عبدون ياخ مالك دايرنا هسه نقعد نساهر الليل ده مع البحث في النت عن تلك المغامرات المصورة .. ياخي والله انا معجب اعجاب مبالغ فيهو بقصص سوبرمان وخاصة الاعداد القديمة ذات الألوان المكتملة ولشد ما كان يعجبوني فرقة الابطال الجبابرة عندما كان الفتي الجبار يسافر لهم في القرن الثلاثين قاطعآ حاجز الزمن ـ وخاصة البطل قمور الذي كانت قدراته مثل الفتي الجبار ولكنه لا يتأثر بالكريبتونيت الأخضر .. أما ارسين لوبين لموريس لبلان ده كانت عندي ليهو مجلدات عديل .وكتب القديس كمان كانت تلقاها تحت أي مخدة أو مرتبة في البيت .. لدرجة إنو لمن كنا بنحضر مسلسلات القديس في التلفزيون بطولة روجر مور كان تقريبآ من أول المسلسل بكون عرفت الحلقة دي بتحكي عن ياتو قصة من الكتب العندي ..
ياخي مالك علي داير تكتلني بالشجون .. مالك علي..
11-22-2009, 03:59 PM
Munir
Munir
تاريخ التسجيل: 02-11-2002
مجموع المشاركات: 10496
ألحق يا عماد .. الصفحة قلبت .. والله ما قاصد .. ههه .. عبدون أوعو من الخيانات .. أنا عارف حركات الغتاتة بتاعتكم .. الواحد يمشي يعمل up في الصفحة العاشرة ويزق البوست وينزق في أول الصفحة ..
أي مداخلة تاني تكون بعد دي وبس ..
11-22-2009, 05:14 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
روما اللذيذة حكايتك عن سرقة الحمام من امام البرلمان فى اثينا وقدام الحرس الوطنى ضحكتنى. مشيت فتشت فيديو لقيت ليك داك يا الحمام الجميل الاليف وداك يا الحرس الوطنى زمان قدام القصر الجمهورى فى الخرطوم كان تغيير الحرس عملية مسلية شوفوا حمام اليونان وحرس اليونان
11-22-2009, 08:43 PM
Adil Osman
Adil Osman
تاريخ التسجيل: 07-27-2002
مجموع المشاركات: 10208
يامنير انا نفس الشىء كنت بحب شديد فرقة الابطال الجبابرة وطبعا قمور والفتى الشمسى ديل خطرين وطبعا بعدين انضمت ليهم الفتاة الجبارة وفى مرحلة كدة كان انضم ليهم الوطواط ولو متذكر الفتى الحرباء لكن نسيت واحد كان عنده قوة زى مغناطيس كدة بيجذب الحاجات يمكن الفتى الكونى مامتذكره كويس لكن يامنير الجماعة ديل انا كنت بنسى الدروس بتاعة المدرسة وما بنساهم يعنى لو كان امتحنت فيهم كان بجى الاول بدون اى منازع ..
وروجر مور تابعت كل افلامه عن جيمس بوند وقاعد استمتع بيها شديد ..
11-22-2009, 08:50 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: ألحق يا عماد .. الصفحة قلبت .. والله ما قاصد .. ههه .. عبدون أوعو من الخيانات .. أنا عارف حركات الغتاتة بتاعتكم .. الواحد يمشي يعمل up في الصفحة العاشرة ويزق البوست وينزق في أول الصفحة ..
تحياتي يا منير انت بس خليك معانا وكل يوم
نخليك تقلب الصفحة عبدون الخيانات بيعملها
مع شمسي بس يعنى انت نوم قفا العوجة ما بتجيك
ذكرياتكم رجعتنا لايامنا الخوالي وتبادل المجلات
والقصص والروايات وكيف الواحد كان بيوفر من حق الفطور
عشان يشتري مجلة او لغز او قصة او رواية هسع الاولاد يلقوها
جاهزة ومايقرأوهازمن فيهو كل شئ غير ولا نحنا البقينا دقة قديمة
تحياتي واحترامي
11-22-2009, 09:37 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: يا منير بالله انت لسع مثذكر العجلة الرالي ما شاء الله عليك
يا عماد ياخ ننساك؟ إنت إنت بتتنسي؟..
كيف الزول ينسي انضر ايامه . . أيام البراءة والصبا والصداقة والأخوة النقية ..
يا عماد تتذكر دكان اليماني الفي الناصية بتاعتكم؟؟ .. ياسلام علي أمسياته وعمود النور الجنبه ذو اللمبة ذات الغطاء الهرمي وهو يشع ضوءه الأخضراني في الامسيات الهادئة .. كنا بنجي نشتري منه الفول ونملأ البستلة بقرشين ونمشي نتعشي ونتخمد ننوم والصباح نقوم علي مشوار شارع المدارس ..
11-22-2009, 09:25 PM
Munir
Munir
تاريخ التسجيل: 02-11-2002
مجموع المشاركات: 10496
بالله يا عبدون رفرش ذاكرتك وارجع لزمن الخيال الغير محدود مع شخصيات سوبرمان منذ عهود سوبرمان البرونزية والذهبية في الاربعينات والخمسينات والستينيات من القرن العشرين .. تجد قصة كل شخصية من الشخصيات الخيالية ـ ناس فخري الشرير ، ومدينة كندور ، ووالدي سوبرمان نجيب ولارا ، ووالداه في الارض و..و.. والغريب قصة لوثر الشرير الذي يترجم اسمه الصليبيون لصلاح الشرير ابوصلعة الذي كان صديق سوبرمان وكان يسعي لإختراع محلول لوقايته من اشعاع الكريبتون فحدث له حادث ادي لسقوط شعره فحقد علي سوبرمان .. أطلقوا عليه إسم صلاح ـ وكلنا نعرف حساسية اسم صلاح الدين عند الصليبيين ـ ولذلك تلاحظ أن اسم صلاح منتشر عند الفلسطينيين .. ودي حاجة الواحد ماكان ملاحظ ليها زمان .. كنا بس نقرأ صلاح الشرير صلاح الشرير ـ زي حكاية محمود الكذاب واندرو والاسد .. http://theages.superman.nu/comics.php
11-22-2009, 09:52 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: يا عماد تتذكر دكان اليماني الفي الناصية بتاعتكم؟؟ .. ياسلام علي أمسياته وعمود النور الجنبه ذو اللمبة ذات الغطاء الهرمي وهو يشع ضوءه الأخضراني في الامسيات الهادئة .. كنا بنجي نشتري منه الفول ونملأ البستلة بقرشين ونمشي نتعشي ونتخمد ننوم والصباح نقوم علي مشوار شارع المدارس
.. يا منير كيف ما بتذكر دكان حسين اليماني
وولدهم محمد كان بيلعب معانا طبعا البيت حتي الآن بتاعهم
وقبل فترة عرضوهو للبيع وتاني غيروا رايهم والآن مؤجر
والدكان شغال كويس مع شارع المدارس وبرضو الفول وموية
الفول لكن القرشين زمانها ولى تقول اديني فول بالفين شفت
الزمن كيف لكل اول آخر لكن والله كانت ذكريات جميلة بحق
وحقيقة والله اولادنا ديل ما عندهم اي ذكريات لا فنوس لا كداريك
ولا حتى تبادل مجلات وثقافة
تحياتي واحترامي
11-22-2009, 10:17 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
الأخ منير ما شاء الله ذكريات جميلة و ذاكرة قوية و الليلة أديتنا حقنا في الويك يند..
