|
|
 يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,,
|
|
|
|
 
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
من يومين بحضر فى برنامج (بينى وبينك) ومقدمه الطيب الماجد
والفنان محمود تاور ومطربة اسمها ميرفت ...
وكان ضيف الحلقة كابتن طيار صديق عبدالجبار(اعتقد عضو البورد)
غنى محمود تاور اغنية يمة الشوق غلب ولحظتها غلبنى الشوق والكلام وكانما محمود تاور يعنينى بالاغنية
رفعت سماعة التلفون وجانى صوت امى كالعادة حنين ودافئ ....
قالت لى عرفتك يابت بطنى وياحتة منى انا ذاتى الشوق غلب ...
امـى انا بحبك ومشتاقة ليك .....
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
فى حضرة امى بغلبنى الكلام كما الشوق ...
بحبك يا امى ...
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
| Quote: امـى انا بحبك ومشتاقة ليك ..... |
اميرة ربنا يحفظ الوالدة ويديها طولت العمر ويخليكم ليها ....... ويجمعكم في خير
والدتي .. فاطنة بت احمد ....... رحلت منذ ستة عشر عاماً ولا زلت إشتاق إليها في كل لحظة وكل حين ...........
اللهم ارحمها واغفر لها واسكنها فسيح جناتك ...................
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: omer osman)
|
ياعمر عثمان ربنا يرحم الوالدة فاطنة بت احمد ويسكنها فسيح جناته ببركات الشهر الفضيل
زى ما قاعد تقول لى امى ياعمر عثمان ( ياحتة منى) هم مش حتة مننا هم كلنا شان كدا شوقنا
ليهم هو هو حتى لو رحلو وسابو الدنيا ...
ربنا يرحم الوالد ة
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
Quote: من يومين بحضر فى برنامج (بينى وبينك) ومقدمه الطيب الماجد
والفنان محمود تاور ومطربة اسمها ميرفت ...
وكان ضيف الحلقة كابتن طيار صديق عبدالجبار(اعتقد عضو البورد)
غنى محمود تاور اغنية يمة الشوق غلب ولحظتها غلبنى الشوق والكلام وكانما محمود تاور يعنينى بالاغنية
رفعت سماعة التلفون وجانى صوت امى كالعادة حنين ودافئ ....
قالت لى عرفتك يابت بطنى وياحتة منى انا ذاتى الشوق غلب ...
امـى انا بحبك ومشتاقة ليك ..... |
سلامات يا اميره الشيخ
ياسلام عجبني شديد البوست ده ..
ربنا يخلي ليك امك ويديها طولة العمر والصحه والعافيه يارب ..
والغربه انشاء الله تعقري ..!!
ـــــــــــــــــــ
ايمن تابر
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: ايمن التاج)
|
ايمن التاج ..سلاااااااااام وعساك طيب ..
تعرف فى الوقت دا دائما بكون بحضر برنامج اغانى اغانى وناس بيتنا برضو
غيرت القناة من النيل الازرق للسودان ولقيت يمة الشوق غلب وناس بيتنا برضو غيرو القناة فى نفس اللحظة
لما اتصلت على امى كانت عارفة ومتاكدة انى بحضر فى محمود تاور ....
حتى من غير ما اقول ليها بصوتى المخنوق والعبرة السادة حلقى عرفت انى بسمع فى يمة الشوق غلب
وقتها دموعى ودموعها كانو الحل ...
بحبك يا يمة ..
تحياتى يا ايمن
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
| Quote: بحبك ومشتاقة ليك ... |
انا زاتي يا اميرة بحبك ومشتاقة ليك ....ريبنا يجمعكم في ساعة خير
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: ريهان الريح الشاذلي)
|
| Quote: انا زاتي يا اميرة بحبك ومشتاقة ليك ....ريبنا يجمعكم في ساعة خير |
وانا وناس بيتنا بنحبك وانت عارفة كدا يابت ....
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
الأخت العزيزة أميرة الشيخ
رمضان كريم وشكرا خلى هذا البوست الرائع
ربنا يحفظ ليك الوالدة ويديها العافية ولكل الأمهات
وكذلك نسأله الرحمة والمغفرة للرحلن للدار لدار الآخرة.
تصدقي كلما أسمع الأغنية دي تغلبني الدموع مهما حاولت
وعملت إن كنت في البيت أو المكتب.
اللهم أعنا على بر والدينا
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: جعفر سومي)
|
Quote: ربنا يحفظ ليك الوالدة ويديها العافية ولكل الأمهات
وكذلك نسأله الرحمة والمغفرة للرحلن للدار لدار الآخرة.
|
امين ياجعفر سومى
Quote: تصدقي كلما أسمع الأغنية دي تغلبني الدموع مهما حاولت
وعملت إن كنت في البيت أو المكتب.
|
انا زيك تخيل .اى اغنية حنينة وفيها ام واهل بتبكينى
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
بنتنا العزيزة اميرة
تحياتي وكل عام وانت بخير
وربنا يخلي ليك الماما واديها طولة العمر والصحة والعافية
مع تحياتي لكل الاحباب القطراب
عمو هباني االتكاسي
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: هشام هباني)
|
Quote: تحياتي وكل عام وانت بخير
وربنا يخلي ليك الماما واديها طولة العمر والصحة والعافية
مع تحياتي لكل الاحباب القطراب
|
تسلم ياعمو هشام وكل سنة وانت طيب
وتحياتك للقطراب تصل
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
ترجعي لها سالمة غانمة بحول الله
تفرح بك الفرح الذي هو ( في خاطرها وفي مناها )
تربي أنجالك كما ربتك
هى فخورة بك
واثقة منك
غرست فيك كل جميل
وزودتك بكل ما هو أصيل
ثم بعد ذلك قدمتك لبلاد الغربة
تحياتي ومحبتي لها
وتحياتي ومحبتي لك أميرتنا الغالية
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عاطف عمر)
|
تحياتى اميرة كل عام انت وامك وكل امهات المسلمين بالف خير
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Hassan Senada)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد البشرى الخضر)
|
أميرة بت الشيخ .. سلام وتحايا ليك ولأمك .. وربنا يحفظكم لبعض ..
ويدي أمك طولة العمر يا رب ..
والله يا بت الشيخ كلامك هزاني من جوووووة ...
وعلى الرغم من إنه أمي متوفية من أكثر من عشرة سنين (الله يرحمها ويغفر ليها) ..
