|
|
 ما لا يعلمه الكثيرون عن حقيقة الصراع بين على عثمان محمد طه والمتعافي
|
من المعلوم ان رئيس لجنة النهضة الزراعية هو السيد علي عثمان محمد طه وقدلا يعلم الكثيرون ان الاولوية في برنامج النهضة الزراعية هو النهوض بمشروع الجزيرة وحسب معلوماتي المتواضعة فان لجنة النهضة الزراعية قد اسهمت كثيرا حسب امكانياتها في حل كثير من مشاكل المزارعين والتي يفترض بنهاية العام القادم تكون كل المشاكل قد حلت ودخل مشروع الجزيرة مرحلة الانطلاق للامام ز ومن ثمرات برنامج النهضة الزراعية تحديث المحالج وقد افتتحت قبل فترة ليست بالقصيرة عدد من المحالج الجديدة والحديثة
ولكن
هناك خصومة عالية جدا بين المتعافي وبين الامين العام للجنة النهضة الزراعية
وبما ان برناج النهضة الزراعية على وشك ان يؤتي ثماره
يبدو ان السيد المتعافي اراد ان يفشل برنامج النهضة الزراعية لذا قام بتوقيع هذا الاتفاق وبالتالي يخرج السيد علي عثمان محمد من دائرة الضوء بتفشيل لجنة النهضة الزراعية وبالتالي يظل هو مسيطرا على مقاليد الانتاج الزراعي في البلاد
|
|
 
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: د.محمد حسن)
|
هذا التوقيع ليس أمراً نهائياً. سيعرض على مجلس الوزراء لإجازته .. ويُحال للمجلس الوطني للموافقة عليه. ومن ثمَّ يُعرض على رئيس الجمهورية للتوقيع عليه ليصبح أمراً واقعاً. المتوقع أن يرفضه مجلس الوزراء بصمت .و لو لم يحدث هذا فالدور على نواب الجزيرة والرهد والسوكي في المقام الأول – لأنّ البكاء بحرروا أهله- ودول أصحاب المشاريع المروية. ويعملوا لوبي مع نواب كردفان وكسلا والشمالية وباقي القطر لإسقاط القانون أو المشروع في البرلمان (المجلس الوطني) ونكون يا دار ما دخلك شر. شيلوا الصبر عوجة واحدة بتجي لناس الجزيرة الخضراء مافي. لهم رب يحميهم.
كبـّـاشي الصـّـافي
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: محمد إبراهيم علي)
|
Quote: كانتونا
انت بتتكلم بمعلومات ولا بتفترض انو ده المفروض يحصل ؟
امامك صفقة بيع سودانير ليوم الليلة ما في زول استدعاه المجلس الوطني جا قال ليهم الله يجيركم |
يا محمد إبراهيم كدي شوف الماسنجر. أنا بتكلم عن الشئ الطبيعي المفروض يحصل يعني ال Sequence المفروض تكون في مثل هذه الحالات .. ولكن كان دا ما بحصل تبقى عوجة. يعني تقصد سودانير باعوها سُكيتي بدون عطاءات ولا مناقصات ولا يحزنون؟ عوجة والله . تحياتي
كبـّـاشي الصـّـافي
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: د.محمد حسن)
|
د. محمد حسن
سلامات وكل سنة وانت طيب
| Quote: رئيس لجنة النهضة الزراعية هو السيد علي عثمان محمد طه |
للنهضة الزراعية مجلس اعلى عدييييل وليس مجرد لجنة
وعلي عثمان محمد طه هو راعي النهضة الزراعية ورئيس المجلس الاعلى للنهضة الزراعية
| Quote: هناك خصومة عالية جدا بين المتعافي وبين الامين العام للجنة النهضة الزراعية |
هنا تناقض بين عنوانك والكوتة دي
حيث ان امين عام النهضة الزراعية هو السيد/ عبد الجبار حسين وليس علي عثمان
وبعدين على عثمان محمد طه أكبر من انو تكون في خصومة بينه وبين المتعافي او غيره
ولا يجرؤ احد انو يخاصم او يصارع على عثمان سواء المتعافي او غيره
على عثمان اكبر من كدا بي كتير
ويتعامل بحزم وقوة وشكيمة وعقلية كبيرة جدا
| Quote: يبدو ان السيد المتعافي اراد ان يفشل برنامج النهضة الزراعية لذا قام بتوقيع هذا الاتفاق وبالتالي يخرج السيد علي عثمان محمد من دائرة الضوء بتفشيل لجنة النهضة الزراعية وبالتالي يظل هو مسيطرا على مقاليد الانتاج الزراعي في البلاد |
كبرت اللفة هنا شديييييييييييييد
تحليل عجيب
بس رأي برضو
!!!!!!!!!!!!!!
