|
|
 Re: كل البنات حلوين بيوتي سنتر (Re: Dania Elmaki)
|
نسيت اكتب ليكم بستخدم شنو لشعري... الشامبو بستخدم Dove بتاع intense damage therapy... وما بحس اني محتاجه لبلسم بعده... رغم اني بحب جدا البلسم بتاع فاشكول.. ريحته عجيبه، واثره اعجب على الشعر.. بستخدم بتاع التوم.. ما عارفه عندكم ولا لأ يا ناس امريكا، لكن متوفر في دول الخليج كلها... روووووووووووعه
مجموعتي المفضّلة من الكريمات للشعر، هي Palmers.. بستخدم البخاخ بتاع زيت الزيتون بتاعهم عشان فك التشابك... رائع للاطفال برضه البتعبوا مع التسريح... حلو شديد يا ماما دوما لو بتعاني مع شعرك.. بخّتين وشعرك يتسلّك تمام...
بستخدم معاه برضّه حبّة من الكريم بتاع زيت الزيتون... لكن ما بعمله في الشعر نفسه عشان بخليه يبقى مجلّط كده وملصّق... بعمله في الفروه.. وهو رااااااااائع.. بطوّل الشعر بسرعة.. وبخليه صحّي خالص...
طبعا كل فتره بقص اطراف شعري... لما كان طويل، وحسي بعد ما قصيته، برضه بمشي اقص الاطراف، دي احسن هدية ممكن تعمليها لشعرك... وللامهات البخلو البت بي شعرها مما الله يخلقها، لو عايزه تطولي للبت شعرها، قصّيه ليها.... مع مراعاة موضوع الجينات والوراثة والحاجات دي يا جماعة، لو الام شعرها ما طويل واهل الاب شعرهم ما طويل... it is highly unlikely انه البت يطلع شعرها طويل... عشان كده لما الام تصر على المسألة دي وتحسس بيها بنتها، بتحسسها زي العندها نقص.. رغم انه الشعر القصير في حاجات كتيرة ممكن تتعمل ليه، ويكون حلو.. ومرتب خالص... وفي بعض الاحيان، احلى من الطويل...
برجع
| |
 
|
|
|
|
|
|
|
|
Re: كل البنات حلوين بيوتي سنتر (Re: مريم بنت الحسين)
|
عارفه يا مريوم الشعر الغزيز حسنتو الوحيده انه لما الزول يصل الخمسين لسه بتكون فروه الراس مغطيها الشعر
لكين تاني كله عيوب
متعب في الغسيل في التسليك
وانت طفله بيكون لبعوك مليون مره عشانو
( كنت ببكي لما يسلكوه لانه هم ما بحسوا بالالم الانا بحسوا وامي بتفتكر اني شافعه فقريه وما دايره الجيهه وبجيب ليها النبيشه
فبتكون هاجراني بي سيقانها وبتسلك واي مقاومه مني باخد لبعه في ظهري ولو حاولت امد يدي باهد ضربه بالمشط واخير منها لبعه الظهر يعني باحتصار بكون طلعت عين امي اكيد هي ما بتكون مبسوطه انها دقتني كدي لكين بكون اضطرتيها و السبب كله شعري المنحوس )
بياخد وقتك
ما بتقدري تعملي فيه شئ غير تلفيه بي باند
بيستهلك منك مواد اكثر
لو مشيتي الكوفير تتحرجي ويدفعوعك حق راسين او تلاته
بالمناسبه دي واقعه حدثت وانا عمري حوالي خمس سنوات اتذكرها جيدا
( امي ادتني نص رطل سكر ووقيه شاي وريال حق المشاطه. قالت لي امشي لي خالتك مريم تمشطك . فمشيت ليها قعدتني في ظل الصباح وجابت المخرز وشقت شعري نصين مسكت النص حزمتوا بيدها كدا قالت لي دا براه راس مره كبير
قول لي امك تجيب تاني ريال
مشيت كلمت امي قالت لي قهرتها بالقاهر ونبي الله الطاهر وادتني خمسه قروش زياده )
والناس ينبشوك ما مهتمه بشعرها وهم ما عارفين انه الاهتمام بي شعري دا اصعب شئ لاقاني في حياتي .
