|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
افكار عزام ممتازة من الناحية النظرية والاستراتيجية. ولكن علينا ان نبدأ بالواقع الان كما قال حسن طه والحاج حمد. الواقع الان والاحتياجات الضرورية للمدارس. - الماء مع الماء لحياة التلاميذ والمعلمين والعمال يمكن زراعة الاشجار والزهور باقل تكلفة ممكنة. مع الماء يمكن اجراء الترميمات المستعجلة للفصول والمكاتب. شقوق الحيطان التى تدخل الهواء البارد فى الشتاء والشمس الحارقة فى الصيف. مع الماء يمكن رش الفصول والحيشان للسيطرة على الغبار الذى ينقل الكثير من الامراض خاصة امراض الجهاز التنفسى. وتبريد الجو . مع الماء يمكن عمل حلة عصير للتلاميذ كل يوم. باالماء يمكن اجراء الاسعافات الاولية فى حالة الخدوش والجروح والرعاف الخ. والماء ضرورى لقضاء الحاجة.
وهكذا ننتقل من الضرورى الى الذى يليه الخ.
ارى ان ندعم كل المدارس فى نفس الوقت بما تيسر. حتى لا نخلق احساس بالتحيز او المحاباة. انا متأكد ان الناس سيواصلون دعم المدارس كل حسب قدرته عندما يرون الانجازات ولو كانت بسيطة. لهذا يجب متابعة هذه المشروعات بالتوثيق والاعلام عنها بما يتيسر من امكانيات. ونشرها هنا فى بوست الشعبية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
أعزائي
وصل تحويل الأخ الدكتور عبد المحمود محمد عبد الرحمن وهو مبلغ الف ريال سعودي تم استلامه.
الشكر مجددا له وهو ابن الشعبية الذي لم يسكن الشعبية بالمعني الحرفي للكلمة .
الأخ عزام
وبقية الاخوة الكرام
اقتراحك يا عزام جميل ويحتاج لعمل وجهد كبير.
نبدأ بما نستطيع الآن وربنا بيسهلها ان شاء الله.
يا حاج حمد
ما زلنا منتظرين مساهمات الاخوة الذين سبق لهم ابداء موافقتهم وحماسهم المنقطع النظير.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: حسن طه محمد)
|
Quote: ارجو ان نجمع كلمات الرندوق هنا ونشرحها بلغة واضحة وبسيطة. |
1- الفردة نقشنا و فحط : الصديق لمحنا و جرى. 2- ولد الاجات مريش و مرطب: ولد أغنياء صاحب مال و مرتاح. 3- الفردة كيس الدامة و اتكسرت فيهو : الصديق نجح في اقناع البنت و وقعت في حبه.
غايتو يا عادل محمد عثمان الواحد فعلا جاهو احساس انو بترجم بس المشكلة هنا لو في كلمة غلبتك ما في قاموس ترجع ليهو الا تستعين بصديق و في الحالة دي تستعين (بفردة مقرم من الشارع).
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الاخوان الأعزاء سلام واسمحوا لى أن ارسل هذه الرسالة الخاصة للأخ منير لاني سبق وان ارسلت له عبر الأيميل الذى اخذته من الاخ الحاج وعادت الرسالة لعدم التسليم .ويامنير ايه رايك تسيب البلد البعيدة دي وتجي تكابرنا هنا وتكون قريب من الشعبية والزومة وكل الحاجات البتحبها وخاصة الدوحة فيها رابطة كبيرة للزومة،واهلنا الشايقية يامنير كانوا بعتبروا الخرطوم غربة فكيف باللة وصلت لتلك البلد البعيدة وسويت ليك فيها بيت كمان وزي ماقال لى أحد الأصدقاء أنتو أهلكم ديل الواحد يجي الخرطوم ويقعد يغني ياحليلك يابلدنا وبتذكرك يايمة ساعة الناس يجونا من البلد ويضربوا الجرسة، المهم يامنير فى مؤسسة الكهرباء والماء القطرية والتى أعمل بها هناك وظائف شاغرة عديدة لمهندسين كهربائبن وطبعاً زي خبرتك دي تكون مطلوبة وبشدة ولو رأغب فى العودة للقرب الوطن فادخل على موقع www.kahrama.com.qa وأختار وظائف شاغرة وشوف مايناسبك من وظائف المهندسين الموجودة فيهو ،والكلام ده لاني شايفك تحن للعودة والاهل والشعبية وذكريات الماضي وبرضو نحن نتمني وجودك معنا فى المؤسسة اولاً والدوحة ثانياً مع سلامي لك وللجميع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: معاوية محمد الحسن)
|
Quote: وزي ماقال لى أحد الأصدقاء أنتو أهلكم ديل الواحد يجي الخرطوم ويقعد يغني ياحليلك يابلدنا وبتذكرك يايمة ساعة الناس يجونا من البلد ويضربوا الجرسة، |
الأخ المستشار معاوية محمد الحسن
تحياتي و ياخي اخدت العضوية دي بعد كفاح مسلح مع بكري عشان كده ما تحرمنا من مشاركاتك و ما (تطول بالحيل) زي ما بقولوا اهلك الشايقة.. بالنسبة لي منير أهل مكة أدرى بشعابها و ح يرد عليك لكن (باقي لي الزول دا اتورط بي هناك). بمناسبة جرسة أهلكم الشايقية من الغربة مرة منتظرين العيش يطلع أيام الازمة الشديدة قدام فرن الشعبية و الناس يتونسوا عشان يخففوا مرارة الانتظار ، واحد من النوع البونس الناس كلهم جات سيرة الشايقية قام قال : و الله الشايقية ديل تسمعهم يغنوا لي كريمة تقول كريمة دي في الصين! ما أهو قطر كريمة في الأسبوع مرتين لو مشتاقين ليها ما تمشوا ، و انفجر الجميع ضحك لهذا التعليق..
يا معاوية واحد قال لي ناس عمان بيقولوا : قطر قروش مطر ما عاوزين ليكم Finance Manager نقوم نجيكم بي غادي (الناس من الغربة بقت تفتش في غربة).
