|
|
|
 Re: الشعبية نجمة تزين سماء مدينة الخرطوم بحري (Re: صلاح شكوكو)
|
الحاج حمد الغالى
لك التحيه والاحترام
عندى جنسيه شعباويه مصدقه منك شخصيا قلت اخش اسلم بيها عليك
وعلى الاخوان المتداخلين
كل يوم البوست زايد حلاوه بمجهودات الاخوان الاعزاء
عزام عبدون شكوكو .... وبقيه العقد الفريد
(( بحسدوكم والله ))
الاخ طارق محمد سعيد
| Quote: نرجوا الاتصال .. ومحاوله التوثيق لفتره مدرسه صالحين .. وبحرى الحكوميه .. والشعبيه جنوب .. وشارع المدارس |
نحن كمان عايزين التوثيق عشان نشوفك كنت بتعمل فى شنو زماان
لكم كل الود
اشرف عبد المعطى
الصافيه - جنسيه شعباويه
| |
 
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: Ashraf Abdel-Muty)
|
أسامه سعد :-
| Quote: شكوكو سلامات التحية لأولاد كنة و الأستاذ عزالدين محمد خير أبو الريش.. |
لك التحية والود أخي أسامة
ولك مثليهما من الشوق
وتقبل تحيات الأخ (( عزالدين ))
وتحيات آل كنه ومنهم الأخ مجدي الذي أصبح عضوا بيننا
أما زهير فهو بنيويورك وكان معنا ببحري الثانوية كما تذكر ..
-----
أشرف عبد المعطي :-
Quote: كل يوم البوست زايد حلاوه بمجهودات الاخوان الاعزاء
عزام عبدون شكوكو .... وبقيه العقد الفريد
(( بحسدوكم والله )) |
الجميل أشرف
ممنونون لها التواصل الجميل
وسعداء أكثر بإزدواجية الجنسية
وشكرا جميلا على الإشادة ..
ونأمل أن نراك دوما بهذا التأنق وهذا التواجد الرائع
مع كل الود
..
| |
|
|
|
|
|
|
|
|
 Re: الشعبية نجمة تزين سماء مدينة الخرطوم بحري (Re: صلاح شكوكو)
|
الاخوة ابناء الشعبية
كلام الاخ عادل محمد عثمان .. من الاهمية بمكان خاصة وإستجدت معطيات كثيرة منها قانون الاراضى واجراءات وزارة الشئون الهندسية
لو تعلمون هناك من الاباء من لم يسددو الاقساط المتبقية على البيوت حتى الان ... وتمت المعالجة لها بتحديد اسعار جديدة فيها كثير من
الحـــيف والظلــم الامــر الذى استدعى اعضاء المجلس التشريعى لمحلية بحرى من ممثلى الشعبية رفع عريضة تتطالب برفض هذه الزيادات .
الشعبية اصبحت من اكثر الاحياء فى بحرى مستهدفة بالمستثمرين .. وفيها كمية من الاراضى الحكومية ( RJ ) والاراضى ( OS )
من الاهمية مشاركة الاخوة القانونيين / المهندسين / ناس العمل العام
Quote: المساكن الشعبية
نموذج مبكر للسكن الشعبى.
ونموذج ناجح لفكرة تمويل الحكومة أو البنوك لمشروعات الرهن العقارى.
هل من الضرورى أن يمتلك المرء منزلآ؟
ألا يمكن الاكتفاء بالسكنى فى بيوت الايجار؟
ما هو مستقبل الشعبية العمرانى؟
لاحظت أن بعض السكان هدموا بيوتهم القديمة وبنوا مكانها منازل متعددة الطوابق والشقق.
ومنهم من استثمر فى ذلك بايجار الشقق. ومنهم من باع بيته واشترى بيتآ بسعر أقل فى الدروشاب والحاج يوسف وغيرها من مناطق بحرى.
الشعبية سكنها الناس منذ اواخر الخمسينات, وهناك من ولد فيها. وشب فيها وله الآن اطفال فى مراحل جامعية او حتى صار جدآ.
ما هى التحولات فى طبيعة السكان؟ ومستوى تعليمهم ومهنهم؟
ومن طبيعة الحياة الاحلال والابدال بالوفاة والرحيل والهجرة.
من من جيل الاباء بقى على قيد الحياة؟ ومن رحل؟ وهم أصل الشعبية وسببها وسبب استحقاق السكن فيها.؟
هذه محاور للنقاش وتبادل الاراء والافكار.
يللا يا شباب. |
نحـــو بوســــت اكثر إلتصاقا بقضايا ابائنا واخواننا
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
الأخ صلاح شكوكو شكرآ جزيلآ علي تلوين البوست بهذه الصور الرائعة .. أتاريكم رافعين راسنا ..
ويا عبدون أنا كنت شايفك هاوي ساي للكورة لدرجة إنك ما كنت شغال بالكدارة زاتو .. لكين الظاهر بعد الجوز بتاع سيد ناصر داك قلت بعد كدة أخير نتسلح بالدروع .. وهلا هلا علي الجد والجد هلا هلا عليه ..!!
ياصلاح شكوكو ما عندك لقطات فيديو ليكم في المنافسة الفزتوا فيها دي؟؟ ..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
منير
ياخي سلامات وبركة بالشوفة
وكيفك وكيف عيالك ونسمع عنكم كل خير يارب
وحمد لله على السلامة
برسل ليك روابط في الايميل بتاعك عشان تقرا وتتكيف
بوستين ما كاتبهم انا لكن برضو بتتكيف
___
بالمناسبة رايك مطلوب ارشوووو ولا اخليه؟
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
| Quote: والله ياشكوكو ماقصرت ابدا الله يديك العافية ... اها مع الصور دى انا منتظر صلاح ادريس فى التسجيلات الجاية ... اها الكلام دا ليك يا ابو نضارة قعر كباية وطقم سنون .. اظنه عارف نفسه طبعا اول واحد حيجى ناطى .. |
تعرف ياعبدون .. شوتاتك ديك الكانت بتصحى الطير في البركسات
دي لو كانت هسع تضرب في الحيطة البركس كلو يقوم يكورك (( هجوووووم ))
.. صلاح إدريس ذاتو ما كان ( ح ) ينوم ..
حارس المرمى (( محمد إقبال )) لغاية هسع عنده فلايت ..
يازول الماشافك .. يكون نص عمره ضائع ..
لغاية هسع في ناس في القاهرة حايمين مدروشين بفتشوا في الشوارع
عن شنو ما معروف !!
هههههههههههههههههه
لاحول ؟؟؟
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
Quote: الأخ صلاح شكوكو شكرآ جزيلآ علي تلوين البوست بهذه الصور الرائعة .. أتاريكم رافعين راسنا ..
ويا عبدون أنا كنت شايفك هاوي ساي للكورة لدرجة إنك ما كنت شغال بالكدارة زاتو .. لكين الظاهر بعد الجوز بتاع سيد ناصر داك قلت بعد كدة أخير نتسلح بالدروع .. وهلا هلا علي الجد والجد هلا هلا عليه ..!!