الأخ عماد سأل من حسكنيت و هو حاليا ضابط بالجمارك و يكون مقدم او عقيد و ما زال رياضي من الطراز الأول و يتمرن بشهية لا ينافسه في ذلك من الدفعة الا عمر عثمان عبد الرحيم
روما بس نقول ما شاء الله أصلو أنا رباطابي و بيقولوا عيننا حارة..ذكريات جميلة و ممتعة عادل عثمان ملك الصور و الفيديو و هي تعطي للبوست نكهة خاصة..شكرا للمجهود
11-22-2009, 10:47 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: الأخ عماد سأل من حسكنيت و هو حاليا ضابط بالجمارك و يكون مقدم او عقيد و ما زال رياضي من الطراز الأول و يتمرن بشهية لا ينافسه في ذلك من الدفعة الا عمر عثمان عبد الرحيم
تحياتي اخي الحاج
انا مرة في احدى الاجازات قابلتو وكان مسافر على جهة الدمازين
هل الآن متواجد في الخرطوم ولا خارجها ولو عندك تلفونه يا ود حمد
اسعفنا بيهو ودي فرصة للتواصل وايضا تلفون الاخوان عمر عثمان ومجدي سعد
تحياتي واحترامي
11-22-2009, 11:14 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: QUOTE] تجد قصة كل شخصية من الشخصيات الخيالية ـ ناس فخري الشرير ، ومدينة كندور ، ووالدي سوبرمان نجيب ولارا ، ووالداه في الارض و..و.. والغريب قصة لوثر الشرير الذي يترجم اسمه الصليبيون لصلاح الشرير ابوصلعة الذي كان صديق سوبرمان
وبرضو لازم نتذكر رندا وسامية ولازم نتذكر كريبتو صاحب الفتى الجبار لكن والله يامنير مدينة كندور دى بالغت فيها عديل.. اها انا كمان اضيف ليك مدينة زوس والفتاة الجبارة .. ياسلام والله رجعتنا لأيام جميلة خاصة بى صورة سوبرمان دى .
وبرضو يامنير فى روايات عالمية انا لغاية الليلة بتذكر قصة احدب نوتردام وكيف الواحد لما يقراها يلقى نفسه دموعه جارية وقصة انا كارنينا او الفرسان الأربعة دارتانيان واصدقائه ..
11-23-2009, 05:54 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
الأخ العزيز منير السلام عليكم والله مشتاقين! لكن باين عليك في غاية الانشغال! لدرجة إنك ما قادر تدخل على البروفايل، وتستعدل صورتك دي! المهم: في هذه الأيام المباركة، تقبّل تهنئتي وتحياتي لك ولأفراد أسرتك الكريمة!
11-23-2009, 06:24 AM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
عيد الأضحى أحد أهم مناسبتين عند المسلمين ، يوافق هذا اليوم العاشر من ذي الحجة بعد انتهاء وقفة عرفة ، الموقف الذي يقف فيه حجاج بيت الله الحرام لتأدية أهم مناسك حج البيت ، يعتبر هذا العيد أيضا ذكرى لقصة سيدنا إبراهيم عندما أراد التضحية بابنه سيدنا إسماعيل تلبية لأمر ربه لذلك يقوم العديد من المسلمين بالتقرب إلى الله في هذا اليوم بالتضحية بأحد الأنعام (خروف ، أو بقرة ، أو ناقة ) و توزيع لحم الأضحية على الأقارب و الفقراء و أهل بيته ، ومن هنا جاء اسمه عيد الأضحى
يصادف عيد الأضحى في العاشر من ذي الحجة، حيث يحتفل العالم الأسلامي بهذه المناسبة في كل أنحاء الأرض
الثاني عشر من ذي الحجة هو آخر الأيام التي يتم بها الحجيج مناسكهم، حيث تكون ذروة هذه المناسك يومي التاسع من ذي الحجة الذي يصعد به الحجاج إلى جبل عرفات تمشيا مع الحديث: النبوي "الحج عرفة"
اما العالم الإسلامي فيحتفل تضامنا مع هذه الوقفة في ذلك الموقف اما أول ايام العيد فيقوم الحجاج هناك في "منى" بتقديم الاضحيات لوجه الله. ومعهم كل قادر من المسلمين في كافة بقاع الأرض. من هنا كانت تسمية هذا العيد بعيد الاضحى، واما ذلك العدد الضخم من الاضحيات التي تذبح وتقدم اضحية فهي تيمنا بسيدنا إبراهيم الذي اوشك ان يذبح ابنه سيدنا إسماعيل تلبية لطلب الله والذي افتدى سيدنا إسماعيل بكبش ذبح لوجه الله
تبدأ احتفالات عيد الاضحى باداء صلاة العيد فجر اليوم الأول من العيد الذي يستمر اربعة ايام. وتصلى هذه الصلاة في مصلى خارج "المساجد" كما انها تجوز داخل المساجد. أيضا وبعد اداء الصلاة ينتشر المسلمون ليقوموا بذبح اضحياتهم تطبيقا للآية الكريمة من قول الله تعالى : ( انا اعطيناك الكوثر ،فصلّ لربك وانحر
لايام عيد الاضحى أسماء مختلفة منها (تسعة ذي الحجة يوم عرفة (عشرة ذي الحجة يوم النحر) (الحادي عشر - الثالث عشر من ذو الحجة أيام التشريق )). وغيرها… اما بالعامية فيسمى عيد الاضحى بالعيد الكبير ،. في ايام العيد تتوجه عيون العالم الإسلامي باكمله نحو ( مكة المكرمة ) حيث يقوم ملايين المسلمين بتادية خامس اركان الإسلام وخاتمها الا وهو حج بيت الله الحرام والذي ياتي تلبية لنداء الله في القرآن الكريم ، حيث قال الله في القراَن الكريم ( وأذّن في الناس بالحج يأتوك رجالاً وعلى كل ضامر يأتين من كل فج عميق
اعتاد المسلمون تحية بعضهم البعض فور انتهائهم من اداء صلاة العيد حيث يقوم: كل مسلم بمصافحة المسلم قائلا ( تقبل الله منا ومنك ) ثم يقول له. كل عام وانتم بخير ويرى البعض من المسلمين في يوم العيد يوم حساب للنفس حيث تكون فترة السنة الماضية هي محور التقييم وكأن المسلم بحلول العيد يكون قد طوى سنة وفتح أخرى جديدة
تتسم ايام العيد بالصلوات وذكر الله، والفرح، والعطاء، والعطف على الفقراء وتزدان المدن والقرى الإسلامية بثوب جديد كما ان الاطفال يلبسون اثوابا جديدة، وتكثر الحلوى والفواكه في بيت المسلمين
اما البالغون فيقومون بزيارة أقاريبهم ومعايدتهم، حيث يتوجب على المسلم أن يقوم بزيارة الاقاربه والاهله وصلة للارحام ومباركتهم بالعيد
ويقال : {{كان أصحاب رسول اللَّه صلى الله عليه وسلم إذا التقوا يوم العيد يقول بعضهم لبعض: (تقبل الله منا ومنك)
وقد جرت العادة في كثير من الدول العربية بالتهنئة بقول: عيدكم مبارك، أو كل عام وانتم بخير
وان شاءالله كل سنه وجميع الاخوان بالبوست هم واهلهم بالف مليون عافية وصحة والشعيية فى امان يارب
لكم الود
اخوكم خالد درق ... دبى
11-23-2009, 11:18 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الأخوة والأخوات الأعزاء لم أستطع في الأيام الفائتة الدخول للإنترنت لأنقطاع الإتصال . ولا أعرف السبب ، ويبدو من كلام بعض الأخوة والأخوات إنو الصفحة 96 كانت مبوءة بداء التهكير. تم إصلاح العطب ، وحمدت الله إنو ماوصلتوا المية في غيابي. * أمتعتني ذكريات روما وصور الحاج ، وفرحت لإلتقاء الحاج بعزالدين وصلاح . * سرني إهداء عادل عثمان وسلام إيهاب محمد عبدالدائم وتحيات خالد درق. * أدهشتني ذاكرتي منير وعابدون ونشاط العمادين (ما شاء الله). * حمدت الله لعودة وهبة وعبدالكريم الأمين وإطلالة حسن طه . * إفتقدت صلاح شكوكو والشيخ سيد أحمد وشمس الدين. * حننت لدفعتي أبودية وبدر وعزام. * أحسست بحنين وليد العزيز لأخته وأختنا رحاب (رحمها الله وبارك في إبنتها). * دعوت الله لجارأخي الفاضل ياسين بالرحمه وأن يلهم آله وذويه الصبر وحسن العزاء.
