|
|
|
 Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: عصام دهب)
|
Quote:
سلام يا ابو حميد ..
انت قايل بورداب الخرطوم ديل زي الغراب العوير بتاع كتاب المطالعة داك ؟؟
لكن بالغت ياخ.. |
يا عصام سلام ياخي ورمضان كريم ،،،
لو سمحت يا سيد عصام ، أنا عايز بورداب الخرطوم ديل يشعلو لي الثورة دي هسه نااااااااااااااااااااااااااو!!
لازم يشعلوها لازم يشعلوها!! ضروري جدا يشعلوها ، لو بالكتير كده قبل العيد بي يوم يومين يشعلوها!!
لو ما دايرين يشعلوها يكلمونا عدددددددديل كده يقول لينا ما بنشعلها!!
| |
 
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: خالد عبد الحليم سعيد)
|
مشكور محمد هونولولو ..
بعضا من أفراد معارضة موجودون بالخارج يعلمون تماما عجز قياداتهم وكوادرهم بالداخل وممثليهم بالبرلمان عن القيام بأي خطوات معارضة حقيقية تخص السيادة الوطنية أو حتى قضايا أقل درجة .. وعندما يتبين لهم عدم مقدرتهم على تحريك الشارع أو تعبئة كوادرهم أو حتى القيام باي حركة إيجابية أو سلبية يلجأون من فورهم لتحميل العبء الذي فشلوا فيه لبورداب الخرطوم !!..
وبعضا من بوستات هذه الايام دليل واضح على هذا ...!!
من أخبر هؤلاء أن بورداب الخرطوم جسم واحد أو معارضة متماسكة للإستنجاد بهم في كل صغيرة وكبيرة ؟؟!!
أما كان من الاحرى لهم شحذ همم أحزابهم ومعارضتهم التي ينتمون إليها للقيام بأمثال هذه الأدوار ؟؟؟!!
والمصيبة ليست في هؤلاء ولكن المصيبة الأكبر في بعضا من بورداب الخرطوم والذين يتلقفون هذا الطعم ويبتلعونه بكل بساطة وتكون المحصلة بعد لوك وعت وعجن العديد البوستات صفرا كبيرا ..!!
أرحموا أنفسكم يا هؤلاء .. عجز أحزابكم وتنظيماتكم البائن والمخزئ تجاه القضايا الوطنية لا يمكن مداراته أو تعليقه في شماعة كيان كتاب في الإنترنت لا حول لهم ولا قوة وليس لهم من أدوات للتغيير إلا باالكيبورد أو اللسان وهذا أضعف الايمان ..!!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Ahmed musa)
|
يا بورداب الخرطوم :
يعني الواحد نام وصحي وجا مالقي أي ثورة ولا أي إشتعال ، والكلام ده بجيب اللوم والله ، يعني كل المطلوب منكم تشعلو ليكم ثورة ، كويس؟ ونحن بعد تشعلوها بي خمسة دقايق كده بنجي محصلنكم ، يعني قاطعين تظاكرنا وراجين ساعة الصفر ، بعدين بالمناسبة وحسب وعدي ليكم إنو حتآخدو مناصب رفيعة جدا لو الاشتعال طلع ملهلب وســــــــخـــانتو تلحم ، بالاضافة لي كده حندعمكم بي عطور باريسية فاخرة ، العطور دي من شدة ما قوية عاملة كده زي العرقي بتاع القولد ، تفكو في الهوا فوق ما تنزل منو ولا نقطة في الأرض ، وده برضو حيساعد في عملية الاشتغال ، يعني انتو تشتعلو ، والثورة تشتعل وأهو كلو إشتعال في إشتعال ، علي فكرة الكراتين بتاعة العطور الفرنسية دي متبرعين بيها البواسل بتاعين باريس وكده.
العيد خلاص بقي في الحرقرق ، وأتا بصراحة كده ما عايز العيد يطب علينا بدون ما الثورة تكون إشتعلت إشتعال شديد ، نار منقد بس ، يعني الاشتعال الخفيف ما حبابو.
يلا همتكم معانا!!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: أبعد عن السخرية وحديث الغمز واللمز يا محمد...فالشعوب ما فيها حقاره...