ياصلاح شكوكو ما عندك لقطات فيديو ليكم في المنافسة الفزتوا فيها دي؟؟ .. |
والله يا (( منير )) بلنات محمد ناصر ديك أظنها كان تمارين
ناس عبدون ديل ضربوا كفر !!
ناس تقول (( طابية ))
ناس تقول ( دولاب ))
لكن الهبت الشفتو بس معركة أم دبيكرات ..
شيء مصريين وشيء سوريين وشيجسيات أخرى
لكن الشاهد أننا كنا أصحاب حظوه ..
فيديو ؟؟؟
تصور كانت التصوير موجود بكثة لكنك تدرك أننا كسودانيي آخر
من يسعى لمثل هذا حت هذه الصور حصلنا علينا من أخوتنا المصريين
ن ناس (( توت عنخ آمون رع ))
لكن كدي نشوف عبدون جنبو زول من ناس بمبا
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
العزيز عبدالوهاب يسأل منك الخير .. طيبين نحن والله وما عندنا عوجة الحمدلله .. ياخي أنا والله الايميل بتاعي من شدة ما فاضي ومافي زول بيرسل لي، لامن بقيت أرسل لنفسي براي .. تخيل 90 في المية من الإنبوكس بتاعي عبارة عن رسائل مني ـ طبعآ من عنوان الشغل للويب ميل .. عامل الويب ميل مخزن للفايلات ..
حأمشي الليلة اراجعه واشوف البوستات القلتها دي بإذن الله ..
.
.
.
العزيز شكوكو .. والله الله يكون في عونكم مع العالم الناشفة دي .. ياخي العرب ديل ، وخاصة المصريين والشوام ديل عضمهم قوي خلاس .. بتذكر زمان ناس خميس المصري بتاع الهدف داك بيجوهم قرايبهم حمر كدة ويلعبوا معاهم تمارين ومرات مباريات .. الناس ديل الواحد فيهم ماشاء الله يمسك ليك الكورة ويجري علي الجناح تاني مافي مدافع يقدر يحوشه .. ضرب ما ينفع شلاليت ماتنفع مسك فنيلة ما ينفع عفيص ما ينفع ، وحالتهم الواحد بيكون لاعب حفيان ..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: شمس الدين ساتى)
|
| Quote: العزيز شكوكو .. والله الله يكون في عونكم مع العالم الناشفة دي .. ياخي العرب ديل ، وخاصة المصريين والشوام ديل عضمهم قوي خلاس .. بتذكر زمان ناس خميس المصري بتاع الهدف داك بيجوهم قرايبهم حمر كدة ويلعبوا معاهم تمارين ومرات مباريات .. الناس ديل الواحد فيهم ماشاء الله يمسك ليك الكورة ويجري علي الجناح تاني مافي مدافع يقدر يحوشه .. ضرب ما ينفع شلاليت ماتنفع مسك فنيلة ما ينفع عفيص ما ينفع ، وحالتهم الواحد بيكون لاعب حفيان .. |
خميس وجابر ومعاه أستاذ (( عيسى )) عليه لرحمة
وقتها كان (( الهدف )) أول م أدخل الإحتراف المستتر ..
والغريب جابهم مرة واحده ..
ومبارياتهم إلا تجيها من تلاته ونص ..
وبتذكر معاهم (( صلاح الزبير )) وصلاح ؟؟؟ (( ساكن أول بيت فاتح على الميدان
بالجهة الجنوبية )) يعني ناس أبو آمنه في ناصية وهم أظنهم في الناصية الغربية ..
التحية لأبراهيم وعلى ومجدي (( نسايب )) أبو آمنه حامد ..
برضهم ليهم علاقة بالهدف
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: الشيخ سيد أحمد)
|
عادل عثمان
Quote: المساكن الشعبية
نموذج مبكر للسكن الشعبى.
ونموذج ناجح لفكرة تمويل الحكومة أو البنوك لمشروعات الرهن العقارى.
هل من الضرورى أن يمتلك المرء منزلآ؟
ألا يمكن الاكتفاء بالسكنى فى بيوت الايجار؟
ما هو مستقبل الشعبية العمرانى؟ |
موضوع هام سأعود اليه..
وهبة
Quote: تسلم الايادي يا ابوصلاح
وانا اهدي هذا الكاركاتير الجميل
للاخ الحاج حمد |
خلي أعصاب في تلاجة..كواريزما طلع ماسورة..الوارغوزيشن جاياكم.
منير
| Quote: العزيز شكوكو .. والله الله يكون في عونكم مع العالم الناشفة دي .. ياخي العرب ديل ، وخاصة المصريين والشوام ديل عضمهم قوي خلاس |
الفترة الأولى لي في مدينة الرياض بدأت التمارين و يم عدد ناقص و في شباب سوريين جاءوا للتمرين و عددهم ناقص اتفقنا نتمرن مع بعض..يا زول جيت جاري و اتصادمت مع واحد سوري..الواحد كأنه ضرب في الحيطو عدييل كده..أصلو أنا متعود علي ناس تيتو الخفاف ديك و السوري دا يكون بتاع شاورمة..يا زول من اليوم داك الرياضة جكة و مشي..في واحد فاضي لي كسر..
سيد أحمد الشيخ
| Quote: أما الحاجه"مهله" رحمة الله عليها وعلى موتى المسلمين..كانت إحدى محطات التروي والتزود في رحلتنا إلى "دكان طلب"..نتزود منها "بحلاوة قصب" مختلفة الألوان (أخضر وأحمر وأصفر) لا كلت أفواهنا من المضغ ولا إرتاح أهالينا من مداومة إلحاحنا في "تعريفه" تجود بها أياديهم لتمنحنا حق الحصول على طعم السكر من إمرأة كثيرآ ما رسمت الفرح على دواخلنا ..اللهم أرحمها برحمتك يا أرحم الراحمين. |
اللهم أرحم الحاجة مهلة..ثلاثة أخوات مهلة و منازل و بخيتة..كن يمثلن الطيبة و الكفاح و كن رمز في الشعبية جنوب..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
شمس ...
Quote: صاحبك له نيات أخر غير الحج لو تأملت فيما صرح به
وبيني وبينك ليه حق يفط سطر أو يغمي عليه كل حين أو يكتب الشعر الرصين
بعدين .. |
ما وصيت عمي (الحاج) / بدر الدين لامِن قطع البحر قاصد الحِجاز قلتلو
ألا يا الركبُ الحجيـجُ المُغادِرُ *** قِفــوا تِجاهِها وحَيـوا عني مؤصِلُ
يا ليَتَ سَبعاً أطـوفُ كَمِثلَكُـمْ *** وحَـيثُ تـقـطُـن سَـبعاً أُواصِـلُ
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
اللى فى الناصية هو صلاح حسن ياشكوكو وهو دفعتنا فى الاميرية2 وقتها الله يصبحه ويصبحكم كلكم بالخير ووالله ياصلاح شكوكو على التقديم اللى عملته لى دا انا هسة راسى بقى قدر البرميل وخايف عليهو يطرشق وعلى الطلاق بعد كلامك دا مانشستر ذاتها ما اقبل بيها خليك من صلاح ادريس ...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
هسة يامنير شوف رواكيب الزمن دا الواحد يدفعوا ليهو 600 مليون جنيه وقالوا فى ناس ادوهم مليار جنيه والواحد تلقاهو الكورة فى بلد وهو فى بلد تانية ياحليل ناس مانقستو وناس جحر وناس شكوكو وعز الدين الصبابى وغيرهم كتار لو كانوا اخدوا ربع اللى بياخدوهو متخلفين الزمن دا كانوا رفعوا اسم السودان فى السما....
