|
الاستاذ الموصلي .. تحية .. ما رأيك في هذه التجربة الغنائية
|
تحياتي للاستاذ الموصلي السؤال داير في رأسي ليهو يومين تقريبا وقلت الليلة وقت لقيناك بي جاي قلنا النسأل اهل الشيء زاتو
قبل يومين او تلاتة، في قناة زول في برنامج استضافو فيهو اتنين مغنيين شباب سودانيين، المهم في الموضوع وكنت اتمنى ان يكون هو محور الحديث لكن للاسف لم يكون
التجربة بتاعت الشباب هي غناء سوداني وكلمات سودانية بموسيقي غربية
غربية تماما
اها، القصة ما قسمت معاي وابت تتبلع لي، لسببين، موش لاني ما بحب الموسيقى الغربية بل هي حاجة عادية واستمع ليها منذ صغري، السبب الاول الشباب كانوا بمطوا في الكلام بطريقة غريبة عشان يجاروا اللحن لكن الكلمات السودانية خانتهموبقت شغلانه غريبة لا عارف استمع للكلمات لا عارف اتابع تلحينهم ليها
السبب التاني: هو لييه دا كله؟؟
|
|
|
|
|
|
|
|
Re: الاستاذ الموصلي .. تحية .. ما رأيك في هذه التجربة الغنائية (Re: Elmosley)
|
شكرا للمرور يا استاذ موصلي
زي ما شايف ان فوق اعتذرت لانو امكانيات نقل نماذج صعبة شوية لكن اشكرك لتسهيل الامر علي بايراد اسماء الشباب الفنانين مما قد يضطرني ان اتابع قناة زول فترة كده، والكويس انهم متعودين على اعادة البرامج
امكن لو تابعت يا استاذ برنامج Top one في قناة زول لعرفت حجم المشكلة، ممكن اقول 5 من كل عشرة متسابقين (سودانيين) لا يعرفون الغناء السوداني نهائي، ويفضلون تقديم نماذج مصرية وخليجية وغربية؟؟!!
تحياتي
| |
|
|
|
|
|
|
Re: الاستاذ الموصلي .. تحية .. ما رأيك في هذه التجربة الغنائية (Re: أحمد ابن عوف)
|
وحاجة جديدة كمان، امبارح شوفتها
تجربة للاستاذة سمية حسن، برضو على قناة زول، اغنية سودانية بايقاع وموسيقى خليجية...
طبعا تجربة الفنانات الشاميات شوفناها في غتلء الاغنية الخليجية ونوعا ما كانت ناجحة وعندهن اغاني كان ليها سوق كبير لكن الفرق انو الشاميات بغنو كلمات خليجية بلكنة خليجية، يعني مافي شيء اتغير الا جنسية المغنية.
عكس تجربة الاستاذة سمية حسن
| |
|
|
|
|
|
|
|