بورداب الخرطوم زملاء لنا في هذا المنبر واصدقاء ورجال صناديد
يكيلوا العين لامن تفضل...وقادرون علي الفعل والعمل اكثر مما تتصور
ورجاءك لهم باشعال الثورة حالا فيه قدر
كبير من السخرية...فاعرض عن هذا...يا رجل...ولا تجعل السياسة
خميرة عداوة وكراهية وبغضاء لك في فعلك وعملك اليومي.. |
يا نزار ،،
شنو الكلام العجيب ده؟ سخرية وغمز ..... والخ ، منو قال ليك هنا في سخرية؟ حاول ركز شوية عشان تعرف الكلام البتقول فيهو ده ماشي وين؟ ومعناهو شنو؟ وعلاقتو شنو بالحاصل؟ بعدين تعال النسألك : عاين لعناوين البوستين التحت ديل ، خليني أكون واضح معاك وأسالك سؤال مباشر حولهم : البوستين ديل عاملهم المدعو هشام هباني ، هل عندك الشجاعة تقول كلامك الفوق ده للمدعو أعلاه؟ سؤال واضح ومباشر وعايز إجابة واضحة ومباشرة ، وفي إنتظارك لأنو علي ضوء إجابتك عندي ليك كلام تاني.
| Quote: ليخرج الشارع السوداني في كل الساحات ضد بيع الوطن! |
| Quote: اشعلوها ثورة على الخونة باعة الوطن في كل مكان! |
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: مشكور محمد هونولولو ..
بعضا من أفراد معارضة موجودون بالخارج يعلمون تماما عجز قياداتهم وكوادرهم بالداخل وممثليهم بالبرلمان عن القيام بأي خطوات معارضة حقيقية تخص السيادة الوطنية أو حتى قضايا أقل درجة .. وعندما يتبين لهم عدم مقدرتهم على تحريك الشارع أو تعبئة كوادرهم أو حتى القيام باي حركة إيجابية أو سلبية يلجأون من فورهم لتحميل العبء الذي فشلوا فيه لبورداب الخرطوم !!..
|
تسلم يا ود الخليفة ،،
كلام في التنك ، أصحو يا عالم ما في زول فاضي يشعل ليكم ثورة بالوكالة ، بعدين ثورة بالوكالة دي أول مرة أسمع بيها والله ، شنو هي؟ مبايعة عربية؟ ولاشنو؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: الاخ محمد
والعابرين
تحياتنا
شوف يامحمد مافي أي طريقة لثورة نحن طالعين من رمضان وعندنابرامج العيد بعدين
والله نصيحةليك ولغيرك ما تعبوا ساي القصة أي ينقرص هذا النوع من الارض بعدها ممكن يكون في ثورة وأصلاح والجو يتحسن
بالله خليك معقول ما تحلم
انا ماشي أنوم
ياناذر ما تعمل أزعاج |
الأخ زهير ،،،
تحياتنا.
شنو الكلام الميت ده؟ الناس هنا في الخارج ضاربه الرز البارد والبتيزا الساخنة وراجياكم تشعلوها ، تجو تطلعوها لينا كسور وبواقي؟ شنو عيد وبرامج .....الخ ، الثورة تشعلوها بعدين شوفو عيدكم ، العيد ملحوق ، يعني حصل شفت ليك زول مات من عدم عيد؟
النايم ليها شنو؟ لا ثورة أشعلتوها؟ لا أرضا قطعتوها؟
قومو الي ثورتكم يرحمكم الله!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: يااخوانا والله إتجهجهنا
ناذر ادينا نجيضة الداخل
ثورة ولا رحلة ؟؟؟!!!
عشان نكون على بصيرة ...
بعيدن يا أخونا محمد
الثورة دي ممكن تتأجل لبعد العيد ؟؟؟
لو ما ممكن تتاجل فاخير (تزُق عجلك) إنت والثورة بتاعتكـ
إنّا هنا مُعيدون |
لالالالالا ، مافي أي تأجيل سعادتك ، التسويف والمماطلة هم آفة كل شئ زي ما عارف سعادتك ، قبل العيد الثورة دي تشعلوها ، شوفو ليكم أي طريقة ، لازم لازم لازم ، ضروري من الضروري ، بعدين الرحلة ملحوقة ، عمركم ده كلو كاسرين ركبة في قندهار وما أدراكا ، حصل شنو يعني ، شفت ليك ثورة كتلت ليها زول قبل كده؟
الثورة دي نحن مزنوقين ليها شديد ، لازم قبل العيد ، "جاسفوها" لينا بأي طريقة!!