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الاعزاء ابناء الشعبية سلام مزيد من المعلومات التعليمية .. مدرسة الصبابى المتوسطة ... او الاميرية (3) تم تحويلها الى مدرسة اساس تتبع الى حى الشعبية جنوب يديرها استاذ خالد من الكدرو ومتزوج من الشعبية جنوب ... مهموم بحب الشعبية وحب التعليم ...تقع غرب مدرسة الدايات . الاستثمار فى المدارس الحكومية هو وحدة ايرادات لادارة التعليم الاساس بالمحلية يدار بواسطة المحلية ...وكل المدارس الحومية خاضعة لهم ولا يتم امر فيها الا بأذن منهم كنت عضو فى محلية بحرى ...تقدمت الينا وزارة التعليم العالى بطلب لشراء مدرسة الاميرية 1،2 بنات الريفية ...لتشييد جامعة عليها ... وبقدر ما تم الاعتراض من قبل ممثلين الشعبية تم الامر وبيعت لجامعة الزعيم الازهرى وهى جامعة حكومية فقط بمبلغ 18 مليون جنيه بالقديم
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
الأخ بدر الدين
تحياتي الأفكار الخاصة بالاستفادة من نادي الشعبية جنوب و شمال فكرة جيدة و عملية خاصة أن نادي الشعبية شمال مظلم و غير مستفاد منه حاليا.
أولاد شمبات لهم تجربة ثرة في الدروس الخصوصية ، و قد كونوا رابطة أولاد شمبات بالجامعات و قد قدموا انجازات كبيرة لمنطقتهم ، بل أن بعض اولاد و بنات الشعبية استفادوا من الدروس التي قدموها اولاد شمبات و هذا مثال حي..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
Quote: عادل سلام وتحايا كده يا خوى ادينا خبرك فى الدنيا على الايميل بتاعى ....لدى كثير من الاسئلة والاستفهامات عايزين ليها اجابات ...وعندنا هموم نحسب انها يمكن ان نتشارك فيها كده ادينا الخبر وبعد داك نشوف الخير شنو |
اسئلة واستفهامات؟ ده تحقيق ولا ايه يا سعادتك؟ هههه البلد فيها تحول ديمقراطى وكده. انتو مش بتوع التحول الديمقراطى برضه؟ انا حانزل انتخابات فى دائرة الشعبية والهجرة.. مستقل. لكن مع الاشتراكية. نرفع راية هم خلوها تحت الشمس مرمية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: شايف ناس الشعبية كلهم مشوا البوست بتاع الأميرية (1)... نقوم نفتح بوست للأميرية(2) ونتم الناقصة؟ |
يا صلاح بس فى تركيز شوية هناك .... و الإسبوعين ديل عذاب و مشغولية.... بعد ذلك نتوقع وصول الوالدة من السودان خلونا نتم جكتنا بهناك ... و افتحوا بوست الأميرية -2- و شاركوا معنا فى بوست الأميرية -1- تسلموا
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Mohamad Shamseldin)
|
Quote: الاعزاء حاج حمد منير عادل محمد عثمان السلام عليكم وكثير من الاشواق لكم من الاخ المهندس بشرى فضل خليل مدير ادارة التشغيل فى شركة سار للسكك الحديدوهذا هو الايميل [email protected] الاخ بشرى ...تفاكرت معه على تبنى تكلفة فصل اللغة الانجليزية مع بعض ابناء الشعبية فى المدارس الاربعة ... |
التحية للأخ و زميل الدراسة بشرى فضل و هو كان يمثل ثنائي مع قريبه الأخ عبد الوهاب و قد زاملنا منذ المرحلة الابتدائية بالشعبية شمال (مدرسة الخشب) ‘ و كان يشكل ثلاثي مرح هو و عبد الوهاب و عبد العظيم محجوب و كانت النكتة لا تفارق هذه الشلة ، شاهدت الباشمهندس بشرى في أخبار التلفزيون قبل أيام ، له التحية و سوف أرسل له رسالة على بريده الالكتروني.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
الاخ الاكبر عادل سلامات
Quote: اسئلة واستفهامات؟ ده تحقيق ولا ايه يا سعادتك؟ هههه |
انت ياخــوى مااظنك مواكب الحالة بقت فيها اسئلة واستفهامات وتساؤلات من ناس الحركة الشعبية .... ياخــوى والله البلد وناسها تغيروا تماما نحو شنو ..ابحث واسأل بتجد اجابات .. اهم حاجة الناس بعد الان ما بيتخموا تانى حتى لينا نحن ذاتوا
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
..
التحية والتقدير للشعبيين والشعبويين (( جنوبيين وشماليين )) للقدامى والجدد والذين يعطرون غيبتنا والمكان بجزيل الكلم وروعة الحروف ..
كماأجزل التحية والتقدير لفارس الحوبة الأخ (( حاج حمد )) صاحب الشجرة والدوحة الظليلة وهو يسيوس المكان وأهله بحسن الكلمة وجميل العطاء .. وأهمس في أذنه بأن لا ينس إدراك البوست في الأرشفة كلما فتح الأخ (( بكري أبوبكر )) باب الأرشفة حتى لا ينتهى البوست وحتى لا تموت صفحاته التي نودها أن تكون قياسية ..
(( فقط قم بوضع رابط البوسط على صفحة صفحة الأرشفة ))
وحتى نستفيق من غفوة إنشغالنا نتمنى لكم كل المودة والتقدير
..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
Quote: التحية والتقدير للشعبيين والشعبويين (( جنوبيين وشماليين )) للقدامى والجدد والذين يعطرون غيبتنا والمكان بجزيل الكلم وروعة الحروف .. |
التحية و التقدير للأخ صلاح شكوكو فارس الكلمة ، الذي كان له فضل في اعطاء هذا البوست نكهة خاصة متميزة ، و أرجو أن يعود بعد انقضاء المشغوليات بذكرياته الجميلة و كتاباته وفاء لبعض سكان الشعبية الذين كان لهم الأثر الكبير في مسيرة الحياة بالشعبية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
شكرا جزيلا جميلا لك اخي حاج حمد فقد أعطيتني اكثر مما أستحق ولما كانت الفرصة غالية وعزيزة للإلتقاء بجمعكم فلا بأس من أن أعطيكم آخر نكتة وصلتني عبر بريدي من صديق مصري . رغم أن النكته فيها شيء من الإستهزاء الثقافي إلا أن ناقل الكفر ليس بكافر كفر الله عنا ماران فينا ورين حول قلوبنا . ...
