|
|
 عامله سروالك المقدود..وتسألي من وين تجيك الطراوه؟
|
عامله سروالك المقدود..وتسألي من وين تجيك الطراوه؟
دي ما فزوره..
دي الحقيقه المـــرة
حقيقة بلد بينسرق منو كل يوم شبر من أرضو..
البلد إتقسمت ياناس هــــوي
شوفو دارفــور...
شوف الجنــوب..
شوفو الشرق...
محل ماتفكر تخت رجلك..تلقي زول خاتي لغمــو..
ليه بنبكي علي وطن مافيو زول مسؤل منو..
نحن أصحاب الوجعه..
وماباليد حيله...
المصريين دخلوا البلد بالمطاعم ومسكوا الحيكومه من بطنهــا..
أكلونا المشلتِت والمحمر والمقمر(علي قولن) ودخلوا جــوة العضم ..
منو الفتح الباب ليهم؟ مي ياها الحيكومــه؟
البلد فاقده وجيع...
|
|
 
|
|
|
|
|
|
|
|
Re: عامله سروالك المقدود..وتسألي من وين تجيك الطراوه؟ (Re: فتحي الصديق)
|
| Quote: إن مصر آتية الى السودان عاجلاً أو آجلاً نظراً لكون السودان الحل لأي مشكلة اختناق لمصر |
الاخ فتحي
ان النظرة السياسيهالمصريه تجاه السودان وبرغم ان المصريين يعتقدون في فهم الرجل السوداني نظره انتهازيه لاشك فيها بدايه بمياه النيل ثم مشكله الجنوب ومن ثم احتلال مشروع الجزيرة بشروط تعسفيه قاسيه التنفيذ..
وللاسف
انو نحن قاعدين نتفرج علي المبايعه السخيفه بدون دراسه لحساسيه الموضوع
اعتقد انو السودان فاكر انو استجلاب المصريين للاراضي السودانيه هو خير للجميع باعتبار المزارع السوداني كسلان وماعندو خبرة (وده فهم المصريين برضو)
الكلام ده طبعا حقيقي والله يعلم بما اقول في مكان انا بشتغل معانا واحده مصريه دايما بنتكلم عن اي شيئ يحصل فبين السودان ومصر ومن ضمن فهمها انو فعلا المزارع السوداني كسول وغير غيور علي اراضيهو عشان كده المصريين وبي خبرتهم الطويله في مجال الزراعه ..عايزين ينفعو المواطن السوداني وفي النهايه نحن اولاد نيل وحته واحده..
اتخيلو معاي لما مصري يقول ليك انو اولاد النيل او يقول ليك نحن اخوات..الاتاريهم متنبئيين بانو قصه نحن اولاد نيل وحته واحده دي..انو فعلا في خططهم المستقبليه عايزين يدخلو السودان باي شكل من الاشكال انشاء الله عن طريق فتح المطاعم الجديده المنتشره في كل مكان دي..
وبرجع ليك
شكرا
| |
|
|
|
|
|
|
|
|
 Re: عامله سروالك المقدود..وتسألي من وين تجيك الطراوه؟ (Re: عليش)
|
الحبيب عليش ...
| Quote: هل الفلاح المصري اكثر عطاءا من المزارع السوداني؟ |
أبداً وحاشى والله ... كاذب من يدعي ذلك ...
مشروع الجزيرة ده كان المورد الرئيسي لإقتصاد السودان الواسع ده ... وكنَّا عايشين في أمان الله ... نزرع ونصدر أفضل قطن في العالم ... منو الكان بيزرع ؟ مش ياهو المزارع السوداني ده زاتو؟ ... وكان المشروع وبقية الموارد من أرض خصبة ومياه وفيرة .. السبب الخلى السودان يوصف بإنه سلة غذاء العالم ..
لكن فكرة بيع المشروع دي كانت مبيتة ومخطط ليها عشان تتم ببطء شديد ... وتبدأ بمحاربة المزارعين .. وزجهم في السجون بعد إغراقهم في الديون (كما حدث في مشاريع الزراعة المطرية في القضارف) ... ثم بيع الأصول والموجودات في المشروع ... وعدم صرف رواتب ومستحقات الجهات الإدارية في المشروع ... ونهب السرايات وسرقة كل شئ نهاراً جهاراً وبعين قوية ... وده تحطيم مؤسس للمشروع وبنياته التحتية لإثبات إنه ما نافع ... وإنه المزارع السوداني كسول ... وكل المبررات الفطيرة المعروفة ... عشان كده الحيكومة حتجيب المصريين عشان يرفعوه من كبوته الإتسببت فيها الحيكومة أصلاً ... مع سبق الإصرار والترصد ...
