الشعبية نجمة تزين سماء مدينة الخرطوم بحري

Quote: أخي وليد عبداللطيف تحياتي أسهاباً لما أجملته في قولك: طال ما دفعتك عزام وبدر معناه جلكيم.. أحب أورد بعض الإجتهادات الشخصية عن موضوع الجلكمة ، أو في قول آخر الجلكنة. وتعريف هذا اللفظ هو أنها المرحلة التي تبدأ بإنتهاء مرحلة الشباب والصعود في سلم الأبوة والأمومة والعمومة والخؤلة حتي الوصول لرتبة الجدودية وتختم بالحصول علي لقب مرحوم ، والبعض يحصل أحياناً علي اللقب دون المرور بالمراحل المذكورة سابقاً. وللجلكنة علامات ، منها المؤكد ومنها شبه المؤكد. من علامات الجلكنة المؤكدة : - أن تصحو من نومك فتصيبك الدهشة إذا غاب وجع الضهر ولم تصبح عليك ألام المفاصل والحرقان، - أن تنظر لحزام بنطلونك بعد أن تلبسه فلا تراه ، - أن ينتابك الشعور عند لبسك للحذاء أو قرأة الجريدة أن ذراعيك أصابهما القصر، - أن تصبح من هواياتك مطاردة الشعيرات البيضاء وأنت تقص شاربك أو تسرح شعرك ، ومن علامات الجلكمة غير المؤكدة: - أن تسمع أسماء أماكن مثل (توتو كورة ، كوشة الجبل ، سلوى بوتيك ، جنينة عبود ، سوق الأكشاك) فيسرح خيالك وتنسي الموضوع الكنت بتتونس فيهو، - أن تستخدم مصطلحات مثل (مليم، تعريفة، فريني، طرادة، ناس السواري، سكج بكج، شليل وينو، حق العلى ماتخاف على، حلوقك، ركبت كنده) فينظر لك السامعون نظرة إشتباه وقلق علي سلامة قواك العقلية ، - أن يسألك صبي أن تساعده في حل مسألة حسابية فتبدأ برسم عفريتة على الورقة تثير الشكوك في نفس الصبي وتذهب به الظنون كل مذهب ، وبعد النظر في العلامات المذكورة ومقارنتها بواقع الحال وجدت أنك قد أصبت كبد الحقيقة ولا مجال للإنكار ، ولكن عزأنا في أولاد الدفعة ومن سبقونا في الطريق فظلوا شباباً قلوباً وقوالب ..ما شاء الله وعيني باردة. أخوك أمير قناوي 04.04.2009

Quote: عز الدين انشاء الله لغاية هسة تكون لقيت حلاوة نت ... أها الموبايل الصينى موجود سوق كبير فى دبى واسمه دراقون مول وهو متخصص فى البضائع الصينية وهى مدينة تجارية كبيرة جدا فيها كل شىء صينى وبخصوص الموبايل فهناك كتير من انواع هذه الموبايلات فيها تلفزيون مع نظام بطاقتين وسعرها فى حدود المائة دولار لكن عموما الموبايلات الصينية فيها مشاكل تقنية كتيرة وانا كنت رسلت واحد لبنتى إيمان خليها تجيبوا ليك وشوفه لأنو لسة ماكمل معاها خمسة شهور وهسة ماشغال او ممكن برضو تشوف بتاع يوسف اخوى لأنو برضو فيهو تلفزيون وبطاقتين سم كارد بتاع ايمان نوع بناتى كدة وشكله ظريف لكن تقنيا يظهر عليهو اى كلام. المهم انت عملت شنو مع جماعتك هناك والموقع بتاع طيران الامارات اشتغل معاك؟