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: mayada kamal)
|
استاذة ميادة سلام
من امس كنت انتظر تفاعلك عن البوستات التي تتحدث عن مشروع الجزيرة
غضبت عندما افترعتي البوست عن الطلاق .... لانو ما كان وقتو ...
| Quote: ويتعامل بحزم وقوة وشكيمة وعقلية كبيرة جدا |
دا برضو اعتقادي في شيخ على عثمان
لكن اذا وقع هو شخصياً على هذه الاتفاقية يكون على الدنيا السلام ويكون وقع على نيفاشا جديدة واسواء من الاولى
ـــــــــــــــــــــــــــــــــــ
خلينا من الموضوع دا رايك انتي شنو في حكاية الميون فدان دي
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: mayada kamal)
|
| Quote: طبعا كالعادة رايي ما حيعجبك |
ليه كدا .. انا يا استاذة ماعندي احكام مسبقة والحق حق ولو جاء من الشيطان والباطل باطل مهما كان مصدرو
وبعدين ما مهم انا يعجبني الراي ولا لا .. المهم يكون راي مقنع وبيراعي مصلحة الوطن الاستراتيية...
ــــــــــــــــــــــ
ردك بيقول انك مصنفة نفسك اصلاً مع الحكومة وطبعا دا من حقك وكمان مصنفة الما مع الحكومة فهو ضدها ودا خطاء بيقعوا فيهو كل السياسيين في البلد حكومة على معارضة ... هناك ناس في البلد دي ماعندهم اي تصنيف سياسي وهم الاكثرية
ـــــــــــــــ
استاذة ميادة برضو رايك مهم طبعاً يكون بحيثياتو ... واكيد موقعك السياسي والتنفيذي بجعل رايك مهم
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: mayada kamal)
|
الاخت الكريمةميادة كمال
رمضان كريم
كلامك كلو انا عارفو وبتفق فيك معاه بس مشكلتي الاسماء الكبيرة للجان باتعة السودان ما بحفظها عشان باخد الساهل
ده ما موضوعنا
بيت القصيد في هذا البوست هو ده
Quote:
حيث ان امين عام النهضة الزراعية هو السيد/ عبد الجبار حسين وليس علي عثمان |
ايوة عليك نور لان الخصومة هي بين السيد عبد الجبار والمتعافي
يعني انا لاما كبرت اللفة
الكبر اللفة المتعافي
لانو بكدة بضرب عصفورين بحجر
يضرب عبد الجبار
وبالتالي يفشل لجنة ايه الانتي قلتيها بتاعة النهضة الزراعية وبكدة بصورة غير مباشرة يكون فشل علي عثمان في اكبر هيئة زراعية انشئت في عهد الانقاذ
يا اختنا ميادة كمال
ده اسمو ضرب تحت الحزام
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: د.محمد حسن)
|
Quote: ايوة عليك نور لان الخصومة هي بين السيد عبد الجبار والمتعافي
يعني انا لاما كبرت اللفة
الكبر اللفة المتعافي
لانو بكدة بضرب عصفورين بحجر
يضرب عبد الجبار
وبالتالي يفشل لجنة ايه الانتي قلتيها بتاعة النهضة الزراعية وبكدة بصورة غير مباشرة يكون فشل علي عثمان في اكبر هيئة زراعية انشئت في عهد الانقاذ
يا اختنا ميادة كمال |
متعافي مييييييييييين اللي يفشل على عثمان محمد طه
المتعافي وعبد الجبار حسين زيهم وزي اي مسئول في النهضة الزراعية كلهم قابعين تحت ادارة الشيخ علي عثمان
وحسن فعلت الحكومة بان جعلت على عثمان هو الممسك بملف النهضة الزراعية
فالرجل مشهود له بحسن السيرة ولا غبار عليه
وانا بام عيني حضرت اجتماعاته مع مسئولي ملفات النهضة الزراعية
والله جنس زرزرة..... واقسم بالله زي تلاميذ في مدرسة
لا يعترف ولا يقبل باي تقصير .. طالما منحهم المال اللازم للعمل ولتذليل الصعاب
وهذا واحد من اسباب نجاح النهضة الزراعية
يعني كونه ما حصل النفرة الزراعية ووو المشاريع القبله اللي مشت في حق الله
ويظل على عثمان هو صمام امان نجاح النفرة الزراعية
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: د.محمد حسن)
|
!!!!!!!!!!!!!!
