|
|
 Re: الشعبية نجمة تزين سماء مدينة الخرطوم بحري (Re: hajhamad)
|
ياباشمهندس كمال كرار ..
عثمان بانقا ياهو ذاتو وكان قدامك بدفعتين وبالضبط كان معاهو فى الدفعة قرن شطة وبعض اولاد الدناقلة وهو يقريك السلام ويقول ليك الدنيا دى فيها عثمان بانقا واحد وهو أنا ... ولو رجعت لبعض الصفحات لورا ياكمال انا نزلت صورة لى انا مع عثمان بانقا واعتقد انها فى صفحة سعة او تمانية ..
شكوكو قعدتك طولت شنو يازول ...
ابراهيم حطابى خلاص تم نقله من دبى الى ابوظبى ...
والمساعى جارية مع الباقين ناس صلاح عمر وزروق ..
بلغت تحياتك للاخ فيصل يالحاج ويقريكم السلام وصاحبك الايام دى من الشغل للسوق طوالى كل يوم عشان بيستعد للعيد فى السودان ..
| |
 
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
عابدون محمدعابدون
| Quote: بلغت تحياتك للاخ فيصل ياالحاج ويقريكم السلام وصاحبك الايام دى من الشغل للسوق طوالى كل يوم عشان بيستعد للعيد فى السودان .. |
تحياتي للأخ فيصل و تمنياتي باجازة سعيدة..قو ليهو يا عابدون ح نكون منتظرين قلمك المبدع و ما تقصر الابداع علي ناس الشروق..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبد المنعم سيد احمد)
|
Quote: (اكثر من مداخلة وتحايا
ومشاركة..لكم فى مائدتكم العامرة
رغم اننى ليس من سكان الشعبية الرائعة)
ولكننى اقمت بها سنينا عددا..وكانت من اجمل الايام
(ماتردوا السلام)..ام ان المشاركات للمقيمين بالشعبية فقط
والتحايا لاسرة الراحل الوالد..حسن التريبيل
وللاصدقاء |
عبدالمنعم ياجميل
ياخ حرام عليك معقولة بس
يكون دا فهمنا لكن حصل خلط
وتجدنا في غاية الاسف ولك العتبى
ياسيدي مرحب بيك وكان ما شالك البوست عيونا ترحب بيك
كن بخير ايها الصديق الجميل
ونكرر اسفنا واعتذارنا
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
التحية عبر هذا البوست التوثيقى
لنجوم الكتيبة الاوائل
حراس المرمى.
عادل (دولا) لاعب الهلا ل العاصمى..فقد سجله
للهلال الراحل ابو امنة حامد..رغم عدم استمراريته
مع النادى..
والراحل بدر الدين ديكة
صاحب القمصان المميزة لحراسة المرمى والاداء المميز
والاعب الفنان(لاعب التحرير) يوسف المفك لاعب الوسط الفنان
ومدرب فريق الصداقة
وهناك..عوض قرب..الجقدلى..عطا باقرين
عزيز..وموسى لاعب الزهرة الفنان
عبده الشيخ لاعب المريخ والهلال فقد كان يحرص
على اداء تمارين فريق الكتيبة
ولاعب فريق الهلال الراحل..الشيخ كباشى
وعم متوكل
ونجوم عديدة قدموا ادءا راقيا بميدان الرابطة
والتحية عبر هذه المساحة للصديق صلاح طيارة(الصبابى)
فقد كنت احرص على مشاهدة جل تمارين ومباريات
فريق الكتيبة العملاق..فقد ضم لاعبين مهرة واصحاب
امكانيات فنية مهولة..وكانوا نجوما بفرقهم او
من كان قد اعتزل اللعب .
احرصوا على هذا الميدان فهو المتنفس الحقيقى للشعبية باسرها
وواهب العطاء لنجومها..فكانت جنباته بمثابة الرئة
التى يتنفس من خلالها النجوم اللامعة
عشرات الاسماء الذين سكبوا عرق العطاء والفن والجمال الكروى الاخاذ
والتحية عبر هذه المساحة..لاخى
لاعب فريق الصداقة سابقا..الاعب الفنان المايسترو..صاحب
الامكانيات الفنية الرفيعة..سيف الدين حسن
ولكم التحايا بقدر هذا الجمال
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبد المنعم سيد احمد)
|
عابدون محم عابدون
| Quote: والله ياحاج ود الكورى شكله اتغير كتير سبحان الله لكن معقول دا عز الدين عبد اللطيف اخو عيسى عبد اللطيف ؟؟ |
عمر عثمان (كوري) تغير شكلو مع الدقن الكبير العاملو دا لكن لو نظرت للوجه عمر ما زال يحمل وجه شبابي و وجاهة..فعلا دا عز الدين عبد اللطيف شقيق عيسى..تحياتي لهما و لك أخي عابدون
الأخ عبد المنعم سيد أحمد
و انا أقول الزول دا شايفو وين..طلعت شعباوي..لك ودي
يا صلاح شكوكو تمارين الكتيبة مسخنة طوالي في ميدان الصداقة و التمرين كل يوم جمعة و في مباريات ..الحق استمتع بتمرين و كمان استمتع بالتعليقات من اللاعبين و الجمهور..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الحاج ... الناس الفوق الصُور ديل بكون بعرِف أولادُم ... هسي الكُبُر الحصل ليهُم ده
ندرعو في منو ... والله قدُر ما تلفت ما لقيت زول ألومو فوق كُبُرُم ده ... دقيقة
إتذكرت ... مُمكِن ندرعو فوق التُرابي ... أأأأي التُرابي ... الشغله بِتشبهو الله
لا تريِحك وتتعكس معاك مِحِل ما تقبِل ... كبرت الناس قبُل يومُم ...
ــــــــــ
شكوكو ... حمدلله على السلامة ... جيتاً جيت ... مُفتقدين [ النواضِر ]
ــــــــــ
يا جماعة صلاح أبودية وينو ... يا بدرالدين يا عبدالوهاب الزول ده ما تشوفو لينا
ــــــــــ
والله يا أمير قناوي بالغت عديل كده ... إنت وينك ياخي ...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
قال مُحدِثي وهو يُحاوِرُني :
- أغلب أولاد حِلتنا مشيت لِقيتُم بنو في الخرطوم ... بقيت براي في الحِله
- والله إنتو عجيبين ... نحنا ناس العاصِمة بنحلم نسكُن في الخلا الواسِع وإنتو دايِر الضيق والزحمة ووجع الراس ...
- في الجَيلي الثانَوِية كُنت مُصاحِب أولاد مِن ناس العاصِمة ... في إجازتي الأخيرة قابلت عدد منْم ... لقيت ليك راسُم فاضي جِنِس فضا ... والله لامَن يخجِلوك ... ده مِن شنو ؟
- ده مِن الإكتِفاء ... مِن الراحات ... الترطيب ...