| |
|
|
|
|
|
|
|
|
|
Re: كل البنات حلوين بيوتي سنتر (Re: doma)
|
ماما دوما, والله شعرك حلو و حلم كل البنات بس عاوز شوية اهتمام, الشعر الكيرلي جميل جدا, عليك بالمايونيز هههههههههههههههههه شكلك حتلبعيني من كتر ما جبنا سيرة المايونيز, جميل للشعر لكن لازم تواظبي عليه, اعتمدي التسريحات المعتمده على الكيرلي, شعرك محتاج لترطيب شديد انا هسه ماشه انوم لكن بكره بنزل ليك مجموعة منتجات للشعر الكيرلي, على فكره انا نفس معاناتك في الكوافير بيدوفعوني اكتر عشان شعري غزير. ده قبل الانيميا و نقل الدم, هسه شكلي حاتفاوض معاهم عشان شعري نصه راح هههه
مريم الفاشكول ده امسكي فيه قوي انا بجيني من الخليج طولي و قبل ما امشي الخليج صاحبتي كانت بتجيبه من السعوديه بالدسته و نقسمها مبالغه للشعر و خصوصا بالثوم
| |
|
|
|
|
|
|
|
|
|
Re: كل البنات حلوين بيوتي سنتر (Re: Abdlaziz Eisa)
|
Quote:
لا حول ولا قوة الا بالله!!!!!!!!!!!! دي محن |
والله يا عبد العزيز الزول ده ساكت زعل واتمحق..
هو يظبط ليها طلباتها دي وهي بتظبط ليه باقي البيت كلو..
هههههههههههه
دانيا ورفيقاتها (الكريمات)، سلام وتحية..
ونفعنا الله بعلمكن..
| |
|
|
|
|
|
|
|
|
|
Re: كل البنات حلوين بيوتي سنتر (Re: أميرة فاروق عبد العال)
|
ماما دومه، انا امي من شدّة ما كانت تعبانه معاي، ما كانت بتسرّح لي شعري واحده لورا.. دايماً انا بضفيرتين... وكنت بزعل عشان امي ما بتعمل لي تسريحات تانية... لكن هي مسكينة بتناتل معاي... بعد كبرت واستلمته... لقيت نفسي مضطره اتعامل معاه... بقيت بمشّطه بوب... اقعد ليك فيه اليوم كله... امشّطه.. وبعداك انساه... لكن لما نجي للفك... الله لا يوريك... يتنفش على النفش العليه... حسي شايفاه بقى احسن، مع الولادة ... بقى التعامل معاه اسهل...
بالمناسبة، قبل كم يوم جارتي رسّلت لي samples من كريم الوش بتاع غارنييه garnier... كميّة كده.. قمت عملته .. اول يوم ما عمل لي شي... قررت اعمله كل كم يوم... صفّى لي وشّي... ونظّفه... وما عمل لي حساسية... عشان الاوقات متباعدة... مره عملته يومين ورا بعض.. حسيت وشّي اتهيّج ... لكن شايفه انه كل كم يوم بكون كويس معاي...
| |
|
|
|
|
|
|
|
|
|
Re: كل البنات حلوين بيوتي سنتر (Re: مريم بنت الحسين)
|
| Quote: عليك بالمايونيز هههههههههههههههههه شكلك حتلبعيني من كتر ما جبنا سيرة المايونيز, جميل للشعر لكن لازم تواظبي عليه |
غايتوا ما اكضب عليكم ما واقعه لي حكايه المايونيوز بتاع الاكل في الشعر
كدي وروني صوره المايونيز البتستعملوه عشان لو شعري اتحت ارفع عليكن دعوي تعويض شعر
| |
|
|
|
|
|
|
|
|
 Re: كل البنات حلوين بيوتي سنتر (Re: doma)
|
..
.
| Quote: كدي وروني صوره المايونيز البتستعملوه عشان لو شعري اتحت ارفع عليكن دعوي تعويض شعر |
سجمناااااااا..!!
المايونيز بتاع السلطة دا ولا شئ تانى ..
بالله بطول الشعر ..
