|
|
 Re: سؤال يا سادة لجهاز شئون ( المغتربين ) المغربلين بالخارج (Re: محمد حسن العمدة)
|
Quote: الحبيب محمد حسن العمدة
تحياتي
جهاز المغتربين جهاز متناقض في قراراته
لقد استخرجت خلو طرف من الضرائب
ومن تاريخ 1/1/2005 حسب تصريح البشير
تاني مافي ضرائب على الوظائف الفنية
(المحاسبين - المترجمين ....الخ)
الضرائب على حسب قائمة الجهاز
تشمل الاستشاريين - المستثمرين + الوظائف البفصلوها على مزاجهم
المهم مشيت السفارة لتجديد الجواز قبل كم شهر
اتفاجأ بضريبة العام
قلت ليهم يا جماعة انا عندي خلو طرف
قالوا لي رجعت تااااني الضرائب
لما نزلت السودان وشايل ايصالي معاي
قلت ليهم ضريبة السنة دي انا دفعتها
قالوا لي منو الدفعك ضريبة وظيفك معفية
من الضرائب . . ما رجعوا لي قروشي الدفعتها
قالوا لي خليها رصيد
رصيد علي شنو ما عارف
|
ياخي سبحان الله
في السعودية اي مبلع تدفعو مثلا للتجديد ممكن ترجعو في اي لحظة قبل تخليص المعاملة
حقك في جيب الحكومة ما ببيت يوم واحد علي العكس تماما عندنا
نفس القصة دي حصلت لي مشيت القنصلية قالو لي انت ما دافع اي ضريبة قلت ليهم ياخي انا جيت بالضبط شهر فبراير 2009 كيف طلعت من السودان لو ما دفعت ؟؟!!
موظف القنصلية قال لي جيب الايصالات !!
قلت ليهو ياخ معقول انا مواطن اشيل ايصالاتي واحوم بيها كل السنين دي ؟
ليه ما عندك نظام انت ؟
قال لي دي ما مشكلتي دي مشكلة الحكومة بالحرف !!
قلت ليهو طيب انا ذنبي شنو انو مافي شبكة مع السودان ؟!!
قلت اشتكي لقيت في القنصلية جوا في موظف لئيم جدا اسمو تقريبا عثمان عبد السلام الخضر التقول القنصلية حقة ابوهو رفض يدخلني القنصلية مع اني مواطن ومن حقي عرض مشكلتي
شلت جوازي ومشيت جددتو في السودان وباقل تكلفة لان القنصلية تفرض هنيته وقلع مبلغ 100 ريال علي كل سوداني يجدد جوازه لديها باسم دعم الجاليات ؟ مع العلم بانه لا توجد جالية حتى الان في المنطقة الغربية ترى اين تذهب هذه الاموال ؟!!!!!!!!!!!!!!!!!
في جهاز شئون المغتربين عند تاشير العودة طلبو مني ان ادفع ضرائب 2010 وقبلها في عام 2009 اخبرني الموظف ان المحاسبين رجعت ضرائبهم وباثر رجعي تصدق ؟؟
موظف صغير في القنصلية او في شئون المغتربين يكسر قرارات الرئيس ويعمل الهو عاوزو وان ابا الرئيس بالضبط مثلما تفعل المدارس في تحصيل الرسوم من الطلاب ومثلما تضع المحليات رسوم للعبور
ترى من يحترم قرارات السيد امير المؤمنين ؟؟
|
|
 
|
|
|
|
|
| العنوان |
الكاتب |
Date |
| سؤال يا سادة لجهاز شئون ( المغتربين ) المغربلين بالخارج | محمد حسن العمدة | 09-16-10, 09:07 AM |
| Re: سؤال يا سادة لجهاز شئون ( المغتربين ) المغربلين بالخارج | cantona_1 | 09-16-10, 09:13 AM |
| Re: سؤال يا سادة لجهاز شئون ( المغتربين ) المغربلين بالخارج | Saifelyazal Elmaki | 09-16-10, 09:47 AM |
| Re: سؤال يا سادة لجهاز شئون ( المغتربين ) المغربلين بالخارج | التيجاني عبد الباقي | 09-16-10, 04:15 PM |
| Re: سؤال يا سادة لجهاز شئون ( المغتربين ) المغربلين بالخارج | مصطفى احمد الضو | 09-17-10, 06:13 PM |
| Re: سؤال يا سادة لجهاز شئون ( المغتربين ) المغربلين بالخارج | محمد حسن العمدة | 09-18-10, 09:00 PM |
| Re: سؤال يا سادة لجهاز شئون ( المغتربين ) المغربلين بالخارج | احمد محمد احمد عتيق | 09-19-10, 07:55 AM |
| Re: سؤال يا سادة لجهاز شئون ( المغتربين ) المغربلين بالخارج | محمد حسن العمدة | 09-19-10, 04:17 PM |
| Re: سؤال يا سادة لجهاز شئون ( المغتربين ) المغربلين بالخارج | محمد حسن العمدة | 09-19-10, 04:46 PM |
| Re: سؤال يا سادة لجهاز شئون ( المغتربين ) المغربلين بالخارج | محمد حسن العمدة | 09-26-10, 10:55 AM |
| Re: سؤال يا سادة لجهاز شئون ( المغتربين ) المغربلين بالخارج | طارق أحمد عثمان | 09-26-10, 11:06 AM |
|
| |
فيس بوك
تويتر
انستقرام
يوتيوب
بنتيريست