الشعبية نجمة تزين سماء مدينة الخرطوم بحري

Quote: روى أبي أنهم كانوا يسافرون في مأموريات مصلحة الجيلوجيا بالشاحنات شهوراً طويلة في أصقاع السودان ،

Quote: ** عـــابـــدون.. ** مساءك خير.. ** الشرير ولمساعدته فى أداء المُهمه المُوكله إليه بموجب العقد الموقع مع صاحب النجمه التى تتوسط بحرى ست الهوى والطراوه ودحمد فى مهمة (قالب الصفحات البوستيه للشعبيه) ونتيجةً لتقاعسه وخوفاً عليه من إنهاء خدماته من مهام هذه الوظيفه ,, #### فقلنا نساعدو فى هذه المهمه.. (ودام الود بيننا) (ابو محمد فؤاد)

(عدل بواسطة عبدالكريم أحمد الامين on 09-09-2009, 11:33 AM)

(عدل بواسطة عبدالكريم أحمد الامين on 09-09-2009, 11:34 AM)

Quote: ناس الشعبية جيت احملكم امانة اليشوف فيكم خيلاني (ناس ابو دية) يسلم عليهم ويبارك ليهم رمضان والعيد

Quote: الاخ الفاضل / الحاج حمد الحاج السلام عليكم ورحمة الله وبركاته في مكالمة هاتفية من الامارات من الاخ العزيز علي النفس الدكتور / عادل محمد عبدالدائم ( شقيق الاخ / صلاح شكوكو ) . قال فيها ( وينك ياعزالدين انت لحدي حسة قاعد في السعودية ؟ خلاص ارجع . واعمل حسابك من انفلونزا الخنازير ، البس ماسك كمامات) - والشكر الجزيل للاخ عادل واهتمامه الزائد وحقا وانت جالس في الحرم النبوي تسمع تلك السيمفونية تعلو بصوت السعال المتصاعد من الحناجر المؤمنة بالله وقد ارهقها السهاد وتفصدت مفاصلها من القيام طائعة الي خالقها مؤمنة بقدرها تصبو الي جنان عرضها السموات والارض ومغفرة من ذنوبها النتنة الفاسدة . ومياه زمزم الباردة المعتقة ببخور التقي والاعمدة الشاهقة والجدران المزخرفة باسماء المصطفي عليه السلام في المسجد النبوي الشريف تزغرد بصوت النملة في كتاب الله ( حتي اذا اتوا علي واد النمل قالت نملة يايها النمل ادخلوا مساكنكم لا يحطمنكم سليمان وجنوده وهم لا يشعرون ) . والهدهد التقي يبوح عبر المدي الا يكون السجود الا لله الخالق .وجبل احد يهتز حين يصعد عليه المصطفي والجزع يبكي بكاء الطفل الجائع . والفرس يجفل بتلاوة القران ،والصحابي يقول ( كنا نسمع تسبيح الحصي بين ايدينا ) ، والذئب يرعي مع الغنم . والافق الفسيح يعلو بالمكان علي ساكنه افضل السلام ... اخوكم عزالدين عباس الفحل ابوظبي

Quote: ان شاء الله جاييكم برواقة

Quote: حبابكم الف ناس الشعبية لقد كان لي شرف نيل العضوية في سودانيز اون لاين يعني ناس الشعبية زادو نفر اخوكم دكتور عماد عبدالله الطيب دفعة الحاج حمد ودكتور منير عبدالرحيم ووهبة وصلاح عباس وبقية العقد الفريد

(عدل بواسطة Emad Ahmed on 09-10-2009, 09:39 PM)

Quote: الحاج حمد الحاج حسن طه محمد صلاح شكوكو عبد الوهاب الحاج علي عابدون محمد عابدون شمس الدين ساتي عادل عثمان عمر عثمان

Quote: انا شقيق ودالنادر واكيد بتعرفه لانو كان منجض الشعبية نجاض شديد ونسكن شارع المدارس مقابل لمدرسة القابلات ولا اريد ان اطيل وان شاء الله نفيد ونستفيد

Quote: ياخي ود النادر وعلي والجلد مافي واحد دقاني زيهم في الكوره

Quote: هدية لسيد الحوش حجوج ومن شايعه

Quote: مشكور ياحبيبنا( على صورة عزام ) ياخي انت عارف صاحبي ده موش لو غير الصوره المساخه يعمل ليها شنو

