|
Re: جمعة مباركة (Re: عزام حسن فرح)
|
Quote: بالله ياشكوكو تحياتي لاخونا معاوية وكل محاربين الشعبية جنوب وعلي عيسي والسعيد وميرغني عوطي والجحمو واولاد العم عبد الصادق ونوصيك قول لي شهاب شكوكو بطل الحركات . |
الأخ العزيز (( وليد )) لك الود من لطائف الأشياء وأجملها أن الأخ عزالدين )) متواجد بيننا بنادي الشعبية جنوب وهذا نقاء في الخاطر . والتقيه كثيرا على مائدة الحوار الجميل .. .. الجميع يغرونك التحايا والسلام .. أما شهاب فلا أحسب أته سيبطل عهده مع الحركات وإلا لن يكون (( شهابا )) فقد (( عقد )) قرانه وقرأ قراءنه وأصبحت حركاته مقننة ..
العم عبد الصادق هو آخر عتقاء عناقيد العنب النضيرة لكن عتقه لايسكر .. لأنه تقي نقاء.
سلامي وودي
........
الأخ حاج حمد لك كل المودة والتقدير (( مكانك زين ))
...
| |
|
|
|
|
|
|
Re: وليد عبداللطيف (Re: صلاح شكوكو)
|
أخي وليد عبداللطيف تحياتي أسهاباً لما أجملته في قولك: طال ما دفعتك عزام وبدر معناه جلكيم.. أحب أورد بعض الإجتهادات الشخصية عن موضوع الجلكمة ، أو في قول آخر الجلكنة. وتعريف هذا اللفظ هو أنها المرحلة التي تبدأ بإنتهاء مرحلة الشباب والصعود في سلم الأبوة والأمومة والعمومة والخؤلة حتي الوصول لرتبة الجدودية وتختم بالحصول علي لقب مرحوم ، والبعض يحصل أحياناً علي اللقب دون المرور بالمراحل المذكورة سابقاً. وللجلكنة علامات ، منها المؤكد ومنها شبه المؤكد. من علامات الجلكنة المؤكدة : - أن تصحو من نومك فتصيبك الدهشة إذا غاب وجع الضهر ولم تصبح عليك ألام المفاصل والحرقان، - أن تنظر لحزام بنطلونك بعد أن تلبسه فلا تراه ، - أن ينتابك الشعور عند لبسك للحذاء أو قرأة الجريدة أن ذراعيك أصابهما القصر، - أن تصبح من هواياتك مطاردة الشعيرات البيضاء وأنت تقص شاربك أو تسرح شعرك ، ومن علامات الجلكمة غير المؤكدة: - أن تسمع أسماء أماكن مثل (توتو كورة ، كوشة الجبل ، سلوى بوتيك ، جنينة عبود ، سوق الأكشاك) فيسرح خيالك وتنسي الموضوع الكنت بتتونس فيهو، - أن تستخدم مصطلحات مثل (مليم، تعريفة، فريني، طرادة، ناس السواري، سكج بكج، شليل وينو، حق العلى ماتخاف على، حلوقك، ركبت كنده) فينظر لك السامعون نظرة إشتباه وقلق علي سلامة قواك العقلية ، - أن يسألك صبي أن تساعده في حل مسألة حسابية فتبدأ برسم عفريتة على الورقة تثير الشكوك في نفس الصبي وتذهب به الظنون كل مذهب ، وبعد النظر في العلامات المذكورة ومقارنتها بواقع الحال وجدت أنك قد أصبت كبد الحقيقة ولا مجال للإنكار ، ولكن عزأنا في أولاد الدفعة ومن سبقونا في الطريق فظلوا شباباً قلوباً وقوالب ..ما شاء الله وعيني باردة. أخوك أمير قناوي 04.04.2009
| |
|
|
|
|
|
|
Re: شكوكو (Re: أمير قناوي)
|
مبروك أخونا وقريبنا شهاب وعقبال الفرح الأكبر والذرية الصالحة من المبدعين في أسرة الإبداع ، والتهاني للخالة العزيزة آمنة سيد وتفرحي إن شاء الله بأولاد أولادك وبناتك ، والتهاني لجميع الأسرة الكريمة .. أخوك أمير قناوي 04.04.2009
| |
|
|
|
|
|
|
Re: شكوكو (Re: أمير قناوي)
|
Quote: أخي وليد عبداللطيف تحياتي أسهاباً لما أجملته في قولك: طال ما دفعتك عزام وبدر معناه جلكيم.. أحب أورد بعض الإجتهادات الشخصية عن موضوع الجلكمة ، أو في قول آخر الجلكنة. وتعريف هذا اللفظ هو أنها المرحلة التي تبدأ بإنتهاء مرحلة الشباب والصعود في سلم الأبوة والأمومة والعمومة والخؤلة حتي الوصول لرتبة الجدودية وتختم بالحصول علي لقب مرحوم ، والبعض يحصل أحياناً علي اللقب دون المرور بالمراحل المذكورة سابقاً. وللجلكنة علامات ، منها المؤكد ومنها شبه المؤكد. من علامات الجلكنة المؤكدة : - أن تصحو من نومك فتصيبك الدهشة إذا غاب وجع الضهر ولم تصبح عليك ألام المفاصل والحرقان، - أن تنظر لحزام بنطلونك بعد أن تلبسه فلا تراه ، - أن ينتابك الشعور عند لبسك للحذاء أو قرأة الجريدة أن ذراعيك أصابهما القصر، - أن تصبح من هواياتك مطاردة الشعيرات البيضاء وأنت تقص شاربك أو تسرح شعرك ، ومن علامات الجلكمة غير المؤكدة: - أن تسمع أسماء أماكن مثل (توتو كورة ، كوشة الجبل ، سلوى بوتيك ، جنينة عبود ، سوق الأكشاك) فيسرح خيالك وتنسي الموضوع الكنت بتتونس فيهو، - أن تستخدم مصطلحات مثل (مليم، تعريفة، فريني، طرادة، ناس السواري، سكج بكج، شليل وينو، حق العلى ماتخاف على، حلوقك، ركبت كنده) فينظر لك السامعون نظرة إشتباه وقلق علي سلامة قواك العقلية ، - أن يسألك صبي أن تساعده في حل مسألة حسابية فتبدأ برسم عفريتة على الورقة تثير الشكوك في نفس الصبي وتذهب به الظنون كل مذهب ، وبعد النظر في العلامات المذكورة ومقارنتها بواقع الحال وجدت أنك قد أصبت كبد الحقيقة ولا مجال للإنكار ، ولكن عزأنا في أولاد الدفعة ومن سبقونا في الطريق فظلوا شباباً قلوباً وقوالب ..ما شاء الله وعيني باردة. أخوك أمير قناوي 04.04.2009 |
إعلان : بِما أن < شطارة > المدعو أمير قِناوي كانت مُحَيرانا طوال فِترة الإبتِدائِية ... فقد تأكد لي أن المدعو أمير قِناوي وإستِناداً على طولِهِ الفارع وقت كُنا نسجُد ونحنُ وقوف مِن شِده قُصرِنا ... تأكد لي ولآخرين أن المدعو / أمير قِناوي يكبُرنا بـ(8) سنوات مِن سنوات زمان (السنة زمان 14 شهر) وعلَيهِ أُريد أن أُأكِد بِالأصالة عن نفسي وآخرين أن هذا الشخص لَيس مِن جيلُنا وإن درسنا معاً لِظُروف السكن وحياة والِدهُ السياسِية رحمة الله علَيهِ ... فأرجو مِن الأخوة (خاصة المُتاوقين أمثال ولي الظريف النضيف ... السمِح ... البيجي تمرين العصُر ومعاهو منديل مُشجر ومُمسح بِكريم لِلبشرة ... بِالله دي كورة ولا بيت عِرِس) عدم الربط بين أن يدرُس (أ) مِن الناس مع (ب) مِن البشر وبين العُمر ...
هذا ما وجب التنبيه لهُ ...
قال (مليم) قال
أسمع يا خوي ما ألقى عِندكُم في ألمانيا دي مقص رِهَيِف يِقُص الشنبات البُيُض دون السُوُد
| |
|
|
|
|
|
|
Re: وليد عبداللطيف (Re: أمير قناوي)
|
Quote: عز الدين انشاء الله لغاية هسة تكون لقيت حلاوة نت ... أها الموبايل الصينى موجود سوق كبير فى دبى واسمه دراقون مول وهو متخصص فى البضائع الصينية وهى مدينة تجارية كبيرة جدا فيها كل شىء صينى وبخصوص الموبايل فهناك كتير من انواع هذه الموبايلات فيها تلفزيون مع نظام بطاقتين وسعرها فى حدود المائة دولار لكن عموما الموبايلات الصينية فيها مشاكل تقنية كتيرة وانا كنت رسلت واحد لبنتى إيمان خليها تجيبوا ليك وشوفه لأنو لسة ماكمل معاها خمسة شهور وهسة ماشغال او ممكن برضو تشوف بتاع يوسف اخوى لأنو برضو فيهو تلفزيون وبطاقتين سم كارد بتاع ايمان نوع بناتى كدة وشكله ظريف لكن تقنيا يظهر عليهو اى كلام.
المهم انت عملت شنو مع جماعتك هناك والموقع بتاع طيران الامارات اشتغل معاك؟ |
الاخ عبدون سلامات شكرا علي المعلومات لقيت حلاوه نت والان فقط عملت تثبيت من شركة زين في اللاب توب بتاعي وانشاء الله اكون طوالي معاكم..قابلت والدتك لكنها لم تعرفني الا بعد ان رطنت معاها ووريتها اني كنت في كندا وهي بخير.. اموري هنا لم تسير اصلا فمازلت مفصول من العمل..وفي انتظاررد من المدير.. سادخل علي طيران الامارات وغيره ..وربما احضر لديكم قريبا فتوقعوني انتم وناس الدوحه(إياك اعني فاسمع ياعزام).. تحياتي للجميع وخاصه ابننا ابراهيم الحطابي
الاخ حاج حمد سلام فعلا رحم الله بدرالدين ديكه فقد كانت لنا صولات وجولات معه في السوق وشوارع الحي في نفير النظافه وغيرها له الرحمه والمغفره..وياريت بلقي مجموعه في همته يرفعوا هذا الامر ونحن جاهزين للمشاركه في هذه الحمله...
ولكم مودتي
| |
|
|
|
|
|
|
Re: وليد عبداللطيف (Re: عزام حسن فرح)
|
إهداء من/وليد للأخ / شهاب شكوكو ( شيشي )
شهاب شكوكو
Quote: زغاريد فرح
زغرتوا يا بنات والليلة قولوا عديله
وبدق الطبول في آلف ليلة وليله
لشهاب العريس الليلة جاب الريله
آلفي الأدب والذوق مافي مثيله
وبالوجه الصبوح تفوق كل رتينه
من اسرة كريمه وكمان بنت قبيلة
ياربي احفظها ومن عين الحسود غتيله
،،، *** ،،،، *** ،،،،
زغرتو يابنات والليلة قولوا عديله
لشهاب العريس رمح القبيله
المشكور في الفريق والديمة نارو كبيره
ستار للعروض والديمه خاتي الشينه
كل الصفات الجميله كان ليها زميله
في كل صلاه الدعوه ليهم بشيله
ياربي احفظهما بكرةً واصيله
( يظهر ياشيشي بتحب المفاجأة ويظهر بتلم الفلوس عشان هذا البرنامج وما عايز تتصل سجل رقمك عشان نحن نتصل عليك وكل مره صلاح اخوك بخارجك مننا ) |
| |
|
|
|
|
|
|
Re: وليد عبداللطيف (Re: الحاج حمد الحاج)
|
العمران يغير وجه الشعبية:
بدأ العمران يزحف بشدة و يغير وجه الشعبية..العمارة في الركن الشمالي الغربي لميدان الرابطة و مواجهة لمنزل المرحوم محمد نور الدين و هي ترجع للأخ علي الأسد (اليماني)..الصورة أخذتها في خريف عام 2007م و بدأ جزء من الميدان مغطى بمياه الأمطار.
| |
|
|
|
|
|
|
Re: وليد عبداللطيف (Re: الحاج حمد الحاج)
|
منزل المرحوم الزعيم محمد نور الدين يقف شامخ يحكي عن عظمة زعيم كان له الدور الكبير في بناء الشعبية لطبقة العمال و سكن بينهم و هو الوزير و الزعيم السياسي و القائدي الحزبي..له الرحمة و المغفرة.
| |
|
|
|
|
|
|
Re: وليد عبداللطيف (Re: الحاج حمد الحاج)
|
الأخ الحاج حمد... تحياتي
لا علم لي بأن المرحوم محمد نور الدين هو الذي بني المساكن الشعبية
ولكن المتأكد منه أن خالي المهندس عبد الله حامد هو من إبتكر فكرة المساكن
الشعبية وطوب البلك وكان يلقي محاضرات بجامعة الخرطوم عن مزايا هذا
الطوب الفريد في ذلك الحين وقد كان هو المدير التنفيذي لوزارة الحكومات
المحلية في ذلك الوقت وكان المشرف الميداني علي التنفيذ . ولدي إبن خالي
ناصف صلاح الدين حامد بعض القصاصات من صحف قديمة يظهر فيها المرحوم المهندس
عبد الله حامد مع الفريق إبراهيم عبود في إفتتاح أو وضع حجر الأساس لمركز صحي
عبد الرحمن مكاوي(الشعبية الآن) ولا يظهر في الصورة المرحوم محمد نور الدين
وأطلب من إبن الخال حامد أن يهاتف الأخ ناصف لإنزال هذه الصور ..