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
رسائل من العزيز هشام درماس للاعزاء يبلغهم فيها تحاياه العطرة متمنيا دوام التواصل الجميل مع الجميع.
صلاح شكوكو
عبدون محمد عبدون - الشكر اجزله للمحادثة الهاتفية الجميلة راجيا تواصل الود .
اولاد حسن تربيل لهم عاطر التحايا والامنيات الطيبة باجازة سعيدة للاخ هشام في ربوع السودان والشعبية الحبيبة.
عصام مامون لك تحية خاصة ويا ريت رقم تلفونك
علاء الدين محشية تحية خاصة وياريت تزويدنا بما يسر من اخبارك المقطوعة.
والتحايا لكم جميعا من الدوحة
احمد درماس
صبري محمد احمد
ياسر عطا
عادل حباب
يا شباب الاخ هشام درماس يطرق باب الباشمهندس بكري ودعمكم المتواصل مطلوب مطلوب.
اللهم هل بلغت فاشهد
وتحياتي الخاصة لكم جميعا،،
حسن
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
Quote: طبعآ من عنوان الشغل للويب ميل .. عامل الويب ميل مخزن للفايلات ..
|
--------------------------------------------------
قلت لى يامنير عامل الميل بتاعك كوشة؟؟؟؟ ياحليل ناس كوشة الجبل...
شمس الدين ساتى تلقاه الساعة اتنين نص النهار يحفر فى كوشة الجبل بيفتش فى شنو ماتعرفه؟؟
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
الاخ العزيز صلاح شكوكو
Quote: الجميل أشرف
ممنونون لها التواصل الجميل |
بوست الشعبيه يجبرك على متابعته
| Quote: وسعداء أكثر بإزدواجية الجنسية |
سعادتى لا توصف بالجنسيه الشعباويه
مع الاهل و الاخوان
| Quote: وشكرا جميلا على الإشادة .. |
تستحق الاشاده و لك كل التقدير و الاحترام
كسره
كتب العزيز طارق محمد سعيد
Quote: الاخ / مجدى كنه
اولا مبروك ليك ولوج عالم منتدى الشعبيه الجميل .. وطبعا الاخ عمر عثمان حيكون اكثر سعاده بقدومك
وينك يا دفعه ..
كيف اخبارك .. وكيف الدنيا معاك
طولنا منك ..
نرجوا الاتصال .. ومحاوله التوثيق لفتره مدرسه صالحين .. وبحرى الحكوميه .. والشعبيه جنوب .. وشارع المدارس
|
و نحن فى انتظار التوثيق عشان نعرف جنابو ده كان بعمل شنو
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: Ashraf Abdel-Muty)
|
Quote: Quote: الاخ / مجدى كنه
اولا مبروك ليك ولوج عالم منتدى الشعبيه الجميل .. وطبعا الاخ عمر عثمان حيكون اكثر سعاده بقدومك
وينك يا دفعه ..
كيف اخبارك .. وكيف الدنيا معاك
طولنا منك ..
نرجوا الاتصال .. ومحاوله التوثيق لفتره مدرسه صالحين .. وبحرى الحكوميه .. والشعبيه جنوب .. وشارع المدارس
و نحن فى انتظار التوثيق عشان نعرف جنابو ده كان بعمل شنو
|
الجاريين العزيزين /عمر وطارق أو طارق وعمر (((حسب العمر)))
اولا: عمر في الكورة ذكرياتو = صفر..مشكلة تكتب عنو شنو!!! وللامانة كان شاطر
ثانيا طارق كان لعاب وشاطر ولكن"؛؛؛؛ شن وداك الديش
ما علينا...
ستتوالي المواقف والذكريات... وخلو اللياقة الذهنية ترتفع شوية
| |
|
|
|
|
|
|
|
|
|
Re: مجدي الطاهر ونسيبه الهادي ود المزاد (Re: عابدون محمد عابدون)
|
عابدون
نواصل أن شاء الله ما انقطع من الحديث مرة اخرى
الحاج حمد
انا بحاول اتصل بيك من قبيل لكن مافى رد
وعندى سؤال هل المطلوب ال CD + الكتاب ام ال CD فقط انا وجدت الكتاب وال CD على الأنترنت
ارجو الأفادة على البريد الألكترونى و بحاول اتصل بيك تانى
| |
|
|
|
|
|
|
|
|
|
Re: مجدي الطاهر ونسيبه الهادي ود المزاد (Re: اسامة سعد)
|
كوشة الجبل:
و هي المنطقة التي تجمع فيها الزبالة المجمعة من كل مدينة بحري تقريبا و تقع في الجزء الشرقي من المنطقة الصناعية ، و هي تعتبر أكل عيش لبعض الأسر ، اذ أن هناك أشياء قيمة تصل اليها عن طريق الخطأ أو من بعض الأسر الميسورة و يقوم البعض بالبحث عن هذه الأشياء و نظافتها او صيانتها ثم تسويقها ، و أحيانا توجد أشياء ثمينة جدا مثل بعض الساعات ذات القيمة أو بعض المعادن مثل قطع الذهب الصغيرة أو الفضيات أو بعض الأكسسوارات و غيرها..و كان هناك عدد من أولاد الشعبية حبا للمغامرة يقطعون المسافة (كدر) لكوشة الجبل و يبحثون مع الآخرين و أحيانا يعودون بأشياء ذات قيمة بالاضافة الى اشباع رغبة المغامرة.
سبق أن كتبت عن كوشة الخواجات أو الآلجات..
كوشة الألجات (الخواجات):
و طبعا هي كوشة حي العمارات التي تقع غرب منازلنا ، و كان أولاد الشعبية خاصة أيام العطل و الاجازات يذهبون بحثا عن شئ سمين و خاصة من يذهب مبكرا قد يجد منبه شغال و طبعا في الحالة دي تكون في فرحة انتصار و صيحة (أمك و الله شغال) و الجماعة يتحلقوا حولوا فرحين و يشغل المنبه و لما يضرب الجرس تزداد الفرحة..و أحيانا يشاهدوا ما يرمى من أكل و تسمع واحد يتحسر : و الله ديل مرطبين ترطيبة شوف باقي الأكل دا..بالله زي دا يرموهوا و تسمع ضحكة و استنكار و مشاركة في الرأي بالله دا أكل يرموهو ترطيبة يا عمك...أيام الخمرة كانت تجمع باقي زجاجات الخمرة الفاخرة (الويسكي) و تباع لبتاع القزاز..
| |
|
|
|
|
|
|
|
|
|
أسامة سعد (Re: hajhamad)
|
أخي أسامة سعد
أرجو أن تبلخ محمد طاهر الرجل الهادي الخلوق تحياتي
ولي سنين طويلة لم أقابله . حتي عند حضوره السودان
لحضور مراسم زواج شقيقته لم أقابله لوجودي بقطر
وكذلك كان معكم بأمريكا خالي المرحوم المهندس عبد
الله حامد عبد الله وتوفي هناك وكان قد نعاه أحدهم هنا
بسودانيز أون لاين.. وأسرته موجودة بطرفكم..