لكن كلامك خلاني اجتريت مواقف كتيرة معاها... كلها حنية وحنان وإحساس بالأمان معاها ..
الأم ما بتتعوَّض يا أميرة ... الأمو عايشة يبقى عليها عشرة .. يبرها ويختها جوووة عيونو ...
بالجد مشتاق ليها ...
الله يرحمك يا أمي ويجعل منزلك مع الصديقين والشهداء ...
شكراً يا أميرة على البوست الرائع ده ...
(عدل بواسطة عبد الله كسلا on 09-01-2010, 07:58 AM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عبد الله كسلا)
|
الاستاذ ..عبدالله كســــلا ...سلاااااااااام ..
ربنا يرحم الوالدة ويحسن اليها ببركات الشهر الفضيل
لمافتحت البوست فى بالى امهات كتار رحلو من الدنيا
فدمعت عينى قبل ارساله ...ولكن دى الحياة بتدى وبتاخد فى نفس الوقت
الام ما بتننسى يا عبدالله كسلا بطول المدة لانها فى القلب والعقل
وموجودة بكمية القيم الغرستها فينا ...
Quote:
الأم ما بتتعوَّض يا أميرة ... الأمو عايشة يبقى عليها عشرة .. يبرها ويختها جوووة عيونو ... |
بستغرب ياود كسلا فى زول يكون جافى مع امو ..مقصر مع امو ..برفع صوتو على امو ..ما بتواصل مع امو
وممكن يكون ساكن معاها فى حتة واحدة ... ياريت ..ياريت نبقى عليهن عشرة وفعلا الام ما بتتعوض
امى دى لو عندى طريقة ماتمشى فى الارض ما بخليها تمشى ...
تسلم ياعبدالله على الدعوات..... وسعيدة جدا انى اشوفك لاول مرة فى بوستاتى
تسم وشكرا كتير
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد البشرى الخضر)
|
الأخت أميرة الشيخ ،،
حقيقي البوست حرك المشاعر من الصباح ،،
عمر عثمان ،،
| Quote: والدتي .. فاطنة بت احمد ....... رحلت منذ ستة عشر عاماً ولا زلت إشتاق إليها في كل لحظة وكل حين ........... |
وأنا والدتي .. فاطنة بت علي أحمد ..... رحلت منذ تسعة عشر عاما .. ومازلت أفتقدها في كل لحظة وكل حين ...
تعرفو ،،
أنا كل ما أسمع (أمي .. الله يسلمك)
وأين ما كنت ،،
ألاقي عيوني تدمع ..
ربنا يطيل أعمار أمهاتنا الأحياء ،،
ويرحم من فقدناهن ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: ابراهيم محمد الحسن)
|
سلام يابراهيم محمد الحسن وعساك طيب
Quote: وأنا والدتي .. فاطنة بت علي أحمد ..... رحلت منذ تسعة عشر عاما .. ومازلت أفتقدها في كل لحظة وكل حين ...
|
ربنا يرحم فاطمة بت على احمد ويسكنها فسيح جناته .....
Quote: أنا كل ما أسمع (أمي .. الله يسلمك)
وأين ما كنت ،،
ألاقي عيوني تدمع ..
|
والله العظيم يابراهيم انا اى اغنية فيها سيرة الام دموعى ما بتقيف ..امى الله يسلمك ...شايلى الحليلى على المراح ...الشوق غلب
دى كلها اغنيات شعراءها يحسون ويعرفون قيمة الام ...
Quote: ربنا يطيل أعمار أمهاتنا الأحياء ،،
ويرحم من فقدناهن .. |
امين
وتسلم على المرور الجميل
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد البشرى الخضر)
|
ود البشرى ..سلاااااااااااااام
والله العظيم الننقطة دى اصدق تعبير ..
لما فتحت البوست كنت عاوزة اخت الاغنية وخلاص
لانو الكلام عن الام صعب وصعب شديد ...
تحياتى
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Hassan Senada)
|
وتحياتى ليك يا سنادة ولكل الامهات
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عاطف عمر)
|
|
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عثمان نواي)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد عبد الماجد الصايم)
|
Quote: الام لا اظن فى شئ يضاهيها فى القيمة والشوق وخاصة عندما نبتعد
عنها ولو لحين |
الاخ ..عثمان ..سلاااااااااااااام..
فعلا الام قيمتها كبيرة للبعرفها وبقدرها وبحسها ....
مرات كتيرة بكون جنب امى وبحس انى مشتاقة ليها
ونفسى ادخل جواها عديل
تحياتى واحترامى ,,,,
شكرا جزيلا للكلمات الجميلة وصادقة
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عاطف عمر)
|
Quote: ترجعي لها سالمة غانمة بحول الله
تفرح بك الفرح الذي هو ( في خاطرها وفي مناها )
تربي أنجالك كما ربتك |
امين ياعاطف ..
Quote: هى فخورة بك
واثقة منك
غرست فيك كل جميل
وزودتك بكل ما هو أصيل
ثم بعد ذلك قدمتك لبلاد الغربة
|
نفسى احكى ليك عن امى يا عاطف نفسى احكى واحكى واحكى لكن خايفة انى ما اوفيها حقها
نفسى احـكى ليك عن قوتها وضعفها
احــكى عن حنيتها
عن حكمتها
عن صبرها وطولة بالها وسعة صدرها
عن كرمها
عن محبتها للضيوف واحتفاءا بيهم
عن وضوحها وقوة حجتها
عن طريقتها فى التربية وتعتبر بالنسبة لى مدرسة فى حد ذاتها وانا المتخصصة فى علم النفس
ولا جناح المحنة المفرود ملايين الامتار ومغطينا واهلنا واصحابنا وجيرانا ومعارفنا من غير من ولا اذى ..
بريدك يا امى ,,,,
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
_
النجيضة يا بت الشيخ .. غلبتنا الكتابة!!
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد عبد الماجد الصايم)
|
احيييييييييييييييييي يا أميرة .. يشهد الله ..
مشتاقة لي .. حضنها .. ونستها.. ضحكتها ..نهرتها .. وفرحها.. وحزنها .. وريحتها ..
مشتاقة .. لي سريرها .. وغرفتها .. مشتاقه لى توبها التحت رأسها .. ومخدتها ..
مشتاقة .. لى قهوتها .. لى أكلها .. لى ترابها البتمشي عليه ..
