السلام عليكم أهل الحوش .. أرحب بإبنة الشعبية البارة دكتورة مريم (روما) ومبروك الباسويرد وبيك الدار نورت .. وإن شاء الله يطيب ليك المقام بين أهلك وأولاد حلتك .. وقد امتعتينا بهذا الشلال المتدفق من العواطف والذكريات واشعرتينا بقساوة قلوبنا وبأن حبنا للشعبية لا يساوي قطرة في محيط حبك لها ..
10-11-2009, 12:21 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
روما ذكرتيني لقطه حلوه ايام شلة الحجر جنب بيت ناس شرف وكما تعلمي خفة دم ( فتحي موسى ) قال : كل الشباب الجكس يجي يسأل منهم وانا حظي .. التقول بايل فيني كلب
10-11-2009, 09:02 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: أخواني وأخواتي اعذروني لانني نشأت وترعرت في حي الدناقلة جنوب وسكنت في الشعبية جنوب
لفترة بسيطة ثم سافرت للسعودية عشان كده مشاركاتي معاكم قليلة نوعا ما مقارنة مع بوست بحري طراوة .
ياعماد عثمان احمد دي مكنتك وبالله ما تزعلنا منك والشعبية دي ماقاعدين نرضى فيها وتعال اوريك ودي كلها قصص للنشر لما تدخل الشعبية مع المغارب ويجروا ليك اقرب غنماية ويحلبوا ليك لبنها وتشرب منو شاي المغرب في حيشان الشعبية وتكون جالس مع كل الاسرة اولاد وبنات وانت ليس بغريب .. ياعماد عثمان عدم المشاركة ممكن تقول انا مافاضي مافي واحد بلومك ولكن تقول سكنت فترة قصيرة وذهبت الى السعودية الشعبية : الصادق كراكة و ابراهيم موسى ووقريب الله وعمر السمين وابراهيم موسى وديل دفعتك في الثانوي وعمر الشيخ وكمال كيخا ووليد عبد اللطيف ديل دفعتك في نادي الاتحاد والمرحوم امير عبد الكريم وهاشم سمكه وهشام وحاتم بابور ديل اولاد عمك وقبلهم زنون وشقيقة التاج الشعبية : ابوامنه حامد وعبد الكريم الكابلي وحميد و هشام درماس الشعبية : المفك ومنقستو والصبابي وشكوكو الشعبية : الكرابيج ودكين والدكتور والتاج شريفة والمرحوم قناوي النقابي المعروف وديل من حلتكم الشعبية : محمد عوض نسيبك ووليد عبد اللطيف صديقك الذي تعرفه من عام 85م الشعبية : قصة وحلقاتها مالا نهاية الشعبية : بحر لا ليهو جُزر لا ساحل الشعبية : وطن شامخ وطن عالي وطن مالك زمام امرو الشعبية : الفاتح تيتا والجقدلي وابو اللول الشعبية :طحنيه وفيها سيد الحروف المرحوم قناوي ق ) قدرك عالي وبالشجاعه ارضعتنا ن ) نسمة كرم وبفعل الخير اتحفتنا ا ) الله عالم يشرب اخوي والضيف من نبعنا و ) ويوم فراقك بكت الطيور في السما وكل من في حينا ى ) يالله رحماك واسقيهو من كاسات الهنا
عماد ياخوي الشعبية طيبة وناسها حنان وابدا لم ينسوا العشرة والقعدة في الشعبية الثانية تساوي سنه .
Quote: ( كل زول عمرة بيكون 18 سنه وكم شهر وما مهم الكم شهر ديل يكونوا 9 ولا 90 ولا 900
المهم هو يكون حاسي بال18 وكل سنه بنصغر كم شهر على ان تكون ال18 ثابته )
والله كلامِك ده بِنطبِق علي بِكُل تفاصيلو ... أنا أخو تسعه وأبو تسعه وما شاعِر بِالمره إني إتخطيت الكمطاشر (بِالله سيبِك مِن الحاقدين الحيِجو دافرين) بِت إبراهيم يِلعن شَيطانا مِن أقولها مارِق تردُم فوقي الهِدِم ، شي فنيلا وعراقي وسِروال وجلابِية أُم جكو وشال ومَلفحة وطاقِية أُم قنبور ومركوب وتلحِقني عُكازي المُضببْ ... الشي تقولي فترينة مُتحرِكة مِتِل الفي سوق الشمِش ... قبُل كمين شهر جا ولدي مِن المره الأولى في زِيارة لقطر وشاف الحال الفوقا أنا مشا السوق وجابلي بنطلون جِنز وقميص مُشجر وجلي هيل الشعر ... يا زوله فتْ فتْ مرقت الدارعاهو فوقي بِت إبراهيم ودخلت ليك في الجديد صدِقيني أكان قُلت ليك ما عِرفت روحي في التبادي ، عِلا وأنا ببوحلِق في المِرايا عرِفت روحي مِن رِويسي المَطاول ده يا زوله أكان ما الشنب قربت أسلِم على روحي مِن شِده الضهبه ماني كبير كبير عبدالوهاب ... كبير عادِل عُثمان ... كبير شمش الدين ... كبير حاج حمد كبير ود إسحاق بس لابِد ساي ... يا زوله أنا نديدي وِليدي ... أها ... التبقى تبقى ...
الكُبُر إن صاب ما بِصيب عزّام ... شِنْ قدرو وِكتين القليب حوام ... يِمْه شوفيهُم قالو العُمر عوام ...
وآسفين يا جماعة كنت علي سفر لمدة 3أيام عمل في ايطاليا .. يا جماعة رحمة مافي في الدنيا دي .. من المطار وطوالي علي غرفة الإجتماعات لغاية الساعة 9 بالليل وتاني يوم برضو من الساعة9 للساعة9 .. الشئ شنو ياناس الله .. وبمناسبة الاجتماعات يا جماعة حكومتنا العجيبة ابتدعت بدعة سيئة جدآ في شغلانة الخدمة المدنية دي .. وهي إنو الاجتماعات بقت بالقروش ـ مش تدفع إنت ، بل يدفعوا ليك ـ يعني تدخل إجتماع عدادك يرمي .. وبهذه الطريقة أصبح كبار عطالة المدراء يختلقوا اجتماعات من مافي ، ويمرقوا من اجتماع يدخلوا اجتماع .. وبقي الشغل كله اجتماعات في اجتماعات .. يجي المدير يقضي يومه كله اجتماعات داخل ادارته ومنها ينتقل للإدارات الأخري ـ ويطلع من الاجتماع يستلم قروشه طوالي .. الكلام ده كان في منتصف التسعينات ، وما عارف إذا لغوه أم لا .. لكنه طبعآ بدعة عجيبة ما عارف العملها ده قطعها من وين ؟؟.. ودي طبعآ زي بدع الطيب سيخة عندما اراد اصلاح الخدمة المدنية .. وعمل نظام الزيارات المفاجئة ، منها لزيادة ساعات العمل وايام الإجازة عملها خميس وجمعة .. وطبعآ الكلام المامدروس بيجيب عواقب غير متوقعة ..فزيادة ساعات العمل استغلها العاملون العفاريت بالإستمتاع بكندشة المكاتب وزادت منصرفات الكهرباء بدون زيادة انتاج طبعآ .. وزيادة اجازة الخميس خلت السودان قاعد في الصقيعة ساي من حيث العلاقات الخارجية ـ حيث أصبح السودان يؤجز الخميس والجمعة والعالم كله يؤجز السبت والأحد ـ بقي عندنا شنو؟ الخميس والجمعة والسبت والأحد إجازة ـ يعني أغلب أيام السنة شغل خارجي مافي .. قربت انسي بدعة يوم الخدمة الذي قلبه العاملون ليوم البهجة والمسرة والشغل بقي حفلات نهارية في الوزارات ودواوين الحكومة ـ بقوا ناس وزارة التربية يقولوا ليك نحن الشهر ده حفلتنا بترباس إنتو فنانكم منو؟؟ وقالوا حفلة وزارة التجارة رابة و..و.. !!!!!!!!!! غايتو جنس غايتو !!!!!!!!!!!..