أجدد إقتراحي بأن يشارك كل واحد بشئ بمناسبة الصفحة المئوية. وسوف نرصد الحضور والغياب دون هوادة . فعلى كل من ورد إسمه في القائمة أدناه أو سقط سهواً أن يرسل مشاركة بعنوان مميز (وأترك إقتراح هذا الأسم مفتوحاً للجميع):
* سيد الحوش الحاج حمد * أحمد بابكر * أسامة سعد * أسامة سليمان * أمجد كرار * الشيخ سيد أحمد * الفاضل ياسين عثمان * بدرالدين إسحاق أحمد * خالد درق * عابدون محمد عابدون * عادل عثمان * عادل صالح * عماد عبد الله الطيب * عماد عثمان أحمد * عمر عثمان * عبد الكريم أحمد الأمين * عبدالرحمن إبراهيم محمد * عثمان المتعارض * عصام قناوي * عزام حسن فرح * عزالدين محمد عثمان * عزالدين عباس الفحل * عبدالوهاب علي الحاج * حسن طه * حسن عثمان مضوي * صلاح شكوكو * صلاح عباس فقيري * صلاح أبودية * ستنا خضر * رحاب خليفة * مريم عبدالله السيد (روما) * شمس الدين ساتي * طارق محمد سعيد * كمال كرار * حمزة بابكرالكوبي * فيصل عبد الله محمود * هشام درماس * مصطفي محمد عباس (أبوقرجة) * مجدي نقد * مجدي عبالرحيم فضل * مجدي كنه * مبارك كنه * معاوية محمد الحسن * معتز مقبول * مزمل قناوي * منير عبدالرحيم * محمد بابكر * وائل (اليابان) * وليد عبد اللطيف * ....
11-23-2009, 12:38 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
دكتور قناوي عليك الله اشارك اكتر من كده كيف اليوم كلو في وشكم لما الواحد اصبح يستحي من نفسه والواحد بيظهر حتى لايصبح فتور في البوست عماد عثمان وعماد عبد الله وروما وعابدون وشمس الدين ووليد معفين من المشاركات ...
اسطورة ملاعب الشعبية اللاعب الخلوق محمد عبد الصادق (سوف يشرفنا في الصفحة الميه ( قصة نجم ) ياعبدون هذا اللاعب يذكرني على سيوده وهو لاعب خلوق طيب خارج الملعب وفي داخلة فنان وشرس ويجيد اللعب بكل المراكز و لعب لفريق الرابطه امدرمان وللشعبية وللتحرير ويظهر توارث فن لعب كرة القدم من قريبه صلاح شكوكو ويعتبر من الجيل الرابع في الشعبية
--------------------------------- دكتور قناوي اقتراحك جميل وهذا المطلوب وهل هذا كثير على الشعبية
11-23-2009, 01:03 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: دكتور قناوي عليك الله اشارك اكتر من كده كيف اليوم كلو في وشكم لما الواحد اصبح يستحي من نفسه والواحد بيظهر حتى لايصبح فتور في البوست عماد عثمان وعماد عبد الله وروما وعابدون وشمس الدين ووليد معفين من المشاركات ...
وليد تحياتي والله انا عارفك كويس بدون ما يقولوا ليك
بتنزل ليك كم موضوع شكرا على الاعفاءات لكن نحنا وانت بنقدر
نعاين ساكت ما اعتقد
احتراماتي
11-23-2009, 05:10 PM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
أخوي وليد أنا قصدي الناس ترسل مواضيع ومشاركات خاصة بعد وصول الصفحة رقم 100 وأن تكون بعنوان خاص ، مثلاً (مبروكة الصفحة المية) أو (معاً حتي الألف) وعناوين من هذه النوعية.
أخوي الطيب عماد الطيب العفو ياخي ، نحن بنتبع خطاكم ومحل ما تمشوا بنمشي. إنما هي مقترحات حتى نعبر عن فرحنا بهذا المنتدى. ما عندك إقتراح لعنوان نميز بيهو مشاركات الصفحة المية ؟
11-23-2009, 07:25 PM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
Quote: اسطورة ملاعب الشعبية اللاعب الخلوق محمد عبد الصادق (سوف يشرفنا في الصفحة الميه ( قصة نجم ) ياعبدون هذا اللاعب يذكرني على سيوده وهو لاعب خلوق طيب خارج الملعب وفي داخلة فنان وشرس ويجيد اللعب بكل المراكز و لعب لفريق الرابطه امدرمان وللشعبية وللتحرير ويظهر توارث فن لعب كرة القدم من قريبه صلاح شكوكو
ما تقول عشان الزول نسيبي وكدة،الا ان محمد فعلا كان فلتة وسط فريق الميرغني،وكان لديه كثير المعجبين ومنهم انا،بما يتسم به من قتاليه وفدائيه،تعرف رغم صيحات الاستنكار بالخارج من مشجع المارد الغيور<يحي عبد القادر> علي طريقة لعب محمد،الا ان بداخله كان يستمتع بفنه وقتاليته. وهذا تصريح اخير ليحي.اموت واعرف يا وليد انتا بتجيب الصزر دي من وين.
ترمه لود قناوي. والحال انا في الحسبة قريب دم اليك،واسمي سقط من ميزان قلمك،يعني لو كنت من اللعوته،كنت مشيت الخور عديل، عملوها الكبار ياود قناوي،لك الود بلا حدود ولاسرتك الصغيرة.
مودتي
11-23-2009, 07:26 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
عمدة مساء الخير .. شايفك براك قلنا شوية نتدرج معاك .. أها انا بقترح الاسم يكون الشعبية بين الامس واليوم ويمكن يكون عنوان كلاسيكى وقديم but these are my five pence
Quote: فعلى كل من ورد إسمه في القائمة أدناه أو سقط سهواً أن يرسل مشاركة بعنوان مميز (وأترك إقتراح هذا الأسم مفتوحاً للجميع):
* سيد الحوش الحاج حمد * أحمد بابكر * أسامة سعد * أسامة سليمان * أمجد كرار * الشيخ سيد أحمد * الفاضل ياسين عثمان
كتب الفاضل يسن عثمان
Quote: ترمه لود قناوي. والحال انا في الحسبة قريب دم اليك،واسمي سقط من ميزان قلمك،يعني لو كنت من اللعوته،كنت مشيت الخور عديل، عملوها الكبار ياود قناوي،لك الود بلا حدود ولاسرتك الصغيرة.
الفاضل يسن ياخي ود قناوي لازم تتابع كتاباته كويس وهذا ليس مدح لازم تكون بينها في اشياء فنية عشان كده انا بقراها مرتين وتلاته للتفتيش وهو كتب الاسماء حسب الحروف الابجدية وانت من مسجل من ضمن الاوائل
الفاضل ود الحبيب يسن معليش ممكن تنزل تلفون محمد عبد الصادق وصراحة عند زيارته السعوديه اتحفنا بزيارة جميله وله الف تحية ولكل افراد اسرتكم
ودقناوي عجبني اقتراح عبدون (الشعبية بين الامس واليوم )
11-23-2009, 10:28 PM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
Quote: سيد الحوش الحاج حمد * أحمد بابكر * أسامة سعد * أسامة سليمان * أمجد كرار * الشيخ سيد أحمد * الفاضل ياسين
لك العتبي يا امير،الواحد لازم ياخذ خطابات فني البصريات لنا،بجديه شديدة بعد دي. والشكر للرهيف وليد،علي ملاحظته. وفي اعتقادي كل الاقتراحات للاحتفاليه ذات موضوعيه،خاصة اقتراحات عبدون وامير،مميزة. واقتراحي يتمحور حول جذب الاقلام الاتيه مرة اخري.الشيخ سيداحمد،طارق محمد سعيد،عمر محمد عثمان عصام مامون،ومحمد تربيل والبقيه. وفكرة هاشم البدري لطباعة البوست،وتنقيح وتبويب امير قناوي له،يمكن جمعهماوتطبيقها.