طيب مالو ما بشحم ؟؟
قرقر قرقر قرقر
-------------
غايتو باقى برطمانية رمضان بشيلها بتلطخ بيها
| |
|
|
|
|
|
|
|
|
 Re: كل البنات حلوين بيوتي سنتر (Re: مريم بنت الحسين)
|
ازيكم يا حبيبات,,
أها جيتكم وعندي مشكله زي مشكلة ماما دوما دي وعايزاكم تبحثو لي عن حلول لأني يئست تماما,,
مشكلتي انه بشرتي سريعة الاسمرار, لوني أصلا فاتح يعني لوني الحقيقي الما معرض للشمس أصفر,
عندنا نصف تركي في أسرتنا عليه كلنا في الأسره ألواننا فاتحه جدا, ولوني الحقيقي فاتح,
أمّا وّشي وأطراف يديني ورجليني ففرق اللون بينهم وبين لوني الحقيقي كبير جدا,
بشرتي بتتحرق بتأثير الشمس بسهوله, بستعمل صن بلوك باستمرار ومع ذلك لوني الأصلي ما قادره أرجع ليهو,
حتي لمّا بسافر بره لوني بيتصلح بسييييط لكن ما بيرجع زي الأصلي,
شكله الموضوع اريفيرسيبل !!
بتجيني نفسيات لما بشوف بنات ألوان وشهم زي لون رقبتهم زي لون يدينهم زي لو جسمهم كله واحد,,
جربت اتعاملت مع ناس بيبي فيس وأدوني خلطات مسموح بيها طبيا للتفتيح وما عملت أي مفعول,
وما عايزه ألجأ للتفتيح المضر بالبشره (كروتيزون وزئبق) أنا أصلا عايزه لوني الأصلي ما عايزه أفتح أكتر منه :(
دانيه واسمارت ومريومه وكل البقيه, وروني الحل شنو؟!!
| |
|
|
|
|
|
|
|
|
|
Re: كل البنات حلوين بيوتي سنتر (Re: SHIBKA)
|
Quote: مشكلتي في اصابع رجلي محل ما بضغط عليهم في الصلاة
لونهم غير باقي رجلي
اها البحلك يحلني معاك |
يا شبكه انا محل ضغط الشبشب او الجزمه برضو ومحل بتكل يديني في التربيزه لونه اغمق دا شئ عادي
بختك يا شبكه انت من الغر المحجلين
| |
|
|
|
|
|
|
|
|
|
Re: كل البنات حلوين بيوتي سنتر (Re: doma)
|
..
.
سلام يا بيوتى غليز ..
عقدتو الشباب بالعنوان بتاع كل البنات الحلوووين ..
شايفهم ما قاعدين هنا .. نظام الرجل السودانى والشرقى ومافى داع ى ةدى شغل بنات ..
وبالله اتذكروا فى وليدات حلووين حسي ما شفتو مهند ونميرى ..والفحيل ( واشار بخبث لدينا خالد وراوية )
وشباب بدعمو الجمال زى تبلدينا وودالصايم وود القاضى ورجال زى ود الموج ( دى طبعا نظام دعوة عشان اجيب ليكم مشجعين )
اها قلت اخش هنا فى البيوتى سنتر دا .. اهنيكم بالعيد
واقول ليكم كل عام وانتن سمحات كدا ووشكن ما فيهو حبوب والبشرة تلمع ذى الدهب
وريحتكم تفوح صندل ومسك .. وخمره ودا خاص بمن تصدق لهن .. شرعيا 
بخصوص ماما دومه دى انا عارف لونها زى الدهب .. البحرينى ( وكل فتى بامه معجب ..) وما محتاجه للسنتر دا نهائى ...
الاخوات الخمريات يحافظن على اللون فقد قيل على ذمه الامام الصادق
ان بنات الحور سمراويات .. ان كنت شككت فى مقولته ..
طبعا يا بيوتى سنتر مانجر قبال فترة فوجئت بشئ غريب
كنت معاى زوله صحبتى قالت لى ممكن تغشى بينا ( ام النعيم )
وام النعيم لمن لا يعرفها هى ست الشئ زاتوو وصاحبه مركز لتوزيع العطور السودانية من خمره ودلكه وصندل وغيره
قلت ليها - لصحبتى طبعا ما ام النعيم _ مالك ومال الخمرة
قالت هوووى يا الطاشى وداقس انت قايل البنات بلمعن كدا من شنو ؟؟
قلت ليها ما من الاسكن سكيس و كلين اند كلير ..
قالت بسخرية : ههه دا من خمرة البنات ..
اندهشت لوجود خمرة بنات خالية من الكحول .. سورررى قصدى من باقى الخلطة ..
------------
اها يا بيوتيز انا متخارج ما يجى دينق يقول لى انت اصلك
غير سكك للوترى ومباراة الحريم من المطبخ و الكوافيرات ما عندك شئ
قرقر قرقر قرقر
عموما الواحد بديكم طله من فترة لاخرى ..