| Quote: نا مل ان يقوم الشيخ علي عثمان بدوره بقوة وشكيمة وايقاف هذه المهزلة التي تمت بين المتعافي والمصريين |
إنت تراها مهزلة
من حقك طبعا
ومن حقنا ان نرى غير ذلك
عموما تطمئن
توقيع الاتفاق النهائي
سيتم في اكتوبر المقبل
بين على عثمان ورئيس الوزراء المصري السيد احمد نظيف
وطبعا على عثمان ما بخش في حاجة ساي كان ما مالي يده في الموضوع
فتطمئنوا
ونحن نتوقع انو المشروع حيعود بالفائدة على النهضة الزراعية
وهي نوع من الشراكة الاجنبية
ونوع من الاستثمار الاجنبي المباشر
حيث اصبح السودان من اكثر الدول العربية الجاذبة للاستثمارات العربية
وكمان الصفقة هي مناسبة لانتشال مشروع الجزيرة من البؤس والضياع
واهو فرصة لنعمر جزء من المليون ميل مربع
اللي تتحسر عليه وانت خارج من حدود ولاية الخرطوم
ونتمتى ان ياتي المزيد من المستثمرين الاخرين
يستثمروا في الشرق وفي الغرب وفي الشمال
فأنظروا الى النصف المليئ من الكوب
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: د.محمد حسن)
|
Quote: والله جنس زرزرة..... واقسم بالله زي تلاميذ في مدرسة
لا يعترف ولا يقبل باي تقصير .. طالما منحهم المال اللازم للعمل ولتذليل الصعاب
وهذا واحد من اسباب نجاح النهضة الزراعية |
يا أستاذة ميادة سلامات... العبرة بالخواتيم .. أنا مزارع وحتى الآن بعتبر النهضة والنفرة زي أحمد وحاج أحمد لأنني لم أرى طحناً ولكني سمعت جعجعة كبيرة. وبنهاية مارس القادم إن شاء الله ستُفرز الكيمان. والنتيجة بعد صفارة الحكم النهائية. والقصة طويلة يا ست البنات بدأت من يوم تدشين النهضة في دار المؤتمر الوطني.. كانت البداية مش ولا بد.. ونلتقي إن شاء الله. تحياتي.
كبـّـاشي الصـّـافي
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: cantona_1)
|
Quote: لا يعترف ولا يقبل باي تقصير .. طالما منحهم المال اللازم للعمل ولتذليل الصعاب
وهذا واحد من اسباب نجاح النهضة الزراعية
|
يا ميادة سلامات وعيد مبارك...قلتي لي الناس حقو تعاين للنصف الملئ من الكوب وكدة؟!!!
نجاح شنو ده البيكون خلاصتو تسليم أكبر مشروع زراعي في أفريقيا لدولة أجنبية؟
ربنا بيسألنا من الكلام البيتكتب يا بت الشيخ، فأرجو عدم الإنزلاق إلى مزالق الكذب!
The Agriculture problem has been named and re-named, and still nothing has changed
Failed Management whoever the mentor was...Ali Osman, Mutafi ..etc
The only remaining Fact right now...that there is a conman trying to get some commission
if he didn't get that yet
!