قومو الي ثورتكم يرحمكم الله!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
| Quote: إنت تعال يا معلم ، كلما تجي خاشي لي بوست تجي ترمي ليك كلمة وتتماسخ وتمشي ، مالك إتا؟ لو متخيل المساخة والسخف بجرو ليهم جزلان تبقي غلطان ، والله القصة ما مستاهلة ، عشان كده بقول ليك البباري البحر ما بقطعو ، يعني ممكن أصرف ليك كم لوري كده لحدي ما تعرف حاجة ، أوكي يا مان؟ |
نبدا ليك من الاخر ما اوكي
رد الجميل البمارس فيهو ناذر معروف بالنسبة ليكم انتو الاتنين
والرسالة موجهة لناذر مش ليك يا زلنطح انت
اوكي وقع ليك يا مان ؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
محمد
انت مصر علي قصة الثورة دي المهم نحن هنا السودان الثورة عندها شروط وظروف محددة وكمان قيادات دا كلوا الان ما متوفر بالله خليها الي نوفمبر الجاي أمكن نكون جاهزين وكمان سددنا الديون وانا أكون لقينت العروس والنقابة منحتني البيت ياخي مالك عايز تلخبط ي مشاريعي الحياتية
قال ثورة قال نحن حلتنا بالفحم ليوم الليلة وكتاب أبلة نظيرة الطبعة المزيدة والمنقحة ما وصلت السودان وبعدين الزيوت كلها مغشوشة والضأن غالي وكمان البهارات بقت نار أسعار ما معقولة أرخص حاجة الملح بالله شوف حالتنا ياخي خليك معقول شوية ثورة قال الزوال شوفوا ليهو فكي لكين كمان البلد الحلوة الاسمها زي ما قال نازر مافيها فلاتاوحفظة قرأن الا أرجع السودان بس ح يعذبنا شديد لحدي ما يرجع لكين ح تقوم الثورة متين ألله ورسوله أعلم
ونحن والشعب السوداني لانعلم الليلة يا أبو مرؤة ممكن تكون كدا
بالمناسبة أنا صحيت من النوم من ساعتين
كويس كدا يعني أصحي لسه أنتو في الحنك البيش دا بالله ما تضيعوا لينا عمرنا وهم
لكم تحياتي أمير فقراء الصحفيين في عاصمة السودان والعاطل الابدي
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: محمد
انت مصر علي قصة الثورة دي المهم نحن هنا السودان الثورة عندها شروط وظروف محددة وكمان قيادات دا كلوا الان ما متوفر بالله خليها الي نوفمبر الجاي أمكن نكون جاهزين وكمان سددنا الديون وانا أكون لقينت العروس والنقابة منحتني البيت ياخي مالك عايز تلخبط ي مشاريعي الحياتية
قال ثورة قال نحن حلتنا بالفحم ليوم الليلة وكتاب أبلة نظيرة الطبعة المزيدة والمنقحة ما وصلت السودان وبعدين الزيوت كلها مغشوشة والضأن غالي وكمان البهارات بقت نار أسعار ما معقولة أرخص حاجة الملح بالله شوف حالتنا ياخي خليك معقول شوية ثورة قال الزوال شوفوا ليهو فكي لكين كمان البلد الحلوة الاسمها زي ما قال نازر مافيها فلاتاوحفظة قرأن الا أرجع السودان بس ح يعذبنا شديد لحدي ما يرجع لكين ح تقوم الثورة متين ألله ورسوله أعلم |
زهير
الموضوع ده لازم تأخدو مأخد الجد ، لأنو بالطريقة دي الاشعال حيتأخر والثورة ما حتقوم في مواعيدها ، بعدين عمري ما شفت لي ثورة بتقوم بي شروط ، دي ثورة ولا عقد بيع أصلو؟
يا زهير انت حتحكي لي قصة حياتك ولا شنو؟ شنو حلة وبصل وفحم؟ واااااااااااااااااو ، إنتو لسه شغالين بالحاجات دي؟ والله نحن في الخارج ضاربين التراطيب متخلينكم اتجاوزتو مرحلة الكانون والحاجات العجيبة ديك.
نوفمبر شنو يا زهير؟ إنت جادي ولا شنو؟ يازول العيد ده ولا يوم بعدو ما بنقبلو منكم!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: زهير عثمان حمد)
|
Quote: هل عندك الشجاعة تقول كلامك الفوق ده للمدعو أعلاه؟ سؤال واضح ومباشر
وعايز إجابة واضحة ومباشرة ، وفي إنتظارك لأنو علي ضوء إجابتك عندي ليك كلام
تاني.
|
لا كلام عمك ود هباني للشعب السوداني داك تهريج...ساكت...
ولا حاجة للتعليق عليه اصلا...عشان اتعرف شجاع او ########...
واذا انت قست علي بوستاته المناضله...التي لا اقراها اصلا...