- كيف يعني ؟
- أقول ليك يا سيدي : إنت مثلاً ... في الثانَوي كُنت خاتي فُلان ود الخرطوم الكان صاحبك هو وأهلو ونمط حياتُم هدف ليك ... كِبرت وإشتغلت وإغتربت وشِقيت في أثناء ده إكتسبت معارِف وخِبرات وعركتك الحياة عرِك ... بقى عِندك حِكمة خلت كلامك وتصرُفاتك مُتزِنه ... نرجع لِصاحبك ود الخرطوم ... ود الخرطوم كان واقِف مكانو أثناء ما هو كان بِيكبر ... ما إشتغل أثناء دِراستو في الثانَوِية ... ما إغترب ... ما شِقى ... وبالتالي ما إكتسب معارِف وخِبرات وما عركتو الحياة ... بقى بدون حِكمة ... وده القاعِد يحصل الليلة لأولادنا في الغُربة ... يعني مُمكِن نقول إنو الفقر أو الحياة البسيطة بتكبِر الأحلام ، البِكون تحقيقُها درب طويل ، الطول ده أقلو بِتكسب مِنو الحِكمة ... وبِالمُقابِل الثراء أو نمط الحياة الساهِلة ... تمشي المدرسة ومعاك فطورك ومصروفك كُل يوم طُوال فِترة الإبتِدائِية والثانَوي العام والعالي والجامِعة وفي العصرِيات تتمرين الكورة وبِالليل السينما والنوادي والحفلات ده كلو إسمو النمط الساهِل مُقابِل النمط القاسي ... الفيهو تقوم مع الفجرِية ماسِك موية (ترجمة لِناس المركز : ماسِك موية يعني عِندك سقي لِزِراعتك حسب الجدَول العُرفي) ترجع الحِله تحلِب البقر وتسلِمُم لِلراعي بعد داك تمشي المدرسة ... تجي مِن المدرسة على الحواشات تزرع أو تقلع (تنزع الحشائِش المؤذِية) تجي لِلحِله مع العصرِية تتغدا (وهذِهِ أول وجبه مِنذ شاي الصباح) بعد الغدا تستعِد لِقِدوم البقر ... تُنظِف الزريبة ... تنقُل الفضلات (التي تُعتبر في غاية الأهمِية كوقود بعد تجفيفِهِ والمادة الأساسِية لِتبَييض المنازِل الطينِية - الجالوص) تُجهِز الحِبال ومواعين الحليب ... تنتهي الحِكاية دي مع آذان المغرِب ... تتعشى وإنت نايِم مِن الفَتَر ... وسريرك في خشم الزريبة وسِلاحك تِحتك (مُسدس / بُندِقِية صيد / سيف / سِكين / عُكاز) حارِس البقر مِن الهمباتة ... السيناريو ده يوماتي ... وأكان دايِر تقرا بعد داك إنت مُخَير زول بِيسألك مافي ... وبعد الحصاد وبَيع وتخزين المحصول ... بِتكون في فِترة خمول مِن شهر نوفمبِر إلى شهر مايو قبل بِداية موسِم الزِراعة ... فِترة الـ5 شِهور دي بِفِروا الأولاد في المٌدٌن والحَلال علشان يكتسِبوا مال يِكسو بيهو روحُم والوراهُم ... وديل البِتشوفوهُم في الخرطوم بِيحفِروا السايفونات وقِدام دكاكين الجُملة شغالين عِتالة وفي السوق الشعبي بِبيعو ملابِس وخُردوات فارشِنها في اللرِض وحايمين بيها مِن باص لِباص ...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
Quote: قول لِسيدي الرسول يا صاحبي كِتِر علي الهمْ ...
يوت الوِردا جاياني بدور يا النبي أنجمْ ...
ريدا أصبح مِتل الفضيحة في البكان إتعمْ ...
جفوني بِجفاها صُغار وكُبار والدابو إتسمْ... |
انشاء الله بقول لسيدى وسيدك رسول الله ..الوليد عزام قال ليك (( كتر عليه الهــــم )) الدبارة الدبارة الدبارة
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
نادي الشعبية:
شهد نادي الشعبية و الذي عرف بالمركز الاجتماعي في بعض الفترات شهد نشاط رياضي و ثقافي كبير خاصة في فترة حكومة مايو و بعد قيام ثورة الانقاذ حدثت كثير من المشاكل بين سكان الشعبية و الحكومة تتعلق بتبعية النادي و قد دخل بعض شباب الشعبية السجن في سبيل المحافظة على تبعية النادي لسكان الشعبية و بعد كثير من المجهودات تم حسم الموقف لصالح سكان الشعبية و قد بذل الأخ هاشم الزبير الكثير في سبيل ذلك ، و الآن يشهد النادي حركة عمرانية كبيرة ، اذ تمت ازالة المباني القديمة تمام و الآن المباني الجديدة على وشك الانتهاء ، و رغم أن هناك حديث أو اشاعات وسط شباب الشعبية تقول أن النادي سيتم تحويله لمركز شباب بحري للاستفادة من الأرض المقام عليها مركز شباب بحري حاليا و قد نفى البعض ذلك اذ أن كثير من مراكز الشباب في العاصمة تشهد حركة تشييد و بغض النظر عن ذلك ففي كل الأحوال تجديد هذا الصرح سوف يضيف للشعبية الكثير ، قمت باخذ بعض اللقطات التي تبين شكل النادي الجديد من زوايا مختلفة..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
التحية لكل الشباب من ابناء الحى اللذين وقفو وقفة شجاعة دفاعا عن حقهم فى الدخول للنادى والاسفادة من النشاطات المتعددة و ذلك بعد ان تم طرد معلمات الروضة واخلاء معدات و ممتلكات فصول التدبير المنزلى وترحيلها الى الحديقة تحت اشرف الشرطة وتسليم النادى لافراد لا يسكنون الشعبية و لا يهمهم امر الشعبية ومواطن الشعبية -اطفال الروضة,بنات التدبير المنزلى,لجنة وشباب الرابطة,فصول التقوية,الكشتينةوالكثير.................
التحية لهؤلاء الشباب الذين تم القبض عليهم فى منتصف ليلة من ليالى رمضان والبقية الذين قامو بتسليم انفسهم عد ان علمو بامر القبض عليهم- التحية للمرحوم محمدسعدكيلانى, شقيق ميسرة ومجدى سعد فقد قام بضمان تلك المجموعة اخرجها من السجن.
احب ان أاكد ان معظم الشباب لم يكونو منتمين لحزب سياسى ويعملون لصالح مجموعة معينة, كان المطلب الوحيد ان يفتح النادى ابوابه لكل سكان الشعبية بغض النظر عن انتمآتهم.
نتمنى التوفيق والسداد فى كل عمل لمصلحة مواطن الشعبية الغلبان.
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الاخوان الكرام لكم التحايا
مشتاقون لكن قراية الكبر ما مديانا فرقه
نتداخل ..واهو الواحد بيقرا مره مره..
كيفك يا عزام وكيف الوليدات وامهم..
تحايا للاخ حاج حمد.. وعابدون وين اراضيك..
Quote: نادي الشعبية:
شهد نادي الشعبية و الذي عرف بالمركز الاجتماعي في بعض الفترات شهد نشاط رياضي و ثقافي كبير خاصة في فترة حكومة مايو و بعد قيام ثورة الانقاذ حدثت كثير من المشاكل بين سكان الشعبية و الحكومة تتعلق بتبعية النادي و قد دخل بعض شباب الشعبية السجن في سبيل المحافظة على تبعية النادي لسكان الشعبية و بعد كثير من المجهودات تم حسم الموقف لصالح سكان الشعبية و قد بذل الأخ هاشم الزبير الكثير في سبيل ذلك ، و الآن يشهد النادي حركة عمرانية كبيرة ، اذ تمت ازالة المباني القديمة تمام و الآن المباني الجديدة على وشك الانتهاء ، و رغم أن هناك حديث أو اشاعات وسط شباب الشعبية تقول أن النادي سيتم تحويله لمركز شباب بحري للاستفادة من الأرض المقام عليها مركز شباب بحري حاليا و قد نفى البعض ذلك اذ أن كثير من مراكز الشباب في العاصمة تشهد حركة تشييد و بغض النظر عن ذلك ففي كل الأحوال تجديد هذا الصرح سوف يضيف للشعبية الكثير ، قمت باخذ بعض اللقطات التي تبين شكل النادي الجديد من زوايا مختلفة..
|
السمعتو انا عن النادي انه سيتحول الي دار لحزب الجبهة
الؤتمر الوطني..واللجنه الشعبيه هي التي تحتل
المباني وتمشي امورها من هناك ..وانا طلعت شهادة سكن
من هذه المباني والتي مازالت تحت التشييد ..والله
يكضب الشينه..
ولكم مودتي
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين محمد عثمان)
|
عز الدين محمد عثمان
Quote: السمعتو انا عن النادي انه سيتحول الي دار لحزب الجبهة
الؤتمر الوطني..واللجنه الشعبيه هي التي تحتل
المباني وتمشي امورها من هناك ..وانا طلعت شهادة سكن
من هذه المباني والتي مازالت تحت التشييد ..والله
يكضب الشينه.. |
الأخ عز الدين
وينك يا راجل و غيبة طويلة...
لا أعتقد ان النادي سيحول لدار للمؤتمر الوطني ، اذ أن اعادة تشييد النادي تتم عبر برنامج أطلقه الوزير هاشم هارون و تم عبره اعادة تعمير دور الشباب بولاية الخرطوم و تزويدها بأجهزة.
تحياتي و ودي
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
بدر الدين ‘سحاق :-
Quote: بنقول اليومين ديل ( لبيك اللهم لبيك ان الحمد والنعمة لك لا شريك لك لبيك )
باقـــى لو الله رفع القدم نكون اليوم او غدا فى مدينة الرسول الاكرم ..