تحياتي
| |
|
|
|
|
|
|
|
|
|
Re: أسامة سعد (Re: شمس الدين ساتى)
|
صلاح شكوكو يازول الكاريكاتيرات دي مواضيع بحالها !!.. بس ما تعصر علي المريخ شديد يقوم الحاج ده يهيج ويمرقنا بره ويسد الباب ـ ونضيع فيها نحن الما بتاعين كورة .. شايف الحاج ده ضابط اعصابه وبيعاين ليكم سااااي ـ خايفه يوم يقلب ..
يا أخواننا أنا زمان بعد فريق الصداقة كنت بشجع الهلال لأني بصراحة كدة زول مسالم وبرتاح للون الأزرق والأبيض .. ويخيل لي إنو اللون زائد الرمز (الهلال) ليهم تأثير نفسي علي الناس .. فاللون الأزرق والأبيض ألوان طبيعة وسلام وموية ولبن .. بينما اللون الأحمر ورمزه (النجمة) ألوان عنف ودم وشواطين (أعوذ بالله).. والنجمة قربت تبقي سداسية صهيونية .. وهذه أشياء بعيدة من وجدان الجمهور السوداني .. ولذلك معظم الشعب السوداني هلالابي ـ معليش يا الحاج ـ عهدناك مسالم وفرايحي لكين ما عارفين الحاصل شنو؟ :) ..
المهم يا جماعة ما تحسبوني مع أي من الفريقين .. أنا بقيت محايد كروي وقلبي بقي ميت لو الهلال أو المريخ اتلطشوا سبعة سبعة ما بشتغل بيهم .. ومرات التلفزيون لو فيهو كورة بقلب القناة لفلم كرتون أو أي حاجة ..
أنا مع الصداقة بس .. ومعليش يا عبدون رغم طبعآ أنت كنت من أفضل اللاعبين الكنت بجي الميدان أتفرج فيهم ..
أسامة سعد امريكا دي دربها بي وين؟؟ .. وراك وراك والزمن طويل .. وزي ما قال صديقنا أبوعبدة أصلو الواحد لو ما مشي بلد الدولار بدولار ده مافي فايدة .. لكين بيني وبينك تاني أمريكا مع الازمات المالية دي إلا الواحد يجيها دقة قنع ساي ('دقة قنع' دي تلقوكم نسيتوها كلكم).. 
| |
|
|
|
|
|
|
|
|
|
Re: أسامة سعد (Re: Munir)
|
| Quote: المهم يا جماعة ما تحسبوني مع أي من الفريقين .. |
احسن برضو عشان ما تفقد جمهورك
تحياتنا يا منير
| |
|
|
|
|
|
|
|
|
|
Re: أسامة سعد (Re: Munir)
|
Quote: قلت لى يامنير عامل الميل بتاعك كوشة؟؟؟؟ ياحليل ناس كوشة الجبل...
شمس الدين ساتى تلقاه الساعة اتنين نص النهار يحفر فى كوشة الجبل بيفتش فى شنو ماتعرفه؟؟ |
عبدون شنو يازول أي كورة معكوسة تشوتها في شباك شمس الدين ؟..
ويا شمس شايف عبدون ده حاورك في فنجان ـ علي قول كضلو ـ انت كورتك فكت واللا شنو؟؟ ..
| |
|
|
|
|
|
|
|
|
|
Re: أسامة سعد (Re: Munir)
|
Quote: علي كل حال
توثيق جميل لمرحلة من عمرنا الضائع هدرا.. |
هههه يا شمس الدين .. قلت لي عمرنا الضايع هدرآ .. الله يكون في عونك وعوننا ياخ .. ههههه .. زعلان عديــــــــل يا شمس  ...
والحقيقة المرة إنو الواحد ما بيقدر يرجع الزمن ولا جذر خمسة من الثانية !!!!! ..
حليلنا نحن والله ..
| |
|
|
|
|
|
|
|
|
|
Re: أسامة سعد (Re: عبدالكريم أحمد الامين)
|
ياجماعة انا عندى اقتراح وهو انو نطور فكرة البوست ونعمل موقع عديل كدة للشعبية واقترح كل واحد من المشاركين يدفع مبلغ 10 دولار لتكاليف عمل الموقع وبعدين واحدة من الايجابيات المهمة انو اذا نجح الموقع وبقى زى موقع بكرى دا بيكون هناك اعلانات وحاجات زى كدة وحقوق الاعلانات دى ياشمس الدين موش عشان تقوم تلهفها يكون العائد نستفيد منه فى المشاريع بتاعة الشعبية المحتاجة مساعدة وتمامة.. أها الرأى شنو ؟؟
| |
|
|
|
|
|
|
|
|
|
ما أنا حيطته القصيرة (Re: hajhamad)
|
يا منير صباح الخير من الدوحة
شايفك داخل بي تقلك في البوست .
وعابدون دا أصله عاملني الحيطة القصيرة بتاعته
مما كنا في الأميرية.. ناس الحلفايا العتاولة
كاسكا والمدير وميرغني ود أمدوم يدوهو بالشلوت
يجي يسداها فيني.. وأول مرة أشوف لي دنقلاوي يجيب
فكرة كويسة.. وأنا أول مرة أتفق معاك يا عابدون في
فكرة موقع منفصل للشعبية ..
بعدين أنت ووهبة ليه سكتوا علي تأهل المريخ.. ما قلتو
مواسير.. كلمة أول مرة دي حقو نحولها لبوست أبودية
وينك يا أسامة سعد (ما بقيت من إندنا)
| |
|
|
|
|
|
|
|
|
|
Re: ما أنا حيطته القصيرة (Re: عابدون محمد عابدون)
|
منير ما شاء الله الشهية مفتوحة(أكيد يكون في انجاز عملي ما كلمتني بيهو و يمكن خلصت ليك خلية الكترونية من نوع كم ملي في كم ملي)..
| Quote: صلاح شكوكو يازول الكاريكاتيرات دي مواضيع بحالها !!.. بس ما تعصر علي المريخ شديد يقوم الحاج ده يهيج ويمرقنا بره ويسد الباب ـ ونضيع فيها نحن الما بتاعين كورة .. شايف الحاج ده ضابط اعصابه وبيعاين ليكم سااااي ـ خايفه يوم يقلب .. |
أيام التعصب ديك كان جيتهم بي عكازي لكن يا منير زي ما شايف الكورة و مستواها..غايتو ما خليناها و لما نشوف المريخ دا لاعب بنقول: هيبة يا النجمة (بعد المباراة الآخيرة ضربت لي عبد الوهاب علي الحاج قلت أكاويهو كان نائم طبعا زهج و لو كنت جنبو كان أداني بونية).
| Quote: أصلو الواحد لو ما مشي بلد الدولار بدولار ده مافي فايدة .. لكين بيني وبينك تاني أمريكا مع الازمات المالية دي إلا الواحد يجيها دقة قنع ساي ('دقة قنع' دي تلقوكم نسيتوها كلكم).. |
طبعا ذكرتني البلي و محمد عموش (أخو أنقي الأكبر) لما ينيش ليهو بلية من سقط لقط..
| |
|
|
|
|
|
|
|
|
|
Re: ما أنا حيطته القصيرة (Re: عابدون محمد عابدون)
|
عابدون
Quote: والله ياحاج مرقتوا بى كرامة البليلة ...