صعيدي صدم 52 شخص بالسياره فبدأوا التحقيق معاه :
الضابط: إزاي عملت المصيبة دي ؟؟ تصدم 52 واحد؟؟ ليه- أعمي؟
الصعيدي: يابيه آني ماشي وفجأه لقيت الفرامل سايبه وكان فيه طريقين, طريق فيه واحد يمشي والثاني فيه فرح - أدخل أنهي فيهم؟
الضابط: تدخل طبعاً اللي فيه واحد ماشي .
الصعيدي: آهو هو ده اللي أنا عملته .
الضابط: طيب وال 51 الباقين خبطتهم إزاي ؟؟
الصعيدي: ما هو الراجل الغبي جري ودخل وسط الفرح - أسيبه يعني ؟؟؟؟؟؟؟؟
...........
(( شدوا حيلكم مع حاج حمد ياشباب لغاية مانرجع ))
...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
شكوكو النكتة دي ذكرتني نكتة المسطول الذي حضر للطبيب و دار الحوار التالي:
الطبيب : الحرق أضنينك شنو؟ المسطول: واحد اتصل و انا بكوي ومشغول بدل ارفع التلفون رفعت المكوة ختيتها علي اضاني. الدكتور: و طيب الاضان التانية الحرقها شنو؟ المسطول: ما الحيوان دا اتصل تاني.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح شكوكو)
|
Quote: hajhamad تاريخ التسجيل: 05-02-2002 مجموع المشاركات: 1474
كتبت لي بكري يغير الNickname من hajhamad الى الحاج حمد الحاج و اكتشفت انو تسجيل جديد يعني اللاعبين الخطيرين الذين سعينا لتسجيلهم ناس عزام و بدر الدين اسحاق و معاوية محمد الحسن بقوا اقدم مننا حسب تاريخ التسجيل الموجود على البروفايل..و دا تاريخ هام سوف أسعى لاسترجاعه لأنو تقريبا أنا أقدم واحد مسجل في الموقع دا. |
الأخ شكوكو
لما بدأ الموقع عام 2002م كان أغلب المشاركين يسجلون بأسماء حركية أو باشارة فقط للاسم الحقيقي لعدة أسباب ، الآن كل المشاركين يسجلون بأسمائهم و قد اكتشفت أن اسمي موسيقي و قررت تعديل الاسم و كما اشرت فانني فقدت سجل تاريخي اذ أنني من اول الذين سجلوا بهذا الموقع و كان عددنا بسيط جدا في ذلك الوقت.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
يا أخواننا نزلنا ليكم web cam مافي زول قال بغم !!! .. الصينية دي كانت آخر محطة لي - في مدينة Saffle - جنوب السويد !! .. الحقيقة لقيت نفسي لافي صينية هنا يوميآ عدة مرات لأني كنت حأشتغل في شركة في نهاية هذا الشارع .. Saffle مدينة صغيرة يمكن قدر الشعبية من حيث المساحة ولكن عدد سكانها لا يتعدي الـ20 ألف نسمة .. خضراء جدآ في الصيف وبيضاء يكسوها الجديد تمامآ في الشتاء .. فيها مستشفي واحد ومركز تسوق واحد ومكدونالدز واحد وموقف بصات سفرية واحد ومحطة قطار وطرمبتين أو تلاتة بتاعة بنزين وفندق واحد وأجزخانة واحدة ومجمع رياضي واحد وسينما واحدة صغيرة وكبري واحد صغير ودكان عرب واحد ومكتبة واحدة ومكتب بوليس واحد .. و..و.. أي مرفق حياتي ضروري ـ واحد ـ !!! بس التقول الشعبية ذاتها .. اللهم إلا الناس .. تكون ماشي في الشارع ما يقابلك إلا واحد ونص زول في الساعة !!!.. عشت فيها 6شهور وفحطت .. تنفع مع الزول الذي يهوي الهدوء وحياة الريف الاسكندنافي .. طبعآ الصورة live تشاهد فيها Saffle ليلآ ونهارآ صيفآ وشتاء بصورة متجددة كل 10 ثواني ..
يا أخواننا انا لطالما تمنيت أن تكون هناك WebCamera مغزوزة في الشعبية تتلفز لينا ميدان الرابطة أو السوق أو شارع المدارس أو حتي داخل الجامع عشان الواحد يبل الشوق ويكون متواصل كأنه يسافر يوميآ لهناك .. بالله دي بتكلف شنو؟؟ ..
آسف لعدم الموضوعية ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: آسف لعدم الموضوعية ..
|
الأخ منير
تحياتي ، بالعكس هذه كامل الموضوعية ، و من ضمن أهداف البوست التعرف على تجارب أبناء الشعبية الذين هاجروا لبلاد الخليج أو أمريكا أو أوروبا ، و أرجو أن تحكي لنا عن تجربتك الثرة و مداقشتك في بلاد الخواجات ديل و رحلاتك العلمية لكثير من البلاد ، هذه تجربة انسانية نقلها و عكسها يكاد يكون واجب فالحياة تجارب يستفيد منها الجميع ، أرجو أن يحكي لنا الأخ عادل محمد عثمان عن هجرته لبلاد الانقليز (حقوق الاملاء محفوظة للأخ عادل و هو يكتب الانقليزي بهذه الصورة و هو محق).
