|
Re: أختي العزيزة روما (Re: عماد الدين عبدالله)
|
Quote: يا شعبياب ترحيب حار بالاخ هشام درماس خلاص استلم الباسويرد وعمل اول مداخلة في بوست الترحيب الفاتحو الاخ بدر الدين الامير الف مرحب بيك في دارك والكل في اشتياق لي طلتك |
لك الشكر ياعمده وانت اول المهنئين وربنا يقدرنا على جزاك واتمنى ان نتقابل قريب
| |
|
|
|
|
|
|
Re: أختي العزيزة روما (Re: عماد الدين عبدالله)
|
الدكتور عماد عبدالله
حياك الله
طبعا لسه في الشغل منذ الصباح والابنة ( علا ) تلح بالموباتيل ان حي علي الغداء. فسرقت الزمن ولبيت النداء ، بين ونسة الوالد العزيزة وسهاد العيون . كانت ساعات الغداء تجري كالسحاب بين ذكريات الوالدة وجنون الاسعار في السودان الحبيب. هرولت مسرعا الي اشعة الحاسوب ومكوث الاجتماعات وبين كاسات العصائر . حبي لك كل التقدير والتجلة .
عزالدين عباس الفحل ابوظبي
| |
|
|
|
|
|
|
Re: أختي العزيزة روما (Re: عماد الدين عبدالله)
|
الدكتور عماد عبدالله
حياك الله
شايفك مساهر ، وانا اجلس الحاسوب كسائق القطار اقف علي السلم . واستنشق الهواء الطلق والشجر والسحاب يجريان خلفي وزمارة القطار تعلو . وامد يدي لالطقت الهواء الطل والقطار يسير . من يقلب الصفحة ؟ العصافير ام النسور ؟ الامل ام النسيان ؟ الوجد ام اللوعة ؟ الغربة ام سهاد العيون ؟ لك حبي وتقديري يا دكتور عماد .
عزالدين عباس الفحل ابوظبي
| |
|
|
|
|
|
|
Re: أختي العزيزة روما (Re: عماد الدين عبدالله)
|
اتمنى الا تكون مداخلتى دى قلبة لصفحة تحمل رقمآ كبيسآ وكئيبآ لى شخصيآ ولاغلبية السودانيين.
بالنسبة لاقتراح كتاب الشعبية اقترح ان ننشر هنا صور ابائنا وامهاتنا وتضمينها الكتاب المقترح. فمنازل الشعبية منحت لهم - هؤلاء العمال الكادحين والطبقة العاملة الوفية. ولاطفالهم طبعآ.
هل من يحكى لنا كيف كان التقديم ومعايير الاستحقاق؟ ويا ريت لو فى استمارة رسمية من ذلك التاريخ.
انا بتذكر يوم رحيلنا لبيت الشعبية من حلة حمد. كان ذلك فى 1966 او 1967 كنا نسكن فى حلة حمد فى بيت كبير وجميل مع جدى وحبوبتى وخيلانى. مشيت شفتو حين عدت الى بحرى عام 2005. وشفت بيت حلة الميرى ايضآ حيث سكن جدى وحبوبتى الى ان توفى جدى العامل فى النقل النهرى عام 1972 وانتقلت حبوبتى الى البيت الذى بناه جدى ولم يعش فيه فى الحاج يوسف . بيوت حلة الميرى او القطاطى طبعآ ازيلت بعد بيعها لشركة قطرية.
حاجيب صور قووقلية فضائية لبيتنا القديم فى حلة حمد وبيت جدى فى الحاج يوسف قريبآ.
| |
|
|
|
|
|
|
Re: أختي العزيزة روما (Re: Emad Ahmed)
|
Quote: : عندي مشكله بالمداخلات بتعمل في تشويه شكل الصفحة |
أخى ولـيد ســـلام ليك :
لاحـظت فى مـداخلات بـحـرى طراوة أنو الفلاتـر بتقفـل لى البورد فورا فى أغلب الحالات. ونفس الشئ يـحصل مرات مع بوست الشعبية مما يدل على وجود فيروس أو حصان طروادة من هاكر. وحتى تشويه المداخلات ربما يدل على ذلك.
ولأنو أنا عندى سـبع فلاتـر بتاعة حماية، ظنييت أنو دا مقصور على الفاير فوكس فأستعملت سافارى. وكانت نفس النتيجة بس أقل بكثير من فاير فوكس. وأنا طبعا لا أستعمل إنترنيت إكسبلورر إطلاقا لأنه مشاكله كثيرة فهو مستهدف من عدد كبير من الهاكرز
أنا إن شاء الله برسل ليكم قائمة ببرامـج الحماية المجانية التى يمكن أن تساعد فى حماية وتنظيف أجهزتكم وتزيد من سرعتها وكفاءتها. وهى جميعا متوائمة ولا تتضارب فيما بينها. وزى م أنا شايف عند أولادى إنها تؤدى نفس ماتؤديه نسخها التى يجب شراؤها. فالشركات والمؤسسات تلزم بشرائها. أما الأفراد فيمكن إستعمال النسخ المجانية لأنو هذه البرامج مـدعومة.
لكم الــود والسلام
| |
|
|
|
|
|
|
Re: أختي العزيزة روما (Re: Emad Ahmed)
|
الاخ الموثق العام والصديق الغالى عماد احمد.. لك الشكر والتقدير على كل ما بذلته من جهد..اولا فى روعة هذه التواثيق التى اتابعها باهتمام بالغ. والتى اضافت لى الكثير حقيقة. وثانياعلى قيامك بالاتصالات مع من سيعطونى العضويه ومباشرة ذلك معى هاتفيا..لك التحيه والتجله. وراجع ليك...