مشتاااااااااااااااقه يا أمى يا خدوج .. الشووووووق غلب ..
أمي يا خديجة .. الله يرحمك ويغفر ليك ويبنى ليك بيت فى الجنة ويجعله ملتقانا ..
--------------------------------------------------------------------
أميرة .... أعذرينى ..
ربنا يحفظ أمك ويديها طول العمر وتسعدي بي شوفتها وتسعد بيك ..
بوصيك يا أميرة امك .. امك .. امك .. امك .. امك ....... مليار مره ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عفاف الصادق بابكر)
|
مرمر,,
ربنا يخليها ليك,, ويجمعكم في ساعة خير,,
ماجايه تعيّدي معانا؟
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amany Elamin)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: tmbis)
|
العزيز ..تمبس ...
رسالتك وصلت وصلت كاملة غير منقوصة واتمنى ان تجدها بخير وعافية
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amany Elamin)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: مرتضى احمد عبد القادر)
|
مرتضى .....
ياخ اقطع الشارع بس وامشى سلم على امى وقول ليها انى مشتاقة ليها ..
وشكرا على الرابط
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amany Elamin)
|
Quote:
مرمر,,
ربنا يخليها ليك,, ويجمعكم في ساعة خير,, |
ااااااااااامين ياامانى ويخلي ليك امك كمان
قريييب ياامانى كان الله هون بعد العيد
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عفاف الصادق بابكر)
|
Quote: احيييييييييييييييييي يا أميرة .. يشهد الله ..
مشتاقة لي .. حضنها .. ونستها.. ضحكتها ..نهرتها .. وفرحها.. وحزنها .. وريحتها ..
مشتاقة .. لي سريرها .. وغرفتها .. مشتاقه لى توبها التحت رأسها .. ومخدتها ..
مشتاقة .. لى قهوتها .. لى أكلها .. لى ترابها البتمشي عليه ..
مشتاااااااااااااااقه يا أمى يا خدوج .. الشووووووق غلب ..
أمي يا خديجة .. الله يرحمك ويغفر ليك ويبنى ليك بيت فى الجنة ويجعله ملتقانا ..
|
عفاف الصادق ...
الله يرحم امى خديجة ويحسن اليها بقدر ما اعطت وربت واحسنت التربية
اهو المحنة الفيك والتسامح هو ثمرة الغرس حق امنا خديجة
لها الرحمة ياعفاف بقدر ماربت واحسنت تربيتكم
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد عبد الماجد الصايم)
|
| Quote: النجيضة يا بت الشيخ .. غلبتنا الكتابة!! |
الله فى
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
تسلم الأم الجابتك يا أميرة
ربنا يخليها ليكم بكامل صحتها وعافيتها
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معاوية الزبير)
|
الأخت الفاضلة أميرة بت الشيخ .. بوست رائع مفروض الواحد يستفتح بيهو يومه
وربنا يحفظ ليك الوالدة ويديها الصحة والعافية .. ونحن زي ما قال ود الصائم
غلبتنا الكتابة ...
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عادل عوض بلال)
|
Quote: وربنا يحفظ ليك الوالدة ويديها الصحة والعافية .. ونحن زي ما قال ود الصائم
غلبتنا الكتابة ... |
امين ياعادل عوض بلال وفى حضرة الام حقيقة مافى كلام ممكن يعبر عننا
تسلم وتحياتى
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معاوية الزبير)
|
(عدل بواسطة tmbis on 09-01-2010, 12:27 PM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: tmbis)
|
كانت هنا يا بت الشيخ
كانت تملأ الكون فرحة
مشت يا بت الشيخ
مشت خلتني براي
اصبحت رقم على شاهد (5246)
ترقد هناك بسلام يا بت الشيخ
في أطراف المدينة
قتلني موتها
نفسي ارقد جنبها زي زمان يا بت الشيخ في العنقريب
نفسي تفليني يا بت الشيخ وتقولي كفاك ارجع يا الحبيب
نفسي القاها منتظراني في المطار زي زمان
اقالدها ونتباكى
الله يرحمك يا عشة بت ابو دية
بت الشيخ الله يحفظ ليك امك
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: طارق جبريل)
|
طارق جبريل + اميرة الشيخ
مالكم علينا والدنيا قبايل عيد
Quote: غنى محمود تاور اغنية يمة الشوق غلب ولحظتها غلبنى الشوق والكلام وكانما محمود تاور يعنينى بالاغنية
رفعت سماعة التلفون وجانى صوت امى كالعادة حنين ودافئ ....
قالت لى عرفتك يابت بطنى وياحتة منى انا ذاتى الشوق غلب ...
|
اكيد يا اميره هي بتكون مشتاقه اكثر منك لان لحظة انتِ لم تغيبي عن خيالها
اها شوق الامهات دا انا البعذبني شديد وليس شوقنا اليهم لان شوقهم هو الاكبر
ربنا يحفظكم لبعض يا اميرة
والله يرحم والدتكم ياطارق ويسكنه فسيح الجنات يارب
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: وليد عبد اللطيف)
|
اميرة الشيخ
رجعت ليك تاني معليش
ياخي بعد الافطار اتصلت على الوالده
وسمعت انها يوم امس لم تسطيع تحمل غسيل الكلى وهي اربعة ساعات
مرتين في الاسبوع وقضت ربع ساعة وتوقفت .
اها سألتها اخبارك شنو
قالت : انا كويسة وتمام التمام بس المشكله ياولدي الشوق
وشوف رغم الحال والعذاب التي تعاني منه بسبب المرض والشوق
هو هاجسها الاكبر الدنيا ضلمت قدامي وبكيت وتوقفت من الحديث معها
وتذكرت بوستيك دا ورجعت ليك تاني ..
( قلبي على ولدي وقلب ولدي على حجر )
اخخخخخ يا اميرة من الام
اللهم ارحم جميع الامهات الاحياء منهم والاموات
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: وليد عبد اللطيف)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Abdlaziz Eisa)
|
التجاني حاج موسى
أمى الله يسلمك
ويديكى لى طول العمر.
وفى الدنيا يوم ما يألمك
امى الله يسلمك..
أمى يا دار السلام
يا حصنى لو جار الزمان
ختيتى فى قلبى اليقين
يا مطمنانى بطمنك
أمى الله يسلمك..