مودتي
11-23-2009, 10:49 PM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
عبدون كيفك يا رجل .. ياخي والله اعذرني .. انا داير ابيت واقيل هنا لكين الواحد تقول ماسكه ابو الكباس .. يجري ويجري وهو كأنما يزحف .. كلما اقول وصلت الميس ألقي نفسي جاري وراء السراب .. داير اصل نهاية المسيرة ، لكين الظاهر زي ما قالت حبوبتي الله يرحمها نجري وراء الغزالة دي لغاية ما الشريك يقبض ـ طبعآ الشريك ده ما بيقبض الغزالة ، إنما يقبضنا نحن ..
أنا معاك سارح من امبارح وسافرت عبر حاجز الزمن لزمن المجلات ودار المطبوعات المصورة ـ بيروت شارع الحمراء !! .. سنة 2000 كنت في بيروت وطاف خيالي حينها بكل الكتب والمجلات القريتها زمن الصبا الزاهر ، ولكن بيروت الآن ليست بيروت زمان .. بيروت المطبوعات المصورة والشبكة والصياد تحولت لبيروت الكتائب والدروز وحزب الله وأمل الممزوج بالنهر البارد .. وبيروت صيدا ومغارات جعيتا اصبحت بيروت صبرا وشاتيلا . بيروت بقت ريحتها بارود بارود ... وكنت اظن أني سأزور جريدة الكوكب اليومي لصاحبها وهيب ج. وأقابل نبيل فوزي ونديم حلمي ورندا .. لكين لقيت المقاهي محروسة بدوريات الجيش اللبناني والعسكر في كل رأس شارع ..
عفوآ أنا ساعة قرأت مشاركتك الأخيرة كنت في الشغل وهسة يا دوب جيت وقمت حضرت باقي مسلسل الباطنية بطولة صلاح السعدني وأنا اتناول العشاء علي عجل لأحصل أكتب هذه السطور قبل أن يداهمني الصباح .. تعب مافي لكين مافي مفر من الشغل ومزاككة الغزالة كل يوم جديد .. والليلة مفروض أقرر هل اسافر يوم الاربعاء أم أؤجل ليوم الاثنين ..
أها هسة جيت أرمي لي سطر سطرين معاك لقيتك قلت ماشي تنوم .. دا كلام ده عاد؟؟ .. قربت تلحق زولك داك في نوم العوافي !! .. طيب أنا الصاحي ليها شنو؟ نمشي ننوم قبل ما الحلم يبدأ .. هههه ..
صلاح عباس يا صديقي العزيز والله مشتاقين .. وتعرف أنا من الصفحة الفاتت أعيد وأجتر في سماع الأغنية الجابها رماها لينا عبدالوهاب وشتت دي ... اختلط عندي الحابل بالنابل والشغل والمجلات المصورة علي انغام الأغنية وتذكرت خواطرك القرآنية التي تخيلتك تسطر فيها بهدوئك وروقتك المعهودة فستخلص من الفسيخ شربات التأمل الإيجابي .. تأملات تشبه سطور العزيز عزالدين التي ظل يمزج بها سخونة الشعبية بنسمات الخليج وأماسيه علي كورنيش ابوظبي وأضواء الميناء التي استطيع أن أحسها عبر حروفه التي لطالما تأرجحت بنا بين الماضي والحاضر، وبين الدنيا والآخرة ..
لكم جميعآ قواسيب المودة ..
ياصلاح نبهتني للصورة والبروفايل لكين أنا ما شايف ايقونة تحميل الصور في المنبر ـ تكون قاعدة وأنا ساي بقيت ما بشوف واللا شنو؟ ..
_________________
عبدون كلامنا عن المجلات لسه ما انتهي .. واهو كمان شايف عزام جاب من الآخر .. يا عزام ناس فرانكو ديل في الحلقة الأخيرة ..
11-24-2009, 04:12 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
يامنير اختراق سوبرمان لحاجز الزمن والرجوع لى زمن الفتى الجبار وفرقة الابطال الجبابرة ومشاهدة الفتى الحرباء وقمور والفتى الشمسى كانت حاجات ملهمة وفعلا الواحد لما تجى سيرة بيروت يجى فى الخيال صورة مطبعة المطبوعات المصورة ويتخيل بيروت دى مدينة زوس ..
ياوليد تقريبا الميل المية حيصادف يوم وقفة عرفات على ما اتوقع يعنى نقول مصادف العيد وممكن اذا ناس عندها امكانية تنزل مقاطع فيديو عن الحج والحجيج وجمال هذه اللحظات ثم ايضا اذا امكن ناس الشعبية فى السودان يرسلوا لينا مقاطع فيديو عن مظاهر الاحتفال والعيد والذبح والعزايم فى الشعبية الحبيبة وبرضو ياناس السعودية عماد ووليد وسيد الحوش حاولوا الاتصال ببعض الكتاب الصحفيين عندكم ومن اميزهم ابو الجعافر وعرفوهم بهذا المكان وانوا نحن نحتفل بالصفحة المئوية واطلبوا منهم يكتبوا حاجة عن طريق ايميل اى واحد منكم ويرسلها للصفحة هنا .. يعنى اذا نزل مقال عنا من الاستاذ جعفر عباس تحدث فيه عن الشعبية واهلها بيكون مكسب بكل المقاييس ..
يامنير الله يديك العافية . أها كلما تلقى فرصة تعال اجدع لينا حاجة من الحاجات البتفرح النفس ..
انا ليس من سكان الشعبية و لكن لدى اصدقاء و اقرباء منهم الاخت الفاضلة الاستاذة/سكينة عثمان و الاخ المرحوم محجوب عبدالحفيظ ارتباطى بالشعبية كانت محطة عبورنا و نحن فى طريقنا الى امدرمان من شمبات الحلة ثم شمبات الاراضى ثم شارع الانقاذ
و انا مبسوطة شديد انة البوست و صلى98 الف مبروك والتحية لكم
ايمكن دة البوست الوحيد الناسوا ما انقطعوا من بعض
My support
11-24-2009, 04:58 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
صباح الخيرات اختنا هدى طلة صباحية مميزة ونشكرك كثير الشكر على الدعم ولما تتكلمى عن شمبات الحلة فأنا لى فيها ذكريات كثيرة حيث سكنا شمبات فى بداية الطفولة ودرست فى مدرسة شمبات الشرقية وأكلنا اللقيمات من بخيتة بت الجنة الله يرحمها..طبعا ماحتتذكريها انا بتكلم عن زمن داحس والغبراء
السلام عليكم ورحمة الله وبركاته طبعاً موافقين على جميع الاقتراحات المقدمة من الإخوة الأعزاء، لكن أنا خايف يكون في إشكالية في التنسيق! وعموماً على ما أظن: أولاً: الرأي مستقر، حول أن تكون المشاركات القادمة، يعني في الصفحة الـ 100 مجودة. ثانياً: موضوع إصدار كتاب الشعبية، طبعاً تم فيه تفويض العمادين وأمير ووليد، لإصداره بالطريقة التي يرونها مناسبة. ثالثاً: هناك اقتراح مقدم من العبد الضعيف: أن يصدر عدد خاص من صحيفة إلكترونية، على نسق صحيفة "سودانيز أونلاين"، يتم فيها اختيار باقة من الموضوعات السابقة التي تمّ نشرها في البوست منذ بدايته إلى الآن، وهذه النسخة يمكن تثبيتها في سودانيز أونلاين. وأقترح في حالة الموافقة على هذا الاقتراح أن يكون الأخ أمير هو المشرف على إصدار هذا العدد، إضافة إلى الأخ عبد الوهاب علي، بحكم معرفته بتقنيات التحرير الإلكتروني المصور، وكدة. ما رأيكم دام فضلكم!
11-24-2009, 06:48 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: رحل عن دنيانا اول امس الاخ صلاح سامى من ابناء الشعبيه شمال وهو شقيق التوم سامى ,عمل الفقيد لفتره بالخطوط الجويه السودانيه. للفقيد الرحمه ولاله حسن العزاء.
هناك بوست مفتوح بواسطة الأخ د.محمد بابكر يخبرنا فيه بوفاة صلاح سامي شقيق التوم و ذلك أول أمس بالشعبية..للفقيد الرحمة و للأسرة الكريمة الصبر و حسن العزاء.