| |
|
|
|
|
|
|
Re: أختي العزيزة روما (Re: Adil Osman)
|
Quote: اتمنى الا تكون مداخلتى دى قلبة لصفحة تحمل رقمآ كبيسآ وكئيبآ لى شخصيآ ولاغلبية السودانيين. |
الاخ الحبيب عادل لقد حلقت بك مداخلاتك بعيدا عن رقم الكآبة ووقع فيه شقي القيد انني اؤيد اقتراحك بان نضع صور لابائنا وامهاتنا رموز الصممود والتحدي والكفاح الذين كان لهم الفضل في ما وصلنا اليه فلهم كل التجلة والاحترام والتقدير وربنا يرحم من توفي منهم رحمة واسعة ويسكنه مع الصديقين والشهداء لك كل التحايا اخي عادل ودمت لمحبيك
| |
|
|
|
|
|
|
Re: (Re: عزالدين عباس الفحل)
|
الاهل والاحباب ببوست الشعبيه اولا وبدون فرز اتقدم لكم جميعا بالشكر والتقدير لما بذلتموه من جهدمن اجل ان انال هذه العضويه لكى نتواصل وثانيا فليعلم الجميع وخاصة اخونا عزام اننى سعيت لهذه العضويه عشان اكون متواصل مع اهلي وعشيرتى بالشعبيه والتى افتخر واعتز اننى من ابنائهاوثالثا اتمني ان اكون عندحسن ظنكم وان يوفقنى الله واياكم لخدمة الشعبيه وبارك الله فيكم مع خالص تقديرى واحترامى
| |
|
|
|
|
|
|
Re: (Re: هشام درماس)
|
Quote: انني اؤيد اقتراحك بان نضع صور لابائنا وامهاتنا رموز الصممود والتحدي والكفاح الذين كان لهم الفضل في ما وصلنا اليه فلهم كل التجلة والاحترام والتقدير وربنا يرحم من توفي منهم رحمة واسعة ويسكنه مع الصديقين والشهداء |
شكرآ يا د. عماد. هذا اقل شئ نعمله لتوثيق الشعبية الحبيبة.
ارحب بالمغنى الشاب هشام درماس
| |
|
|
|
|
|
|
Re: (Re: Adil Osman)
|
الاخ العزيز عادل عثمان اشكرك كثير الشكر وكم تمنيت التعرف عليك وخصوصا انتم بالنسبه لنا قدوه وربنا يحقق امانيكم
| |
|
|
|
|
|
|
Re: (Re: هشام درماس)
|
الاخ الاستاذ هشام درماس
حياك الله
الفنان المبدع الف مرحب بيك بين اخوانك في حوش الحاج حمد في كل البقاع . كندا ، امريكا ، انجلترا ، اليونان ، اليابان ، السعودية ، قطر ، الامارات ، وفي داخل السودان الحبيب ، مصر . والمانيا ، كلنا نرحب بيك يا كنار .
مع خالص الود
عزالدين عباس الفحل ابوظبي
| |
|
|
|
|
|
|
Re: (Re: عزالدين عباس الفحل)
|
الغالي عماد احمد
حياك الله
اخي العزيز اشكرك كل الشكر علي مداخلاتك الدائمة في خيمة. كبـــوشية نجـــة تــزين سمــاء دار جعــل . ولي طلب بسيط لو امكن توثق لينا :- اغنية الفنان المبدع محمد الامين ( حقيت الاسم يا سالم الارباب ) الوالدة العزيزة حكت لي كثيرا عن شخصية ( سالم الارباب ) وعن فحولته وشجاعته البكر . وقالت جدك ( ســـالم الاربــاب ) كان من ملوك اسلافك دار جعل من سلالة السعداب . وكان له سلطان وسولجان ومهابة وكرم حاتمي فذ . وهو ابن ادريس الارباب جد السعداب اسمه الحقيقي ( سالم ادريس الارباب ). وياليت شعري بليلة في كثبان كبــــوشيــــة الســــاحــــرة .
عزالدين عباس الفحل ابـوظبـي
| |
|
|
|
|
|
|
Re: (Re: عزالدين عباس الفحل)
|
الاخ الكريم عزالدين الفحل لك الشكر اجزله . وانا فى غاية السعادة ان اكون فى حوش الحاج حمد الذى جمع ولم شمل كل الشباويه فى العالم................. وحياكالله
| |
|
|
|
|
|
|
Re: (Re: هشام درماس)
|
Quote: الاهل والاحباب ببوست الشعبيه اولا وبدون فرز اتقدم لكم جميعا بالشكر والتقدير لما بذلتموه من جهدمن اجل ان انال هذه العضويه لكى نتواصل وثانيا فليعلم الجميع وخاصة اخونا عزام اننى سعيت لهذه العضويه عشان اكون متواصل مع اهلي وعشيرتى بالشعبيه والتى افتخر واعتز اننى من ابنائهاوثالثا اتمني ان اكون عندحسن ظنكم وان يوفقنى الله واياكم لخدمة الشعبيه وبارك الله فيكم مع خالص تقديرى واحترامى |
مليوووووووون مررررررحب بيك يا فناننا يا راقي الدار مفروشة ليك ابقى داخل لاجوه الجميع في انتظارك
| |
|
|
|
|
|
|
مرحباً بأخونا هشام درماس (Re: هشام درماس)
|
مرحباً بأخونا هشام درماس ، الحوش زاد نور. لا أعرفك شخصياً ولكن أعرف أخاك أحمد درماس الذي درست معه في الأميرية 2 وكنا معاً في تنظيم الرواد وقد خلفته في رئاسة وحدة الأميرية 2 . سلامي الكثير لأحمد درماس وأتمنى لك مشوار موفق في التوثيق والتواصل في هذا البوست.
ملحوظة: الخط ما واضح في المداخلة ، أو أنا محتاج لنظارة جديدة. أخوك أمير قناوي
| |
|
|
|
|
|
|
Re: مرحباً بأخونا هشام درماس (Re: أمير قناوي)
|
الدكتور امير قناوي
حياك الله
كلما رايت صورتك البهية اتذكر اخوك ( عصام قناوي ) ، ذلك الرجل البشوش ، المبتسم دائما .. كان الاخ ( عصام قناوي ) مبرزا في مادة اللغة العربية . ومطلعا ويجيد التعبير في ماد الانشاء . ومعه الاخ منير عبدالرحيم . كان الاخ ( عصام قناوي ) معي في الفصل بـ مدرسة المساكن الشعبية جنوب الابتدائية . ونواصل نسبة لضغط الشغل انقطع عن الحديث عفــوا .
عزالدين عباس الفحل ابوظبي
| |
|
|
|
|
|
|
Re: مرحباً بأخونا هشام درماس (Re: عزالدين عباس الفحل)
|
العمدة:
Quote: يا شعبياب ترحيب حار بالاخ هشام درماس خلاص استلم الباسويرد وعمل اول مداخلة في بوست الترحيب الفاتحو الاخ بدر الدين الامير
|
ترحيبي اللامحدود بالصديق وابن الحارة والشعبية المبدع<هشام درماس> بنيل عضويته بالمنبر والتالي البوست،وكما ذكرت بان عضوية هشام خلقت نوعا من التوازن،بين المربعات،حيث كنت مشتت الهوي بين مربعنا وانطلاقي منه علي الشعبية في الكل،ومربع6/7 الذي يضم منازل ناس هشام حيث قضيت معظم طفولتي بينهم،المرحوم عمر سليمان اللهم اغفر اليه واسكنه فسيح الجنان،وشقيقه ياسر حكومه،محمد درماس،احمد ربشه وهذا الاحمد يحتاج لمجلدات لنبش سيرته وجزالة روحه المرحه،وهو شقيق بدرالدين توما ويسري جدو وبرهان. وكان هشام يافعا يصغرنا قليلا يدندن بعزب الالحان،ولا نعيره اهتماما وزمار الحي لا يطرب،قلب هشام الطاولة ورعي موهبته وتحدي الظروف الاجتماعيه،او التي تكبل له موهبته،وتخلص من كل الخجل الاجتماعي المحيط وانطلق،وكسب الرهان. وهذا مانود من هشام سرده وكتابته الينا. لان في جعبة هشام المزيد من سيرة الشحرور الاسمر. ترحيبي وجمال ابوامنة بيك اطبق المسافات ميلا بيننا.