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
عصرية في ميدان الصداقة بدأ الجو جميل (جو دافوري) و ظهر يوسف المفك يحمل مجموعة من الكور و هو يقف أمام منزلهم و معلق صفارة ، عندها جرى مجموعة من الأطفال و استقبلوا المفك و استلموا الكور و دخلوا الميدان و في دقائق الميدان اتملأ بمجموعة من الاطفال كل ثلاثة شالوا ليهم كورة و بدأوا اللعب ، و بدأ يظهر الكبار ، جاء كمال خوجلي (كديس) و ظهر عبد علي الزين و بعد التحية بالاحضان و السؤال عن الحال ، و بسأل كديس : ما شفناكم في بكاء ناس فلان أمبارح؟ يرد عبده : ياخي ما عندنا خبر أصلوا أمبارح ما قيلت في الشعبية ، خلاص نمشي بعد التمرين عندها تجي الكورة مدردقة قدام كمال كديس و يتبادل الكورة و ما زال يكمل الونسة مع عبده ، و يدخل معهم في اللعب و الونسة عاطف بين (تيتو) و مع زيادة الكبار يبدأ الاطفال تدريجيا في الانسحاب و على وجوهم مسحة غضب ، و لكن يبدوأ هم ايضا في التجمع خلف العراضة الشرقية بين الميدان و المدرسة و شوية يكتمل العدد الكافي لبداية التمرين و يصفر يوسف المفك و تبدأ عملية التقسيمة و تبدأ التعليقات : الفتة داما تجيبو لينا بي جاي و يضحك الجميع و يزعل الفتة و يرد : بعدين بنشوف الفتة منو و الله الليلة محاورة لما تقع في الواطة..يصيح مرتضى رشوان و هو يجلس في ركن الميدان بالقرب من خالد حمدون (فرفور) و الله يا كوتش في ناس مرض حقو تطلعهم يقعدوا جنبنا هنا و عندها ينفجر خالد فرفور ضاحكا و الله صاح يا كوتش خاصة واحد أخونا كده هو عارف نفسو؟ و الضحك يتواص مع بداية التمرين و صيحات الاستهزاء مع كل محاورة ، و تسمع الجماعة برة واااااااااااااك حاوروهو وااااااااي حاورو بالله اااي..و نواصل العصرية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
عصرية في ميدان الصداقة جلست شلة تانية في كراسي على الجهة الشمالية للميدان مقابل منزلنا و منزل ناس عبد الله بين ، ضمت الشلة سمير (جورج) و أحمد أبو سعد و صلاح حمد و اسماعيل سكر (زمبة) و آخرين و هذه الشلة يتحلق حولها آخرين يكتفون بالاستمتاع بالتعليقات الساخرة من سمير جورج و الباقين ، واحد يقع في الواطة يعلق سمير جورج : قوم يا مرض قلنا ليكم الويكة دي غيروا منها و تضحك الشلة و واحد من الشلة يعلق : انتو يا جورج بتأكلو شنو ؟ حمام يعني؟ و تضحك الشلة لهذا التعليق و تتفاعل الشلة مع كل لعبة و تعليق..ينضم للشلة حيد الجقدلي و قبل ان يجلس يطلق تعليق بصوت عالي : شايف الليلة في رواكيب ظهرت نقوم نفتش كدارتنا ( و يكون شاهد واحد من العجايز في التمرين).
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
السلام علَيكُم ورحمة الله تعالى وبركاتِهِ ،،،
الرائِع ... الإنسان ... السَيِد الفاضِل /الحاج حمد الحاج (بِالجديد)
دائِماً أجواد ... أها يا ناس الشعبِية أكتُبوا ساي بعد ده ... بس أعمى مسكو عُكاز
السَيِد /حاج حمد حاج (بِالقديم) أكان ما بخاف الكِضِب ، تقول قِدِرت أرسِل ليك ماسينجر لو سمحت أفتح الماسينجر ، وأبلِغني بِالوصول ، لآن الموضوع بِتاع الماسينجر ده عِرفتو مِن السَيِد الفاضِل / أبوجُهَينة (كاتِب قِصة السَرِية) وطوالي شبكت فيهو ، قُلت أجرِبو في حضرتِكُم شان بريدك ... ايه رأيك في حِكاية اللون الأخضر ده ... بس مغسه في ود أبودَية وبدرالدين ... شِن قدرُم يِسوها ... كِتابة بِالألوان ... سمح العِلم
ودُمتُم ،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
يا اخواني الأعزاء أعذروني فقد فاقت مشغولياتي ( العملية ) مشغوليات صديقنا العزيز
صلاح شكوكو
ومع كدا لازم أطل علي البوست واليوم الأغيب فيه كانو حاجة رايحة لي
وافتكر الواحد لازم يطل حتي ولو لتذكير الاخوة الأعزاء علي موضوع رد بعض الجميل للحي
خاصة وطولنا ما شفنا زيادة في القائمة
وأقول : ما يصير .
وصورتك يا عادل شخصية مما كنت صغير.
لي صورة حين كنت في مدرسة الدناقلة شمال الأولية ونشرت بمجلة الصبيان آنذاك.
هل من يدلني عليها ؟؟؟؟؟؟؟؟؟
ودمتم .
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: حسن طه محمد)
|
الأخ توفيق عبد المجيد
تحياتي و شكرا لمرورك ، فيصل الحوري زميل دراسة و صديق تحياتي له من على البعد..
الأخ عزام فرح
قمت بالرد على رسالتك على الماسنجرمع شكري و تقديري و أنت تزين البوست بروائع قلمك..
الأخ حسن طه
رغم مشغولياتك الكثيرة فأنت تمثل مايسترو و تمثل المحفز للباقين للحاق بركب الوفاء للشعبية..لك تحياتي.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الاخ الحاج حمد الحاج السلام عليكم تقرير تنفيذى ذهبت الى الاخ اسامة ولم اجده فهو يسكن فى امدرمان ..لكننى تواصلت معه عبر التلفون وسنعقد اجتماع تنظيم وتوحيد للجهود خلال ايام مع الدفعة صلاح ابو دية .. موضوعنا التعليم مبدئا.. جلست مع الاخوة ناس نادى الشعبية جنوب واتفقنا على البرنامج الاسعافى للتعليم لطلاب (ثامنة ) وثالثة عالى ...فى مادتى الرياضيات واللغة الانجليزية ... نفس الفكرة سننفذها فى نادى اللجان بالشعبية شمال هذا الاسبوع .... وزارة التربية مانعة اى كورسات فى العطلة الصيفيية فى اى مدرسة او معهد ....لذلك سنعمل هذه الكورسات فى الناديين قمت بالاتفاق مع استاذ رياضيات للبدء فى هذا الاسبوع ..سيكون الفصل بعدد 25 طالب فقط بنات واولاد يعنى مبدئا عندنا 4فصول فى الشعبية جنوب و4فصول فى الشعبية شمال التحدى الاكبر لنا بالداخل ان تكون هذه الكورسات مجانا لكل الطلاب ...وسنحرص على تمويل هذه الكورسات بالمكون المحلى ...وخالين ناس الخارج والمغتربين الى الشديد القوى ... اول الغيث قطرة ومعا من اجل طالب شعبياوى متميز ومتفوق ومنافس فى كل الجامعات
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
إنا لله وإنا إليه راجعون توفيت صباح اليوم بمستشفى الجبيل فى السعودية السيدة انتصار سالم محمد نور زوجة شقيقى عصام ووالدة مهند ومازن ومحمد وشقيقة محمد نور وقريب الله وامير وآمنة وأميرة ود. إنصاف سالم. اسأل الله أن يتقبلها قبولا حسنآ وأن يعوض شبابها الجنة وأن يلهم عصام واولادهم والاسرة الصبر. الدوام لله.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
أحر التعازي للأخوان محمد نور و قريب الله و الأسرة..