أتذكرت طرفة قالها صديقنا ابوعبدة أيام نميري .. طبعآ نميري عمل يوم سماهو يوم الإنتاج يواصل فيه العاملون بالدولة العمل حتي الساعة5 لزيادة الانتاج .. فأبوعبدة سخر من الموضوع ـ وهو كان شغال في النقل النهري ـ قال والله عمال النقل النهري والنقل الميكانيكي ديل حقو يوم الانتاج ده يفكوهم بيوت من الساعة 10 بدل يقعدوهم للساعة 5 ـ لأنو لو رجعوا بدري الانتاج حيزيد .. هههه ..
عزيزنا مجدي نقد .. نتمني دخولك وبقية الشعباويين للمنبر .. نعم ربما لم يسبق لنا تعارف في الشعبية لأني أنا زاتي باعتبر نفسي زي الفارقت الشعبية منذ زمن بعيد شئ جامعة وشئ غربة بالإضافة لأني زاتي زول مغمور وما عندي حاجة اشتهر بيها ـ لا كفر لاوتر ـ إلا ان كان طمبوري ونغماتي والسلكاية .. وده كان تطريب لنفسي قدام خشم باب بيتنا في شارع ناس كضلو ومحمود انقي لو بتعرفهم ..
10-11-2009, 10:55 AM
Munir Munir
تاريخ التسجيل: 02-11-2002
مجموع المشاركات: 10496
وبمناسبة الطمبور أذكر أني ـ كنت في الثانوي العام ـ قاعد براي بطمبوري في مصطبتنا قدام البيت ، كالعادة، فجاء أحد الشباب ماري بالشارع المقاطع لشارعنا فسمع نغمات الطمبور .. وأنا لا حظت أنه بعدما عبر جاء راجع وغير إتجاهه وجاء داخل في شارعنا متجها نحو الهجرة .. فعبر من أمامي بإستحياء وواصل سيره لغاية نهاية الشارع ثم جاء راجع .. الساعة كانت بعد المغرب كده ـ أها الدورة دي جاني عديل وسلم علي وقال لي بصراحة أنا جابني حس الطمبور وماقدرت افوته .. وقعد جنبي يصتنط للعزف .. وفي الآخر استلف مني الطمبور بعدما عرفت أنه كان جاء زيارة للإقربائه جيراننا في الشارع الورانا وساكن في شارع الحديقة بتاعة المركز الصحي .. تخيلوا في الآخر اكتشفت إنو الشاب ده هو شاعرنا الكبير محمدالحسن سالم ـ حميد ـ وطبعآ يا اخونا أنا حميد كنت بعرفه بس بقصيدته القديمة التي نظمها حينما سافر من الشمالية لدراسة الثانوي في عطبرة ويغنيها الفنان محمدكرم الله البيقول فيها : وريني شن طعم الدروس ما دام مكانها مشي قطر وكيف زاتهاترتاح النفوس تقبل قراية في سفر .. .. إلي أن يقول : زينوبة دنيا الاغتراب خلتني زي صفق الشدر إنحت من عدم الشراب وعم الاراضي وانتشر الشوق متل شوك الكتر طعن الجسم لامن خدر والله لو ما منجبر ما كت بفارقك بي شبر ..
10-11-2009, 11:05 AM
Munir Munir
تاريخ التسجيل: 02-11-2002
مجموع المشاركات: 10496
عبدون ياخ شكرآ علي رفد البوست بصور أخونا خالد من بلاد الترك ونتمني لك يا خالد إجازة سعيدة .. والصور ماشاء الله روعة وزينت البوست .. ربنا يحفظ ليك اطفالك واسرتك ويخليك ليهم ..
وعقبالك يا عبدون تقوم إجازة كاربة كده تتفسح ..
10-11-2009, 11:10 AM
Munir Munir
تاريخ التسجيل: 02-11-2002
مجموع المشاركات: 10496
اخي العزيز عزالدين الفحل .. سلامات يا صاحب العبارة البديعة التي قفزت بنا وسافرت بنا في حاجز الزمن جيئة وذهابآ، مابين الماوس والفئران والسخينة والبيرقر ..
يا سلام عليك .. وبجيك راجع ..
10-11-2009, 11:50 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
أخوي عزام زي ما قلت ليك في رسالتي ما كتبت ليك ما كتبت إلا حباً لك وبخلاً بك علي تلك المواقف . ويا أخي الزول مراية أخوه . يعني لو أنت وقفت يوم قدام مراية وحسيت إنك في عمر الزهور (= عمر الغرام= عمر الهنا = 19 سنة) مافي مشكلة. لكن لو المراية ما ظهرت ليك الشيبات والجلحات ورسوم الزمن (تجاعيد هنا وترهل هناك ) تبقى دي زي مراية الملكة في قصة سندريلا . وما أظنك يا عزام محتاج لأصحاب من نوع الزول الكتب في بروفايله (صديق لفلان ..الكاتب المعروف) . دايرك ياعزام برضو تكون لي مراية وتوريني الحقيقة زي ما إنت شايفها . طبعا بيني وبينك ، من غير فضايح ، عشان النصيحة قدام الناس بتخلي الشيطان يخش في الموضوع ويقعد يدي نصايح مضادة (الزول ده حاسدك عديل كدا ، داير يظهر على حسابك ، ده بطنو غريقة ما نسى شكلتكم بتاعة زمان ..) . وأبليس في المواضيع دي يعجبك . عزام صورتك المنحوتة في خيالي من زمن الطفولة مليانة وداعة وبراءة ، عشان كدا بزعل لما ألقاك في شكلة مع أولاد حلة تانية . ما مهم الغلطان منو، المهم أخوي وود دفعتي دا ما شبه الحاجات دي. يلا يا جماعة كل واحد يمشي بيته ، يلا ياعزام أرحكا الشعبية ، ناس البيت وناس الحلة بيكوسوا عليك من العصر ، القميص اللي إنشرط ما مشكلة ، نمر على بيت ناس بدرالدين في الطريق نغيره . أدعو الله أن تبقى البينا عامرة ما دام فينا قلب ينبض ، وأن تجمعنا أقدارنا يومأ بعدما عز اللقاء.
أخي وليد لا أدري ما أقول ؟ . كلامتك عن أبي وفاء لا يكون إلا من وفي وأصيل. كلامات أعتز بها وأسأل الله لأبوينا (رحمهما الله) أن تكون لهما صحبة في الجنة أفضل من صحبتهما في الدنيا . لك مني الحب وأطيب الدعاء. أخوكم أمير قناوي
10-11-2009, 12:32 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وآسفين يا جماعة كنت علي سفر لمدة 3أيام عمل في ايطاليا .. يا جماعة رحمة مافي في الدنيا دي .. من المطار وطوالي علي غرفة الإجتماعات لغاية الساعة 9 بالليل وتاني يوم برضو من الساعة9 للساعة9 .. الشئ شنو ياناس الله ..
