|
Re: مدرســـــة المســاكن الشعبيــة الابتدائيــة جنــوب (Re: عبدالوهاب علي الحاج)
|
Quote: ليست لدي معلومة ،بان اي من ابناء الشعبية درس فيه. |
الاخ العزيز الفاضل تحياتي درس الاخ محمد حسين العربي اخ اللاعب الحريف عادل حسين في معهد القرش وهو من الشعبية جنوب شارع المدارس
Quote: يا ناس الليل وينكم ؟ وين عماد عبدالله وعزالدين ووليد معقولة يا جماعة ؟ |
وهبة يا حبيب والله دي الدخلة على البيت زنقة كلب في مولد وقلت اديكم طلة لكن يومين كدا وتخلص الزنقة تحياتي الخالصة للاخ الخلوق احمد قرجة وتحياتي للجميع
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عابدون محمد عابدون)
|
Quote: الاخ / عابدون تحياتى
اهل الشعبية الطيبين السلام وعليكم ورحمة الله وبركاتة
مبرو ك الصفحة 76
الدكتورة روما وينك
الاخ / وليد عبد اللطيف كيفك يارائع صورة الامورات منورة البوست الله يحفظم ليك ، لو امكن تلفون حاتم كربوج
الاخ / الاستاذ صلاح شكوكو مشكور على صورة ابوللول زكرتنا بيام الشعبية المرحه لك الود
اخوكم خالد درق ... دبى
|
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عابدون محمد عابدون)
|
Quote: مرحباً أخي أحمد أبو قرجة! ويسرّني أن يتجدّد لقاؤنا في الشعبية الإسفيرية! بالمناسبة، أمس لما اتصلت بي كنت في عزّ النوم! يعني يادوب أسمع كلامك وأرد عليك! تحياتي لأفراد الأسرة الكريمة! وللأسف لما مشيت السودان، ما لاقيت إلا الدكتور أمين! طبعاً كانت زيارة سريعة جداً، |
Quote: عابدون حياك الله، شكراً للتوضيح! وفعلاً ممكن نقول مافيش تقصير شديد! لكن السؤال: لماذا توقفوا؟ |
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: شمس الدين ساتى)
|
نؤمنياعبدون على صحة الرقم ونشكر لك هذه الهمة العالية مع أخونا (( خالد درق )) ونؤكد أن نواجد ((إسطنبول )) قد بانت وما تبقى إلا أن نشاهد (( نور و مهند ))
تحياتي الحارة وأشواقي لزول المهذب (( فيصل عبدون )) وبلغة بأنه في الخاطر والوجدان ومهما تحركت بنا الأيام فسيظل نغما جميلا تعتقه الأيام وبلغه أن له عندنا أجران .. أجر في السعي الطيب وأجر في التواصل الطيب وأجر آخر أننا ظللنا هما له في مساحة من الزمن إستقطعها لنا من جيب عمره المديد ولينتظرني عبر إيميل (( كارب )) سنرتقي بعد لمكالمة هاتفية (( درجة درجة ))
مع عاطر الود
..
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: شمس الدين ساتى)
|
مدرســـــة المســاكن الشعبيــة الابتدائيــة جنــوب
بعد ان انتهي العام الدراسي بـ مدرســـــة المســاكن الشعبيــة الابتدائيــة جنــوب ، وانا في الصف الرابع الابتدائي شددت الرحال الي ارض الجعليين ومهد الخلاوي ومنبع الكـرم والوفادة، مسقط راسي ( مدينة كبوشية )، كان الفتي القوقازي يافعا هزيل البنية مترنحل الاقدام وفجاءة هل علينا الشيخ ( الهدية ) شيخ انصار السنة في مسجد كبوشية والقي محاضـرة رائعة عن ( الصـلاة ) وتجنب الحديث عن اولياء الله الصالحيـن الذين لا خوف عليهم ولا هم يحزنون ، ولا عن القباب ولا عن التبرك بالغبور لان ( مدينة كبوشية ) منطقة مكفولة لطائفة الختمية، الي عهــد قريــب ، وامتلا المسجد بالمزارعين والتجار واصـحـاب اتـخاذ القـرار والوجهاء بكبوشية ، وكنت انا جالسا في ذيـل المجلــس جوار خالي المزارع (احمد محمد سليمان )( عليه رحمة الله ) ، واراد الشيخ الهدية ان يشد انتباه الحضور فسالهم من يعـرف صـلاة التسـابيـح فصـمــت الجمـــيع وعجـزوا عن الاستعانة بصديق والعصي تبارز الافق ، فرفعت يدي للاجابة فما كان من خالي الا ان انزلها بقوة ، ثم رفعتها مـرة اخري ، فراي شيخ الهدية يدي ترتفع فناداني الي المقدمة وخالي ينظر الي في زهول شديد مبتلعا ريقة الجاف من فداحة الموقف ، وسالني الشيخ هل تعرف صلاة التسابيح ؟ قلت له نعم اعرفها . ثم اخذت اشرح بكل ثقة عن كيفية صلاة التسابيح واذكارها حتي نهايتها، ففرح شيخ الهدية اشد فـرح باجابتي المستفيضــة وسالني في اي سنــة ؟ قلت له في سنة رابعة ابتدائي ؟ وقال للجميع لهذا الفتـي شــان عظيـــم باذن الله . ثم سالني عن راي الدين في صـلاة التسابيح ؟ قلــت له هنــاك اختــلاف فـي اراء العلماء . فما كان من شيخ الهدية الا ان قبلني علي راسـي ودعاء لي ( بــارك الله فيـك وفـي والديـك ) . وهاج الجميـع بين هـرج ومـرج وخالي هنــاك يلوح بعصـاه وقد ارتسمت علـي وجهه علامات الرضــي ، وانتــشر الخبــر كل ارجاء كبــــوشيــية وخالــي يقول للناس ( ابن اختـــي سكــت شيــخ الهدية ) ، والـي هـذه اللحظة كلما ذهبـت الي كبوشيـة اسمـع هذه القصــة من اهلــي متداولة بين الاجيـــال وخالي يقول ( ود اختــي ولد نجيـــض )..