أها نشوف لى قدام كيف؟؟
الحاج رأيك شنو فى فكرة موقع الشعبية؟ |
أولا المرقنا يمرقكم..
فكرة موقع الشعبيةة ممتازة و لكن تحتاج لمجهود كبير و اذا وجد الاهتمام سيكون موقع ناجح و لكن التجارب الى الآن أثبتت ن هذا الموقع هو اشهر موقع سوداني و الأكبر من حيث عدد الزوار و الاهتمام من كل المستويات و لذلك هو الأنسب على الأقل مرحليا..أؤيد الفكرة.
| |
|
|
|
|
|
|
|
|
|
0000 (Re: hajhamad)
|
إنتو موضوع تطوير الحي نسيتوهو وقدتو تتونسو ليه
بعدين المدارس داخلة علي العطلة الصيفية. ودي فرصة
نجع ناس الداخل لعمل صيانة وتشجير للمدارس . وكذلك جمع الطلبة والطالبات
لعمل نظافة بالحي (خاصة السوق) وإبعاد الحمير من خلف النادي
رأيكم مطلوب
| |
|
|
|
|
|
|
|
|
 Re: 0000 (Re: شمس الدين ساتى)
|
Quote: إنتو موضوع تطوير الحي نسيتوهو وقعدتو تتونسو ليه بعدين المدارس داخلة علي العطلة الصيفية. ودي فرصة نجع ناس الداخل لعمل صيانة وتشجير للمدارس . وكذلك جمع الطلبة والطالبات لعمل نظافة بالحي (خاصة السوق) وإبعاد الحمير من خلف النادي..
رأيكم مطلوب |
ود ساتى
** تعرف الاحباط الذى يعيشه المتواجدون بالداخل والعقبات التي تواجه كل من يتصدى للعمل الاهلي الاجتماعى قد لاتتصورها إلا إذا عايشتها ولقد عايشت في المزاد فى إحدى الاجازات بعض من هذا السخف المُسمى المحليه ومجلس الحي والمحافظه والولايه وكل تلك التسميات الإنقاذيه لسلب جيوب أهلنا..
** نطافة الحي إذا قمتم بها لن يسألك أحد..
** التشجير وإضاءة الشوارع قام شباب الحى بتجميع مبالغ من البيوت كل حسب إستطاعته وقاموا بشراء الشتول وبعضها كان تبرعاً من صديقي وجارى المرحوم د. حسن إبراهيم أبوزيد ومن خط فرعي لتوصيل المياه تم التوصيل من المعهد الدينى بعد إستئذانهم علي أن يُساهم أهل الحي في فاتورة المياه - قامت هئية المياه بقطع توصيلة المياه ,, فإحترق بعض الشجر..
** تم شراء إنارة لاعمدة الشوارع وتم توصيلها وأُضئيت كل الشوارع وعاد الحي كما كان في الستينات والسبعينات وممكن قدام نادى سمت تتمرن بالليل - حضر موظفو وعمال الكهرباء واخدوا اللمبات وجعلوا الحي يعيش في الظلام والسبب ان المحليه لم تقم بسداد فاتورة هذه الإناره..
** شفت كيف توجهنا الحضارى ؟؟ المواطن يُريد أن يفعل شئياً إيجابياً لحيه ولكن السلطات المحليه لاتريد ذلك ومن هنا يتولد الإحباط لدى كل من يريد أن يعمل عملاً عاماً...
(ودام الود بيننا)
(ابو محمد فؤاد)
| |
|
|
|
|
|
|
|
|
|
مشكلة (Re: hajhamad)
|
دي مشكلة يعني ما نقدر نعمل حاجة مع الناس ديل
زمان كان المرحوم ديكة والمرحومة ملكة يعملو نفير
الشعبية كلها تجي شيبا وشبابا وأطفالا للعمل أيا كان
ياكرومة هسا دايرين نعمل مشروع نظافة ورهبليتشن
للمدارس دي كمان حيتدخلوا فيها(يا آبدون الكلمة عجبتك
أو الصحيح مينتينانس) الحاجات دي نكلم بيها أستاذ عطا
عشان يقوم بيها مع صديقنا أسامة سليمان.. رأيكم لو تفضلتو
| |
|
|
|
|
|
|
|
|
|
آبدون (Re: hajhamad)
|
كالذي فسر الماء بعد الجهد بالماء
يعني زي ماقال صنعتا الذرة
زاهر صاحبي حكي لي نكتة حقيقية عن مدير الكرة
بتاع نادي الكفاح (نسيت إسمه) الكفاح كان لاعب مع
تيم من أم درمان في منافسة الدرجة الثانية وكان مدير
الكرة علي الخط يتابع ومتوتر(الرجل قلبه كان علي اليمين)
وهي حالة نادرة . وأحد اللعيبة داير يفش الكورة فضربها بقوة للخارج
ولسوؤ حظ مدير الكرة ضربته في رأسه حتي وقع مغشيا عليه
جاء الممرض وحاول إفاقته ثم جس نبضات قلبه بوضع المجس
في صدره ناحية اليسار.. لم يسمع شيئا .. حوله ناحية اليمين
ثم صاح مندهشا.. الراجل دا قلبو باليمين.. هنا أفاق المدير
ونظر إلي الممرض وصاح يعني إكتشفت الذرة.. دحين يعني إنتا
يا آبدون متل صاحبك الممرض
| |
|
|
|
|
|
|
|
|
|
Re: آبدون (Re: شمس الدين ساتى)
|
انشاء الله وبركة الله ياشمس الدين نضارتك تروح عشان تدفع 500 ريال تشترى نضارة جديدة محترمة .. لكن عارفك حتمشى تشترى واحدة من الصينيين بى 20 ريال ... الفرق واضح انت كتبت بالانجليزى وانا ترجمتها بالعربى
| |
|
|
|
|
|
|
|
|
|
عابدون (Re: hajhamad)
|
إنتا الليلة ماعندك دوام
شنو طوالي قاعد لي في حلقي... تبطل
ولا أكلم ليك ود أم دوم يجي يديك شلوت
ولا كاسكا يجي يردمك بي بونية.. بالمناسبة
كاسكا صار رجل أعمال كبير وكان يأتي إلي
بالبنك التجاري سايق مرسيدس آخر موديل ومرة قال لي
إنو عندو شاحنات أتي بها من بلجيكا ورايح يخلصها
من الجمرك في بورتسودان.. وميرغني أيضا نفس الشي
وآخر مرة قابلته كان يدير محطة بترول بالمنطقة الصناعية
دا غير الدكاكين والمزارع بالحلفايا.. أوعك تكون نسيت إسم كاسكا الأصلي
(حسن حاج العوض).
| |
|
|
|
|
|
|
|
|
|
Re: عابدون (Re: شمس الدين ساتى)
|
والله ياشمس الدين كاسكا دا كان صاحبى شديد وهسة رايك شنو كان رجعت السودان مابيشغلنى عندو فى شركاتو دى والله حيتغابا العرفة ...