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: Mohamed Khalil)
|
حسب ما ورد في الاعلان الصحفي عن الاتفاقية
فإنه لابد من موافقة الجنة العليا المشتركة
والتي يرأس الجانب السوداني فيها علي عثمان
الافتراض بأن هنالك خلاف بين علي عثمان و المتعافي
مجرد أماني ... و علي عثمان و النهضة الزراعية
و عبدالرحمن سرالختم و المتعافي و الجانب المصري
عملوا علي هذا المشروع و التحضير له في العلن
و المشروع بتفاصيله مقدم من الجانب السوداني
و سوف يجاز المشروع في اجتماعات اللجنة المشتركة
في اكتوبر القادم ......
وحسب ما يدور في مجال الخرطوم العامرة بمجالس العيد
سوف ترفض الشركات و المؤسسات المصرية الشروط التي وضعها
جماعة المتعافي في التفاصيل حيث يسكن الشيطان
الغرض الاساسي من المشروع غرض سياسي و فق رؤيا الحكومة السودانية
و الغرض مرض واذا زال المرض انتفي الغرض
| |
|
|
|
|
|
|
|
|
|
Re: ما لا يعلمه الكثيرون عن حقيقة الصراع بين على عثمان محمد طه والمتعافي (Re: Mohamed Khalil)
|
ازيك يا ددكتور وكل عام وانت والاسرة بخير وعافية
| Quote: متعافي مييييييييييين اللي يفشل على عثمان محمد طه |
ذلك ما قالته السيدة ميادة ما دخل الزراعة والمزارعين وعموم السودانيين
فى صراعات الاسلامويين الداخلية ذلك شان يخصهم لوحدهم اما قضايا البلاد
فالطبيعى ان يعمل عليها المشتغلين بملفاتهابعيدا عن الصراعات الداخلية .
Quote:
المتعافي وعبد الجبار حسين زيهم وزي اي مسئول في النهضة الزراعية كلهم قابعين تحت ادارة الشيخ علي عثمان
وحسن فعلت الحكومة بان جعلت على عثمان هو الممسك بملف النهضة الزراعية
فالرجل مشهود له بحسن السيرة ولا غبار عليه
وانا بام عيني حضرت اجتماعاته مع مسئولي ملفات النهضة الزراعية
والله جنس زرزرة..... واقسم بالله زي تلاميذ في مدرسة
لا يعترف ولا يقبل باي تقصير .. طالما منحهم المال اللازم للعمل ولتذليل الصعاب
وهذا واحد من اسباب نجاح النهضة الزراعية |
ايه اللغة دى ؟ قابعين مثل المفردات دى تنطوى على قدر كبير من
الاستخفاق بالاخرين حتى ولو كانو من اصحاب الاختصاص او مسوؤلين اواعضاء فى الحزب ؟! شى عجيب والله
بالمنطق دى على عثمان مش برضو كان قابع تحت ارجل الترابى لمدة ثلاثون عاما حتى
قلب الطاولة فى وجه " شيخه "
بعدين على عثمان دى اذا اصلو شيخ ما يقوم يشوف ليه خلوة فى الكرفاب وينتظر آجله
بعدين مين القال النهضة الزراعية نجحت اصلاً .. امشى وزارة الزراعة الاتحادية
واطلبى تقرير العام السابق .
كل الاموال المرصودة استخدمها الولاة من خلال وزارات الزراعة الولائية فى بنود غير
بنودها لان الوزير الولائى يقوم بتعيينه الوالى المعين من قبل البشير وليس على
عثمان والبشير المتعافى خاتيه فى جيبه ( علاقة صداقة اسرية ).
على عثمان محمد طه = خشم الموس بيك بتاع القرن التاسع عشر
تاريخ السودان يتكرر بشكل مأساوى .
| |
|
|
|
|
|
|
| |
د.محمد حسن
cantona_1
محمد إبراهيم علي
mayada kamal
AnwarKing
osman righeem
عبد الواحد أبراهيم
فيس بوك
تويتر
انستقرام
يوتيوب
بنتيريست