بــس الدعاء |
تقبل الله حجك
وجعلك من المغفور لهم بلا رفس ولا فسوق ولا جدال
ونأمل أن تشملنا نفحات الدعاء الطيب
ونسألك التخصيص والتعميم فيه
ولا تنس أن تشمل دعوتك تثبيتا للأخ الشفيع
حتى يتقوى بعزم الإراده وقوة الوقوف
ورورعة الداء
نواضر ودنا أخي
ونحن معكم مكبرين في أيام التكبير
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
ياعبد الوهاب خليهم يفرحوا المساكين ديل .. يا أخى اذا كان برضو شلناهو المرة دى كان يكون اصلو مافى اى مقاومة وبينى وبينك كان حيكون مسيخ عشان كدة خلى المساكين ديل يفرحوا شوية ... قال فيصل العجب قال ...
يا أخى دا راكوبة عديل ....
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
نعي أليم
توفى مساء الخميس 20 نوفمبر 2008م بمدينة جدة العم / حسن محمد كيخا والد الأخوان محمد و عوض و يوسف و كمال كيخا..أحر التعازي لآل كيخا بالخرطوم و حلفا..تغمده الله بواسع رحمته و جعل البركة في ذريته..و سوف يتم الدفن اليوم عقب صلاة الجمعة(انا لله و انا اليه راجعون)..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Quote: توفى مساء الخميس 20 نوفمبر 2008م بمدينة جدة العم / حسن محمد كيخا
والد الأخوان محمد و عوض و يوسف و كمال كيخا..أحر التعازي لآل كيخا بالخرطوم و حلفا..
تغمده الله بواسع رحمته و جعل البركة في ذريته..و سوف يتم الدفن اليوم عقب صلاة الجمعة
(انا لله و انا اليه راجعون).. |
للفقيد الرحمة
ولأسرته الكريمة أحرز التعازي والمواساة
مع دعوتنا الطيبات له بالمغفرة وللأسرة
بالصبر الجميل وإنا لله وإنا إليه راجعون
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
المتأمل للصورة أعلاه سيلحظ أن في زاوية الصيدلية وقبل الهلال الأحمر أن هناك لوحة خضراء
وهذه اللوحة فيها الإسم الذي أطلق على الشارع ..
(( أتدرون ماهو الإسم الذي أطلق على شارع المركز الصحي )) ؟؟
أطلق عليه إسم (( شارع الفريق إبراهيم عبود ))
وأنا في تقديري في ذلك إهانة للفريق إبراهيم عبود
رغم إدراكي بأن الشعبية قد أقيمت في عهده لكن الرجل رئيس للسودان
كله ومن اللائق بالرجل أن يسمى بإسمه شارع من أهم شوارع السودان
ناهيك عن شارع فرعي لا يأبه له ..
هناك شارع في الخرطوم في حي العمارات بنمره ( 2 ) إسمه
شارع محمد نجيب .. وهو رئيس مصري من أصل سوداني ..
والفريق عبود كان رئيسا للسودان .. فهل يعقل أن يكون شارع عبود
داخل أحد الأحياء ويكون محمد نجيب في شارع رئيس بحي راق وسط الخرطوم الراقية ؟؟
سؤال يبحث عن إجابة ..
من المفترض أن يسمى هذا الشارع بإسم شخصية مؤثرة من حي الشعبية
أما الرئيس عبود فلنبحث له عن شيء يليق بمكانته كرئيس للجمهورية
حتى لو أنه حولوا إسم الشعبية كلها الى حي الفريق عبود ..
نواضر الود
...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
>>
ضيوفُ الــحَجِّ قد لبُّـــوا الــنِّــداءَ /// وللإحـــرامِ قد لبـــسوا الــــرِّداءَ
ومـــن بَـــرٍّ,ومــن بحْــرٍ,وجَـــوٍّ /// وبالإسـلامِ قد عـــقدوا اللـــواءَ
لبيت الله قد جــاؤوا لـــحـــــجٍّ /// وللـــغـــفرانِ يدعُـــونَ الدُعـــاءَ
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: حسن طه محمد)
|
بسم الله الرحمن الرحيم
(وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ 155
الَّذِينَ إِذَا أَصَابَتْهُم مُّصِيبَـــةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ 156 أُولَـئِكَ عَلَيْهِمْ صَلَوَاتٌ مِّن رَّبِّـــــهِمْ وَرَحْمَةٌ وَأُولَئِكَ هُمُ الْمُهْتَدُونَ 157) سورة البقرة
نسأل الله الرحمة والمغفرة لعمناالشيخ الجليل عباس نورالدين, لقد كان العم عباس بجانب الخليفة
كانكيج عليهما رحمة الله أئمتنامن قبل ان يشيد الجامع, كان مرجعا لنا ولآبائنا من قبلنا فى مايتعلق
بامور الدين والأخلاق, وكان الجميع يكن له الاحترام والتقدير.
اخوتى عبدالمنعم,عبدالله(النقر),صلاح, نورالدين, حمدى, الطيب نورالدين, قرشى تميم,
اعزيكم ونفسى فى فقيدنا رحمه الله وجعل الجنة مسواه
انا لله وانا اليه راجعون
شكرا الأخ عابدون,واناماكنت متابع فى اللأيام الماضية,وقد قمت بالاتصال اليوم للعزاء.
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالوهاب علي الحاج)
|
بسم الله الرحمن الرحيم
(وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ 155
الَّذِينَ إِذَا أَصَابَتْهُم مُّصِيبَـــةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ 156 أُولَـئِكَ عَلَيْهِمْ صَلَوَاتٌ مِّن رَّبِّـــــهِمْ وَرَحْمَةٌ وَأُولَئِكَ هُمُ الْمُهْتَدُونَ 157) سورة البقرة
تعازينا للاخوان كمال ويوسف ومحمد وعوض وجميع اهل الشعبيه فى وفاة عمنا حسن محمد كيخا سالين الله ان يتغمده بواسع رحمته
(انا لله و انا اليه راجعون)..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: اسامة سعد)
|
صورة حديثة لفريق الهلال, حلة الصديق
الواقفون من اليمين
محجوب شابو (مدرب)
خالد سيد دهب(ميمى)
عبد المنعم عباس نورالدين
صلاح عثمان (الضب)
عبده دللال
المرحوم محمد محجوب(العجب)
عبدالسلام الصادق (سلامة) (مدرب)
الجالسون من اليمين
مجدى سعد محمد
عادل محمد (كعيك)
ميسرة سعد محمد
أسامة سعد النور
حارس المرمى- سبت سالم
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
...
الشفيع خلف الله .. وخطوه الى الأمام ..
اليوم تم تسجيل الأخ الشفيع ببرنامج الدراسات العليا بجامعة الزعيم الأزهري
في خطوة نعتبرها ضرورية لتمكينه من القفز فوق الظروف .. ومحاولة إكتشاف الذات
من خلال إعمال الإرادة الكامنة في النفس البشرية ..
والجدير بالذكر أن الشفيع كان قد تخرج في كلية الآداب قسم الفلسفة منذ أعوام مضت
وهو ومن جديد يبعث في دهاليز فكرة عن إنسانيته الكامنة ويحاول أن يتحيز في حيز
وجوده في هذا الكون الشاسع ..
وما أروع الإنسان حينما يكتشف ذاته
وما أروع الأخوان حينما يؤازرون بعضهم البعض في توادد جميل
التحية والتقدير لأحد الأخوان هنا وقد تكرم مشكورا بتقديم هدية قيمة
للأخ الشفيع ولولا أنه أوصانا بعدم الإشارة إليه لوسمنا صدرة بوسام المؤازرة
من الطبقة الأولى ..
التحية لهذا الشخص الكريم الذي أبى إلا وأن يكون خياره من البر فقد إتخذ سبيلة
الى أرقى المراقي وأجود الأماكن .. متمثلا :-
(( لن تنالوا البر حتى تنفقوا مما تحبون ))
له التحية والتقدير وقد إختار أجره من الله
والتحية للأخ الفاضل (( الشفيع )) وقد تبوأ خطوة الى العلياء
مع عاطر المودة
...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: اسامة سعد)
|
الأخ صلاح شكوكو
لك منا السلام, أن شاء الله تكون بخير وكل الامور تسير على ما يرام.
والله انا عندى اقتراح للجميع وشجعنى عليه ما تقوم به من عمل لمساعدة احد الأخوة و طلبك و قبولك مساهمة كل من مد يد العون فى ذلك الصدد.
انا بفتكر ان يكون فى تبادل معلومات بين الجميع واذا كان فى واحد بفتكر انه محتاج ل(غرض) ممكن يعرض الأمر على الجميع عسى ولعل ان يكون فى مقدور احد الأخوة المساعدة او التوجيه او الأفادة والحمد لله الناس فى مجالات مختلفة وفى اتجاهات مختلفة وبلاد مختلفة وربنا يوفق الجميع.