ونسجت بوستك ...كسخرية من بوستاته...لا من بورداب
الخرطوم...يبقي كدي...حا ننزل في المحطة دي...
وصافية Milk
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: nazar hussien)
|
Quote: لا كلام عمك ود هباني للشعب السوداني داك تهريج...ساكت...
ولا حاجة للتعليق عليه اصلا...عشان اتعرف شجاع او ########...
واذا انت قست علي بوستاته المناضله...التي لا اقراها اصلا...
ونسجت بوستك ...كسخرية من بوستاته...لا من بورداب
الخرطوم...يبقي كدي...حا ننزل في المحطة دي...
وصافية Milk |
دايما يا نزار صافية إن شاء الله ، إنت كده وقعت ليك تمام التمام ، تخيل واحد قاعد في شقة مكندشة في تكساس ، يضرب في العصير الباااااااارد والاسترمبولي والبيتزا ، وعايز بورداب الخرطوم يشعلو ليهو ثورة ، ولا...... عايزة فورا كمان ، قبل اسبوع بس الزول ده لف عواصم أوربا والخليج بي كراع كلــــــب ، السودان ده ما مشي بي جنبو ، ياخي العالم دي عايشة في وهم غريب خلاص!!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: وليد عبد اللطيف)
|
Quote:
يسعادة المستشار
الثورة دي لو اشتعلت ونجحت
انا غير وزارة الشباب والرياضة مابقبل .. |
المنصب ده يا وليد حاجزو قبلك مناضل كيبوردي كبير ، غايتو انت وحنكك معاهو ، لأنو المناضل ده بيعشق الجري عشق بجنون ، الله يعينك عليهو وعلي نشاف دماغو!
لكن كدي في الأول خلي الثورة تشتعل ، لحدي هسه بورداب الخرطوم ديل معصلجين شديد ، قدر ما حاولت أقنعهم يولعوها قبل العيد ، أصلو مابين كلو كلو!!
لكن لسه العيد فاضل عليهو زي خمسة ساعات كده ، كل شي جايز وإنت سيد العارفين إنو القون بجي في كسر من الثانية يا سعادة وزير الشباب والرياضة المرتقب.
ما قلت لي يا وليد : إشمعني الشباب والرياضة يعني؟ المالية دي ولا البترول مابيهم مالك؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
ياسعادة المستشار
ياخي قاعد حارس لحدي ما الديك اذن الصباح ومافي اي شرارة
كما قال فنانا الكاشف (التهبت العواطف واصل النار شرارة )
شحتفتنا ساكت وحلمت اني بقيت وزير شباب ورياضة
وجهزت اول قرارتي
1- بيع كل الملاعب الرياضية
2- مافي تمثيل خارجي
3- منع اي اجنبي من ان يكون حارس مرمى لفريق رياضي
4- فتح مدارس سنية
5- مشاريع استثمارية لكل الاندية وتحويلها الى شركات مساهمة
6- سوف اكون رئيس البعثة التي تغادر الى البرازيل بعد عشرين عام (كاس العالم) لرفع علم السودان
------------------
واصبحنا واصبح الملك لله ( والحال ياهو ذاتو الحال )
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: زهير عثمان حمد)
|
Quote: ياسعادة المستشار
ياخي قاعد حارس لحدي ما الديك اذن الصباح ومافي اي شرارة
كما قال فنانا الكاشف (التهبت العواطف واصل النار شرارة )
شحتفتنا ساكت وحلمت اني بقيت وزير شباب ورياضة
وجهزت اول قرارتي
1- بيع كل الملاعب الرياضية |
ده الكلام يا وليد :
أي حاجة فيها بيع دي طوالي معاك ونشد من أزرك "ظااااااااااطو".
لكن الثورة دي لو بدت بالبيع حتلفت الأنظار وده الكلام البجهجه الجماعة ، الناس دي دايرة ليها حاجة كده بعيدة عن الأنظار.
الجماعة ديل شكلهم حيفاجؤنا بالثورة في أي لحظة ، فترقبوهم!
