|
سلامـــــتك ابو رغيم ,, يا سمح يا زين
|
سيدي .. وتاج راسي,, حبيبي دوما وابدا ,, اولي .. واخري بدايتي,, وسدرة منتهاي قوتي ,, ونقطة ضعفي بسمتي ,, وسر هناي تاريخي,, وامان مستقبلي عزتي .. وسر شموخي برية سلامتك .. سلامة قلبك .. يا عافيتي قلبك .. دا ما القلب البجرسو شوق,, الا بيبكي لما يشوف مابين الخلق في خلوق ماخده طباعا من الغابه شايلة ضميرا ماشة السوق وتاني بيبكي لما يشوف مابين الحقوق في حقوق نزلت من سماها زلال وطارت من تحت لفوق ,, قلبك البلد .. والنيل برية سلامتك .. يا دافي ,, يا كافي يا مليان حنية وريد يا زول ,, يا صاح برية سلامتك .. يا زوق ,, وحنين يا دخري يا زين برية سلامتك .. يا طيب القلب.. واهم من يظن ان للمحبة وجه واحد .. لاني بك اكتشف كل صباح وجه للمحبة.. وكل وجه يحتاج لاكثر من قلب لاستيعابه فلاعجب ان يرهق هذا القلب .. من فرط المحبة فـ .. برية سلامتك .. شرك مقسم فوق الدقشم يا مقنعي .. وتوب غتاي يا ضلي ,, وضراي يا خزيني ,, وراكزتي وعكاز عماي برية سلامتك .. يا صنديد.. يا جبل البركل .. يا نيل يا نخل .. يا سامق ياقوتي .. وشدة حيلي برية سلامتك .. لمن تطيب,, الواطة بترضى على السما ,, وبصالح المطر الحراز ,, وبديني تأشيرة وجواز ,, لي كل مطارات الهنا و برية سلامتك .. لمن تطيب.. القمرة بتزغرد ,,والنيل بسير عريس ابقى عافية وفرح الدنيا و.. برية سلامتك .. ملعون ابو التدخين ,, والسهر والكيزان والهنود البرايين والمنافقين .. وسارقي المال العام و بيرقر كينج ,, وكيت كات شنكي ولا ما شنكي وبرية سلامتك .. بركة اللانام لااكل الطعام وبركة من صلى .. وقال يا الله يا عثمان يا ود امنة لا تضوق هم لا غم لا اه ويشفيك ويتم عافيته ونعمته عليك ويخليك ويحفظك بقدر محبتي ليك بقدر تعبك معاي ومع اولادك بقدر حبك للناس وبقدر حبك للبلد .. ببركة الطاهرة حبيبتك .. امي امنة .. ببركة حبها ليك ,, وخوفها عليك بقدر شفقتا بقدر ما صلت بقدر ما دعت وبقدر دموعا الطاهرة يشفيك ويعافيك ويحفظك ويديك لمن يرضيك .. فتحيتك يا وطني
|
|
|
|
|
|
|
|
Re: سلامـــــــــــــــــــــــــــــــــــــــــــــــــــــــــــــــتك ابو رغيم ,, يا سمح يا (Re: كمال سالم)
|
Quote: سيدي .. وتاج راسي,, حبيبي دوما وابدا ,, اولي .. واخري بدايتي,, وسدرة منتهاي قوتي ,, ونقطة ضعفي بسمتي ,, وسر هناي تاريخي,, وامان مستقبلي عزتي .. وسر شموخي برية سلامتك .. سلامة قلبك .. يا عافيتي قلبك .. دا ما القلب البجرسو شوق,, الا بيبكي لما يشوف مابين الخلق في خلوق ماخده طباعا من الغابه شايلة ضميرا ماشة السوق وتاني بيبكي لما يشوف مابين الحقوق في حقوق نزلت من سماها زلال وطارت من تحت لفوق ,, قلبك البلد .. والنيل برية سلامتك .. يا دافي ,, يا كافي يا مليان حنية وريد يا زول ,, يا صاح برية سلامتك .. يا زوق ,, وحنين يا دخري يا زين برية سلامتك .. يا طيب القلب.. واهم من يظن ان للمحبة وجه واحد .. لاني بك اكتشف كل صباح وجه للمحبة.. وكل وجه يحتاج لاكثر من قلب لاستيعابه فلاعجب ان يرهق هذا القلب .. من فرط المحبة فـ .. برية سلامتك .. شرك مقسم فوق الدقشم يا مقنعي .. وتوب غتاي يا ضلي ,, وضراي يا خزيني ,, وراكزتي وعكاز عماي برية سلامتك .. يا صنديد.. يا جبل البركل .. يا نيل يا نخل .. يا سامق ياقوتي .. وشدة حيلي برية سلامتك .. لمن تطيب,, الواطة بترضى على السما ,, وبصالح المطر الحراز ,, وبديني تأشيرة وجواز ,, لي كل مطارات الهنا و برية سلامتك .. لمن تطيب.. القمرة بتزغرد ,,والنيل بسير عريس ابقى عافية وفرح الدنيا و.. برية سلامتك .. ملعون ابو التدخين ,, والسهر والكيزان والهنود البرايين والمنافقين .. وسارقي المال العام و بيرقر كينج ,, وكيت كات شنكي ولا ما شنكي وبرية سلامتك .. بركة اللانام لااكل الطعام وبركة من صلى .. وقال يا الله يا عثمان يا ود امنة لا تضوق هم لا غم لا اه ويشفيك ويتم عافيته ونعمته عليك ويخليك ويحفظك بقدر محبتي ليك بقدر تعبك معاي ومع اولادك بقدر حبك للناس وبقدر حبك للبلد .. ببركة الطاهرة حبيبتك .. امي امنة .. ببركة حبها ليك ,, وخوفها عليك بقدر شفقتا بقدر ما صلت بقدر ما دعت وبقدر دموعا الطاهرة يشفيك ويعافيك ويحفظك ويديك لمن يرضيك .. فتحيتك يا وطني |
مافي اعظم من كده و حقيقه ماقريت اجمل من كده اول مره اعرف انو الاحاسيس ممكن تتكتب دا اجمل احساس يا ابو رغيم
من ام رغيم ربنا يحفظكم لي بعض , تقوم بالسلامه يارجل ببركة هذا الشهر الكريم
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: Amira Elsheikh)
|
Quote: كان يوم الجمعة بيننا كالنحلة، استقبل الكل ببشاشة عند مدخل المصعد، وكان كالوردة داخل القاعة، ينشر عبيره على الطاولات والجالسين حولهـا.