خيرك على بالحيل كتير
يا مرضعانى الطيبة بالصبر الجميل
يا سعد أيامى وهناى
لو درتى قلبى أسلمك
أمى الله يسلمك ..
أنا مهما أفصح عن مشاعرى
برضو بيخونى الكلام
وقولة بحبك
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لى طول العمر
وفى الدنيا يوم ما يألمك
أمى الله يسلمك ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Abdlaziz Eisa)
|
[B] الأميرة .. بنت الشيخ سلام ..
كل عام وانت والوالدة الفاضلة .. حفظها الله بألف خير
لتكن هذه المحبة دافع لنا لنحبهـــم أكثر .. { خيرهم علينا بالجد كثير.. }
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: طه كروم)
|
يمه الشوق .. يمه الشوق .. يمه الشوق
لاحظت يا بت الشيخ إنو الأم والوطن في الأغنية دي حاجة واحدة؟
يا جامع الشتات تجمع.
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: أسامة عبد الجليل)
|
| Quote: يا جامع الشتات تجمع. |
آمين يارب
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Al Sunda)
|
تعرفي يا أميرة ...
بوستيك ده ذكرني قصة الراجل الأخذ امه وزوجته وأولاده عشان يفسحهم في ا لبحر بالمركب ...
وفي نص البحر .. المركب اتعرض للغرق .. ولمن كلهم بقوا في الموية ..
كان عنده فرصة ينقذ زول واحد بس معاه ... وإختار أمه .. (بالرغم من أهمية الباقين) ..
لكنه قرر ينقذ أمه لإنها ما بتتعوَّض ...
الله يخلي الأحياء من الأمهات ... ويرحم الأموات منهن ويسكنهن فسيح جناته .. يا رب ...
شكراً ليك مرة تانية يا بت الشيخ على هذا البوست الرائع ...
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عبد الله كسلا)
|
أميرة انت أكبر من الكلمات
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: سامي صلاح محمد)
|
سامى صلاح........
غلبنى اقول ليك شنو.؟
تسلم ياصاحب على حسن الظن
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: عبد الله كسلا)
|
| Quote: الله يخلي الأحياء من الأمهات ... ويرحم الأموات منهن ويسكنهن فسيح جناته .. يا رب ... |
امين ياعبدالله كسلا...
ومرورك الجميل يسعدنى
وشكرا ليك .....
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Al Sunda)
|
كلنا بنقول معاك ااااااااااامين يا السندة
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: أسامة عبد الجليل)
|
Quote: لاحظت يا بت الشيخ إنو الأم والوطن في الأغنية دي حاجة واحدة؟
|
بالضبط يا اسامة .....وهم فعلا حاجة واحدة
تسلم يا اسامة .......
ويمة الشوق غلب
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: طه كروم)
|
Quote: كل عام وانت والوالدة الفاضلة .. حفظها الله بألف خير
لتكن هذه المحبة دافع لنا لنحبهـــم أكثر .. { خيرهم علينا بالجد كثير.. } |
طه كروم ...سلام
تسلم على الدعوات وياريت نعرف كيف نحبهم اكثر واكثر
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Abdlaziz Eisa)
|
Quote:
أمى الله يسلمك
ويديكى لى طول العمر.
وفى الدنيا يوم ما يألمك
امى الله يسلمك..
أمى يا دار السلام
يا حصنى لو جار الزمان
ختيتى فى قلبى اليقين
يا مطمنانى بطمنك
أمى الله يسلمك..
خيرك على بالحيل كتير
يا مرضعانى الطيبة بالصبر الجميل
يا سعد أيامى وهناى
لو درتى قلبى أسلمك
أمى الله يسلمك ..
أنا مهما أفصح عن مشاعرى
برضو بيخونى الكلام
وقولة بحبك
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لى طول العمر
وفى الدنيا يوم ما يألمك
أمى الله يسلمك .. |
مابتكفى كل كلمات الدنيا للتعبير عن محبتنا للام لكن التجانى حاج موسى لو كتب اغنية امى الله يسلمك دى بس
لكفته....
شكرا ياعبدالعزيز عيسى ومرحبتين
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: وليد عبد اللطيف)
|
Quote: اميرة الشيخ
رجعت ليك تاني معليش
ياخي بعد الافطار اتصلت على الوالده
وسمعت انها يوم امس لم تسطيع تحمل غسيل الكلى وهي اربعة ساعات
مرتين في الاسبوع وقضت ربع ساعة وتوقفت .
اها سألتها اخبارك شنو
قالت : انا كويسة وتمام التمام بس المشكله ياولدي الشوق
وشوف رغم الحال والعذاب التي تعاني منه بسبب المرض والشوق
هو هاجسها الاكبر الدنيا ضلمت قدامي وبكيت وتوقفت من الحديث معها
وتذكرت بوستيك دا ورجعت ليك تاني ..
( قلبي على ولدي وقلب ولدي على حجر )
اخخخخخ يا اميرة من الام
اللهم ارحم جميع الامهات الاحياء منهم والاموات |
ارجع ياوليد تانى وتالت والبوست حقك والام هى الام
ابكيتنى ياوليد يشهدالله ..
يارب يارب تخفف عن والدتك
يارب يديها الصحة والعافية ببركة الشهر الفضيل
يارب يديها طولة العمر ياوليد ويخليها ليكم ويخليك ليها
يارب
يارب
يارب
يارب يا ما انت كريم
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: وليد عبد اللطيف)
|
Quote: اكيد يا اميره هي بتكون مشتاقه اكثر منك لان لحظة انتِ لم تغيبي عن خيالها
اها شوق الامهات دا انا البعذبني شديد وليس شوقنا اليهم لان شوقهم هو الاكبر
ربنا يحفظكم لبعض يا اميرة |
وليد عبداللطيف ...سلام..
شوق الامهات ..شوق الامهات .....شوق الامهات بالضبط ياوليد وشوفو موزع بين كم بنت وبين كم ولد؟
شوف بتكون شايلة هم كم واحد بعيد منها ونحن بنعذبهم اكتر مرات من غير ما نقصد ....