اقتراح مفتوح
والسلام
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
اسامة سعد :-
Quote: لأخ صلاح شكوكو
لك منا السلام, أن شاء الله تكون بخير وكل الامور تسير على ما يرام.
والله انا عندى اقتراح للجميع وشجعنى عليه ما تقوم به من عمل لمساعدة احد الأخوة و طلبك و قبولك مساهمة كل من مد يد العون فى ذلك الصدد.
انا بفتكر ان يكون فى تبادل معلومات بين الجميع واذا كان فى واحد بفتكر انه محتاج ل(غرض) ممكن يعرض الأمر على الجميع عسى ولعل ان يكون فى مقدور احد الأخوة المساعدة او التوجيه او الأفادة والحمد لله الناس فى مجالات مختلفة وفى اتجاهات مختلفة وبلاد مختلفة وربنا يوفق الجميع |
لك التحية والود أخي أسامة
كثيرون أخي أبدوا إستعادتهم لمعاونة الأخ الشفيع
وهناك من سيقوم إن شاء الله بإرسال وسيلة تواصل (( هاتف ))
حتى يكون الوصل به ومعه سلسلا سهلا ..
نؤمن على مقترحك الطيب في فك العسرات عن المعسرين
من خلال الإغراض الحسن .. وفي هذا خير عميم على الجميع
جزاك الله خيرا أخي ..
-----------
أمورنا تسير في خير وعلى خير
ولا نملك إلا أن نمدد الشكر لك على هذا التفقد الجميل
الذي يدلل على أصالة المعدن ونقاء السريرة
أعانكم الله في غربتكم ,, وغيض لكم من أهل الخير أهلا
مع نواضر ودنا
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
اسامة سعد :-
Quote: لأخ صلاح شكوكو
لك منا السلام, أن شاء الله تكون بخير وكل الامور تسير على ما يرام.
والله انا عندى اقتراح للجميع وشجعنى عليه ما تقوم به من عمل لمساعدة احد الأخوة و طلبك و قبولك مساهمة كل من مد يد العون فى ذلك الصدد.
انا بفتكر ان يكون فى تبادل معلومات بين الجميع واذا كان فى واحد بفتكر انه محتاج ل(غرض) ممكن يعرض الأمر على الجميع عسى ولعل ان يكون فى مقدور احد الأخوة المساعدة او التوجيه او الأفادة والحمد لله الناس فى مجالات مختلفة وفى اتجاهات مختلفة وبلاد مختلفة وربنا يوفق الجميع |
لك التحية والود أخي أسامة
كثيرون أخي أبدوا إستعادتهم لمعاونة الأخ الشفيع
وهناك من سيقوم إن شاء الله بإرسال وسيلة تواصل (( هاتف ))
حتى يكون الوصل به ومعه سلسلا سهلا ..
نؤمن على مقترحك الطيب في فك العسرات عن المعسرين
من خلال الإغراض الحسن .. وفي هذا خير عميم على الجميع
جزاك الله خيرا أخي ..
-----------
أمورنا تسير في خير وعلى خير
ولا نملك إلا أن نمدد الشكر لك على هذا التفقد الجميل
الذي يدلل على أصالة المعدن ونقاء السريرة
أعانكم الله في غربتكم ,, وغيض لكم من أهل الخير أهلا
مع نواضر ودنا
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
و رسالة من الأخ أحمد بابكر (الدوحة) و هو يستعد أيضا لأداء فريضة الحج و نقول له حجا مبرورا و سعيا مشكورا:
Quote: الأخوان الأعزاء سكان الشعبية وخاصة أعضاء البوست
السلام عليكم ورحمة الله وبركاته
كيفك يا صاحب الدار الحاج حمد
وكيف الصديق الصدوق صلاح شكوكو الذي إفتقدناه كثيراً عندما كان خارج التشكيلة ( إجازة ) ويا أخي صلاح حمد لله على السلامة وماشاء الله حتى قسم سيد اللبن صورته أتمنى أن تكون قضيت إجازة ممتعة قطعاً إستمتعت بالشعبية وأحداثها المتلاحقة وبالتأكيد إستمتعت هي بك قبل أن تستمتع بها . طبعاً يا إخواني أنا الأيام دي في الإستعدادات لسفري للأراضي المقدسة لآداء فريضة الحج وستكون المغادرة من الدوحة إنشاء الله يوم الأربعاء 2008/11/26 أرجو العفو من الجميع وآمل بعد العودة أن أجد البوست عامراً بأهله ومن جاورهم ومن رغب . يا أخوانا وين أخونا عزام مختفي عن الساحة مشتاقين ليك ولقفشاتك
أخوكم
أحمد بابكر محمد أحمد
الدوحـة - قطــــــر |
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
اسامة سعد الصورة جميلة ورجعت لينا ذكريات جميلة لكن دى كيف انا ماشفتها عندك ؟ تصدق يا أسامة يوم الصورة دى انا كنت فى البيت كعقاب من الكوتش محجوب شابو لأنو كنت دايما بناوشه فقام وقفنى من التمارين زى اسبوع كدة على ما أذكر وفى الفترة دى كان عملتو الصورة دى لكن يا اسامة اللى ذكره عبد الوهاب دا عادل كعيك ولا الرشيد حسكنيت؟
ايام ...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الأخ أحمد بابكر :-
Quote: الأخوان الأعزاء سكان الشعبية وخاصة أعضاء البوست
السلام عليكم ورحمة الله وبركاته
كيفك يا صاحب الدار الحاج حمد
وكيف الصديق الصدوق صلاح شكوكو الذي إفتقدناه كثيراً عندما كان خارج التشكيلة ( إجازة ) ويا أخي صلاح حمد لله على السلامة وماشاء الله حتى قسم سيد اللبن صورته أتمنى أن تكون قضيت إجازة ممتعة قطعاً إستمتعت بالشعبية وأحداثها المتلاحقة وبالتأكيد إستمتعت هي بك قبل أن تستمتع بها . طبعاً يا إخواني أنا الأيام دي في الإستعدادات لسفري للأراضي المقدسة لآداء فريضة الحج |
لك شأبيب الود والتحية نرفدها لك وأنت تتوثب للنفرة الكبرى
لتكون وفدا من وفود الله الى عرفات (( التي عرف والتقى فيها آدم حواء ))
ولأن ستكون في رحاب هذا التواجد القدسي المقدس نستصحبك الرجاء بأن تدعو
لنا ماشاء لك من الدعاء الطيب لنا جميعا.
ولا تنس جاركم العزيز (( الشفيع خلف الله )) الذي من الله عليه بخير عميم
ونسأل الله أن يعينه بالتثبيت والمصابرة .
وندعو الله أن يعيدك غانما من رحلة العودة الجرداء مما عك الدنيا
وأن يكون حجك بلا رفس ولا فسوق ولا جدال .. معطرا برياحين الباكين توسلا
والناحبين ندما .. والتائبين قلبا وقالبا ..
مازلت أخي أحمد بالسودان في إجازة متمددة طويلة .. ولأول مرة منذ ربع قرن
من الزمان .. ومن المؤكد أنني مستمتع بها وبالطيبين الذين ألتقيهم كل يوم
وبمجالسة الطيبين من أهل بلادنا .. الذين هم إمتدادنا .
عمك (( قسم - سيد اللبن )) مازال يهتف كلما مر أمام دارنا قائلا :-
(( هو ياناس الصورة )) .
التحية عبرك لكل الأخوان الشعبويين الذين تلتقيهم بالدوحة وأم سعيد وما جاورهما
وحال عودتك أرجو أن تستكتبهم للدخول إلينا مشاركين لنا سمرنا هذا ومتفاعلين معنا
فكل حرف يكتب فيه مايفيد
مع عاطر مودتي وتقديري
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
عابدون محمد عابدون
| Quote: لكن يا اسامة اللى ذكره عبد الوهاب دا عادل كعيك ولا الرشيد حسكنيت؟ |
هو فعلا عادل كعيك يا عابدون
وصلتني رسالة رائعة من الأخ صلاح عباس و روعة قلمه لمسناها من اول رسالة ، التحية للأخ صلاح عباس و هو يتفاعل مع البوست و رجاء أن تستمر مشاركته توثيقا لفترة الدراسة و الرياضة بالشعبية:
Quote: أخي العزيز الحاج حمد
سلام الله عليك ورحمته وبركاته، وعلى كل الإخوة الأعزاء المشاركين في البوست، وبعد أن انقطع اتصالي بمضيفي الأخ بدر الدين لوجوده في الأراضي المقدسة، رغم أني لم أظفر بلقائه بعد، قلت ألجأ إلى راعي البوست، خاصّةً وأنّي أريد أن أتقدّم باقتراح ما أظنُّه غاب عن فطنتكم ولكني لم أجده فيما طالعت من صفحات البوست.