انت ياشمس الدين عبد الوهاب مشى وين ؟
| |
|
|
|
|
|
|
|
|
|
حايم في المنبر (Re: hajhamad)
|
منو القال ليك غايب
الراجل حايم في المنبر يخش هنا
ويطلع هناك.. إنتا ماعندك شغلة غير بوست الشعبية؟
ما تتصفح باقي البوستات بتلاقيه في حتة تانية
| |
|
|
|
|
|
|
|
|
|
نايمين ولا يمكن (Re: hajhamad)
|
صايمين
حتي منير قطع
أذكر منير الحلفاوي ومنير مصطفي بتاع الحلفاية
كان صديق للمرحوم النعيم حسن النعيم وعبد العزيز
حسن النعيم . مرة جائهم من الحلفاية راكب عجلة
بدالها واحد مكسور ساقها كيف ؟ماعارف
| |
|
|
|
|
|
|
|
|
|
نعم (Re: hajhamad)
|
سمعت أنو توفي في حادث حركة
والكلام دا بدري قبل سنوات عديدة
| |
|
|
|
|
|
|
|
|
|
Re: نعم (Re: شمس الدين ساتى)
|
ثنايئات
معجب للغاية بالجدع الجميل،مابين،عبدون وشمس الدين
بصراحة هم فاكهة البوست ده.
يا شمس الدين، انا لدي صلة قرابة بيك
اصلا انا الابن الاوسط للمرحوم يسن عثمان
اشقائي،فهمي وفيصل ربما تتعرف عليهم
بس الاشياء ملخبطة عندي لخروجي باكرا من السودان
منزلنا خلف ناس الحارس الشهير دوله واخوانه
عبرك اسجدي التحايا لنديمك الروحي عبدون واسرته
مودتي لكما
| |
|
|
|
|
|
|
|
|
|
Re: نعم (Re: الفاضل يسن عثمان)
|
هشام عريسا اليوم
شقيقي الاصغر هشام يسن عثمان يكمل اليوم نصف دينه
ولم يخرج بعيدا من الشعبية عروسته من بنات الجيران
وهذه دعوة لكل بورداب الشعبية لحضور المراسم
بمنزلنا الواقع بمربع 8/9
خصوصا صلاح شكوكو وعبد الوهاب وابوديه وبدرالدين
والدعوة عبارة عن فرمان ملكي لا يقبل الجدل
مودتي
| |
|
|
|
|
|
|
|
|
|
Re: نعم (Re: الفاضل يسن عثمان)
|
الفاضل صباح الخيرات والف مبروك لشقيقك هشام وانشاء الله بيت مال وعيال ...
على كلامك دا بيكون بيتكم فاتح على بيت ناص طارق امام ومصدق وانشاء الله اخبارهم كويسة طبعا انت تكون مطول من السودان وانشاء الله ربنا يرد غربتنا جميعا ...
| |
|
|
|
|
|
|
|
|
|
الفاضل (Re: hajhamad)
|
لاحولا يالفاضل
فيصل أخوك صاحبي شديد وحتي كنا بنشرب العرقي سوا
في الزمن القديم معاه صاحبه أبو رجل قصيرة شوية
(نسيت إسمه)
أتذكر والدك عندما يأتي لمنزلنا ومعه العم إدريس والد
سمير جورج .. حتي والدتك الكريمة كانت تأتي مع والدة فيصل
عسكر .. لك التحية ومبروك لشقيقك .. وتحياتي لصديقي فيصل
وشكرا علي التحية ياقريبي.. وأصله البيني وبين عابدون
دا مغصة قديمة من زمن الحب والصبينة أيام السبعينات
عندما كان يجي حلتنا يحب بناتنا ونحنا بنتفرج ممغوسين
من الدنقلاوي أبو شعر سبيبي دا
| |
|
|
|
|
|
|
|
|
|
Re: الفاضل (Re: شمس الدين ساتى)
|
ياشمس الدين هشام درماس يبلغكم التحية جميعا وياجماعة البوست بتاع هشام لى بكرى اللى عملو عزام ارفعوهو لى فوق كل يوم لغاية ما أخونا بكرى يجى يقعد معانا ونوقع معاهو اتفاقية نيفاشا شعباوية وشروطها انو يقبل عضوية هشام درماس وفيصل عبد الله من الشعبية ...
| |
|
|
|
|
|
|
|
|
|
Re: الفاضل (Re: شمس الدين ساتى)
|
ضحوية في حلة الجهاد
إنطلقت المجموعه نحو"التعاون" تضامنآ مع "ودصفيه" في مشواره من قبل "الرباشه"..عبرت المجموعه زاوية الشعبيه حتى وصلت "دكان عبدالقادر" ..ليلوح شبح "ياسر"..هنا تثاقلت خطى أحدهم ..فسأله آخر:
مالك في شنو
ياخي الزول ده اليومديك عملت معاهو" كاسوري"(كاسوري تعني شجار حد الضرب المبرح والتكسير) أنا وأخوي..طقطقناهو ليك طقطقه..وهسع أنا براي
يازول ما تخاف.
ألقى الجمع السلام على "ياسر" فبادلهم بعنجهيه وتعالي.
سأله أحدهم :في شنو يا ياسر
في شنو.؟اليومداك "حسن ده وأخوه "عملت معاهم كاسوري قاموا دقوني
أحد العقلاء :معليش ياخي ..أنسى الموضوع
يازول مابنسى
أحدهم يتحمس لمشاهدة عراك بينهما:أوعك تخلي ..كسرو طوالي
ياسر:آآي مابخلي
تحرك ياسر نحن الفتى وأصبح في مواجهته..وبدأ التهديد والوعيد لفترة طويله.
أحدهم نظر نحو الأرض وملأ كفه بحفنة من التراب ووضعها فيما بينهما وصاح بملئ فمه"المديدة الحارة"
فإذا بياسر يضرب اليد الحامله للتراب فتصيب الفتى في عينيه فلا يستطيع النظر ثم تعقبها ضربة مؤلمه..ثم صرخة داويه..طاخ طيخ طاخ..وفجأة..تظهر الوالد "آمنه" :ياولد هوي يضربك الضريب
ياولاد أمسكوهم
ياحاجه ماقادرين
تصيح على العامل بالدكان:يا ولد هوي أمسك الولاد ديل
يأتي العامل ويفصل بينهما
ثم تبدأ محاضرة من نوع آخر من قبل الحاجة "آمنه"
ياولادي الكلام ده عيب منكم
ياسر:اليوم ديك إتلمو فيني هو وأخوه قامو طقطقوني
شنو
طقطقوني
يا ولد كلام الشماشه ده أنا ما بفهمو
أحدهم: ياحاجة يعني عملو ليهو حركات "أنجلو ماسكا"(أنجلو ماسكا كان مصارع مشهور بخفته في ذلك الوقت)
شنو..ياولد إتكلم زي الناس
أحدهم:يعني شاكلوه ودقوه ياحاجة
خلاص ياولدي معليش..وخليك إنت أحسن منهم..وإنت ياولد ما تتلمو إنت وأخوك عليه تاني وإلا بكلم ليكم أهلكم.