Quote: طبعا يا وليد ما بتكون بتعرفني انتواصلكم صغار انت وعزام وبدرالدين

Quote: حبابكم الف ناس الشعبية لقد كان لي شرف نيل العضوية في سودانيز اون لاين يعني ناس الشعبية زادو نفر اخوكم دكتور عماد عبدالله الطيب دفعة الحاج حمد ودكتور منير عبدالرحيم ووهبة وصلاح عباس وبقية العقد الفريد

Quote: الاخ الفاضل / الحاج حمد السلام عليكم ورحمة الله وبركاته اخي صلاح شكوكو وال شكوكو الطيبين الكرام لكم التحايا العطرة والحمدلله زي ماقلت ياصلاح انو انا مشغول للغاية في ابوظبي لدرجة ماقاعد اشوف التلفزيون ولا اطلع علي الجرائد ودي نعمة من رب العالمين ، ودائما الاخبار تصلني متاخرة من الاخوان ، واذكر انو تلقيت مكالمة من اخيك الدكتور / عادل شكوكو قال فيها انو السيد احمد المرغني توفي ، تاثرت كثيرا كعادة كل السودانيين الطيبين ، وقلت ل عادل الكلام ده متين ؟ رد حرام عليك ياعزالدين الكلام ده ليه 25 يوم يعني شهر ، ومرة اخبرني احدهم انو الفنان مايكل جاكسون اتوفي ، قلت ليه باستغراب مايكل جاكسون الراجل الطيب مالو ؟ ومتين والله ما عارف ما كان قاعد في البحرين ؟ رد علي باستهجان شديد ياخي كل القنوات الفضائية نقلت الجنازة الاسطورية ، والامطار الاخيرة عرفتها من الوالد والوالدة عبر الهاتف الخلوي وهم الان في الاردن ، والحمدلله انا في نعمة شديدة ، فالشغل ماخد كل الوقت ،ومرة قلت للدكتور / عادل شكوكو ياخي وين الاخ صلاح شكوكو فجاءة اختفي ، والله يا عزالدين حرام عليك انت عايش برة الشبكة ، شكوكو في مصر المؤمنة باهل الله ،اما مسالة القريحة والتواجد المستمر في حوش الحاج حمد انا زاتي مستغرب ، لكن عظمة المكان والملائكة الكرام تحف المسجد النبوي ودروس الفقه والزحام الشديد في كل الطرقات في حضرة المصطفي عليه افضل السلام تاسر القلب الولهان ،اضف الي العولمة واجهزة العولمة المخيفة بجهاز الموبايل تدخل علي النت وتخش جوووا حوش ود حمد وانت علي اتكاءة اعمدة المسجد النبوي ، والمظلات كالفراش تحلق فوق رؤوس العباد في لوحة ملائكية بديعة بال شكــوكــــو الكـــــــــرام اخوكم عزالدين عباس الفحل ابوظبي

Quote: الاخ الكريم / الحاج حمد الحاج غفرالله لنا ولكم اجمعين رسالة الي الاخ الدكتور / اميــر قناوي اخي الكريم اطلعت علي مداخلتك والعبرة تخنقني وتشد من حلقي والموت يخطف بالطيبين وذكري والدك العطرة وهو يرتشف من القربة في الزمن الصعب، وهاهي والدة ابي ونحن صغار تغدق علينا بالقروش وتلبي مطالبنا في وداعة الحبوبات فجاءة تختفي وانا علي عتبات الصف الثاني ابتدائي ، فاتذكر ذلك الوجه الصبوح يعلوه البشر الممزوج بعطر وحلاة الصندل في هجعت الليل ترتل بالدعاء لوالدي... اخوك عزالدين عباس الفحل ابوظبي

Quote: يا خوي ما كفانا ( نجاضه ) أخوك ... كمان جاي تتِم ليهو البداهو وتزاملِني مع بدرالدين في عُمر واحِد ...