عزالدين عباس الفحل ابـــوظبــي
| |
|
|
|
|
|
|
دا الشغل ..
..
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عزالدين عباس الفحل)
|
مدرســـــة المســاكن الشعبيــة الابتدائيــة جنــوب
عقب صلاة الصبح وبعد الانتهــاء من اذكار الصباح اذا بابنــي ( ايـهاب ) يقول لـي ( يابابا الاستاذ في المدرســة قال كل واحد يجيب معاه معقــم ( مطهــر ) سالتــه والدهشــة ترقص امامي لماذا ؟ رد علــي بسبات الفرسان ( عشـان مـرض انفلونزا الخنازير ) ، ثـم جاءت الصغيــرة ( علا ) وانا كمان المدرسة قالت جيبوا مطــهــر نمسح بيه ايدينا والادراج كمان . قلت لهما ( خلاص بعد ما ارجع من الشغل ح اجيب معاي من الصيدلية المعقم ) فهرولـت والسائق الخاص بي ( عبدالله الهندي ) ينتظرني تحت البناية ( العمارة ) فســرح في بســاط الخيـــال الي مدرســـــة المســاكن الشعبيــة الابتدائيــة جنــوب الي الظلال الوارفه برهط من الاطفال نتمرغ بالتراب والحصي ونبتلع الطين ونجري ونمرح بين كوام الزبالة، فتحت الايميل فاذا بدعوة لحضــور محاضــرة عن مـرض انفلونزا الخنازير في قاعة المحاضرات بغرفة تجارة وصناعة ابوظبي ، قعدت اسال نفسي ماذا يجري في هذا الصباح وانا حريص علي اداء صلاة الفجر في المسجد وحريص علي الاذكار اليومية ، ذهبت الي هناك واذا بكاميرات تلفزيون ابوظبي وجمهــرة من الصحفيين وطاقم من الاطباء ، بدات المحاضرة بشرح عن خطورة انتشار المرض عبر الجهاز التنفسي وسرعة انتشاره باللمس وان الجراثيم تمكث لمدة ثمانية ساعات حية خارج جسم الانسان ، وانا اجتــر الذكريات غير منتبه للكاميرات التلفزيونية عن طفولتــي الفقيــرة والحمام بالكوز والذهاب نصف حافي القدمين الي المدرسة والاستاذ حســن يهمس في اذني ، ليــه يا عـــزالدين يا صبـــــرة ما مسحـــت نخريـــــــك ..
عزالدين عباس الفحل ابــوظبــي
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عزالدين محمد عثمان)
|
Quote: الحبيب / عماد عبد الله
اخبارك يا استاذ تركتك وانت تدرس في جامعة الامام المهدي وهي جديدة تلك الايام اين انت الان
طمنا عنك وعن الاخوان |
الاخ الغالي احمد قرجة لك كل الود والاحترام عن اخباري بعد ان عملت فترة بجامعة الامام المهدي ووصلت الى درجة عميد كلية الهندسة بها تاقت نفسي الى الغربة مرة اخري فشددت الرحال الى دولة قطر والان اعمل بها في المجلس الاعلى للتعليم لكن الحنين للعودة الى السودان يراودني بشدة وربك يسهل الامور , الاخوان عبدالحميد ونادر بالسعودية واسامة استقر في السودان تحياتي للجميع وسلام خاص للاخ مصطفى
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عماد الدين عبدالله)
|
الاخ احمد ابقرجة سلامات ياخ وحمدآ لله على عودتك. غيابك طال. والغايب عذره معاه. ارجو الا تنقطع. واصل ذكرياتك من مكان ما توقفت المرّة الفاتت.
ابو اللول الشهير بعيد الرحيم قسم السيد صورته جميلة ومعبرة. ما زال شابآ وباسمآ وهازلآ. التحية له. آخر مرّة قابلته كان اواخر الثمانينات أو اوائل التسعينات خارج (بيت الشلك). هل تعرفون اين كان (بيت الشلك)؟
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عابدون محمد عابدون)
|
Quote: اوائل التسعينات خارج (بيت الشلك). هل تعرفون اين كان (بيت الشلك)؟ |
بيت الشلك يا عادل بيقع تانى ناصية من جهة الغرب
فى صف ناس الشلالية ..معتصم فسيخة وبشرى والماحى
ومن أقدم الناس فى الشعبية.. أما يا عبدون ناس
حلوة ربنا يغفر ليها ويرحمها فكان البيت الناصية
من جهة الشرق فى صف ناس ديكة وكان منزلهم مقسوما
مع شادية وزوجها وأبنائها ناس خميس وصبرى وهو ملك
للحاجة فاطمة الداية.. كانت قد طردتهم من المنزل
فى التسعينيات ..رحلت حلوة مع بنتها خيمة الى الدروشاب
ورفضت شادية الخروج إلا بالبوليس ..رمى عفشهم خارج المنزل
فقام زوجها ببناء قطيه فى السهلة وسكنوا فيها لمدة من الزمن
بعدها رحلوا الحاج يوسف..