ياسر:تهديد ووعيد
يظهر أحد الكبار في السن يتدخل ويحل المسأله.
ويواصل الجمع مشواره نحو "التعاون"
أحدهم:والله أداهو ليك بنيه
آخر:يازول شفت الشلوت العافوني ده"عافوني"(تعني أنه كان في غاية الروعه والدقه).
وصل الجمع إلى ميدان "الزهره" ليجدوا بعض الفتيه يلعبون.
أحدهم:ياخي كورتكم مخستكه..هسع دي تثبيته.
يرد أحدهم:خلاص يا المقطعه ده.
آخر :ما أصلو مقطعه..تعالوا نعلمكم الكفر في حلتنا
إتعلمو إنتو أول
أحدهم:اعملو معانا لعبه..ولا خايفين
ما خايفين ولا حاجه,,متين دايريننا نلعب
هسع ده
وبصوت واحد جاهزين.
أحدهم:دسوا نبلكم دي أول حاجه بعدين خلونا نلعب
إندمج الفتيه في اللعب وتناسوا اسكر والتعاون والمرأة المسكينه في إنتظارهم.
| |
|
|
|
|
|
|
|
|
|
الشيخ سيد أحمد (Re: hajhamad)
|
شكرا علي السرد الجميل .. حلتكم دي عندي فيها أصدقاء
وزملاء دراسة منهم جمال أبو الريش زشقيقه عز الدين
ومحمد عبد النبي سرو وآخرين مسحتهم الذاكرة الخربة.
وياعابدون إنت الشلاقة العليك شنو طوالي تجي ناطي وتوصف
في البيوت .. ياخ ناس مصدق في آخر الشارع علي جهة الشرق
وبيت ناس الفاضل جنوب غرب منهم . يعني قرب ناس كمال شاطر
طبعا عارف طارق إمام عمل دكان في بيتهم ولسا في كسلو داك
حتي قدرة الفول ماقادر يمشي عليها.. مصدق ما شفتو قريب
| |
|
|
|
|
|
|
|
|
|
Re: الشيخ سيد أحمد (Re: شمس الدين ساتى)
|
Quote: لاحولا يالفاضل
فيصل أخوك صاحبي شديد وحتي كنا بنشرب العرقي سوا
/QUOTE]
يا شمس قالوا " لو ابتليتم فاستتروا " !
مساء امس قابلت الاخ الشعباوي صلاح عثمان مختار في عزاء الكاتب الراحل فقيد الوطن الطيب صالح طيب الله ثراه.
تحدثنا كثيرا عن الشعبية والراجل مليان حب للشعبية وناس الشعبية.
بالمناسبة هو شقيق الاخت الاستاذة نادية عثمان مختار ابنة الشعبية البارة.
رسالة من العزيز هشام درماس :
- مبروك للاخ الفاضل يس بزواج اخيه هشام.
- اتصل بالاخ عادل علي صالح دون رد والشكر موصول للاخ عبدون علي قيامه بتزويده برقم تلفون عادل.
- اتصل به مشكورا من السعودية الاخ عصام مامون الطاهر ويتمني التواصل الدائم .
- يا شمس المقصود هو عباس ركس .
ودمتم جميعا.
| |
|
|
|
|
|
|
|
|
|
Re: وينكم (Re: شمس الدين ساتى)
|
احسن الله العزاء
في وفاة الراحل الذي غاب وهو زاهد في يانصيب نوبل.
نسال ان يتغمد الفقيد الغالي الطيب صالح بواسع رحمته وان يسكنه فسيح جناته مع الصديقين والشهداء.
انا لله وانا اليه راجعون.
| |
|
|
|
|
|
|
|
|
|
Re: وينكم (Re: حسن طه محمد)
|
غفر الله له وأسكنه فسيح جناته ...
عارف ياحسن نحن فى البيت وعلى مستوى العائلة على معرفة تامة بأخوكم الاصغر عماد ومما كان صغير وبحكم صداقته مع اخى فيصل فكان دائم التواجد معنا فى المنزل وكانت الوالدة الله يديها الصحة تحبه شديد واذا عماد طول ماجاء البيت تسأل عليه بإستمرار لغاية ماتشوفه ... أرجو ان يكون فى اتم الصحة وموفق فى حياته ..
| |
|
|
|
|
|
|
|
|
|
Re: وينكم (Re: عابدون محمد عابدون)
|
المكان : قهوة غلطان
الزمان : صباح جديد طل على شعبيتنا والساعة فى حدود العاشرة صباحا .
يا ابو على جيب شاى ...
حاجة أمونة قاعدة فى المظلة توزع ابتسامتها الطيبة على الزباين بعد ماقامت من قبل صلاة الفجر وعملت الكسرة وفى الوقت المحدد تماما كانت قاعدة فى محلها فى السوق والزبائين منتظرين كسرة أمونة ... يأأخى الفحامة ديل موسخين الحتة دى شديد وبعدين الحمير بتاعتهم دى شكلها ماحضارى خاصة الحمار داك الواقف جمب النسوان ورافع ال..... بتاعه .. ياخى دا شنو دا ...
يا أبو على ياحيوان وين الشاى ...
اهلا ياياسين وداعة ياخى انت متين مشيت الشغل وجيت راجع .. والله انتو ناس النقل النهرى ديل ماشغالين اى حاجة ... ضحكة من ياسين وداعة .. شاى يا ابو على ...
ياياسين انا شايف ديكة " الله يرحمه" ناطى بى حيطة النادى .. الزول دا عنده شنو جوة النادى من الصباح ...
وصل حسن صالح برضو .. ياخى الزول دا شغال فى الجيش ماعارفو بيزوغ كيف كل يوم وكمان قالوا بيخلى هدوم الجيش فى دكان واحد صاحبه بيخليها عنده ويلبس هدومه بعد مايرجع ...
أها حيدر الجقدلى برضو وصل .. اهلا ياحيدر ... آى ياحيدر والله ضهرى دا فعلا داير ليه عصرة شديدة .. ايوة كدة الله يفتح عليك .. يا ابو على شاى لى حيدر ..
