوط التانى فاجأونا بأربعة اقوان وانتهت الكورة بالتعادل . طيب نرجع للموضوع واقول انو انا ياحاج وصلاح حأحاول اجمع ما استطع من العناوين وبرضو الاخوان معانا وماننسى عناوين ناس السودان ياناس جوة سلام عابدون