ربنا يحفظ ليك والدتك كمان يا وليد ويديها الصحة والعافية
(عدل بواسطة Amira Elsheikh on 09-04-2010, 06:05 AM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: طارق جبريل)
|
Quote: كانت هنا يا بت الشيخ
كانت تملأ الكون فرحة
مشت يا بت الشيخ
مشت خلتني براي
اصبحت رقم على شاهد (5246)
ترقد هناك بسلام يا بت الشيخ
في أطراف المدينة
قتلني موتها
نفسي ارقد جنبها زي زمان يا بت الشيخ في العنقريب
نفسي تفليني يا بت الشيخ وتقولي كفاك ارجع يا الحبيب
نفسي القاها منتظراني في المطار زي زمان
اقالدها ونتباكى
الله يرحمك يا عشة بت ابو دية
|
يشهد الله مافى شئ بتقال ياطارق
الله يرحمها ..الله يرحمها
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معاوية الزبير)
|
Quote: تسلم الأم الجابتك يا أميرة
ربنا يخليها ليكم بكامل صحتها وعافيتها |
وتسلم يا معاوية الزبير
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
عارفه يا مرمر ..
الحاجة اليومين ديل كل ما أضرب ليها تقول لي أديني عموري النكلمه ..
أقول ليها دقيقة يا حاجة النسلم عليك أول ..
تقول لي كدي أدوني عموري أول بعدين النسلم عليكم ..
تاني تسألني أها إنتو جايين متين ..
أقول ليها لسه يا حاجة علينا شويه ..
تقول لي خلاص جيبو لي عموري وإنتو أقعدو ..
أها وفي الإجازات نكون قاعدين معاها في البرندة بتاعته ..
أقوم أشاغله ليك يا حاجة البنيات ديل ولا بعرفن يسون الجبنة ..
تقول لي أنا لما كنت كويسه ما بسويها ليك هسي ما عيانه ..
أقول ليها خلاص تاني نهائي ما بشربه كان ما سويتيها لينا بيديك ..
وذكريات حلوة كتير يا مرمر ..
يعجز الواحد من كتابتها هنا ..
الله عليك يا أميرة قدرتي تهبشي جوانا بالغالية ..
ياخي إنتِ فيك حنية تملأ الدنيا دي كلها ..
ربنا يخلي ليك الوالدة ويمد في أيامها ..
أدعو لأماتنا في كل صلاة بأن يمتعهن ربنا بالصحة والعافية ..
ولكل أماتنا الفارقن الفانية المغفرة وجنة عرضها السمؤات والأرض ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معتصم دفع الله)
|
اميرة الشيك...
يربنا يلمك بالحجة وناس البيت في اجمل ساعات الخير
ويا بت الشيخ كل ما اقول اخش ليك بوست النهنيك برمضان القاك متجرسة أهو رمضان زاتو شتت
يا بت والله بقيتي حنينة اكتر من طارق جبريل
ياخوانا الغربة كان حارة كدة خلوها وتعالوا...
عموما يا اميرة كل سنة وانتي وناس البيت طيبين ومن هسة عيدك كريم ولو حتقعدي تسكـلبي كدة.
يامو...
عموري ده رسلوه لحبوبته،صدقني بتكون متجرسة اكتر منكم ذاتو
يا جماعة في شنو...استهدوا بالله
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: GamarBoBa)
|
. زولاً ستر حالَه.... في الغُربه البطّاله
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد فضل الله المكى)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد فضل الله المكى)
|
يخليها ليكم يا أمورة ويديها الصحة والعافية وتشوفيها قريب
كل سنة وإنتي وهي بألف خير ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: تيسير عووضة)
|
Quote: يخليها ليكم يا أمورة ويديها الصحة والعافية وتشوفيها قريب
|
اااااااااااااامين ياتيسير وتسلمى يارب
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد فضل الله المكى)
|
سلام
الإنسان الذي يفقد أمه باكراً هو من يحس بعمق شديد بالألم.. هو أكثر من يعرف أهمية الأم
اليتيم من فقد أمه!!
طيب الله ثراك يا أمي وألجقك بالصديقين والشهداء..
معليش يا بت الشيخ.. غصباً عني...
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Abdlaziz Eisa)
|
Quote: لإنسان الذي يفقد أمه باكراً هو من يحس بعمق شديد بالألم.. هو أكثر من يعرف أهمية الأم
اليتيم من فقد أمه!!
طيب الله ثراك يا أمي وألجقك بالصديقين والشهداء.. |
الله يرحم الوالدة ويحسن اليها يا عبدالعزيز
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: محمد فضل الله المكى)
|
| Quote: . زولاً ستر حالَه.... في الغُربه البطّاله |
ياوالدة سيبينى الجرارى راجينى
| Quote: . دي جِرسه ساااااااااي |
جرسة وجرررسة شديدة ياجنابو .....
بس الله كريم
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: GamarBoBa)
|
| Quote: يربنا يلمك بالحجة وناس البيت في اجمل ساعات الخير |
ااااااااااامين ياقمر امين ...
ماعندنا حاجة نعملها غير نتجرس.....
نتمناها ظروف وتعدى شان الجرسة ماتبقى دائمة ودا البخوف اكتر
شكرا ياقمر واستحملونا ياخ
(عدل بواسطة Amira Elsheikh on 09-06-2010, 07:39 AM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معتصم دفع الله)
|
Quote: عارفه يا مرمر ..
الحاجة اليومين ديل كل ما أضرب ليها تقول لي أديني عموري النكلمه ..
أقول ليها دقيقة يا حاجة النسلم عليك أول ..
تقول لي كدي أدوني عموري أول بعدين النسلم عليكم ..
تاني تسألني أها إنتو جايين متين ..
أقول ليها لسه يا حاجة علينا شويه ..
تقول لي خلاص جيبو لي عموري وإنتو أقعدو ..
|
معتصم يامعتصم .....
تعرف من كلامك الفوق دا بتثبت مقولة انو الام بتولد مرتين ....
يعنى اسى امك حتكون مشغولة بعمورى زى انشغالها بيك واكتر
وبتكون شايلة هم انكم ممكن ماحتعرفو تتعاملو كويس معاهو او ممكن تقصرو
معاهو صم وير لانعدام الخبرة ,,,, الامهات عظيمات يامعتصم
Quote: ها وفي الإجازات نكون قاعدين معاها في البرندة بتاعته ..
أقوم أشاغله ليك يا حاجة البنيات ديل ولا بعرفن يسون الجبنة ..
تقول لي أنا لما كنت كويسه ما بسويها ليك هسي ما عيانه ..
أقول ليها خلاص تاني نهائي ما بشربه كان ما سويتيها لينا بيديك ..
