الشعبية نجمة تزين سماء مدينة الخرطوم بحري

Quote: حاج حمد: دا تحقيق في صحيفه السوداني عدد اليوم الاربعاء. فيه اشارة لما ذكرت حول الموتور بتاعكم لدي احساس بان كاتب التحقيق متابع للبوست، ملكيه فكريه مافي، ماعندك مشكله، زملائي محامين صعاليك في الحته دي لو محتاج متابعه مودتي.

أتذكر قبل سنوات طويلة كان في مشكلة في الموية و كان عبد المنعم بين (جيمس) في اجازة و لاحظ في بعض البيوت فيها موتورات بتسحب قال لي (الكلام كلام مغتربين و في شركات بترول) : تعرف من الصباح ح أمشي السوق اشتري أكبر موتور أجر ليك موية الشعبية دي كلها

على ذكر عبد المنعم جيمس لهو بعض الطرائف ، مرة مشى سوق السمك في الموردة و وقف العربية بعيد لانو أحمد أبو سعد نصحو قال ليهو لو شافوالعربية السمحة دي برفعوا ليك السعر) المهم واحد فارش سمك جنب البحر و عامل تلاتة اكوام صغير و متوسط و كبير و جيمس جاي من أبوظبي و مريش لازم يشتري أحسن حاجة و هو معروف بحب الآكل السمح و بيطلق عليهو (السي سي) قام جيمس أشر على السمك الحجمو كبير،هنا صاحب السمك بسرعة قال ليهو : لا لا دا غالي جيمس زعل و بحماقة قال ليهو يعني غالي علينا؟ الواحدة بي كم؟ قال ليهو ب 15 الف قال ليهو طيب عد و مسك السمكة و رماها بعييد قال ليهو قول واحد و مسك التانية رماها بعيد قال ليهو قول اتنين (صاحب السمك فاتح خشمو و يعاين لي سمكو الجدعوهو) مسك التالتة رماها بعيد كل سمكة وقعت في اتجاه و ناس السوق مستغربين للزول الطويل البمسك السمك و يجدع قال لبتاع السمك : كده حسابك 45 الف صاح؟ طلع 45 الف من جيبو وسلمها بتاع السمك الذي ما زال خشمو فاتح و ملح ملح..و أحمد أبو سعد يضحك و يكورك بالغت يا جيمس هسع السمك دا ما كان نفعنا رد عليهو: موش انت عاوز تاكل سمك يلا معاي و بس... أيام لها ايقاع