|
|
|
 Re: اتوقع قرارا دوليا بحماية الجنوبيين في الشمال (Re: cantona_1)
|
| Quote: ولماذا 6 سنوات؟ ما كفاية عليهم 6 شهور هم بلد ما عاوزنها البقعدهم فيها 6 سنوات شنو؟ |
الاخ كباشي
سلام
الاستراتيجية البعيدة لامريكا اعادة توحيد السودان علي اسس جديدة
وهو نفس البرنامج الذي فشلت الحركة في تنفيذه ولذلك تطول في المسافة
عسي ان يحدث تغييرا داخليا واذا لم يحدث حتواصل التغيير بنفسها وبايدا القوية
| |
 
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: الشامي الحبر عبدالوهاب)
|
| Quote: الاستراتيجية البعيدة لامريكا اعادة توحيد السودان علي اسس جديدة |
يا الشامي لو بعد ال6 سنوات نحن في الشمال ومن دون بترول الجنوب (عرفنا لتنبلنا طقّة) وزي ما قلت الأمريكان عاوزين يعملوا لينا وحدة على أُسس جديدة أها بشاورونا نحن الشماليين ولاّ الشورة حتكون شورة الجنوبيين (ما عارفهم دولتهم حتكون اسمها شنو الوقت داك) عشان يتوحدوا معانا؟
كبـَّـاشي الصــَّافي
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: الشامي الحبر عبدالوهاب)
|
الشامي
سلام
هذا ما ينبغي ان يتم!!
| Quote: قرارا دوليا بحماية الجنوبيين في الشمال |
وسنعمل لاجله ليل نهار!!
وهذا اقل واجب من قبل كل الوحدوين الشمالين!!
الجنوبين المقيمن في الشمال
هم صمام الامان ورسل المحبة بينا دولتينا الجديدتين باذن الله!!
علينا عدم التفريط بحقوقهم وحمياتهم حتى تتاح لهم الفرصه
ان يقودوا حوار مع اهلهم عامر بالكرامه والادله الصادقه
اننا شعبا واحد يمكن التعايش معه!
كانتونا1 قبحك فات الحد ايها الرعديد
من انت للتحدث باسم الشمالين؟؟!!
اعتقد الجنوبين اغبياء؟؟؟
بين كل مادخله و الآخرى تفضح عنصريتك وقبحك؟؟!!
وتسأل عن حقوق الشمالين هنالك؟؟
هل اشتكوا لك؟؟؟
هل وجهوا بتصريحات غبيه فجه مثل تصريحات من تنطبر لهم؟؟!!
بالعكس الساسه الجنوبين بكل حكمه ظلوا يعلنونها عاليه بانه مرحبا بهم!!
الم تسال نفسك لماذا لم تسمع منهم تزما او خوفا لليوم؟؟!!
لانهم بالف خير بل ويتظاهرون مع الجنوبين رجل بالرجل من اجل الاستقلال!
كف كي بوردك المسموم فانك تفتح النار على اهلك البقاره بغبائك المفرط
ومدخلاتك الغير مسؤله!!
راجل كبير ما بتخجل مبراي جوز اللوز مياده كمال وعلاء الدين!!
بالله كان انت ما مسكين ديل جوز يبرايهم بني آدم؟؟!!
يا اخي انت بتلديهم بدل نصحهم تعرض في نص الدائره لاغانيهم الفجه؟؟!!
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: على ميرغني)
|
Quote:
بعد تهديد الوزير
ولحين ترتيب اوضاعهم بعد الانفصال
ما لم تسارع الحكومة السودانية الي
التبرؤ علنا عن تصريحات وزير الاعلام |
لن يستطيع اى قرار دولى ان يفعل ذلك بل سيزيد الطين بلة!
ما قيل فقد قيل والرسالة وصلت للجنوبيين وللحركة الشعبية!
هل تتوقع بان يستمر التعامل بروح ما قبل الانفصال!
اين اذن المشكلة!
ثعالب الانقاذ سيستغلون القوانين والنظم واللوائح والضرائب من اجل " الخروج الكبير" EXODUS !
هل تتوقع ان يسمح ثعالب الانقاذ لجنوب لافتراش فى براندات شارع الجمهورية وبيع كاميرات الفيديو والديجيتال وبناطلين الجينز والاحدية دون ترخيص ودون سداد للضرائب ربما يتم استيفاءها باثر رجعى!
جنى
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: الشامي الحبر عبدالوهاب)
|
Quote: بعد تهديد الوزير
ولحين ترتيب اوضاعهم بعد الانفصال
ما لم تسارع الحكومة السودانية الي
التبرؤ علنا عن تصريحات وزير الاعلام |
مع احترامي ليك يا اخ الشامي
سيادتك كبرت اللفة شديييييييييييييييد
لييييييييه انحن قاعدين وين عشان الجنوبيين يطالبو بي حماية دولية ليهم
كان الاولى ان يتمتع بيها الشمالييين في الجنوب
حيث ما هدد بيه الوزير كمال عبيد واقع فعلا في الجنوب على يد قيادات وصقور الحركة الشعبية ضد التجار وطواقم الاعلاميين وووو الشمالييين في الجنوب
من زمااااااان
هل في زول طالب بقرار دولي لحمايتهم هناك
ام هؤلاء لا بواكى عليهم !!!!!!!!!