وذكريات حلوة كتير يا مرمر ..
يعجز الواحد من كتابتها هنا ..
|
شفتها الذكريات دى هى البتجهجه .. اخواتى يقولو لى كل مانعمل
حاجة امى تقوليهم لا اصلا اميرة مابتعملها كدا ..ولو اميرة فى كان
حصل ..لو اميرة فى كان اسى يكون كدا ودا المتعبنى يا معتصم
مابتمر لحظة غير نحن نكون فى بالهم ....
ربنا يقدرنا نحبهم ونبرهم ....
Quote: الله عليك يا أميرة قدرتي تهبشي جوانا بالغالية ..
ياخي إنتِ فيك حنية تملأ الدنيا دي كلها ..
ربنا يخلي ليك الوالدة ويمد في أيامها ..
أدعو لأماتنا في كل صلاة بأن يمتعهن ربنا بالصحة والعافية ..
ولكل أماتنا الفارقن الفانية المغفرة وجنة عرضها السمؤات والأرض .. |
تصدق يامعتصم امى دى فيها حنية لو قسموها على العالمين دى لغطت وفاضت واظن دا جزء من حنيتها
امين يامعتصم ربنا يخليهم ويحفظهم يارب
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
Quote: فى حضرة امى بغلبنى الكلام كما الشوق ...
بحبك يا امى |
ربنا يخليها ليك يا بت الشيخ و يجمعك معاها قريبا
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Nader Abu Kadouk)
|
أميره الاميره..
ياخ والله جرستينا ونحن قراب من (الام)..
أعظم من (رحيق) الشمعه
وأكبر من مدي التزكار
الطف من (حفيف) الدف
وأعمق من طقوس (ألزار)..
أروع من حديث الحب
وامتع من سلاما حار
ومشتاقين والله..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: naeem ali)
|
لهاالرحمة امي .
وتسلمي اميرة علي الكلام الجميل وجميع المتداخلين.
الام ذلك الكيان العظيم والركن الشامخ الذي ناؤي اليه لنستفئي بظله ونحتمي به من عوائق الدهر وصوادف الايام.
هي المراة الوحيدة التي تشعر دائما امامها بصغرك وضألتك وطفولتك مهما كبرت ستظل ذلك الطفل في نظرها.
المراة التي تحمل مخزونا ضخما من الحنان والود والعطف والشفقة مالو حمله غير قلبها لنآء بحمله.
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Mutwali Malik)
|
هسي يا أميرة البنات ديل كلهن الشايفنهن قدامنا ديل
لمّن يكبرن حا يكونن أمهات بالعظمة دي
شان نديهن قدرهن وحقهن من هسي
يعني سلمى بتي المفعوصه دي أعاملها على هذا الأساس من الآن ؟
وللا الأم بتكتسب (حاجتها) دي في مرحلة معينة؟
قولي انتي بأااه
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معاوية الزبير)
|
شوفي الزمن يا يمه ساقني بعيد خلاص
جرعني كاس
دردرني اتغربتا واتعذبتا
يا يمه وريني الخلاص
يا يمه يا نور الصباح وكتين يطل
يا يمه يا بدري البيشع دايما بيهل
يا يمه يا فيض الحنان الما كمل
وآآ شري يا زينوبه ولدك
في دروب الشوق كتل
محروم من الحب والمحنه وراك همل
يا يمه يا نغما حنين بالشوق يرن
وافكاري فيهو بيرتعن
دمعاتي تاني بينزلن
بيتذكرك يا يمه في الدقش
النسايمو يهبهبن
قايمي الصباح متكفلتي
شايله الحليلي علي المراح
جبتي اللبن بي انشراح
والساعة ديك يا دوبو
ديكنا بدأ الصياح
والطير صغارو بيغردن
بيتذكرك يا يمه في ساعة الهجير
صالاكي نار الدوكي عستيلنا الفطير
رشيتي قلتي اكلوهو خير
بيتذكرك يا بسمه الطفل الغرير
وقت الخلوق ترقد تنوم
بسهر برايّ مع النجوم
والشوق يرف جنحينو
بي فوق ليّ يحوم
اهتف باسمك في الخيال
طيفك كمان من فوقي جال
اتمني لو لحظات يدوم
لكني فجأة القاهو زال
يا يمه يا بحر الموده وقت يفيض
يا يمه يا شمعه امل زادت وميض
بيتذكرك لما الناس يجونا من البلد
ناعم ترابها علي هديماتن رقد
ريحة التمر فوق الهدوم
ريحة الخضار خانس لبد
بيتذكرك ساعة الناس يقولو راجعين البلد
رصوا الهديمات عدلوا
ركبوا اللواري وقبلوا
خلوني وحدي بلا انيس
كيفن فراق اتحملو
لمن يجوكي ويقولو ليك
شفناهو في بلد الامان
يا يمه رسلي ليّ عفوك
ينجيني من جور الزمان
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: هويدا شرف الدين)
|
Quote: شوفي الزمن يا يمه ساقني بعيد خلاص
جرعني كاس
دردرني اتغربتا واتعذبتا
يا يمه وريني الخلاص
يا يمه يا نور الصباح وكتين يطل
يا يمه يا بدري البيشع دايما بيهل
يا يمه يا فيض الحنان الما كمل
وآآ شري يا زينوبه ولدك
في دروب الشوق كتل
محروم من الحب والمحنه وراك همل
يا يمه يا نغما حنين بالشوق يرن
وافكاري فيهو بيرتعن
دمعاتي تاني بينزلن
بيتذكرك يا يمه في الدقش
النسايمو يهبهبن
قايمي الصباح متكفلتي
شايله الحليلي علي المراح
جبتي اللبن بي انشراح
والساعة ديك يا دوبو
ديكنا بدأ الصياح
والطير صغارو بيغردن
بيتذكرك يا يمه في ساعة الهجير
صالاكي نار الدوكي عستيلنا الفطير
رشيتي قلتي اكلوهو خير
بيتذكرك يا بسمه الطفل الغرير
وقت الخلوق ترقد تنوم
بسهر برايّ مع النجوم
والشوق يرف جنحينو
بي فوق ليّ يحوم
اهتف باسمك في الخيال
طيفك كمان من فوقي جال
اتمني لو لحظات يدوم
لكني فجأة القاهو زال
يا يمه يا بحر الموده وقت يفيض
يا يمه يا شمعه امل زادت وميض
بيتذكرك لما الناس يجونا من البلد
ناعم ترابها علي هديماتن رقد
ريحة التمر فوق الهدوم
ريحة الخضار خانس لبد
بيتذكرك ساعة الناس يقولو راجعين البلد
رصوا الهديمات عدلوا
ركبوا اللواري وقبلوا
خلوني وحدي بلا انيس
كيفن فراق اتحملو
لمن يجوكي ويقولو ليك
شفناهو في بلد الامان
يا يمه رسلي ليّ عفوك
ينجيني من جور الزمان |
الاغنية دى بتقطع القلب عديييييل ياهويدا ..