مودتي
| |
|
|
|
|
|
|
Re: مرحباً بأخونا هشام درماس (Re: أمير قناوي)
|
شكرا الاخ امير قناوى فعلا انتو اكبر مننا كتير اناالان مع اخى احمد فى الدوحه وهومتابع معى بوست الشعبيه وبيسلم عليكم كلكم وبيقول ليك ياامير ارسل له تلفونك عشان يتواصل معاك. انا طبعا دفعة ابراهيم قناوى ساكن فى الديوم جوار مستشفى احمدقاسم هل هوقريبك ولااسم علي اسم عموما لك التحيه واتمنى ان يكون الخط ده واضح وكما اتمنى التواصل
| |
|
|
|
|
|
|
Re: مرحباً بأخونا هشام درماس (Re: هشام درماس)
|
Quote: أمين محمد سليمان
تاريخ التسجيل: 08-08-2009 مجموع المشاركات: 972
Send me A Private Message Re: لماذا لا يخرس الشمال ؟!! (Re: أمين محمد سليمان)
طالما أبوروف هي عاصمة جمهوريه أمدرمان ، و ناس بحري السغله ديل ما معانا ، ما عندي أي مشكله !! شكرا يا هاني علي الخريطه الألم ، و شر البليه ما يضحك ! |
| |
|
|
|
|
|
|
Re: مرحباً بأخونا هشام درماس (Re: حسن طه محمد)
|
الف مرحبا بالفنان ابن الشعبية هشام درماس
أرحب بالأخ الفنان هشام درماس و بعد دا لو عندنا حفلة في البوست ح تكون ملح!! يا هشام ما تقول لي بس حق العازفين..هشام اضافة للبوست و للمنبر..يا مرحبا و دي فرصة لشكر هشام على تواصله معنا قبل نيله للعضوية من خلال رسائله و اتصالاته التلفونية..
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
ألف مرحب بالفنان وإبن الشعبية هشام درماس
معليش جئت متأخر ..كنت فى السوق أشترى بعض الأغراض لزوم
السفر ( دى لى ناس دقا الوتد وناس الجدادة) قال دقا الوتد
أها الوتد دقيتو وحأسافر كيتا فيكم الإتنين وحأضبح أكبر خروف
حتى لو بى مليون وزى ما قال دكتور عماد مسافر مسافر كان كدارى
كان عوم ..
| |
|
|
|
|
|
|
Re: مرحباً بأخونا هشام درماس (Re: شمس الدين ساتى)
|
Quote: Re: لماذا لا يخرس الشمال ؟!! (Re: أمين محمد سليمان)
طالما أبوروف هي عاصمة جمهوريه أمدرمان ، و ناس بحري السغله ديل ما معانا ، ما عندي أي مشكله !! شكرا يا هاني علي الخريطه الألم ، و شر البليه ما يضحك !
والرد لنا |
الاخ عامر باضاوي مثل هذا الجهلول اذا ردينا عليه معناها اعطيناه قيمة ومر مرور السحاب ياعمي واعفص له
------
ود درماس مبروك وبتصل عليك بس اخلص قراصة السمن دي واجيك
| |
|
|
|
|
|
|
Re: مرحباً بأخونا هشام درماس (Re: شمس الدين ساتى)
|
اخي المسافر للديار شمس الدين ساتى بالجد كده الناس ديل كلهم حاسدنك لانك ماشى تعيد مع الاهل فى السودان وتكون فى حضن الشعبيه الام الحنون ودى امنية كلو واحد فيهم وربنا يتم المراد ولااذيع سر: اننى سوف الحق بك بعد يومين . لك الشكر واتمنى ان نتقابل فى الحضن الدافى . لك التحيه .
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
رسالة من الأخت الدكتورة ستنا:
بسم الله الرحمن الرحيم الاخوة الشعبياب السلام عليكم ورحمة الله تعالي وبركاته
منعتني بعض الظروف من الكتابة ليكم لكني متابعة كتاباتكم الرائعة روعة الشعبية
نجي لكشف اخونا البروف عبدالرحمن ابراهيم محمد مقامك كبير يا بروف، انا شايفة مريم تعمل كشف القروش وانا أعمل كشف الضروس خصوصا بعد العضة والعايز طقم بكون ظاهر والعايز تقويم بنعمل ليه و ذي ما قالت مريم بجيب عدتي وبجي وجاهزين للدفع
كتب اخونا آبدون
آآى والله يامريم الطقوم بس عز الطلب لصاحبى داك ابو عيون المتصبين وعامل فيها شباب
و الطقم بتاعه ليهو خمسة سنة ماغيره
شايفاك ما صدقت جابو سيرت الطقوم عملتها في صاحبك طوالي غايتو بكشفي ده حا نعرف منو العايز طقم والله يكضب الشينة
تشبيهك للتركين مبالغة طبعا اختك بتاكلو نجيض لكن ما بعرف اعملو والحمدلله زوجي بكرهو التقول ما دنقلاوي مرة عزموني تركين كارب لقيت ليك اهل الخبرة بشربو حرجل بعد الاكل ياجماعة لي شنو قالو بقلل العطش وطبعا زي ما في الصورة الجابها اخونا عادل بعرف البلح بقلل العطش ،لمن تجي الدوحة ادينا خبر عشان نلاقيك
مقترحاتك بالنسبة للبوست جميلة وافكار دكتور امير اجمل ونحن معاكم في اي شئ تطلبوه
اخونا شمسي ياخي اجازة سعيدوة وتمشي وتجي بالسلامة وكيتن لي اخوانا المتامرين عليك عندي احساس حا تطبح خروفين واحد ضحية والتاني سلامة الجية بس كتر من الصور عشان تكيد العوازل
وليد والسمن البلدي انشالله تأكلو بالهنا لكن بتعزم عابدون براه ليه ما كلنا مشتهين الاكلات دي!