اقتراحي مباشرةً: أن يتمّ إصدار نسخةٍ ورقية من البوست، في شكل مجلة مبسطة، ويتم توزيعها في منتديات الشعبية وأنديتها مقابل سعر التكلفة!
أظن هذا الإجراء من أول مزاياه أنه يوسع دائرة المشاركة في البوست، فيُتاح للكثيرين أن يُشاركوا فيه بمساهماتهم، ويؤدي إلى تفاعل جميع أهل الحي مع القضايا التي يُثيرها أو يمكن أن يثيرها البوست، ...
وهذا يُلقي على الإخوة في البوست، خاصّة من المقيمين في "الحلة" عبء القيام بدور تنسيقي وصحفي، من ناحية تلقي الأخبار والمناسبات، وكذلك القيام بإجراء مقابلات أو حوارات مع رموز الحي من الشيوخ والعلماء كالدكتور جعفر ميرغني، وكذلك مع "نجوم الشعبية" ولاعبي العصر الذهبي،
... بعد هذا الاقتراح، أستسمحك في مخاطبة بعض الإخوة الأعزاء:
وبدءاً كلمة تقدير للأخ شكوكو، ليس على على كلماته "النواضر" في شخصي الضعيف، وليس لأنّي أتشرّف بأنّ لي به صلة رحم وآصرة نسب أعتز بالتّنويه بها، ولكن فيما يخصّ بوست الشعبية: أقدّر له مساهماته الفاعلة وحضوره المتجدِّد، ولقطاته الجميلة، وكأني به لا يزال لاعب الوسط الحريف الّذي يملأ ملعب الرابطة إبداعاً وحيويّة ... ولكن هذه المرة عبر الكلمات المكتوبة بمداد العاطفة الجميلة، في ساحة بوست الشعبية!
الأخ أسامة سعد، حيّاك الله، وأؤمّن على اقتراحك بأن يفكر الإخوان في آليّة من خلالها يتم تقديم العون الأخويّ للمستحقّين وذوي الحاجة، وطبعاً عندما نطرح هذه المسائل بجدية تدب في نفوسنا الخشية من أن يؤدي ذلك إلى غياب العفوية الجميلة، .. وقال أخي ورفيق الدرب وهبة: "ايقاع البوست اصبح بطيئا
يا جماعة اكتبوا شعر/ قصة/حكم/اخبار/اي حاجة
خلوا البوست ينتعش من جديد "!
أنا من هذا المنبر أدعو الأخ عبد الوهاب إلى أن يكتب لنا سطوراً عن تجربته في هذه الحياة، وهي تجربة تستحق في نظري التسجيل، ولا تخلو من العصاميّة، لا أزال ولا يزال كلُّ أولاد شارعنا يذكرون صورة وهبة وهو جالس هناك على الحجر، عند الركن، "وهو يُفلفل شعره" سأماً وضجراً ويأساً واهتماماً بالمصير المجهول، لكن، وفي نفس اللحظة لا يكلُّ من توزيع تعليقاته ونكاته وخواطره الطريفة، ثمّ شقّ وهبة طريقه بكلّ اقتدار، حتّى صار له مركز اجتماعيّ مرموق، ما شاء الله، وهذه النُّقلة لم تكن مفاجئةً؛ لأنّ عبد الوهاب كان يتمتع بذكاء اجتماعي درجة أولى، هو الّذي سخّره فيما بعد ليدخل به عالم المال والأعمال!
أستسمح الإخوة أهل البوست في هذه الكلمات، وأرجو أن لا أكون أزعجتهم أو أزعجت الأخ عبد الوهاب بهذه الخواطر العفوية، أمّا إن رأى فيها مدحاً فأرجو أن لا يفهم من ذلك أنّني فعلتُ ذلك لكي يفعل بي مثلما فعلتُ به، وهذا الحديث يقودني إلى الكلام عن ظاهرة الإسراف في المدح، وهو غير محبّذ، كما أنّ عدم إثبات الفضل لذوي الفضل هو من بخل النفوس، ... أنا أتحسّس من مسألة المدح المفرط، وأخشى أن أكون قد وقعت فيه! وهو كما هو معلوم منهيٌّ عنه في السُّنة النبوية على صاحبها أزكى التّحايا والتسليم!
هنا أقف، معتذراً عن الإطالة، وإلى لقاء جديد مع تحيّاتي لكلّ الإخوة الأعزّاء الحاضرين و"المتاوقين". |
الأخ صلاح عباس اقتراحك جميل و قد سبق أن كتب الأخ الدكتور هاشم عثمان البدري (شقيق خضر الأصغر) أنه بدأ في تحويل البوست لكتاب صغير و يمكن الاتصال به لمعرفة أين وصل في ذلك..أؤيد اقتراحك
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
و رسالة تعزية من الأخ صلاح عباس في وفاة المرحوم العم حسن كيخا:
Quote: الأخ الحاج حمد
السلام عليكم ورحمة الله وبركاته، وعبرك أبعث التعازي الحارة للأخوين عوض كيخا ويوسف وجميع الإخوان في وفاة والدهم، نسأل الله أن يغفر له ويرحمه ويسكنه فسيح جناته، ويلهمهم الصبر والسلوان، آمين! |
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
صلاح عباس :-
| Quote: وبدءاً كلمة تقدير للأخ شكوكو، ليس على على كلماته "النواضر" في شخصي الضعيف، وليس لأنّي أتشرّف بأنّ لي به صلة رحم وآصرة نسب أعتز بالتّنويه بها، ولكن فيما يخصّ بوست الشعبية: أقدّر له مساهماته الفاعلة وحضوره المتجدِّد، ولقطاته الجميلة، وكأني به لا يزال لاعب الوسط الحريف الّذي يملأ ملعب الرابطة إبداعاً وحيويّة ... ولكن هذه المرة عبر الكلمات المكتوبة بمداد العاطفة الجميلة، في ساحة بوست الشعبية! |
الجار ذو القربى (( صلاح عباس ))
لك التحية ونواضر الود
ولما كنت قريبي .. وجاري .. ونسيبي .. فقد إحتوي الإحتواء وجودك فينا ..
لكن كلماتي مهما إشرئبت لمعانقة شخصك وقدرك فينا فإنها لن تكافيء ذلك
لكنها حروف هي الأقرب لتوصيف رغم إدراكنا أننا لن نستطيع أن نحول المحسوس الى كلمات .
تذكرني حروفك بإلتزامك الجم في (( حراسة المرمى )) فكأن الملتزمين من أهل الصلاة يؤدون
كل عمل لله .. حتى ماكان ترويحا .. فقد كنت فيما مضى أثق في المرمى الذي تكون فيه إستوثاقا
صدوقا لرجل صادق مع نفسه والناس وقبلهما مع الله .
ولما كان هذا البوست مساحة طيبة لنا .. فقد أسهم الى حد بعيد في أن يكون (( ناديا )) يتنادى
إليه الناس من كل حدب وصوب .. يصوبون حديثهم للناس خدمة للناس .. ويتعارفون فيه ..
حتى عبد الرحيم (( أبواللول )) سألتي عنه .. مما يؤكد أن لهذا البوست سمعة تتجاوز ظنوننا
لكن يكفي أنك بيننا فيه
التحية عبرك لصاحب البوست (( حاج حمد )) بقلبه البهي وروحة السمحاء وطيبته الواسعة
والتحية لك وأنت تحفنا كلما وسعك الزمن بحروف ندية
والتحية لهذه الكوكبة النيرة التي ترسم ملامح هذا التواجد الجميل
مع الود
..
| |
|
|
|
|
|
|
|
|
 Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
*** يا ناس الشعبية السلام 8عليكم :
علمت بالصدفة من الأخ الطيب عثمان يوسف بى خبر البوست ده ويا ريتنى لو عارفو من زمان
**** انا من سكان الشعبية شمال ساكن بالقرب من مدرسة الخشب و شقيقى الأصغر عادل إسماعيل ( أبا )
**** صديقى الطيب عثمان يوسف من كان سكان الدناقلة شمال ودرس فى مدرسة الدناقلة شمال مع معظم أولاد الشعبية
****أنا درست علوم الكمبيوتر بالفلبين وحاليا أعمل مبرمج كمبيوتر بدولة الإمارات العربية ( أبو ظبى ) وعلى إستعداد
للمساهمه عبركم للمساعدة فى هذا المجال من خلال تبادل المعلومات والخبرات والأفكار ...