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Adil Osman)
|
Quote: يا وليد كلامك صاح. لكن شمس الدين معلوماته اكثر دقة. وهو مرجع هام فى هذا المجال من زمن (حلوة). شوفوا بيت الشلك من الفضاء الخارجى الهدية (نصية) بالاشتراك بين وليد وشمس الدين.
|
والله ضحكت جنس ضحك بس ياعادل نحنا مصيبتنا إننا (مرجع)
هام كمان فى الحاجات دى هههههههههههههههههههههههه
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Adil Osman)
|
Quote: يا وليد كلامك صاح. لكن شمس الدين معلوماته اكثر دقة. وهو مرجع هام فى هذا المجال من زمن (حلوة). شوفوا بيت الشلك من الفضاء الخارجى |
صحي الحته دي فاتت علي ياعادل مره في ونسه مع اخوك عمر عثمان بالتلفون وانا كان وصفة شكل جلسه فنية من قبل في البوست فقال:ياوليد انت زمان كنت بتضرب فقلت: ياخي انا للان ماحافظ جدول الضرب تقول لي بتضرب
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: وليد عبد اللطيف)
|
Quote: والله ضحكت جنس ضحك بس ياعادل نحنا مصيبتنا إننا (مرجع)
هام كمان فى الحاجات دى هههههههههههههههههههههههه |
ياعادل ود الدكتور رغم مرجعية شمس الدين في هذا المجال إلا كان راجل طيب نحجيكم شويه في يوم مشينا عرس عصام الحفل صديق شمس الدين في امدرمان وتحرك بص السيرة من الشعبية وعند وصوله بيت العروس الناس نزلت من الباص ولسه الناس ماشى تقعد للعشاء يقوم صاحبنا شمس الدين وكان مشعشع شويه يرش واحد بنية من اولاد ام درمان بعد داك تعالوا شوفوا الشبكة بين اولاد الشعبية واولاد امدرمان . والله اليوم داك العشاء طار للناس من راسهم .وربكم رب الخير الامور تتصافي وناس الشعبية يستلموا الطرب بقيادة شمس الدين
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: وليد عبد اللطيف)
|
Quote: الاخ عماد صباح الخيرات .. وبالمرة كمان انقل لينا كثير من المداخلات القيمة الموجودة فى بوست بحرى عشان نستفيد منها هنا برضو وجوزيت خيرا .. |
السلام عليكم
بناء على ماخطه يراع الاخ عابدون
واستجابة لطلب الأخوان الحاج حمد
الحاج ووليد عبد اللطيف سنطل عليكم كل
يوم خميس باستراحة لكبار فنانينا أمثال
أحمد المصطفى والكابلي وعثمان حسين وعثمان
الشفيع وحسن عطية ومحمد وردي ومحمد الامين
وغيرهم من قمم بلادنا الفنية وستكون ضربة البداية
بثنائي العاصمة .
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
السني الضوي
ولد الفنان السني أحمد محمد الضوي بمدينة نوري بالولاية الشمالية في العام 1936 م وبدأ دراسته بخلوة الشيخ الحسن كرار بنوري . . وسافر في بواكير صباه إلى مدينة بورتسودان و استقر مع شقيقه الأكبر محمود السني المقيم بتلك المدينة والتحق بمدارس كمبوني وشد الرحال مرة اخرى إلى مدينة الخرطوم واكمل دراسته بمدارس الأقباط وتخرج من المعهد الفني . . وتم تعيينه موظفا في ( شركة النور ) سابقا وحاليا ( الهيئة القومية للكهرباء ) حتى انتهاء خدمته و احالته للمعاش . بدأ السني الضوي مسيرته الفنية اوائل الستينيات بعد أن تعلم عزف العود وكان يتغني باغنيات الراحل التاج مصطفى وبدايته مع التلحين كانت من خلال اشعار زميله في العمل ( شركة النور ) الشاعر محجوب سراج و أول تعاون له كملحن كان مع الفنان الراحل ابراهيم عوض في أغنيات مين قساك وليه بتسال وقاصدني ومامخليني ولعبت الصدفة والقدر الإلهي دورا كبيرا في ان يلتقي ثنائي العاصمة ( السني الضوي والراحل ابراهيم ابودية ) حيث ذهب الفنان المبتدئ حئنذاك إبراهيم ابودية الى الملحن السني الضوي من أجل اعطائه الحان لعدد من الأغنيات الخاصة به ليشق طريقه الفني بها وفي تلك الجلسة الفنية والتي كان حضورها الفنانة الراحلة منى الخير واللواء الشاعر جعفر فضل المولى قام السني الضوي بغناء احدي اغنيات الفنان الذري إبراهيم عوض وشاركه الغناء ابراهيم ابودية واكتشف اللواء جعفر فضل المولى ان هنالك تشابه وتجانس متناغم بين صوتيهما و اقترح عليهما ان يغني الاثنان معا كثنائي وعلى اثر ذلك وافق الاثنان وانضم لهم الفنان محمد الحويج واثمرت تلك الفترة عن عدد من الأغنيات مثل كلمة منك حلوة وحيرت قلبي معاك وفريد الحسن وبعد ذلك بفترة بسيطة شاءت الأقدار أن يتوفى الفنان محمد الحويج . . وتوقف السني الضوي وأبودية عن الغناء لفترة وظن الجميع وخاصة أهل الفن بان الثلاثي قد انتهت مسيرتهم الفنية برحيل محمد الحويج . . ولكن استطاع الفنان الراحل عثمان حسين والملحن حسن بابكر ووزير التربية والتعليم الأسبق محمد توم التجاني من إعادتهما للغناء مرة أخرى . . ووظف السني الضوي كل امكانياته وقدراته الموسيقية من أجل الأستمرارية والنجاح في طريق الفن واستطاع الثنائي تثبيت اقدامهما في الساحة الفنية وذلك لتوافر عنصر العزيمة والإصرار والانسجام وحسن اختيارهما للكلمة الجيدة المنتقاة ورغبتهما في أن يقدما فنا محترما للناس وأثمرت تلك التجربة المتماسكة عن العديد من الأغنيات الخالدة في مكتبة الغناء السوداني ليكونا اشهر ثنائي في تاريخ الغناء السـوداني الحديث واكثرها جماهيرية وأطولها عمرا . .