انا ليس من سكان الشعبية و لكن لدى اصدقاء و اقرباء منهم الاخت الفاضلة الاستاذة/سكينة عثمان و الاخ المرحوم محجوب عبدالحفيظ ارتباطى بالشعبية كانت محطة عبورنا و نحن فى طريقنا الى امدرمان من شمبات الحلة ثم شمبات الاراضى ثم شارع الانقاذ
و انا مبسوطة شديد انة البوست و صلى98 الف مبروك والتحية لكم
ايمكن دة البوست الوحيد الناسوا ما انقطعوا من بعض
My support
شكرا لمرورك و مشاركتك و ناس شمبات جيران و أهل..مرحبا بك في بوست الشعبية. شكرا على دعمك للشعبية بهذه الكلمات الطيبة..
11-24-2009, 08:37 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: أها هسه أنا نسيت أكتب أسمي ذاتو أعمل شنو ؟ . المسامح كريم ، الله يسامحك يا أمير قناوي. في إنتظار مشاركة كاربة منك في الصفحة المية ، لك وللأسرة خالص الود.
ود قناوي انت نسيت انك عملت لينا مقتطفات يعني مشاركتك مضمونه ومن الطرائف عند ذكرك للاسماء تذكرت صديقنا طارق محمد سعيد فأتصلت علية وقبلها كنت بتكلم مع صديقي عمر ود الدكتور فقلت : ياعمر طارق كيف قال : والله طولت ماشفتو ومع طارق قلت : ياطارق عمر كيف قال : والله طولت ماقابلتو والونسه جميله وضحكت ضحك شديد والناس ديل الان جيران فقلت : خلاص ياطارق انا بعدين بتصل على عمر واقول له طارق بسلم عليك هههههههههههههههههههههههههههههههههه شوف عجايب الدنيا .. والثنائي طارق وعمر في يوم من الايام لم يفصلهم إلا النوم ونشكرك ياود قناوي انك ذكرتنا طارق محمد سعيد
11-24-2009, 08:55 AM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
كنت في جولة في البورد ، ورأيت بعض المكتبات في سودانيز أونلاين. وتذكرت إقتراح وليد بإنشاء بوست خاص . وكنت قد أبديت تحفظاًعليه حتى لا نضعف بوست الشعبية. وقرأت اليوم إقتراحاتك فوجدتها تعضد إقتراح وليد وتبلور إقتراح عابدون. وبعد التمعن في كل تلك الأفكار أعتقد أنه يمكن التوفيق بينها بإنشاء مكتبة داخل سودانيز أونلاين بإسم الشعبية تكون كالآتي: - تضم المواضيع المميزة التي نشرت خلال الصفحات السابقة بهذا البوست . - تقوم مجموعة نختارها بإختيار المواضيع للمكتبة ووضعها بعناوين تصنف نوعها ، مثلاً كتب فلان موضوعاً عن سوق الشعبية فأعجب الناس ، ندخله للمكتبة تحت (باب معالم بارزة). - يمكن طباعة صفحات من المكتبة بصورة دورية ككتيب أو مجلة بإسم الشعبية. - يستمر البوست كوسيلة للتواصل ، دون تأثر بوجود المكتبة. ويستطيع الجميع عبره إقتراح الموضوعات الصالحة للمكتبة. - لا تنقل للمكتبة إلا المكتبة إلا الموضوعات التي تهم الجميع بصورة ما - كيفية إنشاء المكتبة وشروط إنشائها ومن يحق له إدخال موضوعات فيها أو نقلها إليها أمور ليس لي علم بها ، فنسأل الأخوة العالمين بهذه الدقائق : عادل عثمان ، وهبة ، منير وغيرهم.
أعتقد بهذا نكون رتبنا جميع الإقتراحات ووفقنا بها حتى لا تتبعثر الأفكار. في إنتظار ردك ورأي الأخرين لك وللجميع حبي وسلامي.
11-24-2009, 09:27 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: - كيفية إنشاء المكتبة وشروط إنشائها ومن يحق له إدخال موضوعات فيها أو نقلها إليها أمور ليس لي علم بها ، فنسأل الأخوة العالمين بهذه الدقائق : عادل عثمان ، وهبة ، منير وغيرهم.
دكتور قناوي اولا بنشكر كل من ساهم ومن كتب من اجل رفع بوست الشعبية وانا لا احجر على راي الاخرين ولكن انا بشوف معاك انشط اتنين في البوست وهم عماد عبد الله وعماد عثمان انا بشوف ممكن الشغلة دي تديروها انتم الثلاثة يعني اتفقوا في ما بينكم وحددوا من هو مديرها وباقي الشباب ما بقصر وبس عشان مانستهلك زمن ونكون ماعملنا شيء ونحن لانشكك في مقدرات الاخرين وطبعا ياقناوي عندنا مشكله كبيره جدا اي واحد انا شايف بيتحفظ برايو لماذا ما عارف وانا خايف اقتراحك تاني نرجع له بعض 3 شهور والناس لم تحسمه يعني ماقاعدين نحسم امورنا وبنعومها
11-24-2009, 11:06 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
وليد كلامك صاح فى انو مقترحات الاخوة واهمها مقترح الدكتور امير انها لازم تتنزل كواقع عملى موجود بينا بس كمان والله ياوليد ظروف الناس مامعروفة هسة مفروض اول حاجة نعمل استطلاع نشوف اللى بيقدر يوفر ساعات من وقته مثلا اثناء النهار منو عشان زى الاعمال المكتبية العادية بيكون عندهم فرصة أكبر فى توفير الوقت .. أنا غايتو بكون مساعد وأدفرونى لى أى حاجة تشوفوها مناسبة ماعندى مشكلة بس ما يكون فى الفترة الصباحية لغاية ستة مساءا وقبل ما اضرب الرز باللبن الساعة عشرة ونص بالليل ..
11-24-2009, 11:12 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
Quote: وطبعا ياقناوي عندنا مشكله كبيره جدا اي واحد انا شايف بيتحفظ برايو لماذا ما عارف وانا خايف اقتراحك تاني نرجع له بعض 3 شهور والناس لم تحسمه يعني ماقاعدين نحسم امورنا وبنعومها
يا وليد، ليست قضية عدم قدرة على الحسم أوالتعويم! دء شيء طبيعي لأننا بحسب ظروفنا لا نعمل ولا نستطيع أن نعمل بصورة مؤسسية! ولكن عفوية! لكن برضو ممكن يكون في نوع من الضبط والمتابعة! لذلك أن أؤيد اقتراحك بأن يكون الأخ أمير متولّياً لهذا الملف، يتتبّع ما يتعلق به! وإذا رأى أن المشاورات لم تُستكمل حول إحدى النقاط، يقوم بتوجيه سؤال مباشر إلى بعض الإخوة بأسمائهم حول ما يرونه! لكن القاعدة العامة: أن الصامت موافق!
11-24-2009, 11:40 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
ياشباب على ما أظن انو منير ماحيلقى الفرصة للتفرغ بالصورة اللى على بالكم لازم الكلام دا يكون فى حساباتكم .. ياوليد الموضوع انا متأكد انو صعب التحقيق لكن لازم نحاول نوصل لى حلول ..
11-24-2009, 12:41 PM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
أخي أمير كلامك تضمن الأمور الآتية: - إنشاء مكتبة داخل سودانيز أونلاين باسم الشعبية تضم المواضيع المميزة التي نشرت خلال الصفحات السابقة بهذا البوست . -طباعة صفحات من المكتبة بصورة دورية ككتيب أو مجلة باسم الشعبية. وقلت:
Quote: أعتقد بهذا نكون رتبنا جميع الإقتراحات ووفقنا بها حتى لا تتبعثر الأفكار. في إنتظار ردك ورأي الأخرين لك وللجميع حبي وسلامي.