منير سيزر والله بقيت زي اللعيبة المحترفين كل يوم في بلد حمد الله على السلامه ------
نقوم بمناسبة الشاعر حميد والمركزي الصحي ياحبيبي تذكرني اهلك عصام الملك وناس محمد احمد في الشعبية جنوب واجمل ليالي نقرشة الطمبور في بيتهم العامر اها في الاجازة جلسنا انا والصادق كراكة ومحمد احمد قريبك في مطعم فاخر (سيدي بيه) فقلت : والله يامحمد من يوم تركت عليقة (فته) مطعم جوبي وخليت الطمبور وبقيت تسمع فرفور تاني مابتقوم ليك قايمة
10-11-2009, 12:57 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
يا وليد الظاهر لسه عندك معروضات من بقايا العهد الروماوى الايميلاوى. قربتا اكتب ليك ايميل عشان تنشرو لى هنا فى مستطيل ابيض. بغران ما حاسد وحياة الله.
يا روما حفظك الله وقلمك وروحك الجميلة الصادقة من كل شر. امشى واتبخرى بى بخور تيمان والبسى ليك حجاب مكتوب فيهو الشعبية طحنية. واصلى كتاباتك الرائعة الحنينة والتى ستنشر فى كتاب الشعبية قريبآ. من حيوية وصفك وصدق مشاعرك وقوة ذاكرتك وسردك العفوى والسينمائى انا ركبت الطيارة ومشيت بحرى والشعبية. أها شوفى براك.
10-11-2009, 02:38 PM
مريم عبد الله مريم عبد الله
تاريخ التسجيل: 10-09-2009
مجموع المشاركات: 1448
اوعا تسمع كلامهم دا انت ود متين يا عزام انت اصغر من ولدك زاتو واقول ليك شي لو مشيت معاهو حته ما تعرفه على انو ولدك
قول انتو اخوان وبت ابراهيم ما عليك منها البس الجينز والتيشيرت وجلجل شعرك يا جنا اديها نيو لوك وكتر من سماع الاغاني
ما بتاعت الجلاكيم اكبرزول ممكن تسمع ليهو سامي المغربي وسجل في الفانز كلب بتاع ناس تامر حسني واوعا عمرو دياب لانه كبر
وكتر في العربيه من شرائط شرين وناس اليسا اوعا ناس نجوى كرم لانها كبيرة في السن مقارنه بك
واي زول يقول ليك انت كبير ما تشتغل بيهو وفكها فيه قول ليه تتذكر لما كنتا بتقطعني الظلط عشان امشي الكي جي اوعك كلمة الروضه
جيلك دا ياهو جيل الكي جي وقول ليهو تتزكر لما كنتا ما باحصل الكولاار ( لانو لو قلنا الزير بنتكشف ) وانتا بتملا لي المق ( اوعا كلمة قرعة ولا كوز ولا كبايه )
ولو زول قال ليك شهادة ميلاد اعمل رايح وقول انتا سنونك باكبر من سنك لانك كنتا بتبكي لانو اولاد الحله الاكبر منك بي كتير دخلوا المدرسه وانتا لسه
ويا ناس عزام دا صغيروني ما تشوفوه عضمو فاخر وطويل تقولوا عليه كبير عزام دا اول دفعه عملوا ليهم تامنه عشان كده كسب ليهو سنه
اها لقيتني كبف يا عزام
واي زول يغالطك رسلوا لي ما عندك اي شغله بيهم انت ود متين حسع عليك الله انتا قدروم ولا قدر لحم سدروم
ونصيحه تانيه ابعد من الالقاب البتكون قبل الاسم ناس عمو او يا خال ما ترضا اصلا زول يقول ليك يا عمو
روما
10-11-2009, 03:01 PM
مريم عبد الله مريم عبد الله
تاريخ التسجيل: 10-09-2009
مجموع المشاركات: 1448
Quote: عبدون ياخ شكرآ علي رفد البوست بصور أخونا خالد من بلاد الترك ونتمني لك يا خالد إجازة سعيدة .. والصور ماشاء الله روعة وزينت البوست .. ربنا يحفظ ليك اطفالك واسرتك ويخليك ليهم ..
وعقبالك يا عبدون تقوم إجازة كاربة كده تتفسح ..
منير ياخوى انا مشيت مهمة عمل لى اثيوبيا وطبعا صاحبك شمشى قال الزول دا خلاص انطلق .. هسة حأنزل ليك الصور عشان تشوف زولك كان غاطس فى الهضبة الاثيوبية مع قبائل الاورومو .. رجعت من اثيوبيا قبل اربعة شهور لكن لى هسة التراب الاتكتحت بيهو ماطلع ..
حأنزل الصور لكن شمشى مايشوفها ..
10-11-2009, 03:15 PM
مريم عبد الله مريم عبد الله
تاريخ التسجيل: 10-09-2009
مجموع المشاركات: 1448
روما الترمس نجض ولا لسه عشان كدا يقولوا الزول ده نجضنا نجاض الترمس
يازولا انا ركبت مع عادل عثمان الطياره ولفينا بحري وعرجنا بالشعبية ودي نزلتنا في مطار الخرطوم ونفسي قايم التقول كنت جاكي بيها اها وغشيت ليك ناس سعد قشره يعملوا ليك تلبيسة لحجاب ( الشعبية طحنية )
اخخخخخخخ ياروما اخ الله يرحم الحاجة ( مدينه) ويسكنها فسيح الجنات يارب مع خيار الدار كل اولادها طيبين وحلوين عِلا هي كانت من طينة الملايكة
تعرفي ياروما زمان زي ماقلتي كل البيوت بيوتنا وكل ناس الشعبية اهلنا في رمضان زمان الناس تكون قاعدة تحت شجرة عم موسى وعاملين في صايمين وكتشينة ولكن كان في مأرب اخري لكن ياجماعة رمضان دا زمان كان صعب خلاص في السودان .. ونرجع لقصتنا وطبعا تاني يوم بكون في بواقي الافطار والسحور (ناس حلو مر والنشى ) للقصة بقية امشي البيت واكمل الباقي
10-11-2009, 03:07 PM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
والدة الكرابيج الله يديها الصحة والعافية برضو شايف الزمن عمل عمايل وانا صورتها فى ذهنى ترجع للسبعينات كانت مرحة واخت اخوان ..
يحي كواك .. جبت الإسم دا من ين ؟؟ ياعبدون أتاريك بحلاوتك ديك شقاوة الحلة برضها فيك ..
بالمناسبة اليوم جاءت ذكراك على لسان الأخ خالد عبد الرحمن وقد أطنب الرجل في مدح سجاياك فالرجل يحبك في الله .. وقد خيل إليه أنني في حاجة الى مدح رجل ممدوح بخصاله
والدة الكرابيج (( أمدها الله بالعافية )) إنسانة من جيل الطيبين ولها روح لطيفة جعلت ذالكم البيت يتدفق حيوية ومازالت بذات الكيف القيم بكل ما فيها من بهاء وصفاء لها التحية وكل الود..
10-11-2009, 03:54 PM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
ابو صلاح والله اسم " كوك " دا انا ذاتى ماعارفه طلع من وين .. بس شفت الصورة وتلاقى الذكريات تنداح من نفسها وهسة فى اللحظة دى بالذات حسيت انو العمر القضيناه فى الغربة كله انشال فى لحظة وكأن الامس اللى كان قبل تلاتين سنة اصبح هو الامس .. ايام جميلة والله يديك العافية يا ابو صلاح ..