أنا بقترح عليك يا وليد عشان الأتظار وكده ، إنك في الأول تعمل تسوير للملاعب ، بعد شوية تعمل الدخول بقروش ، بعد شوية تقفلها للصيانة وبعد شوية تبيع ولا من شاف ولا من دري ، والراي انك تبدأ بي ميدان عقرب ، عشان ناس بحري ديل تعبو خلاص من العقارب؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: زهير عثمان حمد)
|
البتيخ الباااااااارد
هههههههههه
يازول تعال اشعلها انت ...لو رجعت تعمل فيديوهاتك عن ساعة الصفر والحاجات دي.ولو مارجعت واهد من اتنين يافي خبر كان يافي محل الريس...لكن ماتجهجه الناس ساي.....قالو الوداعيه نميري قعد 16 سنه فشوفي لينا الكيزان ديل بيقعدو كم قالت ليهم والله السته شايفاها ثابته بس الواحد دا مره يبقي لي بي جاي ومره بي جاي
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: عثمان محمد كرار)
|
Quote: والله كنت جادي ومشيت عشان أشوف حطب وكدا بس لقت الحطب غالي جداأو لغة مكلف
أقتراحاتكم نشعلا بشنو بسرعة بالله |
يا زهير ,,,
يا خي إنت سآل خلاص , شنو هي؟ ياخي كل مرة تجينتي ناطي وتسألني , عليك الله أنا لو بعرف أجاوب علي أسئلتك دي ما كنت أشعلتها براي الثورة دي.
لكن أقول ليك حاجة؟ وقت أصلك حتهريني بي أسئلتك دي , تعال أمسك لي البوست ده وأنا بجي أشعلها ليكم!!
دكرتني نكتة زيدان إبراهيم لو حكيتا هنا البوست ده حيتلحس , والثورة تروح في خبر كان.
إتصلح معانا يا زهير وأعمل ليك همه!!!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: زهير عثمان حمد)
|
الأخ الكريم محمد عبد المنطلب
عيد سعيد
Quote: : البوستين ديل عاملهم المدعو هشام هباني ، هل عندك الشجاعة تقول كلامك الفوق ده للمدعو أعلاه؟ سؤال واضح ومباشر وعايز إجابة واضحة ومباشرة ، وفي إنتظارك لأنو علي ضوء إجابتك عندي ليك كلام تاني.
Quote: ليخرج الشارع السوداني في كل الساحات ضد بيع الوطن!
Quote: اشعلوها ثورة على الخونة باعة الوطن في كل مكان! |
يمكنك أن تطارد شخصا ما هنا فى البورد وتحاول أن تقتص منه فى أمر قديم....
ولكن هيهات أن تستخف بقدرات أى شعب أو مجموعة بالثورة على الظلم والظالميين...
والخرطوم مشهود لها بالثورة على الظالمين ولو تحاوزو العشرون عاما.....
وفى ديسمبر الماضى كادت الخرطوم أن تهب فى جنح الدُجى...
فيا أخى الكريم أنتبه لما تريد أن تنتقم وتستخف به من الأخ هشام هبانى...
وسلامى
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
أخى الكريم محمد
كل التحايا مرة أخرى
| Quote: وحاول الوصول الي فكرة البوست وما أريد قوله! |
حتى لا أظلمك بسوء التفسير والظن : ما هى فكرة البوست إذا لم تكن رد الصاع صاعيين للاخ هشام هبانى؟؟
أهل هى الإستخفاف بفكرة الثورة نفسها؟؟؟؟
لقد طلبت أنت من بورداب الخرطوم الى الثورة أثناء نومك: ما هو مقصدك؟؟؟
أتمنى أن لا أظلمك ولكن إذا كانت هنالك دعوات لبورداب الخرطوم للثورة ( من الأخت الفاضلة أمانى العجب) فليس هذا بأمر عسكرى......
كل الأخاء
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: ولكن هيهات أن تستخف بقدرات أى شعب أو مجموعة بالثورة على الظلم والظالميين...
والخرطوم مشهود لها بالثورة على الظالمين ولو تحاوزو العشرون عاما.....
وفى ديسمبر الماضى كادت الخرطوم أن تهب فى جنح الدُجى... |
علي العكس أنا أعتبر كلامك هو استخفاف بقدرات أي شعب ، وأعتبر من قامو بفتح بوستات مطالبين بورداب الخرطوم بالقيام بإشعال ثورة منتهي الإستخفاف بهم ، وأعتبر مطالبتهم بالخروج في مظاهرة لسبب معين أيضا منتهي الإستخفاف بهم لما يلي من أسباب : -
١- كيف يجروء أحد وهو يجلس هانئاُ مرتاحاُ في معيشته ، لا يجد أدني مشقة في توفير لقمة عيشه أن يعتقد بأن بإمكانه تحريك أربعين مليون سوداني للقيام بثورة أو مظاهرة؟
٢- كيف يتصور هولاء أن أربعين مليون سوداني يوافقونه الرأي والفكرة وأن بإمكانه أن يحركهم وفق ما شاء وقت ما شاء؟
٣- ثم انه ، ما السبب في عدم توجههم الي الخرطوم وفوراُ للقيام بتلك الثورة؟
٤- مند متي كانت الثورة والمظاهرات تشعل بالإنابة ، فصاحب الفكرة أولي بفكرته؟
٥ - ألا توافقني الرأي ان طلب القيام بثورة أو مظاهرة لشخص يقيم في أقاصي الدنيا لشخص يكتوي بنار الواقع وله من الهموم ما تنوء بحمله الجبال ، لهو منتهي الأنانية إن لم يكن منتهي الجبن؟
٦- في رأيك ، متي سيتحرك هؤلاء المنظراتية ليوافق فعلهم عملهم؟
٧ - سأسالك سؤال مباشر وواضح وأرجو أن تجيبني بوضوح وشفافية وبشكل مباشر أيضا ، هل تستطيع أن تغادر أنت شخصيا للخرطوم فوراُ لقيادة مظاهرة أو إشعال ثورة؟ أريد أجابة مباشرة ومسببه.