الحيكومة كان ممكن تقوم وببساطة ... بدعم المزارعين السودانيين .. وتوفر ليهم البذور المحسنة والماكينات وكل المتطلبات الحيجيبوها المصريين هسي معاهم لزراعته ... الحيكومة كان غالبها تعمل كده ؟ .. أبداً والله ... جزء بسيط جداً من دخل البترول يتوجه لزراعة وتأهيل المشروع ... ودعم المزارعين ده كل المطلوب .. والمشروع كان حيشيل نفسه بنفسه بعد فترة بسيطة ... لكن ده ما يتعمل .. عشان المشروع يتدهور ... ويجوا يقنعونا بأنه أفضل نبيع منه جزء للمصرين عشان يزرعوه ...
لا بالله !! .. خلاس إقتنعنا ..
| |
|
|
|
|
|
|
|
|
|
Re: عامله سروالك المقدود..وتسألي من وين تجيك الطراوه؟ (Re: عليش)
|
أنه فشل إداري بحت يا صديقي
إدارة المشروع نفسه ليست حريصه علي تنمية ونطوير الأداء للمزارعين نفسهم, فتجد هناك حلقة مفقوده تماما ,,وهذه الحلقه لها تأثير كبير في شكل العطاء المبزول,,بعني المزارع المغلوب علي أمرو,,تجده شاكيا النقص التام لإبسط المعدات المحتاج ليها..وأكبد بيكون قدم شكوي للقائمين علي الأمر,,وبي بساطه...إتحاد المزارعين البنسمع بيهو ساي دي ماشفنا اتحاد بفيد جهة غير جهة إختصاصو اي المزارع..
البترول:
هو البترول ده بجيب قروش للدوله؟
القروش بتاعتو مامعروف بتمش وين؟ المهم في بترول في البلد والسلام..
للأسف مافي وعي إداري,,ولا وعي سياسي..
السودان هو الضحية..
| |
|
|
|
|
|
|
|
|
|
Re: عامله سروالك المقدود..وتسألي من وين تجيك الطراوه؟ (Re: عليش)
|
مبارك والبشير يتفقان على توقيع اتفاقية «الحريات الأربع»: التنقل والإقامة والعمل والتملك
اتفاق على تعزيز التكامل وإغلاق ملفات الخلاف ودخول القنوات المصرية إلى الجنوب السوداني
القاهرة: صلاح متولي
خرجت القمة المصرية السودانية التي عقدت امس بين الرئيسين محمد حسني مبارك والفريق عمر البشير باتفاقات وصفها المراقبون بأنها حاسمة بعد اغلاق كل ملفات الخلاف خاصة الملف الأمني. واتفق الطرفان على توقيع اتفاقية مهمة وهي اتفاقية «الحريات الاربعة» واستكمال اجهزة التكامل بين البلدين من خلال انشاء أمانة متفرغة لمشروعات التكامل ومتابعتها على ان يتم تسميتها وتشكيلها خلال الايام القليلة المقبلة. وقال وزير الاعلام المصري صفوت الشريف عقب انتهاء القمة ان اتفاقية الحريات الاربعة تشمل «حرية التنقل، وحرية الاقامة، وحرية العمل، وحرية التملك. وستفتح هذه الاتفاقية الباب للتكامل والتمازج بين الشعبين، وأضاف الشريف انه تم الاتفاق على وضع اتفاقية لضمان الاستثمار في كلا البلدين كما تم الاتفاق على وضع خطة للارتقاء بمستوى البنية الاساسية على مستوى الطرق البرية والحديدية والنقل النهري بين البلدين».
واضاف انه «تم بحث عملية السلام في السودان ودور مصر فيها». وستشكل مجموعة عمل برئاسة الدكتور عاطف عبيد رئيس الحكومة المصرية لانهاء ما تم الاتفاق عليه بين الرئيسين في هذه القمة. وقال «تم عقد اجتماع على هامش القمة للوزراء المرافقين لبحث عدد من الموضوعات التنموية في مجالي الزراعة والصناعة وتوسعة نطاق الاعلام المصري ودخول قنواته الى جنوب السودان وقال الشريف ان مصر «لم تكن في أي وقت معزولة عن عملية السلام في السودان ويخطئ من يتصور ذلك» واشار الى ان «جهود مصر كانت مركزة وفاعلة مع كافة اطراف عملية السلام من اجل التوصل الى هذا الاتفاق». واضاف «مصر كانت باستمرار تهدف لتحقيق السلام والاستقرار في السودان ووقف نزيف الدم والحفاظ على الوحدة السودانية». وقال ان «مصالح مصر تتفق مع مصالح الشعب السوداني واستمرار وحدة الشعب والارض والتوصل الى شكل من الوحدة تحفظ حقوق الشماليين والجنوبيين». وقال ان لقاء مبارك والبشير «تناول الاوضاع العربية كما استعرض مجمل القضايا المهمة وفي مقدمتها قضية الشرق الأوسط والاتصالات الجارية بشأنها الى جانب مناقشة وتبادل الرأي حول الشأن العراقي الى جانب عدد من الموضوعات التي تتناول التحرك والتنسيق بالنسبة للقارة الأفريقية» واضاف الشريف ان «المباحثات تناولت ايضا النتائج التي تم التوصل اليها في عملية تحقيق السلام والاستقرار على الارض السودانية وما تم توقيعه في هذا المجال من اتفاقيات اخيرا».