10-11-2009, 04:15 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
عذرآ إن جاءت تهنئتي في ذيل سباق المهنئين..تأكدي بأنها بذات صدق التهنئة الأولى وماتبعها..فدعينا نفسح لك في مجلس كلمات الشعبيه مجالآ كما أفسحت حروفك في نفوسنامجالات عده..فمرحبآ بك بيننا
ولك من الود أكمله
10-11-2009, 04:53 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
لفت إنتباهي بعض الاخوة المشاركين حينما تطرقوا للشاعر الفذ"محمد الحسن سالم"حميد"..فعادت بي الذاكرة إلى العام88عام الفيضان الذي بلغ فيه النيل ذروة غضبه فأطاح بالكثير من المنازل والنفوس نسأله تعالى لها ولموتى المسلمين الرحمه والمغفرة.
أستدرك متابعآ أنني في تلك الفترة كنت من الذين تواجدوا في الشماليه منطقة "نوري" وهي من ديار الشايقيه تقع في الجهه الشرقيه لمدينة كريمة .. "تساب 88" وتساب بلغة الشايقيه تعني الفيضان..توحدت الجهود والنفوس في تلك الفترة في محاوله لكبح جماح النيل ...كان الكل في تلك الفترة متفرغآ تمامآ للسد الترابي"الترس"..وبالرغم من صغرنا نسبيآ في تلك الفترة إلا أن الدرس الذي تلقيناه من كبارنا لم يكن عن التضامن والتوحد والتعاون فقط ..فقد إمتد لمعنى أعمق وهو الشعور بالإنتماء ..فهناك علاقه حميمه تنشأ ما بينك وبين أرضك"ساقيتك" علاقه فيها حوار عميق كله صمت متبادل وهو أعمق أنواع التواصل. تجد الكل حتى من تجاوزت أعمارهم السبعون والثمانون يصرون على رؤية الترس وبث روح الحماس في الشباب والإطفال والرجال المقيمين بصورة شبه دائمه في موقع الترس..وفي خاطري الكثير من الصور عن تلك الفترة أتمنى أن أتمكن من نقلها لكم.
في تلك الفترة كان "حميد حسن سالم" في قلب الحدث مختزلآ الكثير من الأحداث فصاغها في رائعته"الضو وجهجهة التساب"..وقبل أن أسهب أود أن أضيف بأن القليلين جدآ الذين لا يتجاوزون أصابع اليد الواحدة كانوا من الذين يروحون جيئة وذهابا مدلين بآرائهم دونما مساعدة تذكر فطالت هؤلاء كلمات حميد بشئ من الغلظة والزجر.
الكلمه المعنى فطن في بطن الكونشبر قفه يستعملها المزارع لجلب التراب الجاف حين يحاول أن يوقف تدفق الماء نحو الأحواض المرويه متكوله متكأة تالا على السام الحائط
عبدون ايها الوجيه. صورك جميلة. ولم تتغير البتة. بس شوية شيب. وشوية جضوم. ههههه لكن صورك بعيدة شوية. جيب لينا صورة كلوز اب عشان نشوف الزمن الحقيقى عمل فيك شنو.
شوف دى مثلآ صورة لشخصى السمين يوم 7 اكتوبر 2009 وانا قايم من النوم. لهذا ابدو شين ودشن.
10-11-2009, 05:01 PM
مريم عبد الله مريم عبد الله
تاريخ التسجيل: 10-09-2009
مجموع المشاركات: 1448
وبيكون الشفع فرحانين وهم البيساعدو الام في انها تبل الزريعه بانها تجي شاله ليها مويه في شي وتبدا ترش شويه شويه
وما بتكون المويه كتيرة والا الزريعه ح تعفن ويا جماعه طبعا النمل ما يديك الدرب جنب الزريعه ويا جماعه بتتزكروا لما يشيلوا الزريعه والشوالات كميه النمل البيتكون
اتهيا لي اكتر من الزريعه زاتها ودايما عشان اقلعوا الشوالات من الارض بيحتاجوا الى عضلات لانها بتكون مثبته في الارض اعني الزريعه بتكون عملت ليها جزور عديل
بعد ما يدققوا الدقيق في الطاحونه الفي سوق الشعبيه يا جماعة بتتزكروا الاطرش كان شاب طويل ما بيتكلم عليكم الله لو اي زول بيعرف اي شي عنه يوثق ليهو
اها وتبدا شراء دويات الحلو مر من قرنجال وكركدي وعرديب و بلح ... الخ ويدقوهم بالفندق اتذكر فندق ناس خالتي الساتر كان كبير وبيدقوا فيهو
دويات الابري الاحمر او ما يعرف بالحلو مر كلها ويجوا يبلوها ويضيفوها للدقيق ويخلوه شويه يخمر ويجو للابري الابيض وقبل عواستو بيصفوهو
وتتجمع امهاتنا ويصفن الابري استعداد للعواسه
والعواسه دي موضوع كبير عريض لانو بتجمعوا في البيت البيكونا عايزات يعوسوا ليهم وبيقعدوا بي كزا صاج يعني في تعاون ويبدوا في العواسه
وكانت المفردات البتردد ناس طايوق ومعراكه وقرقريبه بالاضافه الى انو الصاج نحس وما بيعوس كويس او منو الكبا في الصاج مويه
عشان كدة الطرقه ما بتقوم او زيدوا الحطب الصاج نارو نايصه او قللوا الحطب لانو الصاج نارو زايدة شوشوت لينا الطرقه وبيعوسوا
من الصباح بالبروديه ناس البيت الفيه العواسه بيعملوا الفطور والشاي والجبنه بعد ما يفطروا بيدوها عواسه لغايت صلاة الظهر تقريبا لانو الجو بيبدا يسخن
لما يطلعوا الطرقه بتاعت الابري الاحمر الحلو بيطبوقوها الى طبقات وبيفضوا ليهم عنقريب يعني بيكون فوقو بس الملايه بدون مرتبه ويختوا فيهو الحلو مر
وبيتركوها لغايت ما تنشف يا جماعه ما بتتزكروا كيف كنا بنقرض في الحلو مر وطعمه بيكون حامض ومن البلح بيكون حلو وتحس انو جضومك
دخلت لي جوا وتلقا الشفع البيكون في بيتهم العواسه قابضين الجو وتشحدتهم انو يضوقوك ابريهم ويمشي يجيب ليك حتت ابري قورمه يعني
والابري الابيض لما كانوا بيعوسوه بيحركوا القيرقريبه بطريقة وبيفضل شويه من السائل بعد ما يتسخن فبيبقى متماسك وكنا بنقول ليهو موخ ونمشي نحرس يوم عواست
الابري الابيض ويدونا منو ونقعد ناكلوا بي السكر ولزيز يا جماعم ونلحس الصحن او الكوريه بتاعت البلاستيك وناكلوا بي اليد مافي ملاعق وطبعا الابري الابيض برضو بيتركوه يجف
بالنسبه للرقاق ما قصدي الفطير الزي الكسرة البيكون لين لكن قصدي الرقاق البيكون زي الابري الابيض لكن طعمه ما حامض دا بيعوسوه قريب لي رمضان لانو بناكلو
يعني قبل ما يجي رمضان بيكونا خاتنو في راس الفضيه او الحافله زي ما بيسومها بعض الناس او في المخزن المهم بيكون في جردل طلس االابري الاحمر والابيض
والفطير بيكون في جرادل بلاستيك انا باتكلم عن حلتنا ما بعرف بقيه الناس كانوا بيخزنوه كيف لكن اتهيا لي الطريقة واحدة
اها الفطير دا بنمشي نخش وين داسينو ونبدا ناكل فيه سواء سادة براهو او نضيف ليهو اللبن وفي معظم الاسر لما يجي رمضان بتكون الجرادل فضت من الفطير
وعادي تشم ليك تاني الفطير قاموا بيعوسوا فيه والغريبه من اول اسبوع في رمضان بيخلص بصراحه لانو لزيز وطعمه جميل
وقبل رمضان يبدوا يشتروا ناس اللوبه للبليله وناس البلح وبينشفوا الباميه وبينشفوا الشرموط تتزكروا بيجيبوها لحمه فخدة ويعلوها في الحبل بعد ما يضيفوا ليها الزيت وشويه كزبرة ناشفه
وبيغتوها بي روق جرايد عشان الضبان والكدايس وبيختوا على ورق الجرايد مشابك الغسيل ومنظر امهاتنا الصباح لما يحوا تجي تهبش في الشرموط عشان تعرف انو نشف ولا لسه