هذا مع تحياتي.. كسرة: اليوم من الصباح بحثت عن البوست مرتين ولم أجده .. وين بيروح
| |
|
|
|
|
|
|
Re: وليد عبداللطيف (Re: شمس الدين ساتى)
|
شمس الدين ساتي:
Quote: لا علم لي بأن المرحوم محمد نور الدين هو الذي بني المساكن الشعبية
ولكن المتأكد منه أن خالي المهندس عبد الله حامد هو من إبتكر فكرة المساكن
الشعبية وطوب البلك وكان يلقي محاضرات بجامعة الخرطوم عن مزايا هذا
الطوب الفريد في ذلك الحين وقد كان هو المدير التنفيذي لوزارة الحكومات
المحلية في ذلك الوقت وكان المشرف الميداني علي التنفيذ . |
الأخ شمس الدين ساتي المرحوم محمد نور الدين كان وزير الحكومات المحلية في ذلك الوقت.
| |
|
|
|
|
|
|
Re: وليد عبداللطيف (Re: الحاج حمد الحاج)
|
و يواصل الأخ وليد عبد اللطيف:
Quote: اقتباس من ود قناوي :- من صفحة 45(وبعد النظر في العلامات المذكورة ومقارنتها بواقع الحال وجدت أنك قد أصبت كبد الحقيقة ولا مجال للإنكار ، ولكن عزأنا في أولاد الدفعة ومن سبقونا في الطريق فظلوا شباباً قلوباً وقوالب ..ما شاء الله وعيني باردة ).
ياود قناوي :- طبعا حسب ما ذكرت من علامات الجلكمه غير الموكده وعلامات الجلكنه المؤكده في صفحة 45 من بوست الشعبية فكانت محل حوار مع بعض الناس وفي ناس طلبت روشتات زي ما قال حاج حمد وانا شايف في واحده انت نسيتها في علامات الجلكنه المؤكده وهي (قلت لي وما قلت ليك ) طبعا هذه مهنتك وانا عشان اتأكد كان لازم اعمل اختبار لبعض العينات العشوائية و بالذات ناس دفعتك معليش ما عايز اذكر الاسماء لكن بذكر ليك اول حرف وهو (عزام ). طبعا اتصلت على هذه العينة ودار الحوار .وهم في الاساس اتضح هو وبدر الدين ليس دفعتك لان حسب وضع المرحوم قناوي السياسي عرفت انك دخلت المدرسة وعمرك 5 سنوات وفطيت سنه ثالثه لنجابتك ثم ثانيا اثناء الحوار يا دكتور دخلنا في (قلت لي وما قلت ليك ) امكن نصف ساعة اها بعد نصف ساعة يقول ايوه صاح صاح قلت لي قعدنا في جنس ده امكن ساعة وخسرت مائة ريال مكالمه بين جده وقطر . اما العينه الثانية اول حرف (بدر الدين اسحاق ) طبعا هذه العينه ما بتتفاهم والله عندو رقم تلفون موجود في البوست واتصلت عليه اكثر من مره وهو للان ماعارف شغال ولا ماشغال اما العينه الثالثه اول حرف (شمس الدين ساتي )شوف صاحبك عابدون صاحبو مبسوط اها اتصلت علية عشان اقول ليهو شايفك في البوست وحمد الله على السلامه قال لي ياخي انا قبل ما اصبح كويس مرضت تاني بالبرد . وبعد كده اهنيك يادكتور في علاماتك ولقد اصبت لان كلها طلعت في محلها بس ياريت تعمل روشتات سريعة عشان نرسلها بالبريد السريع. صندوق بريد 31203 جده 21497 وليد عبد اللطيف |
| |
|
|
|
|
|
|
Re: وليد عبداللطيف (Re: الحاج حمد الحاج)
|
Quote: حبابك والله ... تشيلك العين قُبال اللرِض ... إنت المِتلك منو |
عزام الراجل الكلس سلام عارفك مابتقصر وربنا يقدرنا علي رد الجمايل
سلامي لام الوليدات وللوليدات
تلفوني 0916799477
ولك مودتي
| |
|
|
|
|
|
|
Re: عزام (Re: عزالدين محمد عثمان)
|
أخوي عزام سلامي وأشواقي المقص البتسأل عليهو موجود ، بس عايز روشتة أو شهادة طبية بأنك جلكيم ، وإذا عايز بطلع ليك الشهادة من غير فحص ، والفحص لزومو شنو ؟ ماسؤالك عن المقص براهو أكبر دليل (أن تصبح من هواياتك مطاردة الشعيرات البيضاء وأنت تقص شاربك أو تسرح شعرك) ودي من علامات الجلكنة المؤكدة . وياعزام أها أنا كنت خاتيك في بالي وقصدتك إنت بالذات لما قلت (فظلوا شباباً قلوباً وقوالب) تجي إنت وتنكرني وتقول الزول ده مادفعتي ؟ حظك كويس إنو كلامك ده جا متأخر كم وتلاتين سنة وإلا كنا قطعنا عليك طريق مدرسة الشعبية جنوب . وتخيل كيف كان يكون الحال لو حرمت من حق المرور بحلتنا ، كان لا صاحبت ناس أبودية ولا ناسبوك ناس بدرالدين ، وكان الحال مايهوالحال . وبمناسبة المليم متذكر لما سلفتك مليم إشتريت بيهو حلاوة قصب ودومتين ؟ أها المليم عفيته ليك بفوائد الفوائد .. بس ماتنكرني وتتنكر للجلكنة . وبالمناسبة إذا سبب التنكر ده قليبك الرياد وطموحك لمضاعفة دينك (بعد أن أكملته بأم العيال) فالعمر يقاس في هذه الأحوال بإمكانياتك المالية أولاً والبدنية ثانياً ، وإن ملكت الأتنين فنصيحتي ليك ماتجيب لبت إبراهيم ضرة تزيد عليها مرارة الغربة. لك ودي يا (دفعة) .. أخوك أمير قناوي 05.04.2009
| |
|
|
|
|
|
|
Re: عزام (Re: أمير قناوي)
|
هاتفني صباح اليوم الأخ الفاضل بدر الدين اسحاق و هو عبر عن مشغوليات كثيرة ابعدته عن الكتابة لكن كلما يجد فرصة بتاوق يرفع البوست..لك شكري و تقديري على الاتصال...
| |
|
|
|
|
|
|
Re: عزام (Re: الحاج حمد الحاج)
|
عزامكو ...
الجنـــى وليد ده مالـــو ( ماســك طارنـــا )
انت عارف يا عزام قلت ليك الزول الصغير ده رشـــو ابيت ساكت وعملت ليــه فيها ليبرالــى ..
الزول ده ماشـــى يشكــك حــتى فى وجودنــا كدفعة فى اعــز ما نملك من رموز ( امير قناوى )
هووووووووووووووى يا وليد ( امير ده انا دخلت معاهو المدرسة فى يوم واحد من اولى ____ثالثة متوسطة
وبعد داك خليتو وحرستو ليه ناس بحرى الحكومية وانتقلت الى الخرطوم ..
والشاهد ( فى صفحة البوست رقم ( 18) تجد الدليل شامخا صورة فصلنا ..
نحن الزمن داك كان ما بلغت سن الـ (7) ما فى زول بيفكر يدخلك المدرسة ولا مستمع ..
دون ذلك ( تلقــى الشافع امـــه سايقاهم من دكان الى جزارة الى سماية الى بيت بكاء ))
Quote: طبعا اتصلت على هذه العينة ودار الحوار .وهم في الاساس اتضح هو وبدر الدين ليس دفعتك لان حسب وضع المرحوم قناوي السياسي عرفت انك دخلت المدرسة وعمرك 5 سنوات وفطيت سنه ثالثه لنجابتك ثم ثانيا اثناء الحوار يا دكتور دخلنا في (قلت لي وما قلت ليك ) امكن نصف ساعة اها بعد نصف ساعة يقول ايوه صاح صاح قلت لي قعدنا في جنس ده امكن ساعة وخسرت مائة ريال مكالمه بين جده وقطر . اما العينه الثانية اول حرف (بدر الدين اسحاق ) طبعا هذه العينه ما بتتفاهم والله عندو رقم تلفون موجود في البوست واتصلت عليه اكثر من مره وهو للان ماعارف شغال ولا ماشغال
|
ترمة :
شكلك يا امير قناوى كلام الصغر ده عجبـــك ... حليلك وانت ترنـــو نحـــو الــ( 24 ) عاما اكرر (24)
زائدا ( ثورة مايو + انتفاضة ابريل + انقاذ الجـــن حقتنا دى + كـــفاك يا دفعة ) ..
جاييــك يا ولــــــــــــى ...
| |
|
|
|
|
|
|
Re: عزام (Re: بدر الدين اسحاق احمد)
|
احباب الشعبية الأحباء
صباحكم نور
باركوا للدكتورة الصيدلية هديل الزين عبد اللطيف تخرجها.
الكاتب وليد عبد اللطيف عمها لزم
والشخص الضعيف كاتب هذه الكليمات خالها لزم
باركوا وعقبال ابناء وبنات الشعبية جميعا.
لكم كل الود،،
| |
|
|
|
|
|
|
د.هديل الزين (Re: حسن طه محمد)
|
مبروك ياخال تخرج الإبنة هديل الزين
ومبروك لأعمامها وعماتها وخالاتها..
تعرف ياحضرة المستشار: شقيقتي (زوجة حسن
أبو الحسن) كانت قد أخبرتني بأن هديل ووالدتها
حضرتا في زيارة لها وكان منزلهم المنزل المقابل لمنزل
المرحوم عبد اللطيف .. فأعجبت بجمال هديل وإسمها. وشقيقتي
كانت حبلي .. وعند الولادة وضعت أنثي فلم تتردد في
تسميتها بهديل وهي الآن في جامعة قطر قسم الهندسة
الكيميائية فمرحبا بدكتورة هديل وعقبال الدكتوراه
| |
|
|
|
|
|
|
Re: عزام (Re: حسن طه محمد)
|
حسن طه:
Quote: باركوا للدكتورة الصيدلية هديل الزين عبد اللطيف تخرجها. |
الف مبروك للدكتورة هديل الزين و التهنئة موصولة للأخ الزين و الأسرة الكريمة..
الأخ الزين و جلس على يمينه الأخ سمير جورج في عصرية شعباوية (ميدان الصداقة)
| |
|
|
|
|
|
|
Re: عزام (Re: الحاج حمد الحاج)
|
Quote: باركوا للدكتورة الصيدلية هديل الزين عبد اللطيف تخرجها.
الكاتب وليد عبد اللطيف عمها لزم
والشخص الضعيف كاتب هذه الكليمات خالها لزم
|
السيد المستشار زمان حضرنا حفله كاربه في بيتكم بكابلي اوع تقول لى ده عرس ام الدكتوره الف مبروك
| |
|
|
|
|
|
|
Re: عزام (Re: عمر عثمان)
|
الاخ الاكرم المستشار صباحاتك نور وزهور وعطور
والف مبروك للدكتورة الصيدلية هديل الزين عبد اللطيف تخرجها.
وعقبال جديدها وجديد كل البنيات وعقبال ابناء وبنات الشعبية جميعا.
لكم كل الود،،
| |
|
|
|
|
|
|
Re: عزام (Re: عزالدين محمد عثمان)
|
الأعزاء
عمر عثمان
عزالدين محمد عثمان لكم أطيب تحية وشكرا جزيلا علي تهنئتكم الرقيقة لابنتنا هديل.
حفل الفنان الكابلي كان بمناسبة زواجي والفنان وردي في الليلة التالية.
لكم كل الود،،،
| |
|
|
|
|
|
|
Re: عزام (Re: حسن طه محمد)
|
الاعزاء
شمس الدين ساتي
حاج حمد
جزيل الشكر علي التهنئة الغالية لابنتنا هديل
وعقبال لكل شباب وشابات شعبيتنا الحبيبة.
لكم كل الود،،،
| |
|
|
|
|
|
|
Re: عزام (Re: حسن طه محمد)
|
و رسالة من الأخ وليد عبد اللطيف:
Quote: صباحاتك بيضاء يابدر الدين ياود اسحاق :- اقول انساك افوت لدنيا ما دنياك واطوي الماضي في الصفحات يسرح قلبي في ذكراك تاني الشوق يرجعني واتعب واشقى برضي معاك في الحالتين انا الضائع لاقربك فرحني ولا بعدك بريحني . ______ هذه اغنية مفضله لود حلتكم عاطف خليفة شقيق عارف خليفة . ايوه كده يابدر عايزين كل ما نفتح النت الصباح نصبح بيكم ياولاد الشعبية البهية عشان نشوف الوسامه والفخامه . تعرف يابدركلامك ( الجنى وليد ده ) قرأتها تصغير الجن الجني ويالله مافي شي الا ان اقول رحم الله شقيقك حامل هذا اللقب الذي شكل لنا فراغا كبيرا ليس لاسرتكم العامره فقط بل لكل ابناء الشعبية رحمه الله عليه مره ثانية وكانت لنا ايام وايام معهم هو والجلد وود النادر وعلي وخالد تندل ومولانا فتاح النور وابو قرجه العملاق وكل حبايبنا اولاد الزهره . اخي شمس الدين ساتي شقيقي الزين بقول ليك شكرا على التهنئة وعقبال نبارك لاولادك . ( مرفق صورة عاطف خليفة حارس عرين فرق الجهاد بالشعبية ) |
| |
|
|
|
|
|
|
الزين الرجل الزين (Re: الحاج حمد الحاج)
|
تحياتي وتهاني القلبية للرجل الوسيم المهذب
أخونا الأكبر الزين عبد اللطيف وربنا يهنيك بأولادك
كلهم وعقبال الدكتوراة لإبنتنا هديل الزين ..