من جهة أخرى قال السفير السوداني بالقاهرة الدكتور أحمد عبد الحليم إن القمة المصرية السودانية تركزت على قضايا التكامل بين البلدين ومسيرة السلام والموقف في الشرق الأوسط وقال في تصريح لوكالة أنباء الشرق الأوسط بمطار القاهرة خلال توديعه للرئيس السوداني انه فيما يتعلق بالتكامل بين البلدين اتفق الرئيسان مبارك والبشير على تشكيل لجنة تنجز بعض المهام قبل 15 فبراير (شباط) القادم، واشار الى ان من بين تلك المهام إنشاء أمانة عامة متفرغة لها مكتبان في القاهرة والخرطوم وادارات مختلفة وصندوق للتكامل يرأسه أمين، له مساعدان أحدهما في الخرطوم والآخر في القاهرة وكذلك استمرار عمل اللجنة التشريعية المشتركة، وان يكون التركيز على مشروعات الأمن الغذائي والبنية الاساسية وتركز مشروعات البنية الاساسية على مشروعات الامن الغذائي وتلك الرابطة بين البلدين وبين شمال السودان وجنوبه وستكون هذه اللجنة تحت الاشراف المباشر لرئيس الوزراء الدكتور عاطف عبيد وأشار الى أن مصر ستسمي مجموعة من الخبراء ويسمي السودان مجموعة اخرى تعمل تحت اشراف الدكتور عاطف عبيد وتعقد أول اجتماعاتها في القاهرة.
| |
|
|
|
|
|
|
|
|
|
Re: عامله سروالك المقدود..وتسألي من وين تجيك الطراوه؟ (Re: عليش)
|
العنوان: خطورة اتفاقية الحريات الاربعة ... وقيام للسدود
الكاتب: حسن الملك
التاريخ: 19-05-2007, 07:46 ص
خطورة اتفاقية الحريات الاربعة ... وقيام للسدود
شكرا للجنوب تعلمنا الكثير منكم وكانت اتفاقية السلام هدية للوطن الشامخ.
شكرا دارفور نزفتي دما ليندمل جراح السودان وكنت الدواء لنا جميعا
أما نحن أبناء النوبة والخيريين من أبناء الشعب السوداني من خارج ارض النوبة كنا نتابع باهتمام الكذب والخداع الذي يمارسه النظام في حق السودان, وحتما يتم نصر المقهورين حتى ولو بعد حين، لنردد جميعا قوله تعالى "جاء الحق وزهق الباطل إن الباطل كان زهوقا" صدق الله العظيم.
ما زال نظام عصابة الحكم في الخرطوم يواصل جرائمه في ارض النوبة بأشرس ما يكون منتهكة بذلك كل حق أو حرمة وكل عهد أو ميثاق ابرمه، وبصمت مريب من بعض نوبة النظام بدء من الحريات الأربعة وما فيها من خدعة تأهيل مجرى النيل وهذا يعني اذالة العوائق والشلالات ولنا تجربة عندما تم تكسير الشلالات بغرض تمرير بواخر مستعملة للسودان وبناء السدود لافراغ النوبة من انسانه في مسلسل التهجيرالمقيت نزولا إلي مهزلة الطريق وشريانها،وقبلها بيعت حلفا بحفنة جنيهات مصرية. ونقلت آثار جدودنا من دون علمنا تهميشا يجبرنا لعوننا الذاتي حتى حار التهميش من أمر تهميشنا.. ومثل هذه الجرائم تجرى في شرقنا الصامد الصابر والجنوب والغرب الجريح .
