|
|
|
 Re: SMIRNOFF (Re: عزام حسن فرح)
|
| Quote: غايتو يا رشود ، لو الصورة الحداك فيها قِزازة SMIRNOFF حقيقِية |
دا (عطر) جديد يا عزام اسمو SMIRNOFF LIGHT
من دوكشي ال########ة D&G
اللهم اني صايم
| |
 
|
|
|
|
|
|
|
|
Re: SMIRNOFF (Re: ناصر احمد الامين)
|
يا ناصِر ، عليك الله ما تلخبتني ياخ ... إنت بتتكلم جد ولا بتهظر ... يا زول القِزازة دي "عطر" في ذُمتك يا ناصر ... يا زول أكان كدي أستعِد لِلبلع ساي ونقوم نعتذر لرشود ... هسِع البلع في نهار رمضان ده موقِفو كيف ... إنت بتهظر مُش كِده؟ عليك الله قول لي
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
عزام فرح
كل عام وانت بخير والاسرة
رشودى باااااالغ
المهم فى ضمتك عايز فاضى
من نوع القزازة دى لغرض؟
عيد سعيد ياخ
ناصر ابلع سااااى
| |
|
|
|
|
|
|
|
|
|
Re: SMIRNOFF (Re: معاوية عبيد الصائم)
|
والله يا معاوية يا خوي أعايِن فوق الصورة ، ألقاني متْمحِن ، يا ناس الود ده التقول أنا بعرفو ، أخد لي جَولة في أنحاء الصورة وأقلِب عيوني فيها ، أزداد إقْتِناع إنو الود بعرفو بعرفو ... يا ربي يِكون رشود ده قرا معاي ... قرا معاي شنو إنت كمان ... نِحنا وِكْتين قرينا الود ده أمو يِكون ما عرسوها ... في النِهاية تاريني البعرفو مو رشود ... البعرفو القِزازة شكيتا على الله ، ياها يا معاوية [ سمير ود حبوبة فوتكا] الله لا كسبو ... الزول ده هسع الحي بيهو ... بِكون وين وأحوالو شنو ... يا ربي عرس ... وِلِد ... كمل قِرايتو ... والله يا معاوية مِن مصنع جدو [سوفيت] إنْحرق سمِعت إنو [سمير] بقى في جِهة وحبوبة [فوتكا] بِقت في جِهة ... يا حليلُم بِرغم كُل شي برضو يا حليلُم ... ما عُشرة عاد شِن نسوو
هسع ظنك بِكون جابا مِن وين رشود ده ياخ
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
عزام عيد مبارك
هسي في زمتك لو عملو دعاية لمريسة تام زين ما كان بكون تشجيع للصناعة الوطنية وزيادة الصادرات
بوستيك ده داير ليهو زول فاطر يا نجيك بعدين يا بعد العيد
| |
|
|
|
|
|
|
|
|
|
Re: SMIRNOFF (Re: محمد إبراهيم علي)
|
محمد إبراهيم علي
المريسة ما عليها أهلك المحس بِالحيل ... نِحنا في المحس عِندنا الدكاي "النبيذ" وده شرابو مِن كتره ما حلال مُمكِن تتوضأ بيهو وتصلي عادي ... ولو قرص بِبقى في حُكم الخَمر ولو شربتو ما أذهب عقلك ، ياهو نبيذ إنْتبذتو في موية وجيتو صاد بعد يوم يومين وأخدت بُقا بُقْتين ، ما فوقا حاجة ، حتى لو ذبدو بقى ظاهِر تكسِرو بِموية زير وتشرب عادي حلال بَيِن وتِدْشا كأنو ما حصل حاجة
رمضان باقيلو أقل مِن ساعتين وننتهي منو نُهائي
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
عزام حسن فرح ..