Quote: احبائي شباب الشعبية البهيه :- ترقبوا قريبا( احترت بين ابوامنه حامد الفنان وعماد عثمان الانسان وكلاهما مبدع ) وكان هذا عنوان لي في مداخله سابقة وكده نشوف الفن :- كانت معى... عمرى تجمع كله عند اللقاء الممتع خطواتها وقع الحداء مموسقا فى أضلعى وحديثها الممراح... دوزنة تدغدغ مسمعى اللحن فى الحرف الذي فى ثغرها المتمنع يا فرحتى بالكلمة السكرى ترف فلا أعى لفى الضفيرة أو دعى..عمرى عليها مرتعى يا موجة العطر المرف على ربيع اضوع بى شوق مغترب الى وطن الشفاه الاينع لملامس الخد الانيق على المجال المترع للحلمتين مسافر بشراع نهد...مقلع سمراء يا حلم الليالى الحمر لا تتمنعى النسك ليس سجيتى لا تسرقى حريتى للصدر آهات تضج ولى أنا امنيتى لا تلبسى ثوب العفاف..... فلست أنت نبيتى !! قديسة الاهواء ..؟ ويحك .. إن تلك مشيتى للغير فاكهة العناق ولى أنا انشودتى تتدثرين بثوب راهبة وخاشعة وانت خطيئتى صونى عفافك للألى.. عرفوا مكانتك التى أقسمت اطفيء فيك..فى في نهديك..غضبة ثورتى لن تهربى منى فهذى (مشاتل) ليلتى !! وماذا كنتم تتوقعوا من فنان بهذا الحجم . الفنان الذي عطر كل الارجاء وهذا هو الفنان الناصري الثوري الدبلوماسي الجميل ابن الشعبية وهيا الذي عشق كل الجمال وبالاخص لون السماء والماء والموج الازرق ولانه محب للصفاء والهدوء عشق الهلال وما تزعلوا يامريخاب وتمني ان يسجل خضر البدري للهلال لانه عشق طريقة ادائه. وخلوني ابسط ليكم الشغله ابو امنه الراحل المقيم كان رجل شفاف وكتاباته معبرة تلمس المشاعر وتطربها واحيانا كنت اجلس بالقرب منه مدعيا مشاهدة تمارين الكتيبة زمان او مباراة في الرابطه لكي اسمع ماذا يقول للذين حوله لانه كان نجم بلا منازع في ذلك الوقت وهو من كتب رائعة صلاح ابن البادية سال من شعرها الذهب وهو طالب في المرحلة الثانوية ورائعة وردي بنحب من بلدنا ما بنحب من بلد وهل انسان مثله الواحد يقدر يفوت مثل هذه الفرصه . مين في الدنيا دي اجمل من بناتنا الليهن قلوبنا والفيهن صفاتنا الكامنات بروحنا والعايشات في ذاتنا ------------- ودارت الايام والسنين نركب حافله واحده متوجهين للخرطوم وجلسنا مع بعض ودار الحوار . كيفك ياستاذ والله الحمد وانت ترثي لحاله وفي نفس الوقت كان يمكنه ان يعيش في نعيم لانه تقلد مناصب حساسة وممكن يستغلها في بلد لا تحترم كبارها ومن ابدعوا لها وكان الجلوس قربنا ناس نضاف وشكلهم متعلمين فنزل العبقري ابو امنه في شارع الجامعة بعدها مباشرة فسألت من حولي هل تعرفون هذا الرجل . للاسف اجابوا بلا للرجل الذي احب وطنه فزعلت جدا وقلت تف يابلد تف ويخس عليك يابلد حتى الاهمال ليس على مستوى رجال الدوله بل على المواطنين فزعلت جدا وبيني وبين نفسي قلت أأأأأأأأأأخ يابلد فتذكرت واحده من روائعه : في عيونه فاض شوقن هتن لي حبه للناس للوطن ما غيرت ريدته السنين وما بدل احساسه الزمن وشفنا المشاعر الحلوه من ساحاتنا بالامال مشن ياحليه ما رجع البلد وعيونا ما سهرن هجد وابدع في البيت الاخير وكرره اكثر من مره بطريقة جميله وترجم ابو الامين ملحمة المشاعر وعبر عنها بطريقة اجمل . الابيات هي :- رجع البلد بعد السنين المره يادوب العيون سهرن هجد ده العذاب فارق طريقنا والعيون سهرن هجد وكان صاحب تعليقات ساخره جدا وفي مره قرأت له لقاء صحفي وقال لا تقولوا لي المعاناه تولد الابداع فكيف ابدع وان اقضي يومي في البحث وراء لقمة