الشعبية نجمة تزين سماء مدينة الخرطوم بحري

Quote: أحييك اخي عادل، الصورة ذكرتني الأيام العلاجية ايام الجامعة و زي ما قال صحبك يا الحاج الدكتورة شديدة الخوف من الأطباء كثير لكن زي الخوف من طبيب الأسنان ما شفتها عندنا مواقف كتيرة مع الأطفال نحكيها لاحقا، وعشان كده وزارة الصحة الولائية عملت قسم للوقاية من امراض الأسنان منذ الطفولة نمشي للاطفال في مدارسهم او نجيبهم في القسم والكراسي كلها في شكل عربات او طيارات كانك داخل منتزه ده كلو عشان نقلل الخوف القسم ده في بري ومديره الدكتور بابكر عمر الحاج موسي وعبر هذا البوست احيه فقد قدم الكثير لمركز صحي الشعبية وكان هميم بقسم الأسنان وتطويره للارقي وتعلمت منه الكثير

http://www.alrakoba.com/vb/showthread.php?t=24624

Quote: وشرحت لهم بعض الكلمات الدارجيه بتاعتنا وياريت ياشعباوية لو تعرفوا كلمة (مكسيم )واذا لم تعرفوها أسألوا مولانا حسن طه .

Quote: الاخ وليد السلام عليك ورحمة الله وبركات كل ما افتح بوست الشعبيه يعاودنى الحنين الى ذلك الحى الجميل ويزكرنى باجمل ايام حياتى واتمنا ان يتواصل جميع ابناء الشعبية فى الداخل والخارج وعن الحديث عن سوق الشعبية بالتاكيد شكل السوق لايسر سكان الحى الجميل كما زكر الاخوان وانشاءالله يكون ابناء الشعبية بالخارج والداخل على استعداد لمساعد بعض فى تغير شكل السوق وانا واحد من يريد المساعده لهذا الحى وعنوانى خالددرق دبى الامارات العربية المتحدة تلفون 00971506949595 اميل

Quote: تحايا لكل الأخوة ،ومرحبا بك أخي عزالدين محمد عثمان تعرف منذ ان بدأت بقرآة هذا البوست وأنا بحاول معرفة الجميع وياربي بعرف أخواتهم ولا لا؟ومن وصف الشارع عرفت موقع بيتكم وانتو برضو ناس عزاز وكل سكان الشعبية عزاز والدتك الحاجة فاطمة يديها العافية ولا أنا غلطانة؟ يا ريتني موجودة بالشعبية كنا أكيد اتلاقينا لكني مقيمة بالدوحة تحياتي لأهلك الطيبين

Quote: وبالله ياعزالدين تحياتي الى اخوك الحارث ويظهر انت ما عرفتني . ياناس حلة الصديق وناس الشعبية عامة ارسل رسالة (خالد درق ) شقيق ازهر ي وصلاح وشيقيق المرحوم عثمان سالم علية الرحمه وبيشيد بالبوست ونحن نقول شكرا ونرجوه بالمشاركة ونترحم على شقيقه اخونا عثمان سالم رحمة الله عليه ودعواتكم . وبعد كده ياحاج حمد البدلات بتكتر عليك بالله شيك شبعان كده . وبقترح ياشباب لان في كثر في الخارج يحبون مراسلتكم والمشاركة بس ياريت لو واحد يتفضل ويسجل ايميله في البوست ليكون حلقة وصل ويكون مشكور في خدمة الشعبية . ودمتم .............. وليد عبد اللطيف

Quote: ونطالب بتطعيم بالأخ عبدالمنعم كضلو ..

Quote: لصفحة باتا(9#)..

Quote: وياالحاج نحن بقينا أقلية ونطالب بتطعيم بالأخ عبدالمنعم كضلو

Quote: تحية تقد ير واحتر م للخال عبد و ن محمد عبد ون والا خ وليد والعزيز جدأ علي قلو ب او لا د عسكر من الصغيير الي الكبيير المعلم سمير محجوب والتحيةالي جميع الا هل والا حبا ب بكوستي والتحية الي جميع اهل الشعبية من الكبيير حتي الصغير نحن اولاد عسكر محبة الشعبية دا خل القلوب والله يعلم بذلك وتحيا تي الخا صة جد أ الي الا خ الا كبر العز يز جد أ جدأ جدأ الا ستا ذ الفا ضل شمس الد ين سا تي وا طلب من الاخ شمس الد ين ساتي التحية الي كل الا هل والا خو ن بد و ن فر ز /// ولك كل الحب والتقد ير من او لا د عسكر فيصل وسا مبو وعبد المنعم وعو ض وعبد الر حمن والله يا شمس الد ين انا بكتب والد موع علي الجفو ن ذ كر يا ت الا هل والا حباب كا نت لها طعم مذ ا ق جميل الله المستعا ن عو ض عسكر ولك كل التقد ير والمحبة الا ستا ذ الفا ضل حا ج حمد

Quote: يا شعباوية سقاني الهوي كأساً من الحب صافياً فياليته لما سقاني سقاكم فلو قيل لي ماذا تشتهي لقلت رضاء الرحمن ثم رضاكم !! يا عزام فرح :- عزام شكيتك على الله زي ما بتقول ولو داير تعمل شراره بيني وبين حاج حمد معليش القطر ليهو مفتش واحسن ( نسكت ساكت ) زي ما قال مولانا حسن طه . وعلى حِس الورود النجيله تشرب وإلا دحين سويتها ظاهره يا عزام .ودي ريده ما بتعرف نهاية . بقيت تقول الريده خوه بعد ما خلخلت قلبي وفيني ما خليت مروه خوه ايه بتبكي سيده . خوه بتسهر ليالي إلا دي الخوه الجديده . ياعابدون :- عايز تقول انا ودكتوره ستنا زي حمد والديبة وانت كمان اعمل لي اعلام زي صاحبك (الصّحاف ) حاج حمد سيد الحوش وين الاساسيين اصحاب بوست الشعبية .وده كلوا عشان نحرّكم شوية وانت تعرف متعتنا متابعة ابداع شباب الشعبية من الخارج . يا دكتورة ستنا :- بالله انتظريني مع بنات عمك (نوري ) لانه مدرسة ويجب الوقوف عندها وظبتي القهوه والشاي واعزمي الجيران بحكي ليكم عن عم نوري شوية . بس احدي ما انهي موضوعي واجيكم . يا شمس الدين ساتي :- صحيح كلامك عزام مسكون ابداع بس كمان معاها حاجات تانية حامياني .ومعانا دكتورة تفتيش الاعمار .وهو له مواشي في السودان ويعرف كيف يفرق بين ( الجدع والتني والرباع ) من خلال فتح الخشم ومراجعة الاسنان . يا عز الدين محمد عثمان :- سلامات وقول لي اخوك الحارث كفارة البيك يزول وعمرو المرض ما كتلو زول وكمان وحات ابتسامتك يالحافظ كرامتك كفارة وسلامتك والف عزيز كرامتك . وعشان كده قلت ليهم هو وناس فتحي محمد صبر وعبد الرحيم عثمان اصحابة بطلوا اكل (فتة الفول ) واحسن تقعوا الالبان والاجبان عشان الكالسيوم يكون عندكم ولا شنو يادكتورة ستنا . ودمتم ....... وليد عبد اللطيف

Quote: يعني عاوِز تقنِعني إنو كانو بِرجِعو ليك القِرِش

Quote: الاخ صلاح شكوكو وصل لقواعده سالما والحمد لله ويا ابو صلاح ارقامك ماشغالة ..

Quote: وطبعآ إنتو من الدماء الحارة التي نشأت بعدنا في ميادين الشعبية المشتعلة بالنشاط والحيوية في تلك العصريات الساخنة .. كور وجري وبردبة تدوي اصواتها من حدود ميدان الهجرة لميدان الصداقة لميدان الرابطة لميدان النجوم للنسور لميادين الزهرة وإنت طالع معدي شارع المدارس في الميادين المحاذية للمدارس قبل أن تبني معظمها كمدارس في مدارس ـ ده غير الدافوري في السهلات الصغيرة وسط المربعات .. يعني اصوات الكورة تسمعها في جميع انحاء الشعبية التقول ميادين رماية عسكرية

فرق من رابطة الشعبية – 2007م


مرتضى رشوان (حكم) و فيصل عبد الصادق (سكرتير الرابطة)

Quote: كتب عابدون (وليد كنت فى آخر صفحة 48 عملت ليك ملاحظة عن سعادة المستشار حسن طه .مالك ماعلقت عليها...) حبيبنا وكبيرنا عابدون :- ياخي مالك احيانا الواحد بيعمل فيها ( لا أرى . لا أسمع . لا أتكلم ) واحيانا الواحد ( بيعمل ) نايم . وهنا طرفة جميلة مع ابو اللول في عامل نايم . وطبعا بعد ان انتقلت من فريق العامل الى فريق الكوارته ( الرابطة ) وهم طبعا تجار واصحاب فلوس وفي ذلك الوقت سجلت بحافز اثنين من لاعبي فريق المورده وهم اصدقائي محمود ابوصلعة ونميري سكر وزي ما عارف ابو اللول حبيبنا في كل تسجيل لازم حقة بره . المهم وانا قاعد في استاد التحرير وجنبي ناس العامل يقوم اخونا ابو اللول باعلى صوته ويقول ( العامل نائم ) ودي ادارة يا وليد كلهم شغالين في النقل النهري والنقل الميكانيكي يجيبوا ليك قروش من وين اما الكوارته فلوسهم زي السيل وبختوها في الطبلون زي الطبنجه والنار ما تأكله . ها .ها .ها وهاك ياضحك . ومره ياعبدون ايام الكتيبة زمان يقوم ابو اللول يمشي النقلتي صاحب حاج حمد ويقوم النقلتي يحوله الى زميله بالقرب منه .فيقوم ابو اللول يزعل ويرد بسرعة ليه انت خريج جامعة وهو خريج ابتدائي . واخونا الجقدلي يسمع الشمار وبعد كده شوف الضحك لانها اصبحت حديث شلة قهوة غلطان . ياعابدون الله يجازيك : وكده نشكر سعادة المستشار حسن طه على العزومة وبس انا بحب (كنتاكي . وبيتزا هت . والبيك ) واديك معلومه ياعابدون بمناسبة المهدية .قالوا مولانا حسن طه لما جاب كرسيدا (تحرمني منك في السودان) في الوقت داك كانوا بيبنوا الطابية في امدرمان . وياربي سلاح المكسيم كان موجود ام لا . بعد كده افهمها ياعبدون . شفت ياعبدون الشوايقة ديل انا بعرف ليهم كيف والحنية في دمهم .والله (منير) فتاهو فت خطير ونشكر حاج حمد على صور ابناء الرابطه لاني نسختها في الحال للتوثيق .وانا بصدد عمل كتيب لكل مراحل الكره في الشعبية . ودمتم .......... وليد عبد اللطيف

Quote: ومره ياعبدون ايام الكتيبة زمان يقوم ابو اللول يمشي النقلتي صاحب حاج حمد ويقوم النقلتي يحوله الى زميله بالقرب منه .فيقوم ابو اللول يزعل ويرد بسرعة ليه انت خريج جامعة وهو خريج ابتدائي . واخونا الجقدلي يسمع الشمار وبعد كده شوف الضحك لانها اصبحت حديث شلة قهوة غلطان .

يحي النقلتي صاحب الحاج

Quote: بسم الله الرحمن الرحيم تحية شعباوية لكل الاخوان ممزوجة بالحنين والشوق لكل احياء الشعبية ومبروك مقدما اليوبيل الذهبي الاخ عزالدين محمد عثمان الف سلامة للاخ الحارث وربنا يواليه بالعافية ومرحب بيك مقدما في الدوحة سجلت كل الارقام اخي الفاضل عبدون ومشكور،والحمدلله انك اطمنت علي اهلك تحياتي للاخ يوسف اخي الوليد انت وين وانا وين من روائعك دي ومنتظرة حديثك عن عمنا نوري القهوة والشاي جاهزين ،وفتة فول مصحوبة بجبنة كتيرة ما موية جبنة وكتر الكالسيوم ولكم كل الود ودمتم ستنا خضر

Quote: واتمني ان اتي للدوحه قريبا..فقد زرتها السنه الفاتت واستضافني الراجل الكلس عزام..تحياتي لكل المعاك..

Quote: عادل محمد الحسن أبو كروق .. لي سنين طويلة لم أقابله

Quote: كريمة ... كملها يالحاج كيه فى عزام ....

Quote: ياود فرح الفينا مشهوده :- كتب عزام (1) (مِحَن وليد عبداللطيف لا تنقطِع عجائِبُها كلو كلو ... بِرسِل لي في بريدي مُشاركة نان أنزِلا في البوست ده ... قُلنا ما يِضُرِش ... أهو نعمل خير ... أها دحين الأمر إتطَور ... بقى هو يِستقبل رسائِل في رقبتو ويِرسِلا لي في رقبتي علشان أنا أنزِلا ... يا زول هاك كلمة المرور هيلي أدخُل براك وأكتِب < سجمك وسجم أمي > دي كلمة المرور هيلي في سودانيز أون لاين ... ) كتب عزام (2) ( أها في كرم جِنس ده ... كريمة وبِت ناس أجواد .. عِلا عاد شكار روحو إبليس ... بس بقول وقعت في البِشْبها ... ما الطُيور ده حالا .. وكِده يعني .. ) ياعابدون شوف (1) وشوف (2) الزول ده واعي ولانايم ولا صاحي ولا طرفو من طبعو نعسان . يايابه ده بت ابراهيم تبره وتستبره منو بس نقول شنو ده الله ودي حكمتو . ويا قول واحده في حلتنا . ياعابدون الزول لازم يكون بسّام . ونظيف الاجسام . والزواج قِسم وأقسام . ودمتم .......... وليد عبد اللطيف

Quote: عزالدين محمد عُثمان ... حليلك وحليل أيامك ... يا زول الحي بيك ... ماك جاي علينا ... عنقريب النبي قِدامك أكان لقيت فُرصة وما جيتنا ...

Quote: الزول لازم يكون بسّام . ونظيف الاجسام

Quote: يا زول ده زول ولا واقِع مِن مجلة < سَيِدتي >

Quote: بسم الله الر حمن الر حيم 19/5/2009 ا خواني و احبا بي اولا د الشعبية الطيبين لكم مني كل تقد ير واحترام بعد التحية والحب المرحو م نصر الد ين د راج وهو من ا بنا ء العم د را ج اطال الله لنا في ايام العم دارج لك مني كل التقد ير والحب والاحترا م العم د راج و هو طبعأ غني عن التعر يف وا يضأ المرحوم الاخ العز يز جد أ نصرالدين دراج وهو كا ن ولا يز ا ل داخل قلب كل اهل الشعبية من الصغير حتي الكبير وهو كان علم من اعلا م الشعبية وهو طيب النفس و نحن اولاد عسكر نطلب من كل اهل الشعبية الد عاء الي المرحو م نصر الد ين د راج في ذكرى المرحوم ونطلب من الله له المغفرة والرحمة. ولكم مني و من اخواني ابنا ء عسكر التحية فيصل عسكر عبد الله سا مبو عبد المنعم عو ض عبد الر حمن عسكر ولك التحية والتقد ير اخي الحا ج حمد

Quote: عز الدين الف سلامة على الاخ الحارث وانشاء الله ربنا يواليهو بالعافية ... آسف جدا لأنه ياعز الدين قاعد أمر سريع كدة بدون مراجعة مع المشاغل .

Quote: ووحدات منهن مع (خلف الله الجزار ) وماقلت ليك اديني فخدة عجالي وياريت لو تفرمها لي عشان اعمل منها كم حاجة ومنهن مع (كمال الجزار ) ياكمال شكيت على الله اسع ده لحم شنو تديني جلافيط وعم دهب هناك بيعمل في ( الربيت ) من الشحم وبواقي اللحمة ولما يخلص الصغار يطلبوهوا منه ويجيبوا الشطه وبعداك (اسكتِ ساكت )

صور للجزارة بسوق الشعبية.

Quote: ليتك لم تسكت يامنير ( سيزر ) وياليتني قابلتك في معسكر كورة ولا داخلية جامعة ولا ليالي سمر الشعبية وانت كل ما تكتب تذّكرني الاديب الروسي (بوشكين ) الذي يعد من اعظم شعراء الروس وللاسف لم يعش طويلا ولكنه رغم ذلك ترك اثار أدبية عظيمة لدرجة أن قراءه تخيلوا انه عاش كثيرا وكان متأثر في كتاباته (ببيرون وشكسبير ) ومن حاجاته الممتعة (اسير القوقاز) وفي الاصل ترجع جذورة الى افريقيا ويا جماعة انتوا معاي ممكن نقول منير والشيخ سيد احمد ودكتور قناوي امتداد لهذا العملاق الروسي الافريقي الاصل . وشوفوا البساطة هنا . كتب منير وجري الزمن وتباعدت مسافاتنا من جذورنا ـ والواحد بقي يخلي أخوانه الصغار أو أولاد جيرانه شفع صغار ـ يقوم يجي بعد سنتين يلقاهم في سن المراهقة ـ يجيهم بعد سنتين يلقي شنباتهم تكتف الزول وبقوا للعرس ـ تجي بعد شوية تلقي الشفع يضايروا في شيبهم جلحاتهم وصلعاتهم و..و آناس قولوا للزمن ده وقف شوية ، خلينا نشيل نفسنا شوية .. و.. أمسكوني ما تفكوني .. أقوم انبهل ليكم هنا ده .. أمابالنسبة للطمبور فالحمد لله نحن رغم أننا نشأنا في الشعبية شمال وقبلها في الشعبية جنوب ـ في شارع ناس النجم المحبوب عزالدين الصبابي ـ إلا إننا كنا في طفولتنا نسافر كل إجازة صيف للبلد ـ وطبعآ تشبعنا بغبار قطر كريمة وركوب اللواري للبلد وحضرنا مواسم حش التمر المزدحمة بالأعراس والصفقة والدليب والطمبور ، ومن ديك الواحد أحب الطمبور زي حبه للقراصة والدمعة وريحة التراب والجالوص والزبالة والبراسيم وهبهبة جريد النخيل وقوقاي القماري وموية الجداول و..و.. تسلسلت المناظر ولو استرسلت أكثر لما توقفت ولقلتم ليته سكت ..) ليتك لم تسكت ولم توقف الكتابة وليتك تواصل ، كما ندعوا اخونا الشيخ سيد احمد ودكتور قناوي وانتم اهل الكتابة ومواعيدنا معاكم قربت وخلونا نشبع هوايتنا وهي القراءة فقط .

Quote: همسة عتاب ملحوظة :- اخي واستاذي الحاج حمد طبعا في هاكم الزمن الجميل قطعت اجمل ما اقصد ولم اعرف انت ماذا تقصد وماذا يدور في خيالك وانا اقصد واردت التأكيد بأنك والدكتوره ستنا والمستشار حسن طه وشخصي الضعيف وكل شباب الشعبية لم يصلوا في مرتبة ابائهم اي مرحلة التساوي معهم وهذا شي مفروغ منه . وتجرد الالقاب امام الكبار ومافي لواء بيعطي التحية لجندي وهنا البلاغة يا ودحمد . وارجوك عدلها كما هي .ودع القاري يتخيلها كما يتخيلها وفي النهاية مكانات الناس محفوظة بكل محبة واحترام .واضف كمان بعد (زملانك ) (بنات العم نوري الدكاترة )لانهم المقصودين الاوائل في الموضوع مع والدهم ( العم نوري ). وفي يوم من الايام انزلت تهنئة كانت بأسمي للعريس ايهاب عوض وانت انزلتها بأسم وليد عبد الباسط ولم اقول لك عدلها لماذا! لان كلنا واحد في الشعبية في الافراح والاتراح ودعها كما هي لان في يوم من الايام عايز اكتب عن اولاد عبد الباسط وادبهم العالي . هاكم الزمن الجميل (يا بت خضر وهنا بالذات لازم نجردكم من الالقاب و مهما تصلوا درجة عالية من التعليم إنتي وكل زميلاتك وزملانك وبنات العم نوري لم تساوا شيء امام الثروه الموجوده في الشعبية وهي ابائنا وامهاتنا يرحمهم الله الاحياء منهم والاموات ). ياحاج يظهر ما استغليت التفويض بتاعي صاح . ولكن مشكور على ربطك للاحداث بالصور وانا ما عارف انت بتجيب الصور دي من وين والله حاجه جميلة جدا .واهم شي وحتى اذا في واحد مافي كلمة اعجبته في كتاباتي يمكن يعلق ويخرج ما عنده حتى الفائده تعم ومنكم نستفيد وما تنسى انا رياضي حتى في الكتابة وهلالابي و بتقبل اي شي وافهمها بعد كده . ملحوظة اخري :- ياحاج حمد اشكرك جزيل الشكر على حفاظك على مشاعر القراء وفكرتك كانت طيبة .وتأكد كمان كل ناس الشعبية فوق رويسي وتاج راسي يا قول عزام فرح . ودمتم ........... وليد عبد اللطيف

Quote: ليتك لم تسكت يامنير ( سيزر ) وياليتني قابلتك في معسكر كورة ولا داخلية جامعة ولا ليالي سمر الشعبية

Quote: سلامات من قريب متابعه معاكم من بعيد الجري و الانشغال، بجي اقرا و اروق هنا معليش اذا ما قدرت ارد، الايامات دي امتحانات و الحاله صعبه