نقاط سريعة :- له راي واضح في اداء المديح النبوي يبنى على أنه لابد من وجود مواصفات خاصة للمديح حيث يقول في ذلك : المديح من أجمل الفنون ولكن تفريغ الحان الأغنيات العاطفية ووضع المديح عليها خطأ كبير تبعد عن المديح قدسيته لإرتباط تلك الالحان في الذهن بالغناء للحبيبة لكن المديح الذي اعنيه له مفردة ولحن يخصانه . .
الموسيقار يوسف الموصلي تحدث عن السني الضوي فقال : السني الضوي تجده في معظم الحناجر الندية تجده في ابن البادية في منى الخير في ثنائي العاصمة في عبد العزيز المبارك في اماني مراد عشرات الالحان من فئة السهل الممتنع تواضع نادر المثال , تهذيب ، ثقافة , معرفة .
تجربته مع الثنائي ايمان واماني خيري جاءت عن طريق صداقته لوالدهما المرحوم محمد خيري أحمد ولمس السني الضوي لديهما الجدية اضافة إلى اصواتهم الجميلة ومؤهلاتهم الأكاديمية وأعطاهم بعض الأغنيات ووقف بجانبهم إلى أن ثبتا اقدامهما في طريق الفن وبعد أن حققا ونالا نصيبا من النجاح سمح لهما باداء اغنيات الثنائي كاملا حيث يهدف إلي تقديم غناء جيد وسط الغناء الهابط .
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
أغنيات عاطفية :- الشاعر مبارك المغربي : فريد الحسن , بدر سامي علاهو . الشاعر محجوب سراج : حيرت قلبي معاك . الشاعر عباس احمد : وصوني عليك . الشاعر محمد يوسف موسى : وحياة المحبة . الشاعر كمال محجوب : في ضميرك , البينا عامرة , نهر الريد . الشاعر سيف الدين الدسوقي : سالتم يوم علينا . الشاعر حمزة خوجلي : معايا معايا الشاعر محمد طرنجة : طريق الامل ( ليه نندم على الماضي وزمانا الراح ) الشاعر علي شبيكة : ناس قراب منك , لما ترجع بالسلامة , وين تاني نلقى الأمان , طيب شذاك , دنيا الريد غريبة , متين يا أغلى النظر , والله وحدوا بينا , ماقالوا عليك حنين , عارفني بريدو , ناس ناسيانا , , الله عليك يا اجمل زول , طول مفارق حيه , نتلاقى زي اغراب , الاحاسيس النبيلة , امرك ياحلو , ربيع العمر . خسارة ياقلبي الحزين , سكة السفر , يادنيا شوفي البينا , بحبك انت , وحاة الريد , ياريت بدالك , يانا الزمان ياناس مالكم نسيتونا , انا بهواك , راحو الحنان . أغنيات وطنية :- الشاعر علي شبيكة : بلادي , الشعب المعلم . أغنية حقيبة :- الشاعر محمد ود الرضي : نسائم الليل . مدائح نبوية :- الشاعر علي شبيكة : لمتين ازورك . (جميع الأعمال الغنائية المذكورة أعلاه من الحان السني الضوي )
الحان السني الضوي لأغنيات أهداها لزملائه الفنانين :- الفنان الراحل إبراهيم عوض : من قساك , ليه بتسال عني تاني , قاصدني ومامخليني . الفنانة الراحلة منى الخير : غبت عني مالك . الفنانة الراحلة اماني مراد : تلقى الدنيا فرحة . الفنان محمد ميرغني : شفتك وابتهجت , عاطفة وحنان . الفنان صلاح بن البادية : اول حب , امنتك عواطفي , الجرح الابيض . الفنان عبد العزيز المبارك : ليه ياقلبي , وصية محب .
واصل السني عطائه السخي بعد توقفه عن الغناء بعد وفاة رفيق دربه إبراهيم أبودية وقدم مجموعة من الالحان للفنانين الشباب ايمانا منه بتواصل الأجيال ونذكر على سبيل المثال لا الحصر من أعماله الجديدة :- الفنان فيصل الصحافة : ياعبير , القريب وبعيد . الفنان رائد ميرغني : قلبي الحنين , ياسمين , مرة تاني , حكاية غرام . الفنان احمد الطيب ( البحراوي ) : حا تلاقي . الفنانة حياة محجوب : غيرة . الثنائي ايمان واماني خيري : تسلم ياغالي , عليك الله .