العيش لاولادي وفي لقاء تلفزيوني قال الواحد يجري ويتعب وراء ناس الاراضي الى ان الواحد يصبح بعاتي وبعد داك يدوهو قطعه في الحاج يوسف ( حاج منفى ) غريبة الان الحاج يوسف تعتبر من الاحياء الجميله وسكنوا بها مجموعة من الطبقات الراقيه . وسمعت خبر وفاته بالسعودية حزنت لهذا الفقد العظيم لانه يمثل قامه من قامات البلد وعزيت ابناءه ومثل هذا المبدع لايودع الا كما ودع صديق الكحلاوي صديقة فنانا ابراهيم الكشاف برائعته ( ودعا روضت الغناْ .. وداعا معبدي القدس ) وكما ودعت فرقة محمد احمد عوض فنانها بي ( سالم الناس والا لي ما مد يدو ...... ماهو عارف ماهو حاسي كيفن بريدو ) لذلك انا ودعته بواحده من روائعه وانا في الغربه :- ليالي البلد الحلوه حليلا ياحليلك انتي ويا حليل الريده ليل الحرمان اضناه زمن طريقو دموع وزادو شجن ياويلو الشايل الشوق في عيونو الخالي وراهو حبيبو وطن واخونا عماد عثمان استفز مشاعرنا عندما نزل قصائده وكانت مساحاتها ذكرى جميله لنا ولها مواقف معي عشان كده شطبت كل الكلام المكتوب لان حقيقة عماد لمس اشياء مثيره في استراحة الجمعه وبعد ما صلينا صلاة الجمعه ذهبت لعماد في البيت وضربنا السمك وقلت له ما خليتني انوم للصباح انت مجنون جبت الكلام ده من وين .وهذه من ابداعات واشراقات الراحل المقيم ابو امنه يعني في مختصر حديثة يقول ان الانسان لايستطيع ان يبدع وهو في حالة معاناه لذلك احترت في صديقي (الجنرال )عماد عثمان الرجل الانسان الموثق رقم واحد و رغم معاناته في العمل والاستقرار العملي لانه للان لم يجد المكان الذي يناسبه في العمل لكي يظهر جميع امكانياتة وابداعاته لانه حاصل على درجات علمية وشهادة عليا بدرجة جيد جدا ورغم كل هذا تجدونه يبدع كل يوم في بوست بحري طراوه واليوم عندما شاهدته في بوست الشعبية وكأنه يقول لي ياوليد ياود عبد اللطيف روق في علبك ودع الثرثره والمزاح وكل فار يدخل جحرو لان بجد هو رجل انسان . فنان . به كمية حنان . ولهان بحب المريخ وابو الامين والسمك بمطعم الخيام هذا هو ابن الشعبية جنوب وابن الدناقله والمزاد وابن كل سوداني تجمعت به جمال الخصال . من بعيد لبعيد ورينا عين جمالك لو لحظات قليله من بعيد لبعيد لو سمحت ظروفك اسمح لي اشوفك وما يكون مني خوفك انا عاشق الفضيلة والمثل النبيله وفي السودان اصيله وعلى كل حال هجرانك لي وصال وروحك روح جميله ______ كان يتغنى بهذه الاغنية عماد مشاركا بها لاعبي نادي الاتحاد الذي لعب له في عام 85 م وتجلى في مداعبة المستديرة بالكره الانيقة والسلسة (بأدب ) وكان يدعم كل الشباب و يدعمني دائما كما دعم الترابي البشير حين قال له اذهب انت للقصر وانا اذهب للسجن فكان عماد الانسان يقول لي اذهب واشبع هواياتك وانا بقوم ليك بالدور الاكاديمي ولا يبخل ابدا بالمعلومه اذا احتجنا الى كتاب او فيلم او اي توثيق بالرغم من انه برع في هذا المجال ولكن امام والده العم عثمان يعطيهو العافيه لايساوي ذره في بحر الزمان من ناحية التوثيق في السياسة والرياضة وفي الفن . وانا اسجل هذه السطور ليس لانه صديق وحبيب وجمعنا خندق واحد وهو خندق الغربه لانه فعلا يستاهل كل الالقاب وما تفتكروا انه يقوم بالتوثيق وهو مرتاح . وبالله يا احباب افتوني هل المعاناة تولد الابداع ام العكس ؟ ودمتم .... وليد عبد اللطيف ( ياود حمد عمل مشترك الشعبية + بحري ) وامس فاتك برنامج جميل وفضل الكرسي بتاعك فارغ