لما كان اللحمه تبدا تنشف باتزكر كنا نمشي نشيل منها وكل شافع يكون في يده قطعه وهو بياكل فيها ولزيزة بتكون احلا من الشكولاته والله وقتها
ولما يجيبوا البصل ويقطعوه وينشفوه ويحمروه في الزيت في الصاج الكبير وقولت الزيت لي التش وريحت البصل وهو بيتحمر وبيصفوه من الزيت
ويجبوا الفندق الكبير وهاك يا تف ودق واحلا شي لحطة ما بيجحمروه نمشي نشيل منو ناكل او نحشي منه عيشه وهو مدقوق وتمشي تتقسمها مع شفع الحله
بتتزكروا البستله يا جماعه كانوا بيخوا فيها البصل او علب النيدو الصفراء الحجم الكبير او عليب الفورموست بتاعت اللين الجاف برضو بيحفظا فيها البصل الناشف
اها قبل رمضان بي يوم كدا يبدوا الاولاد يعملوا بي بولك شكل بتاع مربع عشان الناس تقعد تفطر فيه وبينضفوه من الحجار والوسخ والدلاقين الكانت بتكون في الواطه والا تقلهعا قلع
ولما يجي رمضان كنا بنسمع نوبت عمنا شريف دوق دوق دول دول صايم رمضان قوم اتسحر دوق دوق دول دزول فاطر رمضان نوم اتندل
يا جماعه بتتذكروا عمنا المرحوم عامر ابوناس محمد عامر وانس ساميه عامر الفي شارع النيم قبل رمضان نمشي نشتري منو القلل الصغيرونه ونملاها من الصباح مويه ونخليها تبقا باردة
وياتي رمضان
ح احكي ليكم عن تفاصيل يوم رمضاني من الصباح نصحا نفتش وين بقيه الجكاكه الكان فيا الابري او الحلو مر او الليمون والكركدي المهم البنلقاهو بنشربوا وبقيت البليله والبلح المبلول
ولما كنا صغار ما بنصوم كانوا بيدونا باقي الاكل بتاع الصايمين يعني لقمه زادت او ملاح من امبارح او فول وطعميه او قراصه بي دمعه المهم بناكلها
اامهاتنا كانوا بيبلوا البليله من الصباح والابري والحلو مر ويخمروا اللقمه او الكسرة ولو قراصه بيلخوها بعد اذان الظهر والعندها شويه فول بلتو
اها بتتغسل العدة وبيتنضف البيت ووقتها ما كان في تلفزيونات بالنهار وبتتغرف البلاعة الله يكرمكم والعندو زباله مشا الكوشه طبعا الشفع الما بيكونوا صايمين عليهم المهمات دي
بعد داك تمرق امهاتنا في حلتنا يقعدوا تحت شجر ناس عمنا الخليفه الله يرحمو او تحت نيمت ناس خحيمه ام جابر ام ناس عادل النقر الله يرحمها كل يوم بيغيروا العقدة
والحريم بيكون ليهم بورش براهم واحنا الشفع بروش برانا وبيجيبوا معاهم مثلا لو في خضار عايز يتنضف او في مرات البنات الكانوا اكبر مننا كانوا بيجيبوا الكوروشي
ويقعدوا يخيتوا فيهو او مفارش للعيد و امهاتنا بيجيبوا عواميد الجلاليب ويخيتوا لانو بيكون العيد عايزين ليهم مصاريف زي العيديات او تشتري شي لي اولادها
المهم بياخدوا قعدتهم وبيكوناوبيتونسوا لما الساعة تقرب على اتنين بينفض السامر وبنكون بس الشفع القاعدين تحت الشجر
ويبدا اعدا د الاكل واحلا شي لما ينادوك تضوق وتشوف هل سكر الابري تمام ولا هل الملح ظابط في الملاح او الطعميه مبهره كويس
وبعد صلاة العصر يبدا التلفزيون في العمل بتكون في جنه الاطفال وبعديها مسلسل محمد يارسول الله
تعالوا نتذكر التتر بتاعو مع بعض
محمدا يا رسول الله
محمدا يارسول الله
يا حبيب الله يا محمد
يارسول الله يا محمد
اولا قبل الوجود
اخر له الخلود
.............
صلى الله عليه وسلم محمدووووووووووون رسول الله
عادل عثمان الحقنا بالاغنيه من اليوتوب
والغربيه كلنا بنكون بنردد الغنيه مع المغنيه ونركز لانو تاني يوم ح نحكي المسلسل دا لبعض ووب علينا لما النور بيقطع
الغربيه شارع النيم نورهم ما كان بيقطع زينا وكانوا بيقولوا انو شارع الني كهربتهم مع المظلات المهم بنمشي بيت الخاله السرة ناس حنان طه ونحضر المسلسل او بيت ناس منال صلاح الدين
بعديها يمرقوا الاولاد البروش ويتحضروا ويتحلب الليمون لانو ما بيعملوه الا قبل المغرب بي دقايق
يا جماعة بتتزكورا مشوار التلج لانو النور كان بيقطع وصراحه حتى لو كان ما بيقطع النور الناس ما كان كلها عندها تلاجات وديب فريزات
وتسمع طق طق بيكسروا في التلج بالنهار وبيملا الحفاظه واجلا شي لما نجي نشيل القطع الصغيرونه ونمصها او تشيل ليك حتت تلجه وتبدا تهزها زي البتبشر وتجي النقط الساقطه
على الزول القامك باتذكر انو البتكسر التلج بتخت قدامها حله فيها مويه او جردل وتكس وتغسل التلج وتخته في الحفاظه وتفرش ليها شوال عشان تكسر فوقو التلج بي يد الهون او يد الفندق
والغريبه قصه انو يد الفندق تكون ريحتها توم كان وارد
وتترمي القراصه او تنعاس الكسرة او تتصاط العصيدة ا اللقمه زي ما تحبوا تقولوها ويتشدا الملاح والبليله والبلح يتختا فوق منها
وتسمع صوت صحانت الطلص تتقاقش في المطبخ او في الراكوبه البيتكون قدام المطبخ والناس كل زول بيعمل ليهو في شي
ولما تحين لحظه الفطو بيكون كل شي اتغرف وطلع ومعظم الناس بتشيل فطورها الرجال اعني ويفطروا في الشارع مع باقي رجال الحله واللاولاد
بيكونا معاهم
في كل بيت في تخصصات يعني نحنا عندنا مفهوم - الديفيشان اوف لييبار - من زمان يعني في زوله في البيت بتكون متخصصه في اللقيمات او واحدة تانيه تخصص قراصه
او تخصص دمعه او تخصص نعيميه او ملاح روب والمويات بتكون على زوله معينه في البيت والشاي على التانيه او تكون تخصص ظبيط الفول
اها اذن الاذان وبدا الرجال في الفطور والنسوان لسه في المطبخ لعمل الشاي والقهوة وبعدين يبدوا ياكلوا
وبتسمع عبارة انو من ما جا رمضان ما قعدنا لينا في صينيه بناكل واقفين لامن الاكل ما بننعرفو مشا وين
بعد الفطور تبدا البنات في غسيل العدة
وفي ناس بتمشي التراوييح في الحله او في جامع الشعبيه الجنب الطابونه او جامع الكوارته او في زاويه الحي
وتبدا طقوس اعدا د العشا وغالبا ما بيكون فول وجنا جداد او طعميه او من فتح عليه ربي بيكون في كبدة او لحمه محمرة
وسلطه دكوه اساسي زي ما سلكه الروب اساسيه في الفطور
وبعديها تقعد الناس تتونس وتساهر ويرقدوا ولسه ما قالوا بسم الله الا يجي عمنا شريف بي نوبته الكبيرة يا جماعه بتتزكروا النبق الكبار الكان بيبيعوا عمنا شريف
والسحور بيكون فطير بي لبن او رقاق بي لبن او روب او رز بي لبن او بالعدم قراصه بي سكر وسمنه والشاي اساسي
اها يا جاماعه العندو كلام زيادة يذيدوا لينا
كل اهلي في الشعبيه اقعدوا بالف خير انتم ومن يعز عليكم
روما
10-11-2009, 05:07 PM
مريم عبد الله مريم عبد الله
تاريخ التسجيل: 10-09-2009
مجموع المشاركات: 1448
Quote: بــس عايز منك انك كيف بتعمل الخط كبير وسميك والظاهر عليك انك راجل فنان . وانا منتظرك علي حر من الجمر ، وياريت يكون بالتفصيل حتي تعم الفائدة للجميع . .