اخونا عزالدين تحياتي وانت تتحفنا بطرائفك الحلوة حلاوة بنتك علا ربنا يخليها ليك ويخليك ليها وسلامي للحاجة وحمدالله علي سلامتها معليش التهنئة بسلامة الوصول جاءت متأخرة
تهانيً اخي اسامة سعد بالمولود محمد ربنا يحفظه ليك ولي امو هو اخوانه ويسعدك به دائما اختي دكتورة مريم حديثك عن الاسترخاء جميل ربنا يزيدك علم ويديك العافية وانشالله اطبق كلامك ده بالجد بنحتاج للاسترخاء من حين لآخر
كلامك عن كوضيم اليونانين ديل ضحكني شديد يعني الجماعة ما عندهم بري مابينفع معاي طوالي اكل وزي ما قال اخونا عابدون ،اخو ناس رجاء عبد النعيم(التومة)كما يحلو لعبدون مناداتها متزوج يونانية (مريا)دخلت في الناس زي البتعرفهم من زمان وفعلا تاكل القراصة زي الماحصل شئ
زكرتيني باول عيد لي عملت عمايلك دي ومافي زول جانا بعد الصلاة ولا حاجة بكيت بكيتي وسكت! وبعد التعويد بقيت انوم نومي وناخد لفة المسا ربنا يرد غربتنا يا روما ونعيش لحظات العيد الجميلة آمييييييين
اخي الفاضل يسن في مداخلة سابقة عرفت انك ساكن بالقرب من ناس فوزية وامل محمد شاطر لي صديقة سامية يسن درست معي المرحلة االابتدائية هل عندك علاقة معها ام تشابه اسماء لانها ساكنة في نفس المنطقة اخي خالد درق تحياتي وشكرا للسؤال اهو نمشي ونجي يديك العافية وانت تعطرنا باللحظات الجميلة
وزير التوثيق اخي عماد احمد يديك العافية وانت تتحفنا دائما بالروائع وفي الانتظار كل خميس
ودمتم في رعاية الله
اختكم
ستنا خضر
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
Quote: الاخ / عابدون تحية عطره
الاخوان بالبوست السلام وعليكم ورحمة الله وبركاتة
مبروووووووووووك الصفحة 89 وان شاءالله المزيد
كما زكر الاخوان ان العيد فى الغربه صعب فعلمتني الغربه
أن أنظر إلى الورد كلما ضاقت نفسيي ولكنها في نفس الوقت علمتني أن أبتعد عنه …
علمتني الغربة وافهمتني تلك القصة التي كانت يحكيها لي أبي وأنا طفل عن الصداقة فأدركت أن للصداقة حدود أبعد بكثير من مجرد كلمات تقال ..
علمتني الغربة أننا نملك أشياء كثيرة لكننا لا ندرك قيمتها
علمتني الغربة أن أكتم ألمي بداخلي وإن كانت ستفضحه عيوني فلعل الإنسان الذي آلمني في تللك اللحظة ليس هو الإنسان
الذي عرفته سنيناً
علمتني الغربة الكثير والكثير وكان من بين ما علمتني أنها أخبرتني من أنا ..
علمتني ان الانسان (في الوقت الحالي) لا يهمه الا مصلحته
علمتني ان الموت ألف مرة فوق ترابك يا شعبية اهون من التفكير بالخروج خارجك..
فإن الغربة في كل حرف منها حرقة قلب مشتاق
وحنين ... وألم ... وعذاب
الغربة كربة كما يقال ولكن فيها يتعلم الإنسان المحال
و يقدر قيمة تراب أرضه ..
علمتني الغربة وما اقساه من تعليم
ان تحس بانك وحيد في وسط الكل فيه يرغبك ولكن كل لمصلحته
علمتني ان ارى صديقي في الوطن عدوي خارجه
كل هذا لا يساوي دمعة عين من امي لفراقي
وربنا يرجعنا سالمين الى بلدنا جميعاً يارب
ولكم الود
اخوكم خالد درق ... دبى
|
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
Quote: الاخ / عابدون تحياتى
اهل الشعبية الطيبين الف سلام
الاخ / الفنان المبدع هشام درماس الف الف الف مليون مبروك لحصولك الباسورد ودخولك الحوش الكبير واتمنا لك ان تتحفنا بروائعك يا فنان ولك الود
اخوك خالد درق ... دبى
|
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
دكتورة ستنا اول حاجة بركة الجيتى ..
تانيا حاولى اضربى على صاحبتك التومة دى بى جاى شايفها متجرسة من الغربة ..
بعدين بالنسبة للطقم بتاع صاحبنا انا بقول ليكى ماتحاولى تغطى عليهو انا متأكد بيكون ضرب ليكى عشان تعملى ليهو طقم جديد لكن صاحبى انا عارفه مابيدفع قروش عايز يملحك عشان كدة اعملى ليهو طقم كدة على الماشى من عضم سخلة ولا غنماية تمشى ليهو الحال ايام العيد بتاع الضحية ولا اقول ليكى حاجة قولى ليهو تعال بعد العيد عشان يشرب مديدة ايام العيد ..
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
الحاج حمد ربنا يديك الصحه والعافيه وحقيقة يعجز اللسان علي مايوفيك به من حق عليناعامة وعليا خاصة وربنا يقدرناعلى جزاك ..وبالنسبه للحفلات انا على استعداد تام ومش كده وبس وكمان حادفع فى الكشف
| |
|
|
|
|
|
|
Re: مرحباً بأخونا هشام درماس (Re: هشام درماس)
|
صور الاذاعات المدرسية التي تم توفيرها من مساهماتكم:
صورة توضح الاذاعات التي تم توفيرها لمدرستي البنات و مدرسة الأولاد
سمير جورج و حيدر الجقدلي
جورج يقوم بتسليم الاذاعة للأستاذ أحمد يوسف الأمين بمدرسة الأولاد
| |
|
|
|
|
|
|
Re: مرحباً بأخونا هشام درماس (Re: هشام درماس)
|
شكرا كتير ليك يا دكتورة ستنا على المساندة ضد المدعو أبدون
لكن حقيقة أنا محتاج لتركيب أضراس لأنها مسوسة شديد بس ما طقم
كامل كما يدعى صديقى المأفون(حلوة مأفون دى)..