ربنا يقبل والسنة الجاية على امانيك
أما وعن قولك هذا
| Quote: مِن كتره ما حلال مُمكِن تتوضأ بيهو وتصلي عادي ... |
فقد أعاد إلى ذاكرتي بعض إختلافات المؤرخين .. وإختلاف المدرستين الأموية والعباسية في جواز/حرمة الخمر
هل تملك أي مصادر موثوقة لتلك الأحاديث .. وأنت من مَن أثق في سعة إطلاعهم في هذا المنبر
| |
|
|
|
|
|
|
|
|
|
Re: SMIRNOFF (Re: عبدالكريم الامين احمد)
|
كيكي
كيف حالك؟ علك طَيِب
Quote: عيد سعيد يا عزام ولكل ضيوفك الكرام
ولرشود ولسميرة نوووف ايضا |
الأجواء في روسيا وعبري واااااحدة ... عِندنا مِن شِده الصقط ، الزير مويتو بِتتحَول لِتلِج والتلِج يِشِق الزير ويِجيبو الواطا ... بنقوم نكافِح ها الزمهرير ، بِالسمك الصير ، بصطادو الشباب بِتوب الحريم ، وزي ما هو كِده بِنْقلي في الزيت وبعدين يِتْملح ويغرِفو في طش ويِجيبو ليك في غُرفة خاصة لأيام الشتاء ، غُرفة ما فوقا شُباك أو طاقة ، أها مع السمك البِقرْقِش ده بنتعاطا الدكاي عمْدًا ، غير كِده بِحصل ليك الحصل لِلزير ، بتنْشق رااااات ، هسع الأجواء دي فرِقا مِن روسيا شنو؟ وبين هاتي كأسي ، ندخِن القمشا الزارعِنا في جروفنا ، ونتعشى ملوحة بِقُراصة قمح أسمر بِنخالتو ، مزروع في أرضنا ، والله أكله تِسْتاهل خشمك ، ونخْتِما بِالحلو ، ِعجوة سمن ، بسَوَنها حبوباتك ، يِجيبن البلح النوع الزين ويِرُصو البلح في صفيحة ، بلحه بلحه ، ، بلحه بلحه ، لغاية قريب خشم الصفيحة ، بعد داك يِدفِقن فوق البلح السمن المهزوز مِن لبن شِياتنا ونعجاتنا ويِقْفلِن الصفيحة على كِده ، بعد فِترة ، البلح بِنْقلِب عجوة ، أول ما تلمسا ، النواه تمرُق مِن بطن العجوة دون عصر وتلقى العجوة ، مِتل الأبنوس في لونا ولامعا وطَيبة
| |
|
|
|
|
|
|
|
|
|
Re: SMIRNOFF (Re: nabielo)
|
Quote: عزام عيد سعيد
ذكرتنى قول الشاعر احمد شوقى
رمضان ولى هاتها يا ساق مشتاقة تسعى الى مشتاق |
ده كلام (ابونواس) ياعادل عبدالعزيز ..
| |
|
|
|
|
|
|
|
|
|
Re: SMIRNOFF (Re: قلقو)
|
المجنون ختف طبنجة العسكري...وبي حركة سريعة رماها في البحر
وعاين للعسكري...قال ليه سوفيتي والله ما سوفيتي؟
هسع انت ختفت صورة الجنا دا...
بي سميرنوفا...
وفي آخر يوم في رمضان..؟
| |
|
|
|
|
|
|
|
|
|
Re: SMIRNOFF (Re: sari_alail)
|
يا عزّام كل عام وأنتم بخير... دا شنو يا زول .. تتكلم عن المريسة والبغُو في رمضان.. من كان كثيره مُسكِر فقليله حرام.
كبـّـاشي الصـّـافي
| |
|
|
|
|
|
|
|
|
|
جنس حسساده !! (Re: nazar hussien)
|
عزام يا عزام !!
هسه من الفى الصورة دا كلووو ما شفت
غير الجزء الفارغ من القزازة دا ؟؟
والله بتبالغ عديييل يا عزام .. خاف الله فينا
خاف الله ..
هسه خلى التلتيق دا
وخلينا نرجع لموضوعنا الاساااااسى !
ـــــــــــــــ
طبعا بخصوص الصورة اعلاه .. عزام كل سنة
وانت طيب وجميل ونبيل وجايب لينا كل جميل ..
عيدك سعيد ياخ .. فرحتنا شكرا
| |
|
|
|
|
|
|
|
|
|
Re: SMIRNOFF (Re: أسامة عبد الجليل)
|
Galaleldin Abdalla
كيف حالك؟ علك طَيِب
| Quote: ABSOLUT.....................ly |
تسلم إن شاءالله وتزور النبي ... تعود الأيام والقابلا على أمانيك
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
قلقو
كيف حالك؟ علك طَيِب ...
| Quote: (رمضان ولى) ياعزام وكل سنة وانت طيب . |
نحْمِد المولى إنْستـرنا وقـام ولى ...
ونسألو العطـف عليـنا فيـما ولى ...
يا رب الضعيف والبشير بدين خلا ...
في المواني رُقـادي وعادِم العَـلا ...
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
ع.ع.ع (ياخ معقول كِده : عادل عبدالعزيز عبد الرحيم)
كيف حالك؟ علك طَيِب
| Quote: رمضان ولى هاتها يا ساق مشتاقة تسعى الى مشتاق |
إجْتمع نصراني ومحدِّثٌ في سفينةٍ فَصَبَّّ النصرانيَّ خمرًا من زِقٌ كان معهُ في شُرْبَةٍ وشَرِب ، ثُمَّ صَبَّ فيها وعرض على المحدَّث ، فتنناولها من غَير فِكْر ولا مُبالاةٍ.
فقال النصراني: جُعِلْتُ فِداكَ إِنَّما هي خمرٌ.
قال: مِن أين عَلِمْت أَنَّها خمرٌ؟
قال: اْشتراها غُلامي مِنْ يَهودي وَحلَف أَنَّها خمرٌ
فَشَرِبَها اْلمحدِّثُ على عَجَلٍ وقال لِلنصراني: يا أحمقُ نحنُ أصحاب اْلحديثِ نُضَعْفُ مثل سفيان بْنِ عُيَيْنَةَ، ويزيد بْنِ هارون، أَفَنُصَدِّقُ نَصرانيًا عن غُلامِهِ عن يهودي والله ما شَربْتُها إِلا لِضَعْفِ الإسْنادِ
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
دينا خالِد
كيف حالِك؟ علك طَيِبة
Quote: عزام يا عزام !!