تعازينا للأخ عصام محمد عثمان و البركة فيكم يا عصام و في أولادك..
التعازي للأخ عادل محمد عثمان و آل محمد عثمان...
التعازي لكل الأهل و الجيران بالشعبية...
تغمدها الله بواسع رحمته (انا لله و انا اليه راجعون)...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
لا حول ولا قوة إلا بالله .. تغمدها الله بواسع رحمته وأدخلها فسيح جناته مع الشهداء والصديقين وألهم آلها وذويها الصبر وحسن العزاء ..
أحر التعازي للأخوان محمد نور و قريب الله و الأسرة..
تعازينا للأخ عصام محمد عثمان و البركة فيكم يا عصام و في أولادك..
التعازي للأخ عادل محمد عثمان و آل محمد عثمان...
التعازي لكل الأهل و الجيران بالشعبية...
إنا لله وإنا إليه راجعون
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
اتصل بي هاتفيا الأخ أسامه سليمان و قد بلغني أيضا بخبر وفاة زوجة الأخ عصام محمد عثمان و بعدها مباشرة قرأت الخبر الذي سطره هنا الأخ عادل محمد عثمان..بعدها أجريت اتصال بزوج المرحومة الأ خ عصام محمد عثمان و نقلت له تعازي الأخوان هنا و كذلك اتصلت بالأخ بشرى محمد عثمان معزيا.. لها الرحمة و المغفرة و البركة في الجميع.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
أرحب بالأخ أسامه سعد ، ذلك الانسان الرائع و الذي بدأ باسم الله الرحمن الرحيم ، بانضمام أسامه نكون سجلنا لاعب خطير (ان شاء الله ما يتمرد على ادارة الفريق كما يفعل كمال الزبير و حسين عبد الحليم و غيرهما من اللاعبين)..أرحب بك أخي أسامه مرة أخرى و منتظرين ذكرياتك و مشاركاتك..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: اسامة سعد)
|
وصلتني الرسالة التالية من الأخت بنت البلد و قد سبق و أن كتبت لنا من قبل و هي ترغب في الانضمام لعضوية المنبر و سوف أقوم بالكتابة للأخ بكري أبو بكر مثنيا:
Quote: الأخ الحاج حمد والأخوة أبناء الشعبية لكم التحية والود بعد الإستئذان من السيد الوالد قررت الإنضمام لهذا المنبر لكنني علمت ان الإنضمام يتطلب تزكية من بعض الأعضاء القدامى أرجو أن أجد دعمكم لي بالإنضمام لكم بإسم بنت البلد ولكم عاطر الشكر والتقدير أختكم بنت البلد |
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
أحر التعازي للأخوان محمد نور و قريب الله و الأسرة..
تعازينا للأخ عصام محمد عثمان و البركة فيكم يا عصام و في أولادك..
التعازي للأخ عادل محمد عثمان و آل محمد عثمان...
التعازي لكل الأهل و الجيران بالشعبية...
تغمدها الله بواسع رحمته (انا لله و انا اليه راجعون)...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين محمد عثمان)
|
Quote: مرحبآ بالأخ العزيز أسامة سعد بيننا .. نورت الدار يا أسامة ..
إنت يازول كنت غاطس وين .. ياخي أنا أول ما دخلت الانترنت دي ـ سنة93 ـ كنت أعتقد أن أول من أصادفه سيكون أسامة سعد !! .. تقوم تظهر لينا بعد 15 سنة؟؟ !! .. uote |
يا منير زمان انت قلت انا و أسامة سعد دا جارين ورا بعض من بحري الحكومية لجامعة الجزيرة ، و بعدها كل واحد جرى ليهو علي بلد ، فأكيد واحد فتر شوية من الجري و يكون أسامه لأنو ما جرى وراك للنت ، و يكون أخد شوية راحة بعد ال 15 سنة دي و بدأ الجري تاني..مرحبا مرة أخرى أسامة سعد
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين محمد عثمان)
|
جقدليات:
*الجقدلي مرة يتكلم عن الفوضى الحاصلة بمصلحة المخازن و المهمات ، قال في قسم مختص بعمل صيوانات المناسبات و يوم العمال انتهوا من عمل صيوان و قعدوا كلهم على الأرض و طلبوا شاي سادة و ضربوا الونسة ، بالصدفة مر المدير العام و شاف العمال قاعدين على الأرض و الشاي السادة قدامهم طوالي مشى عليهم و وقف قدامهم و قال : يا جماعة الفاتحة!!!