|
غايتو عين قووووووووووووية وأصابتك ..
بخري الراجل يا فتحية ..
الزول الجميل .. ما بستاهل ..
يلا قوم يا زعيمنا نحن فى انتظار الفرح منك ..
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: Amira Elsheikh)
|
Quote: بركة اللانام لااكل الطعام وبركة من صلى .. وقال يا الله يا عثمان يا ود امنة لا تضوق هم لا غم لا اه ويشفيك ويتم عافيته ونعمته عليك ويخليك
|
الف سلامة أجر و عافية إن شاءالله ربنا يتمم الشفاء و يطمنكم عليه
تحياتي يا بت الشامي و السلام أمانة لي ابو رغيم
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: Nader Abu Kadouk)
|
Quote: بركة اللانام لااكل الطعام وبركة من صلى .. وقال يا الله يا عثمان يا ود امنة لا تضوق هم لا غم لا اه ويشفيك ويتم عافيته ونعمته عليك ويخليك ويحفظك بقدر محبتي ليك بقدر تعبك معاي ومع اولادك بقدر حبك للناس وبقدر حبك للبلد
|
آمين يا شافي يا كافي يا معافي
اذهب الباس رب الناس أشف أنت الشافي لا شفاء إلا شفاءك شفاء لا يغادر سقماً
عاجل الشفاء للشقيق عثمان رغيم
أحمد الشايقي
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: أحمد الشايقي)
|
نسال الله العلى القدير ان يلبس ابو رغيم و آل ابو رغيم اثواب الصحة والعافية اللهم تولاه برحمة من عندك ببركات هذا الشهر المبارك واشفه وعافه شفاء لايغادر سقما
وتكفى كلمات صاحبة الحرف وحاملة نصف القلب وهى تناجى
يا طيب القلب.. واهم من يظن ان للمحبة وجه واحد .. لاني بك اكتشف كل صباح وجه للمحبة.. وكل وجه يحتاج لاكثر من قلب لاستيعابه فلاعجب ان يرهق هذا القلب .. من فرط المحبة
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: حامد محمد حامد)
|
أم رغيم كيفينك؟؟ ده شنو يختي الجاكم ده؟؟؟ خلعوتنا على ابو رغيم؟؟ سلامته ...وسلامة قلبه الكبير بحق.
الراجل ماشاء الله تبارك الله متألق في افطار بورداب الامارات قبال يومين....معقوله بس؟؟!!
الف سلامه ليه والله دي عين واصابتكم يا ناس الامارات ووقعت في بت عوض الكريم وبعدها ابو رغيم.... ربنا يشفيكم جميعا ويقوم ابو رغيم يا فتحيه بالسلامه فعلا الراجل صاحب القلب الكبير....ومهموم بالوطن.
Quote: ويشفيك ويتم عافيته ونعمته عليك ويخليك ويحفظك بقدر محبتي ليك بقدر تعبك معاي ومع اولادك بقدر حبك للناس وبقدر حبك للبلد
|
الاولى غايتو شهدتي بيها انت وربنا يمعتكم بلمزيد من محبته ورعايته.
والثانيه بنشهد بيها كلنا انه راجل شايل هم البلد بالحيل. ربنا يكثر لينا من امثاله.
وربنا يطمأن قلبك الملتاع.
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: فتحية شامي)
|
الحبيه امانى العجب شكرى الخالص لك ومحبتى والف سلامه ليك انتى
وتجدينى بالجد اسفه لانى عرفت بمرضك اخيرا نسبة لغيابى فى ظروف حاضه اتمنى ان تكونى بلغتى الصحه التامه عتمان الان بخير وقد غادر المستشفى تحياتى لدكتور محمد والاولاد
| |
|
|
|
|
|
|
Re: سلامـــــتك ابو رغيم ,, يا سمح يا زين (Re: خالد درق)
|
فتحية شامي كلي الحلو لاعين وعدوها تشوف و لا عين شافت لا في كلمات موصوفة لا حروف اتقالت و لا خاطر جال ولا افكار طالت دنيتي و جنتي وايامي الاذدانت بحضورك دائم ( يسعدني انك بت هواي من تبينا يا دوب شفع دقاق مغروسه في جواي ريد محفورة ساساتك غراق)
دعواتك مبروكات كانن حاضرات لاعبن المشارط ورطبن ايادي الجراحات دعواتك مبروكات بي جناح جبريل واصلات دعواتك مسموعات ومقبولات لانهن دعواتك الصادقات من جواك طالعات مابينن حاجز من رب السموات دعواتك مبروكات كانن حاضرات
| |
|
|
|
|
|
|
|