هسه من الفى الصورة دا كلووو ما شفت
غير الجزء الفارغ من القزازة دا ؟؟ |
شفت والله ... بس قُلت أقلِل الخسائِر قدُر ما أقدر ...وكُنت بَين خِيارَين ، أُشير إلى <مُصعب بِن عُمَير> الفوق ده ولا إلى SMIRNOFF ...
أفتكِر إتْوَفقت بِحمدالله
| |
|
|
|
|
|
|
|
|
|
Re: SMIRNOFF (Re: أسامة عبد الجليل)
|
sari-alail
كيف حالك؟ علك طَيِب
Quote: عمنا عزام .. كل سنة و انت طيب ... :)
الصورة دي تركيب بالفوتوشوب .....:) |
والله أنا قلبي كان ماكِلْني ... علشان كِده قُلت أعمل لي خط رجعة :
| Quote: غايتو يا رشود ، لو صورة قِزازة الـSMIRNOFF الحداك دي حقيقِية ، تبقى بااااالغت ياخ |
الظاهِر إنت عِندك فِكرة في الفوتوشوب ... ظنك الجنا ده ، خِلقه الله ولا عامْليلو حتو فوتوشوب؟
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
nazar hassien
كيف حالك؟ علك طَيِب
Quote: المجنون ختف طبنجة العسكري...وبي حركة سريعة رماها في البحر
وعاين للعسكري...قال ليه سوفيتي والله ما سوفيتي؟
هسع انت ختفت صورة الجنا دا...
بي سميرنوفا...
وفي آخر يوم في رمضان..؟ |
سميرنوف؟ مو سميرنوف!
سميرنوف؟ مو سميرنوف!
سميرنوف؟ مو سميرنوف!
سميرنوف؟ مو سميرنوف!
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
عزام نحن مفروض ننخلع من غزازة الفوتكا لاننا فى السعوديه او فى السودان
ولا انا غلطان
لمحتها لمحه بس ولا هى قزازة ريحه
كل سنه وانت طيب يا ناس الدوحه
| |
|
|
|
|
|
|
|
|
|
Re: SMIRNOFF (Re: خالد المحرب)
|
ود المحرب
كيف حالك؟ علك طَيِب
| Quote: لمحتها لمحه بس ولا هى قزازة ريحه |
يا خالِد دقيقة عليك الله ... دي قِزازة SMIRNOFF
وده رشودي
وكلام <قزايِز الريحه> ده قالو ناصر أحمد الأمين ... برايهو ... أظِنو الجنا ده شِويعي
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
يارطانى يامتخلف ياحاقد
اولا انت شن عرفك بسميرة نوف
خليك مع الدكاى والذى منو بعدين
الموديل راشد يقدر يبلعكم ويبلع
تخلفكم كيف من غير سميرة نوف
كل نسة انت وراشد بكل خير وبصحتكم
| |
|
|
|
|
|
|
|
|
|
Re: SMIRNOFF (Re: بدر الدين الأمير)
|
عزام ازيك
وكل سنة وانت والأهل بخير
الشى دا ياعزام قالو مسوح بتاع حلق,
الزول العندو وجع حلق يقعد فى الجابرة دى
ويجيب الشى دا ويقعد يتمسح ,
وبعداك يمشى ينوم
قالو بتدوخ شوية
لكن تنومك نومة كااااااربة..
وتقوم الصباح
عليك أمان الله
الكمدة بالرمدة
| |
|
|
|
|
|
|
|
|
 Re: SMIRNOFF (Re: فيصل محمد خليل)
|
عزام فرح راجل بت ابراهيم صحبتي ازيك وكل سنه وانت طيب ,
كدي النديك الكلام من خشم سيدو ,
واللي قالو رشاد نميري زاااتو قدامنا وعلى مرأى ومسمع من الجميع ,
في افطار بورداب الخرطوم , واللي سألوهو بشكل مباشر عن اعلان الـ SMIRNOFF
وكان السؤال انو : هل فعلا انت عملتا اعلان لي نوع من الخمور تقريبا (فودكا) اسمها SMIRNOFF ..؟؟ وهل انت راضي عن فكره الاعلان لنوع من الخمره ؟؟
كانت اجابته مختصره جدا : ايوه انا فعلا عملتا الاعلان دا وماشايف فيهو مشكله و بعتبرو extra cash of money ..!!
انشالله يكون دا قصدك يابا وما اكون اخطأت فهم البوست .. (^_^)
| |
|
|
|
|
|
|
|
|
|
Re: SMIRNOFF (Re: قاسم المهداوى)
|
قاسم المهداوى
كيف حالك؟ علك طَيِب
Quote: عزام
عيدية والقابلة تتحقق الامنيات
حابب اقول عيدية وبس |
تحِبك العافِية يا خوي ... إن شاءالله السنة الجاية تزور النبي ... والقابلا على أُمْنياتك ... كتر خيرك
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
أديك النجيضه ياعزام ؟
الإتنين حلوين ومافيهم كلام كان السميرنوف ولا الرشادنوف.