* حكى حيدر حكاية طريفة قال الجماعة كان في المخازن بسرقوا البوهية ، كل واحد يجيب عمود بتاع أكل و لما يجي ماشي يملآ العمود بوهية ، يوم واحد من ناس بحري الشفوت شايل العمود مليان بوهية بيضاء ، بتاع الأمن كان لابد ليهو ، أول ما جا قدام البوابة بتاع الأمن قال ليهو: يا زول العمود دا فيهو شنو؟ صاحبك بذكاء و سريع فتح غطاء الطاسة الفوق و ساط البوهية البيضاء بأصبعو و لحس الأصبع و قال لي بتاع الأمن : ما روب انتو قايلين الناس كلهم حرامية و قفل الطاسة سريع و هو ماشي ، بينما وقف بتاع الأمن مشدوه..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
Quote: الاخ الحاج حمد سلامات قلنا كلام كثير ....وبعد كده قلنا نعمل قليل ... ما سمعنا رؤية الاخوة ابناء البوست فى جملة المقترحات عشان نبدأ ولو قليل
|
الاخ بدر الدين سلام طبعا الناس البرة يقدروا يساهموا ماليا و التنفيذ عليكم انتو ناس الداخل ، و قد اعلنت مساهمات و هي جاهزة و قد وصلت بعض المساهمات للشخص الموكل بالسودان ، و قد اتصل بي الأخ أسامة سليمان و قد تم التنسيق لاجتماع يضم بعض الشباب من الشعبية شمال و جنوب و الأخ صلاح أبو دية من ضمن المجموعة..لك تحياتي و أرجو ان نرى خطوات عملية للمصلحة العامة..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
Quote: واتساءل عن غياب الاخوة الاعزاء شمس الدين ساتى حسين عبد الحليم كمال الزبير عابدون
وارجو ان تمنح الاخت (بنت البلد) عضوية المنبر فى اسرع فرصة ممكنة. |
بالنسبة لغياب الخوان ديل فعلا يحير و طبعا عارفين المشغوليات لكن أسرقوا لينا دقائق عشان عيون الشعبية..و أرجو أن تكتب الأخت (بنت البلد) عن طريق الايميل لحين حصولها على العضوية.
يا عادل الظاهر شمس الدين ساتي في اجازة في السودان و عارف في السودان خلال الاجازة أصعب حاجة تلقى ليك فرقة تدخل نت.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الأعزاء
تحياتي
قرب موسم الاجازات الصيفية
والكثيرون يستعدون لها ودخلوا السوق
وموضوع رد بعض الجميل للحي اخذ بعض الوقت
وحان موعد التنفيذ ولو بالقليل الممكن
وأري أن موسم الاجازات فرصة طيبة للتنفيذ
حتي ذاك الوقت الجميع في انتظار المساهمات واعتقد بالتزام الجميع خاصة أولئك الذين وعدوا بالمساهمة عبر هذا البوست يمكن عمل الكثير
شكرا للذين بادروا بالمساهمة ومن بينهم مساهمون من خارج الشعبية ولكن الشعبية في قلوبهم
في انتظار مساهمة جميع من أبدوا الاستعداد للمساهمة
سارعوا يحفظكم الله
ودمتم ،،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
التحيها اليكم ابناء الحي واخص بالتحيه الاخ الحاج حمد و بقيه الكواكب 0 انا الفاضل يسن الساكن في مربع T 8/9 شقيق فهمي و فيصل و يا حاج نحن الدفعه الاخيره منكم كثير وهنا مربط الفرس للتواصل في توثيق الاشياء للشعبيه لان ماوثقتم اليه لاشك مدهش للغايه و تابعته و لتواصل الاجيال اهميه في مثل هكذا توثيق صيروره معكم سوف اكون بادمان فترقبوا مع محبتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الفاضل يسن عثمان)
|
أرحب بالأخ الفاضل يسن عثمان و هو متابع للبوست منذ فترة طويلة و قد اتصل بي تلفونيا مؤكدا متابعته لما يكتب ، الآن و قد نال العضوية بالتأكيد سوف يكون مشاركا فاعلا.. والد الفاضل حكم السلة الدولي يس عثمان كان له الفضل في وضع اللبنات الأولى لهذا المنشط و قد شهدت فترته نشاط كبير لهذه اللعبة و هو رياضي أصيل ، و ساهم في العمل العام و الاجتماعي بالشعبية و من الذين وضعوا بصمات واضحة في هذه المجالات.الأخ الفاضل أكمل دراسته بالمغرب و بعدها الى بريطانيا حيث يقيم الآن..لك كل الود أخي الفاضل و مرحبا بك مرة أخرى.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
شكرا للاخ الحاج حمد حقيقه نلت العضويه في اليومين الاخريين0 و بوست الشعبيه اول مشاركه لي لانه بوست كامل الدسم و يوثق لجزء اصيل من بحري0 و شرف كبير لي ان اكون بجانب الفطاحله و المبدعيين من ابناء الحي 0 جامع الكفر و القلم صلاح شوكوكو0 و الرائع عادل محمد عثمان و الموهوب عزام و لاشك الربان الحاج حمدو بقيه الكوكبه لكم محبتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
Quote: يا حاج حمد يا سَيِدي الفاضِل شايفك بِتسأل وين الناس مشوا ... أها شُفت ليك صلاح أبودية في [ إنداية ] رأفت ميلاد بِالله شوف الزول ده ... يِمِش براهو ما يِحدِث زول ... شكيتك على الله ... إنشاءالله بقنِية رأفت ميلاد ما تنفعك ... يا حاسِد.
|
و انا أقول سعادتو دا وين هو بالله مع بوست ميلاد! تعرف يا عزام نلف النت دا كلو لكن نحس بالمتعة هنا في الشعبية..يعني زي ما بيقولوا الحمام محل شرب موية السكر و هو صغار يلف و يجي عشان كده ما تخاف خليهم ياخدوا لفة و بيجوا جارين للشعبية الطحنية..