شكرا وكل سنة وإنت طيب!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: السلام عليكم
أقول مبروك علي السكر وأدوية السكري والجلكوز وأي حاجة حلوة مستورة و ما يتعلق بهذه المنتجات
سؤال صحي أشعلوها ولا لسه ؟
ياخي حلتي الجميلة الليلة كوارع أتفضلوا أصدقائي الاعزاء الطبخة بطريقة تمهل أنت تشاهد سهرات النيل الازرق ومتابع المنبر |
يا زهير ،،،
حاول في الأول قبلما تبارك لي نفسك تتفاوض مع النضلابي الكبير في موضوع السكر ده ، فما نيل المطالب بالتمني ولكن يؤخد " السكر" غلاباُ.
بالهنا والشفاء كوارعك.
كوارع؟ و تاني يوم في العيد يا زهير؟؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote:
حتى لا أظلمك بسوء التفسير والظن : ما هى فكرة البوست إذا لم تكن رد الصاع صاعيين للاخ هشام هبانى؟؟
أهل هى الإستخفاف بفكرة الثورة نفسها؟؟؟؟
لقد طلبت أنت من بورداب الخرطوم الى الثورة أثناء نومك: ما هو مقصدك؟؟؟
أتمنى أن لا أظلمك ولكن إذا كانت هنالك دعوات لبورداب الخرطوم للثورة ( من الأخت الفاضلة أمانى العجب) فليس هذا بأمر عسكرى......
كل الأخاء |
أخ أسامه
سلام تاني
راجع الرد السابق أعلاه.
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: أسامة خلف الله مصطفى)
|
Quote:
أحب أن أختلف معك فى ما تظن أنه من الحتمياتـ وهى ثابتة أن الثورات لا تتفجر إلا بالتواجد المكانى لمفرجها...
والتاريخ الحديث يثبت عكس ذلك : كما فى حالة آية الله الخمينى ـ ولقد كان منفيا فى باريس... |
يا أخ أسامه ،،،،
هل تقارن الإمام الخميني بمناضلي الكيبورد؟ أرجو أن تقارن بواقع يقارب واقع ما عليه المنبر ، لا توجد أدني علاقة بين المثال أعلاه وما عليه حال بعض مدعي النضال هنا!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: باسط المكي)
|
Quote:
اهـــا طلائع الثورة الطلاب مظاهرتهم وصلت صينية الاتحاد الاشتراكى ولا لســه ؟
نشترى الدقيق ونخزنو فى البيت ولا لم يحن الوقت بعد
|
إنتو كل واحد حيجي يرمي لي سؤال ويمشي ونحن راجينكك تشعللوها؟
بعدين هي الثورة خليها في الأول تشتعل بعدين نشوفها وصلت وين!!
قبلما تشترو دقيقكم في الأول أشعلو الثورة ، المآكلين ليها شنو وكت ثورة ما أشعلتوها!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: كل هام وانت بخير
ياخي غير بدل
كلامك ..دة ماعندو علاقة بالعنوان |
وأنت بخير ،،،
كلامك ده زاتو ما عندو أي علاقة بموضوع البوست وعنوانه!!
ثم إن ردي كان علي إفادة الأخ أسامة كما هو موضح أدناه ، وهو رد يتعلق مباشرة بما إعتقده هو!!
Quote:
يمكنك أن تطارد شخصا ما هنا فى البورد وتحاول أن تقتص منه فى أمر قديم....