شكرا ليك يا حاج على إنزال صورة قريبى سمير إدريس . وهو رجل هميم
يحب عمل الخير كثير وبارك الله فى الشعبية وأهلها
| |
|
|
|
|
|
|
Re: مرحباً بأخونا هشام درماس (Re: هشام درماس)
|
Quote: الحاج حمد ربنا يديك الصحه والعافيه وحقيقة يعجز اللسان علي مايوفيك به من حق عليناعامة وعليا خاصة وربنا يقدرناعلى جزاك ..وبالنسبه للحفلات انا على استعداد تام ومش كده وبس وكمان حادفع فى الكشف |
أخي الحاج حمد الحاج إنشاء الله في ميزان حسناتك عهدناك دوما رجل معطاء . سبق وان قام المبدع هشام درماس يعمل حفل غنائي مع زملائه أولاد بحري
فرفور ومحمود عبد العزيز وتم التبرع بريع الحفل كاملا دعما لفريق الشعبية
التحية لك أخي هشام درماس ونتوقع الكثير منك خلال الفترة القادمة .
| |
|
|
|
|
|
|
Re: مرحباً بأخونا هشام درماس (Re: Emad Ahmed)
|
صور تسليم الاذاعة بمدرسة البنات:
سمير جورج مع مديرة المدرسة و الأستاذة منى فضل الصبي شقيقة الأخ محمد حلوبي src=http://www.sudaneseonline.com/uploadpic/Nov09upload/sud...sudansudansudan1.JPG border=0 alt="sudansudansudansudansudansudansudansudansudansudansudansudan1.JPG Hosting at Sudaneseonline.com">
السيدة مديرة مدرسة البنات (مدرسة الخشب سابقا)
الأستاذة منى فضل الصبي و هي سعيدة باستلام الاذاعة الداخلية الجديدة
الأخوان هشام درماس و عماد عثمان هذا العطاء من الجميع حتى الذين كانوا معنا بمشاعرهم و لم تمكنهم ظروفهم المادية في ذلك الوقت بالمساهمة و ننتظر مساهمتهم في أعمال قادمة..الشكر للجميع و مساهمتي كانت اكثر من متواضعة مقارنة مع آخرين..شكرا لكما.
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
جقدليات:
صورة حديثة للأخ حيدر علي صالح (الجقدلي)
عند أخذ الصورة اعلاه التي يظهر فيها الأخ جورج مع الأخ الجقدلي و الاذاعات ، قلت للجقدلي ح انزل الصور و أكتب تعليق تم تسليم الاذاعات بحضور الأخ الجقدلي لكن أقول بصفتو شنو؟ رد علي: قول رئيس اللجنة الشعبية ثم أردف و هو يضحك: مع انها حاجة ما كويسة!!..تحياتي للأخ الجقدلي
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
يا خالد درق السلام عليكم عليك الله الكلام والخواطر الجميلة دي بتجيبها من وين؟ من راسك ولا من كراسك؟ لو من راسك، اوووه معنى ذلك عندنا شخصية مبدعة إلى الحد البعيد ومغمورة! وحتى لو من كراسك، هذه الاختيارات والله ما سهلة، وتدلّ على وعيك الكبير بلا مجاملة!
| |
|
|
|
|
|
|
Re: مرحباً بأخونا هشام درماس (Re: صلاح عباس فقير)
|
خالد درق
Quote: الغربة كربة كما يقال ولكن فيها يتعلم الإنسان المحال
و يقدر قيمة تراب أرضه .. |
الغربة ليست جمع مال (مع انو المال زاتو جمعو بقى صعب جدا) انما مدرسة يجب أن نتعلم منهاالكثير.تحياتي لك.
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
غني و شكري يا خدرة الورتاب فوق ود الفحل الليله جبتا جواب حقيت الاسم ياسالم الارباب قيدومة العيال ... ركازة للمرهاب
الفحل الكبير: هو الفحل بن ادريس اخو بنت بره والدة محمد والد المك نمر .
------------------------- ود الفحل كان طيبين بنتلاقى وبنشوف اغاني الفراسة والحوبة وسيرة الرجال العطره
| |
|
|
|
|
|
|
Re: مرحباً بأخونا هشام درماس (Re: صلاح عباس فقير)
|
كلّ آيات الشكر والتقدير
للأخ الحاج حمد الحاج، ولجميع الإخوة الّذين بذلوا من مالهم
وكذلك الذين بذلوا من جهدهم ووقتهم،
حتّى تحقّقت هذه الثمرات اليانعة!
وكما ترون فإن ابتسامةالأستاذة الفاضلة وفرحتها بالإذاعة المدرسية
تعني الكثير من المعاني والقيم التي سيتعلمها أبناؤنا وإخوتنا الصغار!
مرة أخرى أجدّد شكري وتقديري لكلّ من بذل، ولكلّ من سيبذل!
سائلاً الله عز وجلّ أن يكتب ذلك في موازين حسناتهم يوم القيامة!
آمين!
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
الله يقبحك بس قاعد تفتش فى زى دا
الساعة عشرة يابتاع الكشرا..
السفر تحدد وبإذن الله حأضبح فى كوستى
أها نشوف مخابراتك حتسوى شنو.. شوف عمك سمير جورج
شعرو بقى كيف تقولى عجوز أنا ما عندى صوفة بيضا
مش زيك شايل لى قطن وحايم بيهو
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
قصـــة مؤثـــرة جدا تحكي عن النخوة والرجــــولة لا هل كبـــــوشية الفحـــولة :-
هنا مناحة مشهورة لأحد أعيان القراري في كبوشية وهو :-
المرحوم (اللغا ود الخواض).. اللغا ما (الاغاء) وهو رجل كريم جداً وقالت المناحة امرأة فى مناسبة عجيبة . إذ يحكى أن هذه المرأة خرجت من قريتها إلى كبوشية لتركب القطر وتسافر بحثا عن ولدها الذي اختفى زمنا طويلا وسمعت أنه يقيم في كوستي على او كريمة . وعندما وصلت المحطة، وكان ما تحمله من مصاريف يكفي لذهابها فقط وإن لم تجد ولدها فالله يعلم كيف تعود.. ولكن لحسن حظها صادقت اللغا ود الخواض موجودا بالمحطة.. فأخبرته بقصتها.. فقطع لها تذاكر سفرها من كبوشية حتى مكان ولدها وكذلك تذاكر العودة.. فسافرت وهي لا تحمل هم سوء العثور على ابنها ولاتحمل هم العودة .. وعند عودتها، نزلت محطة كبوشية، فوجدت الكل واجما حزينا وسرعان ما بلغها نبأ وفاة اللغا ود الخواض.. فأنشدت من حينها هذه المرثية.. تقول في مطلعها:-
كم قابّل ضيوفا يعرف أوصافا.. من قديم الدنيا قصّافا ....