تزوج السني الضوي من السيدة الكريمة عواطف أحمد وله من الأبناء أحمد ومحمد ومن البنات هويدا وفاطمة وهيام .
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
لما ترجع بالسلامة - كلمات علي شبيكة
لما ترجع بالسلامة وترجع أيامنا الجميلة يا ثنا الروح ويا مداما ويا عوطفنا النبيلة تهدي ليلاتنا ابتسامة من زمان بنقول حليلا ******** يوم رحيلك ياحبيبي شفت كل الكون مسافر لا زهر في روضة غنا ولا زهر عطر بيادر لا تلاقي يروي شوقي لا حديث يجبر بخاطري الشهور ياريتا تجري وكل يوم ياريتو باكر ******* لما ترجع يا ربيعي للقليب المشتهيكا وزي عوايدك تحتويني رعشة من الشوق إليك عيونك الضحاكة تبكي والمشاعر فايضة بيها يا حلاتك يا ربيعي ويا حلاة الدنيا بيك لما ترجع بالسلامة وترجع أيامي الجميلة يا ثنا الروح ويامداما ويا عواطفنا النبيلة تهدي ليلاتنا ابتسامة من زمان بنقول حليلا
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
حيرت قلبي معاك - كلمات محجوب سراج
حيرتا قلبى معاك خليتو بيك مشغول يا احلى من ضماك مابصح عذابو يطول ويطول ليالى نواك حيرتا قلبى معاك ياما قضيت ايام ابنى الامانى عليك واترجم الآلآم غنيات عسى يرضيك اخفى الدموع عنك واضحك امام عينيك وتفيض عيونى حنان لمن تعاين ليك اصلو العيون حباك حيرتا قلبى معاك يا عاطفه فى الوجدان يـا صورة ساكنه العين يا بمن نور محياك اسعدتا كل حزين طاوعتا ظنك ليه فرقتا بين قلبين وقطعتا حبل الود الكان زمان موصول يا حبى ما اقساك حيرت قلبى معاك عاهدتا قلبى اعيش راضى السهاد والبين امكن اصـــل فـى يـوم غاية الامل يا زين وآخر طريق الشوق السرنا فيهو سنين بين الأمل يا حبيـب والخوف من المجهول من إنى ما القاك حيرتا قلبى معاك
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
بدر سامي علاهو - كلمات مبارك المغربي
بدر سامي علاهو مابطولو سماهو حبو شاغل فكري كيف اميل لسواهو ******** لو تكلم غنا صوتو كلو محنة او تبسم تنظر بابتسامتو الجنة لو تمايل عودو كالغصون يتنى زاهي بين اترابو بالشباب والفتنة ده الفريد في حسنومافي زول بسواهو ******* بدر ساطع نورو يفتنك تصويرو وتسحرك نظراتو يسكرك تعبيرو في الشعور والرقه ماوجدت مثيلو هو الدلال بي ذاتو والصعب تفسيرو في فؤادي احسو في عيوني اراهو ******** في مفاتنك بشهد انت اصلك مفرد ومن مشاهد غيرك مابطيب لي مشهد إن وصفت جمالو الخدود تتورد شوقي لي لقياك كل يوم يتجدد إن وقفت حيالو قلبي وين القاهو
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
أمرك يا حلو - كلمات علي شبيكة
مين يعصى أمرك يا حلو كل شي يرضيك نحن بنقبلو محال يا ملاك نحن لي سواك بس ريدنا المعاك تمو وكملو ******** مهما يجير برضو بنحملو سيد الدلال مين البسألو نصبر سنين لمن يلين وصبر السنين دابو في أولو ******** يوم ما بنقول دلك بطلو زيدو زيدوا أوعا تقللو ليك يا وديع كل ما تريد وريدنا الشديد أخرو وأولو ******** خالي الوصال كيفن نوصلو خايفين يقول يمشو يقولو يحن الكلام والابتسام وحتى السلام يمكن يبطلو
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
وين تاني نلقى الأمان - كلمات علي شبيكة
وين تاني نلقى الأمان من بعد راحو الحنان مين تاني مين يروي الحنين وشوق السنين الكان وكان وين تاني وين نلقى الأمان مين تاني مين يمسح دموع عن وجه ما عرف الحزن مين تاني مين ليهوا الضلوع تحمل حنان كل الزمن وا شوقنا ليك وشن قمر يجلي النفوس بي طلعتو وا غربة النيل والديار والحي وراك وا غربتو يا دهر ليه كل العذاب لي وحدي ليه تكتبو أقضي الليالي بدون صحاب أكتب عذابي وأرسمو حتى الوداع ما كان وداع ما ببقى قدر معزتو يوم بالأمل يوم بالضياع راجين صباحو ورجعتو
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
مالكم نسيتونا - كلمات علي شبيكة
يانا الزمان يا ناس ما لكم نسيتونا يدلتوا ريدنا بناس للدنيا سبتونا بس يعني والله خلاص بقى ما بتعرفونا ******* يانا الزمان يا ناس عشنا المحبة سوا وروينا بالإحساس أجمل غرام وهوى كل ما الليالي تمر نزداد لهيب وجوى بس زي غرامنا محال الفرقة تبقى دوا ********* يانا الزمان يا ناس بس السنين بتمر تسقي السعادة في كاس للناس بتسقي المر والطال غيابه وطال لو انكتبلو عمر بيجي يوم يبلاقي الناس الشوفتهم بتسر