اهلا يامانقستو وين ماشى كدة؟؟ ... والله ياجماعة ماشى المعهد وجاى ( حاليا اتخرج من المعهد وهو باشمهندس كبير ماشاء الله ) ..
| |
|
|
|
|
|
|
|
|
|
بالمعاش (Re: hajhamad)
|
ياعابدون منقستو نزل معاش إختياري وقبض كم وعشرين
مليون وفتح ليه دكان بتاع تصليح معدات ألكترونية
وكهربائية وتزوج إحدي زميلاته وأيضا صديقه سيد ناصر
الأدبك في الكورة تزوج وهو يعمل ببنك البركة . قابلته
في إجازتي الأخير يحمل طفله وآخر ونسة مع عمنا عثمان
أبو نضارة المقاول .
| |
|
|
|
|
|
|
|
|
|
كان زمان (Re: hajhamad)
|
والله ياود الخال كان عبث صبياني
والله هدانا نحمد الله ويمك نحج السنة دي كمان بإذن الله
| |
|
|
|
|
|
|
|
|
|
Re: كان زمان (Re: شمس الدين ساتى)
|
شمس
يعطيك الصحة والعافية
والله كلنا ناويين الحجة الجاية اصلى طولت منه اخر مرة قبل ما اغادر السعودية سنة 2000
انت اخبار الرشيد شنو بالله رسل لى تلفونه فى الايميل
تحياتى
| |
|
|
|
|
|
|
|
|
|
Re: كان زمان (Re: حامد محمد حامد)
|
وصلت الرسالة التالية من الاخ فيصل وهو يسلم على الكل فى الشعبية
Quote: الأخ عابدون ( آبدون)كما يحلو للاخ شمس الدين ساتى
الاخ سعادة المستشار حسن طه
الاخ عبد الكريم
الاخ حاج حمد
اخواني واخواتى الاعزاء بالشعبية وفعلا انها النجمة التي تسطع فى سماء بحري بل في سماء السودان العظيم
لكم مني التحية والتقدير من ذكرتهم ومن لم اذكرهم عذرا اذلم اذكر هم جميعا
والله بامانة احب ان اشكر سعادة المستشار الاخ حسن طه رجل الملمات والذي له الفضل بعد الله سبحانه وتعالى في وصولى إلى هذه الكوكبة من ابناء الشعبية حيث كان في زيارة لدبى وبالصدفة وجدت هاتف الاخ عبد الكريم الذي اوصلني به وكذلك الشكر الجزيل للاخ عبدون الذي اوصلنى بالاخ عز الدين محمد عثمان جاري العزيز بالشعبية وقد قابلته ايضا بالصدفه على الماسنجر وقد قال لى وقتها اصبت الهدف حيث كتبت له رسالة ولم اتوقع ان اقابله على الماسنجر وبالفعل ربنا جمعنا بعد طول غياب حوالى ثلاثين سنه ( سبحان الله هذه الدنيا فعلا تجمع لتفرق وتفرق لتجمع )
اخي عابدون كيف حالك طالت المدة ولم اتصل بك الايام دي عندنا ضيف عزيز على الرياض وكان من مغتربى الرياض الا وهو ( الامين العام لجهاز السودانين العاملين بالخارج ) يحل ضيفا عزيزا على مغتربى الرياض لتفقدهم وحل مشاكلهم
وقد كان معكم قبل فترة ايضا وهو الان محل حفاوة وتكريم وهو اظنه من اصدقاء سعادة المستشار لانه شايف كاتب عنه في البوست وهو رجل يستحق الاشادة حيث لم ينسى اخوانه وجميع الكيانات بدون فرز بالرياض واعطى كل حق حقه متمنين له التوفيق والسداد .
اخي عبدون الاخ شمس الدين ساتى هذه صورة ابنه وقد قال فى احدى احاديثه بالبوست انه قريب مجدى المتزوج اخت عبد الهادى المحسي ان ما قادر اتذكرة وطبعا عبد الهادي صديق شخصى وكذلك اخوه عادل محمد سليمان وشمس الدين دا يمكن يعرف عبد الناصر وعبد المنعم كاسو عبد الناصر الحين فى تبوك وكان معانا هنا وطبعا بحكم الجيرة فى المزاد اظنه يعرفنى طلما هو بتردد على ناس عبد الهادي ومجدي قريبه وممكن يعرف مجدي عثمان عبد الوهاب لانه على ما اظن يكون من دفعته ولا انا غلطان زارجو من الاخ شمس الدين ان يذكرني اذا هو قابلنى من قبل وله تحياتى وانا متابع معاه قفشاته وهو بالفعل انت وهو فاكهة هذا البوست كما قيل من قبلى من احد الاخوة وياما لكم ذكريات جميله والشعبية طبعا مافي شك لها ذكريات لا تنسى ابدا مهما طال الزمن او قصر ورحم الله من تركونا وامد الله فى اعمار من بقي منا متمنى من الله ان يجمعنا في ساعة خير بجميع الاخوة من الشعبية وبالاخص ناس الصداقة والصديق وكذلك الاخ حسن طه والذى تربطنى به علاقة متينة منذ ان كان بالرياض وربنا يجمعنا في ساعة خير وتحياتى لمن ذكرتهم ومن الم اذكرهم ودمتم فى رعاية الله وحفظه
اخوكم ابدا فيصل عبدالله / المزاد المقابل الشعبية / جوار منزل الدكتور ياسر حنفي
هاتف 966556456917
ايميل [email protected]
|
| |
|
|
|
|
|
|
|
|
|
ذاكرة خربة (Re: hajhamad)
|
الأخ الكريم فيصل عبد الله
العتب علي الذاكرة المسوسة وتحياتي لك وللدكتور
زميل الأميرية وبحري الحكومية الشاب المهذب ياسر
حنفي ..وحقيقة كنت بمر علي منزل الهادي لكن الذاكرة
محت كل التفاصيل..آبدون أوعك تقول حاجة
| |
|
|
|
|
|
|
|
|
|
Re: ذاكرة خربة (Re: شمس الدين ساتى)
|
| Quote: أيام التعصب ديك كان جيتهم بي عكازي لكن يا منير زي ما شايف الكورة و مستواها..غايتو ما خليناها و لما نشوف المريخ دا لاعب بنقول: هيبة يا النجمة (بعد المباراة الآخيرة ضربت لي عبد الوهاب علي الحاج قلت أكاويهو كان نائم طبعا زهج و لو كنت جنبو كان أداني بونية). |
غايتو يا الحاج أنا شخصيآ كنت متحير من تعصبكم الكروي للمريخ وطبعآ إنت وصلاح حمد ومكي كمان .. ما بترضو في المريخ ولا كلمة :)..
عبدالوهاب ده ماعارف ليه أنا شايفو مريخابي مريخابي كده ؟؟ !! :)
.................................
شنو ياشمس أقطع أنا اصلو كهرباء واللا غنماية بنت لبون ..؟:)
| |
|
|
|
|
|
|
|
|
|
Re: ذاكرة خربة (Re: Munir)
|
| Quote: عبدالوهاب ده ماعارف ليه أنا شايفو مريخابي مريخابي كده ؟؟ |
منير
كنت ساعتها ساضع اصابعي
على اي قابس للكهرباء واروح فيها
لقد اوجعتني يا اخي اوجعتني شديد
| |
|
|
|
|
|
|
|
|
|
منير (Re: hajhamad)
|
قطعت مصاريني بالضحك يا منير
الحكاية شنو غيب وتعال دي
بعدين عادل علي صالح دا حيرنا
يجي داخل كلمة كلمتين ويزوغ شهور
وعبدون الشرير قاعد لي في نخرتي
ماقادر اتفكا منو
| |
|
|
|
|
|
|
|
| |
صلاح شكوكو
Ashraf Abdel-Muty
عبدالوهاب علي الحاج
عابدون محمد عابدون
بدر الدين اسحاق احمد
Munir
شمس الدين ساتى
الشيخ سيد أحمد
الحاج حمد الحاج
عزام حسن فرح
حسن طه محمد
مجدي كنة
عبدالكريم أحمد الامين
الفاضل يسن عثمان
فيس بوك
تويتر
انستقرام
يوتيوب
بنتيريست