|
Re: الفشل الذريع للمعارضين في الوقيعة بين أجنحة الحكومة.. (Re: cantona_1)
|
أخي كانتونا .. العالمين ديل بيعملوها ظاهرة .. الواحد يحبك ليك سبناريو كارب هو عبارة عن محض أمنياته ويمشي ينوم وهو يحلم بأن الصباح سيأتي له بخبر أن البشير انقلب علي علي عثمان والإنشقاق حصل والحكومة اتقلبت و..و .. وطبعاً كل واحد يجيك شايل الدلو بتاعه ويدلي ويغرف في الأمنيات ..
ياخي قول ليهم الكيزان ديل زي ما فيهم واحدين تشوفهم جايطين ساي لكين فيهم جهابذة صارمين ينوموا بسلاحهم ويصحوا بسلاحهم .. ما بتأثر فيهم معارضة المديدة الحارة دي .. من وراء حجاب ..!! ..
أمَّال هم قعدوا فيها عشرين سنة كيف في مواجهة أمريكا والغرب كله .. ؟؟..
مافي حكومة في الدنيا قدرت تصمد ضد أمريكا والغرب غير الجماعة ديل لمدة عشرين سنة كلها ضغوط وحصار خانق وتمويل للتمرد .. اللهم إلاّ كوبا التي جمدوها وحنطوها في العصرالحجري وعصر الفولجا ..
|
|
|
|
|
|
|
|
|