Quote: بالمناسبة نادر واولاده كانوا معاي في الدوحة اجازة ورجع السعودية

Quote: بِالله إتْ مُقيم في الدَوحة ... تَيِب ما حقو نتواصل ... ماف داعي تقول لِنادِر إنك قابلتني ... على الأقل في شهر الصبر ده ... يا زول آثارو لِهسِع ظاهرة ... الشي ناجازاكي يا دافِع البلا ... وبعدين بِكون رحل جيناتو لأولادو ... صِحتي يا عماد بِقتْ ما بِتستحمل وكمان السنة دي بِقيت صايِم ... حرام ... والله حرام ... خلي مُكالمتنا دي بيني وبينك ...

Quote: السلام عليكم يا أحباب .. جيتكم في حالة تسلل لأسلم وأرحب بالأخ الصديق العزيز الفانتـوم عماد عبدالله الطيب ـ وياعماد دي عملتها كيف؟؟ .. خشيت توش بدون واسطة .. نورت المكان .. ياجماعة عماد عبدالله رجل دفعة منذ الشعبية جنوب حيث أنو أستاذ فضل عليه رحمة الله كان يسميه الفانتوم ـ وذلك لأنه كان سريع سرعة خرافية في حل مسائل الرياضيات ـ وطبعآ كنا في الزمن داك في نهاية حصة الرياضيات الاستاذ يدينا واجب للحل وجمع الكراس لتصحيحه وارجاعه تاني يوم حيث الجلد الجلد .. فكان عماد قبل ما الاستاذ ينتهي من كتابة المسائل يكون حلاها ويصحح كراسه قبل نهاية الحصة .. ويجيبهم كلهم صاح .. أها أخوكم منير قدر ما حاول يسبق عماد عبدالله في حل المسائل ما قدر ـ مع إني برضو ماكنت هين :) ـ غايتو حصة الحساب كانت ميدان سباق طيارات .. وكانت الفانتوم هي الأسرع .. الشئ التاني طبعآ بيت ناس عماد في شارع المدارس في سكتنا ونحن نشق الهجير في طريقنا للبيت .. فكنا نقيف جنب بيتهم ونجدع شنط المدرسة تحت الشجرة ونعملها دافوري ـ قيمين ـ قدام البيت في عز الشمس .. بعد الكندكة نقطع كيزان الموية الباردة ونواصل مشوارنا ـ وقال ليك بعد ده كله نجي راجعين لدرس العصر !! اللياقة كانت ألف !!! .. وياوليد عبداللطيف نادر أخو عماد ده بالراحة كدة ممكن تقول عليهو كان أشفت زول في الشعبية !!! ..

Quote: قالوا امس جمهور الهلال في الشعبية شال عنقريب من الفحامه وعمل جثمان المريخ

Quote: عزام تحياتي انت الجرسة دي كلها من رمضان ولا اتذكرت نجيض ناس نادر الزمان واكيد الزنجي نجضكم نجاض شديد اها كيف مع القيام ولا شغلكم بدري الاجابة رسلها لي في الاميل [email protected] لزوم السترة والعين

Quote: والله ما عارِف أقول ليك شنو يا دكتور عِلا بتذكر جدي أكان بِقول لو ما رمضان وصلاه العصُر ، المحس بيدخلو الجنة أُم حور قُبال حمزة والعباس ... والله رمضان ده مِن شِده ما صعب على ، تلقاني مِن يِفوت فوقو يوم أتحسر لآنو قرب علي رمضان الجاي بِيوم ... ما تكونو كِده يا ناس رمضان قاسي وعاصي ... تراني حاسي وداسي ... أنا ما عاوِز أتكلم نُهائي عن نادِر أخوك لا بِالخير ولا بِالشر ، يِقوم يِتذكرني تبقى مصيبة ... الزنجي ده كان فريد في كُل شي شاطِر وشرير ودناس وغتيت البتجنبوهو قدُر العاصرين عليهو ... الزنجي أكان لامي كُل المُتناقِضات الربُنا ساها في البني آدم ... غايتو أيام الله لا عادا ... قِيام شنو يا دكتور ... معقول ... الصلاة الراتبة + صِيام + شغل وكمان فيها قِيام أصلو الجنة دي دايرين ندخُلا يوم الأحد 13/09/2009م قتْ أرسِل ليك الإجابة في الخاص ... يا زول هو سودانيز فاضحانا في القِبل الأربعة ...

Quote: قتْ أرسِل ليك الإجابة في الخاص ... يا زول هو سودانيز فاضحانا في القِبل الأربعة ...

(عدل بواسطة عماد الدين عبدالله on 09-12-2009, 05:45 PM)