الإجابة بِالتفصيل المُمِل تلقاها في مُداخلتي بِالصفحة رقم (73)
10-11-2009, 05:48 PM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
ماني سامِع كلامُمْ تب وحاتِك ... ديل حاقدين على شبابي الما راح يا زوله جاني أبوي في المنان قُبال كمين شهر سألتو : - يابا شمش الدين وآبدون بِتعرِفُم؟ - ديل كانو أصحابي يا ولدي ، بِرهُم الله يِرضى عليك
ودايِر أسألو عن تاريخُم في الشعبِية وبحري ، عِلا بِت إبراهيم يِلعن شيطانا بِقِتْ تكورِك في أضاني تقول ساكيها جان ... صحيت
Quote: وسجل في الفانز كلب بتاع ناس تامر حسني
Quote: وكتر في العربيه من شرائط شرين وناس اليسا
Quote: قول ليه تتذكر لما كنتا بتقطعني الظلط عشان امشي الكي جي
Quote: وقول ليهو تتزكر لما كنتا ما باحصل الكولاار
Quote: وانتا بتملا لي المق
دحين يا أُختي ما ظنِك عصرتي علي شوية ... هسِع الإسوم دي بِياتو لغَوه ومالا مِتِل أُسوم الإسبيرات ... الشي فات مِنا لِقدُر ده ... ظنك أكان سكتْ ساي وإبلمت ما أخيرلي إن لاقاني زولاً بِناضِم في الكُبُر ... بنفضِح ساي مع أُسومِك دي ... < الفانز > و< شِرين > شرين ولا تلاتين ... يا زوله أخيرلي التِبِلِمْ
10-11-2009, 06:02 PM
مريم عبد الله مريم عبد الله
تاريخ التسجيل: 10-09-2009
مجموع المشاركات: 1448
طبعا بي مناسبت الصور زمان كان في استديو هدى الفاتح في المركز الصحي المهم قلنا نمشي ينات الحه نتصور
وبدينا الاستعدادات كل واحدة مسحت القوصه وداك يالخرتوش القطعناهو ولفلفنا القوصه ( رمز الجمال في وقتها )
المهم ولبسنا كل العلى الحبل وسفنجاتنا لبسناهم لكن لما جينا الاستديو كل واحدة مرقت شبط العيد او الجزمه كنا لافينهم في ورق جرايد
وجينا تنقش تنقش مشينا الاستديو كان فيه المصوراتي ومن ما شافنا قال لينا ارجعوا وتعالوا بكرة واحنا اصرار عجيب وقال خلاص انتو حرين
المهما ترصينا واتسنترنا ليك ناس واقفين وناس قاعدين وما فكينا القوصص الا في الاستديو وما يفوتك كان في عادة انو الواحد
لما يتصور بيكون في ورد صناعي او سبت فيه تفاح بلاستيك او فرع برتقان بلاستيك وطبعا الساعة الكبيرة البتكون استيكها
حديد اساسية والغريبه بيرفع الزول يده الفيها الساعه الحديد ويختها بتحت الفك ويميل راسو بي زاويه فشر ناس الهندسه يوجودها
وفي تعابير بيرسموها على الوجوه يعني الناس كلها تكون مبتسمه لغايت ما يبين ضرس العقل او الاصحاب بيكونا ماسكين يدين بعض
المهم مشينا وحرقنا روح الراجل المصوراتي لانو الكل عايز يعقد وين ما عايز وما يفوتك ايامها كانت موضت البردعي تتذكروا مسلسل
البردعي اها كان في نوع قماش بيلمع يا فضي يا دهبي ونحنا كلنا متبردعين ما موضه يا ناس والراجل مهذب وحاول يفهمنا انو الاضاءة
ما جايه لانو الما لابسه فينا فستان كامل من البردعي لابساهو بلوزة ومعاها جيبه سكر سكر لو بتتذكروا القماش دا
وطبعا ما خلينا لينا كحل الا كحلنا عيونا يعني لو شفتنا كنتا تفتكرنا - ايمو - المهم وقعدنا وديك يالابتسامه وما كان بتدفع القروش الا لما تجي تستلم الصور
المهم نحنا قروشنا ما لامينها كلها وقلنا خلاص لما يجي يوم الاستلام نجي وندفع وانتظرنا اسبوع وكل يوم اي واحدة فينا البيلقى روحها قريبه من الاستوديو تمشي
وتسال وفي استاذ تاني بيكون موجود غير الصورنا المهم جننا ناس الاستديو
لما جا يوم الاستلام كل واحدة فينا دعكت سفنجتها بي حجر الكرعين نضيف ومشينا اول ما جينا لقينا قدام الراجل الصورنا صور بتاعت ناس مصورنهم من المعمل الجنائي
اها زغنا ليك طوالى وهو ينادي علينا يا بنات تعالوا قلنا نمشي تاني يوم بالنهار هو ما بيكون موجود وقد كان والله لا يوريك المناظر البردعي اكنا لابسنو قضى ليك
على الصور بس عينك للضوء الباقي من كل زول وما بتشوف الوش واضح ووشوشنا بقت زي الفاتح ليهو لمبه البتكون بتدور وبتعمل الوان وما باينين طبعا ابينا نشيل
الصور وشمطه كبيرة معاه كيف يطلعنا كده الحمد لله ما اصرا على القروش وقال لينا تاني لو جيتوا تتصوروا اوعا من البردعي
Quote: تسالمك العافية ياراقي يافنان .... واليوم النشوفك تطرب الاركان ... والله مشتاقين وفي كلامك سحر البيان ...