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
وحياة المحبة - كلمات محمد يوسف موسى
وحياة المحبة واشواقى وحنانى وحبى الليك نابع منى روحى وكيانى ترجع يا حبيبى ترجع لى تانى ترجع تملا دربى بالحب والامانى ياحبيبي ******** و حياة المحنة والعطفة النبيلة و ليالى التلاقى وذكراها الجميلة و حياة شوقى ليك وقلبى بين ايديك ما كان بعدى عنك لو بايدى حيلة ياحبيبي ******** ما بنساك وربى لو لحظات شوية حبك مالى قلبى و باين فى عينية دربى و حاتك اظلم ربى وحاتك اعلم و انت بحالى دارى وما سائل على ياحبيبي
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
ما قالوا عليك حنين - كلمات علي شبيكة
ما قالوا عليك حنيــــــن بس نان وينه الحنيه لا تسأل يوم عن حالـــى لاتشوف الباقى علىّ الببقى على أنا هين لـــــــــــو انتى بتقبلو لىّ ******* سلمتك قلبى مأمل ترعاهـــــــــو تبادلو الريده وعشمتا فى قربك وكنتـــــــا بحلم بجنه سعيده انهارها ودادك وحبــــك ورضاك ريعها وعيده ******* ما قالوا عليك حنيـــــن وينو التحنان والريده يا سلام لو ترضى علينــــا تدينا قليل من حنك أو تسأل مره عيونا كيـــف بالاشواق حاضننك ******* لو تسأل يوم تلقانــــــــــا كل ثانيه بنسأل عنك وكل لحظه هواك معانــــا يا غالى كتير راجنك ما قالوا عليك حنيـــــــــن ورقيق بشكل خيالى ********* نشوان فى دنيا جمالك سابح فى سماك العالى والشوق فى هواك يضــنينا ويسهر فينا ليالى لكنك يا الحابنك ناسيـنــــــــــــــــا كدى طوالى
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
فى ضميرك سر كتمتو - كلمات كمال محجوب
فى ضميرك سر كتمتو بس مشاعرك ليه تخونك حبي ظاهـر وانـتى حبك شايفو تايـه فى عيونك في عـيونك كلمه سارحه والفؤاد عايش عليها فيها آيه يا نور عيونى فيها آيه لو بحـتا بيها ده الفؤاد عطشان وحاتك شاف منابع ريدو فيها انـتـى مـهـمـا صنـتا سرك او منعتا على قلبك مـسـتحيل تـمنع عـيـونك أن تعبر لمحبك مـستحيل تكتم مشاعرك مستحيل تخفيهو حبك مـن زمـان نادانى صمتك من زمان نادانى ليك مـن زمـان حبـيت دلالك والصفات الحلوه فيك واكـتفـيت بـسر عـيونك من بعيد يشغلنى بيك
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
يا دنيا شوفي البينا - كلمات علي شبيكة
يا دنيا شوفي البينا خليك حنينة علينا شوفينا ادردرنا في الريد سنين وشقينا يا دنيا حلفناك بالريدة حلفناك بعد الفراق لمينا ********* يا دنيا ديل دنيتنا كل ريدنا ديل بهجتنا ديل دنيا جابت دنيا شايلة الحنان وسقتنا أيامنا لو ظلمتنا غيرك منو براعينا ******** يا دنيا نحنا اثنين شايلين عذاب قلبين حاضنين هوانا برانا شايلنه لينا سنين ليه يعني ليه يادنيا لو تاني لميتينا ******* ما أجمل الأيام يا دنيا لما تحني وتجيبي لي حبيب غاب بالشهور عني أصله الحصل والكان لا منه لا مني يا دنيا لمينا في ريدنا سيبينا
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
ناس قراب منك - كلمات علي شبيكة
ناس قراب منك عرفوا سر حزنى أسألهم عنك قالوا ماسمعوك تسألم عنى ******** قالوا فى تيهك تحى هانى سعيد زى كأنى معاك ما كأنى بعيد ومره ما سمعوك تطرا عهد الريد ******** ناس قراب منك أسألهم عنك قالوا شايفنك تقضى اوقاتك فى هناء وحبور وابكى حرمانى وانت هانى غرير ******** يا حليل حبك لما كان صافى وينو لى قلبك لما كان وافى وكنتا حانى عطوف كيف بقيت جافى
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
ياريت بدالك - كلمات علي شبيكة
يا ريت بدالك اكون انا واكون فداك وعنك اشيل كل الضنا ما انت لي عمرا عزيز انا عشتو بكل الهنا ما انت ناري ونوري واشراق السنة تسلم يا غالي ويا حبيب تسلم تطيب وان شاء الله انا ********* يا ريتني اكون فداك وعنك اشيل هم الألم والوحدة والليل الطويل وعشان عيونك كل قاسي علي يهون واسوي حتى المستحيل كل بينا او منتظر في يوم يكون يا حبيب قليل ********* يا ريت بكل الشايلو ليك بكل حنان قلبي البريدك وحبو ليك اقدر انسيك الحزن اقدر الون دنيتك زي لوحة ما فيها الشجن اقدر اصابح الشمس بيك واحضن قمر دنيانا فيك اقدر اجيك اهديك هنايا وعمري كلو ما بين ايديك وعشان عينيك يا سيدي انت عشان عينيك انسى واسامحك يا زمن
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