Quote: لا علم لي بأن المرحوم محمد نور الدين هو الذي بني المساكن الشعبية ولكن المتأكد منه أن خالي المهندس عبد الله حامد هو من إبتكر فكرة المساكن الشعبية وطوب البلك وكان يلقي محاضرات بجامعة الخرطوم عن مزايا هذا الطوب الفريد في ذلك الحين وقد كان هو المدير التنفيذي لوزارة الحكومات المحلية في ذلك الوقت وكان المشرف الميداني علي التنفيذ .

Quote: اقتباس من ود قناوي :- من صفحة 45(وبعد النظر في العلامات المذكورة ومقارنتها بواقع الحال وجدت أنك قد أصبت كبد الحقيقة ولا مجال للإنكار ، ولكن عزأنا في أولاد الدفعة ومن سبقونا في الطريق فظلوا شباباً قلوباً وقوالب ..ما شاء الله وعيني باردة ). ياود قناوي :- طبعا حسب ما ذكرت من علامات الجلكمه غير الموكده وعلامات الجلكنه المؤكده في صفحة 45 من بوست الشعبية فكانت محل حوار مع بعض الناس وفي ناس طلبت روشتات زي ما قال حاج حمد وانا شايف في واحده انت نسيتها في علامات الجلكنه المؤكده وهي (قلت لي وما قلت ليك ) طبعا هذه مهنتك وانا عشان اتأكد كان لازم اعمل اختبار لبعض العينات العشوائية و بالذات ناس دفعتك معليش ما عايز اذكر الاسماء لكن بذكر ليك اول حرف وهو (عزام ). طبعا اتصلت على هذه العينة ودار الحوار .وهم في الاساس اتضح هو وبدر الدين ليس دفعتك لان حسب وضع المرحوم قناوي السياسي عرفت انك دخلت المدرسة وعمرك 5 سنوات وفطيت سنه ثالثه لنجابتك ثم ثانيا اثناء الحوار يا دكتور دخلنا في (قلت لي وما قلت ليك ) امكن نصف ساعة اها بعد نصف ساعة يقول ايوه صاح صاح قلت لي قعدنا في جنس ده امكن ساعة وخسرت مائة ريال مكالمه بين جده وقطر . اما العينه الثانية اول حرف (بدر الدين اسحاق ) طبعا هذه العينه ما بتتفاهم والله عندو رقم تلفون موجود في البوست واتصلت عليه اكثر من مره وهو للان ماعارف شغال ولا ماشغال اما العينه الثالثه اول حرف (شمس الدين ساتي )شوف صاحبك عابدون صاحبو مبسوط اها اتصلت علية عشان اقول ليهو شايفك في البوست وحمد الله على السلامه قال لي ياخي انا قبل ما اصبح كويس مرضت تاني بالبرد . وبعد كده اهنيك يادكتور في علاماتك ولقد اصبت لان كلها طلعت في محلها بس ياريت تعمل روشتات سريعة عشان نرسلها بالبريد السريع. صندوق بريد 31203 جده 21497 وليد عبد اللطيف

Quote: حبابك والله ... تشيلك العين قُبال اللرِض ... إنت المِتلك منو

Quote: طبعا اتصلت على هذه العينة ودار الحوار .وهم في الاساس اتضح هو وبدر الدين ليس دفعتك لان حسب وضع المرحوم قناوي السياسي عرفت انك دخلت المدرسة وعمرك 5 سنوات وفطيت سنه ثالثه لنجابتك ثم ثانيا اثناء الحوار يا دكتور دخلنا في (قلت لي وما قلت ليك ) امكن نصف ساعة اها بعد نصف ساعة يقول ايوه صاح صاح قلت لي قعدنا في جنس ده امكن ساعة وخسرت مائة ريال مكالمه بين جده وقطر . اما العينه الثانية اول حرف (بدر الدين اسحاق ) طبعا هذه العينه ما بتتفاهم والله عندو رقم تلفون موجود في البوست واتصلت عليه اكثر من مره وهو للان ماعارف شغال ولا ماشغال

Quote: باركوا للدكتورة الصيدلية هديل الزين عبد اللطيف تخرجها.