وهى تسأل كانها تستنكر او تكذب نباء الوفا :
يا ناظر المحطة.. الليلة القطر شِن جاب؟ ما جاب اللغا البسفر الركاب ؟؟؟ قطّاع التذاكر للبعاد.. وقراب ... يا حليل اللغا القمر البضوي .. وغاب ! يبكنو عماتو.. التلب اللزوم.. يا دوبا أولاد الخواض .. اتواعدو.. وفاتو المجلس حكَر.. هم ياخدو شكراتو ما بربطوهو ني.. با بقعدو في غلاطو عِن(د) موجب الحديث .. قط ما بيتباطو اكان لي عمر.. همل لي عقاباتو واكان للـ اللغا.. حير لي عشيماتو ... من المرسلين.. والأنبيا الفاتو الموت نحن زرعو وحصدو وبلاداتو ومن قديييييم الدنيا قصّافة.... ليك أمّا(ن) تقول.. مسّخ عليها الدور وفي حينا قريب.. جارت عليها ام جور يا التلب اللزوم الـ ماك عِجِل ود تور أمر السيد نفد في حكمو شِن بنقول من قديم الدنيا قصّافة...
الم اقل لكم ان مدينة كبوشية عظيمة برجالها ونسائها .. شوفو كيف النخوة والرجولة قلادة علي محراب كبــوشيــــة
عزالدين عباس الفحل ابــوظبـي
| |
|
|
|
|
|
|
Re: مرحباً بأخونا هشام درماس (Re: عماد الدين عبدالله)
|
اختنا دكتورة/ ستنا
Quote: اخي الفاضل يسن في مداخلة سابقة عرفت انك ساكن بالقرب من ناس فوزية وامل محمد شاطر لي صديقة سامية يسن درست معي المرحلة االابتدائية هل عندك علاقة معها ام تشابه اسماء لانها ساكنة في نفس المنطقة
|
نعم يا ستنا،ساميه شقيقتي الاصغر،وهي مقيمه الان في استراليا سيدني مع اولادها او بالاحري بناتها،فهي منذ وصولها استراليا لم تنزل السودان،بس محتاج افهم بتشجع الهلال كيف من هناك لانها المشجعة الوحيدة للهلال بالبيت مع شقيقها فهمي،ومتابعة للمنبر والبوست يشغف شديد وقبل كدة اعطيتها الباسورد لتشارك معنا،رمتني في الخور والقصة تطول،ابلغك سلامها وللمزيد من التواصل ممكن امدك بتلفونها قريبا. تسلمي دكتوورة
مودتي
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
Quote: الاخ / عابدون تحياتى
اهل الشعبية السلام وعليكم ورحمة الله وبركاتة
الاخ / صلاح عباس فقيرى مشكور اخى على كلامك الرائع يا رائع
هذه الخواطر بتجى عندما افتح بوست الشعبية واجد اخوانى وهم يسردو ما هو جميل عندهم من زكريات وقصص رائعه بعدها تاتي الكلمات تبعاً ولك الود اخى
الاخ / الحاج حمد سيد الحوش مشكور وفعلان الغربة مدرسة يجب التعلم منها الكثير الكثير ، ومشكور على الصور التى تبين مد الجدية فى العمل وان شاءالله المزيد من الانجاز للشعبية الحبيبة ونتمنا ان يكون القادم اجمل يارب ولك الود صورة الجقدلى تزكرك الايام الحلوة فى الشعبية ياسلام عليك
الاخ / عزالدين عباس الفحل يااخى كم انت رائع فى سردك الجميل وبجد بستمتع لم اقراء زكرياتك ولك الود اخى
اخوكم خالد درق ... دبى
|
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
الاخ الفاضل خالد درق ... ( دبى )
حياك الله
Quote:
الاخ / عزالدين عباس الفحل يااخى كم انت رائع فى سردك الجميل وبجد بستمتع لم اقراء زكرياتك ولك الود اخى
اخوكم خالد درق ... دبى |
اخي خالد ادعو لك من كل قلبي بنيل العضوية بكل جدارة فانت تستحقها ، وعن الكتابة في البوست الحكاية انو ما لاقي وقت واليوم تشعر به كانه يجري بسرعة البرق الخاطف مع جنون العولمة والمس كولات .
مع خالص الود
عزالدين عباس الفحل ابــوظبــي
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
اخى وصديقى خالد درق لك الشكر واتمنى ان تنال العضويه لكي نقراء ونسمع اخبارك وصراحه وذي ماقالو انت بتقول كلام درروصدق اللقال المعاناه تولد الابداع .فانت تستحق هذة العضويه وممكن نقول اكتشفنا مشروع شاعرجديد فى الشعبيه ودى طبعا فايده عظيمه بالنسبه لى شخصبا.ربنا بوفقك
| |
|
|
|
|
|
|
Re: مرحباً بأخونا هشام درماس (Re: هشام درماس)
|
دكتورة روما انا ممكن اكل فول في الفطور .. والغداء ... والعشاء تعرفي الايام دي شابك السمن بتاع حاج حمد صباح مساء ام اسيل مره تعمل بيهو كيك ومره ما عارف شنو طوالي شلت الجركن وقلت ليها : السمن دا للقراصة بس .. ولو عندك حاجة تانية امشي السوبر ماركت
دكتور عماد عبد الله والله متابعك لكن والله الايام دي مشغول مع الوالده لانها وصلت قبل امس القاهره للعلاج ودعواتكم ليها
البروف عبد الرحمن ابراهيم نستميحك ان نلبس سوف الوفاء والاخلاص وانت تهم لكل شيء ويدك دائما ممدوده بالمفيد حفظك الله وبارك فيك
ود درماس الونسه معاك عبر الهاتف جميله ونريد ان نترجمها بشكل لقاء داخل بوست الشعبية اما عزام فرح صاحبي ماتشيل همو قلبو كبير
| |
|
|
|
|
|
|
Re: مرحباً بأخونا هشام درماس (Re: وليد عبد اللطيف)
|
اكتب النص هنا وليد عبداللطيف ... وآخرين
Quote: اما عزام فرح صاحبي ماتشيل همو قلبو كبير |
أنا والله قصدي أعَوِد < درماس > على اللئامة وأدرِبو على < السغاله > بِالغين ... الزول ده أكان زول هبشو في المنبر ده ... بِنبقى كُلنا في حرج شديد خالِس يعني ... أخير يِتدرب في حوش الحاج ده ... على الأقل يِعَوِد سمعو على موسيقى نشاز البورد ... لكِن أنا ما كِده والله ... صحي فوقي شوية لئامة ومِقدار بسيط كِده مِن السغاله (برضو بِالغين) ومرات مرات بِتلح زول زولين تلاتة في كُل رُبُع (هييي رُبُع دي ... يعني ربع السنة ... الحول البِتأرشف فوقا المنبر) لكِن < قلبي > ... يا زول أنا كُلي قلب مغروز فوقو كِرعين ولِسان ... بس حِكاية قلبي الكبير دي فغط (بِالغين) لِناس المحس ... قيل ثُم مَن؟ أهل حلفا. قيل ثُم مَن؟ أهل دُنقُلا؟ قيل ثُم مَن يا رسول البورد؟ قيل لأهل الشعبِية. وكان جالِسًا فقام وقال وبحري