شــوفوا القمر هــلا وظـهـر من جـديد نشوفوا كيف ونحنا قمرنا ياهو الوليد يقوم سداري بصفحتنا ونحنا نقعد بعيد
Quote: اخوي عماد الدين عبد الله
شرفتنا بالزيارة والنعم بالطلا
الجنا العقيد الرميتو ما بتتجلا
شحتا الكريم مقامك ما يندلا
تشرب من زمزم لامن عروقك تتبلا
واحلك من الزنقه الحلا زمان بلا
قول امين
آمين بقولها واشــحــد ربي الكريم مـريـم بـت عـبدالله مقامها فوق الجميع يتعلا ومـكـان مـا تـقـبـل امــورهـا تـتـحـلا وفى الشعبية تكون دائما نجمتناالبتتجـلا
10-11-2009, 09:01 PM
Munir Munir
تاريخ التسجيل: 02-11-2002
مجموع المشاركات: 10496
ماشاء الله ياعبدون علي الصور .. يازول إنت ياك عبدون الزمان زاتو .. ده لو ما قلنا رجعت ستين سنة للوراء .. ياخي كده شمس الدين ما حينوم .. بس كمان بالصراحة كده صورة شمس بالجلابية النزلها هنا ده ياهو شمس الدين الكنت بشوفو مع صاحبه زاهر زاته قبل خمسين سنة ـ وأنا الزمن داك ما كنت بعرفه .. يا شباب اقدلوا ساي ، وخلونا نحن بجاه الملوك نلوك .. . . وزي ما قلت يا عبدون قومية الأرومو، وهي تقريبآ أكبر قومية في اثيوبيا ، هم مسلمون ـ وبهم ربما كانت اغلبية السكان في اثيوبيا مسلمين ولكن الصورة العالمية المطبوعة في أذهان العالم أن اثيوبيا مسيحية ..
10-11-2009, 11:32 PM
Munir Munir
تاريخ التسجيل: 02-11-2002
مجموع المشاركات: 10496
Quote: اها زغنا ليك طوالى وهو ينادي علينا يا بنات تعالوا قلنا نمشي تاني يوم بالنهار هو ما بيكون موجود وقد كان والله لا يوريك المناظر البردعي اكنا لابسنو قضى ليك
على الصور بس عينك للضوء الباقي من كل زول وما بتشوف الوش واضح ووشوشنا بقت زي الفاتح ليهو لمبه البتكون بتدور وبتعمل الوان وما باينين طبعا ابينا نشيل
الصور وشمطه كبيرة معاه كيف يطلعنا كده الحمد لله ما اصرا على القروش وقال لينا تاني لو جيتوا تتصوروا اوعا من البردعي
روما
ههه .. تاني عشان تتابعوا المسلسلات ..
ذكرتيني واحدة قريبتنا مشت اتصورت .. ويوم جاءت تشيل الصور لقت الصور طلعت شينة ـ مع إنها سمحة ـ وقامت زعلت وجاطت مع المصوراتي .. والمصوراتي كان جنوبي ـ قال ليها .. يأني أنا أأمل ليك شنو؟ ده ما ياهو إنت زاتك ، يعني أنا جبت زول تاني بدالك؟ .. ما ده إنت زاتو ..
لكين طبعآ فعلآ الصور خداعة .. تلقوا نفس الزول في لقطتين وراء بعض يطلع ماياهو .. اللقطة الأولي تطلع صاح والتانية غلط ..
10-12-2009, 00:00 AM
Munir Munir
تاريخ التسجيل: 02-11-2002
مجموع المشاركات: 10496
Quote: سيزر والله بقيت زي اللعيبة المحترفين كل يوم في بلد حمد الله على السلامه ------
نقوم بمناسبة الشاعر حميد والمركزي الصحي ياحبيبي تذكرني اهلك عصام الملك وناس محمد احمد في الشعبية جنوب واجمل ليالي نقرشة الطمبور في بيتهم العامر
الحنين وليد كيفك .. ياخوي زمان في السودان الناس كانت تفتش علي السفريات الخارجية بالفتاشة ـ واحيانآ تجي كورسات قصيرة تدريبية لمبتدئين يقوموا يقدموا ليها المدراء الكبار ويستحوذوا عليها ـ لأنو طبعآ الكورس بيكون سياحة ومعاها نثريات واليوم بـ 50 دولار والمدير مرتبه كله ما يفوت الـ 200 لـ300 دولار .. ولكن نحن مديرنا كان زول زاهد جدآ وعينه مليانة وأذكر إنه كان مرغوب فيه للعمل في مؤسسة دولية للأمم المتحدة فقال إنه ما حيخلي مكتبه إلا بعد ما يضمن تأهيلنا كعاملين جدد في إدارته .. وكان من الناس القرفانين من الخمج الذكرته أنا فوق بتاع بشتنة الخدمة المدنية والاجتماعات والحفلات وغيرها .. وفعلآ بعدما شافنا مسكنا الشغل كويس مرق من البلد ..
أسه الواحد تجيهو سفرة في الشغل يقعد يطنطن ..
بالمناسبة ناس عصام الملك هم أولاد خالة عادل عثمان .. بس محمداحمد قريبنا ده ياتو في المحمداحمدات ..؟ اصلو طبعآ انت عارف إنو أهلنا كلهم محمداحمدات وسيداحمدات ..
10-12-2009, 00:11 AM
Munir Munir
تاريخ التسجيل: 02-11-2002
مجموع المشاركات: 10496
عادل عثمان كيفك .. ده حالته قايم من النوم؟؟ .. ماشاء الله لم تهاجمك التجاعيد ..
وبمناسبة النوم ـ طبعآ الواحد بقي يلفح أي كلمة ويعمل منها مناسبة ـ بتي مني لمن كان عمرها تقريبآ تلاتة سنين (اسه هي 11) كانت دائمآ تصحي بدرررييي ونحن بنكون لسياتو نايمين وتقعد تنتظر وتنتظر لغاية ما نصحي .. فيوم من الايام صحينا ولقيناها لسة نائمة .. وبعدما استيقظت قلنا ليها إنت ليه نمتي كتير كده ؟؟ فقعدت تغالط وقالت أنا ماكنت نايمة أنا كنت باتفرج في أحلامي ..!!!
10-12-2009, 06:15 AM
شمس الدين ساتى شمس الدين ساتى
تاريخ التسجيل: 12-14-2008
مجموع المشاركات: 2642
Quote: شوف دى مثلآ صورة لشخصى السمين يوم 7 اكتوبر 2009 وانا قايم من النوم. لهذا ابدو شين ودشن.
عادل عثمان طال ما عصام الملك قريبك معناها محمد احمد الشايقي قريبك في مره قاعدين في مناسبة صاحبنا بالشعبية فشقيقة محمد كانت مشهور بالجمال فأثنا ماجاية تسلم علينا فهمسنا في اذن محمد ياخي اختك دي سمحة خلاص قال : انتو عوره دي حالاتها متشطفه بس
--------------------------------------------- الف تحية لصاحبنا محمد احمد ولاسرتهم
10-12-2009, 07:08 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
ياسلام ياشكوكو وانت تأتينا بصورة والدة الكرابيج (اللول ) مشيت زرتها في اخر اجازة واتونست معاها في برندتها شي رطانه وشي عربي وحريفة ونسه زي اولادها في الكورة
بنات اخونا قزاز من اولاد الشعبية وفي نفس الوقت بنات اخت الكرابيج (هذه هي الشعبية )
10-12-2009, 07:16 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
ياعبدون تعرف لو لا تغير لون الشعر ما انت ياك انت زول زمان
ياعبدون اجمل شي جيت جاري من هناك ومتلهف عشان اعرف واشوف تعليق شمس الدين لان دا موضوع بهجج البوست .. لكن ماشاء الله وربنا يحفظ كل الاخون ويغطيهم من كل شر ..