**** إيميلى هو : [email protected]
***** تقبلوا كل الود والتقدير
*************** علاء الدين إسماعيل سعدالله أحمد ـ ت: 00791508308022
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
| Quote: أنا من هذا المنبر أدعو الأخ عبد الوهاب إلى أن يكتب لنا سطوراً عن تجربته في هذه الحياة، وهي تجربة تستحق في نظري التسجيل، ولا تخلو من العصاميّة، لا أزال ولا يزال كلُّ أولاد شارعنا يذكرون صورة وهبة وهو جالس هناك على الحجر، عند الركن، "وهو يُفلفل شعره" سأماً وضجراً ويأساً واهتماماً بالمصير المجهول، لكن، وفي نفس اللحظة لا يكلُّ من توزيع تعليقاته ونكاته وخواطره الطريفة، ثمّ شقّ وهبة طريقه بكلّ اقتدار، حتّى صار له مركز اجتماعيّ مرموق، ما شاء الله، وهذه النُّقلة لم تكن مفاجئةً؛ لأنّ عبد الوهاب كان يتمتع بذكاء اجتماعي درجة أولى، هو الّذي سخّره فيما بعد ليدخل به عالم المال والأعمال! |
ياصلاح عباس
مال واعمال والله الا اعمال شاقة ومؤبدة وشكرا لحسن الظن واهلنا بيقولو كان قالوا ليك سمين قول آمين
ياصلاح ياخوي الفترة البتتكلم عنها دي راحت مع الانقاذ وتجاره .
انا الان والحمد لله موظف صغير في مطبعة الشرطة اقوم باعباء التصميم الطباعي والمونتاج اتقاضى راتب ما بطال الحمد لله ساترني وساتر العيال لله الفضل والمنة ( دي شغلة يا ابوصلاح اتعلمتها على كبر) مفاجأة مش كدا .
ساكن في بيتي بتاع الشعبية من غير بياض حتى الان الجدران الداخلية للغرف ما مبيضة ولكن الحمد لله لا زال مأوى لكل ناس الحلة ولا يزال منتجع للاصدقاء لكن الشي الوحيد المافقدتو ياصلاح تلك الضحكة ومازالت القفشات تطلع ولكن بصعوبة ( صعوبة ) مشارف الخمسين التي تعرف يلا حسن الختام .
داير اكتب ليك كتير والله يابوصلاح وعنوانك البريدي اخدتو من بدرالدين وبراسلك رايك شنو لو سعينا ليك في عضوية المنبر .
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
...
الأخ العزيز (( صلاح عباس ))
تحياتي
من تصاريف القدر أنني كتبت لك مداخلتي الفائتة ,, وبعدها خرجت من المنزل
للذهاب الى (( كوبر )) لزيارة الكابتن عوض كوكا .. فإذا بي أجلس بجوار
شقيقك صلاح .. حيث كانت الرحلة خير مواساة لعوض كوكا .. وخير إلتقاء
بشقيقك الذي طالت الشقة بيني وبينه .. فإستطاب لنا اللقاء العابر للحديث
والتعرف إليه بعد أن تراكمت بيننا سنوات شكلت ركامات من الأسئلة التي كانت
تستلزم لقاء يقرب المسافات الوجدانية .
التحية والتقدير لكما
وللأسرة الكريمة
ورب صدفة خير من ألف ميعاد
.
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
....
أها التمرين الساعة كم ؟؟
جايين التمرين الجاي إن شاء الله
وقالوا البجو أول بيبدوا التمرين ..
والزمن قدموه ساعة يعني التمرين بالزمن الجديد بيبدأ الساعة كم ؟؟
لو في زول عارف يقول لينا عشان ما ناخد المشوار ساي .. لأنو مهم نلاقي صلاح حمد
مع التحية والود
.
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالكريم أحمد الامين)
|
شكرا للأخوان الطيب عثمان يوسف و علاء الدين اسماعيل واتمنى أن يشاركنا الأخ علاء الدين برسائل أخرى.
صلاح شكوكو
Quote: أها التمرين الساعة كم ؟؟
جايين التمرين الجاي إن شاء الله
وقالوا البجو أول بيبدوا التمرين ..
والزمن قدموه ساعة يعني التمرين بالزمن الجديد بيبدأ الساعة كم ؟؟
لو في زول عارف يقول لينا عشان ما ناخد المشوار ساي |
صلي العصر و طوالي تعال التمرين ح تلقى في اولاد بيلعبوا بالكورة و الكبار جالسين في الناحية الشمالية للميدان قدام بيت ناس سوف المفك و بستعدوا لدخول الميدان..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: الصديق العزيز صلاح ود محمد ود عبدالدائم (شكوكو)
والله ماشاء الله بتسأل من مواعيد التمرين يعني المروه للمشاركه
موجوده بعد الرطوبه البتصدى الحديد..
لك التحايا ودام الود بيننا..
اخوك/ (ابو محمد فؤاد - دبي) |
شفت الجعجعة كيف ؟؟
قالوا الزول لما يكبر بيلعب بلسانو ..
بصراحة عايز أعمل (( تست )) لقيت الناس ديل قلت دي أحسن حته
(( وينك يازول ياجميل ؟؟ ))
عاطرات الود لك
والتحايا نضرات للمستشار عيد الكريم
الذي أتاح لنا هذا الهواء العليل ..
وينك ياراجل ياجميل ؟؟
كدي نشوف يوم السبت وإن غد لناظره قريب
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
| Quote: صلي العصر و طوالي تعال التمرين ح تلقى في اولاد بيلعبوا بالكورة و الكبار جالسين في الناحية الشمالية للميدان قدام بيت ناس سوف المفك و بستعدوا لدخول الميدان.. |
يعني نصلي العصر في الزاوية بتاعة الميدان
تكتيك القعدة بره دا تكتيك الكرابيج
(( خلاص إن شاء الله جايين .. ياخبر النهاردة بقروش بكره ببلاش ))
نتلاقى في الموعد
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
الأخ الكريم الحاج حمد
اخوتى الأعزاء
اضافة لاقتراحى, احب ان اشير بان (الحوجة) او (الغرض) قد لا يكون ماديا, قد يكون معلومة او تسهيل
لامر من الامور او تبادل معلومات مهنية او تجربة قد يكون فى اتباعها او تفاديها منفعة و خير
لمن يبحث عن عمل, او صاحب عمل يحتاج لمعاون, لمن يبحث عن فرصة للدراسة او من بامكانه تسهيل فرص
الدراسة, من يبحث عن معلومة او معلومات عن بلد غير البلد الذى يعيش فيه
و هاكم عينة
1) كتب علاء الدين اسماعيل
Quote: ****أنا درست علوم الكمبيوتر بالفلبين وحاليا أعمل مبرمج كمبيوتر بدولة الإمارات العربية ( أبو ظبى ) وعلى إستعداد
للمساهمه عبركم للمساعدة فى هذا المجال من خلال تبادل المعلومات والخبرات والأفكار ...
|
2)وكتب رجل المال الأعمال عبد الوهاب على الحاج
| Quote: انا الان والحمد لله موظف صغير في مطبعة الشرطة اقوم باعباء التصميم الطباعي والمونتاج |
واستميح الأخ الحاج حمد بان يكون كما هو الآن مستودع المعلومات, لمن اراد ان يتعاون ولكن لا يحب ان
تنشر كل او بعض معلوماته (بروفايل)
كان الله فى عون العبد ما كان العبد فى عون أخيه
والسلام
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: اسامة سعد)
|
أسامة سعد
Quote: اضافة لاقتراحى, احب ان اشير بان (الحوجة) او (الغرض) قد لا يكون ماديا, قد يكون معلومة او تسهيل
لامر من الامور او تبادل معلومات مهنية او تجربة قد يكون فى اتباعها او تفاديها منفعة و خير
لمن يبحث عن عمل, او صاحب عمل يحتاج لمعاون, لمن يبحث عن فرصة للدراسة او من بامكانه تسهيل فرص
الدراسة, من يبحث عن معلومة او معلومات عن بلد غير البلد الذى يعيش فيه |
بالفعل هذا اقتراح جميل و هو يهدف للمساعدة حتى لو كانت بمعلومة خاصة أن المشاركين تختلف أماكن تواجدهم و مهنهم و هكذا...