وطبعا أبوها كان لعيب كفر وهي في العلم .. ربنا يخليهم
ليكم .. والبركة فيكم في وفاة الدكتورة رحاب يالزين
| |
|
|
|
|
|
|
Re: الزين الرجل الزين (Re: شمس الدين ساتى)
|
ألف مبروك للاخ شهاب شكوكو الزواج الميمون، والتهنئة موصولة للأسرة
ألف مبروك لهديل الزين بكالوريوس الصيدلة، والتهنئة للاخوة حسن طه ووليد عبد اللطيف والاسرتين بالشعبية.
| |
|
|
|
|
|
|
Re: تهاني للعريس شهاب (Re: شمس الدين ساتى)
|
Quote: الخال شمس الدين ساتي التحايا نواضر اليك الان امارس حقي في استخدام صلاحياتك
اهلنا ناس الشعبية السلام عليكم ورحمة الله بت النيل |
أرحب ببنت النيل .. منورة البوست
| |
|
|
|
|
|
|
Re: تهاني للعريس شهاب (Re: الحاج حمد الحاج)
|
Quote: وبالله يا احباب افتوني هل المعاناة تولد الابداع ام العكس ؟ |
** الاخ وليد عبداللطيف ** من واقع مناولاتك للحاج حمد أنت فعلاً صديق لعماد لانك لاتقل منه فى سردك لوقائع حدثت بالشعبيه وتوثيقك لها فمن شابه صديقه فماظلم.. ** المُعاناه هى الإبداع نفسه ولولاها لما أتحفنا وزير التوثيق والسياحه البحراوى (عماد عثمان) بكل هذا الابداع الذى أفرزته المُعاناه..
** أمثالك وعماد يسعى اليهم الناس للتوثيق للاحداث - فذاكرة التاريخ الشفويه السودانيه لاتحفظ الاحداث ,, ولكن نتمنى تواصلكما فهو يُشكل مُعيناً للاجيال القادمه لتنضب منه المعلومه الصحيحه ,, فنحن شعب درجنا أن يوثق لنا غيرنا بمفهوم وإيدلوجيه تحقق مصالح خاصه ,, ونحمد الله أن وجدنا فيكما هذا الحس العالى لتوثيق أحداث قد نراها بمفهومنا الحالى :- ونسه تحت شجره ,, مواقف مررنا بها,, ولكن فى قادم الايام تعنى الكثير وتعطى مؤشرات لتحليل وضع إجتماعى كان قائماً.. ** نتمنى مواصلة هذا الابداع.. (ودام الود بيننا) (ابو محمد فؤاد)
| |
|
|
|
|
|
|
Re: تهاني للعريس شهاب (Re: الحاج حمد الحاج)
|
و رسالة من الأخ صلاح عباس الذي حرمته بعض المشغوليات من مواصلة الكتابة و المشاركة..: إخوتي المشاركين في بوست الشعبية والمتاوقين
السلام عليكم ورحمة الله وبركاته
وبعد
فقد حالت ظروف ومشاغل عديدة دون التواصل مع البوست في الفترة الماضية، ولو عبر المتاوقة، وفي هذه السانحة:
أوجه التعازي الحارة للإخوان محمد وعثمان ومبارك في وفاة عمنا جمعة بحر، الذي جمعتني به علاقة وطيدة، من خلال حلقة التلاوة بجامع الرحمة، فأسأل الله له الرحمة والمغفرة، وأن يسكنه فسيح جناته، ويلهم أهله وأبناءه الصبر وحسن العزاء!
(وبمناسبة ذكر جامع الرحمة أوجه لعمنا عبد الرحيم حاج عمر وجميع أعمامنا بالمسجد، وللأخ خالد محمد عثمان وجميع الشباب بالمسجد بخالص التحايا.)
ثم: أوجه للأخ هشام يس، وإخوانه فهمي وفيصل وسامي والفاضل، وقبل ذلك الوالدة العزيزة فاطمة حامد أطيب التهانئ بمناسبة زواج هشام.
وللأخ شهاب شكوكو، وإخوانه صلاح وعادل وعماد وبقية العقد النضيد، والوالدة العزيزة وجميع أفراد الأسرة الكريمة، أطيب التهانئ بمناسبة زواج شهاب.
أكتفي بأداء هذا الواجب، مترقّباً سانحة أرحب للتواصل.
ودمتم! صلاح عباس
| |
|
|
|
|
|
|
Re: تهاني للعريس شهاب (Re: عمر عثمان)
|
عمر محمد عثمان:
Quote: جنابو مرتضى كنا نراه في التلفزيون في المباريات في الاستادات هل لسه في امن الملاعب |
مرتضى تم نقله من امن الملاعب و طبعا كانت ما كويسة معاهو لأنو هلالابي مرضان و بحضر المباريات ملح..حكى لي طرفة قال لي : يوم هلال مريخ لاعبين و الهلال غالب ، معانا واحد عقيد مريخابي مرضان جاء ماشي بعد الكورة بي جنبي قمت كتمت الضحكة عاين لي و قال لي بنهرة يا عسكري انضبط..قال لي وقفت انتباه و انا كاتم الضحكة..
| |
|
|
|
|
|
|
Re: تهاني للعريس شهاب (Re: الحاج حمد الحاج)
|
العريس شهاب متأبطا يد الفرح ...........
ترفرف الغرحة في الجوانح .. بجلال المناسبة أتمنى أن تصدق الأحلام .. وتستحيل الأماني واقعا معاشا على بساط من الإلفة والمودة فخير نتاع الدنيا المرأة الصالحة
جعلكما الله من أهل الصلاح
..
| |
|
|
|
|
|
|
Re: تهاني للعريس شهاب (Re: صلاح شكوكو)
|
Quote: إهداء من/وليد للأخ / شهاب شكوكو ( شيشي )
|
الي الاكارم اولاد حلتنا الشعبية... تحيةوود ..سلام واحترام والتهاني مزدانة بالاماني للمستشار حسن وصديقي وليدبتخرج الدكتورة هديل وكلمات في حقها تقول... بشر تمدد في فيافي الانتظار ...سعد تجسد في معاني الانتصار هديلنا..اليوم نحن في فخار بالعزم حزت المجد في وضح النهار.
اشكرك اخي وليد علي اتصالك التلفوني واتمني ان يمتد حبل الود بيننا..ارسلت لك رقم عماد شكوكو خطا وانا اقصد شهاب ...اعتذاري... العريس شهاب نحن في انتظار طبول الفرح لنملا الساحة فرح ومرح ونبتهج معه واحسب برنامجه سيكون كامل الدسم
| |
|
|
|
|
|
|
Re: تهاني للعريس شهاب (Re: مجدي كنة)
|
Quote: بشر تمدد في فيافي الانتظار ...سعد تجسد في معاني الانتصار هديلنا..اليوم نحن في فخار بالعزم حزت المجد في وضح النهار.
|
شكرا اخي مجدي ويهنوك في السمح دايما.
والف مبروك للعريس شهاب وان شاء الله بيت مال وكمية من العيال.
لكم كل الود
| |
|
|
|
|
|
|
Re: تهاني للعريس شهاب (Re: حسن طه محمد)
|
الى كل ضباط الشعبيه سلام
الضباط السودانيون يعرفهم من عاشرهم عن قرب ودخل ثكناتهم وميزاتهم وحضر قعداتهم وسمع من غنى منهم او امسك بالعود عازفهم وشدا باللحون الخالدات شاعرهم هم المبدعون وما اكثرهم ومنهم صديقي الرائد معاش طارق محمد سعيد
| |
|
|
|
|
|
|
Re: الرائد/ طارق محمد سعيد (Re: عمر عثمان)
|
و يواصل الأخ وليد عبد اللطيف مشاركاته الثرة: ياود حمد بالله دي كمامات مستعجلة (الشعبية البهية + بحري اسباب عنايا )
هو يا ابومحمد فؤاد في الجمعه الجامعه الفاتت ورب الكلمه السامعه استرحنا ياخي صاحبي عماد عثمان ما تفتشو ليهو باسورد هو كده ما مريحنا لانه عارف الحاجات البتساهر بينا ويفجر لينا الغامه عشان كده لا تقول ترقبوا استراحة يوم الجمعة بل قول احذروا الزلزال والكيماوي مع ود الرضي ابن الشويخ والاولياء الصالحين صاحب اروع حكم لان ود الرضي يعتبر حالة شعرية خاصة في عالم الحداثة وبين التراث والتجديدية وبين مفردات البادية وفضاءات المدينة وبصراحه ياخوان يعتبر عبقري وتشوفو كيفية استحواذه على نواصي القصيدة وامتلاكه لادواته وغير ذلك. غايتو بنصحكم ادخلوا الخنادق والبسوا الكمامات وأعملو ساتر . من جنس الكلام ده -عريان العرض ان لبس الحرير مش حاجة ان مشى في الطريق فيه الخلوق فراجة مجروح اللسان لا بطيب ولا بتعاجة
والكبر على المتكبر الطف حاجة __________ -يا دنيا مهما تكوني لا اشكو منك كوني كوني زي ما تكوني لما الحنان يبكوني
(وبتعاجة ياحلوين معناها بتعالج )
شايف صاحبي كمان جاب سيرة اولاد شمبات أخ خ خ خ خ خ أنا منو أخ معليش بس افضى واوريكم كيفن حتوهو حت وفتوهو فت مع اولاد المورده وبوريكم كيف توفى اول من اطلق عليه لقب مطرب (زنقار ) والحمد ليك يارب ماوريتنا الزمن داك .معليش الان بسمع في اغنية بنات جميله جدا وانا مالي ومال الهم البمبي اهديكم ليها
لو خنتك استاهل رصاص طبنجه
ياخي سيبني اموت ما عايزه انجى
ابقى عبره للعشاق ابقى ليهم فرجه
ودمتم ) وليد عبد اللطيف
| |
|
|
|
|
|
|
Re: الرائد/ طارق محمد سعيد (Re: الحاج حمد الحاج)
|
ذكر:قريبي:صلاح عباس
Quote: ثم: أوجه للأخ هشام يس، وإخوانه فهمي وفيصل وسامي والفاضل، وقبل ذلك الوالدة العزيزة فاطمة حامد أطيب التهانئ بمناسبة زواج هشام |
الشكر اجزله لك يا ابو صلاح، طبعا السنيين مضت،فهاهو، اخر العنقود،هشام،يكمل مراسم زواجه. وهشام،لا يعرف غير الشعبية مكان،فجاة وجد نفسه في بلاد تموت من البرد حيتانها عاد اليها،واختار شريكة حياته منها،اللهم وفقه والجميع. طبعا لم نتقابل،لكن،عندما ذهبت،الي المغرب للدراسة،وجدت سيرتك،تعم الفرق والوجدان زادني فخرا،بان السيرة،لاحد الاقرباء،وسليل المكافح:العم عباس. الذاكرة لكم في راسي،تلاشت،لكن طيفها يتملكني احيانا. فريق الجهاد او الالمان كما يحلو لنا تشبيها.عند مرورها الي ميدان الرابطة ذلك الحارس صاحب الزي المكتمل لحارس المرمي،كانت تعطي لكم هيبة وجلل للمهاجميين. دمت اخي صلاح وسلامي لكل الاخوة والاهل.
ودمتم
| |
|
|
|
|
|
|
Re: الرائد/ طارق محمد سعيد (Re: صلاح أبودية)
|
الجنـــه اخر العنقود شهاب الدين ود محمد ود عبد الدائــم
جاءنا الخبر شايل دعوة قرانـــك عبر الاسافير ..
توشحنــا العمامــة ..
وعدلنــا النيـــة ..
ومنيــنا النفـــس بجلســـة صافيــة من زمن الخلان الاوفياء ..
...
لكن كمــا كــل حاجــة سمحة وحلوة فى بلادنا ( حــين استفسارنا تلفونيا قيل لنــا العريس الان
فى عـــدلــو وبــس ناقصـــلو ( الدعــاء )
يا حنان ويا منان با رب :
اخونـــا اخو اخوانا الكبار ( صلاح وعادل )
اخونا واخو اخونا القدرنــا ( عماد )
اخونا واخو اخونا الاصغر ( ايهاب )
العريـــس شهاب يا رب غطيهو / اصلح لهو زوجه / عمر بيته بالايمان والصالحات من الاعمال /
اجعل داره لبــنه طيبة طاهرة تعمر هذا المجتمع السودانى /
الف مبروك لاهل شعبية الخير ..
والتهانــى اولا للاستاذ صلاح شكوكو ..
والله لــم نعلم / ولو علمنا لاتينا دون دعوة فهذا البيت لنـــا فيــه ذكرى ومودة وعشق ورفاق صــبا
ثــم التهانى موصولة لكل الاخوان والدعاء لابناء الحــى من العزاب ( تاج نقد واخرين الحقو القطر ..)
| |
|
|
|
|
|
|
Re: الرائد/ طارق محمد سعيد (Re: بدر الدين اسحاق احمد)
|
المكان: الصف الثالث في مدرسة الشعبية جنوب الإبتدائية الزمان: حوالي العام 1973 إنتهت الحصة الأولي , وهي في المرحلة الإبتدائية دائماً حصة رياضيات , وخرج المدرس , وبدأ الهرج والمرج المعتادان بين الحصتين . دخل أستاذ سمير الفصل فهدأت الضجة رويداً رويداً كقطار يولي مبتعداً. وفي العادة كان يسود السكون فجأة عند دخول المدرس الفصل , ولكن بحكم أن أستاذ سمير كان نفسه من كبار المهرجلين فكان الوضع يختلف عند دخوله الفصل. أراد أستاذ سمير أن يبدأ الحصة بإحدي مداعباته المعهودة , والتي كانت تؤدي لهرج ومرج كثيرا ما أديا لحضور أحد المعلمين من فصل مجاور , يريد أن يضع حداً لهذه الهرجلة , فإذا به يفاجأ بوجود أستاذ سمير بين التلاميذ , فيعود أدراجه , هازاً برأسه تعجباً , أوقد يعجبه الوضع فيدلي بدلوه في الهرجلة ويشارك في الضحك , ثم يمضي لتلاميذه. لم يبدأ أستاذ سمير الحصة هذه المرة بدعابة , وبدت عليه سيماء الجد كأن شيئاً قد أرابه , تلاشت بقية إبتسامة كانت على شفتيه قبل أن يدخل الفصل. وقف قليلاً أمام الصف الأول وبدا وكأن أنفه يتحرك بصورة طفيفة . تقدم وسار متمهلاً بين الصفوف , وهنا لم يبقى مجال للشك , فقد مد أنفه للأمام وهو يشمشم. سكنت كل حركة , ولم تعد تسمع في الفصل إلا أصوات التنفس ودقات القلوب المتسارعة. فالوضع خطير والكل يخشي أن تقود هذه الأنف الأستاذ إليه فتلبسه التهمة وتذهب سمعته أدراج "الرياح". عاد أستاذ سمير ووقف أمام السبورة وواجه العيون الزائقة , المترقبة شراً. مضت ثواني , خيل إلينا أنها ساعات . قطع أستاذ سمير سكوته قائلاً : إني أجد رائحة جلود. وتعالت همهمة خافتة بين الصفوف مصدرها سؤال كل واحد لجاره عن معنى هذه الكلمات. وإنقطعت الهمهمة حينما واصل أستاذ سمير خطابه فتحدث عن أهمية نظافة الأبدان , موضحاً أن الماء لم يخلق فقط للشرب , وأن الإستحمام لم يشرع فقط في الأعياد. وتواصلت خطبته وإزداد خطابه حدة وعنف حتي تصبب العرق من المستمعين فزاد الطين بله , فقد أضحى ما كان مبهماً جلياً للعيان , أو لنقل مشموماً للشامين. ولعل أزدياد الرائحة المتواصل مع تواصل خطبته قد فجر فيه مزيداً من الطاقات وأضرم فيه نار الغضب فبدأ في إتباع القول بالعمل . أمر كل من كان بيته في جوار المدرسة بالذهاب فوراً للمنزل والإستحمام والعودة قبل نهاية الفسحة. أما من تبقى من سكان المناطق البعيدة فأمرهم أن يتبعوه عند خروجه من الفصل. أوقفهم بملابسهم الداخلية علي الحشيش الموجود بفناء المدرسة , ثم أتى بخرطوم المياه وظل يمطرهم منه حتى أزال درن أبدانهم وأطفأ نار غضبه. دخلنا الفصل مع جرس نهاية فسحة الفطور , ولا أظن أن أحدنا قد أفطر في ذلك اليوم , فقد أفسد أستاذ سمير شهيتنا للطعام في ذلك اليوم. جلسنا في الكنبات ودخل إستاذ سمير ليرى النتيجة. تبسمت أساريره وعلت وجهه إبتسامة عريضة , فقد فاحت في سماء الفصل شتى أنواع الروائح , الغالي والرخيص , الرجالي والحريمي , المحلي والمستورد. ولم يتمالك أستاذ سمير نفسه التي إمتلأت فخراً , فخرج مهرولاً ليأتي بكامل هيئة التدريس ليروا (أو ليشموا) المعجزة التي أتى بها. أسهب المعلقون مرة أخرى في الحديث عن النظافة وتضورنا جوعاً للجهد الذي بذلناه (دون تناول وجبة الإفطار) في الحمام والتعطر. حاشية: ضع ما يقرب من المائة تلميذ في غرفة معروشة بالزنك , ليس بها من وسائل التكييف إلا مراوح سقف تثيرفي دورانها سموم الهجير وتلفح الوجوه بنيرانها دون إنقطاع وأنظر ماذا تجد ؟ رائحة جلود بالتأكيد. أمير قناوي 10.04.2009
(عدل بواسطة أمير قناوي on 04-11-2009, 03:29 PM)
| |
|
|
|
|
|
|
Re: الرائد/ طارق محمد سعيد (Re: أمير قناوي)
|
و يواصل الأخ وليد عبد اللطيف:
Quote: يا ود حمد ( مسكنات للشعبية البهية + بحري سبب عنايا )
كمل صبري وتعبت خلاص
شغلني الريد اسر قلبي وما وجدت خلاص
الخدود نوار ريده بأستمرار باقية لي عاده
ومافي عندي خيار طال مالازهار اصلي رياده
________
العذاب بي استمر ...... والحلو قدامي مره
اغفو مره ..... واصحى مره ..... ومالو لو تغشانا مره
_____
شاعركم يا ابو محمد فؤاد ود الرضي (وووووووووب علي منو ده راجل بكاي ) وده بكلام النصف الاخر وبكلام الرجال اولا خلوني اوريكم اصلو وفصلو وهو محمد ود سليمان بن ابراهيم بن ادريس ابو بصارة بن بركات بن نورين محمد بن حمد بن محمد السلطني ابو الشيخ بن سعد بن محمد المشهور بالعسيلي جد قبيلة العسلات بن حمد السيد رافع بن السيد حامد بن السيد الحسين بن السيد اسماعيل بن عبدالله بن السيد ابرهيم القرين بن السيد علي الرضي بن السيد الكاظم بن السيد جعفر الصادق بن السيد محمد الباقر بن السيد علي زين العابدين بن الحسين شهيد كربلاء بن الامام علي رضي الله عنه بن سيد نساء العالمين السيدة فاطمة الزهراء بنت رسول الله صلي عليه وسلم وفي هذه الشجرة المباركة قال شعرا حيث قال:- (نحن بنو الحسين والزهراء حبوبتنا يوم دق النحاس اياه يوم حوبتنا نحن الصالحين شربوا عقاب كوبتنا نحن السم شربناه والدابي في عببتنا)
طبعا يا ابومحمد فؤاد فتحت بوست بحري زي الساعة 11 لقيت بوست بحري ملهلب وقفلت البوست وواصلت نوم فصحيت فجأه من النوم الساعة ثلاثة ونصف صباحا وشربت كوز مويه باااااااااااااارد ذي بتاع ( ام هبه) واعلم جيدا كيف يكتب صديقي عماد عثمان بين السطور. احيانا تكون رساله موجها .الموضوع ده خلوهو في حنانكم ولقيت البوست قيامه قايمه فيها الجنه وهي الوصف الجميل في الحسان من القديم للراس وفيهو النار نار الشوق والغرام ولهيب الحب وياريت يا بحراويه تكون ايامكم جنه ونرجع لموضوعنا .
يتخيل لي يا شباب بحري ياحلوين ناس زمان ديل ما كان عندهم قلب واحد مثلنا وبالاخص ود الرضي لانه حفظ القرأن في سن العاشره وهو رياد وحبيب وقيل عنه كتب من سن العاشره شعر في لوحة حفظ القرأن في الخلوه وعاقبه شيخه وزجرهو وقال له هذا اللوح لكتابة القران فقط وكتب فيها وقال (شيخنا قال لينا اتو حرفتو اراكم يا مباديل كلكم هفتو شيخنا يا شخنا ات كان شوفتو تجدع الكراس الفكي تكفتو).
بس لكن ياشباب بكاهو كان شديد خلاص . يروي الفنان مبارك حسن بركات في سهرة تلفزيونية وهو يعتبر من منطقته وهو يحكي عن مناسبة القصيدة ان شاعرنا "ود الرضي" كان في مشوارا وفي الطريق قابل فتاة فلما راته جلست في الارض خجلة على عادة فتيات الريف وقتها وغطت وجهها بكفيها حتى لا يراه الشاعر لكن ود الرضي كان قد راها ونظم قائلا: (لاقاني الظبي مارق على اخياتو محزحز بي دروعه وبي شموع طياتو شافني ولبد اندس في ادياتو كيه على رصعني بطبنجياتو)
ما قلت ليكم كان قلبو خفيف وحنين بس بصراحه الريده بتعمل اكتر من كده . وكده (افتونا ياشباب وياناس المستشار ود البوب وطارق ميرغني و ابو محمد فؤاد هل الموضوع ده صحيح )
وفي مره من المرات ود الرضي نقلوه سنار وهناك قمة معاناته وفراقه عن حبيبته ونسيم منها كان يجعله في حاله مزريه لدرجة انه ذعل كثيرا من اصحابه عندما نصحوه وعشان كده قال
مت مزاري ... اوفي نزاري
واجفو هذا البلد المصيف
ما اقول امتى المزار
الا تجري دموعي الغزار
زارني ناسم شاقني المزار
لو يزورني الطيف ببقى كيف
يعني بقول اذا نسايمها بتعمل فيهو كده فكيف الخلاص من الاحلام والطيف
ويا جماعه بقول الطبيعه التي عاش فيها كانت خطيره وجميله جدا واستفاد كثيرا من حضارة الصوفية لما دخلت السودان وكانت واضحه في قصيدته حمام الايكي وغناها مبارك حسن بركات وذكرها في اخر لقاء تلفزيوني له .
الليله الله يحلكم ياناس بحري من بكى الراجل ده ولوكانت دموعو بحر كان جفت .
وفي روايه اخري برضو من مبارك حسن بركات لانه تأثر به كثيرا بحكم المنطقة وا بن الشاعر الطيب قالوا قصة حقيقة ليالي الخير جادن . ولقد سكب ود الرضي عبرات الشوق وهي قصة حقيقية وواقعية و لكن الشاعر صورها في شكل حلم جميل تمنى أن يستمر طويلا ولا يستيقظ منه ... شفت في الأحلام ظبى يتهادن..... برخيم نغمات خلى تنادن عبرات الشوق بى ازدادن...... تلكم أحلام ليت تمادن والقصة وما فيها تقول إن الشيخ محمد ود الرضي كان يحب إحدى الفتيات وكان يريد الزواج منها ولقد غاب فترة من البلد اثناء عمله بخزان سنار ولكن حين عودته وجدها قد تزوجت من احد الرجال المعروفين . وتصادف إن مرّ ود الرضي بأمام منزل الملهمة وكانت أبواب المنازل تصنع من المطارق وهى أعواد الأشجار ويمكن لاى شخص أن يرى ما بداخل المنزل من بينها ...فشاهد ود الرضي هذه الجميلة..فماذا شاهد... شفت الحسن الحافل رافل ..... في ثياب العز والعز كافل رانع واحل تايه غافل........ لادن هادل ضامر كافل ********** هادئ ساكن آمن قادل ........ بهجة هيبة حاكم عادل لافح فره وطارح سادل...... ليل عسعس كاسى الهادل هذا هو الجمال والحسن والروعة التي شاهدها ود الرضي...ولكن هذه الجميلة شعرت هنالك من يراقبها وينظر إليها من بين الفتحات ....فماذا فعلت ؟..من عادة النساء في السودان في الأيام التي ليس فيها مناسبة أو عيد يخضبن الكف الأيسر...فلما رأت هذه الملهمة من يراقبها هزت جيدها ووضعت يدها المخضبة وهى اليد اليسرى على وسطها وتلت اليمنى ومشت على مهلها يتثنى قوامها ويتمايل بعجن يكاد أن ينقسم .. بوبح جيده وأبصر واقل ...... ظن مراقب صدق العاقل قلب المخضوب فوق الفاقل........تل اليمنى ومشى متاقل وعندما وقلت بعينها مستغربة رأى ودالرضى العيون التي يشع ويتدفق النور من كل جوانبها ...وترقرقت عيونها بالدموع فأصبحت جارحة كالسيوف الهندية ...أما قوامها اللادن فقد أثمر وفاحت منه العطور الطيبة .. رنا متخاوف بارق لجّ......... بعضه فى بعضه ترادف لجّ نصفو تثنى وآخر لجّ ........... لاطم أمواج من غير لج ************ رفع الهدب شفت محور ..........نوره تدفق صعد أتدور فكر في شئ فضل أتصور..... بسم النوار فتح نور ********** فيه تأمل أيسر بند ..........لدن المثمر غصنه البندى مايقه ترقرق شهر الهندي ......... فوح منو العرف الرّندى العرف هي الرائحة الطيبة أما الرندى فهو من الرند وهو شجر طيب الرائحة...أما في نهاية الأغنية فيقول ودالرضى انه قد صحي من هذا النوم وحاول أن ينام مرة أخرى حتى يستمر الحلم ولكن هيهات يعود الكان ولى... وصحيت ندمان نومي انقل........ترخرخ جسمي وقواي كل ّ تناوم غش لكن كلا.........هيهات يعود الكان ولّى وفى رواية أخرى ...حاولت أنوم لكن كلا ....هيهات يعود الكان ولى والعبادى جارى ود الرضي في كسرة هذه الأغنية أيضا حيث قال في أغنية بلابل الدوح ...عيد لي النوم من اجل خيالك.
وها هي الدموع تبلل ثياب ود الرضي بعد رحول مليم جنوب السودان وهي ملهمة شعراء الحقيبة وكاوياهم بنار جمالها لا تقول لي (هيما مالين ولا مارلين مورلو ) وقلنا ليكم الجمال الاصلي في السودان .
اها احكي ليكم القصة صاحبكم سرور شاف مليم وهي تتجه مع اسرتها على الباخره المتجهة جنوب السودان من الاسكلا التي هي مرسى السفن الذي كان يقع جنوب منطقة الهلتون الحالي وصاحبنا سرور تألم جدا اخد الشمار من ربان الشفينة اسماء المدن التي تمر بها الباخره بعداك عضى الجلابية وجرى لود الرضي وكان سرور حزينا وحكى له خبر سفر مليم وطلب من ودي الرضي تأليف اغنية بهذه المناسبة وفعلا ما قلت ليكم صاحبكم بكاي شديد وكتبها بالنهار فحفظها سرور وغناها ليلا .
ووصف الاستاذ مبارك المغربي قصيدة مليم اي ( من الاسكلا وحلا ) انها قصيده جغرافية لذكرها حوالي عشرين مدينة سودانية من الشمال للجنوب عكس مجرى النيل وفي كتاب رواد شعراء الاغنية السودانية عاب على القصيدة ارتجالها وقال انها مصنوعه ولا تمثل الصدق الشعوري عند الشاعر لانه لايعرف مليم .
بس ياجماعة انا بقول العكس لان ود الرضي قبل كده كتب في مليم وكانت مفشفشه مرارتو ومكسراهو وكتب عنها( ميه وثمانية وستة وستة حبيبي حليلو القام يوم سته + و تلفان من الاجفان ) لذلك لما كتب( من الاسكلا وحلأ ) سكب غزارة الدموع في مطلعها وفي ختامها يدعو دموعه للانهمار والتدفق .وقال لقلبه لا تكون جاف
صب يا دمعي ما تكون جاف ........ يا قلبي البقيت رجاف
البدر الخفا .. الانجاف .. ............. اليوم شرف الرجاف
وهنا كان البكاء بالجد لانه وصفها ووصف جمالها اكثر من مره في القصيده ( بدر التمام ، ظبا ، صباح الخير ، البهاء ، النسيم وفوق كل ذلك ادخل علم المحاسبه وشبهها بالارباح )
طبعا ياحلوين متعت الكلام ده لما يغنوهو ناس مبارك حسن بركات واولاد المورده واولاد شمبات اما ابو خضره ياسلام ابدع وتجلى في الغناء وفي يوم من الايام زمن المذاكره لما اخونا عماد عثمان قال خضر بشير قبل كده طلع الشجره في حفله وغنى قلنا صاحبنا عماد بقى يهضرب الا سمعتها في يوم في لقاء تلفزيوني واضاف عليها قال قبل كده طلع في حيطه عشان تعرفوا قمت الطرب والتسلطن في الغناء عند هذا العظيم ولي ذكريات مع ابنه محمد وقال لي قبل كده في واحده سألت ابي ما هو الحب ؟ قال لها ( الحب لذيذ بالمره فيهو مبره وفيهو مضره وكؤوس الصباب المره فيهو صفا وفيهو جفا واحلى وفاء ) اما اغنية الناحر فؤادي ابدع فيها واعطى كل كلمه مساحتها في اللحن يعني حاجه مبالغه وهذه الاغنية بالذات يا شباب تذكرني لما ذهبنا توتي انا والمرحوم مبارك سلمان لاعب شمبات ولاعب المريخ الشاب الوسيم الانيق والاخ المكاشفي غناها مرتين ونحنا ماشين توتي وفي توتي . و بقولو الغناء حلو في خشيم سيدو ولكن ابن الوز عوام
الناحر فؤادي مولع جوفي حر
اضرم نار وجدي نسام السحر
كل اذاي يا طبيبي في جوفي انحصر
ولع جسمي نار وحكى جفني البطر
احذروا يا احبه وحب الريم خطر
يكفي البي حاصل يا احلى الفطر
والله ود الرضي مبدع و ابو خضره مبدع والمكاشف مبدع ومحمد خضر بشير الابداع نفسه ومره ثانية يا شباب الرحمه كل الرحمه لاخونا مبارك سلمان الذي رحل في ريعان شبابه .
برضو يا ابو محمد فؤاد تقول لينا تقذقزو بود الرضي .
بعدين يا ابو محمد فؤاد انت ناس الشعبية ديل قايلهم ما بعرفوا الغناء ولا ما عندهم احساس ليه ما بتنزل ليهم الكلام ده .
ياخي الشعبية فيها ( الديبة وجاد كريم وتنقا وما ردونا واللواء والجيش الامريكي والمدرعات وكا سحات الالغام و......... الخ ) يعني عندنا الجمال وناس بكاهم اشد من ود الرضي وأسأل صاحبك شمس الدين ساتي ..
ودمتم ......... وليد عبد اللطيف
يا ود حمد ( مسكنات للشعبية البهية + بحري سبب عنايا )
|
| |
|
|
|
|
|
|
Re: الرائد/ طارق محمد سعيد (Re: أمير قناوي)
|
يا امير ياو ود قناوى ..
والله فــضحــت ناس فصلكم ناس ابو دية وعزام الوجيــه
الحمد لله انا كنت اليوم داك قبال (26 ) ســـنة كـنـت ( غائـــب )
شوفو واسألو عزام امكن ( بقول امكن ) يكون حاضــر ..
Quote: أمر كل من كان بيته في جوار المدرسة بالذهاب فوراً للمنزل والإستحمام والعودة قبل نهاية الفسحة. أما من تبقى من سكان المناطق البعيدة فأمرهم أن يتبعوه عند خروجه من الفصل. أوقفهم بملابسهم الداخلية علي الحشيش الموجود بفناء المدرسة , ثم أتى بخرطوم المياه وظل يمطرهم منه حتى أزال درن أبدانهم وأطفأ نار غضبه.
|
شمارات شعبياوية :
فى روايــة اخرى ونسونــى بيها ..كــان هناك صــف طويل من طلاب الفصل الثالث متجهين الى المركز الصــحى
حوالى الساعة (9) صباحا ومعاهـــم ( كراس العيادة ) للكشف عليهم .
| |
|
|
|
|
|
|
Re: الرائد/ طارق محمد سعيد (Re: بدر الدين اسحاق احمد)
|
بدرالدين وآخرين ...
Quote: شوفو واسألو عزام امكن ( بقول امكن ) يكون حاضــر .. |
واحِد كان مُصاحِب < رشاد بابتوت > مُمكِن يِحَمو في حوش ... أنا في اليَوم داك مشيت < الإسبِتالَية > ورجعت دفتر العِيادة تاني يوم ... نادِر منصور قال لي في ناس مرقو مِنهُم الفنايِل الداخِلِية بِالذردِية ... وفي ناس ما عِرفتهُم تاني يوم بعد < الإستِحمام > إتغَيرو خالِص ... شكلهُم بِقى ما ياهو البعرِفو ... طبعاً أمير قِناوي شبحتين كان في بيتُم هو وناس خطاب وياسِر النضيف وتاج السِر وتاجوج وصبري
| |
|
|
|
|
|
|
Re: الرائد/ طارق محمد سعيد (Re: عزام حسن فرح)
|
....
تلقيت دعوة كريمة من (( قناة النيل الأزرق )) للمشاركة في سهرة والدعوة من الأستاذ المبدع (( الشفيع عبد العزيز )) وهي سهرة مباشرة يوم الثلاثاء القادم إن شاء الله وأغلب الظن أن يكون معنا نخبة من أبناء الشعبية والرائع حقا أن المنسقة للسهرة أخت فضلي من ( بنات ) الشعبية ذكرت لي أن بوست الشعبية سيكون محورا من محاور الحوار نواضر الود ..
| |
|
|
|
|
|
|
Re: الرائد/ طارق محمد سعيد (Re: عزام حسن فرح)
|
الحبيب اخونا رشاد عليه رحمة من الله وبركات ودعوات ودمعات منهمرات ان يتغمده الله برحمته
وان يكرم نزلـــه ويوســع مدخلـــة ( امين ..امين ..امين )
Quote: واحِد كان مُصاحِب < رشاد بابتوت > مُمكِن يِحَمو في حوش ... |
يا عزام والاخرون ده منبر حر يبحث عن الحقيقة ولا شى غير الحقيقة ..
اليوم داك دفتر العيادة كان محجوز لناس الفصل الثالث فقط ..
تزييف الحقائق ما بيحل اى زول ونحن بصدد كتابة تأريخ مشترك لثلــة من ابناء العمال وصغار الموظفين
كتبو وحفرو تاريخ ناصع فى ظل كل المعاناة التى عاشوها .. Quote: ... أنا في اليَوم داك مشيت < الإسبِتالَية > ورجعت دفتر العِيادة تاني يوم ... |
اعتقد صادقا وجازما ان ما تحتــه خــط لــم يكن يستخــدم فى ذلك الزمان لامثال هولاء الصبية
Quote: ... نادِر منصور قال لي في ناس مرقو مِنهُم الفنايِل الداخِلِية بِالذردِية ... |
Quote: ... طبعاً أمير قِناوي شبحتين كان في بيتُم هو وناس خطاب وياسِر النضيف وتاج السِر وتاجوج وصبري |
وين فيصل فرينى وعبد الوهاب على الحاج وناس حسن العوض وابو بكر الصديق وعثمان عبد العظيم ديل ما فى وش
المدفع + ( الفاتح صديق )الذى يتمتع بدعم مجلس الامن العم صديق .
ترمـــة شعبياوية :
حســـى عليكم الله لــو البورداب من الاحياء المجاورة دخلو علينا وشافو البدلــة الفخيمـــة دى يقولو
علينا شنو ...الله يجازى محنــك يا د. امير قناوى .
| |
|
|
|
|
|
|
Re: الرائد/ طارق محمد سعيد (Re: بدر الدين اسحاق احمد)
|
..Quote: تلقيت دعوة كريمة من (( قناة النيل الأزرق )) للمشاركة في سهرة والدعوة من الأستاذ المبدع (( الشفيع عبد العزيز )) وهي سهرة مباشرة يوم الثلاثاء القادم إن شاء الله وأغلب الظن أن يكون معنا نخبة من أبناء الشعبية والرائع حقا أن المنسقة للسهرة أخت فضلي من ( بنات ) الشعبية ذكرت لي أن بوست الشعبية سيكون محورا من محاور الحوار نواضر الود .. |
..إستطرادا ومواصلة للحديث أعلاه إتصل بي منذ لويحظات الأخ الأستاذ (( الشفيع عبد العزيز )) حول الموضوع أعلاه وعلمت منه أن السهرة ستكون حول الشعبية وبصورة دقيقة حول شارع المدارس بالشعبية شمال .. وهناك ربما يكون محور حول (( بوست الشعبية )) وسيتم تصور الشارع صباح الغد إن شاء الله والإلتقاء ببعض ساكنية حول ذات المحور وسيكون الضيوف (( شخصي الضعيف - عزالدين الصبابي - الفنان التشكيلي عبد المجيد )) ومعنا إحدى الأخوات الفضليات .. هذه هي ملامح السهرة إن شاء الله بالمناسبة بوست الشعبية يعتبر مرجع للمعدين في التلفزيون حول السهرة
| |
|
|
|
|
|
|
Re: الرائد/ طارق محمد سعيد (Re: صلاح شكوكو)
|
Quote: حول شارع المدارس بالشعبية شمال |
.. المقصود هو شارع المدارس بالشعبية جنوب وليس شمال رغم إدراكي بأنهما صنوان وعلمت أن إختيار الشخوص قد جاء لسبب واحد هو أننا جميعا نسكن في شارع واحد
..
| |
|
|
|
|
|
|
Re: بدرالدين إسحاق (Re: أمير قناوي)
|
إيد مبسوطة تقابل الحنة
نغم الليل السال شبال
نسمة تداعب في عيون طفلة
نخلة وطفلة وفرحة فال
التحايا للعارض شهاب شكوكو
قريبي الغالي
بارك الله لكما وبارك عليكما
وجمع بينكما على خير
Quote: تلقيت دعوة كريمة من (( قناة النيل الأزرق )) للمشاركة في سهرة والدعوة من الأستاذ المبدع (( الشفيع عبد العزيز )) وهي سهرة مباشرة يوم الثلاثاء القادم إن شاء الله وأغلب الظن أن يكون معنا نخبة من أبناء الشعبية والرائع حقا أن المنسقة للسهرة أخت فضلي من ( بنات ) الشعبية ذكرت لي أن بوست الشعبية سيكون محورا من محاور الحوار نواضر الود .. |
أستاذنا الغالي
صلاح شكوكو
مشتاقين ياخي
ومبروك لي شي شي
وعقبال البقية
وأولهم الحيدرأبادي
| |
|
|
|
|
|
|
Re: بدرالدين إسحاق (Re: ابراهيم قناوي)
|
استاذنا شكوكو:
Quote: تلقيت دعوة كريمة من (( قناة النيل الأزرق )) للمشاركة في سهرة والدعوة من الأستاذ المبدع (( الشفيع عبد العزيز )) وهي سهرة مباشرة يوم الثلاثاء القادم إن شاء الله وأغلب الظن أن يكون معنا نخبة من أبناء الشعبية والرائع حقا أن المنسقة للسهرة أخت فضلي من ( بنات ) الشعبية ذكرت لي أن بوست الشعبية سيكون محورا من محاور الحوار
|
بالتوفيق لكم وزملائكم بالاستضافة التلفزيونيه . علما بان الاستاذ:الشفيع،ابن خال لناس فيصل عسكر لاعب الصداقة الاسبق،وشقيق عبدالله سامبو ومنعم وعوض بعوضة ومنعم. والدتهم الفضلي متعها الله بالصحة والعافيه،هي من تولت تربيت الاستاذ الشفيع،بحكم دراسته بالخرطوم ،واهله مقيميين بكوستي. والاستاذ الشفيع مترع بالحروف الكلمة ولبق الحديث. لذلك عليكم الانتباه فالرجل مر من هناك وعلي درايه بدروبها وحاراتها بلاشك سوف تكون مميزة بكم،وسنحاول المتابعة. تحياتي للاستاذ الشفيع عبد الغزيز،ونديمك،المحامي عزالدين الصبابي.
مودتي
| |
|
|
|
|
|
|
Re: بدرالدين إسحاق (Re: الفاضل يسن عثمان)
|
عطفا على استضافة قناة النيل الازرق للاستاذ صلاح شكوكو وهو اهل لها فقد استضاف الدكتور مامون حميده يوم الجمعه اثنين من ناس الشعبيه وهما الدكتور بدر الدين ابراهيم الدكتوره انصاف سالم محمد نور وكلاهما استشاري في النساء والولاده دكتور بدر الدين يعمل في جامعة كورنيل ودكتوره انصاف تعمل في المستشفى العسكري في السعوديه والشعبيه ولود بالمبدعين
| |
|
|
|
|
|
|
Re: بدرالدين إسحاق (Re: عمر عثمان)
|
>>
تنويه :- .. ننوه الى أن الأخ شهاب كان قد عقد قرانه فقط أما مراسيم الزواج وطقزس الإلتقاء فلم تتم بعد ويتم التشاور حولها مع الطرف الآخر .. وللذين عاتبوننا عبر الهاتف نقول بأن رقاع الدعوة ستصلكم في حينها محفوفة بالمودة الجزلة ولا فرح يتم إلا بقدوم من يرسمون الفرح في وجوههم .. لكم التحية ولشهاب عاطر أمنياتنا
..
| |
|
|
|
|
|
|
Re: بدرالدين إسحاق (Re: عمر عثمان)
|
Quote: عاد أستاذ سمير ووقف أمام السبورة وواجه العيون الزائقة , المترقبة شراً. مضت ثواني , خيل إلينا أنها ساعات . قطع أستاذ سمير سكوته قائلاً : إني أجد رائحة جلود. |
ثم قال : الظاهر إنتو زبالة !! قولوا وراى : نحن زبالة ! جميعنا بصوت خافت : نحن زبالة ! أستاذ سمير : لا بصوت عالى يامعفنين قولوا نحن زبالة ! جميعنا بصوت أعلى من اللزوم : نحن زبالة ! وبعد الحمام الإجبارى (أنا مشيت بيتنا .. بيتنا كان قريب أها غالطونى فى دى كمان ) وبعد عودة الجميع إلى الفصل وعودة الروح والريح الجميل ! ضحك الأستاذ سمير وقال : قولوا نحن حلاوة ! جميعنا بصوت واحد : نـحـن حـلاااااااوة ! استاذ سمير : أيوة كده ( وبصوت خافت ) دينكم زاتو !
| |
|
|
|
|
|
|
Re: بدرالدين إسحاق (Re: صلاح أبودية)
|
عمر محمد عثمان:
Quote: عطفا على استضافة قناة النيل الازرق للاستاذ صلاح شكوكو وهو اهل لها فقد استضاف الدكتور مامون حميده يوم الجمعه اثنين من ناس الشعبيه وهما الدكتور بدر الدين ابراهيم الدكتوره انصاف سالم محمد نور وكلاهما استشاري في النساء والولاده دكتور بدر الدين يعمل في جامعة كورنيل ودكتوره انصاف تعمل في المستشفى العسكري في السعوديه والشعبيه ولود بالمبدعين |
و استضافت قناة هارموني الأسبوع الماضي الدكتور ياسر حنفي جراح القلب المعروف و المدير العام لمستشفى أحمد قاسم لجراحة القلب و زراعة الكلى و هو من أولاد الشعبية و خريج بحري الحكومية الثانوية..التحية لأولاد الشعبية الناجحين و المبدعين..
| |
|
|
|
|
|
|
Re: بدرالدين إسحاق (Re: الحاج حمد الحاج)
|
استاذنا / اخونا / الاكبر / بقية الزمن الجميل
تحيات طيبات زاكيات مضمخــات بالعديل بالصندل
من غيرك يسطر هــذه الروائـــع ..
ورب الشعـــرى :حاضرون دعوة ومن غير دعوة ) فكيف يدعـــى شخــص الى بيتـــه .
Quote: تنويه :- .. وللذين عاتبوننا عبر الهاتف نقول بأن رقاع الدعوة ستصلكم في حينها محفوفة بالمودة الجزلة ولا فرح يتم إلا بقدوم من يرسمون الفرح في وجوههم .. لكم التحية ولشهاب عاطر أمنياتنا |
| |
|
|
|
|
|
|
Re: بدرالدين إسحاق (Re: بدر الدين اسحاق احمد)
|
Quote: ثم قال : الظاهر إنتو زبالة !! قولوا وراى : نحن زبالة ! جميعنا بصوت خافت : نحن زبالة ! أستاذ سمير : لا بصوت عالى يامعفنين قولوا نحن زبالة ! جميعنا بصوت أعلى من اللزوم : نحن زبالة ! وبعد الحمام الإجبارى (أنا مشيت بيتنا .. بيتنا كان قريب أها غالطونى فى دى كمان ) وبعد عودة الجميع إلى الفصل وعودة الروح والريح الجميل ! ضحك الأستاذ سمير وقال : قولوا نحن حلاوة ! جميعنا بصوت واحد : نـحـن حـلاااااااوة ! استاذ سمير : أيوة كده ( وبصوت خافت ) دينكم زاتو ! |
فضحتونا في القِبل الأربعة ... شكيتكُم على الله
| |
|
|
|
|
|
|
Re: بدرالدين إسحاق (Re: عزام حسن فرح)
|
ناس الشعبيه
سلامات
انا بفتكر انه الشعبيه دي عندها مكانه خاصه في قلوب كتير من الناس منو فينا ما بيحب الشعبيه؟
جيت الشعبيه من اللفه,,, درست سنه اولى في المساكن الشعبيه الشعبيه فيها بيت جدي و حبوبتي .... من جهه أمي بيتنا الفيهو (دكان جدو) الله يرحموا حبوبتي السعديه ... رحمه الله عليها .... مدرسه لحالها
أخواني ... الحارث و عوض و عاطف (دحدوح)
قلبتوا علينا المواجع ,,,, يديكم العافيه
بجيكم صااااااااااااده
| |
|
|
|
|
|
|
Re: بدرالدين إسحاق (Re: BitAlhana)
|
يا ابو ديــة ... حرام عليك
إنت ما سمعت بالمسكوت عنــه فى التاريخ ( خبرك ده مسكوت عنه فى التاريخ ) ما بيؤثــق
عييييييييييك وكمان فاضحنــا مع اخت دحدوج الله يطراهو بالخير ..
Quote: ثم قال : الظاهر إنتو زبالة !! قولوا وراى : نحن زبالة ! جميعنا بصوت خافت : نحن زبالة ! أستاذ سمير : لا بصوت عالى يامعفنين قولوا نحن زبالة ! جميعنا بصوت أعلى من اللزوم : نحن زبالة ! وبعد الحمام الإجبارى (أنا مشيت بيتنا .. بيتنا كان قريب أها غالطونى فى دى كمان ) وبعد عودة الجميع إلى الفصل وعودة الروح والريح الجميل ! ضحك الأستاذ سمير وقال : قولوا نحن حلاوة ! جميعنا بصوت واحد : نـحـن حـلاااااااوة ! استاذ سمير : أيوة كده ( وبصوت خافت ) دينكم زاتو ! |
غايتو كلو منك يا امير ود قناوى ..
| |
|
|
|
|
|
|
Re: بدرالدين إسحاق (Re: بدر الدين اسحاق احمد)
|
اولا أرحب بالأخت بنت الهنا و منورة البوست و الى مزيد من المشاركات خاصة أننا قد افتقدنا مشاركة الجنس اللطيف.. رسالة من الأخ العزيز صلاح عباس و هو كما ذكرت سابقا صاحب قلم متميز..و تحت عنوان حَدثَ في مدرسة الشعبية جنوب الابتدائية أخي الحاج سلام من الله عليك ورحمة منه وبركات،أما بعد فهذا هو الموضوع الذي وعدتك بإعادة كتابته ونشره، وشجعني على ذلك تلك الصورة التي رسمها الأخ العزيز أمير قناوي لواحد من تلك المشاهد التي عايشناها في تلك الفترة، والتي أثارت مداخلات الإخوة الأعزاء، من الزملاء في مدرسة الشعبية جنوب، وقال أخي بدر الدين ما معناه: أن هذا ينبغي أن يكون من المسكوت عنه! وأنا أقول: لا يمكن السكوت على هذا! ولكن ذلك كله مع كل احترامنا وتقديرنا لأساتذتنا الكرام، فالقضية ليست قضية شخصية، وإنما هي قضية موضوعية ومهمة جدا. وكذلك أوجه الشكر لاخي أمير إذ افتقد وجودي في الأيام الماضية، فله وللأخ عصام، ولكلّ إخوانه وأفراد الأسرة الكريمة التحايا والأمنيات الطيبة. وأُهدي هذا الموضوع خاصةً للأخ العزيز منير عبد الرحيم، الذي أعاد لي ذكريات طريق العودة من المدرسة الذي كان يجمعنا في تلك الأيام، ونسي منير أنني كنت من القلائل الذين قُدر لهم أن يتشرفوا بحضور حفل زواجه المفاجئ الذي كان ليلة سفره إلى السويد، والذي بذل فيه الأخ الحاج جهداً مقدراً في تبليغ الدعوة لرفاق الدرب! المهم: لا أطيل، هذا هو الموضوع، وأرجو أن لا يكون ثقيل الوطأة عليكم:
Quote: (حَدثَ في مدرسة الشعبية جنوب الابتدائية!) هأنذا مرّةً أخرى، أعود لمداعبة الكيبورد لأستجيش بعض ذكرياتنا القديمة، ومسرحُنا هذه المرّة مدرسة الشعبية جنوب الابتدائية، التي كانت وما زالت أحد الأوعية المهمة التي جمعت أبناء الحيّ شماله وجنوبه. وأشعر بأنّ ذكرياتنا حول هذه المرحلة في هذه المدرسة، أو في غيرها من المدارس، في تلك الفترة، لا تخلو من بعض الأسى، لما كنا نعانيه كطلاب من تخلُّف الفكر التربوي عموماً آنذاك، إذ كان الشعار المرفوع عالياً هو: تحقيق النجاح بمعناه الأكاديمي الضيق، ولا يهمّ في سبيل ذلك ما يتعرَّضُ له الطالب من إهانة أو إذلال، وأحسب أنّ صدى "الكُفوف" لا زال يرنُّ في فضاء تلك الفصول، وصورة زميلك بعد أن تلقّى كفّاً صاعقةً يستدير مائة وثمانين درجة، لتعاجله الكفُّ اليسرى للمدرّس بأخرى خاطفة! لا زالت تتراءى أمامك، ومهما كنت منضبطاً، أو "شاطراً" فلا بدّ أن يُصيبك شيءٌ من ذلك، ... على الأقلّ إذا فكّر أحد خصومك من الزملاء في أن يصفي حساباته معك عن طريق استخدام سلاح (شكوة مكوة) فيقوم برفع شكوى ضدّك سواء كانت حقيقية أو ملفّقة، واثقاً من أنّ الأستاذ سيُصدّقه على طول، بدون أن يُجري أيّ تحقيق؛ لأنّ حضرته لن يتصوّر أن هناك من يمكن أن يتجرّأ عليه بالكذب! ودعوني أذكر لكم بعض الوقائع: - أذكر أنّي لمّا كنت في السنة الأولى الابتدائية، كان أحد المدرّسين معجباً جدّاً بهذا الفتى الصّغير، كلّما مرّ به وهو جالس في "الفصل البرندة" داعبه ولاعبه، الأمر الّذي أثار حفيظة جاره، فقرر في نفسه أن يستخدم خيار "شكوة مكوة" فقال للأستاذ: "يا وُستاذ ده سبَّ لي الدّين!" فعندئذٍ يصبح ذلك الفتى بين خيارين أحلاهما مرٌّ: لو دافع عن براءته سيُضيف إلى القائمة تهمة أخرى وهي تهمة الكذب، فلم يكن أمامه إلا خيار الصّمت، ولو ذهب إلى البيت باكياً من أعماقه، فلن يُصدّقه أحد، "الزّمن داك ما كان في حقوق إنسان"، وهنا أذكر النكتة المعروفة بيننا آنذاك، والتي كانت تصوّر إلى حدٍّ كبير بعض معاناتنا، وأذكر أني سمعتها من جارنا ورفيق درب الصبا الأخ كمال محمد عبد المجيد "طرزان": (أنّو الولد جا من المدرسة يبكي، فقالت له أمّه: ما لك؟ فقال ليها: المدرس دقّاني، ليه؟ عشان قال لي منو الحفر قناة السويس، وأنا ما عرفت! فقالت له: يمكن حفرتو إنتَ يا منافق!). - ومرّة كان موضوع التّعبير: اكتب خطاباً، أنا كتبت الخطاب، ما أعجبني فقمت عملت cross وكتبت: "لاغي" بحسب النظام المعروف آنذاك، "طبعاً كتابتها الصحيحة هي: "لاغٍ"، وقررت أن أُعيد كتابة الموضوع من جديد، لكن لسوء الحظ: ضرب الجرس، وقيل: اجمعوا الكراسات، فعندئذٍ وسوس لي الشّيطان فكتبتُ بالطَّرف: "آسف"، فكان أن افتتح بي الأستاذ الحصة القادمة، وهو يردّد متهكّماً: "آسف!" وينهال عليَّ بالسّياط! - أمّا الواقعة التالية، فهي عبارة عن مجزرة جماعية غريبة من نوعها: أراد الأستاذ فلان أن يكتشف مواهب غنائية في الفصل: "مين فيكم بعرف يغني؟" كان يغني شخص واحد فقط هو ميسرة السراج، وكانت عنده أغنية واحدة فقط، هي: "حسنك أمر"، فالمدرّس يبدو أ نه ملَّ منها، يُريد مواهب جديدة، لم يرفع أحد يدهُ، رغم تشجيعه، ثمّ ماذا؟ طلب مجموعة كبيرةً من "السيطان" قُطِّعَت من الشجر، فردمها أمامهُ، وأصبح كلُ طالب على التّوالي، ملزماً بأن يُغني، وإلا فالسّوط سيعلو ظهرهُ!!! فلك أن تتخيّل معي هذه "الميلودراما": أن تغني، تغني فعلاً، وأنت مسكونٌ بالخوف من العقاب الذي ينتظرك إن لم تفعل!. - والمعروف أنّ مدرسة الشعبية جنوب في تلك الفترة كانت الأولى على مستوى مديرية الخرطوم، وكان الأخ عادل محمد عثمان، أول الدفعة السابقة، بينما كان أول دفعتنا هو الأخ أحمد علي خالد، ولكن هذه الرّيادة والأولية كان ثمنُها غالياً بالنسبة لبعض الطلاب، فعلاً: كان المدرس يبذل جهداً كبيراً، ليلَ نهار، من أجل أن تكون نتيجة المدرسة 100% ولذلك كان الراسبون في الاختبارات يعاقبون بألوانٍ من العقاب، من ذلك أذكر أنّ المدرس كان يأمر مجموعة الراسبين في الاختبارٍ بأن يخلع كلٌّ منهم حذاءه، ويرفعه فوق رأسه، ثم يدورون في الفصول، وعند كلّ فصل يقول المدرس مثلاُ: "يا أولاد سنة أولى، قولوا ليهم إنتو شنو!" فيصرخ أولاد سنة أولى بابتهاج: "إنتو شنو؟" وعندئذٍ -وحسب التعليمات- يرفع هؤلاء كلٌّ منهم حذاءه عالياً فوق رأسه، ويهزّه بقوّة وهو يهتف بصوتٍ داوٍ: "نحن زبالة"! والويل لمن تُحدّثه نفسه بأن لا يفعل ذلك أو يخفض من صوته! ولكن، هذا الّذي أصوره يا جماعة تصوير من زاوية واحدة، وإلا فالزّوايا الأخرى مشرقة وكثيرة، أتمنّى أن ينبري أحد زملائنا ليُذكرنا بها، ليتحقق نوع من العدل والتوازن المطلوب، وعموماً لن ينسى أحدٌ من طلاب المدرسة ابنَ الشعبية الأستاذ المحترم محمد عثمان –كرّم الله يده- إذ لم تمتدّ إلى خدّ طالبٍ بكفٍّ أبداً! وأيضاً، لا شكّ أنّا جميعاً نذكر بكلّ حفاوةٍ وتقدير، المعلم والتربوي والرياضي الكبير الأستاذ مصطفى المشهور بلقب "مصطفى لياقة"، الذي كان مُعلماً متميّزاً، وكانت حصته في التاريخ لا أمتع منها ولا أروع، ولا زلتُ أذكر أنه كان عند دخوله الفصل، يعاقب "المهرجلين" بضرب كلٍّ منهم بكتابه المجلد الكبير على رأسه، مستثيراً حالة من الفرح والابتهاج، ... وكذلك يذكر كلّ الطلاب ما كان يتميّز به الأستاذ طه عبد الرحمن من الإخلاص والانضباط وحسن المظهر، إضافةً إلى جودة تحضيره للدرس وروعة أدائه، وخطه الجميل. ولن ينسى أحد الجهد الكبير الّذي كان يبذله الأستاذان الفضل أحمد الفضل وحسن محمد عثمان في حثّ الطلاب على المذاكرة ليل نهار، وفي تلخيصهم للمقرّر بطريقة السؤال والجواب، وهما تقريباً اللذان يقفان خلف الإنجاز الكبير الّذي حقّقته المدرسة باحتلالها المركز الأول على مديرية الخرطوم في تلك الفترة! رحم الله من غيّبه الموتُ منهم، وحفظ الباقين من عاديات الفتن!
|
| |
|
|
|
|
|
|
Re: بدرالدين إسحاق (Re: الحاج حمد الحاج)
|
يبدو أن الأخ أمير قناوي رمى حجر في بركة ساكنة بحديثه عن ذكريات المرحلة الابتدائية (رغم أنها فضحت جماعة كده) و سيكون الحديث حلو عن هذه الفترة الجميلة و ستظهر أقلام مميزة..لي قدام
| |
|
|
|
|
|
|
Re: بدرالدين إسحاق (Re: الحاج حمد الحاج)
|
أول و آخر جلدة طيلة حياتي الدراسية اخدتها من الأستاذ المرحوم عيسى الحبيب و كان بدرسنا رياضيات ، يوم فجأة عمل امتحان و الغلطة بي جلدة و الفصل كلو اتجلد عدا الأخ زين العابدين حسن (المزاد) و هو حاليا أستاذ الرياضيات بجامعة جوبا و قد سبق أن حكى قصة تفوقه في الرياضيات بعد أن أحرز نتيجة سيئة لمرة واحدة و أخد جلدة و بعدها أبرز تفوق في هذه المادة مستمر فيهو حتى الآن.اتذكر يوم الجلد المرحوم عيسى يعلم أنني كنت أول الفصل و لما النتيجة كانت بطالة للفصل و بصوت عالي : غير الزين حسن دا ما في زول شاطر الباقين كلهم اشاعات ساكت ناس الحاج حمد و غيرو..اليوم داك شميت ليك عيسى الحبيب دا و تمنيت أن يكرر الامتحان عشان اجضمو ليهو جضيم شديد..اللهم أرحم عيسى الحبيب بقدر ما قدم للشعبية و أولاد الشعبية و مجتمع الشعبية.
| |
|
|
|
|
|
|
Re: بدرالدين إسحاق (Re: الحاج حمد الحاج)
|
تحيات من الاخ فيصل لى ناس الشعبية وتحياتى الخاصة للجميع وتحيةخاصة ياحاج وشايف الحكاية ماشة معاكم لكن وارغو بتاعكم دا طلع زى عبد الغفار الاطرش عندنا فى الصديق زمان ...
Quote: الاخ عبدون الاخوة الاحباء الاعزاء بالشعبية (بدون فرز ) السلام عليكم ورحمة الله وبركاتة اسف جدا لطول الغياب لاني كنت باجازة وسافرت الى القاهرة لزيارة ابنتى التي تدرس هنالك وقلت منها فسحة ومنها زيارة وطبعا زمن من القاهرة زرناها ونحن فى الخرطوم القديمة زمن جمعية التاريخ والجغرافيا مع الاستاذ والمربى الفاضل الاستاذ الفاتح ولم نري فيها شيء نسبة لضيق الوقت وقد طالت المدة ولم تساعد الظروف لزيارتها مرة اخرى فمعذرة نعود للشعبية وناس الشعبية طبعا اغلب الناس الفي البوست دا يمكن ما يعرفونى ما عارف لاني كبرت عليهم ولا طول المدة لكن من كلام الحاج حمد انه درس على يد الاستاذ عيسى الحبيب معناه انا اكون درسته لانه انا فى الوقت الكان فيه عيسى استاذ بالشعبية انا كنت استاذ بغرب شندي منطقة ( المغاوير) وعشان كدا الناس ما متذكرة فيصل عبد الله واحب اقرب الموضوع شوية انا سكنت بالمزاد المفتوح المطل على الشعبية جار ناس الدكتور ياسر حنفي وعلى فكرة هو متزوج بنت خالى يحي على حمد البيت الفيهو دكان فضل المولى ومن التاس الذين عاصرتهم المستشار الكبير ( البوب) الاستاذ حسن طه الله يديهو العافية وهو يمكن اكتر زول يعرفني فى ذلك الوقت وبالمناسبه دي احب ان اهنئه بتخريج بنت اخته هديل واقول ليهو الف مبروك وعقبال عيالك يابوب والف مبروك ومن الاخوان الذين عاشرتهم عطا باقريت وبابكر واحمد سكس وسلامة الصادق وبدرالدين الله يرحمه وكان معي بالمركز جوار المصحة وكنا نحنا من مدربي كتائب مايو وكان معنا كذلك الاخ محمد بابكر كان ساكن قرب منزل الفاضل دراج الله يرحمهم اما من ناحية المجنونة فكنا من اول مؤسسى فريق الصداقة يشهد يوسف المفك وعبد المنعم بين وابراهيم الشيخ العميد ولا لواء ما عارف ومن الاخوان معليش لو نسيت احد الاخوان فله العتبى حتي يرضى ناس بلة حسونة وجحر وغفار وعبد الرحمن وعلي سيودة وثابت وكان المدرب فى الوقت داك عبد المنعم فيسبا وكذلك الحارس المعروف قبل ما يمشى للكفاح عبد الحميد كباشى وحمد النيل سليمان وسلامة واللاعب المشهور عبد الصادق هذا قليل من كثير ولى عودة اخى عبدون مسئول من الخير سمعت انه عز الدين حضر للسودان ولقيت تلفونه فى البوست وقدر ما اتصلت عليهو ما بيرد ارجو ان تبلغة وشايفة وانا بتاوق فى البوست لقيت تلفونه والمعانة التي يشكو منها وين ناس الطاهر رباح سعادة اللواء ولا خالص نسو الناس والمودة والاخاء مع انه ناس الشعبية ديل ما بنسوالناس بسرعة اخوانى ارجو المعذرة ان اطلت عليكم وارجو التواصل واتمنى للشعبية وناس الشعبية كل ود واخاء ومودة وترابط ابد الدهر ولكم منى الف تحية ومعذرة ان لم اذكر بعض الاخوان والذاكرة مليئة بس عايزة شوية وقت لذكرهم وعلى فكرة وانا فى القاهرة حضرت الاخت الصحفية المرموقة ناديه عثمان مختار وقد كانت في حفاوة الاخوان بالرياض والله كان بودى ان اكون حاضر هذا المهرجان ولكن الجايات اكتر من الرايحاتولهامنى الف تحية وكان بودى ان اتعرف عليها لانى عرفت انها من الشعبية والله الشعبية منارة وربنا يخليها لينا ونتمنى اولاد ا اولادنا أن يكونو دائما وابدا من المتفوقين انشاء الله اخوكم ابدا /فيصل عبد الله محمود / هاتف /00966556456917 |
| |
|
|
|
|
|
|
Re: بدرالدين إسحاق (Re: الحاج حمد الحاج)
|
الأخ "شهاب شكوكو" تهنئه صادقه من القلب..مع تمني صادق بإتمام المراسم ودوام الأفراح.
الأستاذ "صلاح شكوكو" التهنئه موصوله لشخصك الجميل..كما أهنئك والأخ "عزالدين الصبابي" بدعوة النيل الأزرق .وهي في تقديري قلادة أخرى تزين صدوركم المتلاصفه بالكثير..يقيني بأنكم ستكونون على قدر المناسبه..دعواتي للعلي القدير أن يحلل عقدة من لسانكم ليفقه الجميع قولكم.
التهنئه موصوله ..للأرباب "حاج حمد"..الرجل الذي نسج من حروفه الصادقه في خارطةالمنبر العام قصائد جزلى ..إستظل بها ساكني الشعبيه وغيرهم ..فالتحيه له ولحروفه العبقه.
ولكم من الود أكمله
| |
|
|
|
|
|
|
Re: بدرالدين إسحاق (Re: الشيخ سيد أحمد)
|
سلام يا شباب
من اطباء الشعبية المرموقين البروفسور بدر الدين ابراهيم احمد، شقيق احمد (بلول) وسامى ومجدى وربيع. وهو بروفسور طب النساء والتوليد فى مؤسسة حمد الطبية فى قطر، واستاذ فى جامعة ويل-كورنيل الامريكية وجدت صورته فى قووقل. تحياتنا له ولاسرته.
| |
|
|
|
|
|
|
Re: بدرالدين إسحاق (Re: Adil Osman)
|
التحية للأخوين الشيخ سيد أحمد و الأستاذ عادل محمد عثمان بعد غيبة طويلة..و نحي البروفيسور بدر الدين ابراهيم بلول الذي يعتبر أحد قامات الشعبية...
| |
|
|
|
|
|
|
Re: بدرالدين إسحاق (Re: صلاح شكوكو)
|
بدر الدين اسحاق:
Quote: الحاج حمــــد : توجـــه الينا اكبر واشنع تهمــة ( عــدم الوعـــى الاسفيرى ).
..من ياسر طيفور و اخرين .
ناس الشعبية عووووووووووووووووووووووووووووووووووووووك
قالو نحن فاتلين المنبـــر ..
يلا يا منير يا هندســـة ورى الجماعة ديل حاجــة .. |
شاركت في هذا البوست..و لكن بعد ذلك فضلت عدم الدخول اليه حتى لا يرفع الى صفحات اعلى..لذلك أفضل الا يشارك الاخوة و البوست بغطس.
| |
|
|
|
|
|
|
Re: بدرالدين إسحاق (Re: الحاج حمد الحاج)
|
إنهيار أكبر برج للعزابة بالشعبية !
الإخوة والأخوات نزف إليكم اليوم خبرا طال إنتظاركم له ! سوف يعقد يوم الجمعة القادم بمشيئة الله وبمدينة عطبرة .. عقد قران جد بعضكم وعم آخرين منكم وأخ للقليلين منكم .. وأستاذ للغالبية العظمى منكم .. إنه عقد قران عمنا الأستاذ الكبير .. عبدالمنعم أبودية ! الدعوة موصولة للجميع !
سوف تصلكم صورة الحناء قريبا إن شاء الله !
| |
|
|
|
|
|
|
Re: بدرالدين إسحاق (Re: صلاح أبودية)
|
و رسالة من الأخ يوسف الرضي بعنوان: ناس الشعبية القدامى:
Quote: الاخ العزيز حاج حمد التحايا العطرة لكل اهل الشعبية شبابها وشيوخها اولا لك التحية الخاصة ثانيا انا من اهل الشعبية لكن طالت غيبتى لو تذكر يوسف الرضى اخو مجدى الرضى (ودالرضى طبعا اكيد تتذكر هذا الاسم وانا دفعة القدامى جمال موسى وعادل محمد الحسن عابدون محمد عابدون شمس الدين ساتى من مدرسة الخشب المهم عرفت بالصدفة من الاخ جمال موسى عن هذا المنتدى والذى لا تعرف كيف اسعدنى هذا الخبر واثار فى نفسى ذكريات الشعبية الحبيبة والتى لو تحدثت عنها ايام وليالى لن تكفينى .طبعا انا كنت فى السعودية لفترة ثم شددت الرحال الى ارض زايد الخير والان انا بالمنطقة الغربية من ابوظبى ومعى الاخ جمال موسى لحسن الصدف ولا يكاد يمر يوم الا ونجلس لنجتر الذكريات فهذه الشعبية الحبييبة سكنت فى الوجدان وتخللت الكيان المهم لا اريد ان اطيل فالتحية للجميع ولبدر الدين ابراهيم ولصلاح محمد سعيد ولطارق محمد سعيدو لهاشم محمد سعيد وللجقدلىو لعابدون وشمس الدين ولحلة المارد وللاخ بدرالدين اسحاق والعتبى للذين لم اذكر اسمهم وان شاء الله يدوم التواصل . طبعا انا ما مشترك لذا سوف اتواصل عبر البريد الالكترونى يوسف الرضى الحسن |
| |
|
|
|
|
|
|
Re: بدرالدين إسحاق (Re: الحاج حمد الحاج)
|
يوسف الرضى اولا مرحب بيك والله مشتاقين ونزل لى رقم موبايلك هنا وبعدين ارجع لى عشرة صفحات كدة لى ورا تقريبا انا منزل صورة قديمة ليك انت وجمال موسى ( ايام الشباب ... ياحليلك ) ..
| |
|
|
|
|
|
|
Re: بدرالدين إسحاق (Re: عابدون محمد عابدون)
|
عبدون محمد عبدون (ابدونه) سلام وتحايا ليك وللمعاك
الاخ الاكرم فيصل سلامك وصل مع رسالتك لعبدون واشكرك جزيل الشكر علي السوءال..والله فعلا انا بعاني منذ وصولي يوم 6 مارس من كل شيء واهمها حلاوه نت.. جيت لقيتهم فصلوني تاني من العمل والان ساكي الرجوع وواضح انه مافي امل ولذلك احتمال اغادر قريب وغالبا للخليج.. انت ذكرت مجموعه من ناس الزمن الجميل وفعلا الشعبيه كان فيها فطاحله في كل شئء وده موجود في كل منطقه. تحياتي للاسره ولكل المعاكم في الرياض..اما حكاية التلفون فمرات الشبكه يعني الاولاد برضو بتصلوا بي من كندا واكون ماسامع اي جرس ومرات من القرف بكون جادعوا بعيد وماسامع الجرس معليش اعفي لينا الي ان ينصلح الحال..
ولكم مودتي
| |
|
|
|
|
|
|
Re: بدرالدين إسحاق (Re: عزالدين محمد عثمان)
|
صلاح أبو دية ...
Quote: عقد قران عمنا الأستاذ الكبير .. عبدالمنعم أبودية ! |
دي تاني غلطة فادِحة حيِسويها عبدالمنعِم في حياتو ... الأولى لامِن أبى يِعرِس قبل 40 سنة بِالضبط ... وهسِع لامِن عاوِز يِعرِس بعد عُمر الـ55 سنة ... حرم ما يِلحق يِسجِلو في المدرسة ... النصيحة دي ما حااااااااره ... غايتو مبروك بِالرغم مِن إنو ما حقو الواحِد يِشارك في الجريمة زي دي ... هو الواحِد بِيِعرِس ليه ما علشان أولادو يِبقو ليهو سند لامِن يِكبر ... طَيِب عبدالمنعم هسِع كبير علو راجي ولدو الحيكون عُمرو (5) سنوات فغت (فقط) وكتين عبدالمنعم يِدور يِترتِبوهو للأدبخانه ما قُلت ليكُم النصيحة دي حااااره
صلاح الكلام ده خليهو بيناتنا ماف داعي عبدالمنعم يسمع بيهو أنا ما ناقِص
| |
|
|
|
|
|
|
Re: بدرالدين إسحاق (Re: الحاج حمد الحاج)
|
رسالة من الأخ وليد عبد اللطيف و أقول للأخ وليد ما شايل هم و عارف انت و أولاد الشعبية ما بقصروا و سيظل البوست (عاليا خفاقا) تعبيرا عن ارادة حي عريق.. و هناك الكثير الذي لم نكتبه عن الشعبية:
Quote: حاج حمد ابن الشعبية (الرجل الفاضل ) ياخي قلنا نريحك من المراجعه عشان ما تشيل هم عملك وشغلنا وهو الكتابه .وبعدين قلنا نعطي الناس فرصه شوية وصراحة الكلام عن الشعبية خاصة لم ينتهي وعندي كمية مهوله من المواضيع يعني ما تشيل هم البوست وماتاكل هم زي ما بقولوا اخوانا السوريين . يظهر ياحاج ناس عابدون لابتين خلف الباب مره يظهروا ومره يغطسو ويغطسوا معاهم البوست سؤالي عن هذه الشخصيات اين هم . فيلسوف كرة الشعبية عادل صالح والاخ عادل عثمان ود الدكتور وقول ليهو ود عبد اللطيف عندو تنقيب في حلتكم بس ساعدونا (في ونست بيت )من جمال موسى وود الرضي الى الموهبه بشرى عثمان تحياتي لكل شباب الشعبية وعلى راسهم شمس الدين ساتي ودمتم .................. وليد عبد اللطيف
|
| |
|
|
|
|
|
|
Re: بدرالدين إسحاق (Re: الحاج حمد الحاج)
|
و رسالة من الأخ أحمد بابكر محمد أحمد - الدوحة و هو انقطع لفترة نسبة للمشغوليات و الشكر أخي أحمد و هذا البوست عامر بكم و بمشاركاتكم:
Quote: السلام عليكم ورحمة الله وبركاته أخي صاحب البوست الرئع جعل الله كل حرف يكتب في هذا البوست حسنة في ميزان حسناتك آسف جداً لإنقطاعي الطويل من الكتابة إليكم لكنها مشغوليات الحياة اليومية ، لكني أتابع البوست يومياً إطلاعاً دائماً طبعاً البوست إذا خلا من قفشات عزام حسن فرح بكون ما لذيذ خاصة في أنه أيهم أصغر لكن والله يا جماعة عزام دا صغير ما تشوفوا الشنب الكبير دا أنا أدرى الناس به لكن ما تسمعوه الكلام دا عشان ما يصدق ويوقف تعليقاته وكتاباته الرقيقة أخي الرائع المبدع الأديب صلاح شكوكو لك مني سيل من التحايا والأشواق وتهاني مقدمة لك ولشقيقك العريس شهاب ربنا يتم له بالخير ونتمنى له حياة زوجية سعيدة هانئه بإذن الله . لقد أعجبتني تلك السهرة بقناة النيل الأزرق فلقد كانت رائعة بحق كانت رائعة بمواضيعها وبضيوفها فطاحلة الشعبية ولقد رفعتم رأسنا عالياً يا شكوكو تركت كل مشاويري وبرامجي لمتابعتها وكانت غاية في الروعة والجمال وخاصة قدرة الفول في دكان جوبي وفقك الله . ودمتم أخوكم : أحمد بابكر محمد أحمد الدوحة - قطر |
| |
|
|
|
|
|
|
Re: بدرالدين إسحاق (Re: صلاح شكوكو)
|
الأعزاء عشاق الشعبية
أعود اليكم بعد انقطاع لا ارادي بطبيعة الحال .
خلال الفترة الماضية كنت احاول أشفي الغليل حتي ولو ببعض المتاوقة علي البوست.
باذن الواحد الأحد ساكون في السودان ان شاء الله في شهر يونيو القادم لحضور زواج شقيقي ياسر طه.
ومن الآن الجميع مدعوون .
ساقابل ان شاء الله الاخ والصديق اسامة سليمان ابن الشعبية البار
وسوف تكون فرصة للتفاكر حول امور الشعبية المعروفة لديكم جميعا.
سنحاول اكمال ما بدأ به الاخ اسامةتجاه الشعبية وسوف أقوم بتسليمه بعض المال بحوزتي من المساهمات التي تلقيتها من بعض الاخوة الافاضل .
أناشدكم جميعا المساهمة في رد بعض جمائل الحي علينا كل حسب قدرته واستطاعته.
ويمكنكم ارسال مساهماتكم المقدرة للاخ حاج حمد او الاخ اسامة سليمان.
تاتي مناشدتي هنا يقينا مني بان هناك واجب علينا جميعا ان نقدمه لهذا الحي الذي جمعنا جميعا بكل هذا الحب الذي استشعره من كتاباتكم ومداخلاتكم في هذا البوست الرقم.
شكرا مقدما لكم جميعا.
دمتم ،،،،
| |
|
|
|
|
|
|
Re: بدرالدين إسحاق (Re: حسن طه محمد)
|
Quote: لن ينسى أحدٌ من طلاب المدرسة ابنَ الشعبية الأستاذ المحترم محمد عثمان –كرّم الله يده- إذ لم تمتدّ إلى خدّ طالبٍ بكفٍّ أبداً! وأيضاً، لا شكّ أنّا جميعاً نذكر بكلّ حفاوةٍ وتقدير، المعلم والتربوي والرياضي الكبير الأستاذ مصطفى المشهور بلقب "مصطفى لياقة"، الذي كان مُعلماً متميّزاً، وكانت حصته في التاريخ لا أمتع منها ولا أروع، ولا زلتُ أذكر أنه كان عند دخوله الفصل، يعاقب "المهرجلين" بضرب كلٍّ منهم بكتابه المجلد الكبير على رأسه، مستثيراً حالة من الفرح والابتهاج، ... وكذلك يذكر كلّ الطلاب ما كان يتميّز به الأستاذ طه عبد الرحمن من الإخلاص والانضباط وحسن المظهر، إضافةً إلى جودة تحضيره للدرس وروعة أدائه، وخطه الجميل. ولن ينسى أحد الجهد الكبير الّذي كان يبذله الأستاذان الفضل أحمد الفضل وحسن محمد عثمان في حثّ الطلاب على المذاكرة ليل نهار، وفي تلخيصهم للمقرّر بطريقة السؤال والجواب، وهما تقريباً اللذان يقفان خلف الإنجاز الكبير الّذي حقّقته المدرسة باحتلالها المركز الأول على مديرية الخرطوم في تلك الفترة! رحم الله من غيّبه الموتُ منهم، وحفظ الباقين من عاديات الفتن! |
شكرآ يا صلاح عباس على هذه الكتابة المشرقة. وعلى الوفاء لاساتذتنا الاجلاء.
| |
|
|
|
|
|
|
Re: بدرالدين إسحاق (Re: Adil Osman)
|
الأخ العزيز الحاج .. شكرآ علي سؤالك .. وعذرآ لإنقطاعي .. فالواحد كان غالبآ بيكتب في عطلة نهاية الاسبوع .. لكين الواحد بقي في العطلة مشغول أكتر من أيام الشغل العادية .. لأنو الشغلة بقي فيها الواحد يسوق الوليدات لمدرسة عربية ونادي رياضة ومرات مرات منتزهات هنا وهناك و.. يعني الواحد بقي يقضي إجازته مساسقة .. وضاعت علينا المشاركة في البوست ، خاصة إنو الكتابة تحتاج تفرغ ذهني ومزاج وزمن .. اللهم إلا أيام زوبعة المدعو اوكامبو اللعين ديك الواحد كان بيشارك زعل ساي ..
| |
|
|
|
|
|
|
Re: بدرالدين إسحاق (Re: Munir)
|
الأخ منير يخي المشغوليات دي ما بتنتهي و زي ما بيقولوا ناس السودان الشغل دا لو بخلص كان أدوهو لي مقاول..أدينا طلة طلة ان شاء الله روشتة زي مشاركة عادل محمد عثمان دي.. عادل محمد عثمان التحية لكل الأساتذة الاجلاء..
| |
|
|
|
|
|
|
Re: بدرالدين إسحاق (Re: الحاج حمد الحاج)
|
Quote: أخي الرائع المبدع الأديب صلاح شكوكو لك مني سيل من التحايا والأشواق وتهاني مقدمة لك ولشقيقك العريس شهاب ربنا يتم له بالخير ونتمنى له حياة زوجية سعيدة هانئه بإذن الله . لقد أعجبتني تلك السهرة بقناة النيل الأزرق فلقد كانت رائعة بحق كانت رائعة بمواضيعها وبضيوفها فطاحلة الشعبية ولقد رفعتم رأسنا عالياً يا شكوكو تركت كل مشاويري وبرامجي لمتابعتها وكانت غاية في الروعة والجمال وخاصة قدرة الفول في دكان جوبي وفقك الله . ودمتم أخوكم : أحمد بابكر محمد أحمد الدوحة - قطر |
اخ العزيز (( أحمد )) نهارك سعيد أولا لك الشكر والتقدير المعطر على التهنئة الرقيقة لنا وللأخ شهاب مع أمنياتنا أن تتعطر المساحة التي تفصلنا عنكم برياحين الود وشكرا جميلا على تفضلك بالتعليق على السهرةالتي أحجم الناس عن الخوض فيها ولعلك قد رأيتنا بعين الرضا والروعة التي زينت لك الجمال فيها..
لكم عاطر المودة التقدير
..
| |
|
|
|
|
|
|
Re: بدرالدين إسحاق (Re: صلاح شكوكو)
|
و رسالة من الأخ أحمد بابكر – الدوحة
Quote: السلام عليكم ورحمة الله وبركاته كيف حالك أخي حاج حمد الملاحظ أنه لم يعلق أي أحد من المتداخلين على سهرة النيل الأزرق عن الشعبية وشارع المدارس ، عندما كتبت تعليقي بالأمس ظننت أنني آخر المتداخلين في هذا الموضوع ولكن أُفاجأ بأنني أول وآخر المتداخلين رغم أن السهرة تحمل في محتواها أو صميم محتواها من هذا البوست العامر وكانت بحق رائعة جداً جداً كانت سهرة قمة وبها أربعة قمم وكنت مستمتع من أولها حتى نهايتها حتى أنني ظننت أنها لم تدم سوى دقائق محدودة رغم أني في الظروف العادية أمل مشاهدة التلفاز ......... فعلاً أخي صلاح شكوكو رأيتك بعين الرضى والفخر والإعتزاز ويحق لي ولك أن أراك بذلك يا أخوانا وين أخونا الشاب عزام حسن فرح ودمتم ... أحمد بابكر محمد أحمد |
حقيقة شاهدت جزء يسير من السهرة و بلا شك السهرة تعتبر مكسب للشعبية اذ أن الاعلام و التلفزيون دائما ما يركز على مواد تجذب المشاهد و هذه شهادة للشعبية ..الجزء الذي شاهدته كان ممتع و استمعت لحديث من الأخوان عز الدين الصبابي و صلاح شكوكو و الأخت حنان عيسى و هي زميلة عمل باحدى شركات القطاع الخاص بالسودان و بعدها هاجرت الى فرنسا و لم ألتقيها منذ ذلك الوقت و شاهدتها في السهرة المذكورة..تحياتي لهم جميعا . الأخ عزام حسن فرح فاتح ليهو بوستات لامي فيها الجكس و ما عارف التخارجو شنو
| |
|
|
|
|
|
|
|