عينى بارده ,, غايتو الخمر والغلمان المخلدون ديل موعدنا
معهم فى الجنه كان مايزاحمونا فيهم ناس دينا خالد المكسرين
ديل .
| |
|
|
|
|
|
|
|
|
|
Re: SMIRNOFF (Re: كمال سالم)
|
Quote: عينى بارده ,, غايتو الخمر والغلمان المخلدون ديل موعدنا
|
عزام تانى النشوفك حايم في فريج بنى عمران
| |
|
|
|
|
|
|
|
|
|
Re: SMIRNOFF (Re: أسامة عبد الجليل)
|
| Quote: ده كلام (ابونواس) ياعادل عبدالعزيز |
Quote: بل القصيدة لأحمد شوقي يا قلقو
كل سنة وإنتو طيبين. |
الأخ عادل عبدالعزيز..
انا آسف فأنت كنت صح فالقصيدة فعلا لأحمد شوقى وليس لأبونواس.
مع جزيل شكرى للأخ اسامة عبدالجليل لتصحيح المعلومة .
وكل عام وانتم بخير .
| |
|
|
|
|
|
|
|
|
|
Re: SMIRNOFF (Re: قلقو)
|
يا كمال سالِم ياخ لو سمحت على الأقل في ها العمود حاوِل تلتزِم بِتشكيل الحُروف والإنْتِباه في كِتابة "التاء المربوطة" و"الهاء" علشان ما تلخْيِتو لينا الرصه بين [خمره] و[خُمْرة] إنت براك شايِف المَوقِف حساس كيف وفي مرحلة مِفْصلِية مِن تاريخي الأخلاقي ... ياخ إنننت ما شايِفك العِريبي بدرالدييين بِهْدِف لِشنو ، يااااخ ده ... ده لخبط أب قِرش مع أب قِرْشين ، خلا [رشاد] و[الخَمْره] و[الخُمْرة] في صعيد واحد ود الذين آمنوا ... شِويعي ليبرالي فاره
وفي الصحيح عن ابن مسعود - رضي الله عنه - أنه قال: [لعن الله الواشمات والمستوشمات والنامصات والمتنمصات والمتفلجات للحسن المتغيرات خلق الله عز وجل] دحين الحديث الشريف ده نقْلِبو خِطاب هيل ضكر كيفِن عاد؟ كَدي نحاوِل [لعن الله النامصين والمُتَنَمِصين ...] هييي ده بِحْجِز مقعدي مِن النار ساي ...
لكِن حرم يا رشاد شذيت وبااالغت ... شوف الحواحِب شوف ... الشي مِتِْل بِت أُم لُعاب ... شكيتك على الله
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
بدرالدين الأمير
ياها حرم فريق [حِله] بني عِمْران ، ما غيرا
أماتةً عليك هسِع [رشاد] ده ولد سوهو مِتْل البننت ، ولا بِت سوها مِتل الصِبيان؟ النصيحة ما بِتمرُقا ، عارفك!
شمتْ فوقنا [دينا] و[دينك]
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
بدرالدين الأمير
Quote: يارطانى يامتخلف ياحاقد
اولا انت شن عرفك بسميرة نوف
خليك مع الدكاى والذى منو بعدين
الموديل راشد يقدر يبلعكم ويبلع
تخلفكم كيف من غير سميرة نوف |
SMIRNOFF عِرِفْناها والدكاي عِرِفْناهو ... [الذي منو] دي شِني كمان يا كافي البلا؟
ـــــــــــــ
| Quote: كل نسة انت وراشد بكل خير وبصحتكم |
نسة ... نسة في عينك! فطو فطو
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
الحكيمة سِتْ الإبرا / داليا كباشي زَوج زميلنا وحبيبنا تِمْبِس (ده الإسم الرسمي حقِك)
قُلت لي رشودي قال :
| Quote: extra cash of money |
أها القِزازا خليها ، القميص البَفْتا ده ما كان مُمْكِن يِدْرعو فوق جِتَتو ، دون شيل حواجِب وتحمير كِضيمات وتحفيف شِلاليف والتِجِنْزِر بِسِلْسِل رقبه مربوط فوقا يافطة؟
| |
|
|
|
|
|
|
|
|
 Re: SMIRNOFF (Re: عزام حسن فرح)
|
| Quote: دون شيل حواجِب وتحمير كِضيمات وتحفيف شِلاليف |
قال (والله يكفينا شر القواله) :
دا تكنيك , يعني الميكب بيعلوهو كل الفنانين ,
والكحل سنه , وناس الطرق الصوفيه بيتكحلو ,
وعمر الجزلي بيطلع في التلفزيون معموله ليهو بدره وفل ميكب !
(الاراء المنقوله عن رشاد نميري تعبر عن راي صاحبها , وناقل القواله ليس بكافر)
------------
شكرا على الاسم .. عجبنا يعلم الله (^_^)
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
كمال سالِم
Quote: أديك النجيضه ياعزام ؟
الإتنين حلوين ومافيهم كلام كان السميرنوف ولا الرشادنوف.