الأخ الزين و جلس على يمينه الأخ سمير جورج في عصرية شعباوية (ميدان الصداقة)

Quote: باركوا للدكتورة الصيدلية هديل الزين عبد اللطيف تخرجها. الكاتب وليد عبد اللطيف عمها لزم والشخص الضعيف كاتب هذه الكليمات خالها لزم

Quote: صباحاتك بيضاء يابدر الدين ياود اسحاق :- اقول انساك افوت لدنيا ما دنياك واطوي الماضي في الصفحات يسرح قلبي في ذكراك تاني الشوق يرجعني واتعب واشقى برضي معاك في الحالتين انا الضائع لاقربك فرحني ولا بعدك بريحني . ______ هذه اغنية مفضله لود حلتكم عاطف خليفة شقيق عارف خليفة . ايوه كده يابدر عايزين كل ما نفتح النت الصباح نصبح بيكم ياولاد الشعبية البهية عشان نشوف الوسامه والفخامه . تعرف يابدركلامك ( الجنى وليد ده ) قرأتها تصغير الجن الجني ويالله مافي شي الا ان اقول رحم الله شقيقك حامل هذا اللقب الذي شكل لنا فراغا كبيرا ليس لاسرتكم العامره فقط بل لكل ابناء الشعبية رحمه الله عليه مره ثانية وكانت لنا ايام وايام معهم هو والجلد وود النادر وعلي وخالد تندل ومولانا فتاح النور وابو قرجه العملاق وكل حبايبنا اولاد الزهره . اخي شمس الدين ساتي شقيقي الزين بقول ليك شكرا على التهنئة وعقبال نبارك لاولادك . ( مرفق صورة عاطف خليفة حارس عرين فرق الجهاد بالشعبية )

Quote: الخال شمس الدين ساتي التحايا نواضر اليك الان امارس حقي في استخدام صلاحياتك اهلنا ناس الشعبية السلام عليكم ورحمة الله بت النيل

Quote: وبالله يا احباب افتوني هل المعاناة تولد الابداع ام العكس ؟

Quote: مرتضى رشوان

Quote: جنابو مرتضى كنا نراه في التلفزيون في المباريات في الاستادات هل لسه في امن الملاعب

Quote: إهداء من/وليد للأخ / شهاب شكوكو ( شيشي )

Quote: بشر تمدد في فيافي الانتظار ...سعد تجسد في معاني الانتصار هديلنا..اليوم نحن في فخار بالعزم حزت المجد في وضح النهار.

Quote: أليس هو الأخ الأصغر لضابط السجون صلاح محمد سعيد الدفعة ؟ لهما التحية

Quote: ثم: أوجه للأخ هشام يس، وإخوانه فهمي وفيصل وسامي والفاضل، وقبل ذلك الوالدة العزيزة فاطمة حامد أطيب التهانئ بمناسبة زواج هشام