فيا أخى الكريم أنتبه لما تريد أن تنتقم وتستخف به من الأخ هشام هبانى...
|
علي كل شكرا علي لفت الإنتباه الي العودة لموضوع البوست ، عليه فإليك الأسئلة التالية وهي نفسها وجهت للأخ أسامة :
Quote: ١- كيف يجروء أحد وهو يجلس هانئاُ مرتاحاُ في معيشته ، لا يجد أدني مشقة في توفير لقمة عيشه أن يعتقد بأن بإمكانه تحريك أربعين مليون سوداني للقيام بثورة أو مظاهرة؟
٢- كيف يتصور هولاء أن أربعين مليون سوداني يوافقونه الرأي والفكرة وأن بإمكانه أن يحركهم وفق ما شاء وقت ما شاء؟
٣- ثم انه ، ما السبب في عدم توجههم الي الخرطوم وفوراُ للقيام بتلك الثورة؟
٤- مند متي كانت الثورة والمظاهرات تشعل بالإنابة ، فصاحب الفكرة أولي بفكرته؟
٥ - ألا توافقني الرأي ان طلب القيام بثورة أو مظاهرة لشخص يقيم في أقاصي الدنيا لشخص يكتوي بنار الواقع وله من الهموم ما تنوء بحمله الجبال ، لهو منتهي الأنانية إن لم يكن منتهي الجبن؟
٦- في رأيك ، متي سيتحرك هؤلاء المنظراتية ليوافق فعلهم عملهم؟
٧ - سأسالك سؤال مباشر وواضح وأرجو أن تجيبني بوضوح وشفافية وبشكل مباشر أيضا ، هل تستطيع أن تغادر أنت شخصيا للخرطوم فوراُ لقيادة مظاهرة أو إشعال ثورة؟ أريد أجابة مباشرة ومسببه.
|
أنتظر منك إجابات مباشرة وواضحة.
وشكراُ.
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: عاجل عاجل عاجل كلــــــبة تضاجع نملة أمام الجامع الكبير ، بتقدر تقول ليهو جنس كلامك ده؟ أها رأيك شنو؟
|
والله لو في زول فتح بوست زي دا يبقي معتوه
ومافي ايي سبب يحميني اقول ليهو يامعتوه
وانت ذاتكـ لو حاولت تقلدو تبقي معتوه زيو
وبعد كدة مفروض نحول اسم المنبر لي معاتيه اونلاين
لكن بالجد الممحني بوسيتكـ دا والله ماعرفلو جيهتن اوديهو عليها
ان قلنا جادي تبقي مصيبة
وان قلنا ظرافة منكـ ساي ماعندو اي علاقة بالظرافة
وان قلنا زعل مافي زعلن يخلي الزول يشاتر قدر دا
نان نقول شنو ....؟
عليك الله وضح افصح ابن ياخ
خالص الود
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: ياسر بيناوي)
|
Quote:
والله لو في زول فتح بوست زي دا يبقي معتوه
ومافي ايي سبب يحميني اقول ليهو يامعتوه
وانت ذاتكـ لو حاولت تقلدو تبقي معتوه زيو
وبعد كدة مفروض نحول اسم المنبر لي معاتيه اونلاين |
اتفتح وإنتهي ، وناس قريعتي راحت جات تتخفف وتتلفف وهاك يا قرقرة ، وشابكنو ليك : الله يجازي محنك ، وقطعت مصارينا من الضحك .... وهلم جرا.
خايفك تكون في نصهم انت ذاتك ، وما قدرت تقول بغم ، بالمناسبة لسه نفس العضو في حركاتو دي ، بس إنت أقعد أعمل لي ماشايف ونضارتي سرقوها وباقي الحنك العاضي داك!
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote:
لكن بالجد الممحني بوسيتكـ دا والله ماعرفلو جيهتن اوديهو عليها
ان قلنا جادي تبقي مصيبة
وان قلنا ظرافة منكـ ساي ماعندو اي علاقة بالظرافة
وان قلنا زعل مافي زعلن يخلي الزول يشاتر قدر دا
|
يا زول إنت المساخة ليك شنو؟
إنت وكت أصلك مخك تخين للدرجة المقعدك هنا شنو؟
بعدين تعال هنا : إنت باسورردك ده أدوك ليهو في مقايضة بي شوال بصل ولا شنو؟
المفروض يتم إعادة منح الباسووردات من جديد ، ويمررو الناس عبر جهاز كشف الغباء!!
الزول ده يا أخوانا بتظارف ولا طارح نفسو كزول قطيم وكده؟ ولا عامل فيها رب المساخة؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: إنت وكت أصلك مخك تخين للدرجة المقعدك هنا شنو؟
بعدين تعال هنا : إنت باسورردك ده أدوك ليهو في مقايضة بي شوال بصل ولا شنو؟
المفروض يتم إعادة منح الباسووردات من جديد ، ويمررو الناس عبر جهاز كشف الغباء!!