وبالتالي فان النوبي الصابر كان يستعد عدة وعتادا ليقوم برد عملي مسلح على جرائم النظام في مختلف أقاليم السودان، ولكن من بين الظلمات انقشع النور بقرار مجلس الأمن يقضي بإحالة متورطين في جرائم ضد الإنسانية في دارفور إلي المحكمة الجنائية الدولية ونعتبر القرار ايجابي يحقق النصر والعدالة للشعب السوداني ويحقن الدماء ويمهد طريق إلي حل السياسي الشامل ويهدد المجرمين الذين يمارسون انتهاكات حقوق الإنسان في دارفور ,وكجبار وحريات اربع وبقية أقاليم السودان عامة
ولذلك نطالب عدم التلاعب بمصير البلاد وتهديد أمنه ولكي لا تدول قضايا السودان وتظهر انقلابات مبطنة أو ظاهرة : نناشدهم بالرحيل سريعا لكي لا يحملوا السودان أوزارهم وهم حاضرون في السلطة ويورثوا السودان أثقال مخلفات عقوباتهم ولسبب بسيط هو أنه ليس للسودان يدا عندما سطوا علي السلطة ليلا وليس له يدا عندما حكموا بأحاديتهم المتأصلة ولم يكن للسودان قول عندما لفظتهم أمم العالم بقيادة باريس ودول العالم الحر . وهكذا جئتم وهكذا تذهبون . وهكذا جنت براقش علي نفسها ونذكركم الفصل السابع من الميثاق الأمم المتحدة ربما يؤدي إلي التدخل العسكري من اجل تنفيذ القرار... والآتي من المصائب أفدح وعافانا الله ...وحفظ السودان من دون عقوبات متوقعة..
سنعمل من اجل مؤتمر نوبي جامع لانه :-
صوت ضد الاستقلال والظلم وبيع الأرض وبناء السدود وحرية التمليك والإفراغ
صوت للمطالبة بحقوقنا الاقليمية كاملة
صوت لاستعادة الحرية والديمقراطية للسودان مع أهل السودان
وصوت رافض لبناء السدود من وهم الحريات الاربعة
ختاما نردد مع شاعر النوبة
النوب بات معذبا
.يشكو الزمان القلبا
يشكو الحكومات التي
قد أهملته فاجدبا
يشكو من الفقر الذي
قد راش فيه المخلبا
يشكو من المرض الذي
قد هده منذ الصبا
حتى تجاوز حدة الداء
العضال وما خبا
وتجاوز الضيق المدى
والسيل قد بلغ الزبى
فأعمر بني النوب فديتكم
وطنا نراه مخربا
عاش السودان موحدا شامخا والعزة والنصرة لشعبه ...
م. حسن الملك
أمين المكتب الاعلامي
المؤتمر النوبي الجامع (فرع الرياض)
| |
|
|
|
|
|
|
|
|
|
Re: عامله سروالك المقدود..وتسألي من وين تجيك الطراوه؟ (Re: عليش)
|
طبت حياً وميتا أيها البطل عبد الله خليل!!!!!
فقد عرفت أن توقف هؤلاء الرقاقيص عند حدودهم..... لك التحية وحتى لو كانت لك رزايا أخرى ستمحوها هذه الحسنة التي هي بمليون مثلها!!!
ولكنها دليل على شيئين رئيسيين:
قوة البلد وإرادتها في ذلك العهد
قوة الرئيس وعزمه.
معاً ضد الاحتلال المصري الثالث للسودان (طبعاً هم جوا تبع المحتلين في المرات الفاتت)، لكن المرة دي دايرين يحتلو براهم كده!!!!
| |
|
|
|
|
|
|
|
|
|
Re: عامله سروالك المقدود..وتسألي من وين تجيك الطراوه؟ (Re: عبد اللطيف عبد الحفيظ حمد)
|
| Quote: معاً ضد الاحتلال المصري الثالث للسودان (طبعاً هم جوا تبع المحتلين في المرات الفاتت)، لكن المرة دي دايرين يحتلو براهم كده!!!! |
ودي الحاجه البتغمس الزول..
السوداني مازال يشكو عدم احترام الشعب المصري, والاحساس بالدونية اصبح عام داخل المواطن السوداني,,
ايها الشعب السـوداني الفضل,,إنتفضوا ضد القمع والاستعمار وسرقة اراضيكم...
| |
|
|
|
|
|
|
| |
عليش
محمد زكريا
معاوية عبيد الصائم
قاسم المهداوى
Amani Al Ajab
فتحي الصديق
عمر الفاروق
عبد الله كسلا
سامى عتبانى
عبد اللطيف عبد الحفيظ حمد
فيس بوك
تويتر
انستقرام
يوتيوب
بنتيريست