Quote: يا ود حمد ( مسكنات للشعبية البهية + بحري سبب عنايا ) كمل صبري وتعبت خلاص شغلني الريد اسر قلبي وما وجدت خلاص الخدود نوار ريده بأستمرار باقية لي عاده ومافي عندي خيار طال مالازهار اصلي رياده ________ العذاب بي استمر ...... والحلو قدامي مره اغفو مره ..... واصحى مره ..... ومالو لو تغشانا مره _____ شاعركم يا ابو محمد فؤاد ود الرضي (وووووووووب علي منو ده راجل بكاي ) وده بكلام النصف الاخر وبكلام الرجال اولا خلوني اوريكم اصلو وفصلو وهو محمد ود سليمان بن ابراهيم بن ادريس ابو بصارة بن بركات بن نورين محمد بن حمد بن محمد السلطني ابو الشيخ بن سعد بن محمد المشهور بالعسيلي جد قبيلة العسلات بن حمد السيد رافع بن السيد حامد بن السيد الحسين بن السيد اسماعيل بن عبدالله بن السيد ابرهيم القرين بن السيد علي الرضي بن السيد الكاظم بن السيد جعفر الصادق بن السيد محمد الباقر بن السيد علي زين العابدين بن الحسين شهيد كربلاء بن الامام علي رضي الله عنه بن سيد نساء العالمين السيدة فاطمة الزهراء بنت رسول الله صلي عليه وسلم وفي هذه الشجرة المباركة قال شعرا حيث قال:- (نحن بنو الحسين والزهراء حبوبتنا يوم دق النحاس اياه يوم حوبتنا نحن الصالحين شربوا عقاب كوبتنا نحن السم شربناه والدابي في عببتنا) طبعا يا ابومحمد فؤاد فتحت بوست بحري زي الساعة 11 لقيت بوست بحري ملهلب وقفلت البوست وواصلت نوم فصحيت فجأه من النوم الساعة ثلاثة ونصف صباحا وشربت كوز مويه باااااااااااااارد ذي بتاع ( ام هبه) واعلم جيدا كيف يكتب صديقي عماد عثمان بين السطور. احيانا تكون رساله موجها .الموضوع ده خلوهو في حنانكم ولقيت البوست قيامه قايمه فيها الجنه وهي الوصف الجميل في الحسان من القديم للراس وفيهو النار نار الشوق والغرام ولهيب الحب وياريت يا بحراويه تكون ايامكم جنه ونرجع لموضوعنا . يتخيل لي يا شباب بحري ياحلوين ناس زمان ديل ما كان عندهم قلب واحد مثلنا وبالاخص ود الرضي لانه حفظ القرأن في سن العاشره وهو رياد وحبيب وقيل عنه كتب من سن العاشره شعر في لوحة حفظ القرأن في الخلوه وعاقبه شيخه وزجرهو وقال له هذا اللوح لكتابة القران فقط وكتب فيها وقال (شيخنا قال لينا اتو حرفتو اراكم يا مباديل كلكم هفتو شيخنا يا شخنا ات كان شوفتو تجدع الكراس الفكي تكفتو). بس لكن ياشباب بكاهو كان شديد خلاص . يروي الفنان مبارك حسن بركات في سهرة تلفزيونية وهو يعتبر من منطقته وهو يحكي عن مناسبة القصيدة ان شاعرنا "ود الرضي" كان في مشوارا وفي الطريق قابل فتاة فلما راته جلست في الارض خجلة على عادة فتيات الريف وقتها وغطت وجهها بكفيها حتى لا يراه الشاعر لكن ود الرضي كان قد راها ونظم قائلا: (لاقاني الظبي مارق على اخياتو محزحز بي دروعه وبي شموع طياتو شافني ولبد اندس في ادياتو كيه على رصعني بطبنجياتو) ما قلت ليكم كان قلبو خفيف وحنين بس بصراحه الريده بتعمل اكتر من كده . وكده (افتونا ياشباب وياناس المستشار ود البوب وطارق ميرغني و ابو محمد فؤاد هل الموضوع ده صحيح ) وفي مره من المرات ود الرضي نقلوه سنار وهناك قمة معاناته وفراقه عن حبيبته ونسيم منها كان يجعله في حاله مزريه لدرجة انه ذعل كثيرا من اصحابه عندما نصحوه وعشان كده قال مت مزاري ... اوفي نزاري واجفو هذا البلد المصيف ما اقول امتى المزار الا تجري دموعي الغزار زارني ناسم شاقني المزار لو يزورني الطيف ببقى كيف يعني بقول اذا نسايمها بتعمل فيهو كده فكيف الخلاص من الاحلام والطيف ويا جماعه بقول الطبيعه التي عاش فيها كانت خطيره وجميله جدا واستفاد كثيرا من حضارة الصوفية لما دخلت السودان وكانت واضحه في قصيدته حمام الايكي وغناها مبارك