عينى بارده ,, غايتو الخمر والغلمان المخلدون ديل موعدنا
معهم فى الجنه كان مايزاحمونا فيهم ناس دينا خالد المكسرين
ديل . |
بدرالدين قال ليك تاني ما تجي "فريج بني عِمران" (عطِشْ لي جيم فريج دي وحيات أبوك ياخ)
ولو في حاجة ضروري ضروري ، رسِل " ود أُخْتك نادِر "النساي" (علشان يِمْرُق ليكُم في الحِجاز)
إنت عارِف يا كمال ، مره جيت بيتكُم في مُناسبة كِده ... لقيت نادِر "النساي " مارِق مِن البيت وماش على الشارِع ، سألتو ماشي وين يا زول؟ قالي : ناس خالي / كمال عِندهُم مُناسبة ماشي عليهُم! الزول ده سايبِنو كِده ليه ياخ؟ ما تشوفو ليهو أي "نوف" سميرنوف ... شحم دوف ... أي نوف وخلاص ... ما مُمْكِن تهمِلوهو بِالشكل ده ... ياخ ده نُص وكتو بِكون قاعِد يِتذكر هو وين وماش وين وجا مِن وين
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
Quote: قال (والله يكفينا شر القواله) :
دا تكنيك , يعني الميكب بيعلوهو كل الفنانين ,
والكحل سنه , وناس الطرق الصوفيه بيتكحلو ,
وعمر الجزلي بيطلع في التلفزيون معموله ليهو بدره وفل ميكب ! |
يا داليا يا بِت الرُجال ... لكِن "مُعصب بِن عُمير" ده فوق العليهو يِقوم يِسوو "الميكب" الكترابا ... الزول ده رجِعوهو أهلو في أمريكا ، خط الإسْتِواء ده ما خايِل فوقو تااااب
| |
|
|
|
|
|
|
|
|
|
Re: SMIRNOFF (Re: الجيلى أحمد)
|
الولد ده حق كان ناس النظام العام يقّنعوه
عشان ما يفتن النساء, والرجال كمان.
أو كان ينفوه لى أمريكا عشان يفتن بنات العم سام.
أسى الود ده ما برااااهو تعاطى, قال فودكا قال,
آمنت بالله
| |
|
|
|
|
|
|
|
|
|
Re: SMIRNOFF (Re: عبدالله شمس الدين مصطفى)
|
الجَيلي ود أحمد
Quote: هسى ياعزام انت القزازة أم رويسآ أحمر دى جربتها ولاساكت..؟
غايتو بدر الدين أصلو ماخاتى عليك
انت بتشنف ساااى |
هاك الحِكاية دي :
Quote: اجتمع الشعراء عن احد الخلفاء وبدا النقاش في الشعر والوصف فيه
فقال الخليفة لاأحدهم صف لي الخمر فقال:.
تريك القذى من دونها وهي دونه = لهافي عظام الشاربين دبيب
فقال الخليفة وجب حدك فهذ وصف من شربها وعرفها
فقال الشاعر وانت ياميرالمؤمنبن وجب حدك فانت ايضا شربتها وعرفتها
والا مادراك ان وصفي لها صحيح.
فضحك الخليفة وضحك الحاضرون وقال واحدة بواحده |
يعني عِلا نموت علشان نوصِف الموت
Quote: وكان [عمر بن الخطاب] يشرب النبيذ الشديد إلى آخر نفس لفظه قال عمرو بن ميمون: شهدت عمر حين طعن أتي بنبيذ شديد فشربه. طب 6 ص 156).
وكان حدة شرابه وشدته بحيث لو شرب غيره منه لسكر وكان يقيم عليه الحد غير أن الخليفة كان لم يتأثر منه لاعتياده أو كان يكسره ويشربه قال الشعبي:
شرب أعرابي من أداوة عمر فأغشي فحده عمر: ثم قال: وإنما: حده للسكر لا للشرب
(العقد الفريد 3 ص 416)
وفي لفظ الجصاص في أحكام القرآن 2 ص 565: إن أعرابيا شرب من شراب عمر فجلده عمر الحد فقال الأعرابي: إنما شربت من شرابك. فدعا عمر شرابه فكسره بالماء ثم شرب منه وقال: من رابه شرابه شئ فليكسره بالماء ثم قال الجصاص: ورواه إبراهيم النخعي عن عمر نحوه وقال فيه: إنه شرب منه بعد ما ضرب الأعرابي.
وفي جامع مسانيد أبي حنيفة 2 ص 192 قال: هكذا فاكسروه بالماء إذا غلبكم شيطانه. وكان يحب الشراب الشديد. |
| |
|
|
|
|
|
|
|
|
|
Re: SMIRNOFF (Re: الجيلى أحمد)
|
غايتو الخمر والغلمان المخلدون ديل موعدنا
معهم فى الجنه كان مايزاحمونا فيهم ناس دينا خالد المكسرين
ديل .
الجنه ديييييك ؟؟
الجنه ام نعيم؟ الجنة ام قصر ؟؟
نحن فى هسسسسه دى !!
الود ما ود نصاح ..
