|
|
|
 Re: سؤال يا سادة لجهاز شئون ( المغتربين ) المغربلين بالخارج (Re: Saifelyazal Elmaki)
|
Quote: الحبيب محمد حسن العمدة
تحياتي
جهاز المغتربين جهاز متناقض في قراراته
لقد استخرجت خلو طرف من الضرائب
ومن تاريخ 1/1/2005 حسب تصريح البشير
تاني مافي ضرائب على الوظائف الفنية
(المحاسبين - المترجمين ....الخ)
الضرائب على حسب قائمة الجهاز
تشمل الاستشاريين - المستثمرين + الوظائف البفصلوها على مزاجهم
المهم مشيت السفارة لتجديد الجواز قبل كم شهر
اتفاجأ بضريبة العام
قلت ليهم يا جماعة انا عندي خلو طرف
قالوا لي رجعت تااااني الضرائب
لما نزلت السودان وشايل ايصالي معاي
قلت ليهم ضريبة السنة دي انا دفعتها
قالوا لي منو الدفعك ضريبة وظيفك معفية
من الضرائب . . ما رجعوا لي قروشي الدفعتها
قالوا لي خليها رصيد
رصيد علي شنو ما عارف
يعني إمكن تحصل رده تاني يا ربي
اتوقع اي حاجة في زمن اللا قرار
مودتي |
الاخ سيف اليزل المكي
تحية طيبة
اولا اقدر اهتمامك بسداد الالتزامات الضريبية
القرار 505أ**2005م اعفاء من الضرائب حسب قرار رئيس الجمهورية لجميع المهن العمالية والوظيفيةسنحاول الوصول للنص للفائدة
تمسك بحقوقك اخي فانت اولي بها واشيد بجهاز المغتربين لانهم على الاقل اعترفوا بالخطأ
الذي حصل في السفارة
تيجاني
| |
 
|
|
|
|
|
|
|
|
Re: سؤال يا سادة لجهاز شئون ( المغتربين ) المغربلين بالخارج (Re: التيجاني عبد الباقي)
|
| Quote: هل المحاسب عليهو ضريبة ؟؟ |
الأخ العمدة.. كل عام وأنت بخير
يا صديقي .. الجهاز في وادي والجهات الضرائبية بداخله في
وادي آخر.
خلال إجازتي قبل شهرين فوجئت
عند تأشيرة الخروج بطلب تسديد
الضريبة(وظيفتي محاسب).. وعندما
احتجيت على ذلك ورفضت الإذعان ..
اعتذرت لي الموظفة بعد أن راجعت
القائمة ..كما قالت.
يعني الشغلانة حنك؟؟
كان دفعت زي
عبد الملك حقك راح باح باح
وكان قاومت ستظفر بالفوز
على الحيكومة.
| |
|
|
|
|
|
|
|
|
|
Re: سؤال يا سادة لجهاز شئون ( المغتربين ) المغربلين بالخارج (Re: مصطفى احمد الضو)
|
والله يا شباب شكلو المسالة دي حنك عدييييييييييل وحقارة بي انا
مهنتي في الجواز محاسب وكل سنة مدفعني ضرائب واغالطهم يقولو لي يا زول مافي اي تاشيرة لو ما دفعت الغريبة في فبراير اخر يناير الفات طالبوني ادفع كمان حقت سنة 2010 بعد ان اتضح اني دافع كامل 2009 حنسك حنسك قالو لي تدفع جزء قلت ليهم يا عالم الضرائب دي طيب مفروض اخر العام موش في بدايتو انا لو مت حقي في رقبتكم والله لي يوم الليلة ما عافي ليهم
لينا الله انحنا
| |
|
|
|
|
|
|
|
|
|
Re: سؤال يا سادة لجهاز شئون ( المغتربين ) المغربلين بالخارج (Re: محمد حسن العمدة)
|
Quote: الحبيب محمد حسن العمدة
تحياتي
جهاز المغتربين جهاز متناقض في قراراته
لقد استخرجت خلو طرف من الضرائب