لزوم يطمن على الفرد وست السنتر وكدا ..
| |
|
|
|
|
|
|
|
|
|
Re: كل البنات حلوين بيوتي سنتر (Re: Dania Elmaki)
|
..
.
والله يا دندونتى
انا من هنا ما طالع ..انا حسي فى ذمتك عملت شنو ؟؟
ما قاعد اتفرج بس ..!!
مسكين حبيب نوره الدقس وشتت ..
------------
| Quote: Girls, let's ocntinue |
بعدين مالك كورتك فكت ..!!؟؟
قرقر قرقر قرقر
| |
|
|
|
|
|
|
|
|
|
Re: كل البنات حلوين بيوتي سنتر (Re: doma)
|
| Quote: بختك يا شبكه انت من الغر المحجلين |
ماما دوما
كنت عارفة غرة الصلاة في الجبهة واكيد دي حاجة كويسة لكن في الرجلين دي الا بعد كلامك دا
يعني ما افتش الحل؟
| |
|
|
|
|
|
|
|
|
|
Re: كل البنات حلوين بيوتي سنتر (Re: Rawia)
|
راوية
Quote: عليكن بزيت السمسم بالليمون
|
شكلي حاسمع كلامك ياراوية لاني رقريت كتير عن الليمون وفوايده
لكن انا ما بحب الخمج والجلبطة
اما للصلاة حاولت اوفر لاصابعي ديل كل الراحة يعني جبت سجادة صلاة ومبطنة وفي الغالب لو صليت برة في مسجد
بيكون الموكيت زي خمسة سم من الارض
يعني مافي الاحتكاك داااااااااك لكن الزول الشقي بس
عموما شكرا عل الوصفة
لكن ما قلت لينا الفترة اللي نستخدما شهر شهرين ولي كم؟
| |
|
|
|
|
|
|
|
|
|
Re: كل البنات حلوين بيوتي سنتر (Re: SHIBKA)
|
سلامات يا مونى ....مشتاقين.
الطن بلوك بيمنع اشعة الشمس الضارة ...لكن ما بيمنع اسمرار اللون مع الشمس.
الحل هو الغطغطة. انا مثلا ٥ سنوات فى الجامعة و بعده الشغل ما بمرق من البيت بالنهار من غير جزمة و شراب. و شراب كمان ما ذى شرابات الجس اللونها زى لون الجسم. ابدا شراب تخيين. بحاول اشترى جزم تتلبس مع الشربات. اما اليدين فكنت بحب البس قمصان الاولاد و المقاس يكون كبير شويه و بدس يدينى جوه او (ما بشتغل بزول و بلس جونتيات) لما اكون فى الشمس. اما الوش فكنت بجرر الطرحة عشان تغطى وشى بقدر الامكان.
هسى انا طوالى عندى جونتيات فى درج العربية. يا زولة الحر دى ما حر نصاح
مريوم ما كنت قايله قارنيي عندهم مستحضرا وش....قايلاهم شعر بس. حقوا اجربوا والله
خالتى دومة.....انا شعري بعمل فيه عمايل ما كويسه. عشان كده امى قلت لى ما تدى وصيا عن الشعر. مثلا مره مشيت لونك شعرى احمر. ايوه احمر. و مره قصيتو لحدى ما بقي ما بتمسك تحت الطرحة و كده. لكن انا ح اديك وصية احتمال ما تنفع معاك. و احتمال تنفع. عشان كده انا بخلى مسوليتى مقدما.
