|
Re: قمة الديمقراطية .. العوج رأي والعديل رأي ..... (Re: ود الباوقة)
|
*********
يا ود الباوقة ... الناس قالو كلام القصير ما بتسمع إلا النهار يحمى .... من زمان قلنا العوج مو راى او بالأحرى الراى العوج لا يعمل به ... يعنى باطل ...والتالى العبارة فقدت مضمونها ...
" العوج راى والعديل راى " البندقية أم روحين والطلقة الفشنك
Quote: كثير من الأخوة يأتون بمفاهيم ظنا منهم انها صائبة ويتقبلها العامة كما هى ، لكن بعد تدقيقى فى العبارة التى ترد دوما كتوقيع فى مؤخرة كل بوست لصديقنا عضو البورد كانتونا وقفت عندها كوقوفى حاملا البندقية (( أم روحين )) كما يطلقون عليها ومعى طلقة (( خرطوش )) واحدة تقبع فى احد الفتحتين (الماسورتين ) لبندقيتنا العزيزة . ففى هذه الحالة تكون الروح او الماسورة الأخرى للبندقية فى لحظتها تلك عديمة الجدوى وببساطة لانها فارغة من مايسمى بالذخيرة وعليه يأتى التعويل على الماسورة الأخرى (( العديل راى )) لانها هى التى ستنطلق فتصيب الهدف. اما الذخيرة (( العوج رأى )) فهى دائما ذخيرة كما يسميها الجند (( الذخيرة الفشنك )) لا تصيب لكنها ستأثر على من يعتقدون فى إحتمالية صحتها فيساعدون فى نشرها دون وعى أو إدراك لكنهها . لان (( قلة الشغلة كما يقولون تخلى الواحد ينقى القش )) ولانى اليوم جعلته خالصا لحوشنا فى سودانيز أون لاين بعد انغماس عميق فى تلافيف الورق وظروف الأمتحانات جاء هذا البوست لأقول فيه لاخى العزيز جدا كانتونا العبارة جميلة لكن ناقصة المعنى وكما رددت فى بوست سابق كان الأحرى بك ان تقول العديل رأى والعوج رأى والأخير لا يعتد به وغير سارى المفعول تحت اى ظرف من الظروف برا، بحرا، جواء، ارضا أو إسفيريا سودانيزاونلانيا ، وانما جاءت به الأقدار – العوج رأى- ليكون وزنا قافيا لما اردت ان اقوله نمة خريفية. وأحيانا آتسال يا ربى سيكون رأى من هذا؟ وهو مملوء إعوجاجا من ظفر القدم الى شعر الرأس. وبعد كل هذا لو تفضل الآخ كانتونا بان يجعل من شعاره العوج راى مرفوض،، والعديل رأى مرغوب،، وعملا بالسنة تقديما للميامن على المياسر، يفضل تقديم عبارة العديل راى على العوج رأى على اسوأ الفروض . وليكون رد الأخ كانتونا فيما بعد مبنيا على مفهوم (( العديل رأى )) والعوج رايا لزولا أهوج ،،، انا عارف عجبتك القافية وضحكت حتى بدت نواجزك . *******
لك العتبى يا رجل ..... انا عارفك زول ضو قبيلة ،، والرجالة طولة بال ،،، وأخوك ان سوى ليك الشينة سويلو السمح وخليهو ،،، ان شعرت بانى تكيت عليك شديد قشها لى فى وشى المكودب دا ،،،، بس بخاف عليك وانت ماسكلك عكاز قفل (( قاف وفاء مفتوحتان ولام مسكونة خفقة ورشاقة )) شجر تمتاز اعواده بخفة الوزن وهشاشة البنية وعلى الرغم من ذلك تمتاز العيدان بسرعة إشعال النار (( نار المفراكة حين يذهب الكبريت فى نزهة )) حينها لا خيار الى القفل كأحسن الخيارات ((لتحميش النيران)) ويضرب المثل بأن فلانا قفلة فى عدم القدرة على تحمل الشدائد التى تزيد شدتها عن ما لا يطيقه سرج الحمار لانه ايضا يصنع من شجر القفل تخفيفا لما يحمل عليه إجمالا من وزن .
شفت قلة الشغلة دى كيف يا كانتونا ..... (( ياخى قول لى فى داعى لدا كولو اصلو دى عبارة ولا فيلم هندى ... كرهتنا البورد ... معاك حق بس أنا اعمل شنو ؟؟ ما عندى حاجة الليلة اعملا،،، لازم اعمل حاجة ،،، وهى لكن ما لقيتلك زولا فى البورد لوسيع دا كلو تكاجرو وتزازي غيرى ... بس كدا اتجاه واحد ما بفهم اكتر من كدا ))
حجاتك ما بجاتك ... قالو بيطلع من الوطاة بعد اربعين يوم و ان ما عضى زول ما برتاح ....يعنى بيطلع سعران تب !!! غايتو على ذمتم فى ناس بيقولو دى ام مديشينة وواحدين بقولو الدقر وكلهم بكتلو.....والله مشكلة ياخى كبيرة
*****
تسلم يا رجل |
|
|
|
|
|
|
|
العنوان |
الكاتب |
Date |
قمة الديمقراطية .. العوج رأي والعديل رأي ..... | ود الباوقة | 09-02-10, 10:51 PM |
Re: قمة الديمقراطية .. العوج رأي والعديل رأي ..... | ود الباوقة | 09-02-10, 11:06 PM |
Re: قمة الديمقراطية .. العوج رأي والعديل رأي ..... | ود الباوقة | 09-02-10, 11:22 PM |
Re: قمة الديمقراطية .. العوج رأي والعديل رأي ..... | ibrahim alnimma | 09-02-10, 11:40 PM |
Re: قمة الديمقراطية .. العوج رأي والعديل رأي ..... | ود الباوقة | 09-02-10, 11:59 PM |
Re: قمة الديمقراطية .. العوج رأي والعديل رأي ..... | ادريس خليفة علم الهدي | 09-02-10, 11:41 PM |
Re: قمة الديمقراطية .. العوج رأي والعديل رأي ..... | ود الباوقة | 09-03-10, 00:01 AM |
Re: قمة الديمقراطية .. العوج رأي والعديل رأي ..... | معاوية الأرباب | 09-02-10, 11:52 PM |
Re: قمة الديمقراطية .. العوج رأي والعديل رأي ..... | ود الباوقة | 09-03-10, 00:03 AM |
Re: قمة الديمقراطية .. العوج رأي والعديل رأي ..... | Alshafea Ibrahim | 09-03-10, 00:09 AM |
Re: قمة الديمقراطية .. العوج رأي والعديل رأي ..... | عبدالكريم الامين احمد | 09-03-10, 00:50 AM |
Re: قمة الديمقراطية .. العوج رأي والعديل رأي ..... | salah awad allah | 09-03-10, 00:57 AM |
Re: قمة الديمقراطية .. العوج رأي والعديل رأي ..... | Ashraf el-Halabi | 09-03-10, 01:26 AM |
Re: قمة الديمقراطية .. العوج رأي والعديل رأي ..... | ود الباوقة | 09-04-10, 00:56 AM |
Re: قمة الديمقراطية .. العوج رأي والعديل رأي ..... | ود الباوقة | 09-03-10, 12:56 PM |
Re: قمة الديمقراطية .. العوج رأي والعديل رأي ..... | ود الباوقة | 09-03-10, 01:23 AM |
Re: قمة الديمقراطية .. العوج رأي والعديل رأي ..... | ibrahim alnimma | 09-03-10, 01:46 AM |
Re: قمة الديمقراطية .. العوج رأي والعديل رأي ..... | Deng | 09-03-10, 01:59 PM |
Re: قمة الديمقراطية .. العوج رأي والعديل رأي ..... | isam elzein | 09-03-10, 03:06 PM |
Re: قمة الديمقراطية .. العوج رأي والعديل رأي ..... | معاوية الأرباب | 09-03-10, 07:31 PM |
Re: قمة الديمقراطية .. العوج رأي والعديل رأي ..... | عبدالكريم الامين احمد | 09-03-10, 09:38 PM |
Re: قمة الديمقراطية .. العوج رأي والعديل رأي ..... | ود الباوقة | 09-04-10, 01:04 AM |
Re: قمة الديمقراطية .. العوج رأي والعديل رأي ..... | ود الباوقة | 09-04-10, 00:58 AM |
Re: قمة الديمقراطية .. العوج رأي والعديل رأي ..... | ود الباوقة | 09-04-10, 00:53 AM |
Re: قمة الديمقراطية .. العوج رأي والعديل رأي ..... | الرشيد البصيلى | 09-03-10, 10:45 PM |
Re: قمة الديمقراطية .. العوج رأي والعديل رأي ..... | Amani Al Ajab | 09-03-10, 10:54 PM |
Re: قمة الديمقراطية .. العوج رأي والعديل رأي ..... | Amani Al Ajab | 09-03-10, 10:57 PM |
Re: قمة الديمقراطية .. العوج رأي والعديل رأي ..... | حذيفه ابراهيم الكباشي | 09-03-10, 11:33 PM |
Re: قمة الديمقراطية .. العوج رأي والعديل رأي ..... | ود الباوقة | 09-04-10, 03:38 PM |
|
|
|