ـــــــــــــــ
هم ناس سميرنوفك ديل يا عزام نصاح ؟؟
فى زول بقتل المنتج بتاعه قتله قدر دى
ويصورو جنب رشاد ؟ اها تانى منتجو دا بتقوم لى
قايمه ؟ خليهم يقابلونى لو سميرنوف ولا قورباتشوف
ولا كان فى زول ساكت شافو ليهم الشوفه ..
| |
|
|
|
|
|
|
|
|
|
Re: SMIRNOFF (Re: دينا خالد)
|
إبن عمي عزام إنت طيب إن شاء الله كل عام
أما بعد
عينك في ( رشاد ) تطعن في ( الإسمرنوف ؟؟؟ )
تماما كالفيل و ضلو
تعرف يا قريبي
شراب ( النبيت ) الذي يتم صنعه في نهاية الدميرة من العجوة و يتم دفنه في زير بباطن الأرض حتى حلول الشتاء ، يعادل تماما ( نبيذ الإرستقراطيين المخزون في القبو في قصورهم )
تحياتي لكافة أفراد الأسرة
| |
|
|
|
|
|
|
|
|
|
Re: SMIRNOFF (Re: ابو جهينة)
|
Quote: 
|
بِالله شوف الجنا مِتْمطي كيفِنو تقول نياو! يا ولد يا ولد ، أقيف عديييل أَخْير ليك ... شوفو الجنا مِنْفزِر كيف! ... إيه الفَوضى الخلاقة دي ... وبعدين معاك ... أهااا
أمانةً عليك ، هسِع دي ياها [أطْلِقوا اللِحى وحِفوا الشوارِب] ... حد يِصحى "قيقم" يا جماعة
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
سلام تانى يا عزام
المداخلة الاولى كانت عيدية ,
وكما هو معلوم زيادة هرمونات ونقصانها يؤدى الى
تلخبط فى الشكل والتشكيل يعنى القصة ربانيه كدا ياعزام
والله اعلم .
ولا كـــــيف ؟
قاسم المهداوى
| |
|
|
|
|
|
|
|
|
|
Re: SMIRNOFF (Re: قاسم المهداوى)
|
عزام ياخى خليك مع الزمن والموديل
راشد وجه حضارى بعدين عرض الازياء
فن زي باقى الفنون انت مالك مضايق
تنهدات: لكن المحيرنى كمال سالم طلع من مدنى
| |
|
|
|
|
|
|
|
|
|
Re: SMIRNOFF (Re: بدر الدين الأمير)
|
نسام قديم خابرو مِن الفودكا حليلو فاح
قليل البركز إذا ما العرقي أصبح مُتاح
الرأي والفودكا دَنَتْ قريب وساقيها لاح
عِلا الشافِع .. بااااالغ يا دينا وفينا طاح
عيد بطعم الفرح يا قريبي وصديقي جدا...
قليل البركز إذا العرقي أصبج متاح وقد لم يسبقك
أحد من الشعراء على الإتيان بهذه الصورة الكاريكاتورية
على الندامى عندما لا يركز بعضهم، ولعمري فإنك تخاطب نغسك
على تحمل المتاح من ذلك المشروب العجيب الذي إبتدعه أهل السودان
وبزوا الأمم أو بالأحرى فإنك راكز وإني لمن الشاهدين!
أما (النبيت) إندينا، فقد كنت مهتما جدا ومراقبا جيدا لصنعه في البلد
وكما قال الحبيب أبوجهينه فإن النبيذ النوبي نبيذ الملوك كما يقال وخاصة
المصنوع عقب الدميرة,,,
____________________________________________________________________________________
إعتقدت للوهلة الأولى بانها قارورة عطر كبيرة إلا انني أدركت خطأي الفادح,,,
| |
|
|
|
|
|
|
|
|
|
Re: SMIRNOFF (Re: عبدالأله زمراوي)
|
| Quote: (العقد الفريد 3 ص 416) |
| Quote: وفي جامع مسانيد أبي حنيفة 2 ص 192 قال: هكذا فاكسروه بالماء إذا غلبكم شيطانه. وكان يحب الشراب الشديد. |
يا عزام يا قريبي ،، ياخي مالك عايز تلخبط لينا راسنا؟؟ برانا عيانين ، ومتسببين!!
مرة قريبي عبدالاله ده ، كان مفروض نتقابل فقلت ليهو أنا في التاريخ ده بكون في العمرة
فنظر لي شذراً وقال ( بالله شوفوا الزول ده !!).