| |
|
|
|
|
|
|
Re: مرحباً بأخونا هشام درماس (Re: عزام حسن فرح)
|
العزيز الحبيب الظريف الغالى عزام حسن فرح (ابن خالتى) ولاعندك اى اعتراض لك التحيه ومشتاقين وينك ماظاهر اتمنى ان اشوفك قريب لاننى مسافرفى هذا الاسبوع ومااظن اعود قريب. لك كل الود
| |
|
|
|
|
|
|
Re: مرحباً بأخونا هشام درماس (Re: هشام درماس)
|
عزام حسن فرح
Quote: أنا والله قصدي أعَوِد < درماس > على اللئامة وأدرِبو على < السغاله > بِالغين ... الزول ده أكان زول هبشو في المنبر ده ... بِنبقى كُلنا في حرج شديد خالِس يعني ... أخير يِتدرب في حوش الحاج ده ... على الأقل يِعَوِد سمعو على موسيقى نشاز البورد ... لكِن أنا ما كِده والله ... صحي فوقي شوية لئامة ومِقدار بسيط كِده مِن السغاله (برضو بِالغين) ومرات مرات بِتلح زول زولين تلاتة في كُل رُبُع (هييي رُبُع دي ... يعني ربع السنة ... الحول البِتأرشف فوقا المنبر) لكِن < قلبي > ... يا زول أنا كُلي قلب مغروز فوقو كِرعين ولِسان ... بس حِكاية قلبي الكبير دي فغط (بِالغين) لِناس المحس ... قيل ثُم مَن؟ أهل حلفا. قيل ثُم مَن؟ أهل دُنقُلا؟ قيل ثُم مَن يا رسول البورد؟ قيل لأهل الشعبِية. وكان جالِسًا فقام وقال وبحري |
يا وليد المحسي دا ما تهبشو حالتو قال دي شوية لئامة!! يعني لو اتربى قريب من قبة جدو ما عارف كان ح يكون كيف!! هو بالشوية دي طير ليك محسن خالد من البورد!! المشكلة قراية قراية محل ما تهبشو تلقاهو ناقش!! ما شاء الله ما تقول الرباطابي دا سحرني
| |
|
|
|
|
|
|
Re: مرحباً بأخونا هشام درماس (Re: عصام دهب)
|
حبابك عصام دهب فى حوشنا الدافى ومتابعين كتاحتك بى هناك مع الجماعة ..
Quote: الاخ / عابدون تحية عطره
ناس الشعبية الطيبين الف مليون سلام
الاخ / وليد عبداللطيف ربنا يطمنك على الوالده العزيزة ويديها الصحة والعافية
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفه اللهم اشفه..اللهم امين
ولك الود اخى
اخوك خالد درق ... دبى
|
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
Quote: الاخ / عابدون تحياتى
الاخوان بالبوست السلام وعليكم ورحمة الله وبركاتة
الصداقة كلمة جميلة وتعني الكثير ولى تجربا سوف اسرده ليكم وهى
الصداقة هي أسمى شيء في الوجود.. خصوصاً اذا كانت صادقه وكما أنها تعني الكثير الكثير. فهي الرفيق في الطريق الصعب في بد اية حديثي اذكر . من هو الصديق الحقيقي؟ كثيراً ما أجهدت ذهني في هذا السؤال... ولكني في النهاية علمت أن كلمة "صديق" تعني الصدق وتعني الشخص القريب الذي أطلعه على جميع أسراري بارتياح وثقة في شخصه. يشعر بي، ويفكر معي، ولأجلي، ويظل بجانبي في الضيق وألقاه بجانبي يقويني، ويساندني، وفي الأوقات السعيدة يقف بجانبي يهنئني ويشجعني. اشعر معه بالامان فمن منا لا يحتاج لصديق كهذا. والان من هنا يأتي سؤالي؟ اذا كان لديك صديق مخلص صادق معك جداً وهو قريب الى نفسك وكل اسرارك معه وتستشيره في جميع امورك وصادف ان استشرته في شيءانت تحبه كثيراً ومتمسك فيه جداً بحيث لا تستطيع الاستغناء عنه ونهاك هذا الصديق عنه فترى ماذا سوف تكون ردت فعلك ؟ هل يتحول هذا الصديق فجأة الى شخص عادي لا يهمك رايه وكأنه لم يكن الاقرب الى نفسك فقط لانه اراد مصلحتك ونهاك ؟؟؟؟؟ ام هل تثق به كما كنت دائماً وتاخذ برايه وتترك هذا الشيء حتى لو كنت متعلقاً به وانت مرغماً على ذلك ؟؟؟؟؟؟؟
فقد تعرفت علي صديق بل هو أكثر من أخ ( ورب أخ لك لمن تلده امك ) فهو هذا الصديق المخلص الوفي الزي لايكاد اليوم أن ينقضي من غير أن أزوره أو اتحدث إليه عبر الهاتف لأعرف أخباره وأحواله وأشاركه الحديث وأستشيره في جميع الأمور صغيرها وكبيرها . وأنني لأعتبره نعمة من نعم الله عز وجل التي أنعم الله بها علي , حيث أنه أخي وصديقي وجاري في السكن في نفس الوقت حيث أن الغربة والبعد عن الوطن والأهل يصيبك بالأحباط والقلقل وكآبة الوحدة ولكن بحمد الله وبوجود هذا الصديقالوفي أستطعت أن أبدد كثير من المحن والإشكالات وأن لاأحس أنني في غربة نهائياً . ومع هذا كله فهو الأخ الورع التقي الزي إذا تأخرت عن اداء أي وقت من الأوقات في المسجد فهو من ينصحني ويؤنبني حتي أعود وأرجع للمداومة علي الصلاة في المسجد وينصحني في أمور كثيرة كثيرة ومنه قد إستفدت الكثير الكثير . فأسأل الله أن يحفظه ويعينه علي طاعته ويحفظ له زوجه وأبناءه ويرزقه الرزق الوفير أميييييييييييييييين ياااااااااااااااااااااااااااااااااارب العاااااااااااااااااااااالمين
ولكم الود اخوتى
اخوكم خالد درق ... دبى
|
| |
|
|
|
|
|
|
Re: مرحباً بأخونا هشام درماس (Re: عابدون محمد عابدون)
|
Quote: الاخ / عابدون تحياتى