بدر الدين فتح كم بوست و كنت حريص على المشاركة لكن لبعض المشغوليات لم اتمكن ، له التحية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الشكر للاخ عزام و ترحيبه بي و كذالك الاخ عادل0 حقيقه نحن فعلا الجيل الذي ولد في الشعبيه ولا ازيع سرا اذا قلت بان اهلي عند انتقالهم الي الشعبيه ذات يوما صباحا اذا بي اولد عصرا يعني كنت فأل خير وكده0 طبعا اكيد في الزاكره المثير 0 خاصة ماتعلق منها في الطفوله وذلك من الصعوبه نسيانه0 اديكم مناظر كدي< العم شريف الغفير و المسحراتي0 ابو حديد الفوال0 و العم قصوده0 ست البنات بتاعت الكسره و بالمناسبه يا حاج تلك هي من قال فيها شاعر الحقيبه قائد الاسطول0 و ميدان الرابطه و فريق الفلاح الذي انتقل من شمبات الديم الي كبشور الي مربعنا رغم انه في هذا البوست نال من السخريه الكثير لكن اظنها فترة المحامي كبشور0 حقيقه الكثير يحتاج للتوثيق0 الاخ عادل عمسيب وشقيقه امام في السعوديه منذ فتره طويله و الدكتوره التي زكرت لم اتعرف عليها0اعزيكم في انتصار زوجه الاخ عصام وشقيقه الصديق قريب الله و نسال الله ان يسكنها فسيح الجنان0 وكيف بقيه الاخوان كمال و جلال و عمر و ابن الدفعه خالد البعيو و امين و بشري التحيه اليهم ونتواصل
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الفاضل يسن عثمان)
|
و تعزية من الأخ عبدو الطاهر للأخ عادل محمد عثمان و الأسرة:
Quote: ( انا لله وانا اليه راجعون) إن الله عز وجل لم يجعل لمسي ولا لمحسن خلودا في الدنيا ولم يرض بما اعجب اهلها ثوابا لاهل طاعته, ولا ببلائها عقوبة لاهل معصيته, فكل ما فيها محبوب متروك, وكتب علي اهلها الفناء , واخبرنا عز وجل انه يرث الارض ومن عليها ولا حول ولاقوة الا بالله خلقناللحياة وللممات ومن هذين كل الحادثات ومن يولد يعش ويمت كأن لم يمر خياله بالكائنات ومهد المرء في ايدي الرواقي كنعش المرء بين النائحات لها الرحمة ولاهلها وزوجها عصام الصبر والسلوان وتعازيي لاخي وصديقي بشري محمد عثمان وامين وعادل وجلال وعمر وللاخ قريب الله وكل الاهل بالشعبية عبدو الطاهر |
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
على طريقة الأخ منير عبد الرحيم سوف أقوم بمحاولة أكبر عدد من دفعتنا بمدرشة الشعبية الابتدائية (أسماء فقط) ، و طبعا كانت الدفعة نهرين (أ) و (ب):
1- خالد عبد الحميد محمد فخري. 2- محمد حسن ابراهيم (أبو عبده) 3- عبد العظيم محجوب ميرغني. 4- أحمد عكاشة عبد الله. 5- عمر عثمان عبد الرحيم. 6- عاطف جعفر السيد عقيد. 7- فيصل سليمان علي الحوري. 8- هاشم علي مختار. 9- محمد فضل. 10- حسين عبد الحليم عبد الغفار (حسين أديناهو نمرة 10 لأنها دائما بلبسها الهداف في الفريق). 11- جابر ابراهيم. 12- حامد دفع الله بابكر. 13- عادل علي خالد. 14- جمال عبد الحليم. 15- عادل محمود محمد الفضلي. 16- مصطفى محي الدين. 17- مجدي سعد محمد كيلاني. 18- محمد سعد عثمان شنان. 19- عبود عبد المقصود (ولد قصودة). 20- محمد حسن محمد حسن. 21- الرشيد مضوي. 22- شهاب أحمد ادريس. 23- فيصل محمد عبدون. 24- الزين حسن (المزاد). 25- أمين عبد الغني (المزاد) 26- عادل محمد خير (كعيك). 27- المرحوم خاطر علي الشيخ. 28- جلال (حلة الصديق نسيت اسم أبوهو). 29- أنور محمد حامد الياس. 30- السر محمد حامد الياس. 31- ياسر أبو كشوة. 32- عوض تاج السر. 33- جمال سيد فهمي. 34- محمد طيفور. 35- أحمد البدري. 36- الحوارالخطيب (الهجرة). 37- عماد الجاك (الهجرة). 38- متوكل ادريس (الهجرة).
و بجيكم للباقين..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
العم شريف خفير مدرسه الخشب انسان غير عادي فهو يقوم بكل الواجبات تجاه الاساتذه تجهيز افطارهم و مالزم و بعد ذلك يبيع الينا التسالي و النبق و القنقليز و في المساء يخرج بابور الجاز و الصاج و يرمي و يبع الطعميه امام بوابه المدرسه و لعمري لم اتذوق مثل طعميته الي الان0 و كانت صناعته للطعميه في منافسه شديده مع السمك المقلي الذي يصنعه الفريد خفير النادي الشهير امام بوابه النادي وكنا اطفال في صفاء و مروة بين الاثنان0 خاصه ان الفرن خلف المسجد يعمل لوقت متاخر من الليل0 و كان والدي عند ترؤسه لمجلس اباء التلاميذ علي علاقه كبيره بالعم شريف ياتي الي منزلنا دوريا و لا انسي عند ختاني و اخوتي كان العم شريف المشرف و الطباخ وصدح في المساء غناء فهو رجل لكل المهام0 و في ليالي رمضان يقوم العم شريف مسحرا للناس قبل وقت الامساك بقليل المحزن اني نسيت الكلمات التي كان يدندن بها علي صوت الدؤف الذي يحمله0 وفي صباح العيد ياتي مهنئا و مباركا كانما يزيد علي الناس فرحه ثالثه وكنا اطفال نتحلق حوله و نتبعه اينما ذهب في صباح العيد و عند انتقال المدرسه الي الموقع الحالي انتقل العم شريف معها الا انه كان غير سعيدا كيف لا و هو بذلك قد ابتعد من احبابه في السوق القريب منه<بالمناسبه يا حاج ممكن ترتب الدكاكين في السوق و اصحابها بالترتيب بدا من دكان صديقك المرحوم ناصر اليماني> و بعد ذلك الانتقال الجديد للمدرسه مرض العم شريف كثيرا و توفي في دار اهله بالمزاد الهم ارحمه بقدر ما خدم العلم و المعلمين 0 و تلك دعوة لكل البورديين من له خاطرة او زكره لهذا الرجل الكريم0