حسن بركات وذكرها في اخر لقاء تلفزيوني له . الليله الله يحلكم ياناس بحري من بكى الراجل ده ولوكانت دموعو بحر كان جفت . وفي روايه اخري برضو من مبارك حسن بركات لانه تأثر به كثيرا بحكم المنطقة وا بن الشاعر الطيب قالوا قصة حقيقة ليالي الخير جادن . ولقد سكب ود الرضي عبرات الشوق وهي قصة حقيقية وواقعية و لكن الشاعر صورها في شكل حلم جميل تمنى أن يستمر طويلا ولا يستيقظ منه ... شفت في الأحلام ظبى يتهادن..... برخيم نغمات خلى تنادن عبرات الشوق بى ازدادن...... تلكم أحلام ليت تمادن والقصة وما فيها تقول إن الشيخ محمد ود الرضي كان يحب إحدى الفتيات وكان يريد الزواج منها ولقد غاب فترة من البلد اثناء عمله بخزان سنار ولكن حين عودته وجدها قد تزوجت من احد الرجال المعروفين . وتصادف إن مرّ ود الرضي بأمام منزل الملهمة وكانت أبواب المنازل تصنع من المطارق وهى أعواد الأشجار ويمكن لاى شخص أن يرى ما بداخل المنزل من بينها ...فشاهد ود الرضي هذه الجميلة..فماذا شاهد... شفت الحسن الحافل رافل ..... في ثياب العز والعز كافل رانع واحل تايه غافل........ لادن هادل ضامر كافل ********** هادئ ساكن آمن قادل ........ بهجة هيبة حاكم عادل لافح فره وطارح سادل...... ليل عسعس كاسى الهادل هذا هو الجمال والحسن والروعة التي شاهدها ود الرضي...ولكن هذه الجميلة شعرت هنالك من يراقبها وينظر إليها من بين الفتحات ....فماذا فعلت ؟..من عادة النساء في السودان في الأيام التي ليس فيها مناسبة أو عيد يخضبن الكف الأيسر...فلما رأت هذه الملهمة من يراقبها هزت جيدها ووضعت يدها المخضبة وهى اليد اليسرى على وسطها وتلت اليمنى ومشت على مهلها يتثنى قوامها ويتمايل بعجن يكاد أن ينقسم .. بوبح جيده وأبصر واقل ...... ظن مراقب صدق العاقل قلب المخضوب فوق الفاقل........تل اليمنى ومشى متاقل وعندما وقلت بعينها مستغربة رأى ودالرضى العيون التي يشع ويتدفق النور من كل جوانبها ...وترقرقت عيونها بالدموع فأصبحت جارحة كالسيوف الهندية ...أما قوامها اللادن فقد أثمر وفاحت منه العطور الطيبة .. رنا متخاوف بارق لجّ......... بعضه فى بعضه ترادف لجّ نصفو تثنى وآخر لجّ ........... لاطم أمواج من غير لج ************ رفع الهدب شفت محور ..........نوره تدفق صعد أتدور فكر في شئ فضل أتصور..... بسم النوار فتح نور ********** فيه تأمل أيسر بند ..........لدن المثمر غصنه البندى مايقه ترقرق شهر الهندي ......... فوح منو العرف الرّندى العرف هي الرائحة الطيبة أما الرندى فهو من الرند وهو شجر طيب الرائحة...أما في نهاية الأغنية فيقول ودالرضى انه قد صحي من هذا النوم وحاول أن ينام مرة أخرى حتى يستمر الحلم ولكن هيهات يعود الكان ولى... وصحيت ندمان نومي انقل........ترخرخ جسمي وقواي كل ّ تناوم غش لكن كلا.........هيهات يعود الكان ولّى وفى رواية أخرى ...حاولت أنوم لكن كلا ....هيهات يعود الكان ولى والعبادى جارى ود الرضي في كسرة هذه الأغنية أيضا حيث قال في أغنية بلابل الدوح ...عيد لي النوم من اجل خيالك. وها هي الدموع تبلل ثياب ود الرضي بعد رحول مليم جنوب السودان وهي ملهمة شعراء الحقيبة وكاوياهم بنار جمالها لا تقول لي (هيما مالين ولا مارلين مورلو ) وقلنا ليكم الجمال الاصلي في السودان . اها احكي ليكم القصة صاحبكم سرور شاف مليم وهي تتجه مع اسرتها على الباخره المتجهة جنوب السودان من الاسكلا التي هي مرسى السفن الذي كان يقع جنوب منطقة الهلتون الحالي وصاحبنا سرور تألم جدا اخد الشمار من ربان الشفينة اسماء المدن التي تمر بها الباخره بعداك عضى الجلابية وجرى لود الرضي وكان سرور حزينا وحكى له خبر سفر مليم وطلب من ودي