الشعبية نجمة تزين سماء مدينة الخرطوم بحري

Quote: أحبتي وأخوتي وأخواني بالنجمه اسعد الله اوقاتكم بكل خير اخي عابدون (ابدون ) كيف حالك واحوالك يادوب صحيت لما لكزك الاخ وليد ولا شنو الحكاية وانا مستغرب اول حاجة نزلت الصورة قبل رسالتي وبعد الصورة كلام الاخ وليد انتو متفقين ولا شنو مرة حاولت اتصل عليك جاتني سكرتيرة وقالت ما موجود بعده اختفيت حتى من البوست والناس تسأل عنك كنت ضهبان ولا عشان صحبك شمس الشموس المحسي الاصيل فى السودان تحياتي واشواقي له ومشتاقين للمناكفه الاخت الدكتورة ستنا ولله ضحكت فى قصة اعادة شهر العسل والعريس المنتظر زوجته وذي ما قال الاخ عابدون كتري من دا وما تنسي نحنا فى الغربه محتاجين خالص لمن ينسينا همومها وطبعا ذي ما قالوا الاخوان الديانصورات محتاجين كتير من العينه دي وشكرا كتير على السؤال عن بنتي سماهر وهي تغريك السلام وهي الايام دي معنا بالرياض الاخ الدكتور عماد الدين عبدالله لك الشكر والتقدير وطبعا اخوك زي ما قالوا من الديناصورات القدام بالشعبية ولكني اتوق لمعرفة كل الاهل بالشعبية وبالاخص الجيل الصاعد وطبعا نحنا من زمن ناس جحر والجقدلي والمفك وعبد المنعم بين وعطا باقرين وبابكر باقرين والله يرحمهم الاخ بدرالدين ديكا والاخ مربي الاجيال عيسى الحبيب يعني الناس ديل معاهم حق يلقبونا بالديناصورات ولا مش كدا يادكتور ؟ الاخ الدكتور امير قناوي مشتاقين والله متابع ولكن لم تتحفنا بالسرد الجميل وشايف الناس ديل كلفوك بالمهمة التي حكي عنها الاخ الباشمهندس بكري متعه الله بالصحة والعافية وله مني الشكر الجزيل حيث جمع هذا الكم وسيد الحوش الاستاذ / الحاج حمد الاخ عابدون وين اخونا الاستاذ / عز الدين محمد عثمان علمت من الخال بانه مستقر بالسودان ورجع العمل وما شايف ليه اي مداخله هنا لعل المانع خير الاخ وليد عبد اللطيف لقد قمت بزيارة السودان عن قريب بالله كيف اهلنا بالشعبيه وبالاخص ناس بله حسونه وحيدر الجقدلى والأخوان ناس بين وفى شارعنا ناس سلامه الصادق وناس كرتكيلا واولاد حسن عبد المجيد كما لا يفوتني أن اهنىء الاخ الفاضل ياسين بالمولوده الجديده اللهم اجعلها من بنات الجيل الصالح واقر بها اعين والديها انشاء الله اما الاخوان الذين لم اتعرف عليهم ومن ابناء الجيل الحاضر والشباب المثقف فلهم الشكر والتقدير بما يقومون به فى هذ البوست متمنياً لهم التوفيق والسداد وربنا يجمعنا فى ساعة خير انشاء الله اكتفى بهذا القدر وفى النهاية لابد ان اقدم لكم اقتراح بان يضاف الاخ عماد عثمان والاخ الدكتور عماد الدين عبدالله لمجموعة الاخ الدكتور امير قناوي للتفاكر في كيفية اصدار كتاب الشعبية وشعبيتنا فوق باذن الله واالسلام ختام اخوكم /فيصل عبد الله محمود