عماد عبد الله ياخي الناس ديل ماتشتغل ليهم شغل بحري يعني كلفتهم وتعال وهنا طرفه بنحكيها في وقت لاحق
10-12-2009, 09:16 AM
شمس الدين ساتى شمس الدين ساتى
تاريخ التسجيل: 12-14-2008
مجموع المشاركات: 2642
شكو كو ابو النواضر الحاضر نشكرك وانت تذكرنا الاشياء الجميل مضافة بالصورة الجميله لناس نعزهم ونحترمهم وسبق نزلت صورة المحارب يحي قسم الله واليوم واحده جديده ولا اروع
قصــــــــــــــــــــــــــة في واحدة من اجازاتي وفي يوم مزعج وانا اشاهد صغيرتي محمومه وتتألم وبعد ان خرجت بالعربة من مقابلت الدكتور وداخل بشارع المدارس عملت حادث كبير جدا بالعربه اما م بيت ناس صبري (شرباش ) وعندما خرجت من العربة سألت عن ام الاطفال والطفلتين وهنا تجد اصالة ناس الشعبية ووقفتهم المشرفه فقالوا : لاتشيل همهم اولادك وديناهم بيتكم فتم تحويلي الى شرطة بحري بأعتباري متهم وضارب من الخلف فذهبوا معي مجوعة من اولاد الشعبية وكان من ضمنهم يحي قسم الله وابن اخت صبري وفي تلك اللحظة اضعت اسم يحي قسم الله بالجد حاجه غريبة وليس غريبة على اولاد الشعبية فوجدتهم قدامي في الشرطة تم حبسي وخروجي دقيقة واحده ولا اقل . لان اخونا يحي قال انا الضامن وياسلام على هذا الرجل الشهم الذي يتمع بصفات جميله وهدو عجيب ونفس طيبة
------------------------------ بالله ياشكوكو كل التحايا لاود جنوب و الف تحيه للمحارب الخلوق يحي قسم الله
10-12-2009, 09:59 AM
شمس الدين ساتى شمس الدين ساتى
تاريخ التسجيل: 12-14-2008
مجموع المشاركات: 2642
شكوكو ياسلام وياسلالالالالالالالالالام وكما قال عمنا الفنان والشاعر السر قدور وهنا لي ياسلام معنيين ياسلام : بها فرحه عندما تشاهد من تحب (الدرديري ) وياسلالالالالالالام : فيها الم فراق من تحب (الدرديري ) وناس الشعبية الطيبين وياسلام برضو ياشكوكو ووانت تتحفنا بصورة الرائع نصر الدين الدرديري واخر مره قابلته كان لي معه كلمات جميله بعد ان اسمعني مرسية والده وسبق طلبتها منك ياشكوكو عشان تسمعها منه وتنزلها للشباب
وبعدها كتب لي وكانت زاد قربتي ودندن بالاتي في شاطي النيل الخصيب === انا وانت جلسين ياحبيب إلا النسيم يمشي ويجيب === من توتي اصوات الوتر مهما اقول فيك كيت وكيت وارجع صغير زي ما ابتديت الوصف موجز مختصر
ـــــــــــــــــــــــــــــــــــــــــــ ياسلام .. ياشكو كلماته جميله وفي وقت اخر ممكن تكون كامله
ياروما الله يديك العافية وانتى حركتى البوست واديتيهو حيوية وشباب بدل صاحبنا البنوم من الساعة سبعة ويعمل مشاركة واحدة كل اسبوع والمشاركة تكون كلها لآمة ..
10-12-2009, 10:33 AM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
غايتو ياعزام الصبغة لو سحبوها من السوق تتمقلب وخليك ماسك فى الصور دى قوى ماتضيعها يمكن الكلام دا يبقى جد ياحاقد .. ودى فرصة نعمل تحالف عليك انا وصاحبى المعمش ..
10-12-2009, 10:37 AM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
طبعا يامنير الشعر الابيض دا صبغة بيضاء واخوك شعرو اسود فى محله وماجاته اى حاجة بس انا عملت الصبغة البيضاء دى رفقا بى عموش عشان الضغط والسكرى بتاعه مايرتفعوا ..
10-12-2009, 10:39 AM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
Quote: يا وليد ... لامِن أسمع < مُشكِلة > الحلنقي ، بعرِف كيف < الفلس > بِصيب المُبدِع معقول الكتب < هجرة عصافير الخريف > يِكتِب < ما مُشكِلة > سُبحان مُغَير المُبدِعين
عزام فرح ياخوي
البشر العادي لما يفلس .. الله كريم اما الكاتب والشاعر لما يفلس.. بيضرس الناس وبيبهدلها اما فلس الدكتور ..بودي الاخره مباشرة (كما دكاترتنا حاليا في السودان )
10-12-2009, 02:46 PM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
انت ياوليد الصور التحت المشاركات دى بتاعتك ولا شنو؟
وبعدين ياجماعة ابو محمد فؤاد وين؟
وليد ياخى عندكم زول لو ماكتبتو عنه البوست دا بيكون ناقص بالجد والزول دا ابساحوتة الفنان .. لازم تكتبوا لينا عنه تاريخ كامل مع ملاحظة انو انا ارتكبت جريمة انو شجعته على الغنا..
10-12-2009, 02:59 PM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
Quote: وليد ياخى عندكم زول لو ماكتبتو عنه البوست دا بيكون ناقص بالجد والزول دا ابساحوتة الفنان .. لازم تكتبوا لينا عنه تاريخ كامل مع ملاحظة انو انا ارتكبت جريمة انو شجعته على الغنا..
أبو ساحوتة
صلاح عثمان صديقى من زمن الطفولة .من فلتات الشعبية الجميلة
كان بارعا جدا فى كرة القدم ولكنه لم يحبها كحبه للغناء
والذى أيضا لم يستمر فيه طويلا ..صلاح أبساحوتة رجل صاحب طرائف
لاتحصى ولا تعد ..وأيضا يحب المقالب.. ودائما قلق ..لا تجده يستقر
فى مكان واحد مما أثر فى حياته الإجتماعية ..تزوج أكثر من مرة
وطاف ببعض مدن السودان وبها تزوج ثم طلق (فى كل بلد سوالو ولاد)
حتى استقر بالعيلفون ..تزوج بها وافتتح كنتينا صغيرا.
قابلته فى إجازتى الأخيرة وقد أتى لمنزلهم زائرا كالغريب
ثم ودعنا مغادرا للعيلفون..
حكى طرفة عن صديقنا فيصل الدفجو..
المعروف عن فيصل كسله الشديد وعدم حبه للعمل..
قال لى صلاح ..تعرف صاحبك فيصل لقى ليهو شغل فى مطعم
فقلت: شغال شنو فى المطعم..
قال صلاح مؤشرا بكلتا يديه: بقشر التوم ...ههههه
10-12-2009, 03:14 PM
شمس الدين ساتى شمس الدين ساتى
تاريخ التسجيل: 12-14-2008
مجموع المشاركات: 2642
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مريم عبد الله
احمد محمد بشير
Munir
وليد عبد اللطيف
عزام حسن فرح
أمير قناوي
عماد الدين عبدالله
Adil Osman
عابدون محمد عابدون
صلاح شكوكو
الشيخ سيد أحمد
عبدالوهاب علي الحاج
شمس الدين ساتى
فيس بوك
تويتر
انستقرام
يوتيوب
بنتيريست