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الفاضل يسن عثمان)
|
اولا مرحب بالأخ : الفاضل عثمان يس ثانيا الدفعة بدر الدين وعزام حسن ثالثا الأخ المضياف حاج حمد لكم التحية جميعا وشكرا على السؤال
يا عزام تم تغيير صورة البروفايل لظروف الصبغة الجديدة والكسكته عشان الصلعة وأنا ما مشيت الإنداية بس فى كلام زعلنى ورديت عليهو وكان الموضوع يتعلق بالذات الإلهية وإستفزنى الموضوع . ويا بدر الدين تلفونى 98412. ويا حاج حمد ناوين العمرة بكرة شوف لينا بورداب الشعبية وجدة ومكة عشان يقوموا باللازم وكمان بورداب المدينة عشان الزيارة وكده وأوعى واحد يقول لى جيب لى جبنة ول كركدى ول صعوط لكن عندى مفاجاة شايل معاى حلاوة مولد وللمتزوجين كمية من الأخشاب والأحطاب الأبروفية الأصلية. ونفس التلفون أعلاه ح يكون شغال (رومين يا عزمام) دى كيف معاك؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
يا جماعة " ما ننوم يعنى" زى ما قال الراجل .... المنبر ده بقى غمضة صغيرة الواحد يلقى البوستات البتهمة غطست.... البوست ده لقيتو غاطس ... غطست و جبتو ليكم من قعر البحر .. أظنو عمكم المرحوم صباح الخير (والد الواثق) ما كان يقدر يغطس قدر كده...... التحية للكل
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Mohamad Shamseldin)
|
Quote: البوست ده لقيتو غاطس ... |
الأخ محمد شمس الدين وينك يا راجل ، ياخي البوست دا أصلو ما غطس في الصفحة الأولى أو الثانية لكن غطست انت في الأميرية (1) لكن كلها بحري و طارق ميرغني بحراوي أصيل ، و زي ما شايف بوست الشعبية ضارب الأرقام القياسية و تجاوز ال 34 الف زيارة..لك ودي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
يا أخواننا عادل عثمان كان جاب سيرة رندوق وما رندوق .. وهو اقترح الكلام في الحتة دي شوية ... وطبعآ يا عادل أنا لسه ما قدرت انقش إنت منو في صورة الدفعة الابتدائية ، وإنت كمان طنشت .. أما قصة رندوق دي .. تصدق إنو الكلمة دي ذاتها أنا ما سمعتها إلا في البورد هنا .. وهسةعرفت معناها فقط بالتحسس .. . .
الحاج حمد .. والله برضو لفتة جميلة منك أن تكتب لنا أسماء دفعتكم .. لغاية الآن أنا عرفت الجماعة ديل كلهم .. واصل .. وإذا احتجت دفرة قول عوك .. حنساعدك .. وأنا من الآن محضر ليك إسم، وحأشوف لو حتذكره واللا لأ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Kamal Karrar)
|
Quote: في زحمة الانشغال الشديد فات علينا أن نتقدم بالتهنئة في هذا البوست للعزيز محمد خير وابنه
الدكتور المؤيد محمد خير بتخرجه في كلية الطب بجامعة التقانة.
الف مبروك لابن الشعبية
|
الف مبروك للأخ محمد خير بتخرج ابنه و التهنئة موصولة لكل الأسرة و للشعبية بتخرج أحد أبنائها ، تمنياتنا له بالتوفيق في حياته العملية و عقبال التخصص.
شكرا الأخ حسن طه على الخبر...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
....
التحية لكل الذين يعطرون المحفل .. ويجملونالمكان بأطايب الكلم والقول والتحاور والتلاقي والتنادي الجميل .. ولعل من حسنات هذا الإلتقاء الألكتروني أنه يجمع شتات الناس في مساحة وارفة يتخيل كنهها كل شخص من خلال منظوره للأشياء لكن القاسم المشترك الأعظم هو ذاك الكم الكبير من التوق والشوق الذي يعطر المكان ويجتر الزمان .. بل يقرب الكتوف والصفوف ويجعل الناس في إستواء قوامه المودة ومداده حسن الكلام .. التحية لكم جميعا حيثما تكونون وكيفما تكونون وكيفما تكنون للبقعة وأهلها لكم وأنت تحملون في دواخلهم قلوبا من ذهب .. عاطر المودة والود
Quote: الخرطوم بحري مدينة تقع إلى الشمال من الخرطوم، العاصمة، وهي جزء من العاصمة التي يطلق عليها العاصمة المثلثة لكونها تتكون من الخرطوم والخرطوم بحري وأم درمان.
عدد سكانها 900,000 نسمة حسب (تعداد 1993). وهي الضلع الشرقي من إلتقاء النيل الأبيض مع النيل الأزرق، عند جزيرة توتي.
تتكون مدينة بحري من عدة أحياء صغيرة مثل: حلة حمد ؛ حلة خوجلي ؛ المزاد ، الشعبية ؛ الختمية ؛ المغتربين ؛ الصافية ؛ شمبات ؛ الحلفايا ؛ الكدرو ؛ الأملاك ؛ الديوم حي الميرغنية وهو حي عريق. -الدناقلة جنوب وشمال -الصبابي - كوبر -عزبة كافوري زائدا الاحياء الطرفية مثل الدروشاب ؛ الازيرقاب ؛ السامراب ؛ الزاكياب ؛ ومدينة الحاج يوسف من الشرق ؛ وبها عدد من الكباري مثل كبري شمبات وكبري كوبر وكبري النيل الازرق وكبري المك نمر وبها سجن كوبر الشهير الذي تم بناءه منذ زمن الاحتلال البريطاني للبلاد.
يحدها شمالا وحدة مدينة الكدرو اما الخرطوم بحري كمديرية فهى ذات رقعة جغرافية واسعة تمتد شمالا حتى قري وشلال السبلوقة مع حدود ولاية نهر النيل على طول نهر النيل من الكدرو وابوحليمة والسروراب والخوجلاب وحلة الفكى هاشم والخليلة والكباشى والسقاى والتمنيات والجيلى و واو سى و ود رملى وتحدها من الناحية الشرقية محلية شرق النيل (( الحاج يوسف )) ومن الناحية الغربية محليتي امدرمان وكررى حيث يفصلهما عنها نهر النيل. |
| |
|
|
|
|
|
|
|