شفتو قرايبي ديل مساخيط كيف ؟
حليل رمضان ..
| |
|
|
|
|
|
|
|
|
|
Re: SMIRNOFF (Re: أسامة عبد الجليل)
|
بدرالدين الأمير
Quote: عزام ياخى خليك مع الزمن والموديل
راشد وجه حضارى بعدين عرض الازياء
فن زي باقى الفنون انت مالك مضايق |
قُلت لي وجه حضاري ... والعالم الحايمة دي حفرِيات فقارِية ولا شنو يعني؟
هسع "كحل" الراجِل البِصاحبو شيل "الحواجِب" و"تنعيم الشعر" ده إسمو "حضارة"؟ وإنت مالك عامِل لينا مِتِل "الماموث" كِده ، ما تمشي "تِتْحضر" ياخ ، كرهتنا البندر وضواحيهو
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
قاسِم المهداوي
Quote: وكما هو معلوم زيادة هرمونات ونقصانها يؤدى الى
تلخبط فى الشكل والتشكيل يعنى القصة ربانيه كدا ياعزام |
أبدًا يا "قاسِم" الراجِل الجد جد ما بعيد ترتيب "خَلق" الإله بِتغَيير فاضِح لِلنوع. يعني لو الله خلقو مقرون الحواحِب مع عرضٍ فيها ، ما بِفْصِلِن ويِرقْرِق أطرافا ويِطَوِلا حتى تتعدى محْجر العين ... ولا بِفْرِد ويِنعِمْ شعرو ويجْعلهُ بِخُصَلٍ تائِهة ... ولا يحِفُ بِسِنانٍ شِفاه ولو فيهِ شِفاه ... هو غرض "الموديل" شنو ، تسويق "مُنتج" ولا تسويق "رقبتو"؟ شكيتو على الله
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
الكحُل سنة
يقال والعهدة على الرواى لمن نميرى دخل في الهوس الدينى
قال للجماعة في مجلس قيادة الثورة اتكحلو ان الكحل سنة
فرد عليه الزين كو ياريس الحكول نحنا مابنعرفو لكن اكان
دايرنا ندخن بندخن هههههههههههههههههههههههههه
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
Quote: "كحل" الراجِل البِصاحبو شيل "الحواجِب" و"تنعيم الشعر"
|
دا مكياج لزوم العرض
المهم المرة الجاية انا حا اعزمك تحضر عرض ازياء
عسى ولعل تتحضر ايها البدوى
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
قالو كان داير تعرف فاطنه شوف امحمد في السوق اها دا رشوه فاطنه بتكون كيف ياعزام? تخريمه: انتو الشياطين دي بيفكوه مره واحده كدا والله علي حسب الدول لانو اليابان بيكونو اول ناس والامريكان اخر شي
| |
|
|
|
|
|
|
|
|
|
Re: SMIRNOFF (Re: عثمان محمد كرار)
|
Quote:
غايتو يا رشود ، لو صورة قِزازة الـSMIRNOFF الحداك دي حقيقِية ، تبقى بااااالغت ياخ
|
العزيز/ عزام
سلامات
كل عام وانتم بخير
(في الجزيرةابا عندنا دكان واحد بيبيع التمباك وأنت عارف حكم الصعود عند أهلنا الأنصار.. عندما نتربّص بزميل لنا نمشي نقابل ابوه وبعد حك ولي نفول له: من بعيد بعيد كدا شفنا فلان ولدك جنب دكان اللمين الضو.. وعلى كدا تكون هذه تهمة ثابتة لا تناقش إلا بعد جلد المسكين البرئ)
دخين بوستك بتاع قزازة الريحة دي زي دكان عمنا اللمين.. مداخلة تثبت الجريمة!! أو نصلّح الفزازة ونخليها: SamiraDunia
تحياتي
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
Quote: والله يا معاوية يا خوي أعايِن فوق الصورة ، ألقاني متْمحِن ، يا ناس الود ده التقول أنا بعرفو ، أخد لي جَولة في أنحاء الصورة وأقلِب عيوني فيها ، أزداد إقْتِناع إنو الود بعرفو بعرفو ... يا ربي يِكون رشود ده قرا معاي ... قرا معاي شنو إنت كمان ... نِحنا وِكْتين قرينا الود ده أمو يِكون ما عرسوها ... في النِهاية تاريني البعرفو مو رشود ... البعرفو القِزازة شكيتا على الله ، ياها يا معاوية [ سمير ود حبوبة فوتكا] الله لا كسبو ... الزول ده هسع الحي بيهو ... بِكون وين وأحوالو شنو ... يا ربي عرس ... وِلِد ... كمل قِرايتو ... والله يا معاوية مِن مصنع جدو [سوفيت] إنْحرق سمِعت إنو [سمير] بقى في جِهة وحبوبة [فوتكا] بِقت في جِهة ... يا حليلُم بِرغم كُل شي برضو يا حليلُم ... ما عُشرة عاد شِن نسوو
|
عزام كيفنك وعيدك سعيد
يازول ربك كضب الشينة والعرفة طلعت مع القزازة
معاه حق ابعاج يدس منكم ولادته السنين دى كلها
والوليد دة سمعنا قالوا جاى للميراث بعد ما جاته اخبار انه قاعة الصداقة ومجلس الشعب
مسجلات باسم النميرى
| |
|
|
|
|
|
|
|
|
|
Re: SMIRNOFF (Re: احمد التجانى احمد)
|
Quote:
سلام بتاعت فنلتك! والله لو شُفت عم عيسى أكان أقول ليهو : شفتا يا عمي ولدك دخل حوش <رشودي المَمكْيج> وقابل ود الأمير وصلاح عبدالله كمان وفتح حِوار.