تسلمى .
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معاوية الزبير)
|
Quote: هسي يا أميرة البنات ديل كلهن الشايفنهن قدامنا ديل
لمّن يكبرن حا يكونن أمهات بالعظمة دي
شان نديهن قدرهن وحقهن من هسي
يعني سلمى بتي المفعوصه دي أعاملها على هذا الأساس من الآن ؟
وللا الأم بتكتسب (حاجتها) دي في مرحلة معينة؟
قولي انتي بأااه |
حيكبرن ويكونن امهات وبالعظمة دى يامعاوية لو كانت التربية سليمة والبيت مليان حنية ومحبة
بالاضافة لغريزة الامومة الاصلا موجودة ....
سلمى(المفعوصة ) دى انت لو ركزت معاها بتلقى عندها سلوك امومى عفوى وتلقائى
ومن الممكن يظهر فى حتات بسيطة وصغيرة جدا من ضمنها ممكن يكون اهتمامها بيك بصورة
او باخرى وبتفاصيلك الصغيرة صغيرة..وعلاقتها بامها وباخوانها الشباب الصغار ..
ربنا يخليها ليك يارب
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Mutwali Malik)
|
Quote: الام ذلك الكيان العظيم والركن الشامخ الذي ناؤي اليه لنستفئي بظله ونحتمي به من عوائق الدهر وصوادف الايام.
هي المراة الوحيدة التي تشعر دائما امامها بصغرك وضألتك وطفولتك مهما كبرت ستظل ذلك الطفل في نظرها.
المراة التي تحمل مخزونا ضخما من الحنان والود والعطف والشفقة مالو حمله غير قلبها لنآء بحمله. |
صح لسانك وتسلم يامتولى مالك
ربنا يرحم الوالدة ويحسن اليها ببركة الشهر الفضيل
(عدل بواسطة Amira Elsheikh on 09-09-2010, 08:43 AM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: naeem ali)
|
Quote: أعظم من (رحيق) الشمعه
وأكبر من مدي التزكار
الطف من (حفيف) الدف
وأعمق من طقوس (ألزار)..
أروع من حديث الحب
وامتع من سلاما حار
|
نعيمنا ياسيد (المحنة)
محبتى ليك وللبطن الجابتك يا(حنين )
(عدل بواسطة Amira Elsheikh on 09-06-2010, 07:47 AM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Nader Abu Kadouk)
|
| Quote: ربنا يخليها ليك يا بت الشيخ و يجمعك معاها قريبا |
امين يانادر
امين ينادر
وتسلم كتير
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
Quote: يامو...
عموري ده رسلوه لحبوبته،صدقني بتكون متجرسة اكتر منكم ذاتو |
قمر بوبا يا صاحب ..
كل سنة وأنت طيب والعيد يتبارك عليك ..
نعيد عليك قبل الجميع ..
كلامك صحيح والمثل بقول أعز الولد ولد الولد ..
رغم إنو الحاجة عندها أحفاد كثيرين ولكنها تحب عموري حب شديد ودا من حبها لينا ..
يديك العافية يا حبيب ..
مرمر يا عسل ..
المره الفاتت ضيعتي علينا شراب القهوة مع الحاجة والدتك ..
غايتو المره الجاية ولا بشتغل بيك على (شيطون) عدل والبيت طوالي 
عارفه لو نظرنا حولنا ونحن في الغربة اللعينة دي بنلقى روحنا ضيعنا أحلى سنين عمرنا ..
الزمن المفروض نكون قريبين من والدينا وأهلنا ولكن نقول شنو دي قسمتنا ..
ربنا يرد غربة الجميع ..
ويديك العافية ويخلي ليك الوالدة ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معتصم دفع الله)
|
الاخت اميرة الشيخ .. سلام
بوست جميل ويحمل كثير من الحنين يا سلام يمة الشوق غلب
تسلمى يا اميرة
وتسلم جميع الامهات ...
مودتى ..
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: خالد درق)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: صديق عبد الجبار)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: صديق عبد الجبار)
|
كابتن صديق عبدالجبار ..سلام وكل سنة وانت طيب
طبعا من يوم شفت الحلقة كان نفسى اسالك دا انت ولا تطابق اسماء
بس مالقيت طريقة ولا مناسبة .. و ماشفت ليك صورة قبل كدا شان اتاكد
طيب بنيت ظنى دا على شنو ؟
1/تطابق الاسماء
2/ المهنة ودى عرفتها لما تداخلنا مع بعض فى البوست بتاعى(مرحبا بكم على طيران الكونفدرالية)
وقتها زكرت انك كابتن طيار ....وانا بتاعة تربيط فطوالى ربطت بين الاتنين ..
كدى دا انت ولا تطابق اسماء ومهن ... عشان اعلق تعليقى
فى الحالتين ليك التحية والتقدير
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
Quote: كدى دا انت ولا تطابق اسماء ومهن ... عشان اعلق تعليقى
فى الحالتين ليك التحية والتقدير |
يا ني أنا ذاتي يا بت الشيخ .. وأنتي ما تعلقي تعليقك بس ، وبعدين تعرفي ، أوعى أكون كنت ثقيل الظل بس ... ومع عاوزين مجاملة .. !!
بعدين إيه رايك مش راجل قيافة ..؟؟
كل ستة وأنتي وجميع الأهل والأسرة وكل الأحباب بخير وصحة وعافية ..