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالكريم أحمد الامين)
|
سبق و ان ذكر في البوست أن الفنان عبد الكريم الكابلي من سكان الشعبية لفترة و اليوم يشاركنا الخ عماد عثمان - جدة برسالة عن حياة الكابلي و أغانيه و الحانه ، شكرا للأخ عماد عثمان:
Quote:
الفنان عبد الكريم الكابلي
( الجزء الأول )
- ولد الفنان عبد الكريم عبد العزيز الكابلي بمدينة سواكن ونشأ وترعرع بها واكمل تعليمه حتى الثانوي بمدينة بورتسودان حيث تخرج من الثانوية التجارية ثم سافر الى الخرطوم من اجل العمل حيث التحق بالمصلحة القضائيه وتعين في وظيفة مفتش بإدارة المحاكم وطاف العديد من مدن السودان في مجال عمله ومكث لفترة طويلة في مدينة مروي ووصل الى درجة كبير مفتشي إدارة المحاكم وفي العام 1977 م هاجر الى المملكة العربية السعودية ليتعاقد في احدى المؤسسات السعودية إداريا في مدينة الرياض ولم تستمر غربته طويلا حيث عاد الى السودان في العام 1980 م ليواصل رحلته الإبداعية مرة اخرى .
- غني عن القول ان تعدد المواهب لدي الفنان عبد الكريم الكابلي تعود الى البيئة التي نشأ فيها فوالدته شاعرة متمكنة وحافظة لرصين الشعر الشعبي واعذبه اما والده فقد كان وذو صوت جميل يطرب له جلساؤه في حلقات السمر التي كان يقيمها والتي كان يحضرها عبد الكريم عندما كان صغيرا وكان احد الشباب المبدعين واحد المثقفين الذين شاركوا في النشاطات الثقافية والفنية والإجتماعية في مدينة بورتسودان في الاربعينات وقد ورث الفنان عبد الكريم الكابلي كل تلك الصفات والمواهب المتعددة من والده ومن تجربته التي صقلته ليكون بعد ذلك احد رواد التجديد للأغنية السودانية ..
- بدا الفنان عبد الكريم مسيرته الفنية هاويا بالغناء للأصدقاء في جلسات صغيرة وكان يقوم بتقليد كبار الفنانين لفترة طويلة من الزمن ويعود سبب تردده في مواجهة الجماهير لإلتزامه الفني فهو يرى ان على كل من يتصدى لدور الفنان مسئوليه جسيمة تقع على عاتقه وان الإلتزام با الاستمرارية يصبح ضرورة يستوجبها التجاوب المشجع من قبل الجمهور في حالة النجاح وخلال تلك الفترة قام بإهداء الفنان الراحل المقيم عبد العزيز محمد داؤد اغنية يازاهية وهي اول اغنية لعبد الكريم الكابلي من كلماته والحانه وعندما قام الزعيم الراحل جمال عبد الناصر بزيارة السودان في العام 1960 م اصر اصدقاؤه من عشاق الفن ان يقدم بصوته انشودة اسيا وافريقيا للشاعر تاج السر الحسن والتي قام بتلحينها فقام بغنائها امام الضيف الكبير وكانت بداية مواجهة الجماهير وبداية النجاح وهكذا فقد كان صعوده الى خشبة المسرح مزامنا لصعوده الى قمة هرم الغناء السوداني .
- عرف عنه ومنذ وقت مبكر بالبحث والتنقيب في التراث الشعبي للشعر في السودان كباحث متخصص في دراسته وتجلى ذلك في عدد كبير من اعماله مثل ماهو الفافنوس وقلبي المن نشوه وخال فاطمة والحسن صاعقة النجم ومدحة ليلة المولد رائعة المجذوب حيث ياخذنا الى اجواء حلقات الذكر في ليالي المولد وقدم نماذج من الالحان الشعبية في اوبريت مروي وابرز هذه النماذج هو ( يا الحلة تنوري ) والتي استوحاها من من الأغنية الشعبية الشهيرة ياللوري تشيل منو . . غير غزال نوري تشيل منو . .
- تم تعيينه سفريا فخريا للنوايا الحسنة من قبل صندوق الأمم المتحدة في العام 2004 م وتم تكريمه بالدكتوراة الفخرية من قبل عدة جامعات سودانية وذلك نظير ماقدمه للفن السوداني من ابداع خالد اثرى به وجدان الشعب السوداني .
- امتاز بوفائه وتقديره للفنانين الذين سبقوه في مجال الفن وفي ذلك نستحضر إصداره شريط خاص للفنان الراحل حسن عطية بعنوان امير العود تناول فيه عدد من اعماله الخالدة وكما قدم في رمضان الأسبق مجموعة من السهرات الوثائقية لعثمان الشفيع والتاج مصطفى وعبد العزيز محمد داؤد .
|
و سنواصل رسالة الأخ عماد عثمان في اجزاء
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
عبدون محمد عبدون :-
Quote: والله ياصلاح تصلى العصر وتمشى الميدان تقول الشمش جمب اضانك ....
يا أخى انا مستغرب زمان كيف كنا بنلعب الكورة فى المواعيد دى ...
منور الشاشة ... |
الزمن بقى ممحوق البركة
وبعدين مش الزمن نقص ساعة بقرار سياسي ؟؟
مما يخالف البايلوجية الفطرية .
بكره الناس ح تتمرن الدغش لكثرة التمردين والمتمرنيين
..
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
و نواصل الجزء الثاني من مشاركة الأخ عماد عثمان - جدة عن الفنان عبد الكريم الكابلي:
Quote: الفنان عبد الكريم الكابلي
( الجزء الثاني )
- الاغنيات :-
- اغنيات عاطفية :-
- الشاعر صديق مدثر : ضنين الوعد .
- الشاعرعبد العزيز جمال الدين : لو تصدق .
- الشاعر توفيق صالح جبريل : كسلا .
- الشاعر تاج السر الحسن : اسيا وافريقيا ( اول اغنية للفنان الكابلي ) .
- الشاعر اسحاق الحلنقي : عقبال بيك نفرح يازينة .
- الشاعر عوض احمد خليفة : اغلى من عيني , كيف يهون , غرام , روعة الليل .
- الشاعر الحسين الحسن : طائر الهوى , صبابة , اني اعتذر (حبيبة عمري تفشى الخبر ) .
- الشاعر محمد الفيتوري : في حضرة من اهوى .
- الشاعر عمر الطيب الدوش : سعاد .
- الشاعر مهدي فرح : ياحليلكم .
- الشاعر حسن عباس صبحي : ماذا يكون حبيبتي .
- الشاعر محمد عوض الكريم القرشي : كلمني ياهاجر .
- الشاعر عبد الوهاب هلاوي : اغلى من نفسي .
- الشاعر التجاني حاج موسى : عز الليل .
- الشاعر محمد احمد سوركتي : حاول كمان ( اخر اغنيات الفنان عبد الكريم الكابلي ) .
- اغنيات عاطفية من كلمات عبد الكريم الكابلي : زمان الناس , زينة وعاجباني , من قلبي عقبالك , براق العيون , اكاد لا اصدق , تاني ريدة , اكيد اكيد حنتقابل , الشاهد قمر , مروي , شمعة , كل الجمال , ياجار , نسيم الصبا , كنا في حفلة ليلة , امير , المرايا , مشاعر , حبك للناس , كل يوم معانا , ياهاجر , ياحلو , ماخلاص نسيتنا , كللي ياسحب , ليس في الأمر عجب , سكر سكر , الليل عاد , قمر دورين , ياستار علي , الحلم الجميل .
- اغنيات وطنية :-
- الشاعر عبد المجيد حاج الأمين : هبت الخرطوم , ناصر .
- الشاعر ابو آمنة حامد : جمال العربي .
- الشاعر محمد سعيد العباسي : عهد جيرون .
- الشاعر عمر الطيب الدوش : مسئول كبير زار البلد .
- الشاعر سعد الدين فوزي : السودان الجديد .
- الشاعر صديق مدثر : نشيد التعاون , يازارعا بالعلم .
- الشاعر الشريف يوسف الهندي : اوبريت الهجرة .
- اغنيات وطنية من كلمات عبد الكريم الكابلي : فتاة اليوم والغد , فلسطين , عيد بلادي . كل العواصم تدور .