أما عن ردي فأقول: أولاً: لم تذكر موضوع الاحتفاء الخاص بالصفحة المائة، وهو الذي اقترحه الأخ وليد، ويبدو أن السبب في ذلك كونه مفروغاً منه. ثانياً: لم تتعرض لاقتراحي الخاص كذلك بالصفحة المائة، وهو أن يصدر بمناسبتها صحيفة إلكترونية تتضمن باقة من الموضوعات المختارة بعناية من الصفحات السابقة للبوست. لكن عموماً يا أمير، ويا جميع الإخوة الأحبة لندع الأمر يجري بعفويّة، من استطاع أن يقدم شيئاً فليفعل! ليس من الضروري أن يسمع آراء الجميع! وبعدين، هذا الظرف يعتبر ضيق، وفترة عيد وحج، ولذلك فلنعذر بعضنا بعضاً إذا لم نتمكن من الوفاء بالتزاماتنا الراهنة بخصوص الصفحة المائة! وبعد العيد إن شاء الله نبدأ بداية جادة! في حدود الممكن يعني! ودمتم!
11-24-2009, 02:08 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
رسالة من الأخ الدكتور وائل - طوكيو اليابان ، و هو سبق أن شاركنا و انقطع لفترة و لكنه متابع للبوست:
Dear elder brother Hajhamad Salam kateer. Hope you are most fine and doing well,and all brothers in Alshaabia board. itis great to see it about the 100 posts now. May allah sobhano yewafeg algame3. here i would like to Ask Allah sobhano to accepts our brother Ahmed Amaseb,and free his neck from Alnar in these great days. O allah this is a very painful news, Ahmed or Amaseb ( as we used to call him) was my collegue in Alsababi school.O allah he was a very good person,i remember will his smile and his welcoming face. Allah yerhamo in sha allah o albaraka fe ahalo ( who are mine too ). Then Eid mubarak for all,asking all of you Aldoaa. I would loike to send my warm salam to brothers Dr.Imad Abdellah,Ezalden Alfahal and Salah Fegeer. Hope all their familes are fine,especially Ali and Amar Alfahal and Mohammed Abdellah. To Salah Fegeer,Albaraka fena o fekum,o allah alfagad wa7ed ya wad 3ami,hope all brothers and sisters are fine. The post became more nice every day,great to see all those respectful and dear people here. Hope to see post number 100 soon. Then i have a personal request, ther a dr. called Rashid Elhaj,he writes from California USA, As Iam not a member at Sudaneseonline,could you please contact him and send him his e-maol address. I would like to comment in his post about Islam Tabsher,i hyave noticed he is working in my same field of research,so can you please help me.
Thanks again.
Wael, Tokyo,Japan
و نحاول ندخل في شغل عادل محمد عثمان و أستأذنه في محاولة ترجمة الرسالة الأخ الأكبر الحاج حمد سلام كتير امل ان تكون و جميع الاخوة ببوست الشعبية بخير شئ عظيم أن أرى البوست و هو على مشارف الصفحة ال100 أسال الله سبحانه و تعالى أن يوفق الجميع أسأل الله سبحانه و تعالى في هذه الأيام المباركة أن يتقبل الأخ أحمد عمسيب و أن يعتقه من النار لقد كان خبر وفاته مؤلم جدا أحمد او عمسيب (كما كنا نناديه) كان زميلي بمدرس الصبابي و قد كان شخصا جيدا جدا ، و أتذكر جيدا ابتسامته و بشاشته الله يرحمه ان شاء الله و يجعل البركه في أهله عيد مبارك على الجميع ، و أسأل الجميع الدعاء أرسل سلامي الحار للأخوان د.عماد عبد الله ، عز الدين الفحل و صلاح فقير و آمل أن تكون أسرهم جميعا بخير ، خاصة علي و عمار الفحل و محمد عبد الله. للأخ صلاح فقير البركة فينا و فيكم و الفقد واحد يا ود عمي و آمل أن يكون الأخوان و الأخوات بخير. البوست يصبح أروع يوما بعد يوم و عظيم ان أرى كل هؤلاء الاخوة الأعزاء المحترمين مشاركين في البوست. آمل ان أشاهد الصفحة ال 100 للبوست و لدي طلب خاص هناك د.راشد الحاج يكتب من كليفورنيا - اميركا و حيث ليس لدي عضوية في سودانيزاونلاين لو تفضلت الاتصال به و أرسل لي بريده الالكتروني لأن لي تعليق على بوست له عن التبشير الاسلامي و قد لاحظت أنه يعمل في نفس مجال بحثي ، لو تفضلت أن تساعدني في ذلك شكرا مرة تانية وائل طوكيو - اليابان
أخي الحبيب صلاح عباس شايفك زعلت ، وفي الحقيقة لم أرد أن أتجاهل إقتراحك . وصدقني قريت مداخلتك عديد المرات وحاولت أتعرض لكل ما ذكرته فيها. بس في سوء فهم من ناحيتي بخصوص (أن يصدر بمناسبتها صحيفة إلكترونية تتضمن باقة من الموضوعات المختارة بعناية من الصفحات السابقة للبوست). لم أفهم حتى الأن ما تقصده بصحيفة إلكترونية. ظننتك تقصد ما أيده كثير من الأخوة من قبل ، وهو أن تكون مواضيع الصفحة المئوية (التي ستنشر هنا في البوست) ذات طابع خاص. ولكن يبدو أنك تقصد شيئ أخر. أرجو الإيضاح . أخوي صلاح بخصوص قولك: [لكن عموماً يا أمير، ويا جميع الإخوة الأحبة لندع الأمر يجري بعفويّة، من استطاع أن يقدم شيئاً فليفعل! ليس من الضروري أن يسمع آراء الجميع!. ] فأقول رأيك فوق رؤوسنا وإحترامنا ليك ولرأيك لا يمكن أن يتطرق الشك إليه . لم أقصد أنا ولم يقصد أحد الأخوة تجاهل إقتراحاتك . ولا يملك أحد منا الحق في البت في أراء الأخرين . يقدم هذا إقتراحاً فيوافقه البعض ويخالفه أخرون . لا نملك إلا هذا. وقد أردت (كما قلت في مداخلتي) التوفيق بين إقتراحات كثيرة. لم أرى بينها أختلافاً . وقد كان ما ذكرته مجرد إجتهاد ، إن رأيتني قد أخطأت في إجتهادي فلا تثريب عليك. والحمد لله القلوب عامرة بالحب والإحترام.
11-24-2009, 08:53 PM
Adil Osman
Adil Osman
تاريخ التسجيل: 07-27-2002
مجموع المشاركات: 10208
Quote: رحل عن دنيانا اول امس الاخ صلاح سامى من ابناء الشعبيه شمال وهو شقيق التوم سامى ,عمل الفقيد لفتره بالخطوط الجويه السودانيه. للفقيد الرحمه ولاله حسن العزاء.
اللـهـم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عامله بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور. اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
11-24-2009, 09:45 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
الأخوة الكرام تحيات عطرات .. أثمن العصف الذهني من أجل إنتاج ثقافي شعباوي وأشكركم علي الإهتمام بتطوير الفكرة واستولادها بمنتوج ثقافي متميز .. وفعلآ فكرة عبدونية نتمني أن تتطور ونري منتوجآ من هذا التدفق والتجمع الاسفيري .. تخيلت ملحقآ ثقافيآ أو اخباريآ ـ علي السليقة ـ من هذه الكتابات العفوية في هذا البوست وتخيلتها تطورت وتطورت حتي اصبح سكان الشعبية يذهبون لسوق الشعبية لشراء الملحق الاسبوعي الذي يجد فيه كل فرد صورته وحديثه وأخباره هو شخصيآ بين الصفحات ويبقي كل زول شايف نفسه طالع في الجريدة ـ جريدة الشعبية .. التي فيها أخبار الرابطة والافراح والاتراح والقفشات وأخبار الحي ومغتربيه و..و.. ذلك ما يمكن تسميته بالثقافة الشعبية الجماهيرية .. ياللا كدي خلونا نشوف الممكن والماممكن لتحقيق هذا الحلم .. هل تريدون صحيفة الكترونية يطلع عليها فقط رواد الانترنت ؟ .. أم مطبوعة ورقية يقرأها أهل الشعبية .. إذا بقي المطلوب هو التصور الأولاني فإذن أعتقد أن المطلع علي الانترنت سيجد أن الأفضل له يقرأ البوست كله ويتابعه في بثه المباشر صفحة صفحة ومداخلة مداخلة .. أما لو تكلمنا عن التصور الثاني، أي مطبوعة ورقية تكون في متناول المواطن الما عنده اطلاع علي الانترنت ، تبقي دي شغلانة كبيرة ودايرة ليها قعدة وتفرغ وانفتاح البوست لكل الأقلام من داخل وخارج الانترنت ـ والشغلانة تبقي محتاجة دراسة لأنه ده حيكون عمل رائد ما سبقكم عليه زول ..