تحياتي
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: صديق عبد الجبار)
|
كابتن صديق عبدالجبار ....تحياتى
اولا بركة الطلعت دا انت ياخ لانو بالجد الحلقة كانت جميلة وكنت مية مية رزانة وثقة بلا حدود كما فى كتاباتك بالضبط
المضيفة كانت ضعيفة فى الحوار رغم محاولات الطيب عبدالماجد التلقينية ...(بتكرر كلام الطيب زى ماهو)
الاسم زايد الطريقة الخاطبتنى بيها فى بوست (طيران الكونفدرالية ) خلتنى اتخيلك ستينى او سبيعنى مش شباب قدر دا ومشاءالله عليك
تحياتى ليك و واحترامى وكل سنة وانت بخير والف عافية ..
_________________________________________
اول مرة اشوف الفيدو كليب بتاع يمة الشوق غلب وشكرا كثيرا لحضورك الجميل
هنا وفى التلفزيون
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: خالد درق)
|
تسلم ياخالد يادرق ....المولود مبروك ويتربى فى عزك وبين احضان امو
| |
|
|
|
|
|
|
|
|
|
Re: ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
كل عام والوالدة وكل الاهل والاحباب بالف خير
| |
|
|
|
|
|
|
|
|
|
Re: ,,,,,,,,,,,,,,,,,,,,,,,,,,,,,,,, (Re: البدري عبد الله)
|
البدرى ؟
كل سنة وانت طيب ياخ
____________________________
نلم السجاد الاحمر دا ولا كيف ؟
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معتصم دفع الله)
|
Quote: المره الفاتت ضيعتي علينا شراب القهوة مع الحاجة والدتك ..
غايتو المره الجاية ولا بشتغل بيك على (شيطون) عدل والبيت طوالي
عارفه لو نظرنا حولنا ونحن في الغربة اللعينة دي بنلقى روحنا ضيعنا أحلى سنين عمرنا ..
الزمن المفروض نكون قريبين من والدينا وأهلنا ولكن نقول شنو دي قسمتنا ..
ربنا يرد غربة الجميع ..
ويديك العافية ويخلي ليك الوالدة .. |
ابو عمورى العسل*
ياخ انت الضيعت شراب القهوة.. جاى الساعة 60 وعايز تشرب قهوة ؟
حاديك تلفون الحاجة ذاتها يامعتصم وياريت تمشى وتزورها وتشرب معاها القهوة
وبتفرح جدا باصحابنا وبعلاقاتنا زى فرحها بينا ..
يارب يرد غربتنا جميعا
____________________________________
منعا للتشويش يامودة العسل راجعة لعمورى ما لا ابوه
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
الغريبة امبارح تمت اعادة نفس الحلقة
كالعادة انتقلت من النيل الازرق للسودان لقيت
محمود تاور بردد فى يمة الشوق غلب
يمة الشوق غلب ليك ياحنينة وللبلد
وياربى فرج كربتها وماليها غيرك نصير
اتاكدت انى المقصودة وماعندى تفسير تانى
(عدل بواسطة Amira Elsheikh on 09-09-2010, 09:17 AM)
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Nader Abu Kadouk)
|
Quote: اولا بركة الطلعت دا انت ياخ لانو بالجد الحلقة كانت جميلة وكنت مية مية رزانة وثقة بلا حدود كما فى كتاباتك بالضبط
المضيفة كانت ضعيفة فى الحوار رغم محاولات الطيب عبدالماجد التلقينية ...(بتكرر كلام الطيب زى ماهو)
الاسم زايد الطريقة الخاطبتنى بيها فى بوست (طيران الكونفدرالية ) خلتنى اتخيلك ستينى او سبيعنى مش شباب قدر دا ومشاءالله عليك
تحياتى ليك و واحترامى وكل سنة وانت بخير والف عافية ..
_________________________________________
اول مرة اشوف الفيدو كليب بتاع يمة الشوق غلب وشكرا كثيرا لحضورك الجميل
هنا وفى التلفزيون |
يا بت الشيخ والله العظيم دي شهادة أعتز بيها جداً .. وكثيرة علي شوية .. كتر ألف خيرك .. وربنا يديم العلاقات الجميلة وكل سنة وأنت وكل من تعزين وعلى رأسهم الوالدة الغالية بخير وصحة وعافية ، وربنا يخليها ليك ويخليك ليها قادر يا كريم ..
وإنشاء الله المرة دي الهلال رايح يواصل رحلة "طائرة الكونفدرالية" all the way وح يهبط بسلام وينقل الكاس إلى أمدرمان بإذن واحد أحد .. وعلى الجميع ربط الأحزمة .. !
تحياتي وتقديري لكي ولضيوفك الكرام .. وكل عام والجميع بخير
صديق أبوفواز
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: صديق عبد الجبار)
|
الاخت اميره الاميره ربنا يخلي ليك ماما
لقايت ماتبقي ماماوتعيشو متحانبن متوادين
باره بوالديك ويديكم العافيه
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: حسن النعمان)
|
الصباح اتصلت بي ناس بيتنا للمعايدة
الوالدة قالت ماشه الصلاة
بعد رقاد طويل بسبب أمراض الكبر المتلاحقة
فِرحتَ فرح الأعياد لي حدّها السابقة واللاحقة
إن شاء الله اتصلتي علي أمك ولقيتيها كويسه
وللاّ انتي زي ناس خليل وشبكة وناس جدة بتكوني نايمة هسه
عيدك مبارك
| |
|
|
|
|
|
|
|
|
 Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: معاوية الزبير)
|
|
| |
|
|
|
|
|
|
|
|
|
Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, (Re: Amira Elsheikh)
|
ورده لكل الامهات
بمناسبه حلول عيد الفطر المبارك
اميره كل سنه وانتى واهلك طيبيين
| |
|
|
|
|
|
|
| |
omer osman
ايمن التاج
ريهان الريح الشاذلي
جعفر سومي
هشام هباني
عاطف عمر
محمد البشرى الخضر
عبد الله كسلا
ابراهيم محمد الحسن
عثمان نواي
محمد عبد الماجد الصايم
عفاف الصادق بابكر
tmbis
مرتضى احمد عبد القادر
معاوية الزبير
عادل عوض بلال
طارق جبريل
وليد عبد اللطيف
Abdlaziz Eisa
أسامة عبد الجليل
Al Sunda
معتصم دفع الله
GamarBoBa
محمد فضل الله المكى
Nader Abu Kadouk
naeem ali
Mutwali Malik
هويدا شرف الدين
صديق عبد الجبار
البدري عبد الله
خالد عبد الحليم سعيد
فيس بوك
تويتر
انستقرام
يوتيوب
بنتيريست