الوصية انك تمشي محل شعر (محترم) و تقولى ليهم يفردوا ليك شعرك كلو. فرد دائم ...النوع اللى بيقعد ٦ شهور داك. ح يدفعوك قروش كتيرة و ح تقعدى حوالى ٥ ل ٦ ساعات. لكن ح ترتاحى ٦ شهور. ممكن برضوا يعملوه ليك كيرلى. حتى بعد الفرد. لكن الشعر بتنظم نظان شديد. غايتوا صحباتى الصينيات و اليبانيات بيعملوا كده فى شعورهم لانها كتيرة. و شايفاهم بيمشوا محلات الصنيين فى سانفرانس سكوا . قالوا الصينيا بيظبطوا الموضوع ده تمام. و انتى ماعهم فى نفس البلد. جربي الموضوع و ما على مسؤليتى...كلو كلو
| |
|
|
|
|
|
|
|
|
|
Re: كل البنات حلوين بيوتي سنتر (Re: smart_ana2001)
|
Quote:
1/انا ضد استخدام استعمال الكريمات للبنات فى اعمار صغيرة ( مرحلة الاساس مثلا)
2/ضد استدخام تلميذات الاساس و الثانوى للميك اب بكافة انوعه
3/ ضد الفل ميك اب لطالبات الجامعة ,,,,,
وبطبق دا مع اخواتى وصحباتهم ونجحت فيهو الى حد كبير (بكثير من النقاشات )
انتو رايكم شنو؟ |
اميرة الشيخ....سلامات
كلامك صحيح مية فى المية. اصلا وجه اى بنت اقل من ٢٠ سنة ما محتاج مركب او اى حاجه. لو عندها حبوب (فوق العاده) ممكن تمشي الدكتور
التلميذات ما مفروض يختوا فى وشهم اى شى للمدرسة. مفروض يكون ممنوع
و ذى ما قلتى لازم الكلام ده يكون بالنقاش و الاقناع.....
| |
|
|
|
|
|
|
|
|
|
Re: كل البنات حلوين بيوتي سنتر (Re: smart_ana2001)
|
| Quote: الوصية انك تمشي محل شعر (محترم) و تقولى ليهم يفردوا ليك شعرك كلو. فرد دائم ...النوع اللى بيقعد ٦ شهور داك. ح يدفعوك قروش كتيرة و ح تقعدى حوالى ٥ ل ٦ ساعات. لكن ح ترتاحى ٦ شهور. ممكن برضوا يعملوه ليك كيرلى. حتى بعد الفرد. لكن الشعر بتنظم نظان شديد. غايتوا صحباتى الصينيات و اليبانيات بيعملوا كده فى شعورهم لانها كتيرة. و شايفاهم بيمشوا محلات الصنيين فى سانفرانس سكوا . قالوا الصينيا بيظبطوا الموضوع ده تمام. و انتى ماعهم فى نفس البلد. جربي الموضوع و ما على مسؤليتى...كلو كلو |
او تمشي اي صالون تعملي الكيراتين, بس قولي الكيراتين, ده حيكون ممتاز ليك, بنت صاحبتي شعرها نفس شعرك ما حلانا من الكواريك كل يوم غير الكيراتين خلاه ليها مفرود, ما بكضب عليك و اقول ليم بقى زي شعر سبنا, لكن اتفرد و ردق و نعم و سبيبته اتغيرت, عنا في امريكا عملوا ليها بميتين دولار و شعرفها قريب لشعرك, امشي عليهن
| |
|
|
|
|
|
|
|
|
|
Re: كل البنات حلوين بيوتي سنتر (Re: smart_ana2001)
|
سمارت| Quote: مثلا مره مشيت لونك شعرى احمر. ايوه احمر |
سمارت لقيت لي زول اجن مني ههههههههه
اها يا ماما دوما انا في الجامعه صبغت بنفسجي, ايو بنفسجي عديل كده غامغ, و مره ثانيه تركواز بخصل سوداء لكن الموضه معاهم كانت روج اسود اوتركوازي وحاتك لهسه عندي الروج ده محتفظه بيه للذكري لايام الجنون. ماما دوما ما تبارينا شعرك يبقى برتقالي و تلبعينا يا عسل
| |
|
|
|
|
|
|
|
|
|
Re: كل البنات حلوين بيوتي سنتر (Re: SHIBKA)
|
البيعانو من السودا في الركب و الاكواع و اي مكان عليكم بزيت الزيتون او السمسم مع الليمون مع التقشير بالملح. داميها ملح و شويه عصير ليمونه افركي بيها المكان عشان التقشير و الخلايا الميته دي تتقشر بعد ما تشقري اغسيلي المكان بمويه و مسيحه بزيت زيتون او مسممسمو ليمون مع بعشض, قبل النوم زبدة كاكاو او قليسوليد او حتى جلسرين لكن لازم مواطبه شديده و النتيجه بعد اسبوعين بتظهر, يو بعدها بكم اسبوع بروح الاثر تماما. ماما دوما الخلطه دي ما للوش ابدا.