السني الضوي : سلوتي في العود وتلحين القصائد
السني الضوي نغم في شكل انسان وفنان شامل يعشق التلحين والغناء والموسيقى.. وشكل حضوره منذ الثلاثية الى ثنائي العاصمة مع الراحل ابراهيم أبودية.. كأشهر ثنائية في الساحة الفنية استمرت طويلاً.. السني بعد وعكة صحية واكتمال الشفاء.. كان الهاتف بيننا.. وقال: - كنت ممنوعاً من الحديث عبر الهاتف.. أجريت عملية في الصدر قبل ستة اشهر.. ? هل انت «بيتوني»؟ - لا.. أخرج دائماً مع صديقي الفنان احمد البحراوي.. أنا من المدمنين على التلحين له.. وللزملاء من الفنانين.. عندي غرفة خاصة أهرب اليها حينما أجد نصاً يلامس مشاعري ويدفعني للتلحين.. سلوتي العود والقصائد.. ? أنت متهم بالتفريط في تراث ثنائي العاصمة؟ - شيء جميل أن توزع ما هو ملك للجمهور وللناس.. لا أحب أن أقول لأحد لا.. التومات حضرن مع والدهن وهو صديق وزميل دراسة.. وقال لي: «ديل بناتي تعمل ليهم ألحان».. وفعلاً وجدتهن رائعات الى ان اصبحن يمتلكن ألحاناً خاصة بهن.. ? وأولادك؟ - كانت بنتي «هالة» غنت معنا «طول مفارق حيو».. لكنها بعد الزواج تركت الغناء.. وابني محمد عازف اورغن مبدع.. - ويقول السني: أحب كرة القدم جداً.. ومريض بحب الهلال وأحب الأغاني الشرقية.. ? أجمل أغاني ثنائى العاصمة؟ - الاغاني زي «الجنيات».. ولكن اعتقد ان اجملها «ربيع العمر».. ? وابراهيم ابودية؟ - كان.. ثنائي العاصمة.. «وتهدج الصوت عبر الهاتف.. دموع وصوت بكاء خافت».. ويقول السني: أقرب الشعراء لنا بالتأكيد د. علي شبيكة.. وأنا أدين بالوفاء أيضاً للشاعرين سيف الدسوقي ومحجوب سراج الذى لحنت أول لحن من كلماته للفنان الراحل ابراهيم عوض «مين قساك».. والدسوقي كان أول من أدخلني الاذاعة..
حوار صحفي منقول من صحيفة الراي العام
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: Emad Ahmed)
|
يا عماد كيفنك والله اليوم بهدلتني بهدلة شديدة خلاص رحم الله خالي ابراهيم ابو دية رحمة واسعة وتقبله الله قبولا حسنا
في زواج اخوي الاكبر مني مشينا عليه وكلمناهو بمواعيد العرس وكان يومها عنده حفلة واخدوا العربون حقها طبعا الحفلة دي كانت زواج اخوي ذاته بس ما حبينا نمشي نكلمه مشينا لي مدير اعمالهم قام قال لينا خلاص بخلص حفلتي وبجيكم في العرس لمن العربية وقفتهم جنب بيتنا استغرب جدا وقال للسني ياخي انتو متاكدين دة مكان العرس استاذنا السني استغرب جدا وقال ليه قال ليه ياخي دة بيت اختي عشة والليلة عرس ولدها وانا قلت ليهم بجيكم بعد اخلص بعداك اكتشف انه فعلا نحن الحجزناهم للعرس من غير نكلمه قام زعل زعل شديد خلاص وقال لي خالتنا زينب ابو دية: كيف عشة ما تكلمني خالتنا زينب قالت ليه ما دام القصة حرقتك كدي الليلة بدعوا عاد وقد كان .. والله الحفلة الى الآن ناس الامتداد بيتكلموا عنها
رحم الله الخال ابراهيم واطال الله في عمر استاذنا السني
محبتي الاكيدة
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عماد الدين عبدالله)
|
رحم الله الراحل المقيم الاستاذ ابراهيم ابودية اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عاملة بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور. اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم. اللـهـم انه عبدك وابن عبدك خرج من الدنيا وسعته ومحبوبيه وأحبائه إلي ظلمة القبر وماهو لاقته . اللـهـم انه كان يشهد أنك لا إله الا انت وأن محمداً عبدك ورسولك وانت اعلم به. اللهم ثبته عند السؤال اللهم انا نتوسل بك اليك ونقسم بك عليك ان ترحمه ولا تعذبه اللـهـم انه نَزَل بك وأنت خير منزول به واصبح فقير الي رحمتك وأنت غني عن عذابه . اللـهـم اّته برحمتك ورضاك وقه فتنه القبر وعذابه و أّته برحمتك الامن من عذابك حتي تبعثه إلي جنتك يا أرحم الراحمين .
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عماد الدين عبدالله)
|
صباح الخيرات عمادعبد الله يازول الخميس لسه ما انتهى ونحن لسه مانمنا من حفلة ثنائى العاصمة دحين لقط القزاز بس وخلي الكراسي في محلها عشان عندنا صبحية ورقيص عروس (الفنانه خيرية ) بت الشعبية وحنان يونس جارتهم بس قبل ماتمش اقفل الخيمة عشان الشماشه ما يعاكسو بناتناوكمان بالمره ناولنا صحن الشعيرية والسكسكانية وملاح الروب بالسمن داك .