الرضي تأليف اغنية بهذه المناسبة وفعلا ما قلت ليكم صاحبكم بكاي شديد وكتبها بالنهار فحفظها سرور وغناها ليلا . ووصف الاستاذ مبارك المغربي قصيدة مليم اي ( من الاسكلا وحلا ) انها قصيده جغرافية لذكرها حوالي عشرين مدينة سودانية من الشمال للجنوب عكس مجرى النيل وفي كتاب رواد شعراء الاغنية السودانية عاب على القصيدة ارتجالها وقال انها مصنوعه ولا تمثل الصدق الشعوري عند الشاعر لانه لايعرف مليم . بس ياجماعة انا بقول العكس لان ود الرضي قبل كده كتب في مليم وكانت مفشفشه مرارتو ومكسراهو وكتب عنها( ميه وثمانية وستة وستة حبيبي حليلو القام يوم سته + و تلفان من الاجفان ) لذلك لما كتب( من الاسكلا وحلأ ) سكب غزارة الدموع في مطلعها وفي ختامها يدعو دموعه للانهمار والتدفق .وقال لقلبه لا تكون جاف صب يا دمعي ما تكون جاف ........ يا قلبي البقيت رجاف البدر الخفا .. الانجاف .. ............. اليوم شرف الرجاف وهنا كان البكاء بالجد لانه وصفها ووصف جمالها اكثر من مره في القصيده ( بدر التمام ، ظبا ، صباح الخير ، البهاء ، النسيم وفوق كل ذلك ادخل علم المحاسبه وشبهها بالارباح ) طبعا ياحلوين متعت الكلام ده لما يغنوهو ناس مبارك حسن بركات واولاد المورده واولاد شمبات اما ابو خضره ياسلام ابدع وتجلى في الغناء وفي يوم من الايام زمن المذاكره لما اخونا عماد عثمان قال خضر بشير قبل كده طلع الشجره في حفله وغنى قلنا صاحبنا عماد بقى يهضرب الا سمعتها في يوم في لقاء تلفزيوني واضاف عليها قال قبل كده طلع في حيطه عشان تعرفوا قمت الطرب والتسلطن في الغناء عند هذا العظيم ولي ذكريات مع ابنه محمد وقال لي قبل كده في واحده سألت ابي ما هو الحب ؟ قال لها ( الحب لذيذ بالمره فيهو مبره وفيهو مضره وكؤوس الصباب المره فيهو صفا وفيهو جفا واحلى وفاء ) اما اغنية الناحر فؤادي ابدع فيها واعطى كل كلمه مساحتها في اللحن يعني حاجه مبالغه وهذه الاغنية بالذات يا شباب تذكرني لما ذهبنا توتي انا والمرحوم مبارك سلمان لاعب شمبات ولاعب المريخ الشاب الوسيم الانيق والاخ المكاشفي غناها مرتين ونحنا ماشين توتي وفي توتي . و بقولو الغناء حلو في خشيم سيدو ولكن ابن الوز عوام الناحر فؤادي مولع جوفي حر اضرم نار وجدي نسام السحر كل اذاي يا طبيبي في جوفي انحصر ولع جسمي نار وحكى جفني البطر احذروا يا احبه وحب الريم خطر يكفي البي حاصل يا احلى الفطر والله ود الرضي مبدع و ابو خضره مبدع والمكاشف مبدع ومحمد خضر بشير الابداع نفسه ومره ثانية يا شباب الرحمه كل الرحمه لاخونا مبارك سلمان الذي رحل في ريعان شبابه . برضو يا ابو محمد فؤاد تقول لينا تقذقزو بود الرضي . بعدين يا ابو محمد فؤاد انت ناس الشعبية ديل قايلهم ما بعرفوا الغناء ولا ما عندهم احساس ليه ما بتنزل ليهم الكلام ده . ياخي الشعبية فيها ( الديبة وجاد كريم وتنقا وما ردونا واللواء والجيش الامريكي والمدرعات وكا سحات الالغام و......... الخ ) يعني عندنا الجمال وناس بكاهم اشد من ود الرضي وأسأل صاحبك شمس الدين ساتي .. ودمتم ......... وليد عبد اللطيف يا ود حمد ( مسكنات للشعبية البهية + بحري سبب عنايا )

Quote: واحِد كان مُصاحِب < رشاد بابتوت > مُمكِن يِحَمو في حوش ...

Quote: تلقيت دعوة كريمة من (( قناة النيل الأزرق )) للمشاركة في سهرة والدعوة من الأستاذ المبدع (( الشفيع عبد العزيز )) وهي سهرة مباشرة يوم الثلاثاء القادم إن شاء الله وأغلب الظن أن يكون معنا نخبة من أبناء الشعبية والرائع حقا أن المنسقة للسهرة أخت فضلي من ( بنات ) الشعبية ذكرت لي أن بوست الشعبية سيكون محورا من محاور الحوار نواضر الود ..

Quote: حول شارع المدارس بالشعبية شمال