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: mayada kamal)
|
الناس دي يا ميادة ماقاعدة تتكلم مع السواقين والعاملين الشماليين العاملين في الجنوب ... وعايشين في جو غير الواقع في الارض..... اسع ونحن دولة واحدة الشماليين في الجنوب بتعرضوا للضرب والإهانة يومياً خاصة في ولاية الوحدة ومناطق البترول..... وصدق المثل القال (الجنوبي ولا المتجونب) حسب احدى الروايات الحديثة
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: على ميرغني)
|
| Quote: اتوقع قرارا دوليا بحماية الجنوبيين في الشمال |
حماية كيف يعني؟؟ بتدخُّل عسكري؟؟ هل تتوقع يا أخ الشامي أن يتم إحتلال السودان من أجل حماية الجنوبيين؟؟ والله ده سيعتبر إعلان حرب وسينفش عش الدبابير !!!.. ويثير الفتنة..!!
لو كانوا حريصين علي الجنوبيين فليساهموا في ترحيلهم للجنوب وتهيئة المعايش لهم في الجنوب حتي يشجعوهم علي العودة .. وما سينفقونه في ترحيلهم لن يساوي شيئاً مقارنة بتكلفة التدخل العسكري والإحتلال .. فأي تدخل دولي في الشمال سيكون خطراً علي الجنوبيين أنفسهم لأنهم سيصبحوا أعداء حقيقيين تحميهم دول باطشة تثير غضب الشماليين وتعيد سيرة الدبابين ..
لو دايرين يحموهم يرحلوهم إذا صوتوا للإنفصال ..
مش يحتلوا البلد ويصبوا الزيت فوق النار ..
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: الشامي الحبر عبدالوهاب)
|
Quote: لكن جوهر البوست هو ان الانقاذ تستعدي المجتمع الولي للتدخل في الشئون
الداخليه بتصريحاتها وتصرفاتها غير المسئولة |
يا شامي ياخوي .. لا إستعداء ولا يحزنون .. ديل لو نقطت ليهم العسل يقولوا مر .. ومهما فعل الشمال فسيكون مغضوب عليه وسيكونون منحازين دائماً ضد الشمال .. وفي الشمال ضد المسلمين. وفي المسلمين ضد العرب ..
والحكاية ما مرتبطة بالإنقاذ .. حتي زمن الديمقراطية وحكومة الصادق كانوا محاصرين السودان وحالفين ما يبيعوا للجيش ولا طلقة واحدة بحجة أنها تستخدم ضد الجنوب .. بينما كانوا يمولون الحركة الشعبية والدول المجاورة المعادية ..
ولن ترضي عنا اليهود ولا النصاري حتي نتبع ملتهم ..
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: Munir)
|
| Quote: وتعيد سيرة الدبابين .. |
الدبابين ساهلين ... قرار زي دا معناهو انو القاعدة تسيطر على المنطقة من اليمن والصومال الى السودان وشوف في كم دولة هشة مجاورة للسودان يمكن للقاعدة تسيطير عليها بسهولة ... افريقيا الوسطى ، شاد، وحتى يوغندا ذاتها ما بعيدة
| |
|
|
|
|
|
|
|
|
|
Re: اتوقع قرارا دوليا بحماية الجنوبيين في الشمال (Re: على ميرغني)
|
| Quote: الدبابين ساهلين ... قرار زي دا معناهو انو القاعدة تسيطر على المنطقة من اليمن والصومال الى السودان وشوف في كم دولة هشة مجاورة للسودان يمكن للقاعدة تسيطير عليها بسهولة ... افريقيا الوسطى ، شاد، وحتى يوغندا ذاتها ما بعيدة |
ياخوي قاعدة ساي؟ .. الشعب الشمالي كله حيبقي قاعدة ..
أسهل ليهم يرحلوا الجنوبيين - إن كانوا يخافون عليهم - أم يجوا يحتلوا البلد بحجة حماية الجنوبيين؟؟ ..
ياخ أمريكا دايرة نفط الجنوب وما دايرة جنوبيين .. والأمثلة علي المصلحية بائنة في أفغانستان والعراق .. بترول العراق وليثيوم افغانستان ..
| |
|
|
|
|
|
|
| |
الشامي الحبر عبدالوهاب
سعد مدني
بشير أحمد
cantona_1
Tragie Mustafa
عوض الصديق
jini
mayada kamal
Munir
فيس بوك
تويتر
انستقرام
يوتيوب
بنتيريست