الزول ده يا أخوانا بتظارف ولا طارح نفسو كزول قطيم وكده؟ ولا عامل فيها رب المساخة؟ |
انت انا بتغابي ليه
عشان خايف يكون قصدكـ
اها عاد ان بقيت بالجد بتتظارف دابا المغسة بتشقني
واقعد اعضعض في اصابعي من الندم علي شوال البصل الراح شمار في عوارة
وتاني خالص الود
بالمناسبة يا ابو المفهومية والذكاء اللماح
انت خالص الود يعني شنو ...؟
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
| Quote: يا أخوانا ، خاشين علي رابع يوم في العيد ، لا حس ، لا خبر ، الدبارة شنو؟ نجيب ليكم ثوار مساعدين من الدول المجاورة ولا شنو يعني؟ |
يا زول لا حس لا خبر كيف؟
الظاهر عليك اوف لاين
نحن قمنا بالواجب وعملنا ثورة مبالغة امس كانت كانت اوفر نايت وبي ساون
وصورناها فيديو برسلها لهباني انزلها ليكم مع ثورات اليوتوب حقته ديك
ونرسلها مكتوبة لتراجي تنشرها في موقع ثورات اون لاين
وحاليا في غرفة عمليات منعقدة في ماسنجر هوتميل بنرتب لتحرك المباشر نحو القيادة العامة
وعملنا بحث في محرك قوقل عشان نجمع الثورجية لتولي قيادة الخطوط الامامية
بس انت علي اعتبارك قائد الثورة الجديدة لازم تكون بعيد لانك انت رمز للثورة اول ما نستلم القصر
بعمل ليك اشعار في الفيس بوك انت تجي تستلم طوالي
بس كان الكونكشن قطع ثورتنا تبقي اوف لاين
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote:
نحن قمنا بالواجب وعملنا ثورة مبالغة امس كانت كانت اوفر نايت وبي ساون
وصورناها فيديو برسلها لهباني انزلها ليكم مع ثورات اليوتوب حقته ديك |
كلامك ده بيأكد لي انكم لا ثورة أشعلتوها ، لا إذاعة حاصرتوها ، قول لي ليه؟
لأنو لو ده حصل المذكور عاليه كان ملئ لينا المنبر ببوستات علي نسق : فضيحة فضيحة فضيحة فضيحة فضيحة فضيحة عاجل عاجل عاجل عاجل عاجل عاجل عاجل عاجل و.....هلم جرا.
وبرضو كنت لقيت ليك عناوين علي نسق : التحية للبورداب البواسل ، لحدي هنا مهمتكم إنتهت ، باقي الشغل خلوهو لينا ، لمن نحتاج ليكم بنعمل ليكم مس كولات.
| |
|
|
|
|
|
|
|
|
|
Re: عاجل عاجل عاجل إلي بورداب الخرطوم : الرجاء إشعال الثورة حالا! (Re: Mohamed Abdelmotalib Hassan)
|
Quote: بس انت علي اعتبارك قائد الثورة الجديدة لازم تكون بعيد لانك انت رمز للثورة اول ما نستلم القصر
بعمل ليك اشعار في الفيس بوك انت تجي تستلم طوالي |
آي بالله ده الكلام الصح ، أخوك ما بقدر علي الحراية وســــخـــانة السودان الصعبة ديك ، خلوني في الطراوة دي لحدي ما الأمور تتسبك تمام وتبقي جاااااااااهزة حتن تعمل لي إشعار في فيس بوك ولا رسلو لي بالدي اتش الـ . وإن شاءالله ستجدني من الحاضرين.
بس في حاجة ، لما أجيكم وأمسك القيادة ، البروفايل بتاعك لازم تشوف ليهو طريقة تضايرو كده ولا كده ، عشان ما أزعل منك!!
| |
|
|
|
|
|
|
| |
Mohamed Abdelmotalib Hassan
Tragie Mustafa
عصام دهب
nazar hussien
خالد عبد الحليم سعيد
ناذر محمد الخليفة
معاوية عوض الكريم
البشير دفع الله
معروف حمدين
زهير عثمان حمد
ياسر بيناوي
محمد إبراهيم علي
Ahmed musa
وليد عبد اللطيف
أسامة خلف الله مصطفى
بدر الدين اسحاق احمد
باسط المكي
7abib_alkul
فيس بوك
تويتر
انستقرام
يوتيوب
بنتيريست