أها أنا ما أكون شطحت ساي ..
11-24-2009, 09:52 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: انا ليس من سكان الشعبية و لكن لدى اصدقاء و اقرباء منهم الاخت الفاضلة الاستاذة/سكينة عثمان و الاخ المرحوم محجوب عبدالحفيظ ارتباطى بالشعبية كانت محطة عبورنا و نحن فى طريقنا الى امدرمان من شمبات الحلة ثم شمبات الاراضى ثم شارع الانقاذ
و انا مبسوطة شديد انة البوست و صلى98 الف مبروك والتحية لكم
ايمكن دة البوست الوحيد الناسوا ما انقطعوا من بعض
اختنا هدي لك منا كل التحايا والاحترام
لكم اسعدنا مرورك وتجدينا في قمة السعادة لو شاركتينا
فرحتنا بوصول البوست للصفحة المائة والتي هي على بعد
خطوة واحدة
لك كل التقدير
11-24-2009, 10:09 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
اقترح ان يقام يوم مفتوح فى الشعبية بعد العيد تعرض فيه صور من الشعبية من هذا البوست ومن غيره - وان تطبع بعض المواد والكتابات المختارة من هذا البوست ومن مصادر اخرى لعرضها فى اليوم المفتوح. هدف اليوم المفتوح تعريف اهل الشعبية فى الداخل بنشاط اهل الشعبية بالخارج وعبر الانترنيت، كما يهدف اليوم المفتوح الى استنهاض همم الناس واحياء تقاليد العمل التطوعى والنفير الذى اشتهرت به الشعبية عبر تاريخها.
11-24-2009, 11:10 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
والله ماعندك اي مشكلة في الترجمة،شغلك نظيف لو كان دي انجليزي الثانوي. التحية للاخ وائل،وان شاءالله التوفيق يملي طريقك وتعود ظافرا واعيا. وعبرك اهدي تحياتي لشقيقك هشام واسرتكم الفاضلة.
مودتي
11-25-2009, 05:37 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: الأخوة الكرام تحيات عطرات .. أثمن العصف الذهني من أجل إنتاج ثقافي شعباوي وأشكركم علي الإهتمام بتطوير الفكرة واستولادها بمنتوج ثقافي متميز .. وفعلآ فكرة عبدونية نتمني أن تتطور ونري منتوجآ من هذا التدفق والتجمع الاسفيري .. تخيلت ملحقآ ثقافيآ أو اخباريآ ـ علي السليقة ـ من هذه الكتابات العفوية في هذا البوست وتخيلتها تطورت وتطورت حتي اصبح سكان الشعبية يذهبون لسوق الشعبية لشراء الملحق الاسبوعي الذي يجد فيه كل فرد صورته وحديثه وأخباره هو شخصيآ بين الصفحات ويبقي كل زول شايف نفسه طالع في الجريدة ـ جريدة الشعبية .. التي فيها أخبار الرابطة والافراح والاتراح والقفشات وأخبار الحي ومغتربيه و..و.. ذلك ما يمكن تسميته بالثقافة الشعبية الجماهيرية .. ياللا كدي خلونا نشوف الممكن والماممكن لتحقيق هذا الحلم .. هل تريدون صحيفة الكترونية يطلع عليها فقط رواد الانترنت ؟ .. أم مطبوعة ورقية يقرأها أهل الشعبية .. إذا بقي المطلوب هو التصور الأولاني فإذن أعتقد أن المطلع علي الانترنت سيجد أن الأفضل له يقرأ البوست كله ويتابعه في بثه المباشر صفحة صفحة ومداخلة مداخلة .. أما لو تكلمنا عن التصور الثاني، أي مطبوعة ورقية تكون في متناول المواطن الما عنده اطلاع علي الانترنت ، تبقي دي شغلانة كبيرة ودايرة ليها قعدة وتفرغ وانفتاح البوست لكل الأقلام من داخل وخارج الانترنت ـ والشغلانة تبقي محتاجة دراسة لأنه ده حيكون عمل رائد ما سبقكم عليه زول ..
أها أنا ما أكون شطحت ساي ..
الفهمته من كلامك الجميل دا يامنير انك تؤيد التوجه نحو اصدار ملحق ثقافى وزى ماقلت فى فقرتك الاولى انو ناس الشعبية يقوموا من صباحة الله ماشين على السوق يشتروا خدارهم ومعاهو يشتروا الملحق بتاع الشعبية الملىء بأخبارهم واخبار اولادهم وبناتهم فى الغربة .. اؤيد بشدة كلامك دا ..
11-25-2009, 05:46 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
كان لناس الكوتش سلامة فى حلة الصديق اخ اسم ( سعد ) ملقب باسعد كمين لماذا سمى بسعد كمين وليكم الطرفاء
كان سعد شغال فى شرطة بحرى بوليس المدينة وفى مرة من المرات كان شغال خدمة فى المركز وفى نفس اليوم كان ناس المباحث المركزية عندهم واحد بتاع مخدرات ( تاجر بنقو ) فى حلة خوجلى معزب ناس المباحث عزاب شديد فقررو ان يعملوا له كمين حتى يستطيعوا القبض عليه ، فكان فى ذلك اليوم القوة ناقص فامرا الضابط المنواب بالستعان بقوة من بوليس المدينة ، وكان سعد من ضمن القوة المختارة ، وبعد ان تم توزيع القوة فى مكان سكن التاجر ومع السرىا التام لمهمه اوكل لسعد مراقبة الشارع من عند الدكان الواقع فى ناصية شارع بيت التاجر وبعد وقت من الانتظار ظهر التاجر من بعيد والكل بداء فى التجهيز للقبض عليه ولكن التاجر كان عند حس تحفزى فحس بشى غريب فى الشارع واشكال ناس جداد فمال الى سعد جنب الدكان وبداء يسال سعد انت فى شنوا اليلة فى الشارع ده فكان رد سعد والله نحنا ناس المباحث عملين كمين لتاجر بتاع البنقو السكن فى البيت دك فماكان من صحبنا التاجر الى وقال لسعد اى والله تريحوناء منوا ثم انصرف فى احد شوارع حلة خوجلى وهرب وهناء جاك الضابط جارى لسعد وقال لية انت قلتا لزول دة شنوا دى التاج ر ذاتو فقال ليه سعد انا قلتا ليه نحنا عملين كمين لتاجر البنقو السكن هناك
ومن ذلك اليوم سار عليه لقب سعد كمين
ولكم الود
اخوكم خالد درق ... دبى
11-25-2009, 06:11 AM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: وقت من الانتظار ظهر التاجر من بعيد والكل بداء فى التجهيز للقبض عليه ولكن التاجر كان عند حس تحفزى فحس بشى غريب فى الشارع واشكال ناس جداد فمال الى سعد جنب الدكان وبداء يسال سعد انت فى شنوا اليلة فى الشارع ده فكان رد سعد والله نحنا ناس المباحث عملين كمين لتاجر بتاع البنقو السكن فى البيت دك فماكان من صحبنا التاجر الى وقال لسعد اى والله تريحوناء منوا ثم انصرف فى احد شوارع حلة خوجلى وهرب وهناء جاك الضابط جارى لسعد وقال لية انت قلتا لزول دة شنوا دى التاج ر ذاتو فقال ليه سعد انا قلتا ليه نحنا عملين كمين لتاجر البنقو السكن هناك ومن ذلك اليوم سار عليه لقب سعد كمين
** الاخوان خالد درق وسيد الشُباك عابدون.. ** صباحكما خير .. ** ياعابدون سيد الشُباك دى صاحبنا فكرو حيمشى بعيد ويفتكرو شُباك ... ** بماسبة سعد كمين أو (كمين سعد).. قال ليك واحد من ناس المباحث :- كاتب فى يافطة بيتو :-