- اغنيات لشعراء عرب :-
- الشاعر عباس محمود العقاد : شذى زهر .
- الشاعر علي شريحة : اغلى من لؤلؤة .
- الشاعر ابو فراس الحمداني : اراك عصي الدمع .
- الشاعر علي محمود طه : الجندول , ليالي كليوباترا .
- الشاعر يزيد بن معاوية : نالت على يدها .
- الشاعر احمد شوقي : صداح ياملك الكنار .
- اغنيات من التراث :-
- ماهو الفافنوس لبنونه بنت المك نمر , الشيخ سيرو , الجنزير في النجوم , قلبي المن نشوه للحاردلو , القايمة بنبونه ودناب , , الموز روى , خال فاطمة , علي ( فرتيقة ام لبوس ) , نوم عيني , حليل موسى , كباس , زينب , خالد , الحسن صاعقة النجم .
- مدائح نبوية :-
- الشاعر محمد المهدي المجذوب : ليلة المولد .
- مدحة نبوية من كلمات عبد الكريم الكابلي : يارب العباد .
- كل الاعمال الغنائية اعلاه من الحان عبد الكريم الكابلي عدا :-
- اغنية طائر الهوى الحان بشير عباس .
- اغنية اغلى من نفسي الحان اسماء حمزة بشير .
- نشيد السودان الجديد الحان اسماعيل عبد المعين .
- اغنيات حقيبة برع وتمكن في ادائها عبد الكريم الكابلي :-
- الشاعر ابوصلاح : من فاح طيب رياه , وصف الخنتيلة , غزال الروض , خلي العيش , البديع الهواك سباني .
- الشاعر مصطفى بطران : دمعة الشوق .
- الشاعر خليل فرح : ماهو عارف قدمه المفارق , بدر التمام , الشرف الباذخ .
- الشاعر محمد علي الأمي : انت حكمة .
- الشاعر سيد عبد العزيز : بت ملوك النيل .
- الشاعر محمد بشير عتيق : الرشيم الأخضر ,
- اغنيات من كلمات والحان عبد الكريم الكابلي قام بإهدائها لزملائه الفنانين :-
- الفنان عبد العزيز محمد داؤد : يازاهية .
- الفنان ابوعركي البخيت : مرسال الشوق .
- الفنان كمال ترباس : بريدك والريدة ظاهرة في عيني .
- الفنان عمر الشريف : سامريني . . لم يواصل الفنان عمر الشريف مسيرته الفنية .
|
و نواصل..شكرا عماد على هذا التوثيق..
(عدل بواسطة الحاج حمد الحاج on 11-25-2008, 09:47 PM)
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالوهاب علي الحاج)
|
الجزء الثالث من مشاركة الأخ عماد الدين عثمان توثيقا للفنان الكبير عبد الكريم الكابلي:
Quote: - مقاطع لبعض اغنياته :-
- مروي :-
فيك يامروي شفت كل جديد
فيك شفت عيون لعبو بي شديد
وانكويت بالنار من زهور في خديد
وضقت في ليلي لذة التسهيد
ومهما زاد وجدي مابسيب الريد
لاني قلبي حنين وبعشق التغريد . .
- اسيا وافريقيا :-
عندما اعزف ياقلبي الاناشيد القديمة
ويطل الفجر في قلبي على اجنح غيمة
سأغني آخر المقطع لي الآرض الحميمة
للظلال الزرق . . في غابات كينيا والملايو
لرفاقي في البلاد الاسيوية للملايو ولباندنق الفتية
لليالي الفرح الخضراء في الصين الجديدة
والتي اعزف في قلبي لها الف قصيدة . .
- ضنين الوعد :-
يا ضنين الوعد اهديتك حبي من فؤاد يبعث الحب نديا
إن يكن حسنك مجهول المدى فخيال الشعر يرتاد الثريا
كلما اخفيته في القلب تنبي عنه عيناك ولايخفى عليا
أنا أن شئت فمن اعماق قلبي ارسل الالحان شلالا رويا
وابث الليل أسرارا الهوى واصوغ الصبح ذوبا بابليا
لاتقل اني بعيد في الثرى فخيال الشعر يرتاد الثريا . .
- اني اعتذر :-
حبيبة عمري تفشى الخبر وذاع وعم القرى والحضر
وكنت اقمت عليه الحصون وخبأته من فضول البشر
صنعت له من فؤادي المهاد ووسدته كبدي المنفطر
ومن نور عيني نسجت الدثار ووشجته بنفيس الدرر
ومن حوله كم شددت الضلوع فنام غريرا شديد الخفر
ولكن برغمي تفشى الخبر وذاع وعم القرى والحضر . .
- عز الليل :-
في عز الليل . .
ساعة النسمة ترتاح . . على هدب الدغش وتنوم
انا مساهر . .
هد الحيل . . غرامك واجترار الذكرى . .
طيفك في خيالي يحوم , ,
ياهاجر . .
- زمان الناس :-
زمان الناس هداوة بال وانت زمانك الترحال
وليلهم عمره ما سال وليلك لصباحو سؤال
بسيمتك يارقيق الحال ومكتوب ليك تعيش رحال
تسامر في الغيوم أشكال روائع تذهل المثال
شئ سيرة زفة بطبال عروسة في جبينها هلال
مواكب فرحة من اطفال يحاكو السمحة ست الخال
تلك الأغنية الرائعة كتبها الفنان عبد الكريم الكابلي في غربته والتي لم تستمر طويلا في السعودية وتنتهي تلك الأغنية بالمقطع التالي :-
غريب والغربة أقسى نضال . . غريب والغربة سترة حال
قريب وبعيد حضور وزوال . . تروم الاصلو مابنطال
تراقب في المجرة ذوال . . عيونك ما عيون اجيال . .
- لو تصدق :-
انا . . لو تصدق ياشباب عمري المفتق
شلت كل الريد مشاعر حلوة نديانه وخصيبة
واشتهيت يهل وعدك لي هناء أفراح وطيبة . . |
نواصل..شكرا يا عمده
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
شكرا عماد عثمان
وانت ترفد البوست بهذه المشاركة القيمة والثرة لك كل الشكر والود على هذه الاضاءة والاضافة وانت تكتب عن قامة سامقة وهامة عالية ورمز من رموز بحري والشعبية على وجه الخصوص وفي انتظار مشاركاتك حتى يتعطف علينا الاخ بكرى بمنحك العضوية وحقيقي انت اضافة حقيقية لبوستات بحري .
الاخوة كتاب البوست الرجاء المشاركة بالدعم للاخ عماد في البوست المفتوح بواسطة الزميل طارق ميرغني
في الرابط ادناه :
يا بكري : عماد عثمان يستحق...
دعمكم مطلوب وشكرا للجميع
| |
|
|
|
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
| Quote: نعى اليم ... وفاة العم عباس نور الدين والد الاخوان عبد المنعم والنقر وصلاح ونور الدين وحمدى وشقيق الاخ الطيب ابو شنب تغمده الله بواسع رحمته .. |
لاحول ولا قوة الا بالله انا لله وانا اليه راجعون
رحم الله العم عباس فقد كان ابا للجميع واخا
وعما عزيزا..والعزاء موصول لاسرته منعم والنقر وصلاح وحمدي
ونورالدين وشقيقه الطيب..وبناته وزوجته..تغمده الله بواسع
رحمته والهم اله وزويه الصبر وحسن العزاء
وايضا تغمد الله العم حسن محمد كيخا بواسع رحمته وغفر له ذنوبه
والهم اهله وزويه الصبر وحسن العزاء..
والله التأخير خارج عن ارادتي فقد خضعت لعمليه
جراحيه في الفكين الايمن والايسر استغرقت اربعه
ساعات يوم الخميس الماضي 20 نوفمبر وتفاجأت بهذه الاخبار
المحزنه..الحمدلله اتماثل للشفاء ولكن ببطء ولا استطيع
الاكل..اما الكلام فبصعوبه لكن الحمدلله علي كل حال
ولكم مودتي
| |
|
|
|
|
|
|
| |
عابدون محمد عابدون
الحاج حمد الحاج
عبد المنعم سيد احمد
عبدالوهاب علي الحاج
صلاح شكوكو
عزام حسن فرح
صلاح أبودية
بدر الدين اسحاق احمد
عزالدين محمد عثمان
Adil Osman
حسن طه محمد
عمر عثمان
الطيب عثمان يوسف
عبدالكريم أحمد الامين
فيس بوك
تويتر
انستقرام
يوتيوب
بنتيريست