اهل الشعبية السلام وعليكم ورحمة الله وبركاتة
الاخ / صلاح عباس فقيرى مشكور اخى على كلامك الرائع يا رائع
هذه الخواطر بتجى عندما افتح بوست الشعبية واجد اخوانى وهم يسردو ما هو جميل عندهم من زكريات وقصص رائعه بعدها تاتي الكلمات تبعاً ولك الود اخى
الاخ / الحاج حمد سيد الحوش مشكور وفعلان الغربة مدرسة يجب التعلم منها الكثير الكثير ، ومشكور على الصور التى تبين مد الجدية فى العمل وان شاءالله المزيد من الانجاز للشعبية الحبيبة ونتمنا ان يكون القادم اجمل يارب ولك الود صورة الجقدلى تزكرك الايام الحلوة فى الشعبية ياسلام عليك
الاخ / عزالدين عباس الفحل يااخى كم انت رائع فى سردك الجميل وبجد بستمتع لم اقراء زكرياتك ولك الود اخى
اخوكم خالد درق ... دبى
|
| |
|
|
|
|
|
|
Re: مرحباً بأخونا هشام درماس (Re: عصام دهب)
|
Quote: يا وليد المحسي دا ما تهبشو حالتو قال دي شوية لئامة!! يعني لو اتربى قريب من قبة جدو ما عارف كان ح يكون كيف!! هو بالشوية دي طير ليك محسن خالد من البورد!! المشكلة قراية قراية محل ما تهبشو تلقاهو ناقش!! ما شاء الله ما تقول الرباطابي دا سحرني |
اخي ود حمد يازول محسن خالد افتكر مافي زول في الدنيا ممكن يجالده وقال انا مجالد وربنا سلط عليه عزام فرح لكي يعرف قدرة الله عليه الى ان طرحه السرير الابيض من ارهاق عزام فرح له في المنبر
ود حمد ماتشيل همي هو يوم بجيني حلتنا وبوديهو الرياض بكان الالم والوجع ويعرف الله واحد
------------------------------------- ودحمد جركن السمن قرب يخلص
| |
|
|
|
|
|
|
Re: مرحباً بأخونا هشام درماس (Re: الحاج حمد الحاج)
|
Quote: سلامة الوالدة يا وليد |
الله يسلمك ياشمس الدين طبعا زي ماعارف وفاة شقيقتنا مؤثرة على الوالده شديد وصحتها اصبحت متدهوره جدا ونفسياتها فى الارض وانت تعرف قلب الام وهي طبعا اهملت نفسها شديد لدرجة في الاونه الاخير صعب عليها الاكل المهم اليوم اتصلت عليهم الصباح وهي بخير وصحة جيده الحمد لله
| |
|
|
|
|
|
|
Re: مرحباً بأخونا هشام درماس (Re: Adil Osman)
|
أخــى ولـيد
ســــلامة الوالدة
الله يشـفيها ويحـفـظها ويشـفى كل عزيز لديكم ولدينا
ويرحم الله أختكم وكل عـزيز أختاره إلى جواره ويلزمكم والوالدة الصبر والسلوان
ودمتم فى حفـظ المولى
| |
|
|
|
|
|
|
Re: مرحباً بأخونا هشام درماس (Re: عبدالرحمن إبراهيم محمد)
|
عادل محمد عثمان
Quote: الحاج حمد تحياتى وشكرآ على مجهودات سمير جورج وحيدر الجقدلى وباقى الشباب فى الشعبية ارجو ان تستمر التبرعات والدعم |
ان شاء الله يا عادل بكم سيستمر الدعم من اجل الشعبية..بعد أن نرتب الاولويات مرة أخرى و تحديد تكلفة تقديرية سنقوم بفتح باب التبرعات مرة أخرى.
الأخ وليد عبد اللطيف
سلامة الوالدة و ربنا يمتعها بالصحة و العافية و رحم الله الدكتورة رحاب و حفظ ابنتها..
| |
|
|
|
|
|
|
Re: مرحباً بأخونا هشام درماس (Re: Adil Osman)
|
وليد ...
Quote: ماتشيل همي هو يوم بجيني حلتنا وبوديهو الرياض بكان الالم والوجع ويعرف الله واحد |
شُفت زهرة يانعة في رِياض ... جرى دمعي شوق أبحُر فِـياض ... يِمْه ... مكتول جناك في الرِياض ...
| |
|
|
|
|
|
|
Re: مرحباً بأخونا هشام درماس (Re: هشام درماس)
|
Quote: دكتور عماد عبد الله والله متابعك لكن والله الايام دي مشغول مع الوالده لانها وصلت قبل امس القاهره للعلاج ودعواتكم ليها |
الاخ العزيز وليد ربنا يكتب سلامة الوالدة وما تشوف شر ان شاء الله
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك
| |
|
|
|
|
|
|
Re: مرحباً بأخونا هشام درماس (Re: مريم عبد الله)
|
اخوي دكتور قناوي
ربنا يرحم الوالد ويطول في عمر كل من تحب
بالجد الغربه صعبه بالذات لما نحتاج لي احبابنا حوالينا وما نلقاهم
ربنا يرد غربتنا ويبارك لينا في اسرنا
تقبل سلام محمد وسلم لي على كل اسرتك وربنا يغتي عليكم
روما
| |
|
|
|
|
|
|
Re: مرحباً بأخونا هشام درماس (Re: مريم عبد الله)
|
شمشي
ربنا يكتب ليك السلامة وتصل بالف خير قطر ح تضلم والسودان ح ينور
ان شاء الله تكون خلصتا مشاورير السوق وخلصتا كل اجراءات وتجهيزات السفر
سلم على كل الشعبيه وكوستي وكل اهلكم و من حسا ضبيحتك مبروكه ومقبولة
لما تمشي السودان ما تقطع من البوست ادخل طل علينا
روما
| |
|
|
|
|
|
|
Re: مرحباً بأخونا هشام درماس (Re: مريم عبد الله)
|
دكتورة ستنا خضر
شفتي شلاقة اختك قدر شنو بس وحاتك العيد البعده لو ما كان رمضان قبليهو ولا كنتا ح اعرف ان في عيد
العيد يا مع الاهل يا بلاش ربنا ما يحرم واحد من العيد مع اهله وناسه
بالنسبه للطقم لي ابو الشموس ح اقول ليك شي تعرفي اغنيه يا عقد اللولي دي بتنطبق عليه ماشاء الله
شمسي شاب ولو شفتيه ما بتقولي انه كمل ال35 سنه بتقولي عليه 17 سنه
تحياتي لي زوجك ولي اسرتك
روما
| |
|
|
|
|
|
|
Re: مرحباً بأخونا هشام درماس (Re: Emad Ahmed)
|
اختنا روما تحياتي واحترامي شفتي الطلة خلال الاسبوع بتريح النفس كيف وناس الشعبية كلهم محتاجين لطلتك البهية عشان كده كلو يومين شوفي الحاصل شنو في الشعبية ما تنتظري نهاية الاسبوع
| |
|
|
|
|
|
|
|