ممكن برض لليدين و الرجيلين خلطةة الزبادي و اللليمون مع دقيق الرز تكون سايله و بارده تمسحيها و تفركيها لمن تطلع زي الدلكنه بتفتح االلون و بتشيل السمار بتاع الشمس سريع, الزبادي ملطف للبشره؟\\
الحاجات الطبيعيه دي كلها بطيهه لكن بتجيب نتيجه و من غير اثار جانبيه, يا بنات لو في واحد فيكم بشرتها بتتحسس من شئ معين تبتعيد عنه و لو جربت حاجه و قرصتها (طماطم ماما دوما) تغسل وشها طوالي و تمسحه بقطنه فيها شويه لبن بيبرد القريص ههههههههههههه.
نغير الموضوع و نمشي للمكياج و غيره و لا نواصل؟ انا حاسه البنات ما شاركوا كوبس ولا سالوا اسالتهن كلها
| |
|
|
|
|
|
|
|
|
|
Re: كل البنات حلوين بيوتي سنتر (Re: Dania Elmaki)
|
والله يا دانيه كلامكن سمح لكن خجلت أقول شنو مع البنيات ناس سمارت و اميره ومريم واماني ما شاء الله بنات زي الورد اهة ماعندي طريقه غير اتفرج زي ماما دومه باقي نحن زمنا فات و غناينا مات يا حليلنا
| |
|
|
|
|
|
|
|
|
|
Re: كل البنات حلوين بيوتي سنتر (Re: doma)
|
ماما دومة
Quote: فلو ما عايزه تغيير اللون طوال ما انت بتصلي تعملي الموضوع دا لحده ما تصلي عمر الصلاه في الكرسي لووووووووووول حتي تخلي الليمون وزيت السمسم .
|
انا اكعب منك في المواصلة والمواظبة وبستغرب في البنات البستخدموا كل يوم كريم وزيت شنو للشعر
تلقى الواحدة بالليل مجلبطة ويومي الكلام دا
اها دا انا اصلا لا بقدر عليهو ولا بلتزم بيهو حتى مع نفسي
حكاية الليمون وزيت السمسم ولي زيت الزيتون غايتو بجربا ليكم اسبوع
بعد كدا ما معاي
شوفو لي حل اسرع
قبل اصل لصلاة الكرسي
| |
|
|
|
|
|
|
|
|
|
Re: كل البنات حلوين بيوتي سنتر (Re: Afraa Sanad)
|
| Quote: اها يا ماما دوما انا في الجامعه صبغت بنفسجي, ايو بنفسجي عديل كده غامغ, و مره ثانيه تركواز بخصل سوداء لكن الموضه معاهم كانت روج اسود اوتركوازي وحاتك لهسه عندي الروج ده محتفظه بيه للذكري لايام الجنون. |
برى يا دانية...انا جن ذى ده ما وصلتوا....لب استك تركوتزى....سجمنا.
انا كل مصائبى تحت الطرحة....خارج الطرحة.... ماسكرا سودا بعملها للحفلات و المناسبات بس. للاستعمال اليومى بستعمل جل كلير (من غير لون) . مررات مرات بتنكر فى شكل ببغاء (على راى صحبتى) و بعمل شدو كحلى او اخضر للعيون...ح نجى لتفاصيل المكياج بعد من نخلص من موضوع العناية بالوش و اشلعر ده.
| |
|
|
|
|
|
|
|
|
|
Re: كل البنات حلوين بيوتي سنتر (Re: Afraa Sanad)
|
العزيزة دانية
تحية ليك ولكل المشاركات في البوست بالجد نصايح مفيدة
ياريت تواصلي في مقشرات الجسم والبشرة واثار الشمس
عجبتني وصفة زيت السمسم بالليمون ، وخلطة الزبادي والليمون والرز
شايفة يا جماعة ما ركزتوا على فوائد العجين المر اللي هو من عمق المطبخ والمتوفر في كل بيت سوداني
تسلموا كلكم
| |
|
|
|
|
|
|
|
|
|
Re: كل البنات حلوين بيوتي سنتر (Re: Afraa Sanad)
|
اسمارت شكرا علي الرد,
الغتغته سلاح مفيد ضد الشمس عشان نمنع الاسمرار الحيحصل,
لكن الاسمرار الأولريدي حاصل نعمل معاهو شنو؟
عايزه حل عملي, غير اني أمشي السويد والنرويج
لازم يكون في حل, في ناس مثلا بينصحو بالتقشير !!,
طيب مافي مستحضرات لطيفه علي البشره تفي بالغرض؟
تبلديهم ازيك, ألاسكا كيف طيب ؟ 
| |
|
|
|
|
|
|
|
|
|
Re: كل البنات حلوين بيوتي سنتر (Re: Amany Elamin)
|
أماني.... انت لسه صغيرة في العشرينات. و بشرتك بتتجدد ( طبيعيا ) بانتظام
اتغطي واصبري علي الاسمرار الحاصل و براه ح يرجع لونك كما كان
في مقشرات كتيره في السوق. لكن أنا أنصحك باستعمال حاجه تكون طبيعية. ذي ما قال مايا العجين المر الواحد ده.