## منزل عبدالله أ. م. عبدالله ** بوليس ســرى.. شُرطة المُديريه..
## هى بقت على سعد بس .. (ودام الود بيننا) (ابو محمد فؤاد)
11-25-2009, 07:23 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
رسالة من الأخت د.ستنا خضر و أقول ليها كل عام و الجميع بخير:
Quote: بسم الله الرحمن الرحيم الاخ الحاج حمد الاخوان الاعزاء سلام الاخوة والصداقة كأوتار الكمان قد يتوقف العزف ولكن تبقي الاوتار مشدودة....عيدكم مبارك وانشالله ربنا يحقق امانينا وشعبيتنا دائما فوق مع امنياتي للجميع بوافر الصحة والعافية اللهم ارحم موتانا،نترحم علي روح الاخوين احمد عمسيب ،وصلاح سامي تقبلهم الله وجعل مثواهم الجنة"إنا لله وإنا اليه راجعون اوافق علي اقتراح د/امير قناوي أنا قصدي الناس ترسل مواضيع ومشاركات خاصة بعد وصول الصفحة رقم 100 وأن تكون بعنوان خاص ، مثلاً (مبروكة الصفحة المية) أو (معاً حتي الألف) . في رائي المشاركات بمواضيع جميلة من الجميع تليق بالاحتفال دي متاحة للجميع بالنسبة لاقتراح الصحيفة الاكترونية ذي ما قال اخونا منير ما كل الناس بتطلع علي الانترنت، كحل اول اوافق علي عمل كتيب بمواضيع مختارة من البوست تُنزل بإسم كاتبها وده بعتمد علي تكلفة الطباعة وكيفية التوزيع الممكن يكون في المكتبات الموجودة بالشعبية وبقيمة بسيطة يرجع عائدها للمساهمة في العمل العام كده في ناس كتيرة حاتعرف انتو بتعملو في شنو وبيزيد عدد المشاركين أو تتعمل جريدة حائطية بنفس المواضيع وتتعلق في نوادينا الثقافية ويتخيلي عدد المشاركين حايزيد
(الاخوان عبدون ومنير باين عليكم( جضمتو المجلات دي جضيم انا غايتو جضمت المغامرين الخمسة ورجل المستحيل وروايات عبير.............زكرتنا بيهم يا دكتور عماد مشكورة اختنا هدي عبدالمنعم علي المرور وكتري زيارتك بتلقي حوشنا دائما مفروش ومرشوش بالورود لكل الزائرين
:ضحكني كلامك يا د/عماد
يا عبدون تمرين شنو الايام دي تجهيزات العيد تقول بس في السودان
الدولاب عايزين نغير محله والسرير دا وديه البرندة بس باقي يقولوا
لي شيل الخبيز وديهو الطابونة يا اخي النسوان ديل اكان مشوا اي محل
يا هو حالن
عاد نعمل شنو يادكتور دي الحاجات البتخلينا نحس انو في عيد ياكافي البلا لا خروف يضبح قدام باب لا زائرين يجوك بعد صلاة العيد تحياتي للمدام وللعيال وكل عام وانتم بخير
اختي روما كل عام وانتي بخير وانشالله يعود عليك وانتي تنعمين بالصحة والعافية طلتك حاتكون مع بداية العيد والله خايفاك تكوني شغالة !تحياتي لمحمد ياجماعة اخوانا المهندس مجدي نقد وحسن عتمان مضوي والشيخ سيداحمد وين الحي بيهم؟نتمني زيارتهم في الصفحة المية وزيارة كل الغائبين لكم كل الود وكل عام وانتم تامين ولامين اختكم ستنا خضر
11-25-2009, 07:45 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
آآاااااااااه كتبت كلام كتير، لكن في النهاية وأنا بعمل مراجعة قام (اتلحس) زي ما بقولوا الجماعة! المهم أحاول أستعيد بعضه: يا امير، صدقني لا زعلت ولا خطر ببالي شيء من ذلك! وأنا قصدي مجلة إلكترونية مثل مجلة (سودنيزأونلاين)! تتضمن باقة من الموضوعات المختارة بعناية، من صفحات البوست السابقة! وعلى ما أظن: إذا تمكنت أنت من اختيار موضوعات متنوعة ! يستطيع (وهبة) أن يقوم بالتنفيذ والإخراج! يا عادل:اقتراحك جميل، بتاع اليوم المفتوح! واقتراحك داك برضو جميل! ولو أني مشتاق لصورتك بتاعة زمان! بالله لو عندك واحدة من زمان نزلها! علماً بأني ما بعرف بنزل صور! يا منير، ما شاء الله في حركة بتاعة اقتراحات قوية، وكأن الناس تتهيّأ لعبور مرحلة جديدة! وعموماً بعد العيد كدة حنحتاج نحدد واحد يكون منسق لموضوع (الاستفادة من صفحات البوست القديمة) مثلما أن الأخ راعي البوست الحاج، هو المنسق لموضوع: (الحثّ على الدعم المادي للخدمات والمرافق بالشعبية). يا دكتور وائل، لا شكّ أن الفقد واحد! جزاك الله خيراً! سأضع تلك الفقرة من رسالتك في بوست الدكتور راشد الحاج، ولو كنت أرسلت إيميلك كان بكون أفضل! ولا شك أن الاخ الحاج سيفعل ذلك. يعني يسيضع إيميلك في ذلك البوست! خالد درق، عندك قفشات جميلة، زي بتاعة سعد كمين، وبرضو بتاعة المرة الفاتت! بتاعة (الشوتة) التي كانت سبباً في إعادة حاسة السمع لتلك الفتاة! يا جماعة في ختام هذه المداخلة، أقول لجميع أحبائنا وإخوتنا في الشعبيتين الإسفيرية والبحراوية: كل عام وأنتم بخير!
11-25-2009, 10:13 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
ود حمد ياجماعة ضاربنا طناش ونحن بعين قوية ننظر في البوست وحتى لو اقترحنا مابقول لينا هذا غلط او هذا صحيح ولا عايز يتصل علينا من الثابت ضيع الجوال وقعد وحاربنا مره واحده
ود حمد ياخي ده لو جوالك ابوخمسن ريال داك خليهو يروح ايوه ايوه ايوه اتذكرت ياخي الجوال بتاعك زي ماقلت لي من انسان عزيز هديه طيب فكره رايك شنو تجيني ونشد العربية للمدينه ونجيبو اها قصرت معاك ومع من يعزوك
---------------------- ود حمد الشية عندنا الكمونية عندنا ملاح ام بق بق عندنا ام فتفت عندنا (وشربوتنا لبن المراعي مع سفن اب ) انا منتظرك اول يوم
وليد سلامات وشكرآ على اهدائك صورة هذا الطفل الوديع. اهدائك الصورة لى وللفاضل ياسين حصر نطاق البحث. تمعنت فى ملامح الطفل، وشفت معه صورة اخته الاكبر منه. والصورة قديمة تعود الى الستينات او السبعينات.
هذا الطفل فيه ملامح اولاد المرحوم العم محمد عثمان فضل. ممكن يكون تاج السر أو خالد.
11-25-2009, 11:41 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
الصورة الجميلة بتاعت الطفل، فعلا كما قال اخي عادل لاولاد،المرحوم محمد عثمان فضل،فقط اختلف مع عادل،في انها للمرحوم حاتم او الحريف اشرف محمد عثمان. التحية اليهم اينما كانوا،تاج السر واشرف وعثمان وخالد طبعا اشرف وعثمان نزحا بالسكن شمالا،الا انهم يتواجدون دوما بالشعبية.مسقط الراس من الصعوبة التزحزح منه.
مودتي
11-25-2009, 12:47 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة