يا نذير و الله بكري ( أبلصعة ) براءة من تهمة التونسية إلا في تهمة تانية ما ظنيتو ينجو منها . . . غايتو كان في شكوى يكون هو - مشترك مع طارق الامين - الاوحوا لي بالصلعة النضيفة دي . .
انا بخير يا شباب . . . مشاغل الدنيا بس تجبرني اخالف وعدي و اتلوم معاكم
09-01-2010, 02:26 PM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
مشتاقين يا قيقا وتصوم وتفطر على خير تصدق لما ما شفتك في إفطار ناس جدة قلت الزول دا إتوسع في مشروع بيع العدة وباع الإقامة مع الكمبيوتر! مصادرنا في جدة قالت صلعتك دي استباقية "كتلوك ولا جوك جوك" و"بيدي لا بيد موية الملح" ايني وي: مبروكة وإن شاء الله تفرح فوقا (آكشولي تحتها)
09-01-2010, 07:15 PM
cantona_1 cantona_1
تاريخ التسجيل: 01-04-2003
مجموع المشاركات: 6837
كباشي حبابك اخوي و حباب الحكمة السودانية الاصيلة دي يا ريت نعيها و نبقى عليها و نبطل ديمقراطيات الخواجات الما جايبة حقها دي ، و لا بتجيب مريسة تامزينو ذاتو !!
رمضان كريم . . تصوم و تفطر على خير و عيدك سعيد بإذن الله
09-01-2010, 09:31 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: مشتاقين يا قيقا وتصوم وتفطر على خير تصدق لما ما شفتك في إفطار ناس جدة قلت الزول دا إتوسع في مشروع بيع العدة وباع الإقامة مع الكمبيوتر! مصادرنا في جدة قالت صلعتك دي استباقية "كتلوك ولا جوك جوك" و"بيدي لا بيد موية الملح" ايني وي: مبروكة وإن شاء الله تفرح فوقا (آكشولي تحتها)
يا هالابي !! ياخ و الله العظيم يا هلا بي و بيك * عدييييييل كدا صدقت يا هالابي ياخ . . الصلعة دي شكلها حتماً لا قراراً . . بالضبط كدا زي الرفاق الذين سبقونا في درب الحفيان دا / د. أمين و البدري - حيث البدر هناك بالكوم بايناً فوق الرأس و جوّة قلبو - و بكري و طارق الامين . . . و حسن اولئك رفيقاً .
ياخ عا########ي انقليزيتك دي شديد ** . . اضيفا لسجل الاعجاب السابق ياخ شكرن لوجودك هنا يا حبة
بالمناسبة كلمتك ؟ انزلناك منزلة الحبيب من الليلة و انت طالع
---------
دي ترجمة لـ " السلام عليكم و رحمة الله و بركاته " بلغة الخلايجة ؤ كدا
** لنا عودة للحتة دي بالذات مع " معلم بياض " احسن استاذ أيـvـر ، و أحسن استاذ انقليزي في ثانويات كوستي و أحسن زول ذاتو . . المافي شنو ؟ و هو سبب النحتة " اسليب وز هيم " دي ذاتا . . . ياخ كل يوم " بايتة معاهو " . . حيرنا ذاتو
09-01-2010, 08:41 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
د. أمين و انا " ماي نك وذ ذا إسكاي "* من الصنقعة ياخ
امين يا خال و الله العظيم كمية من الشوق لا قبل لكم بها . . . دعها ساكت بس
-----------
* بشرح ليكم دي بس تاني تذاكروا براكم ** :
" ماي نك وذ ذا اسكاي "
ورد في صحيح قيقا راوي انها تعني " رقبتي معسّمة " و في رواية ضعيفة " رقبتي مع السماء " و دي ضعفها الراوي السوبر ، لانها ترجمة حرفية و ليست حريفة ، و لضعف سندها و انعدام وجود ثقات في سلسلة الرواة . و الله اعلم
** قيقراوي مركب مكنة دكتور محمد الحسن سليمان . . الجا لحدي جدة و ما قال عووك
09-01-2010, 08:53 PM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: قالوا لى حتيتو جنس حتيت فى بيت الفنون ومصادر اخرى تقول انكم اخدتو ركن قصى يصعب على كاميرات المصوريين الوصول اليه
بس كلو مسجل عندنا وماعليكم الا الاعتراف ..شفت التهديد دا كيف ؟
قالوا !؟ محض تخرصات ليس إلا انا زول عندي دقن ، و مغطيهو كويس ! . . و المغطي دقنو ما برقس . . . او كما قال بيت الشعر ( الجاهلي ) و لا هو مسل يا ربي !؟ غايتو عني كنت في مهمة عائلية ابوية تربوية : بعلم بتي واحد من ( فنون ) البهجة . . العزابة زي ناجي الملك و كمان معاهو سامي الزبير فوق ام كم ؟
Quote: اوع تكون كاميرتك ميد ان جاينا برضو؟
من ناحية جاينة ؟ . . . جاينة و نص و خمسة كمان اولاد جاينة ما خلو لأولاد الحلال حاجة ما سوو ذيها . . نسو شنو ؟ لكن ابششششششششرك . . توجد كمية من الصور بس في مشكلة واحدة عاوزين إذن مكتوب . . . ما تجينا تهمة نشر صور فاضحة كمان . . . لأنو يظهر فيها - بعض الصور - فيها البدري - حيث يحمل البدر فوق راسو مباشرة - و الزول دا حفيان رسمياً . . . راسو عريان كلو كلو
Quote: الواحد بعد دا ممكن يسلم ويسالك عن احوالك واسباب غيابك
الاجابة على كل فقرات السؤال التعسفي دا كلمة واحدة بس :
" نفسيات "
تقيلة شديد . . . المؤشر واقع خالص . . واصل الخط الاحمر عدييييييل كلو من عطارد . . . الله يرحمك يا جاكسون
انتو العذراء دا برج رجال أسي ؟
--------
تلك اتذكرتا :
اميرة مشتاقين ياخ
09-01-2010, 09:11 PM
SHIBKA SHIBKA
تاريخ التسجيل: 01-14-2009
مجموع المشاركات: 5759
يا شماتة حمور فيك يا ( شليق ) الشي شنو يا دكترة يفكوك من الشيعة تنقرن في الجمهوريين ؟ برضو تقول لي ما باحث عن الشهرة ؟
انا سميتك امين الباحث عن المتاعب
انظر للنص المليان من الكوب . . . كان دي كان ديك اهو طلعت ليك بلقب ( باحث ) في الآخر . . تضيفو لسلسلة القابك العلمية العميغة يا شليق
انقر شنو ؟
ياخ كيفني البرلوم ( محمد عبد الرحمن ) جنس كيف كيل ليك بالربع الكبير من ( الصطحية ) وما درى ان البحر ( أمين ) عميغ جدن جدن . . . لحدي آدم ذاتو و هو ما عندو زورق و لا عندو تجربة ذاتو !! . . . مجرد برلوم ساااااي
-------
كان نفسي اآزرك في محنتك البحثية دي . . لكن قلنا نقنع من التضامن بالصلع المرحوم عبد الوهاب على زمنكم كان بغني : " كم قصيرٌ هو العمر حتى نفنيه في النضال . . . في النضااااال . . في النضاااااااااااااال "
أحب سودانيز اون لاين أنا .. . و اموت ركن بي هنا ياخ !! سودانيز عالم جميل . . مش ح تإدر تغمض عينيك
09-05-2010, 12:39 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: الحقيقة يا أمين انا لا اعتقد انك باحث عن شهرة، او بطولة زائفة، فمن وجهة نظري الشخصية انت رجل اوقفه الله لبعث الفكرة الجمهورية، مرة اخري، بل الأمر ابعد من ذلك، فانت اشارة للجمهوريين (من وجهة نظري الشخصية) لمعاودة نشر الفكرة الجمهورية، فالأسئلة الجريئة التي تطرحها تتطلب اجابة جريئة،
الحقوا يا جدعان : امينكو طلع ( باعث ) عديل ما ( باحث ) ساي !!!!!
--------
فاتني ان اثبت ادعائي السابق بانو اميننا الذي نحب ( شليق ) و باحث عن المتاعب ، رياضياً
امين ياسمين باحث عن الشهرة . . .( 1 ) مريم الحسين امبن نوتة باحث عن المتاعب . . . ( 2 ) قيقا راوي
Quote: قيقا يا ظلامي يعلم الله مشتاااااقون ورمضان كريم عليك يا مان إفتقدناك وبـدشة في بوستات اللبع الاخيرة خش من طرف
ميادة الظلامية ازيك و رمضانك كريم
دشة و دشداشة و دشمان
ما تابعت و الله اللبع الاخير بشكل كويس لكن على العموم كدا خليني اقول ليكم : يا شماتة ابلة ظاظا و د.مصطفى فيكم بعد كل الميزانيات المرصودة ديك ما شايفين شغلكم زي الناس ! لمّا الجماعة يقوموا يضطروا يجيبوا لينا ضابط امن راسو عديل !؟ هم مالم تبيّن ليهم انكم اتيتوا لحوار و لا شنو ؟ تعرفي هنا مفترق طرق بين . . واضح .. محسوم كلو الا الناس اليديها ملطخة . . . هنا الفرق بين بلادة الحس الانساني و البلادة المعروفة ديك المتمسحة بديمقراطية كذوب حباب الحوار مع الكل . . لكن لكل بما هو أهله له . . و حوار الوالغين في دماء الابرياء في تارات الشوارع و الدم . . يحسبوهو لعب و لّ كيف ؟ . . . كل الدماء السالت و الارواح الفاضت لبارئها دي بح ننساها ياخ ! . . و عفا الله عما سلف ؟ . . . هنا و لّ في البلد الكلام دا ؟!!!
كلو الا ( ضباط الامن ) . . . لكن عااااادي لو سيد الفنايل شايف انو المكان دا بستوعبم ، نحن ما عاد في سدورنا سعة ، و عهودنا حية لشهداءنا ، ببساطة يقوم يكرمنا بنزع وديعتو زي ما اكرمنا بيها في اللول . . . الكلام بالوضوح دا
نحن رفاق الشهداء
نبايع الشهيد القرشي قائداً
نبايع السودان سيداً و نابيع الثورة والداً و ولدا
-------------
ديشاااااااااك !!! ناضلت عديل شكراً يا ميادة لاتاحة الفرصة
و رمضانك كريم و عيد سعيد
09-04-2010, 10:35 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
صديق اخوي اظنك قاعد بعيد شديد انت اظنو اتلخبتت عليك الصلع ساي !! . . انت قاصد حبيبنا د. أمين مش ؟ هآزول انا زول الله ساي . . و عقدي ( تقرأ باسورديني ) هنا مع بكري مونساتي بس
------- يسعدك ربي ان شاء الله . . يو ميد ماي ( كمّين ) كمينغ دييز ديل . . . يا زول و الله رفعت معنوياتي لمن قربت اصدق ذاتو !!
تسلم و يديك العافية و كل الفي مرادك قادر يا كريم و عيدك سعيد
Quote: يا عمكـ .. إنت ماخد البوست دا تقسيط ولّ شنو؟
ما طالعين بكفالة يا عمك ياخ !
كااااااااكـ
او كما قال
كل سنة و انت طيب يا عمك اجازة سعيدة ان شاء الله
---------
اتوقعتا منك بعد ما شت و لقيت شايت عمك الصائم بتاعنا ( الغير ) رشوا يا عمك . . . ياخ دا جا ليهو يومين كرهنا المنبر دا ذاتو . . . دا شنو دا ياخ ؟ انت بكري دا بجيب الناس ديل من وين ؟ ما كفانا صائم واحد كمان جاب واحد تاني !؟
09-08-2010, 06:55 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
أنا هنا يا صديقي : كعنقاء قد أحرقت ريشها لتظل الحقيقة أبهى.. وترجع حلتها في سنا الشمس أزهى وتفرد أجنحة الغد.. فوق مدائن تنهض من ذكريات الخراب !! أو كما قال أمل ! لا حوجه للاستئذان يا أشرف فكل إنتاجي الفكري و الأدبي و المعرفي موقوف لضخ الدم في منبركم هذا : عل الحياة تدب فيه يوما !!
------------ تعرف يا (أستاذ فتحي) : بجي يوم - و قريب ما بعيد - واحد من جرذان الاسافير بجيب لي كوتات لزي كلامي الفوق ده !!
09-08-2010, 10:15 AM
كمال سالم كمال سالم
تاريخ التسجيل: 02-13-2008
مجموع المشاركات: 4786
Quote: سلام كبير رمضان كريم و تحياتي للأسرة الكريمة و يعلم الله مشتاقين ربما نكون بطرفكم نهاية رمضان ( مع العيد )
سلامين يا ريس بالاكتر و الله و يا ريت نشوفك بجاي
Quote: يا مقطوع الطاري انت اصلك كنت غاتس وين
عشان ما يقولوا جاسفنا عمك . و قامت غرفتنا الطارة ، و ودونا الرجـch و العهدة على ود الصائم ( بالقديم ) - برضو - قلنا نظهر و ان تاتي متأخراً خيرٌ من الاتي ابداً مشتاقين يا طارق ياخ قلت لي العصفورة بتغني ساااااااااااااي خليها السنة الجاية و تعال نتلاقى هناك
Quote: وعليكم السلام ورحمة الله وبركاتــه
بدر الدين ازيك ياخ الغريبة السلام ياهو ذاتو في لغة المستنيرين و الظلاميين . . مش ؟
سبحان الله !!
Quote: وعليكم السلام ياقيقا
بحق....
افتقدك المكان
كن بالف خير
هارون دياب يا زول يا جميل و انا برضو افتقدت المكان دا فرصة سعيدة لاقيناكم وين الصور ؟
Quote: وعليكم السلام ورحمة الله وبركاته وحمد لله على السلامة وجدة منورة افتقدناك في الإفطار يلا جهز للعيد
جعفر محي الدين يا صديقي الله يسلمك ياخ جدة منورة بي الفيها . . و غييييييييييير الافطار ما كان في سكة . . و العيد اسي برضو للأسف و حظي الكعب ما اظن القى فرقة خليها على الله . . بنتلاقى . .
Quote: بوست هادف جداً يفشي السلام بين الاعضاء
اذاً من يكتب لقيقراوي الضحكنجي !!!!!.
ود الصايم ومعاوية عبيد شوفوا شغلكم مع ناهب هذا العقد(تقرأ الباس ويرد).
سفيان يا سفيان انت زول نقاااااااااش خلاس نعرش على كدا ؟ جوز اللوز ديل مفروض يعملوا ليهم فرقة - مديح - اسم ( الصائم ) ما سياحي مع فرقة غنائية لّ شنو يا ( " الصائم" ذا اورقينال ) يشوفوا شنو يا نابري . . ديل دراويش و لاقوا مداح مشتاقين يا حبيب . . . و عشان خاطرك تاني :
Quote: هلا وغلا
البصاص يا اخانا الراكوبابي العتيق سلام مربع ليك ياخ و للزمن الجميل داك ازيك ياخ
09-08-2010, 12:25 PM
haroon diyab haroon diyab
تاريخ التسجيل: 06-20-2007
مجموع المشاركات: 23215
وعليكم السلام ورحمة الله وبركاته يا قيقاراقي (شُفتَ دعاية باقة راقي من موبايلي؟ أها بَسْ.)
مشيت كريعات؟ إن فعلت فارفع تقريرك عن آثار الانسحاب من الانتخابات! فقد كان عندي بالمكتب أمس زولاً من ناس الشَرَفة حكى لي منفعلاً كيف أنّ الزهاوي قد لملم عِدَدو وساق معاو ولدو قبل ثلاثة أسابيع من الانتخابات لولا أن جاءه الفوز على طبق الانسحاب حين قيل له أنّ حزب الأمّة قد انسحب (أمّة شنو، يا زول، قول إبراهيم الأمين أما تسمع "إِنَّ إِبْرَاهِيمَ كَانَ أُمَّةً"). المهم يا سيدي؛ قالوا للـ...زول إبراهيم انسحب، قال جالك الفرج...شُفتَ الكُربة!
وإبراهيم الأمين رفيق صبا أبي وعمي بود الكاشف وهذه دائرة (انتخابية) كريعاتنا برّة منّها وإن كانت دائرة (اجتماعية) كريعاتنا في نصّها معفّرة من أثر الصقريّة بترابها.
حمداً لله على السلامة يا زول.
09-11-2010, 11:15 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا زول كدي خلك من السودان الشغيغ . . انا مشيت كايس المدد في الكبنانية الرئيسية ذااااتا . . الامية هناك في طيبة . . دار النبي الامي كل سنة و انت طيب و كل اهلنا في شرق الله البارد ، و في كل الشروق عموم . . اها قلنا العيد دا في شباك ابو فاطنة عديل . .
09-11-2010, 03:21 PM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
داليا الكباشى
osman righeem
النذير حجازي
معاوية عبيد الصائم
Ashraf el-Halabi
cantona_1
أمين محمد سليمان
khaleel
SHIBKA
خالد فهمي
البشير دفع الله
Abdlaziz Eisa
عادل عبدالعزيز عبد الرحيم
Siddig A. Omer
Elawad
mayada kamal
ibrahim alnimma
محمد البشرى الخضر
محمد عبد الماجد الصايم
ابو جهينة
طارق جبريل
بدر الدين اسحاق احمد
haroon diyab
جعفر محي الدين
سفيان بشير نابرى
أبو عبيدة البصاص
كمال سالم
فادية اليمني
صلاح أبودية
فيس بوك
تويتر
انستقرام
يوتيوب
بنتيريست