ومن تاريخ 1/1/2005 حسب تصريح البشير
تاني مافي ضرائب على الوظائف الفنية
(المحاسبين - المترجمين ....الخ)
الضرائب على حسب قائمة الجهاز
تشمل الاستشاريين - المستثمرين + الوظائف البفصلوها على مزاجهم
المهم مشيت السفارة لتجديد الجواز قبل كم شهر
اتفاجأ بضريبة العام
قلت ليهم يا جماعة انا عندي خلو طرف
قالوا لي رجعت تااااني الضرائب
لما نزلت السودان وشايل ايصالي معاي
قلت ليهم ضريبة السنة دي انا دفعتها
قالوا لي منو الدفعك ضريبة وظيفك معفية
من الضرائب . . ما رجعوا لي قروشي الدفعتها
قالوا لي خليها رصيد
رصيد علي شنو ما عارف
|
ياخي سبحان الله
في السعودية اي مبلع تدفعو مثلا للتجديد ممكن ترجعو في اي لحظة قبل تخليص المعاملة
حقك في جيب الحكومة ما ببيت يوم واحد علي العكس تماما عندنا
نفس القصة دي حصلت لي مشيت القنصلية قالو لي انت ما دافع اي ضريبة قلت ليهم ياخي انا جيت بالضبط شهر فبراير 2009 كيف طلعت من السودان لو ما دفعت ؟؟!!
موظف القنصلية قال لي جيب الايصالات !!
قلت ليهو ياخ معقول انا مواطن اشيل ايصالاتي واحوم بيها كل السنين دي ؟
ليه ما عندك نظام انت ؟
قال لي دي ما مشكلتي دي مشكلة الحكومة بالحرف !!
قلت ليهو طيب انا ذنبي شنو انو مافي شبكة مع السودان ؟!!
قلت اشتكي لقيت في القنصلية جوا في موظف لئيم جدا اسمو تقريبا عثمان عبد السلام الخضر التقول القنصلية حقة ابوهو رفض يدخلني القنصلية مع اني مواطن ومن حقي عرض مشكلتي
شلت جوازي ومشيت جددتو في السودان وباقل تكلفة لان القنصلية تفرض هنيته وقلع مبلغ 100 ريال علي كل سوداني يجدد جوازه لديها باسم دعم الجاليات ؟ مع العلم بانه لا توجد جالية حتى الان في المنطقة الغربية ترى اين تذهب هذه الاموال ؟!!!!!!!!!!!!!!!!!
في جهاز شئون المغتربين عند تاشير العودة طلبو مني ان ادفع ضرائب 2010 وقبلها في عام 2009 اخبرني الموظف ان المحاسبين رجعت ضرائبهم وباثر رجعي تصدق ؟؟
موظف صغير في القنصلية او في شئون المغتربين يكسر قرارات الرئيس ويعمل الهو عاوزو وان ابا الرئيس بالضبط مثلما تفعل المدارس في تحصيل الرسوم من الطلاب ومثلما تضع المحليات رسوم للعبور
ترى من يحترم قرارات السيد امير المؤمنين ؟؟
| |
|
|
|
|
|
|
|
|
|
Re: سؤال يا سادة لجهاز شئون ( المغتربين ) المغربلين بالخارج (Re: محمد حسن العمدة)
|
Quote: الاخ سيف اليزل المكي
تحية طيبة
اولا اقدر اهتمامك بسداد الالتزامات الضريبية
القرار 505أ**2005م اعفاء من الضرائب حسب قرار رئيس الجمهورية لجميع المهن العمالية والوظيفيةسنحاول الوصول للنص للفائدة
تمسك بحقوقك اخي فانت اولي بها واشيد بجهاز المغتربين لانهم على الاقل اعترفوا بالخطأ
الذي حصل في السفارة |
اها لقيت النص يا تجاني ولا لسع ؟؟
| |
|
|
|
|
|
|
| |
cantona_1
مصطفى احمد الضو
فيس بوك
تويتر
انستقرام
يوتيوب
بنتيريست