و اتزكري لو استعملتي اسكرب ما تستمليه اكتر من مرة واحده في الاسبوع.
| |
|
|
|
|
|
|
|
|
|
Re: كل البنات حلوين بيوتي سنتر (Re: smart_ana2001)
|
سلام يا ناس البيوتي
كيفكم
والله عندي مشكلة في شعري
عشان اشرحا احكي ليكم الهستري
يعني الحمد لله زمان
من الله خلقني شعري النوع المريح خالص وسط في اي حاجة
لا خشن لا ناعم شديد لا طويل لا قصير لا غزير لا خفيف
من انا صغيرة ما بياخد مني غير ثواني عشان امشطه بالمشط مش المشاط
لو ماشة اجعص حتة
في دقيقتين غسيل بشامبو وشوية جل ويبقى كيرلي رهييب
قبال الجل كنا بنعمل البيبسي ههههههه
المهم قام الحصل شنو ما عارفة لي اكتر من سنة تقريبا وهو ماشي متدهور تماما
بدا يتقصف شدييد وينزل لما اجي اسرحه بزعل عديل كدي ختتي للمشط اجي نازل شديد
جربت مليون نوع وصفة كما اشار المختصون ما في فايدة تذكر
في الشتاء بكون افضل يبدو انه الشمس بتضره
اها نسوي شنو
هل دة ليه علاقة بالعمر ولا القصة عدم اهتمام
بعدين في وصفاتكن بالله راعو حالة السودان يعني امكانيات مش ولا بد وزمن مافي وبال مشغوول طوااالي هههههههههههههههه
لمن نجي نسال عن الوش والجسم
تحياتي
صفية
خارج النص الاستشارة مجانا ولا بقرووش عشان نزبط الميزانية
| |
|
|
|
|
|
|
|
|
|
Re: كل البنات حلوين بيوتي سنتر (Re: Safia Mohamed)
|
صفيه محمد ازيك, منوره البوست
انا شخصيا بؤمن تماما بموضوع الفيتامينات اليوميه, خصوصا المخصصه للحوامل على قولت سمارت, اخدي حبة مالتي فايتامين كل يوم, الشعر و البشره بيتغيروا جدا مع التقدم في العمر و التغييرات البيئئه و الضغوط النفسيه. انت بتستعملي لشعرك شنو؟ برنامجك شنو
اللاستشارات مجاناهههههه, و لو ملاحظه مركزين على موضوع الحاجات الطبيعيه و من المطبخ عشان يكون في متناول يد الجميع.
اماني, اعملي الخلطه الاتيه عشان تواظبي عليها, لكن عليك الله تنظفي الحمام بعد كل استخدام عشان مافي زول يقع (مجربه الزلقه في البانيو) ÷÷÷÷
ليمونتين كبار
كوباية لبن و و زيت زيتون صبي الزيت و الملح اول عشان الملح ما يدوب و بعدها اللليمون في برطمان و احتفظلي بيه في الثلاجه, كل يوم قبل الحمام امسحي بيه كامل الجسم بحركات دايريه, راعي لحساسية جسمك ما كل الجلود واحده و خليه على الجسم خمسه دقايق بعد داك استحمي عادي و اتمسحي بحاجه مرطبه, لكن لازم تواظبي.
ماما دوما و شبكه لازم تواظبوا على الحاجات البتعملوها, انا عندي اغسل وشي الصباح و المساء و امسحه زي اني اتسوك خطوه مهمه و لازمه تتعمل لازم تتعمل. برجع بعدين من المكتب
| |
|
|
|
|
|
|
| |
مريم بنت الحسين
doma
Dania Elmaki
وجن
Abdlaziz Eisa
أميرة فاروق عبد العال
SHIBKA
Rawia
smart_ana2001
Afraa Sanad
Safia Mohamed
فيس بوك
تويتر
انستقرام
يوتيوب
بنتيريست