قال الود جاي يِسلِم قال ... الحركات دي نِحنا بنعرِفا كَويس ... دايِر تخُش تعال عديل ، مُش تعمِلا لينا سلام وعزيزي وعيدِية ... وكمان لو ما عِندك الشيرِنج حرم ما تعتِب جوه ... كرهتونا القُعاد
|
الحمد لله ما جابت ليها (ينعل د....)
أمشى في السواطة لما تجيب ليك رقبة زول..
(عمى عمر عليه رحمة الله ضُرب وشقت يده بجرح كبير لمجرد وشاية أنه قابل ود فلان الشيوعي داك)
ياخ شيرنج شنو ورشودي شنو..!! زول برئ لا بيعرف سميرا دي ولا سميرا ديك.. ولا ابوجمل ولا داب.. ولا حتى ابوكديس ولا الفيرموس بطعم البيترصودا..
لا ترموا التابعين...
بعد ده الآية(وان جاءكم فاسق بنبأ....) بتنطبق عليك.. أها تمشي وين..
ولا الأمر لا يهم.. أصلك داخل داخل..
| Quote: وإنتو ما تقفِلو دُكان للمين ود الضو ده وتخلصو ... والله أول مره أسمع في دُكان تُنْباك في الجزيرة أبا ... يا للهَول ... يا زول إنت بِصِحك عليك الله؟! |
(دكان عمنا اللمين دا جزيرة معزولة في سوق أبا لا يقربه الا المنعولين المتمبكين والمسجرين..)
عشان كدا كان مشروع عقوبة جاهزة لمن يطلع عن اجماعنا الطفولي البرئ..
بي شلاقتك دي لو كنت معانا.. كل يوم والتاني نكلم أبوك ونقول شفنا عزام طالع من جوة دكان اللمين...
تمشي وين.. وحق فطورك حلال لنا رشوة للسكوت...
| |
|
|
|
|
|
|
|
|
|
Re: SMIRNOFF (Re: Abdlaziz Eisa)
|
Abdlaziz Eisa
| Quote: بي شلاقتك دي لو كنت معانا.. كل يوم والتاني نكلم أبوك ونقول شفنا عزام طالع من جوة دكان اللمين... |
بتذكر أول أيام إنْقِلاب ناس عُمر البشير ديل ... أقنعوني أخَوين مِن تُجار بحري ، إنو أشتري [تُنْباك] تاجِر كبير ، كان مسجون في شيك مُحرِرو بِدون رصيد وأفتح بِالتُنْباك مِحِل مِنها أسْتفيد ومِنها أحِل ليهُم ورطة التاجِر أب شيكًا طايِر ... فِعلاً إشْتريت التُنْباك وفتحت مِحِل وكتبت في بابو [سِفوا تصِحوا] بعد يومين لقيت رقبتي في الحَراسا بِتُهمتين ، أظِن واحده فوقِن أكانت [إهانة المُقدسات] ولا حاجة زي دي ... وكُنت في التبادي دايِر أسميهو [عماري المحسي] بس أهلي شكلو وفد أتى مِن مُسْتوطَنة الكلاكلة القُبه وقالو حيِهدِرو دمي إن فعلت ... لغيت المشروع وبعت مخزوني مِن التُنْباك وسرحت العُمال ...
| |
|
|
|
|
|
|
|
|
|
Re: SMIRNOFF (Re: عزام حسن فرح)
|
أحمد التجاني أحمد
كيف حالك؟ علك طَيِب
Quote: عزام كيفنك وعيدك سعيد
يازول ربك كضب الشينة والعرفة طلعت مع القزازة |
نحمِد الله حمْدًا كثيرًا طَيِبًا ... القِزازة أخف الضرَرَيْن ومُعاقرة مُحْتواها فيهِ قَوْلَين ... أما القَول في "رشودي" فالقَول فيهِ واحِد ... ما بِخْتِلِف فيهو واحِد ... كمال وود الأمير أفتو بِرأيٍ واحِد ... زيل الفِتَن يا رب العِباد يا واحِد
تعود الأيام يا ود التجاني والقابلا على أُمْنياتك إن شاءالله
| |
|
|
|
|
|
|
|
|
|
Re: SMIRNOFF (Re: بدر الدين الأمير)
|
بدرالدين ود الأمير
Quote: اهدى اغنية
تشوف الصورة تحلف يوسف .... لفلانة الافتراضية |
نِحْنا يا خوي الما حنجي تاني فريج بني عِمران هيلك ده ... قال [يوسُف] قال
| |
|
|
|
|
|
|
| |
عزام حسن فرح
ناصر احمد الامين
معاوية عبيد الصائم
محمد إبراهيم علي
محمد عمر جبريل
عبدالكريم الامين احمد
قلقو
كمال سالم
عادل عبدالعزيز عبد الرحيم
nabielo
nazar hussien
sari_alail
cantona_1
دينا خالد
Elmuiz Haggaz
أسامة عبد الجليل
بدر الدين الأمير
الجيلى أحمد
فيصل محمد خليل
داليا الكباشى
قاسم المهداوى
عبدالله شمس الدين مصطفى
ابو جهينة
Abdlaziz Eisa
احمد التجانى احمد
فيس بوك
تويتر
انستقرام
يوتيوب
بنتيريست