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: وليد عبد اللطيف)
|
Quote: صباح الخيرات عمادعبد الله يازول الخميس لسه ما انتهى ونحن لسه مانمنا من حفلة ثنائى العاصمة دحين لقط القزاز بس وخلي الكراسي في محلها عشان عندنا صبحية ورقيص عروس (الفنانه خيرية ) بت الشعبية وحنان يونس جارتهم بس قبل ماتمش اقفل الخيمة عشان الشماشه ما يعاكسو بناتناوكمان بالمره ناولنا صحن الشعيرية والسكسكانية وملاح الروب بالسمن داك . |
صباح الفل والياسمين يا ولي يا حبيب حليل ايام الافراح في الشعبية ولمت الناس طبعا ناس حنان يونس اخت احمد يونس منزلهم فاتح في بيت ناس عمي عبدالغني الطيب والد ناس ابوالنجا وحافظ وحاتم والطيب وجيرانهم اولاد الشايقية ناس خالد وحاتم جنابو يا سلام على الشعبية وطبعا بحكم ناس عمي كانوا في الشعبية شمال كانت لي علاقات مميزة مع اولاد جيرانهم وهذه هي الشعبية الاسفيرية تحياتي ماشي الصلاة وبعد داك ماشين رحلة وبجيكم بالليل الزنقة خفت تحياتي
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عماد الدين عبدالله)
|
** بمناسبة أظرف ظرفاء بحرى والشعبيه ابواللول **
** كنا شُله من اولاد المزاد نزلنا إجازه من الامارات فى وقت واحد وكان الملتقى يومياً فى إستاد التحرير ,, وكان معنا أشهر حارس مرمى ببحرى وصديقنا على هينو .. ** ابواللول كان بيظبط شاى أحمر فى ترامس ومويه بارده بجراديل صغيره وبيوزعا على ناس مُعينيين وقبل نهاية الكوره بيحاسبهم .. ## اها فى اليوم داك ظهرنا فى الاستاد وهاك ياسلام وذكريات فى الكوره ,,, ## قبل على على هينو وقال ليهو :- ياخائن لميت الجنريترات الجات من ابو ظبى كلها ومُستفيد منها ومابتدى اخوك فرصه ,, كان كوره لعبتها معاهم كان قرايه قريتا معاهم ... ** فى واحد من الجماعه المستنيين الشاى والمويه البارده :- ياابواللول وين الحاجات .. ## ابو الول قال ليهو :- الليله الخدمه لركاب الاماراتيه والاتحاد والخليجيه ناس المحلى ملحوقين .. *** التحيه لابى اللول وللصديق على هينو ولكل ظرفاء بحرى.. (ودام الود بيننا)
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: طارق جبريل)
|
Quote: غايتو يا ناس الشعبية الله في جيت وسلمت عليكم وكتبت كلام كتير واحد ساكت لله ما قال لي عينك في راسك ياخي ان شاء الله عشان خيلاني البيناتكم ديلك |
ود جبرين ذكرتني قصة راجل كبير ومخرف وفي مناسبة في البيت اتفقوا الاولاد وقالوا يودوهوالدروشاب ويشربوا منوم قالوا عشان ما يفرتق ليهم الحفلة يازول جماعتك لما وصلوا البيت لقو ابوهم بيستقبل المعازيم دحين انت ياود حبرين بعد السهره انا ما وصلتك الامتداد الساعة 10 صباحا والغريبة انا وصلتك واعي وقلت لمدثر قرجاج وعبد الله كع استلوا الامانه تقوم ترجع وتقول لناس الشعبية الله في
-------------------- طارق حبريل معليش يظهر ناس الشعبية الهجيج بتاع خالك ابوديه مؤثر معاهم ونايمين للان
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: وليد عبد اللطيف)
|
Quote: يا عماد كيفنك والله اليوم بهدلتني بهدلة شديدة خلاص رحم الله خالي ابراهيم ابو دية رحمة واسعة وتقبله الله قبولا حسنا |
طارق جبريل
سلامات
فضحني عيوني وكشفن اسرارو
والعيون لو رادو ما بيعرفوا مابيدارو
المبدع السني الضوي اتبهدل ايضا في أغنية والله وحدوا بينا
ونحن ذاتووو اتبهدلنا معاكم..
الرحمة والمغفرة الواسعة للراحل ابراهيم ابودية ..
( معليش لتأخير الرد ياحبيب بس يادوب دخلت وشفت مداخلاتك )
| |
|
|
|
|
|
|
Re: مدرســـــة المســاكن الشعبيــة الابتدائيــة جنــوب (Re: عماد الدين عبدالله)
|
Quote: حمد لله على السلامة ياعمدة
ماعندي مانع بس كمان عايزين المساحة الأكبر للبوست
تكون للشعبية . |
الله يسلمك يا عمدة لكن لسع للزنقة بقية ( يومين كدا ) خلاص يا عمدة اعمل لينا فسحة صغيرة زي بتاعت المدارس ونحن راضين بالقليل المثير الخطر يا سلام على صورة بروفايلك جارنا العزيز ابو عبدالعزيز الفنان المبدع عبدالكريم الكابلي
| |
|
|
|
|
|
|
|